الراوية
مَهمَا كبِرَت الأنثَى، تَبقَى طِفلَة شَقِية.. لَا تَهدأُ
إلا بِأحضَان مَن تُحِب ..!
ورة حيطان ذيج الغرفة المتروكة ..على ثانية وتشتعل شعلة العشگ من جديد ...
جانت بين اديه وكل الي اتمر بيه جديد عليها لكن الغريب هي مشتاقة اله ومتعطشة يمكن اكثر منه .... !!
بدأت خفقات گلبها تقلقها من قربة ...وكأن هو قرة خوفها واكتفى فقط بحضنها بقوة ولهفة محب مخلي راسها على صدرة ومعتصرها يشم رحيقها ...وهي غركانه بنسيم اغوائة ..ابتعدت عنه فجأة وهي ترجف
" لا صالح لاا لا
وركضت لغرفتها عايفتة لوحده بذيج الغرفة المتروكة بلگب متروك ومحد يحس بيه
كعدت بغرفتها ...تبجي .. هي بدت تنجرف اله وفقدت السيطرة على مشاعرها . كالعادة زيارة شي مو مرغوب بيه بوقت مو لائق .
مع شخص غير ملائم الها !! الحيرة زادت اشلون تعوفه هسة وهي بأشد الحاجة اله .
اشلون تحمي نفسها من هذا الحب ...اساسا هي بس جسم محبوبته بالنسبة الة . هو عمرة ما يفكر بوحده مثلها دومه يضوج من تصرفتها
وصار العصر ...
نست بيرتا الحفلة والعقد وكلشي، حايرة بالدوامه الي هي بيها ، خابرت نياز وبعد حوار طويل دار بينهم "
" كتلج نياز شوفي حل
مكدر مكدر
نياز " لج اشبيج انثولتي ..اذا حبيتي خيرا على خير انت مرته واذا لا ، بعد شكو ظلي على الاتفاق
"لج اكولج بدى يسحرني .. لج هو حلو واختج ماتقوة على الحلوين ...حبابا شوفي حل .خل اجيكم وكلشي ماريد
"اي عادي تعاي
"نزار اشلونه
"زين ...كل يوم نحصل منه كفخه ونسيت اكلج كيكوا منتظر العطلة تخلص حتى يجيكم
"ياااااا رباه لج بعد احسن حتى يكون هو بينا وما نظل هيج
" وداعت كيكيوا هو رومانسي ؟
"لج يموووووت ناار خرب حظة شعل جدي
"السلام عليكم
وكع تلفونها بحجرها ابسرعه اخذته قفلته
وكالت
"وعليكم السلام
جانت مستغربة دخوله عليها لغرفتها ...هيج
فهم نظراتها وكال
' ناسيه الباب مفتوح ..
" م مدري ..
" اتفضلي ..بالحقيقة هذا الفستان جنت موصي ام غيث تحضره الج مع جهاز ندى .
"اهاااااا قياسي ؟؟؟؟
" ندى جابته الج ما اعرف
اخذته منه وهي طايره من الفرحه
"يلا اجهزي حتى انروح ...
هو طلع وهي سدت الباب ناسية تماما كلشي ..بدلت ولبست الثوب
كالت بأنبهار
"وووووواووووو اخبووول ووووواوووو ماهزا
افلش بالاسود ...
جان كاعد لابس ثوب ابيض رجالي . و عبائتة على متنة من غير عمامة ويسبح منتظرها تكمل
لبست حذاء برونزي وشال بلونه و ثوبها جان أسود ...طووويل جمالة بفيكاته جان خاص للمحجبات ..
باوع الها بأنبهار
"ما شاء الله ... كأنك بدر منور
ابتهجت بيرتا كلش فرحت ..اتموت على المدح والاطراء
حضرت بيرتا الحفلة .... رغم انهم كانو ملائمين لبعض ..لكن حست بيرتا ماكو انسجام بينهم
بالاخص من ناحية ....غيث ....
جانت حفلة عائلية بسيطة ...رجعت بيرتا للبيت وقبل ما اتبدل خابرت اسيل؛ بعد السلام
اسيل "لج وينج بذاته اليوم ليش ما أجيتي
" هههه لج ملتهين اليوم عقد غيث اكيد اتعرفيه والتهيت بيه
سمتت اسيل مجرعة مرارة الخبر .. وكملت بيرتا
" ياي لج يخبووووول يجنننننوووون احلى من العروس هههههه الو
الو
اسولة وينج
"وياج ..
اكلج جان فرحان ؟؟؟
" ما اعرف ...مثل خالة ما يبين عليه شي لكن ابد ما ابتسم بالحفلة .بس ندى حيييل فرحانه
"ندى بت خالة؟؟
"اي
"اهه يلا هي امه رادتها اله من البداية
"اكولج سوسو حبابه اذا اتعرفين عنوان دكتورة نسائية زينه ارسلي الي . دحس نفسي اعاني من اشياء ..
"هااا حمل ؟؟؟
"هههه لا بس كأني مريضه
"يبوو سلامتج حبي يلا مضطرة اروح مع السلامه
نهت المكالمة ابسرعه اسيل .. جانت بحاجة حتى تفرغ حزنها على غيث ....
ثاني يوم خابرت صالح لا يجيها لكنه اصر ياخذها . حبت أصرارة عليها وكالت اله الحقيقة هي اتريد اتروح للطبيبة مع اسيل ..لكنه اصر اكثر يجي ياخذها بنفسه
على التلفون
"صالح صدكني ماكو شي..خلني اروح ويه اسيل
"لا راح اجي اني حتى أطمن عليج
" هاااا . صالح ابصراحه مرضي نسائي و ....
سكتت خجلة
"وان يكن أنت مرتي . جاي
وغلق الخط
بيرتا " !!!!! !!!!
طلعت من مركز الرعاية كعدت يمة في السيارة
"مرحبا
"اهلا ...
عند اي طبيبة حجزتي
"عند ...........
،
طلعت من العيادة واخذت العلاجات من غير ماتشرح لصالح شي .. وهو ما حب يحرجها اكثر بس سألها كلشي تمام وهي طمنته ..
جان عدها مشاكل بسيطة وهي الي مأخرة الحمل بالسابق ....
........
كاعد يقرأ بمكتبة كالعادة وبعدها يريد يطلع ...اجت العفريته وبيدها صحن فواكه
"هاي ..
مارد
" اتفضل ...
وقدمت كدامه الصحن
"شكرا الج ..لكن . ما اريد اخذيه الج واتركيني .مشغول ..
" مممم هم تطلع اليوم ..
كعدت كدامه وحطت ايدها على حنچها
"اي
"بس اني ما اريدم تطلع .صالح اخاف وحدي .
" نامي بس اطلع
"هم اخاف انت تعرف عايف قمر بالبيت يعني اشلون ينطيك گلبك اتعوفه وحده
سد الكتاب وكال
" قمري ما يخاف من الليالي ويسرح قائد للنجوم
سكتت وكامت وكفت يمة
"صالح ليش ما تاكل فواكه
" ما الي نفس
"لا حتى بغير وقت انت ما تاكل وهذا شي مضر . اخذت تفاحه وقربته اله
"اكول
وابتسمت اله ........نزل ايدها وكال
"راح اروح .
ما ابتعدت عن طريقة واقتربت من حجرة وكالت بتحدي
" مممما لو تاكلها لو اشوف مني شي ما شايفه ترة اني عنيده
ابتسم ابتسامة ساخرة منها
" روحي يابنت نامي
"خوش لعد ...!!
اتحدتة وكعدت على حجرة مقربة من حلكة التفاحة وسط تعجبة من جرأتها غريبه هاي البنية بكلشي عن وهج ... شنو من جرأة عدها .اكل منها قضمه بسيطه مغصوب من هاي العفريته ... بس طعم التفاحة هذي خاص وكلش طيب
ابتسمت وبدت توكل بيه وهو عينه بعينها
قربت حلكها من اذنه وكالت
"هسا تمام يا صالح ... ارجع للحياة ما احب اعيش ويه اموات ترة اموت .
كامت من على حجرة وراحت لغرفتها حتى اتنام ....
كأنها مصرة اتعذبة ..
طلع من البيت ...يباوع للسماء ....وانرسمت اله صورة اعيونها و وجه الها كلام
رفقا بقلب الحر ياوهجي
فأني لدفئ حنانك ارتجي
فقد نسيت روحي وغيرت منهجي
ولقيتك كالماء في بحر لجي
اتعبتني كالموج يغدو بمده
ويعود بجزر عابس الاوجهي
بعدها همست لنفسه
"عن اي وهج اتكلم اني !!!! هذي مو وهج ....؟!!!
....
بيرتا بغرفتها "
" " عجيبة يا بيرتا شنو هاي الرغبة العجيبة الي اتخليني بس اروح اله واتقرب منه واتمنى الكلام وياه واستفزازة .... اف اني دعذبه للرجال ومايصير اسوي هيج ..لكن غصبا عني .. بعدين يا بيرتا انت ليش خايفه ما يمكن اكدرين اتغيريه واتعيشين احلى حياة وياه .. اي مدام عندي مشاعر اتجاهه ليش ابتعد عنه ..خل احاول واقلها اذا فشلت عاد اسمي حاولت ...
ممممم وهذا الشي يريحني ،
مدت الغطا ودخلت جواه مخططة لحياة جديدة مع صالح
الصبح . صحت متكاسلة حيل ،مطت أديها وتتثاوب ؛ وخرت شعرها عن وجهها وكالت
" ممم صالح رجع لو لا ؟؟
باوعت للساعه شافتها ب فوك ال9
"حييل ممم يلا هي المن تنراد الاجازة غير للنوم ..
هف اليوم جمعة حتى على الغده ماكو صالح . خل اشوفة موجود لو طالع ..
وكفت بنص البيت وكالت
" هووووف هوووف مالحكت عليه ..
..
رجع صالح للبيت جانت الساعه ال9 بالليل ...
شاف كل اضوية البيت مفتوحة ..
دخل وهو يسأل هاي العفريتة على شنو ناوية من شاف ميز الاكل مسحوب يم الشباك مال الصالة وهو مكانة بالمطبخ ؟؟؟
اتقرب عليه شاف ماعونين كدام كل كرسي وبين الصحون وردة وحده.بيضة و وحدة وردية ...
دخلت بيرتا ...وهو يباوع الها وظل صافن
على هيئتها
تمشي بخفة وتتمخطر بثوبها الاسود ..!!
جان ثوب صيفي قماشة كشمير؛ قصة صدرة دائرية صغيره مبينة منه رگبتها المرمرية البيضة
وردنه على شكل فراشة ومخصر على جهة الصدر والخصر ايضا وحتى من جوة مو عريض مزير على جسمها الرشيق اللي بدا يسترد عافيته
" اهلا صالح ....
'السلام عليكم
ردت بمرح
"وعليكم السلام والرحمة
"اها وصرتي اتردين السلام عدل بعد
حرك راسه برضا وكعد ...
" ممم شرايك بالتغيير
" ما اعرف لكن اشوكت اشترتيه ؟
"ههههه اشتريته من طلعت وية اسيل. ما قصدي الثوب اقصد على هذا الي كاعد انت عليه
"اها ليش جبتي الميز اهنا؟ ؟؟
"ممم شسوي انت عاشق لهالمكان مانكدر نكعدك غصب يمنا . واجينا احنه لحد عندك ...
انحت عليه خلته يتأمل ملامحها البشوشة وكالت
"روح غسل اديك على ما اجيب الاكل .!!
"زين تمام!!!!!!
؛
رجع صالح وشافها كاعدة تنتظرة
باوع للاكل جان على كل صحن قرص بيذنجان دائري محمص !!وعلية جبن و توابل .. ويمها خبزة شعير
"هذي شنو
"مممم هاي اكلة لذيذة .. اتفضل
كعد ما مقتنع ياكلها
بيرتا "ممم اشبيك ترة طيباااا وملاحظه هاي اكلة دايت . يعني وجبة نظامية
"زين هاي شنو گلي ؟
"لا
كالتها وهي تاكل
"هذي شوي ...
"شوي ؟!؟؟
"اي نعم ..
حطت الخبزة وكالت
"شوف صالح .. احنه ومثل ماتعرف انت راح انظل سنة مع بعض .
و مايصير انعيش مثل الاغراب
"اغراب !!!
"اي الصبح اتوصلني والضهر تاخذني . كل واحد بينا يحير بيومة لحد الليل تطلع واني انام والصبح تاخذني ...يااااي شنو هالممل ، وفاق الكريها اشوفها اكثر منك !!!!
حرك راسة وكال
" و الحل يا ست وهج ..اني هذي حياتي
" ممم بسيطا يا شيخ . يوم الك ويوم النا !؟
" لغز هذا !!!
اشرت بيدها وكالت
" احم شوف اشرح الك لكن بعد ما ناكل لان اكلتي بردت ..
ابتسم اله بود وبدا ياكل ..
لاحظته بيرتا اكله كلها بنهم
"الحمدلله
خلصت هي الثانية
"جيد ما اتوقعت طعمها بهذا الشكل . شنو حطيت الها غير الجبن
"ممم سر المهنة
"اي وهج كملي كلامج
"ها صدوك ..
شوف حتى لا ادوخك يوم الك تسوي بيه الي اتريده وتتأخر على راحتك ... و اللي هو اليوم انت جنت ملك نفسك .
جان مخلي ايدة على حنچه ويكول بداخلة
اليوم عيونها تشع وبيها يشوف قوز قزح و تلمع صافية مثل رگبتها
؛ اللون الاسود ضاهر جمالها اكثر واكثر يعني وصف القمر بيها غير مبالغ بيه من يكون ناصع لامع ب سراجه بنص خيمة الليل ...
"احم
همست لنفسها يااارب صبرني هذا اذا ظل صافن عليه هيج قسما اخذه من لحيته وللغرفة كبل .!
"اي خل اكمل صالح اتوافق على هذي الشروط اكون ممنونة
"واذا ما اوافق
" اذا وافقت مثل ما كلت راح يكون النا يوم الك يعني حتى اني تلكاني لابسه هيج اسود واكل شعير ههههه
ضحكت بعدها كملت
" وانت حر نفسك ؛ ويوم الي، تسوي الي اريدا . حياة طبيعيا . ناكل سوى نطلع اويلي اذا للمول
من انطاهه نظرة عابسة ؛ ضحكت وكالت
" ههههه لا لا يلا حتى لو نكعود بالبيت المهم يمي ؛ واذا ما وافقت راح هم نسوي هذا الجدول لكن بطرقي الخاصة .
"ترديني يمج ؟؟؟؟
غصت بالهوى من كال هيج
"اح اح اح
ضحك بصوت رزين ضحكة خفيفة وانتكأ على الكرسي حاط ايد وحده على مسندة وكال
" سلامات
كولي اشلون يعني بطرقج الخاصة يا ست وهج
" مثلا مثل ما وكلتاك التفاحة !!!!!!
اقصد وكلتك
طبعا بيرتا دائما لفظها بأخر بعض الكلمات ينتهي بآلاف ودا اتواجه صعوبة وبالكوة مسيطرة على نفسها حتى تحجي طبيعي وماتنرفز صالح .
مانزل عينه عنها لدرجة اخجلتها نظراته حستها مو طبيعية . عدلت ثوبها اخاف مبين منها شي
نطق واخيرا مع ابتسامة مبهمة
" الاسود هو لون الغموض و الجاذبية
ويرمز الى الأسف والتحدي معا
من اول ما شفتج اتوقعتج يا وهج عندج شي
ابتسمت وضحت نصاعة اسنانها
همس
" كيدي كيدك يا طفلتي ملاطفاتك صارت ونسي الوحيد ...
ارادت اتكول شي .لكن الباب اندك كام صالح عايفها بحيرتها ...
رجع الها وكال ..راح ادخل صديقي ...دخلت هي لغرفتها ..ودخل هو صديقة لغرفة الخطار ..
ساعة اثنين ..تثلاثة الا طلع الضيف من البيت ..
طلعت وهج ابسرعة بلكت تلحك صالح اخاف يطلع ..
وكفت بنص الصالة وصاحت
" صالح صالح
اجاها صوت صالح من غرفة المكتب ..راحت اله بسرعة شافته كاعد كدام المكتب و مخلي اديه ثنينهم جوة ذقنه وشابكهم ببعض
جان واضح علية الحزن
'صالح اشبيك ؟
صاير شي ؟؟؟
صالح .. صالح
" نعم وهج
" صالح !!!! كأنك ضايج . منو هذا الضيف وليش ضايج حيل؟
الو
صالح
اشرت بأيدها كدام وجهة حتى يلاحظها
" نعم وهج
" صالح هذا الرجال ضوجك بشي
" جان صديق مقرب
" واشبيه .
"محتاج مساعدة
" عادي انت ما يصعب عليك شي
كال بحزن
" الله وحده لا يصعب عليه أمر اما انا عبد لست لكل سائل مجيب
سالت بحيرة
" زين لهلدجه طلبة صعب
باوع الها بتركيز وكال
"فوك ما تصورين
"إن زين شنو مطلبة افلوس ؟ عادي داينه ولا اظل هيج ضايج
"ياريت لو جانت مشكلته مادية .
هزت راسها وكالت
" لعد ؟؟؟؟؟؟
" اكبر من انها تحل بالمال
"ممم جنت اظن معظم المشاكل اتصير من قلة الفلوس .واذا تتوفر ينحل كلشي
" لا يا وهج المال ما يحل كل شي هو وسيلة حل لبعض الامور لكن مو كل شي
" زين شنو مشكلتة ؟؟
تنهد وحنى راسه ونظراتة لسطح المكتب
"صالح !!
" روحي نامي وهج ..
"تم بس لا تنسى الي اتفقنا علية
باوع اله تعبان ومستفسر
"اقصد باجر يومي ...واريد اغير بيه بعض الامور واولها اروح مع اسيل اريد اختار سجاد جميل ومفارش
"نعم !
"اي معاجبني الفرش قديم ...وها صدوك ولو انت ضايج . لكن حضر نفسك باجر اجيب الي شاشة وتشكل ستلايت
ابتسمت مع اخر كلمة وكملت
"اني ممتعوده بدونه ..يلا تصبح على خير ..
مكجن بوضع يجادلها لكن هو ما وافق على اقتراحها اصلا حتى ينفذ الي طلبتة وبالفعل
ثاني يوم نساه .. كان كاعد مع الشيخ امجد وبعض المشايخ يتناقشون بقضية معينة ..
اما هي تواعدت تطلع مع اسيل بعد الدوام يتغدن برة ومناك ياخذن فرة على معارض الفرش و السجاد
جانت حيل متحمسة .للفكرة وهي لأول مرة بدت تحس انها عدها مملكة خاصة بيها ملكها وهي مسؤلة عنها نست تماما هي حكمها بهاي المملكة سنة وحدة وينتهي !!
خابرها صالح .
"يابنت ساعه واني واكف يلا اطلعي
"مممم انت وين ؟ وين اطلع الك ؟؟؟
"! اني كدام مركز رعاية البنات وين يعني؟!
" اها صالح اني طالعة برة !؟
"ليش ماكلتي الي عندج طلعة ؟
الو الو
جان الشارع الي واكفه فيه هوسة وبالكوة اتسمعة وهو ضاج حيل من تصرفها ...رجعت للبيت
شافته كاعد بالصالة كأنة ينتظرها ترجع ..
"وين جنتي ؟؟
" اهااا مو كوتلك البارحه حطلع اشوف ال...
"لكني ما وافقت
"شنو !؟ لكن اليوم يومي واحنا
"يكفي يابنت منو الي اتفق . اتركي تصرفات الاطفال هذي تتاخرين لهذا الوقت شي غلط
"الساعه بعدها 6 وبعدين هذا جزائي لان ردت اعدل البيت
" ومنو طلب منج شي ؟
ومنو كال اني موافق اصلا
" محد طلب مني و لأني عايشه وياك كلت....
قاطعها
"افهمي يا بنت ما اريد اي شي منج غير انج تنتبهين لنفسج. وبس
اهتزت شفتها وكالت وهي تحاول تكبت دموعها
" اوك ...
راحت عن وجهة ..وهي مكسورة الخاطر اعتقدت هي الاه صفة ولو بسيطة تكدر اتغير بيها شي من صالح اتحاول اتلون اله حياته لكت اضاهر العشگ الي اشوفة بعيونة مو الها . لوحدة ثانية سكنت هي جسمہا . ماحست على نفسها من انترس خدها بالدموع ..هي دموع خيبة لو كرامة جريحة ؟ تمنت لو ما محستتة بأهتمامها ولا حاولت التقرب منه .
كامت متعصبة من نفسها وطلعت غضبها بتكسير وحده من التحفيات ... و صورتها الي جانت على الميز كسرتها اتكسر حتى بس اطلع غضبها وترتاح ....
سمع صالح صوت التكسير ..وسأل شنو بيها هذي العفريتة صارت غامضة ...هي بدت اتحبة لو اتريد تفرض سلطتها عليه ؟؟
.......
بالليل رجع صالح من وكت وجان شايل كارتونه جبيره ...بهذا الوقت جانت بيرتا كاعده ضايجه اتكلب بالنت و اختها وتوها مخابرتها تبجي من نزار . وهي حياتها مخربطة كلش ، صارت مبعثرة بالنسبة الها ،سمعت صوت خطواته من وصل للصالة . عدلت من كعدتها وشافته حامل كارتونة جبيرة بايدة ...
"السلام عليكم
"هلوز
باوعلها معاتب هم رجعت لطريقة الرد هذي
حط الكارتونه كدامها وكال
"وهذي الشاشة يا ست وهج
باوعت اله ممصدكه والفرحه بينت على وجهها .. صفكت باديها وضحكت ...طلع ما يهون عليه زعلها وفكر بيها واخذ من وقته واشترة الها ...
اما هو اتعجب من تقلباتها، هذي شاشة هيج اتغير مزاجها . اعتقدها بسيطة وسطحية جدا بتفكيرها !!!!
،
باليوم الثاني طلعت وكلها مرح ونشاط ..
وصلت للدار وراحت كالعادة اشوف شغلها بين الاطفال اتحل مشكلة هاي واتفض بينهن ..
بينما وفاق متحلفة بيها لهسة اتريد اتبرد كلبها لكن ماعدها وسيلة هاي زوجة الشيخ صالح.صاحب العز والجاه . يعني اشلون تكدر تاخذ حقها منها ؟؟؟
داخت بيرتا من هوسة الاطفال ..راحت للمكتبة جانت الساعه ب3 ورة الضهر صالح ما اجاها اليوم تأخر وهو مبلغها بتأخيرة .فراحت اهناك تكلب بالكتب وتحظى بالهدوء ..
اتصل صالح ...
"السلام عليكم ها وهج .
" هلا صالح . ها اجيت . اطلعلك ؟؟
" اشوية واوصل عسى ما اتغديتي
"ممم ليش جبت الي اكل من برة
"اي ان........
قبل ماتسمع منه شي اجتها وفاق مدرعمة وانفجرت بوجهها
" هييي انت عبالج نسيت الج الي سويتيه
نزلت التلفون بيرتا ناسية تسد الخط
" شنو سويت اشبيج ؟
" انت الي نشرتي صوري عبالج ما عرفتج كشفتج من اول يوم والا اشلون يتغير الرمز وبعد ساعات يرجع نفسه ..!؟؟ هااا منو اله مصلحة غيرج
" ممم اي اني و واكيد اخذتي درس من الي صارلج
ضل صالح يسمع كلامها وكلام وفاق
" شوفي ولج.والله الا ادفعج ثمن لعبتج
" منو ولج ؟ عيني اوكفي عدل واعرفي مع منو تحجين بمكالمة وحده من زوجي اطردج.منا
" اني اعلمج . الكل مخدوع بيج بس اني اعرف شنو اصلج يا ملحده
" ههههههههه لج اني ...! انت الي منو وحده كل يوم صافة ويه واحد لو عبالج ماقريت محادثاتج هههه اني بيرتا اشورية الاصل انظف منكم انتم الانجاس روحي اهدي روحك للدواعش افضل
ابتسمت منتصرة بيرتا وراحت طلعت من المكتبة وتلفونها بيدها ...
وصل صالح اخذها وجان ساكت مظلم الملامح .
؛
لعنت غبائها من عرفت صالح سامع كلشي ووسط تحذيراته
" مجرد انج انحدرتي لنفس اسلوبها فأنتي ما اتفرقين عنها شي
جرحتها هاي الكلمة كلش
" لا اني اوكف كل واحد عند حده افهمني
" ما جنت اظن انت بهذا المستوى من الاخلاق
اهتزت اوصالها ارادت تبجي لكن اتماسكت كدامه وكالت
' بس كافي لا تلووم اش
" لا اتسكتيني بهذي الطريقه
طبعا صالح حتى من يهين واحد صوته ما يعلى يبقى هادي ومتزن وهي جانت تصيح من يكول الها كلماته التوجع.
اخر كلمة كالها ارادت اتروح لغرفتها ما خلاها و لزمها من معصمها
" يابنت حتى لو جنتي انت الحق لازم اثمنين الكلام مو اتهينين وتتعلين على الخلق
" اخ ايدي عوفني ماريد منك نصيحه عوفني
شد اكثر على ايدها وكال
"اسمعي يابت الناس اذا ضليتي على هذا ا
الاسلو....
قاطعتةبصياح وعصبيه
"يوووووه كااافي اتهدد
وخرت ايدها عنه بالكوة ودخلت لمكتبة الي جانوا واكفين يم بابها لان يطل على الصالة ..
وسدته عليها
" اطلعي من غرفتي ..ابسرعه واتحملي الكلام ..
"بس بس
ودفعت بيدها احد الكتب وكعته
كال محذر
"لا تتقربين من اغراضي ثم اياج كسر اي شي .
صاحت كافي
اتراجعت لورة لازمه اذاناته حتى لا اسمعه وانصدمت بصورة معلكة على الحايط سمع صالح صوت تكسير ..
وكفت بيرتا كدام الصورة مرتبكه ....وفتحت ابسرعه الباب من صاح صالح بقوة عليها
" لااتكسرين شي اطلعي لغرفتج ...
؛؛
وكف صالح كدام الصورة الواكعة ...جانت لبتة وهي ضاحكة هاي اوضح الصورة عند صالح الها انحنى لزمها . جانت مقسومه نصين ... لزمها باثنين اديه ...وباوع لوهج فاقد اعصابة . حط الصورة على الميز وكال
"فوضى، تكسير ،تهديد بالعالم وفضحهم ضحكات عالية . صراخ . مكر . استفزاز . .
اني تعبت منج.
ظلت جامده بمكانها محتضنة باديه نفسها ودمعاتها نزلت على خدها
اجت اتغيب عن الوعي من شدة قساوة نظراتة
اقترب منها وكال
" من اليوم الي دخلتي بيه حياتي لحد الان اني ما مرتاح .... انت منوووو
ردت بتلعثم
" م مقصدي
اقترب منها ولزمها من ازنودها باثنين اديه خلاها كدامه
وصاح صيحة تخوف كلش مثل صراخ صرخه النسور فوك الجبال ...
" ارجعي وهج
ارجعي وهج .... ابتعدي انت عني ..روحي....
اتبخرت بيرتا وصارت عبارة عن قطعة خوف حتى دموعها جمدت .... باوعت اله من فوك لجوة بعيون خايفة ..نزلت اديه عنها
و شردت عنه
وكف هو بمكانة ....يحاول يسترد صوابة ..
باوع لصورة بنته المكسرة ورجع ضاج مرة ثانية ؛ سمع صوت باب البيت تنسد بقوة
طلع مستعجل فتح الباب وشافها تمشي بالشارع شبه راكضه ..لحكها وطبعا من غير ما يصيح وراهه حتى لا يلفت الانتباه ... جانت الساعه الخامسة عصرا ،يعني الناس الي داخل والي طالع ،مجرد مشيها تبجي ملفت للنظر مو انوب يصيح الها . ولان خطواته اسرع واكبرمن خطواتها المتخاذلة وصل قربها .. مد ايده ولزمها من ساعدها .اخترعت بالزايد من حط ايده عليها . التفتت شافته .وخرت ايده ومشت اسرع ..
"اوكفي ..وهج انتظري ...
من بين شهكاتها
"لا تلحكني
صار كدامها وسد عليها الطريق
"تعالي
راد يلزم ايدها
رجعت لورة من غير ماتحجي وشردت راجعة لورة.
مشى وراها.. فاتت من يم البيت اهنا هو سرع خطواته اكثر ..واخذها ابسرعة البرق دخلها للبيت
مجانت تحجي بس اتريد تفلت من اديه ..
صاحت من دخلت بالكوة وهي اتحاول اطلع الكلام من البجي مالتها متكدر
" عوفني .. عو ... فني
" اهدأي
واقترب منها يحاول يمحي دموعها بمسحة عطوفة لكنها اتراجعت للخلف
'عوفني .. ا ا ا رو ح
"كافي وهج ادخلي ...
حاولت اتبعده من كدامها حتى تطلع
" م ما ريد من ك شي عو فني .ااااااه عوفني ااااه
من شافت نفسها ماتكدر تفلت من اديه وتطلع ..ركعت على الارض تبجي بقوة وتضرب باديها
نزل لمستواها ابسرعة .. حاول يگومها لكنها مثل قطعة الكريما من اسيح على الماعون .
" وهج
جانت بس تأن وتشهك ...
شالها بالكوة لأنها جانت ذايبة ببجيها كأن جسمها قطرات ماي متناثرة يصعب لمها
مارت اتقاومة ولا تصرخ بصوت بس تأن مغطية وجها باثنين اديها .. وموخرة راسها عن صدرة ...نزلها ... على سريرة بغرفته هو
حاول يوخر اديها عن وجهه لكن ماكدر ..
كان جدا مشدوه مايعرف اشلون يتعامل وياها هي مثل التحفية المفطرة اقل حركه تتكسر وتتناثر اكثر ..
بس حاول يوخر الشال عنها حسها راح تختنك بيه . بصعوبة كدر يبعده
همس
" وهج ... كافي عزيزتي ...تعالي اغسلي وجهج ...
مكانت اترد....
اساسا مو ذيج البنية نفسها جانت وحده مهدمة تماما
لمس كفها راد يكومها
ابعدت كفها عن وجهها اتقرفصت محنية الرأس ورجعت تبجي بصوت گطعت گلب صالح
عصفته عصف كعد يمها وسحبها غصبا عنها وحاوطها بجسمه خيم عليها
لكنها مجانت اتحس بكل الي يسوي حتى يهدأ من انهيارها ..
واخيرا سكتت ، هي غفت او .....
باوع لوجها صالح احنى راسه اكثر حتى يشوفها ... جانت مفتحه وعيونها حمر وتدمع ..
' اسف ........
هو كالها وهي رجعت تذكرت ورجعت الها نوبة البجي ....
توخر بيه وهو يرجع يتمسك بيها .. منا من تعبت وسكنت اشوية هم هدأت .. طبعا هو يدري الحضن كبسول مهدأ لهذا مجان يقبل اتفارك حضنه منا من تسترد وعيها ...
ساعة كاملة هي ساكنة بحضنة ساكتة وهو يربت على متنها يقرأ بعض الايات بلكت يكدر يهدأ روعها ...
جانت عيونها ذابلة رموشها مبللة ..حسها اتحاول تبتعد عنه بهدوء هالمرة ..لكنه ما سمح الها..
" عوفني صالح ...
جانت مختنكة مثل الي توة ناقذيه من الغرك
" وهج !! اني اسف ..سامحيني
" ا اني مو وهج ...كولت الي دمرتك ؟
حكت خشمها كوة جانت تتنفس منه بسبب تكاتل المخاط المسيل بسبب البكاء
" انت دمرتني ..
كملت بأنفعال
"وهج . وهج . كل اشوية
اتقارنوني بيها ..
بدات تشهك لكن كملت
" اني اشبية .!!؟؟ عادية صح .. بس . مو عاطلة .
حتى ثقتي بنفسي راحت .. ارحمني ... اااه ان اني آلف موتة اموت من تنكر ا اسمي واصيحني باسمها . ا اني ا كرها ...
واكره نفسي
رجعت تبجي لكن بصوت مخنوك العبرات
حس صالح بالذنب الجبير ولا يغتفر بحقها
جانت اتردد
"اني مو وهج
مو وهج
. تركها ووكف ...وهي كاعدة على السرير تبجي وتنحب ....
طلع وسد الباب ...
كعد بالحديقة يحاسب نفسة ... ويلومها
اكيد كرهته اكيد.تخاف منه ولا راح اسامحه ..
مجرد الفكرة ان بيرتا باجر اصبح مو يمه خلت گلبة يشتعل وينبض بقوة ..
كام مسرع ..الها . شافها على نفس كعدتها لكن ساكته ...
كعد يمها واخذ كفها وباسة بقوة .. وسط نظراتها الذبلانة ...
وباوع لعوينها ...باس راسها وحطه على صدره
" اذا اخذتي بخاطرج او زعلتي او بجيتي او فرحتي . هذا مكانج الوحيد
...ورطم راسها بخفه على گلبه
"وهج جنتي لو غيرها .. اني ابقى اعشگ انفاس هذا الجسد سامحيني قبل ما ادعي على نفسي بالهلاك .. ف و الله دموعج دمرتني من داخل ...
ارتااااااح حييل من مدت اديها حاوطت خصرة
بدا يبوس برأسها ويربت على ضهرها وهي تقريبا نايمه على صدرة
وخرها عنه بعد ما لاحظ هي لهسة ب حذائا وثيابها كلها تراب من كعدت على الكاع ..
نزعها الحذاء وراح للحمام ... حضره الها ..
جانت نايمه ومتقرفصة .. شالها وهي ضامة راسه على صدرة ... كعدها ا بالحمام .. جانت ترجف منه .فتح شعرها وخلاه يتناثر بأيد وكال
" فعلا اني مغفل عصبت على صورة معلكة واني عندي طفلة صغيرة تداعبني حقيقية ملموسة . رفع راسها من ذقنها وكمل
" انت بنتي ...
طلعت من الحمام خدودها حمر ؛ جان صالح حاط ايده على متنها ولاف راسها بالخاولي.. نامت بهاي الليلة باحضان صالح كأب وبنته !!!!!! مثل الطفلة لازمته باديها لا يتركها
يتبع ...