الراوية
ها وقد طفح كيل حنين اشواقي وصرت أراك في طيف من لا يشبهك فكيف لي أن أراك أمامي وانت أسوار جفاك تحيط بقلبك من كل جانب !!!
جانت تضرب على صدرة ومدري شنو تغلط اصلا مكان صالح منطي الها اهمية .. اخر حركة من ضربها جنت بيرتا .. وصلها لغرفتها اول ما نزلت هجمت عليه بأظفرها اللي اطول من اصبعها !! بهاي اللحظة جانت صاحية بداخلها البزونة المتوحشة، اول ما نزلت هجمت على الرجال الي مبتسم عليها شكت فتحت دشداشته هو جان ممستوعب تصرفها فسكت يريد يشوف لأي درجة ممكن يوصل بيها الغضب ويكتشف جوانب هاي الشخصية
وهي اول ما ضهرت رقبته نبتت أظافرها وصاكة أسنانها مع بعض مستلذة بآلمه من غمض عيونه، طبك جفونة وتعابير وجه تألمت من قسوت لمساتها ابتعدت عنه بعد ما تركت اثار خارميشها وهي ترتعش عصبية اما هو مغمض يستشعر قربها جان مشتاق لقربها اهواي مشتاق للمسات اديها الحنونة و بخاطر اتضمة بين ذراعاتها الناعمة ومشتاق لرسامتها على صدره .. لا باس من تبدلت بقساوة لا باس من انگلبت الرقة وحشية المهم لمست نفس أنامل الحبيبة
ربت على متنها اتبدل هيجانها باستغراب .. طلع صالح عايفها تباوع وراه مشت ببطى سدت الباب وراه ....
بغرفته
تلمس الجلغات اضاهر راح يقاسي من قربها ياريتة فقط حبها او حبة الها روحي مثل ما كان واهم نفسة لكن بهذا اليوم ما كدر يجذب على نفسة هو عاشگها لحد النخاع من اخمص قدمها الى راسها ....لمسات اديها انفاسها نظراتها حضنها كل شي كل شي، ياريت لو تروح بيرتا ليوم واحد وتعوض حرمانه وهج بحضورها، ياريت اتشوف ضيگ حالة من الاشواگ.. چانت ليلة صعبة کلش على صالح ...
..
مطروح غيث ويفكر بكلام امة بخصوص خطبوتة من ندى .. الغريب أنة بعد ما يفكر بأسيل ...و الافضل انه يريح امه ويخطب بنت خالة هو لاولى بيها من سافروا مع صالح شافها ومن كعد وياها فترة مو گصيرة شافها كبرت مو ذيج.البنية الصغيره ...
..
جانت نياز تبكي من الوحده الي هي بيها حاضنة ابنها بين اديها . جان زوجها طالع يعربد ...
فعلا جانت ليلة صعيبة على البعض والبعض لا ينام رغد مثل بيرتا بعد شفت غليلها غطت بنوم عميق ..
فتح الباب صالح ودخل بهدوء . جان ضو التبلام ضعيف كلش و اصفر ..
وهي نايمة على ضهرها واشوية حلكها مفتوح وتتنفس بهدوء . مو دائما الانسان يكدر يغلب على عواطفة مرات اشواگه هي الي تغلبة ...
کعد قربها على السرير .. سمح بس لعيونة النظر ماسك گلبة و مشاعرة ..
تنهدت بيرتا وهي نايمة كأن طاقة الحزن الي بصالح انتقلت الها كشرت وجهاوهي نايمة عاقدة حاجبها بعدم ارتياح واتقلبت يمنة ويسرة واستقر بعدين وجهة على جهة صالح !!
"اه هممم
اتقربت اكثر وهو انطرح يمها منتكأ على السرير فصاير اعلى منها .
ارتاح حيل من شاف جسمها بدا يزحف اله من غير علمها بحيث صار راسها قرب صدره
تماسك وغمض عيونه حتى لا تضعف حواسه واخيرا كدر ينام صالح يم مرتة
.....
الساعه ب 5 فتحت عيونها بيرتا شافت نفسها نايمة على ايد شخص و محتضنها بقوة وراسها قربه صدره همست
"بابا !!
من حوستها ابسرعه فتح صالح اعيونه .. واستسلم منتظر ردة فعلها والي اكيد هم عنيفة
لكن مو بالحسبان انها تهمس بكل عذوبة
" مشتاقة الك
وتغمس نفسها اكثر مثل قطعة البسكوت والحليب قبلها من رأسها ورجع نام
الساعه ب 7 صحت بيرتا .. جان المنبه يدك . طفت فونها وكامت حتى تغسل .
وكفت كدام المغسلة وابتسمت وهي اتكول
لنفسها
"صدك لا كالو كل اثنين الشيطان ثالثهم والا منو كال اني بيرتا بجمالي هذا احلم بأبو لحية الاشعث اووي لا وانوب ريحتا مثل ريحة بابا حبيبي اشجاب لجاب ..
غيرت ملابسها
"اوف هاي شنو خرب حضي هاي تنورة لو برشوت ...
وكعت ترجيتها (قرطها) دنكت اشيلة لمحت على السرير شي يلمع .. اتقربت شافت سبحة صغيره صفرة!!!!!!!!
بلعت ريكها وضلت مرتعبة من الفكرة انو جان حقيقة مو حلم ..
طلعت اتريد أسأله لكن ما تقوى مواجهة هي حضنتة بالحلم
" ااااوووف حتى نومتي خربتها علية مو كافي نومتني جوعانه .. رجعت لغرفتها مستغربة نفسها .هذا القاسي البارد شنو جابة الها البارحه .. اووف كون يطلع حلم وهاي سبحتة هيج وحدها جاية او مثلا طفرت من ايده وهو يصلي بغرفتة همست مؤكده
" اي طفرت لعد شنووو كلشي اتوقع بس ما اريد احتمال نام يمي هذا المتسلط
طلعت شافتة كاعد يسبح وينتظرها
ما صبحت عليه وراحت . شافت الجاي جاهز اليوم .. اااووف لكن هي مشتاقة للبيض
اووف .طلعت جبن واكلت .. وراحت لسيارته من غير ما تحجي وياه وهو هم كام وراها وصلها وراح لعملة من غير ما يباوع بوجها ...
؛؛؛؛
عااا هذا قاصد يخبلها هم ماكو غدة اليوم خرب انوب محاصرها ماتكدر تطلع تاكل برة بعد الشغل يجي ابسرعه ياخذها . مشت على اطراف اقدامها من يم غرفته واتعدت الصالة وهي ترجف . اتعدتها وراحت للحديقة تركض فتحت الباب وطلعت من البيت خايفه لا يطلع ويلكفها .. ما مصدكه هي طلعت من سجنة . اتعثرت اجت توكع من خوفها بس اتريد اتعدي الشارع . راحت للسوك.. افترت جانت الساعه ب 3 ونصف ورة الضهر توها المحلات اتفتح .... شافت الاكل صارت اتمطك .. خلعت الحلقة الي بيدها وما تملك غيرها .. وراحت للصايغ ......
باعتها بخسارة جبيرة من غير ما تهتم لقيمتها . واخذت المبلغ مستعجلة دخلت للكافتريات . وكعدت تاكل . ميتة من الجوع ..
؛؛
جن صالح وين راحت هاي ووين طلعت وهي ما عدها فلس واحد ،ضل محتار يطلع يدور لو ينتظرها ..
دخلت بيرتا لأحد المحلات واشترت ملابس وحاولت تشتريهم اكثر حشمة من اللي احتركن. قبل لا ترجع للبيت . دخلت اشترت بيتزة وحلويات وراحت للبيت مدام طلعت بسلام بعد ما تخاف منة من ترجع
دخلت للبيت ..وهي تتخيل شكلة من يعرف باعت حلقتة .
مكان موجود خفتا وراحه حطت الاكل بالفرن وراحت اترتب الملابس . و صالح رجع للبيت عرفها راجعة من حذائها . دك باب غرفتها ودخل . وهي جانت واكفه يم الكنتور
"وين جنتي !
سألها بهدوء
ردت بعدم مبالاة
"مثل ما دشوف اشتريت شي على الموضة واكلت واجيت ..
حك لحيتة بتوتر وكال
" من وين جبتي الفلوس ؟؟؟؟
باوعت وظهرت ابتسامة باردة ظاهرة نصاعة أسنونها ..
مدت اچفوفها كدامه وكالت
"بعت حلقتي
ورجعت اتعدل بالملابس مطيتة ضهرها ...!!!!!!!
فرها عليه بالغصب
"شنو سويتي
" ا اع اعتقد سمعت
حاولت اتبين ما خايفه ورجعت اتعدل
سحب قطعه الملابس من ايدها وكال
'اشلون اتبعين شي مو ملكج
" انت ا انطيتها الي ملكي واني حره
اشر على راسها ضاغط بقوة اصبعة علية وكال
"اهنا ماكو عقل مجرد حجر يابس
اتسعت انظارها عليه لكن مردت سحبها من ايدها اخذينا للصايغ ابسرعة ...قبل لا يعزل .. وراحوا .. اله والصايغ كال الهم اكو مرة موصيتة على نفسها وخابر بلغ المرة مايكدر يرجعها ترجيع اضطر صالح ياخذها بسعر اعلى من ما انباعت وهو يدري كلش زين هذا درب طلعة الصايغ حتى ما يرجع وانما يبيع !!!!
بيرتا و واكفة خارج المحل وضايجه من تصرفها من شافت مدى حرصة على عدم ضياع الحلقة طلع من المحل وما باوع بوجها وهي مشت وراه ....
دخلووا للبيت كالعادة بيرتا من اتريد تعتذر لشخص تكعد اتعك اكثر وترمي السبب بيه
اتكلمت وهو يمشي كدامها لغرفته
"يوه من وراك مجوعني
مارد وأنبها ضميرها اكثر
" يا سيد . ي يا شيخنا . مولانا النبي
باوعلها غضبان اكثر
حكت خشمها بخفه وكالت مبتسمة.
"يا مقصدي اقصد اقصد
"استغفر الله العظيم من كل ذنب عظيم ..
دخل لغرفته وهي وكفت خلف الباب وكالت
' يا صالح ماقصدي اوف اشلون هسا
زين يعني هسا ما اعيدها .. اوك بس لا تنسى العشا ترة ابيع نعالي
ابتسم صالح وهو يضم الحلقة بكنتورة وية الاغراض الثمينة بالخزنة ...اضاهر ماعاد الها مكان بچف وهج
؛؛؛
كعدت تنتظره يطلع من غرفتة بالليل ماكو ..
اوف هذا يظل زعلان وهي كاتلها الجوع . اوف " يا يا اني جبت بيتزا ههههههههاااي اشلون نسيتها وهلا وهلا وهلا
فتحت الفرن وجان تنصدم بعدمها !!!!
عاااا فتحت الكاونتر الي مو معقول ابد تنحط بيه وراحت للثلاجه .. ركضت دكت الباب على صالح
" ياشيخ انت اشلون تاكلها وحدك ..
اشوية و انفتحت الباب بهدووء
جان لابس يريد يطلع
"عن شنو تحجين
"عن العشا مالتي خرب ليش ما خليت الي قطعه . اني نحيفه دشوف جسمي
باوعلها بنظرة حانية وعطوفة فعلا هي بعد العملية خسرت من وزنها اهواي وصارت هزيلة وهو كل غايتة يأدبها حتى تعتمد على نفسها لكن لا حياة لمن تنادي اتنام جوعانه ولا اجرب تفتح عين طباخ !!!
ضلت اتباوعله وأتانب بيه بنظراتها
"ما اكلتها ما يهويني اكل المطاعم .. لكن انطيتها لأبن الجيران ..
"نعم نعم نعم نعم نعم
"اش كافي يا بنت
كالها بهدوء مستفزها
"دبري حالج
"يااااا شدبر خراااب اني ميته جوع اريد اكوووول دبرلي اكووول
"لا تعلين صوتج
"تعاااال
ما سمع الها وراح لشغلة عيفها وراه تسب الساعه الي شافته بيها وتتوعد الة
طلعت فواكه وصبرت نفسها بيها . الساعه ب 1 رجع صالح .. هي طبعا ماكدرت اتنام وكانه ما كفاه خلاهه من غير عشا لا وبعد تركها مرعوبة من وحشة هذا البيت الجبير ..
دخل صالح للبيت فتح الضوة وشافها واكعة على الارض
" وووهج
ضل يضرب بخدها بخفة ماكو ما تصحى
شالها لغرفتة هو . وجاب ماي اخذ بيده اشويه ونفضة بوجها حتى تصحى . صحت اشويه اشوية فتحت عيونها
همست "صالح حبيبي شنو صار .
استغرب طريقة كلامها صالح وجاوب
"اني أسأل يا بيرتا شنو صار .
" صالح اني مدري ......تعشيت حبيبي !!!!!!
صالح بستغراب
" حبيبج !!!!!!!!!
" ليش تتاخر علية ..
كالتها مبتسمة بحنية
"حبيبي وكل ناسي
كعد يمها كأن النور بدا يتسسل لگلبة من جديد ،،سراج العشگ بدأ ينور گلبه وروحه وابتهجت أسارير العشگ واتحرك الدم بعروقة
بغزارة واجه كلبة يركص بداخله فرح واخيرا الله عز وجل حقق اله مناه ورجعت اله وهج ... ابتسم الها وكال
"وهج .. انت وهج ..
ابتعد عنها ووكف ما يعرف شنو يصرف هسة من الفرح لكن اول شي لازم يسويه هو يسجد لله شكر .وسواها كدام استغرابها
كامت وكفت ووهو وكف حاط ايده على امتونها
" يمكن اني هسة اسعد عبد على وجه الارض ..
يا وهجي واجه يبوسها وكله شور
ابتعدت عنة رفض !!!!!
ضحكت ضحكه ماكرة واتغيرت تعابير وجهة
ابتعد صالح عنه خطوة وهي تضحك بصوتها وحاطه اديها على صدرها ...
"هههههههههه ههههههههه ههههههه صدكت هههههههه بعد ما ما اكدر اسفة اسفه م معبالي هيج راح تفرح بس ههههههه
اشر عليها وكال بهدووووء مرعب وبصوت حاد لكنه هاااادئ مثل صوت لهيب النار من ياكل الحطب بعز الليل
" اتلعبين عليا يا بيرتا ...!!!!
"هههههههه ومشت عليك مو ههههههههه
اقترب منها على گد جرحها اله قربها بقوووة واخذها ساحبها من اضلوعها عليه وباسها بقوووة يمكن جرح شفتها وكطع نفسها كانت خاوية مهزوزة بين اديه وهاي اول مرة اجرب بيرتا البوسة لكن ،على قدر آلام الي حستة حست برعشة ما ودها تنتهي ريحة انفاسه جانت بيها نوع من المخدرات غمضت اعيونها وضغطت على نفسها اللي انكطع في سبيل اللذة اللي حاستها .. لكنة دفعها لورة وفتح الباب وطلعها برة بقوة موكعها على الكاع تلهث
يتبع