روايه #احببته_رغم_شكه
الحلقه33
سند:حقاا بنقولك حاجه..!
هنآدي:شن في؟🙁
سند(كان بتقوللها غدوه امتحانها مش ح تركز 😕):شي شي نسيت 🤕
هنآدي :غر قول شن في!💔😳
سند:مآفي شي صدقيني😕
هنآدي:بآه تمام ...!
سند؛بري بري اقري تواا ...!
هنآدي:بآه من غير لزاان لو سمحت😂
سند:هههههه بآه ياانسه بري..؟
هنآدي:مشييت سي يوو❤️
سند: سلام 💓
هنادي(مش مرتاحه كآنه كان بيقول حاجه 💔🤕...الله اعلم انشاءالله خير ...!
____________✨
اريج : حتي ولو مستحيل نتزوج توا..!
سالمه؛توا مش قلتي موافقه..😕
اريج:موافقه خطبه لاكن زوااج مانبيش لين نكمل ..!
سالمه:ايااه عليناا...!
اريج:نضمي امورك..؟
سالمه:وكان تبي توا..
اريج:مش عارفه شوفيها اني الي عندي قلته..!
سالمه:يصير خير ...!
_______________✨
ايمن:فرختي ؟
نور:هاا شن في؟😂
ايمن:نبي نشووفك قداش ليا عليك👌🤕
نور:والله ماتغيرت قعده نفس شكل😌
ايمن:هههه مبردك هو الواحد يشبع من جمالك ..😍
نور:هاادي نعرفها قول حاجه مانعرفهاش..😂
ايمن:مووليه تقه😂
نور:حسييت روحي موليه بارده باه حبيبي نولو لي موضوعنا..!
ايمن:ايي نبي نشوفك والله...!💓
نور:توا مافيهاش كيف😔
ايمن :به شوفي جوك 💓
نور:حبيبي شويه ونجي ..✨
ايمن؛تم ياعمري❣️
___________✨
تسريح الاحدات 🕞⌛️
دارت هنآدي اخر امتحان ...واريج شبهه اتفقوو وقاعد يقنع فيها ع العرس توا ...وايمن ونور يستنو في سند امتا يروح 💓....
اريج:امتآ بيروح رآجلك ؟
هنآدي:مش عآرفه كل مانكلم فيه نسآله يفووت في الموضوع💔...مش مستريحه انيي قلبي نحس فيه بيطلع استاحشته😪...
اريج:ياااروحي يافرخه طلعتي رومنسيه..؟😂
هنآدي:انتي اخر وحده تدوي ع رومنسيه المكالمه الي بينك وبين محمد والله لحد توا مااقلت ربعه ..😌
اريج:هههههه معااش فيه امان بكل الزح وانتوو وداانكم زي الرادار😂
هنادي:هههههه انتي صوتك عالي...!
اريج؛ههههه وانتي اسمعي مبردك ..!
هنادي:شن بندير هي لحكايه كساد😂
__________✨
ايمن:اطلعي برا😕
نور:وين برا..!😕
ايمن: فالشارع بنقعمزو ع البومشي وناكلو سامينسا🙁
نور:بآه في كوره ولا كيف؟
ايمن:في كل شي غر اطلعي....يعني وين بتطلعي وااضحه في جنان..!😒
نور:عآرفه غر نستزرف ياحبي😍
ايمن:بآه انزلي يازريفه ياخفيفه😍
نور:هههه حليلي هي جايه..!
ايمن:نستنا فيك💓
____________✨
هنآدي:ملاحظ انك تتهرب منه سؤال هاذا ؟
سند:اي سؤال؟🙁
هنآدي:قاعد يتهرب 😒 سند امتا مروح ؟
سند:استآحشتيني؟😍
هنآدي:معاش تتهرب خلاص..💔
سند:والله مزال ماكملت شغلي مش معطل هلبا مش عارفه ...!
هنادي:سند اسبوع هادا يتم شهر راه ...!..انت قتلي من الاول شهر واني نستنا فيه وتواا تقولي مش معروف😪💔
سند:خلاص توا نشوف والله ماعارف الحق ع الخدمه امتا تكمل ونكمل تحميل لبضاعه بعدين انآكدلك ..!
(انت لانك مش حآس بياا 💔ماتعرفش انه اليوم عندي اكتر من تلاته سنين ..):تمام ع راحتك ..!
سند:عآرفه اني كلمه ع راحتك منحبهااش ولا💔
هنآدي:قصدي نضم امورك انت شكلك عجبك جو💓
سند: خلاص بآه هنآدي خلينا جونا مليح خيرك ..!
هنآدي(اني عيييت قسم بالله يوم تاني بنتفجرر فيه مايحسش بيااا بكل ويزيد يكنطي 💔):بآه تم😪
_____________✨
نور:حبي 💓
ايمن:استحشتك الزفت من لما نخطبنا معاش شفتك زي قبل💔
نور:مآه توا لعيون علينا فآهم مش ح نقدرو ناخدو راحتناا ...💔
ايمن:هههههه بآه شن جوك ؟
نور:تمام انت ضآعف هلبا مولي شين😳
ايمن:بلا جوو توا هما سبوعين درتي فيهم سنه😂
نور:هههههه نبصر ..
ايمن:والله نحبك قسم بالله ..💓
نور:هههه عارفه واني نموت فيك ❤️
ايمن : بآه امتا بتولي ليا ..😪
نور:ههههه سنه لقدام ..!
ايمن:هههه روحي بري مش ع اساس حاولي شهر جآي😂
نور:ههههه بآه هديل تتصل شكلها ماما تسآل عليا😂
ايمن؛بري وانتي بكل موليه هلباا رااه 😂
نور:هههه باه سلام قلبي❤️
ايمن جبدها من ايدهاا وولت قريبه منه ✨
نور:هههه وخر مافيكش امان 💓
ايمن:هههه باه بري هي..!
نور:هههه بآي ..
____________✨
اريج:هههه وووك نسمع فيها من ماما ومنك خلاص الزفت 💔
محمد:مبردك شكلك ماتحبينيش انتي💔
اريج؛اني كآن مانحبكش رآه مانكلمش فيك 😒 ..محمد افهمني وصيه بابا لي ماما ديمآ يبينا متعلمين 💔..نبي نآخد شهاده ومداما خشيت فحاجه نبي نكملها خآيفه بجد نتزوج نلهاا في المسؤليه العائليه ونهملها💔....
محمد:حبيبتي نوعدك اني نعاونك في كل شي لين تاخدي شهاادتك اني نبيك انتي جنبي ولياا بس صدقيني💔
اريج:توا نشوف محمد تعرفني مانحبش كيف تدوي معاي هكي نحس بالذنب 😂
محمد:هههههه بآه فكري وراس حبيبتي مااتجرينيش وراك هلبا 😂
اريج:ههه تم ياقلبي💓
_____________✨
هنآدي:خلاص اريج تزوجي توا مع ايمن خيرك انتي والله محمد متفااهم😒
اريج:هنآدي افهميني انتي اكتر وحده تفهمي فياا انتي بروحك شوفي كنتي قبل ماعمرك تغيبي يوم ع الجاامعه ....من لما تزوجتي تلاته ياام بس مشيتي خشيتي لي الامتحان كله من قراايتك ماحضرتيش نص المحااضرات ...💔
هنآدي:اني لاني اخر سنه والاكتريه عارف موضوعه وخشيت توا قصدي جااوبت لاكن قسم بالله لو من غير دوه سند ووقفته جنبي ماقدرت حتي نخش
الامتحان ........والسنه الاخيره مشت هكي💔....مش كله زواج سلبي صح في حجات سلبيه ..لاكن انتي هاادا حبيبك ومتفااهمين ✨ يعني شن خاسره 😪 ماكنتش نحسابك تحبي لقرايه هكي😂
اريج:ههههه مش عارفه ...
هنآدي:خودي نصيحتي وتقدري ماتجيبيش صغار لين تكملي 😂
اريج:ايي صح ..!..خلاص مالا نفكر ونرد عليه 💓
هنآدي:مانبيكش تندمي ع قراارك كوني مقتنعه بيه تمامآ...!
اريج:اي تمآم ..وين اختك..!
هنآدي:انسيت نقولك ...فوق عند احلام تبينا نعااونوها وهيا موليه زي كره الفطبل مش قادره تمشي مسكينه😂
اريج:هههههه هي تعالي نركبوو ..!
هنآدي:تمآم (شفت لي تلفون فكرت نركبه مش عارفه شن قالي خليه حطيتهاا ع المكتبه وركبت 💓)....
_____________✨
ايمن:فرخ محمد!
محمد:ههه فرخ فعينك من وين الكلمه جديده هادي 😂
ايمن:ههههه يحساب روحه كبير 😒
محمد:لكبير الله 😂
ايمن:بآه غر اسمع ..!
محمد:هآ.. شن في وانت مولي بكل 🙁
ايمن:خوك سند امتا مروح ..؟
محمد:شكله عجبه الجوو 😂
ايمن:غر بجدياات مفروض سبوع جآي يروح وامس كلمته قالي اجلتها ..!
محمد:هبل خوك هاذا مش عارف شن في فرآسه ..!
ايمن:قصدي عنده مرآءه اهني مصح وجهه وخلاص غر كلمه انت متفاهم معاه اكتر😪
محمد:ههههه مولي مستشار اجتماعي انت 😂
ايمن:ههههه مسخ زفت نوض نوض وانت حررام الواحد ياخد ويعطي معاك 😂
محمد:ههههه مآشي يامان 😂
ايمن:نتلاقوو😂
______________✨
احلآم:هههههه الزفت مش قادره نتحرك موليه زي البومه😂
هنآدي:هههه كيف قلتها لي اريج موليه زي كره الفطبل 😂
اريج:قالك تزوجي قالك😕
احلآم:هههههه عنسي انتي اصلا مستواك لوطه تنكسي
ساره :تي كان ضمت سريرهاا امي تنوض تزغرط اليوم هادا 😂
اريج:من المتكلم والله تدوي ع روحها 😒 اني الحمدالله يعرفوني يعني قداش مااني فالحه ..!😌
احلام:غنيه عن التعريف ..! 😂
ساره؛كآنه ماما تنآدي ننزل نشوفها✨
هنادي:تمم ..!(حسيت ان في حآجه فجآء تغير مزاجي ..💔 وتعكر❣️
ساره:سند يتصل ...!
هنآدي:حسسيت 💔 (اني فالجنان نازله ...!
احلام :تمام ..!
اريج:بكل هلبا سند يشحط فيهاا وراه ..!
احلام:عطل هلباا ..!
ساره:تسخف فيا مرات 💔...
اريج؛تبين في روحهاا جوها تمام لاكن ابسط التفاصيل تفضح فيهاا💔....
____________✨
هنآدي:اهليين...
سند:خيرك عطلتي في الرد..!
هنآدي:كنت في حوش خوي ..! ..انت قولي في حاجه مش كويسه ولا ...💔
سند:كيف يعني علاش مفكره هكي..🙁
هنآدي:مش عارفه لاني اضايقت فجآء 😭
سند:هنآدي ياابنت خيررك تبكي شن قلت اني تواا 💔😳
هنآدي:اني والله مش قادره نتحمل قسم بالله حااولت نفوت حاولت نكدب روحي ..لاكن ماقدرتش ..💔😭
سند:هنآدي غر اهدي قبل ...!
هنآدي:سند امتآ مروح مش قادره راه والله مقادره انت مش حاآسس بيآ 💔😭
سند:لو نندري انه مكالمتي بتخليك هكي ماكلمتكش💔😪
هنآدي؛ديما خليك تتهرب مني بآهي ...علاش تزيد فيا انت اصلا 😭
سند:بآه هنآدي معاش تبكي خيرك هكي موليه ..!😳
هنآدي:خلاص كتمت اكتر من لازم مش قادره نشد في روحي عليك لاكن مش قادره نسكت 💔كل دقيقه بعيده عليك والله نموت كل ليله في الف مووته 💔 ....حس بياا بالله عليك حس انه مخلي وراك قلب مكسور كل ليله يسهر ع خاطرك ....ويفكر في ابسط تفاصيلك 😭..ماتكونش اناني سند ...💔...(وسكتت قعدت تتنفس بي صوت عالي😪)
هنادي(معاش قدرت نسمع حتي حاجه لاني حسيت روحي رخيصه قدامه 💔....فالحب لازم تتخلي كرامتك ..وتتخلي ع غرورك .. وع انانيتك ✨.......لاكن اني توا وريته نقطت ضعفي ...مجرد ان سند يغيب هنادي تنتهي 💔)
(سكرت في وجههه لانها ماتبيش تسمع منه حاجه توجعها وهيا بروحهاا مش عارفه شن بيقوللها ✨😪)....!
سند(غر كان خليتيني نتكلم بس...الزفت علاش هكي انت حقيررر مش قادر تواجها وخاايف لو تعترفلها حتي انت تفوتك ...لاكن مش كلهم هكي خيرنييي هبلت اللنم 😑ماتندريش اني نآخر في سفرتي ع خاطر مانبيش نواجها لاكن لي امتآ )...
(حاول يتصل بيها لاكن سكراته طول ...!💔)....
_____________✨
خشت هنآدي لي دار قعدت تبكي ونآدمه ع الكلام الي قالاته .. وكيف طلع منها اصلا ..! ( حاجه طبيعيه بمجرد انك تقول كل شي في خااطرك بعده بي دقايق تندم وتتحصر وتقول ياريتني ماتكلمت ...!💔....بس ياريت عمرها ماترد حاجه صارت وفاتت💔).....
بعد ساعه دموع 😭💔.....خداها النوم هنآدي ومفاقتش الا ع صوت زغااريط من برا طلعت ........✨
#يتبع
احببته رغم شكه
By libyanYM
رواية ليبية منقولة More