روايه #احببته_رغم_شكه
الحلقه التاسعه
هنادي تكنطت من كلامه هلباا وخشت لي دار تبكي وطلعتله في ايدهاا لحديده وقتله
هنادي: هادي ولا الي مخليه عندك قله تقه زعما تحبهااا ولا تزوجت ولا سيباتك ههه بالك خناتك ( وتمسح في دموعهاا )وبعدين لو هيا دارت هادا كله شن ليا علاقه بيها اني يعني ح نكون زيهاا متلا تكلممم😭😭
سند 😳:عندك علم تستفزي في امي انتيي هكيي...
وكيف تمسي حاجه مش ليك
هنادي؛هههه تحبهاا ؟
سند ماقدرش يتحمل كلامها وحس روحه اهاناته قرب من هنادي وخدي لحديده ودفهااا طاحت لوطه وقعدت تبكي 😭😭وهو قربع الباب وطلع ✨
سند تكنطه وهو طالع شبحه محمد
محمد:تي خيررك ياراجل 😳
سند طلع ومن غير مايرد عليه 💔
هنادي قعدت تبكي ومش مصدقه الي صاار ولهدرجه مش عاطي فيها نقطه تقه قعدت تبكي مع المغرب سكرت تلفونهاا وطلعت برا في البلكونه مقعمزه تفكر وتبكي😭😭
هنادي(خيرك تبكي ياحمارره غبيه انتي شن تراجي منه يحضنك ويقولك احله مفاجئه ..تحلمي هلباا 😭 لاكن لازم ندير حل 😭💔)
خشت صلت المغرب وقعدت لي لعشي مروحش سند صلت وخشت لي دارها وقعدت تفكر لين خداها النوم ✨
......
(سند طلع وقعد يلود ويفكر في لي داره وقعد كلام هنادي في ودنه يززن قعد يلود ومع الواحد روح لي الحوش فتح الباب خش لي المطبخ شرب ميه وبيفتح تلاجه القي باكو الطورطه 🎂هني كانت صدمه سند فتحها وفعلا القاها طورطه وتفكر لما قتله الساعه ليك وشاف تلفونه القاه اليوم عيد ميلاده📱)😳
سند(حيي ع لحمار تي شن درت انت ووووك ضلمت امها اللنم هادا كان مقالتش نبي نطلق اووووف ..تي شن ادير انت ماتفهمش ديما ح تقعد هكي غبي وحمار 😠)
خش سند لي دار القاها راقده قعد يشبحلها شويه وسرح فيها لين فاق ع روحه سكر الضي وطلع قعد يلود فالحوش يدخن لين رقد ✨
........
ناضت صبح شبحاته القاته راقد 😒 قربت منه بشويه فتحت البلكونه لان الحوش كان مضغوط وخشت فتحت تلاجه شبحت لي طورطه فاتتها وطلعت ميه مصقعه وشكلاطه ع صبح 🍫وقعمزت في طاوله المطبخ وتشبحله كيف راقد ✨
هنادي:قداش باين انه ملاك لما رااقد وهو شطان اعودو بالله منه 😒
ناض سند شبحلها كيف تاكل في شكلاطه ومقعمزه تلف في المق متع لميه نااض خش غسل وجهه وبدي يقدم منها وهو يحك فراسه ومنزل راسه وقعمز في الكرسي الي قدامها
هنادي(والله ماني عطياتك وجهه نوريك كيف تمد ايدك 😒)
سند:مش بقصدي الي صار كان كله لحظه غضب وانتي ستفزيتيني💔
هنادي ولا كلمه متبصه راسها بس😌
سند:اشي كيف تستفز فياا 😒
هنادي:به والمطلوب؟
سند:قتلك سامحيني ماديريلناش عرس ع موضوع مايستحقش😠
هنادي:تي انت حتي طلبك لي سماح مش زي الناس 😒
سند:حتي اني فاضي نكلم فيك المهم سامحيني ومش بقصدي وهو كيف وقف
هنادي:قسم بالله ياسند هادي اخر وللاسف مش اول مره تشك فياا لان اني مش جايه من شارع جايه من عيله مربيني صح وع قد تقه مش متع لعب مفرخ ولو انت مش قد انك تكون قد التقه الي عطوهالك اماليا مافيش مشكله نطلقوو وكل واحد يمشي في حاله (طلاق شني والله انقول فيهاا من فوق نفسي غر باش نبان قويه،نهار احرف شن اديري انتي محلاه يقولك نطلقوو عادي بعد ماتعلقت فيه لاكن مرات يكون احسن خير مانتعلق اكتر )😌
سند قعد يشبحلها وبجد حس روحه ضالمهاا فااتها ومشي ✨
هنادي😳:حقير مشي وسيبني ولا كلمه خززي ع هالشكل غر نقص الكيكه ونبعت منها لي رياض ولعيله احسن ماتتلوح
......
اريج:تعرفي هنادي تلفونها مقفل من امس😳💔
ساره :عادي مرات مش فاضيه
اريج؛لالا مش من عوايدهاا ورقم سند ماعندناش 🤔
ساره :تفووه ياحقيره قلقت حتي اني زعما شن صاير لاكن مرات نطفي من شحن 💔
اريج ؛لالا (وتفكرت رقم محمد ...نتصل /لالا توا يقول خفيفه لاكن اني بنسأل ع هنادي وبنسكرر اووف نتصل وامري لله 💔
ساره :هيي وين سرحتي 😗
اريج:نوضي نوضي حسه مرت خوك تنادي بالك تبيك فحاجه
ساره؛عينك والله ماسمعت حاجه😒
اريج:به نوضي اللنم خلي الواحد ياخد راحته 😠
ساره؛قولي هكي من الاول 😍
طلعت ساره واريج قعدت متردده تتصل او لا وتوكلت وتصلت ✨
...
محمد؛ هههههه به خيرنا ياراجل والله ماقصدي
ايمن؛حشمتني اللنم معقوله تخش عليا وتقولي ام وحده هادي ....والله سمعاتك اللنم هادي وحده جديده قبل نبي نطيحها ....ماطيرته طار بروحه😂
محمد:هههههه به اسكت تلفوني يشرين
ايمن :اني طالع اصلا 😂
محمد: ايوه
اريج:اهليين
محمد حس الصوت مش غريب لاكن مش متفكر :من معاي
اريج؛محمد ولا؟
محمد؛بالزبط وصلتي
اريج:قداش تعطي لي وحده في رقمك😒
محمد:ههههههه ماتقوليش متع سبيدر مان 😍
اريج:العيب مش فيك اصلا اتصلت بنشوف هنادي بس
محمد:ههههههه لالا ديما خطي مفتوح ليك😍خيرها هنادي؟
اريج؛بالله قوللها تكلمنا تلفونها مقفل من امس
محمد: والله نحسابك ادوري فياا😒
اريج(تحشمت ومعاش عرفت شن ترد )؛ماشي نتلاقوو ✨
محمد(يؤبرني ه الصوت): سلام
....
محمد:رياااض ياارياااض
رياض: ياعنشكلك خيرك وداني طرشتهم
محمد:تعاله تعاله قول نعم يعطيك جلم 😠
رياض:به خيرك؟
محمد:اركب طقطق ع مرة خوك غر سند مهناش كنهاده كلمته وقوللها تتصل بي اختها
رياض ؛وانت شن عرفك 😳
محمد:ايااه علينا تمشي ولا نجيك 😡ومعاش تسأل
رياض :بااهي به
........
تسريع الاحدات⏰⏳
(مر شهر ومحمد قعد يكلم في اريج لاكن كأصدقااء وجوهم تمام وهنادي وسند نفس الحاله مايتكلموش بكل الا في حجات عاديه وهنادي قاللها سند بنسافرو وقفت قيد الجامعه لي فتره وجي اليوم الي بيسافرو فيه ✨
سند:قصدك طالعه هكي؟
هنادي:كيف هكي علاش شن فياا
سند:ماشبحتيش روحك في لمرايا اولا لبستك قصيره ومش لازم تحطي شي في وجهك
هنادي:ايااه علينا توا مافيهاش كيف محمد يشرين
سند: هي هي 😒مانسيتي شي ؟
هنادي :لالا غر نجيب حاجه من دار بس
سند جي وراها وخش وهيا مشفتاش قاعد واقف وراها ووخرت من غير ماتشوفه طااحت عليه
هنادي؛ايي ايدي 😓
سند:قعد مصدوم يشبحلها وهيا طايحه فوقه عاصره روحهاا ايدها جت ع الحاشيه سرير
سند: مزطيني يابنت نحسابك رشيقه 🤔
هنادي فاقت ع روحها وقفت طول من عليه وقتله :مصحك شن تحسابني سمينه 😒
سند :به اطلعي خير ماتفوتنا طياره 💔
هنادي:ماشي هي ✨
....
اريج:حقا بنسألك قداش ليا نسيت 😕
محمد؛ها قولي
اريج:سند صايرتله مشكله قبل ؟
محمد فهمها لاكن مباش يوضح وقاللها:كيف يعني ؟
اريج:محمد انت فاهمني
محمد:خلاص توا نزلوو نوصلهم بعدين نتكلموو
اريج:ماشي تمام لاكن مش ناسيه لموضوع 😊
محمد؛ هههه مفلحك سلام
سند:غر بالله عليك كمل غرامياتك 😂
محمد:تي تحشم اللنم معاش فيه حشم 😒😂
سند:هههه باهي به هي مشي
محمد؛تمام ميه ميه
هنادي كانت مقعمزه شرينت لي اختها ✨
هنادي؛ايوه اريج
محمد طول قعد يشبح لي لمرايه 😍
اريج:تووصلي بسلامه يااقلبي 😍❤️
هنادي:سلمك سلمك ❤️
اريج:شدي ماما والعيله كلهاا
هنادي كلمت اماليها وقعدت مقعمزه سارحه لين وصلوو ✨
سند: هنادي متأكده كل شي عندك
هنادي:والله عندي ياقلبي ميه مره تسأل
(محمد تحشم ووخرر وسندد مصدوم من لكلمه لاكن دار روحه ماسمع شي😂)
سند:تمام هي سلام ✨
محمد سلم ع خوه وطلع من لمطار كلم اريج ❤️
اريج:وصلتهم
محمد:ايي كيف حطيتهم واصلا لولاد صحابي داخل مكلمهم عليهم مش ح يتشحورو
اريج:اها ماشي هي كمل قولي خيره سندد
محمد:مافيه شي
اريج:لالا فيه متأكده انيي فيه شي🤔
محمد :قعمد متردد لاكن قدرت تقنعه قعد يحكيلها .......
اريج نصدمت من لكلام الي قالهولها ؛تدوي بجد بجديااات انت واختي شن دنبها
محمد:اي وهادا الي صار ياستي وبعدين كله نصيبات ماتندريش ع الوقت ✋🏻
اريج :به شن صار في صاحبه😳
محمد:طبعاا هو لما فسخ طلع يقرا برا لان حالتهم الماديه فووق الريح ونقطعت اخباره لاكن قبل مايسافر باعت لي سند رساله طويله عريضه
اريج:بنت لحرام هاادي
محمد:هههههه غر لا اعصابك شن نبو فيهم اي احكيلي شن جوو الجامعه
اريج :تمام الحمدالله 😂
وقعدو يهدرزوو وفالوقت نفسه هنادي وسند مقعمزين فالطياره
هنادي:سند 😓
سند:هاخيرك ؟
هنادي:اني نخااف من طياره وكل مانساافر لازم نرقد باش مانحسش
سند:ههههه خوافه الزح
هنادي:سند ندوي جدياات والله نخااف وتجيني زي الفوبيه
سند:باه شن بنديرلك تواا طياره بتركب
(هنادي ومن غير ماتتكلم رقدت ع كتف سند وغمضت عيونهاا سند مباش يتحرك وقعد يشبحلها لين طياره اقلعت ولما قلعت شدت ايده وخاايفه 😥) سند قعد يشبحلهاا وخله ايده في ايدهاا ورقد حتي هو ✨
.......
ايمن: هههههه تعاله بسرعه
محمد:خيرك اللنم خلعتني ؟
ايمن :وصلتني ساعه ياراجل من البنت 😍
محمد:هههههه ياقعادي وشن المناسبه ؟
ايمن :ههههه كادب عليها مقايللها عيد ميلادي وجابتلي ساعه رادو 😍❤️
محمد:تراا زي سااعتي ياكلب
ايمن ؛هادا غر تتجمل ع امي اهوو جتني زيها من نيتي الصافيه 😂
محمد:هههههه لا هيا من ناحيه صافيه صافيه😒.......
تي اخبت من دين امك ماافيش ياراجل
ايمن:حاسد امي اللنم 😒
محمد:ياكلب مش هكي لاكن انت شن محتاج تي تجيب منها حتي عشره عيب عليك ياراجل تجرح فالبنت
ايمن:براا ارقد ترا من عليا طلعلي توا بي ضميره ماتخلينيش نفكرك في هديل بنت عمك
محمد:ضمممم فمك زححح معاش تجيب سيرتها وبعدين اني مااضلمتهااش هياا قتلي معااش نقدر نكمل
ايمن:لاكن اني عارف انك سبب لان ماابيتش تخطبها طول تي مابيتش تقول حتي لي امي عليها ومافيش حد يعرف انك تكلم فيها
محمد؛تيي اللنم اني مانبيش نفتح لعيون علينا وبعدين فكيني من امهاا سيره ترا عكرتلي مزاججي😠
ايمن:كلام الحق مااه عندك الحق يوجعك
محمد طلع ومن غير مايكلمه✨
.....
الطياره وصلت وناضت هنادي قبل سند شبحتله كيف راقد حتي هو وجبدت ايدها بشويه لين .......
#يتبع
رايكم💓
