روايه #احببته_رغم_شكه
الحلقه الخامسه
(لبست توته حرايريه فوشيه وخلت شعرها مفتوح وقعمزت قدامه )
هنادي مقعمزه تاكل وهو ياكل بشويه ومطبص راسه
هنادي(خيره هادا بنعيش مع صنم اني والله مصارت)
هنادي:بتقعد هكي قصدك لا حس لا خبر😒
سند:نعم ؟!
هنادي:اني اسمي هنادي😂
سند ؛وين جديد فالموضوع 😒
هنادي:شن تخدم ؟
سند؛متزوجه واحد ماتعرفيشي شن يخدم
هنادي:الحق مجانيش فضول 😏
سند: وغريبه وافقتي طول 😒
هنادي:الغريب انك وافقت 😳
سند:بنقولك حاجه الزواج هادا مستحيله يكون اين زواج او بين زوز يحبو بعض
هنادي😳 (ع اساس اني نموت فيك ومانقدرش نعيش بلاك )
سند :نوضي ارقدي نوضي
هنادي:ماشي
(هنادي خشت لي دار وقعدت تفكر في كل شي وكانت خايفه سند يجيها قعدت كل دقيقه تشبح لباب لين خداها النوم )
سند واقف في البلكونه يدخن واحد وراء التاني (اوووف شن هالقصه الي ليها بدايه وماليهاش نهايه 😔💔) خش ومشي لي دار شبح هنادي راقده سكر عليها الضي وقعد يتفرج ع التلفزيون لين خداه النوم
......
الصبح ✨
اريج :ماما بنمشي لهنادي بنجيب الفيلوو 😍
سالمه:استني شويه غر تاخد راحتها
اريج؛تي ياماما المحل مايعرفش رااحه قالت 12يكون عندها وتوا 11
ساره:ارفعيني معاك 😔ستاحشتها
اريج:لالا بنمشي بعدين لي سالي صاحبتي بنرفعها تشري حاجه
ساره:واني نقول طاارحه جو نظارات وصنه تفوح وسروايل وجو
اريج :مصحك طول عمري هكي نطلع 😏
سالمه:غر ماتلوديش هلباا ال2تكوني اهني
اريج:اي اوامر تانيه يانبع الحنان ❤️
سالمه:سلميلنا ع اختك 💔
اريج:حاضر...سلام توا
......
هنادي؛حي وين اني😳...حي ع الغبيه انسيت
)ناضت هنادي لبست شبشب الحوش وطلعت لقت سند رااقد فوق صالون قعدت تشبحله شويه وسارحه في جماله )لين شرين تلفونها
هنادي؛هاا خلعتيني يابنت حتي اهني مش متفكيه منك 😂
اريج؛حيوانه توا امس كله واخده راحتك في هالدقيقه ضايقتك خززي المهم
سند ناض ولقي هنادي فالمطبخ وتتكلم قعد يشبحلهاا وقرب منها
هنادي:هههه به شن تبي😂
اريج؛اني جاايه بناخد الفيلوو وتيه😂غر مستعجله
هنادي:حااضر..ماشي سلام
سند:في مني تكلمي
هنادي😳خلعتني
سند:في مني تكلمي سؤالي واضح 😒
هنادي:خيرك انت في اختي
سند:ستاحشاتك 😒
هنادي:لا جايه بتاخد الفيلوو بس وطلعت من فجنبه وخشت لي دار تساوي فالفيلوو ✨
.....
سند قعد يحك في راسه وخش يغسل فوجهه لين سمع الباب
سند:امي
خيريه :كيف حالك وليدي ؟
سند :تمام الحمدالله
خيريه:شد من ايدي لفطور
سند:صحيتي خشي ؟
خيريه:لالا سلملي ع هنادي بنمشي 😊
سند:ماشي ..تمام
،،،،
اريج وصلت قعدت في سيارتها دور في الفتوره تحساب روحها نستها لين لقتها نزلت ✨
....
محمد طالع يلبس في ساعته
خيريه:شن طالع ؟
محمد:اي شويه وانجي عندي موضوع
خيريه :ماشي تمام
....
اريج ركبت خدت الفيلوو من اختهاا وهيا نازله تجري في نفس اللحظه طلع محمد من لحوش وطاحت عليه شدهاا محمد وقعد يشبحلها والفيلو طاح )
محمد:انتي كويسه 😍
اريج:ايي سامحني بالله عليك غر ماركزتش (وقامت نضاراتها والفيلوو )
محمد:ماشي ركزي مره تانيه مش ديما موجود اني😅
اريج:ههه غر لا ياسبيدر مان ماشي نستأدن شكراا
محمد؛ماشي العفوو😂💔
....
محمد(حيي ع ام الجمال طرف للمليون 😍)
اريج(اخخ ياقلبي الصنه والجسم والجمال وكله وكله ❤️)
ركبت سيارتها ومحمد نفس الشي شبحو لي بعض شويه وطلعت ✨
اريج:سالي انزلي انزلي
سالي:ماشي هي
...
هنادي:ماتبيش تفطر ؟
سند:لالا شربت قهوه اني طالع
هنادي:ماشي تمام (شن هالنكد الي عايشه معاه جسد بلا روح 😒)
....
سالي:خيرها الابتسامه شاقه وجهك وال32يبانو😂💔
اريج:اه يااقلبي تعرفي مشيت لي اختي طلعلي ولد تقول من سماء شكله سلفها😍يهبل بمعني الكلمه بيني وبينك عيله كلهم طروف هما😂
سالي:اوووه امالا عولي ع روحك 😂وكان عندهم تالت ليا لو سمحتي
اريج:نهارات حتي فحوش راجلي بتشاركيني عليك هم 😂😒
سالي:هههه انزلي انزلي بلا حسد
.......
(خدت هنادي تلفونها والمفتاح ونزلت لوطه لحوش عزوزتهاا )✨
طقطقت الباب فتحلها ايمن 😳(اي الحلاوه دي من صبح 😂
هنادي:صباح الخير
ايمن ؛صباح النور؟
هنادي: هنادي مرت خوك 😂
ايمن :يافرحه ماتمت😂💔
هنادي؛نعم؟!
ايمن :لالا شي تفضلي نورتي 😜( قالك مايبيش يتزوج بالله واحد يشوف الجمال هادا كله ويرفض عليك احوول💔😂
خيريه؛نوور الحوش
هناددي؛منوور بأهله😍
خيريه؛كيف حالك وشن اخبارك
هنادي:والله تمام الحمدالله وين عمي امالا
خيريه ؛والله طلع توا لما يجي سلمي عليه
هنادي :انشاءالله ❤️
خيريه :اركبي ارتاحي توا شويه ونجيبلك غدااك
هنادي:لالا توا نتغدا معاكم اصلا سند طلع ومش عارفه امتا يولي
خيريه :كلميه باهي
هنادي(ياشينك علقه توا بيقول عالقه فياا شن نزلني اني اصلا )😬
سند(اياه بنبدو مكالمات تواا 😒)
هنادي؛ايوه
سند:اهلين
هنادي:امك قتلك بتروح ؟
سند:شويه تانيه مش معطل
هنادي:ماشي (كان عليا اني معاش تروح بكل 😂)
سند:سلام
،،،
(جو لولاد محمد وايمن ورياض وسلمو عليها وبو سند وقعمزو يهدرزو ويستنو في سند باش يتغذا معاهم )
خيريه؛ غريبه ماجي حد خدي القفطان باش يردوه
هنادي:لالا جت اريج اختي الصبح✨
محمد طول قام راسه وتفكر الموقف لا اراديا قعد مبتسم ايمن شبحله طول ؛)
ايمن؛ههههه شبحتها قصدك لان الابتسامه هادي وراها حاجه 😂💔
محمد؛وياريتني ماشفتها😂
ايمن:شينه لي هالدرجه عادي عادي احني ماعندناش حظ😒
محمد:شينه قالك 😂تي انجلينا جولي ياراجل وبعدين شن دخلك انت تحشم 💔
ايمن:ههههههه وقعت وماحد سم عليك يابردر 😉
(خش سند اول ماخش جت عينه ه هنادي كيف تضحك مع رياض )
سند:سلام عليكم
العيله :وعليكم سلام
هنادي تهدرز هيا ورياض :ايي ورد بالكك اديرها والله تروح فيها 😂
رياض ههه زعما نوضي نوضي جي راجلك انكد فكنا منه 😂
هنادي:ههههه صار كلكم عارفينه نكد 😂
رياض:اسس خير مايسمعناا 😂
هنادي :غر نوض مع امك 😅
(مشت هنادي للمطبخ وكانو عيونه يتبعو فيها لين قاله )✨
محمد؛مشاءالله ياراجل اخلاق وجمال شن تبي تاني😉
سند:وين نندري اني شن ادير من وراي 😒
محمد:انت تفكر انها دير حاجه من وراك لاكن خلي فيها تقه وتوا اتشوف تفكير هادا كيف يطير بالشويه
سند:بالله عليك رتحني يطير قالك يصير خير 😒
محمد؛والله غبي لامتا بتقعد هكي نوض نوض نتغدو😉
سند:تمام
قعمزو فوق الطاوله وام سند ماخلت هنادي ادير شي ويتغدو كلهم مع بعض وهنادي مقعمزه جنب سند )
✨
خيريه؛امتا بتبدي تمشي لجامعه
هنادي:الاسبوعين الجايات
هنادي تكلم في سند بالشويه :نمشي بالسيارتي عادي
سند :لا توا اني انوصلك 😒
هنادي:تمام
.....
هنادي:صحه اني راكبه
خيريه ؛ماشي اركب سند حتي انت
سند:عندي خدمه مع محمد😉
محمد؛توا نكملها بروحي😂
سند(حي ع امه الكلب والله لما نوريه):باهي به😒اعلق فيهاا
ايمن:اني ماشي لي داري 😜
خيريه:باهي
......
ايمن:ايووه ياقلبي ❤️
البنت ؛قلب عينك ماه ادور هلباا 😒
ايمن:عيب عليك والله قلت عندها قرايه
البنت:باهي به
(وقعدو يهدرزو وهنادي ركبت هيا وسند هو خداه النوم وهيا كلمت اريج )✨
اريج:هههه بالله وين راجلك يابنت 😒
هنادي:تفووه ياكلبه غر نبي منك خدمه 😂
اريج:ها شن تبي 😂
هنادي؛غدوه احد عندك جامعه ولا جيبيلي شيتااتي تلقيهم حاطتهم فالشنطه متع الابتوب 😉
اريج:الله تمام غر اسمعي
هنادي:نعم
اريج؛عندك خلقه سلف طرف للمليون 😍
هنادي؛عندي تلاته ياعمري
اريج:مشاءالله هادا ع الاكحل وجو شخصيه جسم وطرف
هنادي:يشبه لي سند ولا لا
اريج:نسخه 😂💔
هنادي؛هههه محمد امتا لحقتي تقنصي 😒
اريج:ههه بعدين نتكلمو هاكه ماما
(خدت هنادي تتكلم مع امها وفاق سند لين هيا سكرت ✨
وقتله؛خيرك تشبحلي😐
سند:ماتعيش من تليفون اربعه وعشرين ساعه تتكلمي😒
هنادي:انت شن واجعك فالموضوع انكلم في امي 😏
سند:تعرفي يابنت الناس بنقولك كلمتين وحطيهم في ودنك ززين 😡
(هنادي وخرت خافت منه كيف يدوي )
سند:ردي بالك تم ردي بالك تلعبي بديلك لان مستحيل تعرفي مع مني تلعبي الفتره الي بنقعدو فيها مع بعض ومش معروف كم المهم تحترمي نفسك فيها 😠
(هنادي قعدت تشبحله ومش فاهمه من كلامه شي)
وقتله:شن تخرط انت لعب شني واحترام شني ؟
سند؛جوو علقات من وراي وجو تسهويك بنات والعار متعكم فوتيه لين تطلعي من دمتي بعدين ديري الي يريحك 😒
هنادي:احترم نفسك كيف تتجرا تتكلم معاي هكي علاش انت من وين تعرفني وبعدين لو تفكيرك مريض مش معنيته كلنا ماننفعوش واني اخر مره نسمحلك تدوي ع تربايتي هكي دير بالك لان استحملتك اكتر من استطاعتي
سند قرب منها وشدلها ايدها قعدت توجع فيهاا
وقاللها ؛جوو البرااءه متعكم هادا مش الكل يصدقه رااه ملاك ع اساس ودفها وطلع ✨
هنادي (اه ايدي وخشت لي دار شدت راسها وقعدت تفكر خيره هادا هكي عنده عدم تقه مستحيل نقدر نصبر لين خداها النوم 😥 )
.......
محمد: خيرك متكنطي ؟
سند:تعرف راسي بيتفجرر نصبتها معاها وطلعت
محمد:سند نبدا نعاود فيها ونكرر رد بالك دير حاجه تندم عليها شن عرفك فالبنت انت وكان وحده خاينه مستحيل يكونو كلهم نفس الطبع وهكي تضلم في بنت نااس فكرر قبل كل شي مش كان بنت لحرام عرفت تلعبها صح تخسرر تقتك فالناس كلها (وفاته وطلع )✨
......
(سند خش لي الحوش وقعد يدخن ويلود ويفكر فكلام محمد لين خش لدار القاها رااقده خدي حوايجه من دولاب ودوش وطلع )✨
.....
اريج بروحها فالحوش امها وساره مشو حوش عمهاا شويه وتسمع صوت عياط ناضت تجري القت 😳
اريج:.....😱
#يتبع
رايكم ❤
