الحلقة 2
الحلقه طويله هلباااا لين تملو منها 🙈
قراءه ممتعه❤️
روايه #احببته_رغم_شكه
الحلقه التانيه
سند:سمعت انك خطبت ياصاحبي😒
صالح (كان مرتبك وخااايف ومتوتر بشكل فظيع):ايي عقباليك
سند: سلمك ..لاكن حرجت منك اني اخر من يعلم ونسمع من نااس
صالح ؛ حقك عليا نستأدنك
سند حط ايده ع كتف صالح وقرب من ودنه
وقاله:مالا غر نبهك مداما مشت لميه من تحتي وتي روحك انت بتجري مجاري تحتك 😂💔لان مداما دارتها مره وخانتتي ح تخونك الف مره والواحد لما يتعود ع حاجه يديرهاا مستحيله يدرك العواقب.(وخبط علي كتفه خبطين ومشي )وكان ح يتفجرر
صالح كان مصدوم من كلامه وشك فالموضوع 😳ضرب لكلام فراسه (شن تخرف انت غر الولد متكنطي ودوته فاارغه )ومشي
......
(وبعدها فتره فسخوو حق وحاولت ترجع لي سند لاكن استحقرها وفااتهاا وهيا قاعده لتوا ماتزوجتش )
.......
سند حط لحديده واستغفر وبدل حوايجه وطلع 💔
محمد:وين كنت لينا ساعه نادو عليك باش تتغدا ؟
سند:والله سرحت سامحوني
ايمن ؛بالله عليك امي متسامحيشي😂💔
سند: ايمن اسكت وراسك 😠
خيريه؛خلاص ياولاد نهاركم هكي كبركم ومزال تتعاركوو
رياض:والله ماعندك واحد كويس الا اني ياامي😍
سند:شكاار روحه 😏
خيريه:اي مالا من الجامعه الي ماده عالق فيها مابيتش تصفيها
رياض :فكنا من لفضايح ياامي💔
ايمن ؛بالله احكيلهم عليا المواد اني قبل كلهم مصفيهم
محمد؛نهار احرف كان تلاته سميسترات في مادتين ومش ح تصفيهم 😂💔
ايمن :خلينا منك ياطالب العلم بالله عليك
رمزي بو سند:خلاص ياولاد خلونا نتغدوو عااد😳
شباب :حاضر يابوي
........
ساره؛توا مش عارفتيني البازين منحباش😭
هنادي:اقعدي غر توحمي انتي 😒
اريج تقرص في اختها من لوطه باش تتحشم قدام خوها ولا كأنه
هناادي:تي هاا خيرك تقرصي😳
اريج :ياغبيه نقصي صوتك شن تتوحمي هادي قدام خوك
هنادي:تي شن توا مرته ماتوحمتش 😂💔
اريج:ضمي ضمي😏
انس:هيا بنركب اني تبي حاجه امي
سالمه؛ارتاح وليدي
احلام؛غر نقيموو لماعين نوضو😠
سالمه ؛لالا اركبي مع راجلك يابنيتي توا لبنات ايديروهم
هنادي ؛توا تغسلهم ساره 😂قعمزي ارتاحي
ساره:من ساره؟
اريج؛في حد اسمه ساره غيرك انتي😂
ساره؛احلموو بنمشي نرقد😒
سالمه؛عاودي وين بتمشي؟
ساره؛بنمشيي نقراا😞
هنادي؛ماتمشي غر بالعين لحمره
اريج؛حاله😒
سالمه ؛حقا عزمتكم بنت خالتي عرس نرجس بنتها حتي انتي يااحلام
هنادي .اريج؛ نخطببببت😱😱
سالمه ؛علاش خيرها لبنيه باش تقعد مشاءالله عليها
هنادي؛بالك متلخبطه ياماما 😂
اريج؛راهو ياماما سمينه 4في4 مشااءالله وسمره 😭😭😭
سالمه؛تحشمي استغفري ربك 😳
اريج:استغفر الله شي يقهر ماه اصغر مني 😂💔
هنادي؛شن بدير بيه زواج 😒فروخ اخر زمن
سالمه:بلا كتر دوه ليوم حفلتها وبتمشوو 😏
احلام؛اني مانقدرش دايخه حاسه روحي 😞
هنادي:ياماما غدوه جامعه بكري مخاطريش واحني مش واتين وماقررنا شي
اريج:صح كيف هكي مفروض قلتيلنا بالك نلقي نصيبي اقل شي😂نطرحو بجني كله😂
سالمه:حسك شن قلتي
اريج:سلامه قلبك 😂
ساره:به واني 😳
سالمه:اقعدي مع مرة خوك قداش بيمشي واحد
ساره: تي نخااف بالك ينقز عليا حد😳
هنادي:من ناحيه هادي طمني حتي لو بينقزو هما بيخاافو مش انتي 😂وبعدين قتلك مع مره خوك
ساره :باهي به
اريج؛غر نغسل لمااعين ونبدا في روحي😂
هنادي ؛ارفعيني معاك زودي
............
لبسو لبنات وجهزو روحهم ولبست هنادي قفطان ابيض ودارت شعرها فلو مش ملوي هلبا وشويه ميك اب خفيف) جت8
اريج؛اوووه يا اي الجمال دا كله ياجدعان 😳
هنادي؛استني غرر نلف🙆 وبعدين مافيش جمال وانتي موجوده 😍
اريج؛ياانعلياا❤️
سالمه ؛هياا خوكم يستناا براا
اريج:ماهو ع اساس بترفعينا انتي هنادي؟
هنادي:لالا ليل وضلام نخااف 😂
سالمه :هياا اطلعوو قدامي
،،،،،،
خيريه؛هياا سند وصلني؟
سند؛وين علي خير
خيريه ؛تي بنت صاحبتنا بنت محمود
عرسها
سند؛وين نعرفها بنت محمود ولا فتحي اني
خيريه؛به نوض وصلني وقت
سند:امي شوفي محمد ولا ايمن
خيريه ؛واحد فالحوازه مع صحابه والتاني مهناش
سند؛امري لله نوضي هي
......
اريج:شووفي طروف الي في سيارات 😍
هنادي:ركزتي حتي ع سيارات مفلحك 😒
اريج:نقصي صوتك ديما فاضحتينا خوك نسيتيه
هنادي؛ مزال امي مطولين
انس:لالا خلاص تقريبا وصلنا كان الموصفات الي عطتهملي امي
هنادي؛اهاا دخت من سياره ماه
،،،
سند:هيي تفضلي ياامي
خيريه :ماشي وليدي ربي يفتح عليك
....
اريج ؛شوووفي هداااكاا بسرعه الي قدام صاله 😳
هنادي:خيره خلعتيني 😒
اريج: يااكلبه يهبل 😍 زعما وين امه غر نقعمز جنها
(هنادي شبحت لي سند ) وقتلها ؛تعرفيي؟
اريج؛هاا خيرك
هنادي؛هههههه حسيته دمه رزين
اريج ؛لعفوو من وين تعرفيه انتي 😒حسييت قتلك احساسك خليه لعمرك ياحبي
هنادي؛مبردك
انس:هيا انزلوو وبعدين كلموني !
سالمه:ماشي صحييت وليدي
،،،،،
خشوو لبنات لصاله وسلموو وقعمزو في طاوله مرع بنات خالاتهم وعيلتهم
......
نجاة اخت خيريه:تي ماهو بتخطبي لولدك ؟
خيريه ؛ايي اهو بندور لاكن الفرخ سند مسكرلي رااسه
نجاة:لالا غر ديريله جو مش راضيه عليك وهكي توا يتزوج
خيريه؛زعما توا نجرب غر نشوف اني
،،،،،،،
هنادي؛خيرك يابنت منكده ؟
انوار بنت خالتها؛تعاركنا ومش اي عركه
هنادي:وين جديد فالموضوع ديما انتو متعاركين 😂💔
انوار؛هناادي ندويي جد😠
هنادي:هههه خلاص سكتت نوضي نمشو نسلموو ع انتصار صاحبتنا
انوار؛مخاطريش
هنادي:بلا جو مطلقات ترا نوضي 😳
ناضت انوار ومشت لي طاوله لي مقعمزه عليها ام سند كانت مقعمزه معاهم انتصار
خيريه اول ماشافت هنادي قعدت سارحه فيها
هنادي:اهلا 😊كيف حالك
وقعدت تسلم عليهم
انتصار صاحبتها متزوجه وفنفس الوقت بنت خالت سند قالتلها :هناادي 😍كيف حالك يابنت
هنادي؛والله تمام بخيرر مستحشاتك ❤️وين مختفيه
انوار:شكلني مش غاسله وجهي😒
(هنادي تنخس فيها )
انتصار؛نعم شن قلتي 😕
انوار:قتلك كيف حالك 😜
انتصار؛الحمدالله حقا غر نعرفكم ماما تعرفوها طبعاا وخالتي 😋
هنادي سلمت ع ام سند
هنادي:اهلين كيف حالك خالتي ؟
خيريه؛باهي الحمدالله كيف حالك انتي
هنادي،والله تمام هياا نستأدن ماما تنادي عليا 😋
انتصار:خودي راحتك
،،
خيريه:تعرفي البنت خشت في راسي💔
نجاة؛اي مشاءالله قنينه وواضحه اخلاق زعما مخطوبه
انتصار:لالا مش مخطوبه
خيريه :نمشي نكلم امهاا وينها امها هياا
انتصار:اهييا الي لابسه عنابي خالتي سالمه
خيريه ؛ماشي نمشي نكلمها ونجي
،،
انوار:شووفي يابنت خالت انتصار واقفه علي امك اكيده بتخطب
هنادي:اشيي تفائلي خيرر بعيد سوء غر مرات يعرفو بعضهم
اريج:ههههههه يااريت سلمت ع انتصار معاكم
هنادي:هادا الي فالحه فيه الهي في قرايتك
اريج؛لعروسه ضعفت حسيتي توا ولت 3في4😂💔
البنات:هههههههههههه
،،،،،
سالمه:انشاءالله مالا يصير خير 😊
خيريه؛هيا نتلاقو ع خير
سالمه ؛ماشي
،،،
اريج:ماما تعاالي تراا
سالمه ؛ها خيرك؟
اريج ؛لمراء شن تبي منك😂💔
هنادي:ياعليك تقصقيص 😒
سالمه؛تخطب في هنادي وقتلها تفضلوو
هناادي😳:نعممم
سالمه؛ايي بتجي السبوع هادا
هنادي؛به انتي خديتي رأي
سالمه :اول شي احني ماوفقنااش بتجي تشووفك بس وبنسئلو وبعدين ساهل
هنادي سكتت وقعدت تفكرر لين روحوو 😞
مره الليله الاوله
...
سند:صباح الخير
خيريه :صباح النوور حقاا امس جيت القيتك رااقد
سند:شن في
خيريه؛القيتلك عروسه تهبل😍
سند:ومن لعريس انشاءالله😂💔
خيريه؛انت
سند؛اني من الاول مقايلك ع الموضوع هادا منبداش في كل مره نعاود فيه باهي 😊
خيريه:قسم بالله يااسند ماتواافقش لا اني امك لا نعررفك عييت رااه كل ماندورلك وحده تحشم فياا مع النااس خلاص قتلك بتشوفها بتشووفها
سند:ياامي زواج راه مش بالغصب اول شيي وتانياا اني مستحيل نتزووج
خيريه؛والله ياسندد ماتتزوج ماني راضيه عليك واهو قتلك سبوع الجاي بنشوفوها😑
سند(غبي انت تي توا امك بديرلك جو لحرج وبتقعد مش راضيه عليك برا بعدين سكر راسك عليها )
خيريه ؛ها شن قلت نكلموو ناس
سند:بااهي ديري الي يريحك
محمد:شن في
خيريه؛واخيرا خوك وافق يتزوج
محمد:والله لو نعرف نزغرط راه زغرطت😂💔
سند؛تي حط عقلك فراسك ياراجل وبعدين اني ماوافقتش
ايمن:يااريتني اني بالله😂💔
خيريه؛احتررم نفسك يافرخ
ايمن:تي فرخ شني بالله عليك اكبر مني بتلاته سنين دارتني فرخ😒
سند:بالله عليك ارفعيه هوو
ايمن:طرف ياامي باهي❤️😍
خيريه:تحشم ياولد والله طلعت مانعرف نربي
محمد:ههه ماشي اني طالع 😂
ايمن:واني بنمشي نتحسر ع اياماتي😂
خيريه نحت الشبشب وحدفاته عليه
ايمن:تصويبه خااطئه المره جاايه احسن 😂
خيريه؛ايمنن😳
ايمن:خلاص مششيت😒
سند:حتي اني
خيريه:توا نكلم لمراء وناخدو موعد
سند :وبالله عليك راه مش معطلين متع برنامج عرس يعني تمشي تشوفيها بعدين عماتي بعدين توليله مره تانيه بعدين اني نشوفها يبدا عرس هكي مره وحده نمشو انشوفوها اني وياك ونرفضو الموضوع ونروحو😒
خيرريه:ترفض عينك ماشي ماشي
سند:سلام
.....
(مرو تلاته اياام وخيريه وسند بيجو لي هنادي بيشوفوها )
سالمه؛اركبي هنادي وتي روحك
هنادي:امري لله😒
ركبت هنادي بدلت حوايجها وشعرها زي لحرير وحطت ميك اب وقعمزه تشبح للمراياا
اريج:شن ياحلوه انتي ؟
هنادي:ههههه انتي عارفه زيه زي الي قبله يعني وين جديد
اريج:لاكن غر نفكرك انه هادا اول واحد تطلعيله
هنادي:لا غرر امه قالت بيجي معاي كنهاده من لباب رفضناه
اريج:يالله والله ماتندري وين نصيبك
هنادي:هادا هو
......
خيريه:هيا ياسند
رمزي بو سند : سند هادي سنه الحياه رااه وبتكمل نص دينك لامتاا بتقعد هكي وكان بنت كويسه توكل ع الله
سند(ايااه عليناا ياشينك علقه غبره قالك كويسه ):انشاءالله يصير خير
ايمن:ارفعوني معاكم 😂💔
خيريه:هني روحك
محمد:رااه الاخ حاسدك 😂
سند:ه السياره الكامرو الي بيحسدني عليها 😒
خيريه :هيا اطلع
ايمن:سلملنا ع نسباتك 😂❤️
سند؛من عيوني ياعيوني😍
ايمن:محمداقرصني الرومنسي هادا خوك قصدك😳
محمد:اني بروحي نبي من يقرصني😂
سند:مهبله 😒
..........
سالمه:اختك وتت روحها ناس قريب يوصلو
اريج:اي لاكن غر نقولك ان بنتك حسيتها مش متحمسه بكل مش زي لبنات الي بيجي يشوفهم حد
سالمه؛تي امتا هيا فكرت فالزواج باش تتحمسله
اريج؛ايي لاكن هياا متأكده انه مش ح يصير ومتفائله انه موضوع فاشل
سالمه ؛به لامتا بتقعد هكي وخوك قالي لو ولد كويس وعجباته مش ح يرفض
اريج:الباب يطقطق
سالمه:امالا جوو ...الراجل اكيده مع خوك برا نادي اختك غر دير معاك القهوه وقوليلها تطلع لي المراء قبل
اريج:ماشي تمام
......
اريج:نخش
هنادي:ماعرفتكش من الاحترام
اريج:ههههه لا والله اصلا مافيش الا اني يطقطق ساره فحوش خالتك يعني اني بس روحك😍
هنادي:ههههههه به شن تبي فسدتي علياا كنت نتخيل روحي متخرجه😍
اريج:ههههه اشيي نحسابه تفكر كيف بيكون شكل سعيد الحظ
هنادي:هههههه اكيده زي عبسي ولد جيرانا وبعدين وجهي مش وجهه طروف😂💔
اريج:حيي نسييت اصلا جوو هي تعالي
هنادي: (خدت شهيق وزفير ):هيا ربك يسترر
.......
(سند كان مقعمز في صالون طلعت هنادي تسلم ع ام سند وناضت هيا وام سند لي صالون طلع انس وخشت وامه طلعت من غير ولا كلمه سند كان متبص وخشت هيا وهو كان سارح لين قعمزت وهو مش معاها اصلا )
قام راسه فجأه القاها مقعمزه وهيا قامت راسها من صدمه قعده سارحه )
هنادي(حي هادا نفسه لبارد لقدام صاله 😳
سند يتمتم بشويه ؛حي والله طرف ..طرف ولا مش طرف كلهم خاينات زي بعض واكيده زيهاا زي غيرها جمال بس 😒
هنادي سمعاته وقعدت تمتم :يتجكتر ياريته فيهم واحد مقوم 😒
سند:قلتي حاجه 😒
هنادي:سلامتك (ومعاها مايسمعش)
سند: تسوقي ؟
هنادي(شن سؤال لفتتاحيه هادا شكله عنصري):اي
سند(فررصه ):مالا فوتيها
هنادي:نعم نفوت عينك
سند:شنيي عااودي ؟
هنادي:شن بنعاود 😏
سند:نفووت شني
هناادي:مانحبش نعااود
سند :اقعديي فيهاا
وناض وسكر لباب عليها
هناي(الحمدالله تفكيتت 😂😂)
سند(ههههههه جت منك ياجامه)
..........
سند:قليله اذب شكلهاا
خيريه ؛علاش خيرها😳بلعكس البنت محترمه
سند(محترمه قتلك والله كله من تحت لي تحت )؛قتلها مافيش سواقه قتلي لا بنسوق تسكر فراسها واني مانحبش لعناد
خيريه؛به انت عجبك شكلها
سند:تي اني شفتها بااهي زي نااس
خيريه؛ مالا خلاص نتوكلو ع الله
سند:تيي نقولك ماخشتليش رااس
.....
سالمه:كيف ماخشلكش راس
هنادي:شكله يتحكم
سالمه:كلهم رجاله هكي ؛به هو عجبك اسلوبه
هنادي:تي علاش هو عنده اسلوب قالي ماتسوقيش
سالمه ؛لحجات هادو تفاهمو عليها بعد زواج
هنادي:تي زواج شني
سالمه :خلاص خوك بيسأل عليه ولو كويس بنوافق
هناادي؛تي مغرور وبارد
،،،،
سند:تي شن تقولي البنت مغروره علي ولا شي
خيريه؛خلاص غر تسأل وترد علينا وبتتزوجه ولا مش راضيه عليك
سند:به يصير خير(ماعتقدش توافق بعد تقربيعه كيف طلعت)😂
.............
اريج:به قنين
هنادي:تعررفي من طلع 😂
اريج:مني ؟؟؟نعرفوووه😱😱
هنادي:الولد الي قادام الصاله البارد 😂الي قلتي طرف
اريج ؛تكدبي😂💔الجمال هداكا كله ورفضتي
هنادي:ماريتله جمال
اريج؛عينك الحوله
هنادي:اصلا ماعتقدش يوافق بعد ماقتله عينك😂
اريج:نهااارك ياريتني طلعت قبلك😂💔
هنادي:كان مزال جي😂
اريج؛والله طرف
هنادي :عندك علم مانعرفش حتي اسمه 😕
اريج؛هههه غر كان وافقتي راه عرفتيه😂
هنادي:ياشينك نكد هو
،،،،،،
فاتوو يومين وشبهه الموضوع تسكرر لاكن ام سند تحكي ديما لي بوه علي عيلتهم وسألو عليهم
.......
انس:سألتلك عليه حقاا
سالمه:هاا شني ؟
انس:.....
