A/N
Happy reading guys. I'm trying my best na makapag ud po lagi ^ ^
__________________________________________
Chapter 36
Kinakabahan si Althea ng makalapag na ang eroplanong sinasakyan sa Ninoy Aquino International Airport. Alam nyang may mabigat silang problemang haharapin ni Gabriel.
Isang malalim na buntong hininga ang pinakawalan ni Althea.
“What’s that for?” sabay akbay ni Gabriel sa asawa.
“Kinakabahan ako.”
“Don’t worry okay?, just trust me this time, aayusin ko ang lahat.”
Marahang tumango na lamang si Althea.
“What if they will force you?” hindi na rin napigilan ni Althea ang sarili na itanong ito sa asawa.
“Nobody can do that to me. I love you sweetheart, hindi ko kayo iiwan ng baby.” Sabay halik sa tuktok ng ulo ni Althea.
Isang matamis na ngiti ang sinukli ni Althea sa asawa.
“Oh God! Nakalimutan kong sabihan sila Papa na ngayon ang uwi ko.” Sabay tapik ni Althea sa noo.
“We will just call them pagdating natin sa bahay or we can ask Mang Pedring na sunduin sila.”
“Gusto ko sana na ako ang makauwi sa San Simon para mabisita ko ang farm, worried din ako sa nangyari few weeks ago.”
“Yes, we will visit them aayusin ko lang muna ang problem sa babaeng yun.” Nanggigigil na naman si Gabriel tuwing naaalala ang kalokohan ni Marian.
Paglabas nila ng airport ay naabutan nilang matiyaga silang inaabangan ni Donya Marcela.
Nanlaki ang mga mata ni Althea ng makita ang biyenang babae. “Ang Mama ba yun?”
“Excited talaga ang Mama na makita ka agad.” Natatawang biro ni Gabriel.
Pagkakita sa kanila ng matandang Donya ay agad silang kinawayan hindi pa ito nakatiis at siya na mismo ang lumapit sa mag- asawa.
“Thea, I miss you hija.” Sabay yakap nito kay Althea.
“I miss you too, Mama.” Ginantihan din ni Althea ng yakap ang biyenan.
“I’m very happy to see you again, ang Papa mo nga gustong sumama kanina kaya lang may mga naka schedule syang meeting today.” Masigla ang boses ng matanda.
Natutuwa si Althea na mainit ang pagtanggap ng biyenan sa kanya. Akala nya ay nagtatampo sa kanya ito dahil sa pang- iiwan nya sa asawa.
“I told you mas mahal ka ng Mama kaysa sa akin.” Sabay kindat ni Gabriel kay Althea.
“Let’s go sa mansion na lang natin ituloy ang kwentuhan.” Sabay hila ni Donya Marcela sa kamay ni Althea.
“Mama, dahan dahan baka madulas si Althea.” nag-aalalang inalalayan ni Gabriel ang asawa.
“Hijo, wag kang mag-alala. I’m a mother, remember? Kaya alam ko kung anu gagawin ko. Di ba, hija?” Sabay lingon kay Althea na nkangiti.
Pinaunang pinasakay ni Donya Marcela si Althea.
“Nakakatuwa nman, in a few months, makikita ko na ang unang apo ko.” Hinaplos ni donya Marcela ang maumbok na tyan ni Althea.
Halos malunod sa tuwa si Althea sa naging reaksiyon ng biyenan. Hindi nya akalain na mas sobrang excited pa ang donya kesa sa kanya.
“Ma, sorry po ulit ha dahil di ko po agad nasabi sa’yo ang tungkol sa pagbubuntis ko. Kasi nman itong si Gabriel eh, nakakainis..Inunahan ako.”
“I understand hija and I admire you, kasi kung ginawa ng Papa nyo sa akin ang ginawa sayo nitong si Gabriel, kahit lumuhod pa sya he will never receive my forgiveness.” Sabay tingin ng masama kay Gabriel na nakaupo sa may harapan ng sinasakyan nila.
“Mama naman..”nagrereklamong sabi ni Gabriel.
“Anong Mama naman? I’m just stating the fact.”
“Mama you should be happy na we’re together and look magkaka apo na kayo.” Depensa ni Gabriel.
“Sinong may sabi na hindi ako masaya na nagkabalikan kayo?” pinanlakihan nya ng mga mata ang anak.
Tahimik lamang at nakangiting nakikinig si Althea sa usapan ng mag-ina. Pati si mang Pedring ay natatawa sa nagiging takbo ng usapan ng mga amo.
“Parang gusto nyo pang i-brainwash ang asawa ko eh.” Kumakamot sa ulong sagot ni Gabriel sa ina.
“Ikaw na lalaki ka, nagpunta ka lang ng Canada naging sensitive ka na.” pang-iinis nya sa anak.
Hindi nila namalayan na nasa mansion na sila.
Inalalayan ni Gabriel ang asawa sa pagbaba sa van. Ingat na ingat sya na hindi ma out of balance ang asawa.
“Gab, kaya ko naman ang sarili ko.” Naiilang na sabi ni Althea dahil nakatingin sa kanila si donya Marcela at ang mga kasambahay.
“Mas maganda na ang nag-iingat tayo.” Ayaw papigil ni Gabriel.
“Hayan tama yan, bumawi ka sa asawa mo, dahil kung may mangyari sa apo ko, malilintikan ka na sa akin Gabriel.” Natatawang sabi nito bago sila iniwan.
Naging mabilis naman ang naging kilos ng mga kasambahay sa pag-aasikaso sa kanila.
“Ma’am welcome home po.” Bati ni Nana Chato kay Althea.
“Nana Chato mabuti nandito kayo, na miss ko po kayo.” Niyakap ni Althea ang butihing kasambahay.
“Ganun din kami sa bahay ma’am. Na miss namin kayo. Kailan po kayo makakauwi sa bahay nyo ni Sir?”
“May mga aasikasuhin lang po, then uuwi na kami.”
Pagpasok nila sa living room ay naghihintay na si donya Marcela.
“Magpahinga muna kayo, alam kong may jet lag pa kayo.”
“Yes Mama, lalo na yang si Gabriel halos walang pahinga.” Sagot ni Althea sa biyenan.
“Yes, you’re right. Sa sobrang excitement ng malaman ang exact address mo sa Canada, agad agad kang pinuntahan, kahit siguro bumagyo that day hindi papipigil yan.” Natatawang kwento ng matanda.
Lalong tumaba ang puso ni Althea ng marinig mula sa biyenan ang impormasyon na yun.
“Mama, anong oras uuwi ang Papa?” Pang-iiba ni Gabriel sa usapan.
“He’ll just finish the 2 o’clock meeting then uuwi na sya.”
“I need to talk to him regarding that matter.” Medyo balisa si Gabriel ng maalala ang kasalukuyang problema.
“Napag-usapan na namin yan ng Papa mo. I’ll let you know kung dumating na sya. Papadalhan ko na lang kayo ng pagkain sa room nyo para makapagpahinga kayo ng maayos.”
“Don’t worry hija, hindi namin kayo pababayaan sa problemang ito.” Baling ni donya Marcela kay Althea.
“Thank you po.” Nakangiting sagot ni Althea.
Pagpasok nila sa kwarto ay agad nilatag ni Gabriel ang katawan sa malambot na kama.
“Sweetheart, you should rest first. I know napagod ka sa biyahe.”
“I need to call my parents first. Baka magtampo sila kapag nalaman nilang nandito na ako sa Pilipinas and yet hindi ko man lang sila na inform.
Tumango si Gabriel sabay bangon para kunin ang cordless phone.
Dali daling tinawagan ni Althea ang mga magulang.
Naka ilang ring muna bago may sumagot sa kabilang linya.
“Hello!!” si Nana Marta ang nakasagot.
“Nana Marta si Athea po ito, nandiyan ba sina Mama?”
“Haay Bata ka!! Ilang araw ka ring hindi napatawag. Hinihintay ng Mama mo ang tawag mo.” Excited na bulalas ng matandang katulong.
“Nandyan po ba sina Mama?” tanong ulit ni Althea.
“Nasa kwarto ang iyong mama nagpapahinga. Ang Papa mo naman ay may inaasikaso sa farm. Sandali lang anak at tatawagin ko ang Mama mo.”
“Salamat po.”
Nagmamadali itong umakyat sa kwarto ng mga amo.
Hindi naman nagtagal ay nasa kabilang linya na si Senyora Alicia.
“Thea, hija?” bungad nito,
“Mama, sorry ngayon lang ako nakatawag sa inyo.”
“I know, I was waiting for your call anak. Kumusta ka? Nagkita na ba kayo ni Gabriel?” sunud sunod ang tanong nito.
“Yes Mama…”
“Really? Nakapag-usap na ba kayo?” putol ni senyora Alicia sa sasabihin pa sana ni Althea.
“Mama masyado ka yatang excited dyan.” Natatawang puna ni Althea sa ina.
Si Gabriel naman ay umupo sa tabi ng asawa at inakbayan pa ito.
“Of course, we want you to have a normal married life hija. Okay na ba kayo ni Gabriel?”
“Yes Mama we’re okay now nakapag-usap na kami.”
Nang marinig ni Gabriel ang sagot ng asawa sa biyenang babae ay hinalikan nya sa pisngi ang asawa.
Nangiti na lang si Althea ng makita ang asawa na titig na titig sa kanya. Kung ganito lang sana si Gabriel noon sana hindi na sila nagkahiwalay at baka wala pang Marian na umeeksena ngayon.
“I’m happy to hear that hija. When are you going home?” Sabi ni senyora Alicia sa kabilang linya.
“Mama, kaya nga po ako tumawag sa inyo. We’re already here sa mansion nila Gabriel.”
“Really?!” excited na sabi ni senyora Alicia.
“Yes, Mama. May mga aasikasuhin lang po kami, then we will visit you there para macheck ko na rin ang farm.”
“That’s great hija, pero baka bisitahin namin kayo ng Papa mo bukas. I miss my princess.”
Natawa si Althea ng marinig ang sinabi ng ina.
Inagaw ni Gabriel ang telepono sa asawa.
“Mama this is Gabriel, may surprise pa kami sa inyo.”
Napakunot ng noo si Althea dahil wala syang maisip kung anung klaseng sorpresa ang tinutukoy ng asawa.
“Masama sa akin ang masyadong na eexcite, ano ba yang surprise ninyo?” biro ni senyora Alicia.
Napahalakhak si Gabriel, nag eenjoy syang nakikita ang expression ng asawa.
“Mama!”
“Althea ano bang surprise yang sinasabi ng asawa mo?”
“Hindi ko rin alam ma eh. Sya na lang kausapin mo.”walang ka ide-ideyang iniabot ang telepono kay Gabriel.
“In few months ma, magkaka apo na kayo.” Excited na sabi ni Gabriel.
Napangiti si Althea nang marinig ang sinabi na asawa. Napahalakhak nman sa kabilang linya si Senyora Alicia sa sinabi ni Gabriel.
“Ma, what’s wrong?!” nagtatakang tanong ni Gabriel dahil sa kakaibang reaksyon ng byenan.
“Kasi naman hijo, bago ka pa lang umalis papuntang Canada, alam na namin ng papa nyo ang kalagayan ni Althea.” Nakatawang sambit nya.
Lumingon si Gabriel kay Althea na nakangiti sa likuran nya habang nakikinig sa usapan.
“Sinabi sa’yo ni Althea?” Tanong ni Gabriel.
“Mahabang kwento hijo. Pag usapan na lang natin ang tungkol dyan pag nagkita na tayo. For now, I’m very much happy dahil okay na ang lahat.”
Ibinalik na ni Gabriel kay Althea ang telepono.
“Hello ma, kelan po ba namin kayo pwedeng ipasundo?” Nasasabik na si Althea na makasama ang mga magulang.
“Pagdating na pagdating ng Papa mo, kami na lang ang luluwas. I’m excited to see you hija.”
“Mama, bukas na lang gagabihin na kayo sa daan.” Pigil ni Althea sa ina.
“Gusto rin namin makausap yang magaling mong asawa.” Medyo tumigas ang tono nito.
“May problema po ba?”
“I can’t tell you over the phone. Mag-uusap tayo bukas.”
“Mama tungkol saan? ” pangungulit ni Althea.
“About the farm.”
“About the farm? Emer already told me na tinulungan tayo ni Gabriel. ”
Natigilan si Gabriel ng marinig ang sinasabi ni Althea, bigla syang kinabahan.
“There are some issues behind that. Let’s talk about it tomorrow.” Sabi ni senyora Alicia.
“Okay, I’ll wait for you. Ingat po.”
Pinutol na nito ang usapan nila.
Pagkababa ni Althea ng telepono ay napansin nyang restless ang asawa.
“Gab, what’s wrong?”
“May sasabihin sana ako about sa farm ninyo.”
“Hindi ko maintindihan ang Mama sabi nya may pag-uusapan nga daw kami tungkol sa farm.”
Tumayo mula sa pagkakaupo si Gabriel, si Althea naman ay nanatiling nakaupo sa gilid ng kama.
Nagpalakad lakad si Gabriel hindi nya alam kung paano sisimulang magpaliwanag sa asawa.
“Gab, nahihilo ako sayo, what’s wrong?”
Tumabi ulit si Gabriel sa asawa at ginagap ang mga kamay nito.
“Sana mapatawad mo pa rin ako this time.”
“Gab ano ba yun? I will try to understand everything.” Pang eencourage ni Althea sa asawa.
“Yung tungkol sa muntik na pagkalugi ng farm, It’s all my fault.” Madiin na pinikit ni Gabriel ang mga mata.
Ayaw nyang makita ang galit ng asawa, natatakot sya na mawala ulit sa kanya ito.
Ipinangako ni Gabriel sa sarili na wala syang itatago kahit na ano sa asawa. Right now he’s ready to face the consequences.