-
يطق فهد باب الشقه، و ينطر ثواني متذكر الممر و الباب، هذا اهوا اللي راح له اول مره يذكره.
ينفتح الباب و يطلع له "هلا؟" يسأله و عرفه فهد انه اهوا نايف
"اسمعني" يقول له دازه لورا و يدخل شقته و يسكر الباب وراه، "بقول لك جم كلمه و اطلع فاهم!" يهمس بهدوء و عينه على عين نايف اللي دز فهد
"خير من انت؟" يصرخ عليه
و يطق فهد بايده بقوه على مكان الجبس اللي بأيده ، و يدز نايف بقوه على الطوفه "عرفت انا منو؟" يسأله و نايف مغمض عينه بألم و حاط ايده مكان الالم
"اسمعني! طلال طلعه من حياتك تفهم؟ طلال مالك دخل فيه و بعد بأنك ترسل له مسجات تهديد و هالسوالف لا اوديك ورا الشمس يالنجس! لا اخليك تدور الراحه ولا تلقاها يا زباله سامعني؟ بعد عن طريجي انا و طلال" يقول له و نايف يفتح عينه و يطالع بفهد
"مو عارف شقاعد تتكلم عنه! اي مسجات اي تهديد؟" يسأله مو فاهم فهد و يضحك فهد
"لا تستغبي! لا تستغبي" يصرخ طاق الطوفه و يغمض نايف عينه
"والله مو فاهم انت شنو قاعد تتكلم عنه! طلال من بعد اللي صار ما كلمته ولا قربت منه ماني ميت بدونه!" يقول له بهدوء
"شوفني انا مو حما-" يقاطعه رنة تليفون فهد، و طلع تليفونه بيسكره بس لقى اسم طلال، التفت لنايف و خزه
"قلت لك اللي عندي" يتفل على وجهه، و يطلع مسكر باب الشقه بقوه و يرد على تليفونه
"وينك؟" يسأله بسرعه، و يلتفت فهد على شقة نايف و يروح للمصعد
"شفيك؟" يسأله فهد
"لا بس رحت لنايف صحيح؟؟ مو نايف" يقول له
"شلون يعني مو نايف؟ شدراك انت؟" يدخل للمصعد
"دز لي صورتك و انت داخل للعماره و قال انك تضيع وقتك! تتوقع لو نايف كيف قدر يصورك؟ او يرسل لي رساله اذا كنت عنده؟" يسأله و فهد استوعب الموضوع
"في احد شاك فيه انت؟" يسأله و يتنهد طلال
"لا مافي" يرد بهدوء
"وينك الحين؟" يسأله فهد طالع من المصعد متجه لسيارته
"مع مشاري راجع للبيت" يقول له
"اوكي لا تنسى العشا" يقول له و طلال ابتسم بخفه
"ما نسيته" يودعه و يسكر التليفون
"الابتسامه هذه شنو ها!!" يضحك مشاري و يقلب طلال عينه محاول يخفي ابتسامته
"ولا شي! و انتبه للطريق" يقول له و يضحك هاز راسه و يبتسم له طلال
-
"لا تطالعه" يقول له و يلتفت متعب له
"ما طالعته بنام انا" يقول له متعب و يرفع مرزوق حاجبه
"ادري ما طالعته بس اهوا قاعد يطالعك" يهمس له و يتنهد متعب مبتسم
"قامت الغيره اشوف!" يضحك و مرزوق يلف راسه عنه ملتفت للدريشه عينه عالسما، و جناح الطياره
"ابي انام" يقول له و يفتح اللي بينهم و بما ان الكرسي اللي جنبه فاضي، فتح الحديده و مد رجله على قدها و راسه بحظن مرزوق
"منت نايم؟" يسأله متعب و يهز مرزوق راسه
"ما اعرف انام بالطياره انت نام و اذا نزلنا قعدتك" يقول له لاعب بشعر متعب و يمسك متعب ايد مرزوق و يبوسها، و يغمض عينه و ايده مازالت ماسكه بأيده
"نوم العوافي قلبي" يبتسم له مرزوق و يلبس السماعه و يطالع بالفلم اللي بدا
-
يدخل طلال للشقه و يلقى خالد قدامه وجبه و اللابتوب و كتب مع دفتر و واضح انه مركز
"وين الباقي؟" يسأل و يرفع راسه
"و عليكم السلام" يرد و اقلب عيني "حبيبي بالجامعه مرزوق سافر فهد راح يجيب مشعل من المدرسه" يقول له و يهز طلال راسه داخل لغرفته و يحذف الكتب على الطاوله و يفصخ تي شيرته و بنطرونه و يفتح الماي يبي يتسبح قبل لا ينام
يسمع صراخ مشعل و عرف انهم وصلوا "وين طلال؟" يصرخ مشعل و يسكر طلال الماي و يلبس شورت و يفتح الباب
"هلا مشعل انا هنا" يرد و يركض مشعل له مع اكياس جمعيه اثنين، يرفع عينه يلقى فهد داخل لغرفته معطيه ظهره
"ادخل حبيبي" يدخله و يركض مشعل ينقز على السرير و يطلع كل اللي في الكيس
"شريت لك نفسي مو كل شي نفسي اشياء بس نفسي لان تعرف انا ما اعرف انت شنو تحب مره ثانيه تروح ويانا الجمعيه تختار اوكي؟" يقول له و يضحك طلال بايس خده و يشوف اغراضه اللي شراها
"تحب هذا؟" يرفع ككاو كندر
"اي احبه" يرد عليه و يبتسم مشعل
"اشوا كنت ابي اشتري تويكس بس بابا غيره قال يمكن يحب كندر لان تويكس طعمه خايس" يقول له و طلال يبتسم متخيل الصوره بعقله بين مشعل و فهد
"صح كلام بابا بس تغديت؟" يسأله و يهز مشعل راسه
"طيب روح غسل ايدك و غير ملابس المدرسه ذي و تعال لي المطبخ" يقول له و ينقز مشعل من السرير رايح للغرفه
يلبس تي شيرت و يطلع من الغرفه، و يروح للصاله يلقى خالد نايم، و الكتاب بحظنه، يتقدم له شوي شوي بهدوء شايل الكتاب و يفز خالد فاتح عينه و يبعد طلال بسرعه
"شتبي؟" يسأل خالد بوقاحه
"كنت ابعد الكتاب عنك علشان ترتاح" يقول له و يسكر خالد عينه بانزعاج
"اذلف اذا جا علي قعدني" يقول له و يرفع طلال حاجبه
"كل زق بس صبيّ عند ابوك انا؟ تتأمر و ترد بوقاحه على كيفك؟" يرد عليه طلال و يلتفت خالد له
"شقلت حضرتك؟" يسأل بهدوء
"اللي سمعته! و نام يلا و انت حاظن الكتاب يعنني انا المسكين مقطعتني الدراسه" يرد عليه و و يروح طلال للمطبخ و يوقف خالد لاحقه و يلفه من ايده بقوه و يقرب عنده
"اسمعني و حطني على بالك زين لا تمثل دور البريئ المسكين الدور هذا اذا مشى على الكل ماراح يمشي علي انا فاهم! خذت وقت حبيبي مني و سكت و عديتها لك علشان خاطر علي بس كلمني بهالموضوع تحاول تضبط لك فهد بعد ما كنت تسبه و تذمه وجه المنافق اللي ماله صاحب هذا ما عندي انا قاعد اشوفك على حقيقتك الوصخه المُّره اللي حتى امك تبرت منك ما تحملتها اصحى طلال اصحى! و اعرف انت مع منو قاعد تتعبث" يهمس له و يبتسم طلال رافع حاجبه
"ماشالله تتابع مسلسلات كثيره واضح انها اثرت على اسلوبك! دور المسكين البريئ ابداً مب قاعد امثله انا مو ذنبي اذا انت ما تشوف الا الجانب السيئ فيني و فهد لعلمك ما كنت اسبه من ورا ظهره كنت اسبه بوجهه بعدها انساه مب محور الكون بالنسبه لي هو علشان امشي و اسبه قدام خلق الله-" يقاطعه خالد و اهوا يطق جتف طلال بخفه
"اسمعني بس اسمعني!" يصرخ و يدز طلال ايد خالد بقوه
"انت اللي اسمعني لا انا اللي خايف منك لا خايف من عشره من امثالك لا تتوقع اني فغربه و وحيد وكذا يعني ما اعرف ارد ولا اخذ حقي اعرف اكسر راسك بعد و الوي لك خشمك العالي! انا حاشمك لانك عزيز على صديق عمري علي و علشان فهد اللي انا قاعد فبيته ولا انت لا شخصيه ولا اسلوب حتى الواحد صعب يلقى شي فيك يحترمه" يطالعه بتقزز و يقرب منه اكثر و يشده من ياقته
"طاري امي لا تجيبه على لسانك ولا تفكر فيه حتى لان وربي وقتها ماراح يحصل خير يا خالد ابعد عن الشر و غني لهُ" يهمس له و يدزه بعيد عنه و خالد مصدوم من كلامه له، ينتبه لفهد اللي يطالعهم من الباب و ماسك ايد مشعل
"شصاير بينكم؟" يسأل و يلتفت طلال مبتسم لمشعل حاقر سؤال فهد
"يالله اقعد الحين احط لك اكل" يقول له و خالد ليلحين فمكانه عينه على طلال يخزه و شاد على قبضة ايده ملاحظها فهد لكن ساكت مو متوقع انه ممكن يمد ايده
لكن بثواني سمع شهقه مشعل و طلال طاح على الارض ايده على خشمه من قوة الطقه و خالد يتنفس بقوه و يحرك اصابعه
يركض فهد لطلال اللي لقى خشمه ينزف و يلتفت لخالد "خالد انجنيت؟؟" يصرخ عليه بقوه لدرجة انه مشعل غمض عينه و يعتدل طلال و يطالع بخالد و يبتسم بعدها ضحك و مسح الدم بالمنديل اللي عطاه فهد
"واضح ان كلامي عصبك" يضحك و يمسح الدم اللي ينزف و يرفع راسه و يطالع بخالد "بس ما الومك يا خالد ما عرفت ترد مثل الرجال المحترم اللي عارف ان الحق معاه جيت و فردت عضلاتك" يقول له و فهد وقف من مكانه و سحب خالد برا المطبخ و حذفه عالطوفه و ثبته من ياقته
"اسمعني خالد! الصبي انا شفته انا ما كلمك او حتى اذاك انت اللي بدت الشراره اذا ما بعدت عن طريجه لا اخليك تندم قد شعر راسك انك فكرت تتعرض له فاهم!" يخزه و يبتسم له خالد
"الله يا فهد!! بعد ما كنت تدافع عني صرت الحين ضدي؟ غيرك الغريب بيننا؟ غيرك الدخيل بحياتنا؟" يسأله و بقلبه حسره على صاحبه اللي قلب ضده
"لا ما غيرني شي غير اسلوبك اللي متغير مخلي الكل ينفر منك.. الغيره قامت تعميك خالد اصحى على نفسك اصحى!" يقول له و يبعد عنه رايح لطلال و خالد يتنهد رايح للغرفه
"لا ترفع راسك قوم وياي" يمسكه فهد و يوقف معاي طلال و يقعده على الكرسي
"بابا عطني تليفوني اطلب من المطعم" يقول لمشعل و ينزل مشعل من الكرسي يركض برا المطبخ
"ما فيني شي بخير فهد انا بخير" يقول له مبعد ايد فهد عنه و يمسح الدم من خشمه و يرفع راسه
"شنو اللي بخير و خشمك ما وقف نزيف؟ اوديك المستشفى؟" يسأل و يهز راسه
"لا" يقول له واقف من مكانه و يمسكه فهد و يقعده
"بلا عناد عاد خلاص اقعد"يقول له و يبعد طلال ايده عن خشمه و يحط المنديل على الطاوله لانه انترس دم من نزيفه
"يعورك؟" يسأله و يهز طلال راسه
"يده قويه" يرد و ينزل فهد لمستوى طلال
"طالعني" يقول له و يرفع طلال راسه بهدوء و اول شي حس فيه بشفايف فهد على شفايفه بخفه، و يغمض عينه متحسس بسيطرة شفايف فهد ضد شفايفه و يقرب فهد له ايده تضغط على خد طلال متحسس بشرته على ابهامه
"هلا هلا" يسمع صوت علي و يبعد بسرعه عنه و يعدل بشعره و يعتدل طلال بقعدته و يتنهد، يدخل علي المطبخ شايل مشعل بايده
"شفيك!" ينصدم منزل مشعل بسرعه و يتجه لطلال بسرعه شايف الدم اللي جف حول خشمه و مناديل الدم اللي جدامه
"بخير بس فهد كب المويه على الارض و زلقت ما شفته" يقول له بابتسامه و انصدم فهد لانه ما قال له عن خالد رغم انه ما كان في شي يمنعه
"يا حيوان شوف مره ثانيه خوفتني عليك!" يطق جتفه بخفه "عبالي متهاوش والله استغربت مو من عادتك هذه" يقول له حاط كتبه على طاولة الطعام و ياخذ عصيره و يروح للغرفه
"ليش جذبت؟" يسأل و يطالعه طلال
"وش اقول يعني؟ مابي اسبب مشاكل" يقول له و يتنهد فهد ماخذ التليفون من مشعل اللي يطالع بين ابوه و طلال بنظرات غريبه ما عرف يفسرها طلال لكن لاحظها، لذا ابتسم له، لكن تمسك مشعل بأيد ابوه اكثر و فهد مشغول بأنه يطلب مو فاضي له
-
"شفيك حبيبي؟" يسأله و يرفع خالد راسه و يطالع بعلي و استغرب علي انه ما ابتسم له حتى
"شفيك خدخد؟" ينسدح جنبه على السرير و يقلب خالد عينه
"قلت لك لا تناديني بهالاسم! قاعد احاول ادرس" يقول له و يرجع عينه للكتاب
"هالكلمه ما تقولها لي فاهم؟ جذبة انك تمثل انك مشغول على اساس اصدق ان هذا اللي شاغل تفكيرك مو شي ثاني مضايقك ما تمشي علي" يقول له معتدل بقعدته و يسكر خالد الكتاب و يطالع بعلي
"بس عرفت" يقول له هاز راسه و يجعد خالد حاجبه "قول لي شصار؟" يسأله و يهز خالد راسه
"ما صار شي بدا يغلط علي و علمته ان الله حق" يقول له و تتسع عين علي
"لحظه! انت تتكلم عن شنو؟" يسأله و بلع خالد و هز راسه بولا شي
"ما علينا ما عليك.. تدري اني احبك؟" يسأله بايس رقبة علي و يبعد علي و نظرية الجديه ما بعدت عنه
"تتكلم عن طلال صح؟ انت اللي طقيته؟" يسأله و يرفع خالد حاجبه
"قال لك دلوع الماما؟" رفع حاجبه
"ما قال لي لكن اقراك من عينك انا اعرفك عدل! لما سألته قال لي انه زلق بسبب الماي اللي انكت من فهد بالمطبخ" يقول له و يوقف خالد من مكانه
"باجر الطلبه يقولون احتمال الدكتور يسوي اختبار مفاجئ لانه زق تعرفه انت صح؟ بروح ادرس" يقول له مجمع الكتب من سرير علي
"خالد انا سألتك!" يصرخ ماسك ايده و يلتفت له خالد
"نعم يا نظر عين خالد انت امرني" يقول له ببرود متصنع و بداخله يغلي غيره شلون يدافع عن طلال و يطلع له اعذار
"جاوبني! انت مديت ايدك على طلال؟" يسأله و يشد خالد على قبضته
"اي..ما احبه ما ارتحت له ما اهتم له" يرفع كتفه ببساطه و ينزل من السرير و يواجهه
"لهدرجه الغيره تعميك خالد؟" يسأله بطريقه حس فيها خالد بالاهانه لكن تنهد و طالع بعلي
"اي اغار" يقول له "اغار عليك منه مابيه يلمسك ولا يكلمك ولا حتى يشوفك علي افهم اني اغار منه و الغيره شلعت لي قلبي" يقول له بهدوء و دمعته بعينه
"خالد دور لك حل على غيرتك! اشوف متعب لما باس خدك و مسك لك زبك و غيره قبل لا يسافر كضحك عارف نظرتكم لبعض عارف انكم اصدقاء و ضحك عارف ان قلبك هذا لي يدق لي! خالد حاول انك تشوف الحياة من منظوري حاول انك تشوف شكثر انت تعني لي و احبك! لا تفكر ابداً اني اتركك علشان غيرك لان فوق غيرتك الجنونيه هذه انا حابك ولا افكر انفصل عنك لا تأذي علاقتنا بحركاتك الطفوليه هذه ادري مو بايدك لكن سيطر عليها طلال ماله ذنب" يقول له بهدوء و خالد يهز براسه و يبتسم له علي و يبوس جتفه و يظمه له
"وربي و اللي خلق الكون من اول ما حبيتك و عيني ما زاغت لاحد ولا فكرت بأحد غيرك" يهمس بأذنه و يبتسم خالد و يشد قبضته
"احبك.. ابي انام معاك اليوم" يقول له و يبتسم علي منزل عينه لبنطرون خالد و يرفع تي شيرته مدخل ايده
"نوم بس؟" يهمس باذنه مدخل ايده ببنطرونه و ايده تضغط على مؤخرته و يضحك خالد مغمض عينه
"خل لي طاقه ادرس فيها" يقول له بهدوء، و يبوس علي شفايف خالد و يبعد ايده
"زين ادرس" يقول له و يبعد عنه فاصخ ملابسه كلها و يحذفهم على جنب و يفتح الخزانه
"تتعمد صح؟" يسأله و يلتفت له علي
"اتعمد شنو؟" يسأله
"ولا شي" يقول له
"تخيل و انا داخل المطبخ شنو شفت؟" يسأل لابس تي شيرته
"شنو شفت؟" يسأل
"وربي ما اضحك معاك طلال و فهد داشين بالعميق مع بعض ناسين العالم كلها ولا انتبهوا لمشعل اللي كان يطالعهم و مصدوم المسكين" يقول له قاعد عالسرير ببوكسر و تي شيرت بس
"مو هين هالطلال!! قبل جم يوم يسبه و الحين يشفشفه؟" يسأله و يبتسم علي
"من بعد كل كراهيه حب!" يقول له واضح انه فرحان باللي يصير
"زين لازم تقول لفهد بأن مشعل شافهم علشان يكلمه فهد لا يفضحه اذا راح لعيال عمه مو ناقص فهيد مشاكل اكثر مع اهله" يقول له بهدوء و يهز علي راسه
"هذا اللي بيصير" يقول له و يروح للجانب الثاني من السرير و ينسدح، يقرب لخالد و يظمه من خصره مخلي راسه ورا ظهره و يغمض عينه
"ابي انام ادرس بهدوء" يقول له و يبتسم خالد ماسك بأيد علي و ايد الثانيه يكتب و يخطط فيها
-
"بابا" ينادي مشعل ابوه و يلتفت له فهد
"بابا بقول لك سر" يقول له و يعتدل فهد بقعدته معطي كل انتباهه لمشعل
"قول حبيبي شنو سرك؟" يسأله
"قول والله ما تقول لاحد" يقعد بحظن ابوه
"وعد ما اقوله لاحد سر حبيبي ولدي يظل بيني و بينه" يقول له و يهز طلال راسه مقتنع بكلام ابوه و واثق فيه
"انا شفتك انت و طلال بالمطبخ تبوسه" يقول له و ارتخت ملامح فهد مو عارف شلون يبرر الموقف له "بابا انت شلون تبوسه جذي؟ هذا رجال نفسك! بابا عود-"
"حبيبي شعول-.. لحظه بابا عود شنو قال لك؟" يسأله منتبه له بجديه هالمره
"قال لي ان اذا شفتك تبوس رجال او تنام معاه اروح له اقول له و يشتري لي القاري" يقول له و ينصدم فهد من الافكار اللي ابوه يغرسها بعقل بولده ضده!
"حبيبي مشعل و انت قلت له؟" يسأله و يهز راسه
"لا انت ما علمتني اني افتن و اصلاً مابي القاري انا" يقول له و يبوس فهد راس ولده
"روحي انت اسمعني هذه سوالف كبار اذا كبرت راح تعرف كل شي اوكي؟ بس لا تقول لاحد اللي صار تمام؟ و هذا سر بيننا و اذا تبي تقول اي سر انا موجود علشانك ماراح اعصب عليك ابداً" يقول له و يلمه مشعل و يبادله الحظن فهد
"احسن ابو بالعالم" يبتسم له، و يتذكر زوجته لما كانت تقول لمشعل يقول لفهد بأنه احسن ابو بالعالم كل مره يجيب له هديه او يطلعه، تعود فهد على الابوه و تقرب علاقتهم ببعض، ابتسم على ذكراها و باس جتف مشعل
"زين بابا انت الحين تحب طلال؟" يسأله و يهز فهد راسه
"قلت لك سوالف كبار! مالك شغل فيها" يلعب بشعره و يقعد مشعل جنبه و يدخل طلال الصاله و يقعد على الكنبه جدام فهد و معاه اوراق، و ينتبه لمشعل اللي يخزه
"اوراق القضيه؟" يسأل طلال مو معطي مشعل انتباه
"اي احاول اطلع رقم رقم" يقول له
"مب لازم يكون في جهه مختصه لهالشي عندكم في المركز؟" يسأل
"حاب اسوي هالشغله بنفسي في اشياء يغفلون عنها" يقول له و يهز طلال راسه، و يطالع بمشعل اللي ايده الصغيره ملتفته حول فخذ ابوه و ساند راسه على ايد ابوه اللي تعبتر ضخمه بالنسبه لحجمه الصغير
"انت تحب ابوي؟" يسأله بشكل مفاجئ و تتسع عين فهد و طلال بنفس الوقت من سؤاله
"ابوك؟.. لا! من قال لك اني احبه؟" يسأله طلال يحاول انه يتمالك نفسه و يمثل البرود
"ولا بابا يحبك" يقول له بغيره، و يطالع طلال بفهد اللي تنهد مرجع شعره لورا و يمسك ايد مشعل و يهمس له و مشعل يطالع بابوه ببراءه
ياخذ طلال يدة الكنترول و يشغل التلفزيون ينتبه له فهد و يلتفت له "مابي تلفزيون ابي اركز بالقضايا" يقول له و يهز طلال راسه مسكره من جديد و يوقف من مكانه رايح لغرفته
يسمع تليفون يرن من الغرفه و يلقى رقم اخوه الصغير
"هلا لافي! شلونكم؟" يسأل
"جاوبني! امي ليش ما تبيننا نكلمك؟ ليش ننساك انت وش مسوي طلال؟" يسأل و ينصدم طلال قاعد على سريره بهدوء
"امي قالت لك كذا؟" يسأله بهدوء
"و العن" يصرخ "وش اللي جايتنا تقول مافي شخص اسمه طلال فحياتكم! و تقول بعد ان ننساك ولا عاد نسأل عنك او نكلمك طلال وش مسوي؟" يسأل بخوف
"لافي الموضوع اكبر من انك تفهمه.. بس ركز معاي و خلك بعيد عن ذيب قد ما تقدر تمام؟ لا تشكك امي فيك اللي سوته فيني مب شويه و ينسي امي تبرت مني لهالسبب لذا حط بالك من نفسك ولا تقرب من ذيب عند امي لا تجيب لها السيره لا تجادلها اذا قالت ما تطلع قول لها طيب ولا تطلع و ذيب بيتفهم اكيد اذا يحبك" يقول له و لافي هز راسه
"يعني السالفه كذا؟ السالفه فيها واحد؟ طلال افهم اللي انت تفهمه! اشرح لي من ذا؟ و كيف امي عرفت؟" يسأله و يشرح له طلال بشكل مبسط و مجزء للصوره بس
"و من ابن الكلب اللي صورك؟" يسأله و بيفتح طلال فمه يتكلم لكن قاطعه لافي "انا لازم اسكر اتصل عليك وقت ما قدرت و تقول لي طيب؟ مع السلامه"
_______________________
هاي🙌🏼
تربية فهد لولده مشعل مفروض تكون تربيتكم كلكم لعيالكم بالمستقبل💓
علموهم عالثقه و الحب و التسامح و التقبل الافراء مهما كانت اختلافاتهم لكن ليس العنصريين علموهم العنف يستخدمونه على هالنوعيه💙💙💙
احبكم جميعاً و شكراً على ال٣٠٠ كومنتس!! شي ما كنت متوقعته والله