عندما كنت اتجول مع أصدقائي في إلسوبر ماركت
صادفتني نظره غريبه
ياالهي ما هذا؟
تجمدت اطراف قدمي وانا انظر وأقول في داخلي
هل هذا الجمال طبيعي هل تلك العيون حقيقيه
لم أعد أمسك نفسي لدرجه أحسستها قلعت أحشاء قلبي من جذوره!
مروان:ها خلودي خير شكو..
خالد:مروان روحو انتو هسه واني اجي وراكم
مروان:تعال يمعود غير تفهمني وين رايح؟؟
خالد:تبعتها خطوه بخطوه إلى أن عرفت مسكنها!
عندها رجعت إلى أصدقائي!
مروان:شبيك اليوم أصيح عليك لبستني ورحت
ضل بالي خو ماكو شي؟
خالد: لا ماكو شي حبي مروان بس اتذكرت شغله
ورحت كملتها
مروان: ههههه كول غيرها حبيبي ياشغله هاي
احجيلي شكو ترى اني لاحظت الي صار
بالسوبر ماركت
واذا متريد تحجي بكيفك
خالد:لك مروان راح اموت بعد مااتحمل
لو ادري باقي بالبيت اليوم وماطالع
مروان:لك دحجي لاصدك اخنكك واموتك شكو؟
خالد:شفت هاي البنيه الي وياها مره جبيره
وطفل زغير
مروان:أي هايه المانزلت عينك من عدها
شفتها شفتها أي احجي شبيها
خالد: لك بس لا يطلع هذا الطفل ابنها
مااعرف شصار بيه احسها أخذت كلبي وراحت
وانت تعرف اني مو أي بنيه تعجبني
وهايه موتتني بمجرد نظره
بحيث خلتني أمشي وراها لباب البيت
مروان: حلو مادام اندليت بيتهم
وهسه اكلك شسوي اذا طلع هذا الطفل ابنها
خالد:أي بله شسوي اذا طلع ابنها؟
مروان: تروح تدك الباب وتكلها ممكن ترجعيلي كلبي
الاخذتيه مني بالسوبر ماركت
تأخذه وترجع بتكسي عدل وكبل لبيتكم
لو اكلك لا تروح لبيتكم
خل يطلع بيك للكريعات راوسه بسمجه كيلوين
جيبها هنا نتعشى بيها اني وياك وتنتهي كل القصه ههههههه
كان مزاح مروان به نوع من القسوى
لكن خالد لايعلم انها تبادله نفس الشعور (وأكثر)
سمر: سرى سرى وينج يمعوده تعالي أخذي ابنج
شلع كلبي الطريق كله بس يتلفت
ومايقتنع بالحاجه الاشتريها اله
سرى:ديلا عيني تحمليه اذا مو عمته تتحمله
منو يتحمله لعد
سمر:سرى عندي موضوع وياج ولازم نكعد ونحجي!
سرى:كلشي ماعندي وشغل البيت كله خلصته
جيبي موضوعج والحكيني فوك بالغرفه
سمر:هههههه يلا اصعدي هسه اجي وراج
إلى هذا الوقت بقي خالد يفكر ويثرثر بينه وبين نفسه
ماذا أفعل كيف أعرف أن هذا الطفل ليس لها
وماذا لو كان الطفل ابنها
ياالله لم أعد اتحمل! كيف أعرف كل ذلك؟
سرى:يلا وينج يمعوده
سمر:اجيتج عيني خلي عندج صبر شويه
تكلمت سمر مع سرى عن الذي حصل في إلسوبر ماركت
وحكت لها عن مدى شوقها لرويته مره اخرى
سرى:عادي هذا الشي مجرد إعجاب وتلكيه هسه
ولامهتم ونسى الموضوع أصلآ
وشمدريج مايسوي هيج وي أي وحده يصادفها
يمعوده الزلم متتأمن شيلي هذا الشي
من بالج احسلج!
سمر:واذا اكلج شفته لحكني الباب البيت
ومن دخلت باوعت من زرف الباب شفته يباوع
على البيت وانوب راح
سرى:متأكده هو نفسه؟
سمر: أي طبعآ شنو قابل اتخبلت اني وماادري
سرى:ههههه يجوز هاي النظره ضربت الفيوزات العندج
سمر:ومنو كلج هنه ممضروبات من الأساس ههههه
وفي اليوم التالي!
خرجت سمر من البيت وتفاجئت بخالد واقفآ أمام بيتها
مكانه ممتلئ بدخان السكائر
....يتبع