السعاده تأتي بعد الصبر بقليل

الفصل الثامن: كياني

مضى خالد إلى بيت مروان محملآ  بالهموم الثقيله
والأفكار المزعجه
من الذي يسعى لتحطيمنا ولماذا؟
انا لم اأذي احدآ بحياتي
لم اتدخل بشؤون الآخرين
لماذا يتدخلون بحياتي ويحاولون تدميري
كفاك يادنيا اختبارآ لصبري
من الذي يريد أن يفرق بيني
وبين الذي يسكن أيسر صدري
لم أعد اتحمل..
اتعبه التفكير إلى أن وصل بيت مروان عندها طرق الباب فخرج له مروان
مروان:هلا خلودي تفضل تفضل البيت بيتك
خالد:مروان احس روحي تريد تطلع حيل مخنوك

مروان:كول يالله يمعود كل مشكله والها حل هسه انطي الرقم لشركة الإتصالات ونعرف منو هذا الحقود الي يريد اذيتك
وهذا شاربي مو عليه إذا ماخليته ينزل على رجلك ويعتذرلك

خالد:مااريد أحد يعتذرلي بس اريد اعرف منو
وليش هيج ديسوي.

مروان:انطيني الرقم وان شاء الله كلشي يسهل

أخذ مروان رقم الهاتف وارسله إلى صديقه الذي يعمل بشركة الإتصالات
رد عليه صديقه  بأتصال مروان فتح السماعه الخارجيه أمام خالد بكل اطمئنان

شركة الإتصالات  : أن هذا الرقم ليس  مسجلآ بالشركه لكن بأستطاعتي تتبع موقعه
وإرساله لك.
انصدم مروان مما سمعه قطع اتصاله بحجة اختفاء الشبكه
تلعثم أمام خالد وصار وجه يبرز ألوان الخوف والارتباك
خالد: بأستغراب..مروان ليش سديته؟

مروان:لا حبيبي سديته شنو انكطع وحده احتمال الشبكه تعبانه

خالد: أول ماكلك اكدر انطيك عنوانه شفتك سديته!
مروان:خالد شبيك ليش اسده يعني داكلك شبكه موزينه

خالد:اني اعرف بيك انت على مودي وخايف على مشاعري وخفت لااسوي مشاكل ويه صاحب الرقم
لذلك ماخليته يحجي العنوان كدامي
بس صدكني ماناوي على أي مشكله بس اريد اعرف ليش هيجي ديسوي و أريده يشرح كذبه كدام أهل سمر حتى تستقر حياتي وترجع لطبيعتها
وراها اذا كان قريب اوبعيد اطلعه من حياتي ومااريد أعرفه العمر كله..

مروان:الحمد الله انك تفتهمني وتدري بيه مااريد ادخلك بمشاكل خالد لخاطري عوفني اني أحل المشكله وأوعدك اذا كدرت أوصل العنوان
راح اخلي المتصله نفسها تخابر محمد وتشرحله كل الأكاذيب الي تهموك بيها

خالد: اوك مروان بس لاتتأخر خلصني من هذا الموضوع الله يخليك

مروان:تشلع عيوني حبيبي

خرج خالد من البيت
سارع مروان بالإتصال على صديقه

مروان:اسف حبيبي جهازي خلص شحن وطفه بوجهك
الشركه:لا حبيبي كلش  عادي
مروان:ها عرفت العنوان؟

الشركه:لا والله مالحكت احصله الضاهر صاحب الرقم مو دائمآ يستعمله.
مروان:يعني شنو
الشركه:يعني من دزيتلي الرقم جان الخط مشتغل
وراها اختفه الموقع يعني صاحب الرقم طفى جهازه
اذا اتحب أبقى اتابعه الك ومن احصله ارسلك العنوان.
مروان:لا حبيبي ممنون منك ميحتاج بعد

تعصب مروان جدآ واتصل بمنى صارخآ بوجهها
مروان:انتي شلون تكولين تخلصت من السيم كارت

منى:شبيك لك ليش دتصيح بوجهي خطي واني حره بي أريد اكسره أريد ابقي بكيفي  انت ليش تدخل

مروان:ها انتي استلمتي احسابج وكمتي تفيكين براسي لج بابا اذا بقى السيم كارت موجود راح يوصلولج عن طريقه
خالد جان يمي ويريد بس يعرف منو صاحب الخط ترى الشغله هجمان بيوت مو هينه

منى:كم مره كتلك الخط مو قانوني يعني بلا عقد
وبعدين اني ماهاجمه بيت أحد حتى تكلي مو هينه

مروان:لعد الفلوس الي اخذتيه مني مال شنو
حتى تردين تطلعين نفسج من الشغله

منى:جان اتفاق بيناتنا تخلص الشغله اخذ احسابي
سويت العليه وأعتقد نجحت بي والرقم بلا عقد يعني لتلح
مروان:اسمعيني زين اعرف الخط بلا عقد
بس خالد اذا سوه بلاغ على رقمج بوكتها راح يكدرون يلكوج عن طريق موقعج
ساعتها راح يطلعولج تسجيلات مكالماتج انتي ومحمد وأكيد اني هم راح انكشف من وراج

منى:اذا انت جبان شكو سويت كل هالاشياء
أنصحك تنسى موضوعي وبعد ماتتصل عليه

صار مروان يتوسل بمنى كل ذليل يتمنى عطفآ منها لكي لا ينكشف امره..
لكي يحطم كيان صديقه بأخذ حبيبته
نسي أن هناك شيئآ اسمه كرامه نسي عزة نفسه
بل اهانها...ااااااه
لما كل هذا الحقد الست صديقه
منذ نعومة اظفارنا ونحن نسمع عن الصداقة وقوتها والاخوه وصدقها والحب وعذريته
يا لهاا من كلماات جميله تذهل السامعين لكن للاسف كله حلم صعب المنال ما تلبث ان تصحو منه على طعناات غادرة او كذبة لا تلبث الا ان تذهب إدراج الرياح..

بقي خالد ينتظر مروان على أمل أن يفيده بشيء
لكن هاتفه يرن........من المتصل؟؟

ياااالهي انه رقم الهاتف الذي يود معرفة صاحبه بكل لهفه....

فز خالد من مكانه.....الوووو

يتبع......................

رمضآن كريم وكل عام وانتم بألف خير