السعاده تأتي بعد الصبر بقليل

الفصل السادس:الأنفس الرخيصه

لازال مروان ومنى داخل الملهى الليلي يتحدثان في صلب الموضوع وقد اخبرها عن الذي يريده بالتحديد.
منى وافقت على العرض الدنيئ بثمنآ بخس
أعطاها مروان نصف الثمن وقال النصف الآخر بعد الانتهاء..

مروان: هاج هذا رقم اخوها خزنيه بجهازج بس متتصرفين بأي شي اله اني اتصل بيج واكلج شنو تحجين وياه وراها انتي اتصلي واحجيله الي كتلج بي بدون أي إضافه من جنابج..

منى:تدلل حياتي انت بس انطيني باص وشوف شلون راح ارفع رأسك..
مروان:هههههه كدها يابنت الملاهي.
منى:ههههه يزيدني فخر!!

اقترب موعد الخطوبه
ذهب خالد إلى بيت مروان
ليقول له أنت صديقي المقرب لابد أن تكون أول شخص يشاركني فرحتي.
مروان:الف مبروك حبيبي شوكت اتفقتو على يوم الخطبه
خالد:البارحه دزيت النسوان والحمد لله وافقو أهلها وان شاء الله باجر نروح نلبس الحلقات ونكطع مهر بنفس الوقت..
مروان:دمه يغلي من الداخل. شايف كل الخير اخويه
خالد:يوم الألك ونفرح بيك.
مروان:تجاهل كلام خالد...زين من دزيتو النسوان كلولهم العرس بعد سنه من الخطوبه.
خالد:أي طبعآ والأهل وافقو. هاي شبيك مروان النسوان هنه الدور الأساسي بهيج امور يعني حجو بكلشي حتى بالمقدم والمؤخر
مجموعة الزلم الي بأجر تروح وياي مجرد منظر وبس ههههه..
مروان:ههه صح كلامك بس هم لازم انت تحجي وي رجال منهم ع الترتيب مال بأجر.
خالد:أي عدها أخ اسمه محمد كلش حباب البارحه جابولي رقمه وخابرته قبل لا اجيك واتفقنا على الوقت مال الخطبه.

مروان ابتسم في داخله وقال هذا ماكنت انتظره منك ياخالد
قد أصبحت الكره في ملعبي الآن لذلك سوف أخبر منى لتسدد لي الهدف بكل احترافيه ومهاره...

وفي اليوم التالي..
حظرو كل أصدقاء خالد لكي يذهبو معه للخطبه ومن ظمنهم أحمد ابن عم مروان فهو ايضآ صديقآ لخالد
الا مروان لم يأتي
حاول خالد الإتصال بمروان عدة مرات إلا أن جهازه مغلق

خالد:احمد داتصل على مروان جهازه يطلع مغلق شنو موضوعه المفروض هو أول واحد هنا

احمد: يمعود هذا شوكت مااجي جهازه مخلص شحن يجوز هسه بالطريق جاي لهنا مامعقوله مايحظر..

خالد:اني متفق وي العالم الساعه 4 العصر وهسه ب3:30 وعمامي متحظرين والبارحه نبهته وكتله كون ب3 انت يمي
اتصل على أي واحد من أهله وشوفه وين.

اتصل أحمد على والدة مروان ليسألها عنه
قالت إن مروان خرج منذ ساعتين من البيت ولم يعد حتى الآن
أحمد أخبر خالد بذلك!

خالد:لا مامعقوله إله صاير شي موزين لا قدر الله وين يروح يعني وهو يعرف اليوم خطوبتي ولازم يكون يمي..

احمد:لا أن شاء الله ماكو شي
خل تكمل الخطبه على خير واذا مابين نروح ندور عليه بأقرب زباله ههههه