Okay, clarification time!
Si Zade Pascual ay character din ngayon sa This Might End Up A Story (If I Fall sequel), and 4th year college siya doon. Dito sa TSIB, 1st year college pa lang siya. Si Lean naman, 3rd year college na dito. So hindi sila overlap ng TMEUAS, okay? In this timeline, 2nd year high school pa lang sina Barbs and the Charleston kids. Sana klaro 'tong explanation ko XD
I think some of you are expecting na ito na ang immersion chapter. Sa Chapter 5 pa yun! Meanwhile.. medyo history muna tayo. Shall we? :)
-A&Z-
Chapter 4: Rumor Has It
Hindi naman nawawalan ng chismis ang mga artista. Mas sikat, mas maraming intriga. Isa na dun si Andreau.
Wala naman talaga akong pakialam sa mga chismis, lalo na sa showbiz. Hindi naman tinatanong sa exams kung sino ang young actor na nakabuntis, starlet na tumatanggap ng sexual favors for TV roles at palitan ng boyfriend-girlfriend. Rumors won’t do any good. Nakakasakit at nakakasira lang yan ng mga tao.
Pero iba ang atake ni Kesh sa rumors. According to her, may positive aspects rin daw ang rumors and gossip. Gossip builds social bonds. Mas strong daw ang bonds from shared dislikes than positive ones. Isa rin daw paraan ang rumors and gossip para i-demonstrate ang shared values and sense of humor. It also boosts self-esteem and can be a stress reducer. But of course, may negative effect din ang gossip. It is risky and may lead to awkwardness and distrust.
I don’t know how celebrities handle it, lalo na yung Hollywood stars. Sa kanila kasi merong TMZ, Perez Hilton and paparazzi (I don’t have any clue about the first two, not until Kesh told me about those sites) na araw-araw tini-terrorize ang Hollywood stars. Dito sa Pinas? Nandyan yung Sunday talkshows, radio programs, gossip sites at kwentuhan ng mga tambay sa kanto at binguhan. Bata, matanda, at kahit anong gender, may alam yang chismis. Ako, wala akong pakialam sa showbiz (Fine, kay Andreau meron but what the hell), may alam kahit paano. Viral talaga masyado ang chismis!
Paano ba nagsimula ‘tong rumor kay Andreau? Just like the other rumors, it started with an observation.
Si Andreau ay under ng talent management ng isa sa pinakamalaking media network sa Pinas. Every year ay required ang artists ng management nila na umattend sa isang charity ball to thank their partners etc (hindi ko talaga alam kung bakit, sorry). So.. four years na si Andreau sa network.. at four years na rin siyang walang date sa charity ball.
Okay lang na wala siyang date nung first year niya, he was just 15 years old and kasama niya ang cast ng teleserye niya (na according sa Dreausters, not counted as a date). The second year, everyone’s expecting na si Jillian Cabrera ang dadalhin niya as a date(this was the time na hit na hit ang first teleserye nila) kaso date ni girl ang then-boyfriend niya na basketball star. Third year was no luck, wala pa ring date si Andreau kahit single na si Jillian (she went alone). Last year.. as expected.. wala rin.
Walang nagtanong sa kanya nung first two years kung bakit wala siyang date. Mas gusto pa nga ng fans niya na wala kasi that means he’s available for everyone. Although may onscreen chemistry sina Andreau at Jillian, maraming fans ang may ayaw sa kanila na ma-involve off screen. Nakay Jillian ang mali, sabi ni Kesh. I kinda agree with that. May something kasing.. off dun sa babaeng ‘yun. Ah ewan!
So the first rumor was.. may secret girlfriend si Andreau Cortez. Maraming speculations kung sino ang lucky girl: isang commercial model, isang bossa nova singer, yung batchmate niya sa management.. at kung sinu-sino pa. Halos lahat ng kaibigang babae ni Andreau.. nalink na sa kanya pero walang umamin. Andreau neither denied nor confirmed it. Tahimik lang siya sa issue, maybe an order from his superiors.
Then.. last year.. napalitan ng secret boyfriend ang secret girlfriend ni Andreau.
Sabi sa chismis.. si Roldan del Rosario raw ang secret boyfriend.
Sa website na Chismis Squad unang lumabas ang blind item tungkol kina Andreau at Roldan. May blurred picture na pinost sa site, dalawang lalaki na magkaakbay and mukhang magkahalikan. Ang daming comments na sina Andreau at Roldan yun, which rose the suspicion of the rumormongers. I saw the picture, blurred and unblurred versions.. ka-body built lang naman nilang dalawa. But that’s not the point.
Based sa extensive stalking skills ni Kesh, best friends ang dalawa since they were kids. Both grew up in Los Angeles, and best friends daw ang dads nila. Magkapitbahay din daw sila dito sa Pinas (Mas naunang bumalik si Roldan kesa kay Andreau) and went to the same high school (kaso hindi raw grumaduate si Andreau? What?). Sa iisang university din sila nakapasok, Roldan is taking up Broadcast Communication and Film si Andreau. Kahit saan magkasama silang dalawa, mostly iisang sasakyan (Andreau’s) ang dala nila. They go to the same gym, same hair salon.. basta, lagi silang magkasama! Wala ring girlfriend si Roldan so.. mas lumakas ang hinala ng detractors ni Andreau.
Maraming pictures ng dalawa ang lumabas sa internet, lahat naging curious sa status nila. Sabi ng older dormmates namin, ang dami ring nag-uusap about sa dalawa sa bulungan lang ang mga tao sa campus. No one dared to confront them about the issue. Una, nakakahiya. Pangalawa.. anong mapapala nila?
Walang pakialam sina Andreau at Roldan sa rumors. Pumapasok pa rin sila despite viral na sa internet ang chismis. Sina Ate Anya at Kuya Lean nga, cool lang dun. Tinanong nga ni Kesh last year ang couple kung anong totoo at tumawa lang sila. Don’t believe the rumors, sabi ni Ate Anya. Nakakasira lang ng ulo yan. So what if they’re close? Choice nilang maging single at yung mga nag-iisip ng masama? Fuck them all.
Gets namin ni Kesh ang point ni Ate Anya kaso.. pag paulit-ulit mong naririnig.. mas lalo mong paniniwalaan. Some people tend to believe bad things about the people they hate or envy, and frankly, I don’t get that.
Inagapan naman ng management ang rumors by partnering Andreau to a different actress, Sarah Morales, earlier last year. Box office hit ang movie nilang dalawa pero hindi na naulit ang team up nila since malakas ang hakot ng fans ng Jildreau love team (Kadiri, right?). Bumalik ang gay issue nung pinartner ulit sina Jillian at Andreau sa teleserye nila ngayon. Naging friends kasi off screen sina Andreau and Sarah, unlike with Jillian na obviously reel lang. Too bad, may steady boyfriend si Sarah kaya hindi mai-push ng fans.
Then.. the climax?
Yung guesting ni Andreau sa Minutes with Beau Perez.
Isa sa respetadong talk show hosts ng Pilipinas si Beau Perez. At kilala rin siya sa matinik niyang interviews. He always wants the truth, and he will get it whatever it takes. Matatapang nga raw ang mga artistang nagi-guest sa Minutes kasi dito pinag-uusapan ang controversial issues. No holds barred kung no holds barred. Marami nang artista ang napaamin ng secret relationships, break ups at kung anu-ano pang issues sa program na ‘yun.
Kaya excited ang lahat sa interview ni Andreau Cortez. He guested there para ipromote ang teleserye nila ni Jillian. Yun lang dapat.
Hindi namin napanood ni Kesh nang live ang interview ni Andreau kasi nasa trip kami for NSTP. Nagulat na lang kami sa text ni Tita Mel, ang dorm manager namin, the night of the interview.
Nagwalkout si Andreau! ang laman ng text niya.
May point kasi dun sa Minutes na pwede kang magwalkout pag ayaw o hindi mo kayang sagutin ang tanong ni Beau. End of the interview na pag ganun.
Agad naming sinearch sa Youtube ang interview pagkauwi namin from the trip. May 250,000 views na ang video noong napanood namin! Maayos naman ang start ng interview, wala masyadong mabigat na questions. Then bumigat na ang mga tanong.
Sarah or Jillian? They’re both great actresses and I enjoyed working with them. Pero.. mas close ako kay Jillian so.. Jillian. (Napakashowbiz naman ng sagot! Of course si Jillian ang pipiliin niya, he’s there to promote their show!)
Are you still a virgin? Yes. Not ashamed of that. (No comment!)
Hindi kami nakahinga ni Kesh sa susunod na tanong. Finlash sa flat screen ang unblurred photo na lumabas sa Chismis Squad, ang alleged picture nila ni Roldan na naghahalikan.
Andreau.. kayo ba ng best friend mo ang nasa picture?
No. Hindi kaming dalawa yan. 100% sure it’s not us.
My god, he said it with conviction! Sobrang tapang niya! Nakatitig pa siya sa mga mata ni Beau while saying it! Lakas!
Andreau.. ilang buwan nang umiikot sa internet ang haka-haka tungkol sa iyong sexual orientation. Maraming nagtatanong, maraming kuwento ang umiikot tungkol sa’yo. Yet.. we haven’t heard a confirmation or denial from you. So.. you can either answer this question or walk out.. I will respect your decision..
Andreau Cortez.. are you gay?
Napakapit ako nang mahigpit kay Kesh nun sa sobrang intense ng atmosphere. Andreau’s face was blank. Then he stood up and walked out in a heartbeat.
Intense kung intense.
Mas lumakas tuloy ang issue after ng interview. Nagtrend buong araw si Andreau sa Twitter. Dumagsa ang theories at comments sa Chismis Squad website. Ang mga fans ni Andreau na may rabies, naging mas wild at warfreak para awayin ang bashers ng idol nila. Hindi sila naniniwala na admission sa issue ang walkout ni Andreau. Respect Andreau ang isa sa pinakamatagal trending topics sa Twitter. Wild!
I had a crash course about Pinoy Showbiz that night. Kung anu-anong kinwento sa’kin ni Kesh about kay Andreau at sa kung sinu-sinong artista. She even made a timeline of Andreau’s career para mapatunayan kung totoo ba ang chismis. Denial na Dreauster ‘tong roommate ko.
Nagbago ba ang paghanga ko kay Andreau dahil sa chismis? No. Sa mga mata ko, siya pa rin ang actor na nagpahanga at nagpaiyak sa’kin sa Waiting Shed. Siya pa rin yung may Cortez Charm Smile. Wala akong pakialam kung bading man siya or what, at least nakikita kong seryoso at mahal niya ang trabaho niya. Marami ngang straight na artista pero hindi naman kagalingan o walang pakialam sa trabaho nila. At least Andreau loves his craft and job.
Kaya nga ibang gulat at excitement ang naramdaman ni Kesh nung unang beses pumunta si Roldan sa café nung November. At least we would know the truth firsthand, sabi niya sa’kin bago kami matulog that night. Baka mamaya maging madalas yung pagpunta nila sa café! Oh God, kaya ba ang café natin yung pinili nila kasi.. tago tayo? Secret hideout nila OMG!
Obviously that didn’t happen, laging si Roldan ang nag-oorder para sa kanilang dalawa. Nahirapan lalo kaming i-confirm ang chismis. Nakakahiya at ang kapal namin kung magtatanong kami tungkol sa kanila.
Medyo hindi na pinag-uusapan ang gay issue ngayon dahil may nagcome out na actor last month na sobrang unexpected. Nabanggit pa nga si Andreau, baka raw ex siya nung actor. See, kahit anong gawin ni Andreau na bago, laging ididikit sa kanya yung issue na yun. Ang dami talagang walang magawa sa mundo, ano? Nakakairita.
I’m having doubts about this project of his. Two weeks ko silang kasama for heaven’s sake! Paano ko kakayanin yun, ha? Sure akong hihingi ng hourly update si Kesh sa mga gagawin ng couple na ‘to. Nakakailang tuloy. What if bigla akong madulas at masabi sa kanila ang suspicions namin? I bet Andreau knows that I know about this shit. Hindi naman siya manhid. But as his.. apprentice, I have to draw a line between us. A professional line.
I have to treat him with respect para hindi niya ako tratuhin bilang fan. Wala akong rabies, unlike those fangirls of his.
Okay Zade, two weeks with them. Two. Ang dami kong makikita, maririnig and possibly, mararamdaman.
This could either be my best or worst summer.. ever.
-A&Z-
Immersion chapter will be posted tomorrow, February 26! Araw-araw update yes! <3