في بريطانيا
قامت غاده التفتت حوليها ماشافت خالتها قامت مفزوعه خافت انهم سافرت من غير لا تشوفها وتودعهم
طلعت برى وهي مرعوبه من فكرة انها ماتلقاهم ارتاحت يوم شافتهم بالصاله جالسين
قربت من نوره ورمت نفسها بحضن خالتها وصارت تبكي
غاده بصوت / قمت من النوم مفزوعه خفت سافرتو من غير ما ودعكم
نوره بحب بحزن / بسم الله عليك من قال بقدر اسافر من غير لضمك لحضني
عبد الرحمن اوجعه قلبه على غاده عمرها ما فارقتهم الا مع هند
عبد الرحمن سحبها من حضن نوره وحضنها/ غدويه اذا تبين تجين معنا تعالي
غاده مسحت دموعها / ياليت اقدر لكن عندي ضغط امتحانات
عبد الرحمن / الله يوفقك عندك فهد متى ما حنيتي واشتقتي لنا اول طياره وتعالي
غاده / خالو اوعدني ما طولين علي انت وخالتو وتجيب ماماتي مشتاقه لها موت
نوره / غدويه صليتي المغرب
غاده / لا قمت وطرت لصاله خفت ابي الحق عليكم قبل لا تروحين
نوره / روحي يمك صلي وتعالي رحلتنا بعد ساعه
غاده بحزن / ان شاء الله
قامت من عندهم ودخلت لغرفتها وصلت وطلعت
عدنان جالس ساكت حزين لاحظت عليه غاده
قربت منه غاده / عدوني وش مزعلك
عدنان بحزن/ مابي اسافر ولا ابي اجلس مشتاق لهند ومابي اتركم
غاده بابتسامه / تعال وكمل دراستك عندنا
اول ماتطلع النتايج جيب اوراقك وسجل بجامعتنا
عدنان التفت لابوه / يبه موافق ادرس بابريطاني بجامعة فهد وغاده
عبدالرحمن / اكيد متى وقفت في طريق مستقبلكم
نوره / الله يصبرني بيفضى البيت عليك واجلس راسي براس ابوكم
عبد الرحمن بابتسامه / ليكون ماني بمالي عيني
نوره / .......
غاده / ماشوف فهد ومحمد
نوره بابتسامه / طالعين لسوق خالد موصيهم على اغراض وبيشترون هدايا
دخل عليهم محمد وفهد
محمد / يله بنطلع المطار لا نتاخر
نوره قامت وسحبت معها غاده ودخلتها الغرفه
نوره بحب / يمك اوعديني ما تتضايقين لسافرنا وانا على وعدي لك
غاده بحزن / ان شاء الله سلمي على ماماتي وقولي لها اني بموت من شوقي لها
نوره / ان شاء الله ووعد اخليها تكلمك وتسمعين صوتها
غاده قربت وضمت نوره / وربي بشتاق لكم
نوره بحب / كلنا بنشتاق لك والي مصبرنا انك بترجعين بالشهاده
سحبت نوره عبايتها من الدولاب وطلعن برى
ركضت غاده لخاله وعبدالرحمن فاتح ايدينه يستقبلها ضمها بقوة
عبدالرحمن / لا وصيك على نفسك واياني واياك تبكين لا طلعنا متى ماشتقتي اتصلي علي بجيك او تجيني
رفعت نفسها عن حضن خالها ورمت نفسها بحضن محمد
محمد اوجعه قلبه عليها حاس انها تكتم العبره ماتبي تضايقهم
محمد بيفرحها ويغير من جو الكئابه
محمد بحب / قريب باذن الله بتجين تحضرين زواجي
ارفعت نفسها بفرح / صدق حمودي قررت تتزوج خفت انك اطيح بكبد خالي وتصير عانس
محمد مسكها من انفها / عانس بعينك ادرس موضوع الزواح كلها كم يوم واقول لامي تخطب لي
نوره بفرح / يوم السعد والمنى اني اخطب لك وافرح فيك
فهد/ شكلي تملكت قبلك وبتتزوج قبلي
عدنان يقهره / وشكلي بتزوج قبلك
فهد / علشان اذبحك واريحك من الزواج
عدنان / مجرم الله يكفيني شرك
عبدالرحمن / يله مشينا وانت يافهد لاوصيك على اختك
فهد بابتسامه / ان شاء الله طيب وصها علي
عبدالرحمن بابتسامه / اوصيك على فهد لا تشغله ندى عن دراسته
غاده بابتسامه / لا توصي حريص
فهد / ياليتك ماوصيتها بتنشب بحلقي
طلعو من الشقه تاركين غاده خانقتها العبره لكن ما تقدر تبكي لانها واعده خالتها ماتبكي اذا طلعو من عندها
في الديره
قام جاسم من نومه متكاسل طالع بساعته كانت 7 المغرب التفت حوله شاف فيصل نايم
جاسم / فيصل قومي الساعه 7 المغرب
فيصل فتح عيونه بكسل / كل هذا نوم
جاسم / من زمان مانمت هالنومه
وقف جاسم ودخل الحمام اخذ شور وطلع بسط سجادته وصلى المغرب
بعد ماخلص صلاة التفت على اخوه شافه متسندعلى سريره
جاسم / قوم صل المغرب قبل لاياذن العشاء
فيصل قامه ودخل الحمام
وجاسم لبس ملابسه ونزل تحت بيمر جداته وبيشوف العمال خلصو شغلهم يوم تركهم كانو يصبغون اخر غرفة
سمع صوت حريم عند جداته طلع عند الشغاله سالها من عند جداته قالت اهل ابو مطلق
طلع للحوش ماشاف العمال شكلهم خلصو بدري
دخل المدرسه بيتا كد من شغلهم شاف كل شي خالص واحلى من الي يبيه
طلع من المدرسه رجع للمطبخ اخذ له كاس كبتشينو وطلع لحديقة الزهور ضم كاس الكبتشينو بايدينه كانه يضم الي تعشقه
جاسم بوجع / ياليتني كبتشينو علشان تحبيني ولا تستغنين عني وين اراضيك
قطع عليه فيصل الي جلس بقربه
فيصل بابتسامه / اموت واعرف وش سر حب بنت عمك للمراجيح
جاسم / اتوقع انه يذكرها بشغلة حلوة بالماضي يمكن يكون له علاقة بامها
فيصل / على جبروتها وقسوتها احس احيانا عندها تصرفات اطفال
جاسم بوجع / وينها تصرفات الاطفال ماشفتها الي شفته جبروت وظلم وقسوة رجال
فيصل / متى بنرجع لرياض
جاسم / بكره خلاص والمدرسه وانتهت
فيصل / طولت بالديره واجازتك انتهت
جاسم بحزن / جالس هنا على طيف ذكرى اعوض حرماني منها بمقابل مدرستها
فيصل بيغير الموضوع / جداتك من عندهن
جاسم / اهل ابو مطلق مطلق الي كانت تحرق قلبي بسبته
فيصل / شنوووووو تقهرك فيه
جاسم بوجع / مالي خلق اسولف بهالموضوع
فيصل / على راحتك
جاسم وقف وهو يسمع اذان العشاء / يله بطلع اتوضا ما بي صلاة العشاء تفوتنا
فيصل / نمت نومه مدري شلون بنام الليله وش رايك بما انا سهرانين نرجع الليلة
جاسم / امك وجداتك ماتجهزن و بيتعبهن السفر بالليل بنسافر اذا ربك اراد بعد الفجر
مشو وهم يسولفون طلعو فوق توضو وطلعو للمسجد ورجعو ودخلو المجلس لان اهل مطلق بيتعشون عند الجدات
قام فيصل وهو يحس بجوع دخل المطبخ طلب من الشغاله تحط لهم عشاء حطت له واخذه ودخل المجلس على اخوه الي سند ظهره ورى
فرش السفره وحط الاكل على الارض
فيصل / تعال اكل معي بموت من الجوع
جاسم قرب من السفره / وانا بموت من الجوع
في الطائف
عند هند
جالسه بالصاله مع خالد ابو بسام طالع يمشي بنته غلا وغاده وام بسام بالسوق
هند / خلود خالي متى بيجي
خالد / مدري اتوقع الفجر
هند بحب / يكثر شوقي لهم
خالد / كلهم مشتاقين لك
هند / خلود بعد سبوع نتيجة الصفقه كلكم بتكونون قبل الفجر بالشركه
خالد بخوف / مرعوب وبموت من الخوف واشوفك بارده لو انا منك كان نتفت شعري من التوتر والقلق والخوف
هند ببرود / ليش كل هذا لن يصيبنا الا ماكتب الله لنا
خالد / الله يعطيني من برودك شوي
هند وفي بالها موضوع جالسه تدرسه من جميع النواحي
هند / خلودي وش رايك بوليد
خالد مستغرب من سؤالها / خوش رجال بس ليه تسالين
هند بطفش / يكرهي لهطبع لسالت جاوبت علي بسؤال طيب لو خطب اختك بتوافق عليه
خالد مصدوم / شنوووووو
هند بابتسامه / وش فيك انتبه لا تنجلط جاوب على سؤالي
خالد بصدمه / وليد خاطبك
هند / وش قلت لا تجاوب سؤالي بسوال جاوب
خالد / انا ماعرفة الا من كم يوم والي اشوفه والنعم فيه اخلاق ودين وخوف من الله واهم شي مو مثل الشباب راعي خرابيط وصلاته مايفوتها
هند بابتسامه / وهذا جواب للي ابيه
خالد / ليكون بتخطبينه
هند بجدية / ما نهبلت اعيد ماساة الزواج
في بالي شيئ باذن ربك بيصير
خالد بقهر/ تسمين زواجك من جاسم ماساه وربي لو تطيعيني رجعتي له جاسم نادر تلقين مثله
هند حست بوجع من كلام خالد وطعنات بقلبها هي فعلن خسرته ومستحيل تلقى مثل حبه لكن مستحيل تبين هالشي لانه ضعف وهي مستحيل تضعف لو بداخلها يتمزق
هند بوجع تخفية بثقة مصطنعه / ما خسرت شي وعندي كل الرياجيل راشد وفكنا من سيرته الي تغم
قطع عليهم دخول غاده وامها والشغاله تشيل الاكياس
قربت منهم ام بسام / السلام الحقيني ياهند بالقهوه
هند بابتسامه / وعليكم السلام للحين على ادمانك
ام بسام / يازينه من ادمان
خالد / ما شاء الله شكلكم ماتركتو شي بالسوق
غاده قربت وجلست على الكنبه / كل شي شريناه تعرف ام بسام كريمه والتسوق معها متعه
ام بسام فسخت عبايتها وحطتها جنبها
ام بسام / لازم نفرح هنديانا وكل الشغلات الي شريتها لها ولاهلها ابي احسسها انها عروس
هند بابتسامه / هنديانا من اليوم ماشفتها شكلها تستعد نفسيا لزواجها
ام بسام / حجزتو كوفيرات
غاده / ايه ثنتين لنا وثلاث لهنديانا واهلها
هند / خالد عفيه نسيت علي دخيلك اخذه معك وحسسه انه معرس وحجز لهم افخم فندق وبكره بعد الزواج بيسافرون
خالد / مابي احرجه شكله مره خجول يمكن يبي شغلات خاصه وبيستحي يشتريها معي
هند بجديه / انا معطيته هديته زواجه فلوس بتكفيه وبتزيد لكن الي اعرفه ان ماعنده اخوان وابيك تعامله كاخوه
خالد / بحاول بكره من الصباح اكون معه لين اوصله للفندق
في بريطانيا
الشقة صارت كئيبه بعد سفر عبد الرحمن وعايلته
وغاده جالسه بالصاله وفهد معها وكلهم ساكتين
فهد / غدويه وش رايك نطلع نتعشى برى
غاده بضيق / مالي خلق
فهد بابتسامه / وش رايك تزورين ندى
غاده بابتسامه / وش يحشرني بينكم روح شوفها لحالك
فهد / استحي ومتفشل من ابوها اطلب اشوفها
غاده بجديه / هي زوجتك مستحيل ابوها يرفض انك تقابلها او تطلع معها
فهد / ادري لكن صعبة كل يوم راز وجهي عندهم واطلب اشوفها زين انها معي بالجامعه ولا كان مت بحسرتي
غاده / وش رايك اطلب من خالتي تسمح لندى تطلع معنا للعشاء
فهد بحب/ فديتها اخت فهد الي بتبرد كبده
غاده / انا دخله اغير لبسي وبنطلع
دخلت غرفتها وفهد دخل غرفته تكشخ وطلع لقى قدامه غاده
غاده / كل هالزين والتعدل علشان عشاء لو اني ندى ما طلعت معك بهالشكل
فهد بخوف / ليه وش فيني
غاده / تذبح قلوب العذاري وخاف عليك من عيون البنات الي بتاكلك
فهد / ههههههه الله يجبر بخاطرك
غاده بجديه / والله من جدي مامزح جمالك يذبح
فهد / اهم شي اكون بعيونها اذبح وبطقاق بكل البنات
غاده بابتسامه / وربي تحبك وميته فيك من غير لا تتعدل
فهد / وانا رايح بخرايطها تدرين للحين ماني بمصدق اني تزوجتها
غاده / الله يعينك
طلعو مع بعض وصلو لبيت ابو ندى نزلت غاده واستسمحت من ام ندى ان ندى تطلع معهم وبترجع لتعشو سمحت لها وطلعت ندى وركبت قدام جنب فهد
وصلو للمطعم وكانت ندى مستحيه طول الجلسه قامت غاده وتركتهم تتعذر بالحمام
فهد بحب / ندى كلميني عن نفسك
ندى بحياء / مثل ما تعرف وحيدة امي وابوي علاقتنا بعمامي شبه منقطعه لنا هنا خمس سنوات مالي صديقات وفرحت بغاده وصارت اختي اكثر من انها صديقه
فهد بحب / انتي اكيد تعرفيني عن طريق غاده لكن الي ماتعرفينه اني بحياتي ماحبيت ومن المشكله الي صارت ماغبتي عن بالي صرت اراقبك من بعيد خايف عليك وحبك بقلبي يزود
صرت اتجنب اني اقابلك لاني ناوي اطلب من اهلي يخطبون
ندى بابتسامه خجوله / ..........
قطع عليهم دخول غاده جاء العشاء تعشو وطلو من المطعم وصلو ندى ورجعو لشقتهم
في الديره
عند فيصل وجاسم
جالسين يسولفون بالمجلس دخلت عليهم الشغاله تقول لهم ان ام جاسم تناديهم طلعت ودقائق دخلو على جداتهم
جاسم وفيصل / السلام
الكل / وعليكم السلام
جاسم جلس وسط جداته وفيصل جلس جنب امه
ام جاسم / تعشيتو
جاسم / ايه ذبحنا الجوع وطلبنا من الشغاله تحط عشانا
فيصل / يالغاله ترى بعد الفجر بنرجع لرياض
ام جاسم اطالع بجاسم / بنرجع اذا خلص اخوك المدرسه بنرجع سوى
جاسم بابتسامه / ابشري خلصت وانا بسافر معكم
ام جاسم ارتاحت / اجل بطلب من الشغلات يجهزن الاعراض وان شاء الله على الفجر نكون جاهزات
جاسم وقف / تصبحون على خير طالع انام ورانا سفر
وقف فيصل / خذني معك
طلعو فوق كلن دخل غرفته وبعد صراع طويل مع النوم نامو
بريطانيا
وصلوا لشقه فهد دخل غرفته وخذ شور ودخل سريره ونام
عند غاده
دخلت غرفته وهي متضايفه تحس الغرفه كئيبة مظلمه بارده تعودت اليومين الي فاتت تنام بحضن نوره
دخلت الحمام اخذت شور ولبست بجامتها ودخلت سريرها وسمحت بدموعها تنزل على سفر اهلها وعلى وجعها الدائم ماتقدر تكتم اكثر من كذا حاسه انه بتموت لو اكتمت اكثر وهي باوجعها نامت
الطائف
عند هند
بعد ماكلن تركها اضطرت تدخل غرفتها الي كرهتها لختلت بنفسها ترجع عليها الموجع حاولت تشغل نفسها عن التفكير فتحت دولابها وطلعت كل ملابسها ورجعت رتبتهم وهي مرتبه ماتحتاج لترتيب بعد ماخلصت فتحت ادراج مكتبها ورتبت اوراقها وملفاتها
طالعت بساعتها شافتها 2 بالليل قررت تنزل تحت تنظر خالها هذا وقت وصوله
نزلت كان البيت هادي دخلت بالصاله انسدحت على الكنبه سمعت اصوات برى تاكدت انه خالها مع مفتاح لقصر فتح الباب ودخل
وقفت وهي تنتفض شوق دخل عبدالرحمن وتقابلو بعد غياب وشوق هند تجمدت مكانها وصارت دموعها تنزل وانقلبت الدموع لانين موجع ونحيب
عبدالرحمن حالته اسوء من حالتها اول ما شافها قدامه سمح لدموعه الغاليه بالنزول هذي بنته بنت احب الناس على قلبه الي رباها لو تطلب روحه قدمها لها ذبحه شوقه وخوفه عليها خاف يصير له شي قبل لا يرد لعيونه نظرها
تقدم لها وهي جامده مكانها وعيونها مركزه عليه هذا خالها حبيبها الي عوضها عن حرمان امها وابوها عمره ماحسسها انها يتيمه عمره ماقال لها لا
ماحست الا بنفسها في حضن خالها ضمها بقوة زاد انينها ونحيبها وعبدالرحمن صار يبكي بنحيب موجع ماهتم من الي كانو واقفين موجعين من الي يشوفونه ودموعها على خدهم هذولا الي يبكون قدامهم بنحيب هم اقوى شخصين عندهم مثل الجبال ماتهتز ولا تلين وتوقف في وجه الكل
هند رفعت نفسها من حضن خالها باسته على عيونه وخشمه وخده وراسه وهي تبكي
هند بصوت باكي / ليش ياخالي بعدتني عنك وحرمتني اسمع صوتك والله الموت اهون علي
وكملت بنحيب / ليش ياخالي ليش اوجعني شوقي لك انت روح هند شلون الروح تبعد عن الجسد هذي حالتي ببعد ياخالي
زاد نحيب عبدالرحمن وهي رمت نفسها مره ثانيه بحضنه
عبدالرحمن بصوت مبحوح / مجبور والله مجبور اهون علي ابعدك ولا افقدك طول عمري وصار يبكي بوجع
نوره تبكي بوجع على حال عبدالرحمن الي تغير كثير وضعف بعد غياب هند عنهم تقدمت منهم سحبت عبد الرحمن رفيق عمرها ماتحملت تسمع نحيبه وتشوف دموعه
نوره بصوت باكي / تعوذو من ابليس ليش كل هذا الحمد لله هند قدامك وخالك قدامك اوجعتو قلوبنا
قرب محمد من ابوه ودموعه على خده خايف على قلبه بسبب تاثره مسك ابوه وجلسه على الكنبه
محمد بصوت باكي / يالغالي ارحم نفسك ترا الي تسويه مو زين لقلبك علشان خاطرنا خف على نفسك
عدنان واقف متجمد ودموعه على خده الي يشوفه اقوى منه رمز القوة بالبيت الي يخاف منهم كثير ويحسب لهم مليون حساب لغلط يبكون بوجع قدامه كانه عايش بحلم توقع يشوف دموع الكل الا ابوه وهند شخصيتهم المرعبه تمنعهم يبكون
نوره ما صدقت عبدالرحمن ترك هند سحبتها لحضنها وضمتها بحب وشوق هذي بنتها الي ربتها اغلى عليها من روحها بنت ساره صديقة روحها
نوره بصوت باكي / اشتقت لك ياروح خالتك تو ماردت علي روحي بشريني عنك
هند ضمت خالتها بقوة هذي خالتها الي عوضتها عن فقدان امها هذي خالتها القلب الحنون الي تعرف الي يوجعها قبل لا تقوله
هند بصوت باكي موجع / بخير اشتقت لك والله فقدتك احتجت لك ولا لقيتك جنبي ذبحني الشوق ياخالتي يامي ياحبيتي وصارت تنتحب
ونوره تاثرت لما قالت لها يامي اول مره تسمعها من هند وصارت تبكي وتنتفض من قو البكي
عبدالرحمن حاط راسه بين ايدينه وصار يبكي ماتوقع بيتاثر هالكثر لشافها
قرب منهم محمد متاثر سحب امه وابتسم / شكلك انتي وابوي منتم معطينا فرصه نسلم عليها
بعدت نوره عن هند وهند رمت نفسها بحضن اخوها الحنون الطيب
محمد يحاول يقوي نفسه / خفي على نفسك ماجفت دموعك من كثر مابكيتي علشان خاطري خلاص
هند بصوت مبحوح من البكي / من شوقي لكم
محمد بعدها عنه / وربي احنا اكثر البيت ظلام من دونك استقبالك لنا اوجعنا وحنا جاينك مشتاقين ومتلهفين لشوفتك
هند وهي تبكي / غصب عني
قرب منهم عدنان وهو يبيكي بصمت / شكلكم نسيتوني
هند بعدت عن محمد وسحبت عدنان الي كمل نحيبه وبكاه بحضن هند
هند بحب / نساك الموت انسى روحي ولا انساك انت ولدي فيه ام تنسى ولدها
عدنان / مشاق لك والله مشتاق وبيتنا خرابه بغيابك
بعدته عن حضنها هند بحب / وربي مشتاقه لك اكثر من شوقك لي
عندنان / طمنيني عنك
هند / بخير انت شلونك وشلون دراستك
عدنان / كل شي زين مانقصنا الا شوفتك
هند بابتسامه / والله وكبرت عدنان
عدنان بابتسامه / اكيد بكبر ولا تبيني طول عمري بزر
بعدت عنه هند وقربت من خالها الي مستمر على نحيبه جلست قدامه على الارض ورفعت راسه ومدت يدها ومسحت دموعه
هند بحب / سامحني ياخالي اني سبب دموعك
عبدالرحمن بصوت مبحوح / مسموحه بشريني عنك يابوك
هند بحب / الحمد لله بخير انت شلونك ياروح هند
عبدالرحمن / الحمدلله الا انتي ليش سهرانه
هند / شوقي لكم مطير النوم من عيني
نوره / هنوده عمك ابو بسام جاكم
هند / ايه وهم بالملحق وانتم ترى جناحكم جاهز اطلعو ارتاحو
عبدالرحمن بحب / بنجلس معك شوي وبعده بنام
هند خايفه على خالها من الارهاق / اطلع ارتاح علشاني ولاحق علي
مسكته بيده ووقفته وهو استجاب لها وطلعت معه ودخلته لجناحه وجلسته على السرير نزلت حذيانه وحطتهم على جنب
هند بحب / نام وارتاح اهم ماعند صحتك
باست راسه وقبل لا تطلع قفلت النور
انزلت تحت عند نوره واخوانها جالسين على الكنبه
هند بابتسامه / منتم بداخلين تنامون ولا تبوني اسحبكم لغرفكم
محمد بابتسامه / عني انا تعبان بدخل لغرفتي مايحتاج تسحبيني
طلع لغرفته وهند التفتت لعدنان / وانت وش مقعدك يله نام وركم بكره يوم طويل
عدنان بابتسامه / طيب
طلع عدنا بالغرفه بينام مع محمد بقت نوره
هند بحب / خالتي اطلعي عند خالي ونامي وارتاحي بكره زواج هنديانا تحتاجين لراحه
نوره / جهزتي كل شي
هند / البركه بغاده وامها انا مشغوله
نوره / الله يجزاهم خير انا طالعه عند خالك وانتي نامي
هند / ان شاء الله
طلعت نوره لغرفتها شافت عبدالرحمن نايم وغاط بنومه دخلت الحمام اخذت شور ولبست بجامتها ونامت
هند طلعت لغرفتها وانسدحت على سريرها ومن التعب نامت
اليوم الثاني
في الديره
عند جاسم
قام من النوم قبل صلاة الفجر دخل الحمام توضا باقي اقل من ساعه عن الصلاة طلع من غرفته شاف نور غرفة اخوه شغال فتح الباب شاف اخوه متستد على سريره
جاسم / ليكون مانمت
فيصل / نمت ساعه حاولت ارجع انام لكن النوم طار من عيوني كله سبب نومة العصر طولنا فيها وانت نمت
جاسم / ايه توني انت جهزت اغراضك
فبصل بابتسامه / اغراضي بشنطتي ماطلعتها
جاسم / طول عمرك عجاز
فيصل / وليه اطلعم وانا متاكد بنرجع بسرعه توفير للوقت والجهد
جاسم / بنزل اصحي امي وجداتي وانت لا تنام انزل وراي
فيصل قام ودخل الحمام وجاسم طلع ونزل تحت دخل غرفة جداته شاف امه ترتب اغراض جداته وتحطهم بالشنط والجدات صحيات ومنسدحات على السرير
جاسم / السلام
الكل / وعليكم السلام
ام جاسم / اخوك وينه
جاسم / قايم تركته بالحمام يتوضاء وبينزل وراي
ام جاسم / تبي تفطر ولا بتنتظر تفطر معنا
جاسم / بنفطر سوى
ام جاسم / اجل بخلص شغلي وبجيب القهورة لجداتك وبعده الفطور
دخل عليهم فيصل ومعه شنطته
فيصل / السلام
الكل / وعليكم السلام
فيصل بابتسامه / وش هالحماس من قبل الفجر صاحيات كل هذا شوق لرياض وللجوهره وبنتها
ام جاسم / مشتاقه للجوهره وبنتها لانها غايبه عن عيني وتركتها وهي بحاجتي
جاسم جلس على طرف سرير جدته ام راشد وفيصل طلع بيحط شنطته بسيارته
بعد ماخلصت ام جاسم ترتيبها طلعت للمطبخ وطلبت من الشغالات يطلعن الاغراض برى ادخلت المطبخ اخذت القهوة وطلعت لغرفة امها وخالتها
جلست وصبت الفنجال ومدته على امها اخذته منها و مدت فنجال لخالتها وقربت منهن صحن التمر
جاسم / يمه كم مره قلت لا تفطرن على قهوة مضره لصحتكم
ام جاسم / فكنا من خرابيطك تبي قهوة اشرب ماتبي اسكت
جاسم / مابي انتظر الفطور
دخل عليهم فيصل وسمع كلامهم الاخير قرب وجلس جنب امه
فيصل / صبي لي قهوة ماعلينا من خرابيط جاسم ياحلو ريحة القهوة على الصباح
جاسم / فصول ورى ما تنطم صايره سواليفك سوالف عجائز
ام راشد / ياقليل الحياء وش فيهن العجائز مهن عاجباتك
فيصل / ههههههههههههه تستاهل من بيفكك من جداتك جيتهن على الوتر الحساس
جاسم / عاجباتني احسن من البنات
ام موضي / تضحك علينا ان ماسكت بعصاتي على راسك
فيصل بابتسامه / الله يقويك ياجده
جاسم / بسكت كله ولا عصاتك
ام جاسم جالسه مستمعه مبسوطه وهي تشوف عيالها رجعو مثل اول يتجادلون ويضحكون
سمعو اذان الفجرطلعو للمسجد صلو الفجر رجعو البيت لقو الفطور جاهز افطرو وشالو الاغراض ووزعهم بين سيارة جاسم وفيصل جاسم ساعد جدته ام راشد وركبها سيارته قدام وركبت امه ورى مع الشغاله وفي سيارة فيصل ساعد جدته ام موضي وركبها جنبه وركبت شغالتها ورى
بعد ماتاكدو من اغرضهم مشوووو
في بريطانيا
عند غاده
قامت وهي كسلانه وتعبانه وتحس بوجع بحلقها قامت بكسل ودخلت الحمام توضت وصلت بصعوبه وصلت لسريرها وهي تنتفض من البروده نامت صحت على صوت فهد يصحيها
افتحت عيونها بتعب وعينها كلها دموع / فهد بموت
انتفض فهد من كلامها وحط يده على جبينها شاف حرارتها مرتفعه
فهد بخوف / غدويه امشي معي اوديك المستشفى
غاده بتعب / ما قدر اتحرك وصارت تكح كحات متواصله
خاف عليها اخذ شرشف ولفه عليها ولف على راسها حجاب وطلع فيها وبالصدفه كان صلاح طالع من شقتهم خاف وهو يشوف فهد شايل غاده وهو يركض على الدرج لحقه
صلاح بصراخ فهد بسوق عنك مستحيل اتركك تسوق
ركب فهد ورى وبحضنه غاده الي حرارته مرتفعه حس فيها وهي بحضنة تان بوجع وصارت من السخونه تهذي باسم فيصل انحرج من صلاح
غاده تئن وبصوت تعبان / فيصل فيصل
فهد اوجعه قلبه كل هذي معناتها كل ليله واذا قابلتهم تكون طبيعيه
فهد في نفسه بوجع / الله يبرد على قلبك وتنسينه
صلاح يسمعها مستغرب معقوله تحب فيصل طيب ليه منحاشه ليلة زواجها وفوق كل هذا خالعته يمكن فيصل ثاني ساق بسرعه جنونيه
نزل فهد وهو بقى بالسياره شاف صديقه منحرج منه مابغى يكمل عليه وينزل ارسل رساله لفهد انه راجع لشقة اذا طلعو يتصل عليه بيرجع له
عند فهد
يركض بغاده بين اسياب المستشفى وصل لطواري استدعو الدكتوره وبعد الكشف عليها طلع مع فلونزا حاده وعطتها الدكتوره ابره خافضة للحرار وكتبت لها علاجات وطلبت تبقى لين تنخفض حرارته وبعده بتجيها بتطمن عليها وتسمح لها بالخروج
دخل عليها وجلس على كرسي قريب من سريره وكله وجع والم على حالها لو بكيفه شال حبه من قلبها
غاده فتحت عيونها بتعب / فهود ويني فيه وش صار
فهد / تعبتي وارتفعت حرارتك وجبتك للمستشفى
غاده بتعب / بروح الجامعه عندي امتحان مهم
فهد / اهم شي صحتك باخذ لك تقرير طبي اذا تحسنتي اداومين بكره وتمتحنين
قطع عليهم صوت جواله شاف رقم ندى
عند ندى
الي جالسه تنتظر غاده وخافت يوم ماشافت غاده اتصلت على جوالها ماردت عليها خافت اكثر وصارت تعيد الاتصال ولكن نفس الشي قرت تتقوى وتكلم فهد
فهد بصوت تعبان / هلا ندى
ندى خافت من صوت فهد
ندى بخوف/ فهد وش فيكم ماجيتو الجامعه
فهد / غاده تعبت علي والحين في المستشفى
ندى بخوف / وش فيها
فهد / ارتفعت حرارتها واخذت ابره والحين الحمدلله
ندى / متى بتطلع من المستشفى ابي ازورها
فهد بحب / ندويه حبيبيتي اذا طلعت غاده من المستشفى تجين عندها وتجيبين معك شوربه ماعرف اسويها
ندى بحب / من عيوني وبجيب معي غدا
فهد / تسلم العيون وصاحبتهم
ندى بحياء / فهد مضطره اسكر محاضرتي بدت
سكرت من فهد وهو متاكد انها منحرجه وتتهرب مستغرب من جرائته معها هو طبيعته سحاويفي الطائف
عند هند
قامت من نومها وهي كسلانه ماشبعت نوم طالعت بساعة جوالها تفاجئت ان الساعة 7 فزت ودخلت الحمام توضت وصلت ورجعت اخذت شور ولبست لبس رسمي والبست عباتها وشيلتها ونقابها بيدها نزلت لقت غاده وامها جالست يفطرن
هند / السلام
غاده وامها / عليكم السلام
هند / غاده خالد دوام في الشركه
غاده / ايه من بدري غريبه ليش تاخرتي عن الشركه
هند بسخريه / انتم ما شاء الله النايم ماتصحونه
غاده / توقعتك بترتاحين اليوم زواج هنديانا
هند / الشغل شغل فيه وقت على وقت الزواج
غاده / هنوده خالي ابو خالد جاء
هند / ايه الفجر ولا اوصيكم بغداء محترم للكل
غاده بابتسامه / سبقك خالد وقالي
هند / يله انا طالعه
طلعت بسيارة السواق عمران وصلت لشركه
ودخلت مكتب اخوها شافته مشغول باوراق قدامه
هند بعصبيه / السلام
خالدرفع عيونه عن الاوراق / وعليكم السلام وش جابك
هند بعصبيه / وانت ماتصدق تشوفني نايمه تتركني وليه داومت من غير لا تصحيني كانك تنظرني اغيب عن الشركه
خالد / هدي لا تاكليني هذا جزاتي اني راحمك عارف انك مانمتي الا متاخر
هند / كله ولا شغلي اهمله مره ثانيه تصحيني قبل لا تدوام انداوم سوى
خالد / ان شاء الله
طلعت من مكتب خالد ودخلت مكتبها وطلبت من السكرتيره تطلب من وليد يجي عندها
عند واليد
كان بمكتبه جالس مع مطلق ومشعل يدرسون بعض الاوراق سمع صوت تلفون مكتبه رفع التلفون كانت سكرتيرة هند تطلبه يجي عندها سكر ووجهه تغير خايف انه مقصر بشغله
مطلق / وش في وجهك قالب
وليد بقلق / المديره طالبتني
مطلق مستغرب / غريبة وش تبي فيك
مشعل بابتسامه / جاك الموت ياتارك الصلاة لا تتاخر عليها
وقف وليد / انا طالع مابي اتاخر عليها
طلع من مكتبه والوساوس براسه خايف منها وهي من جت لشركها ما طلبت احد الموظفين الحاله اجتماعاتها جماعيه
وصل لمكتب السكرتيره وطلب منها تقول لهند عن وجوده دخلت السكرتيره عليها وقالت لها وهند لبست عباتها وتسترت وطلبت من السكرتيره تسمح له بالدخول
دخل وليد وهو مرتبك
وليد برتباك / السلام السكرتيره كلمتني تقول انك طالبتني
هند / تفضل ادخل وترك الباب وراك مفتوح
استجاب لها وقرب وجلس على الكرسي الي قدامها
هند / استاذ وليد حابه اسئلك سؤال شخصي اذا ماعندك مانع
وليد بارتباك / اسئلي
هند بجديه / ليه للحين ماتزوجت
وليد مستغرب ما توقع بتساله هالسؤال
وليد / ظروفي ماتسمح لي وانتي تعرفين الزواج ومسئوليته وطلبات البنات الي ماتنتهي
هند / وش رايك بمطلق
وليد مستغرب وش علاقة مطلق بسؤالها الاول
وليد باستغراب / رجال مايعيبه شي
هند / ترضى اكون اختك وبهالموضوع بالذات
وليد وبدا يخاف / ولي الفخر تكونين اختي
هند بجديه / وليد بدخل على طول بموضوعي مطلق عنده اخت اصغر منك بسنتين انسانه باره بامها وابوها وتملك قلب كله طيبه وحنان وفيها مواصفات كل زوج يتمناها تكون بزوجته
وطالعته وركزت نظرها بتعابير وجهه واضح عليه الاستغراب والارتباك
كملت / يمكن عيبها الوحيد انها ساكنه بالدير وتطبعت بطبايعهم وانحرمت من التعليم
انا ماشوف هذا عيب بايدك تشكيلها وتطويرها مثل ماتبي وانا بساعدك بهالشي بتصير لك زوجها كامله وهي ما شاء الله ذكيه فوق ما تتصور والحين مسجله بمدرسة لتعليم الكبار
واكيد طلباتها بسيطه واهلها ناس طيبين ينحطون على الجرح يبرى وش تبي اكثر من كذا
وليد منصدم ومتفاجئ وتكلم بارتباك / الموضوع هذا موضوع مصيري والي باختارها باختاره بعقلي قبل قلبي لانها بتشاركني حياتي وبتصير ام لعيالي
هند بجديه / مراح اغصب عليك بزواجك من فاطمه لولا ثقتي فيك ماعرضتها عليك هي واهلها غالين علي كثير
واذا وافقت عليها عندك اخوها مطلق اخطبها منه واذا رفضت هذا من حقك
لكن ياليت الكلام الي دار بينا يبقى سر وامانه برقبتك ما يطلع لحد مابي اكسر فاطمه لدرت اني عارضتها لك
وفي النهايه اقولك استخير يمكن الخيره بزواجك منها
وليد / ان شاء الله
هندبجديه / اذا وافقت عليها بدور لك طريقه تشوفها فيها لانهم في الديره من المحرمات عندهم تشوف بنتهم الشوفه الشرعيه
وليد بابتسامه باهته / يصير خير
طلع من مكتب هند مهموم متضايق شلون بيربط مصيره مع وحده ما يعرفها وفوق كل هذا اميه واكيد انها قبيحه لكن مستحي يرفض ونسب مطلق ينشرى
دخل مكتبه سرحان وحالته منقلبه حمد ربه ان مشعل ومطلق طلعو من مكتبه
وليد في نفسه / اتزوجها ولا ماتزوجها اتزوجها علشان هذي رغبة هند الي فضلها مغطيني واناسب مطلق
ولا ما تزوجها بسبب الفوارق الكبيره بينا على قولة هند هذي شكليات بايدي اغيرها واشكلها على كيفي
في بريطانيا
عند غاده
بعد ساعه تحسنت مرها الدكتور وسمح لها بالخروج
غاده / فهد ابي لبس ساتر ما شاء الله جايبني بالبجامه
فهد بابتسامه / من خوفي مدري وش كنتي لابسه
غاده / ارجع لشقه مستحيل اطلع كذا
فهد / الحين بتصل على صلاح يجيب سيارتي وبطلع معه لشقه
كلم فهد صلاح يجيه للمستشفى وصل ركب معه راجعين لشقه
صلاح مد المفاتيح لفهد وطلع لشقته وفهد دخل شقته فتح دولاب غاده واخذ ملابس ساتره وحجاب وطلع ركب السياره راجع للمستشفى دخل غرفة غاده وعطاها كيس الملابس دخلت الحمام بدلت ملابسه وطلعت مع اخوها من المستشفى وصلوا لشقه بعد الظهر
عند ندى
كانت بالجامعه تفكر بغاده مسكت جوالها واتصلت على امها
ندى / ماما تسمحين ازور غاده تعبانه اليوم فهد كلمني من المستشفى حرارتها مرتفعه
ام ندى / موافقه اتصلي على ابوك يطلعك من الجامعه ويوصلك لها
ندى / ماما غاده تعبانه تحتاج شوربه الله يخليك سوي لها
ام ندى بحب / بسوي شوربه وغداء
ندى / الله يخليك ياحلى ام
اتصلت على ابوها كان عنده اجتماع مشغول
ندى / بابا بطلع من الجامعه بروح لغاده
ابوها / مشغول كلمي فهد يطلعك
ندى بحياء / بابا استحي اركب معه بروحنا
ابو ندى بابتسامه / زوجك
ندى / بابااااااااا
ابو ندى / يله مع السلامه مشغول
سكرت من ابوها واتصلت
عند فهد
كان جالس بالصاله مع غاده سمع صوت جواله شاف رقم ندى ابتسم
فهد بابتسامه / اشوف جوالي منور اثاريك المتصله
ندى بحياء / فهد تقدر تطلعني من الجامعه ابوي مشغول
فهد بحب / يوم المنى اطلعك دقائق وانا عندك
سكر من ندى طالع بغاده منسدحه على الكنب وغاطه بالنوم طلع وسكر الباب
وصل لندى بالجامعه عطاها اتصال تطلع له
طلعت ركبت قدام
ندى / السلام
فهد / وعليكم السلام
ندى بحياء / اسفه اشغلتك معي
فهد بعصبيه / انتي زوجتي وش تشغليني فيه
ندى بابتسامه خجوله / ممكن نمر بيتنا بتجي م امي معي وبجيب الشوربه
فهد بقلبه يدعي ان امها ماتجي معهم
وصلها لبيتهم دخلت وقالت لامها تجي معهم ولما درت ان فهد هو الي بيوصلها رفضت وتعذرت ان عندها شغل
طلعت ندى مستحيه ووراها الشغاله تشيل الاغراض
شاف ندى تمشي لحاله فرح ان ربي استجاب لدعوته
دخلت ندى السياره والشغاله دخلت الاغراض ورجعت للبيت
ندى / امي انشغلت ما تقدر تجي معنا تقدر تمشي
فهد وهو فرحان / خيرها بغيرها اجل بنمشي لا نتاخر على غاده
دخلوا لشقه غاده بغرفتها بعد ماتركها فهد دخلت ترتاح جلست بالصاله بحجابها قرب منها فهد وجلس جبنها وسحب حجابها وحطه جنبه
فهد بابتسامه وعشق / بتحرميني اشوف شعرك نسيتي انك زوجتي
ندى مستحيه / وينها غاده بتطمن عليها
فهد بحب / لاحقه على غاده اجلسي معي شوي وخليها ترتاح مشتاق لك
ندى ذابت من الحياء ووجه حمر / ........
قرب منها وطبع بوسه على خدها انتفضت وقفت
ندى / انا داخله عند غاده
دخلت وهي تنتفض من الحياء ومن جرائت فهد ما توقعته يتمادى ويبوسها
شافت غاده منسدحه وجنبها كيسه علاجات قربت منها ندى بحب/ غدويه قومي اجلسي معنا برا وشربي شوربه مسويتها امي خصوصي لك
فتحت غاده عيونها بتعب / متى جيتي
ندى / الحين جايه
سحبتها ندى ودخلتها الحمام وجلست تنتظرها خايفه من فهد طلعت لها غاده لبست
غاده / وش مقعدك عندي وتاركه زوجك
ندى / مستحيه اجلس معه بروحنا
اجل طولنا عليه خلينا نطلع
فهد
جالس بالصاله يبتسم من هروب ندى منه
فهد في نفسه بابتسامه / والله انهبلت وش سويت بالبنت طيرتها من عندي الحين وش بيطلعها من عند غاده
شاف ندى وعيونها بالارض مستحيه من الي صار بينهم
وصلت غاده وجلس على الكنبه
ندى / انا بدخل اجهز لكم الغداء
فهد / وانا قايم اساعدك
دخلت ندى ولحقها فهد وهو مبسوط يستمتع بحياها رتب معها السفره وهم ساكتين
طلعت ندى تنادي على غاده جتهم وجلسو يتغدون ومدت لغاده الشوربه
اخذتها وشربت منها كم ملعقه وبعدتها عنها السخونه سدت نفسها
ندى / غدويه ماشربتي شي
غاده / منسده نفسي بسبب السخونه
فهد / لي الله محد سالني اكلت ولا ماكلت
ندى بابتسامه / قاعده اشوفك تاكل
غاده / وش رايك بعد تاكلك
فهد / والله مو شينه تاكلني
ندى استحت / ............
بعد ماخلصو اكل كلم فهد الشغاله الي تجيهم ترتب الشقه
طلعو بالصاله سوالف بعد ساعتين سمعت جوالها كان ابوها يقول لها انه تحت ينتظرها تنزل له
اخذت حجابها ولبسته واستاذنت منهم وطلعت
في الرياض
بعد الظهر
بعد اربع ساعت وصلو لبيتهم كان حوسه وكله غبار
جاسم ساعد جدته ام راشد بالنزول ودخلها داخل وجلسها على كنب بالصاله
وفيصل ساعد جدته ام موضي بالنزول ودخلها داخل وجلسها جنب ام راشد ودخلن الشغلات يشيلن الاغراض
ام جاسم / وش هالحوسه يا فيصل ما تعرف تجيب عمال ينظفون هالغبره والوساخه
فيصل ببرود / فيه شغالتين وش وظيفتهن
ام جاسم / وش بيسون ويخلن
جاسم / خليهن ينظفن الاماكن الضروريه والباقي بعدين
ام جاسم / جاسم اطلع جيب غداء جاهز يصلح لجداتك
جاسم / ان شاء الله
ام جاسم التفتت على فيصل / اخذ جداتك ودخلهن غرفتهن وادخل غرفتك بنظف الحوسه الي بالصاله نبي نجلس بمكان نظيف
استجاب كلام امه وساعد جداته دخلهن غرفتهن وطلع لغرفته
طلع جاسم للمطعم ام جاسم والشغلات باشرن التنظيف
في الطائف
عند هند
طلعت من الشركه لفلا هنديانا تبي تكون معها لين وقت الزواج لرغم شواقه لجلوسها مع اهلها
وصلت عند هنديان الي محتاسه ماتدري وش تلحق عليه
فرحت هنديانا وهي تشوف هند قدامها محتاجتها كثير
هند / بشري عنك هنديانا ان شاء الله كل شي زين
هنديانا / مدري احس متوتره وشي ناقص ماسويته
هند / تعوذي من ابليس والكوفيرات بيجون وحده بتستلمك والباقي لامك وخواتك وانا اذا تطمنت ان كل شي تمام رجعت للقصر اتجهز
ضمتها هنديا بحب وبدموع / والله ياهند لو ادفع عمري كله ما وفيتك حقك
هند بعصبيه / تبيني تزعليني منك وانتي تعرفيني اكره هالكلام
هنديانا / كله ولا زعلك
هند / بنزل تحت عند امك بتطمن عليها
نزلت هند عند ام هنديانا الي فرحت بهند وضمتها وصارت تدعي لها من قلب لانها انقذتهم من فقرهم
في الرياض
عند جاسم
جاب الغداء لقى جداته وفيصل وامه جالسين بالصاله ينتظرونه قرب من امه مد عليها الاكياس اخذتهم ودخلت فيهم المطبخ وجهزته بصحون وطلبت من الشغاله تبسط بساط على الارض حطت الغداء تغدو وكلن دخل غرفته يرتاح
في بريطانيا
عند غاده
بعد ماتركتهم ندى اكلت علاجها ونامت قامت على المغرب وهي تحس انها تحسنت قامت توضت وصلت المغرب وطلعت لصاله كانت فاضية توقعت فهد نايم بغرفته طقت الباب فتحت الباب شافت سريره خالي والحمام مافيه احد توقعته عند صلاح
طلعت من غرفته جلست بالصاله فتحت التلفزون تقلب بالقنوات بملل قامت دخلت المطبخ اخذت لها كاس عصير ورجعت لصاله سمعت صوت المفتاح عرفت انه فهد
فهد بعد ماطلعت ندى طلع لشقة صلاح راجع معه بعض الشغلات الهامه بالبحث وراح عليه الوقت قرر يمر مطعم ويجيب عشاء لهم غاده ماتغدت على صحن الشوربه الي ماكملته
دخل بالاكياس استقبلته غاده
غاده / كانك داري اني جوعانه
فهد / اكيد جوعانه ماكلتي شي من البارح على صحن الشوربه الي ماكملتيه
غاده / وش جايب لنا عشاء
فهد / مشاوي وفطائر
غاده / كلمة خالي وصلو
فهد / ايه كلمته الصباح وصلو الفجر واليوم زواج هنديانا
غاده بابتسامه / فاتني زواجها
فهد / قومي جهزي معي العشاء
قامت ودخلت معه المطبخ وجهزت العشاء واكلت بشهية
فهد / انا طالع غرفتي بنام وانتي نامي اذا بتروحين بكره الجامعه
غاده / اكيد بروح الجامعه شبعانه نوم بذاكر لمتحان بكره
دخل فهد غرفته اخذ شور ونام
وغاده اخذت كتبها وبدت تراجع راح عليها الوقت ماحست الا الساعه 10 قامت واخذت كتبها ودخلت غرفتها وانسدحت على سريرها من التعب نامت
في الرياض
بيت ام جاسم
دخلت عليهم الجوهرة مع بنتها موصلها نواف الي ينتظر جاسم وفيصل بالمجلس
قربت من امها وحضنتها
ام جاسم / بشريني عنك وعن بنتك
الجوهره / الحمدلله كلنا بخير مشتاقين لكم
ام جاسم اخذت فرح من امها وجلست تبوسها بحب
ام جاسم / روحي عند جداتك بغرفتهن
دخلت الجوهره عند جداتها شافت جاسم وفيصل جالسين يسولفون
سلمت على جداتها وقربت من جاسم ورمت نفسها بحضنه
الجوهره / شلونك ليش كل هالغيبه
جاسم / بخير وينها بنتك
الجوهره / عند جدتها
فيصل / بروح العب فيها
الجوهره بعصبيها / اطلع لنواف جالس الحاله بالمجلس
جاسم / انا طالع له
دخلت ام جاسم بالبنت اخذها جاسم وصار يبوسها ويلعب معها
جاسم بابتسامه / طالعه نسخه من نواف
الجوهره / نفس كلام خالتي
فيصل قرب من جاسم وسحب منه فرح ووباسها بدفاشه صاحت البنت
الجوهره بعصبيه / وبعدين مع دفاشتك
تراها ماجت بالساهل
فيصل / بتجيبين غيرها هذي خليها لي
الجوهره بسخريه / اتركها لك علشان تموتها شوفها من اليوم مع جاسم ماصاحت يلاعبها بحنان مو مثلك يالدفش
ام جاسم / طول عمره جاسم حنون
فيصل / شكلي بازعل
الجوهره / الصاله كلها جدران اختار واحد وضرب راسك فيه
جاسم / يا لغاليه بنطلع لنواف اذا العشاء جاهز باخذه بنتعشى معه
ام جاسم / جاهز قول لشغاله تحطه لكم
طلع من عند امه مر على الشغاله وقالها تحط الاكل بغرفة الاكل وهو دخل عند نواف
في المجلس
عند نواف
تعب وهو ينتظر فيصل وجاسم توقع انهم طالعين وقف بيطلع الا على دخول جاسم
نواف بعصبيه / حضرتك داخل ومطنشني بغيت امشي
جاسم بابتسامه / سلم وبعدين هاوش وش نسوي بنتك نستنا ابوها
نواف اخذ جاسم بالاحضان / بشرني عنك
جاسم / الحمد لله وبكره دوامي عندك انت الي شلونك انت
نواف / اللهم لك الحمد بخير
جاسم / تعال معي نتعشى العشاء محطوط
دخلو غرفة الطعام شافو فيصل سابقهم وجالس
نواف / يحبك لبطنك ماجيت تسلم عليك
فيصل/ تعال تعش وبعدين نسلم على بعض
لا سلام على طعام
جلس نواف وجاسم وبدو ياكلون بعد ماخلصو رجعو للمجلس وخذ فيصل نواف بالاحضان
فيصل بابتسامه / الحين نحلي بالسلام عليك
نواف بابتسامه / وانت شاهي مر نهضم فيه
جاسم / صدقت
فيصل / الخبل الي معتبرك حلى كنت اجبر بخاطرك
في الطائف
عند خالد
طلع من الشركه تغدى وطلع لعلي بفلا هنديانا اخذه معه علي كان بالبدايه مستحي ومنحرج من خالد وبعدين اخذ عليه
طلع معه للسوق اشترى له شغلا ت بسيطه كانت ناقصته وشترى له خالد هديه ساعه غاليه
بعد وصله للحلاق ودخل وسوى تنظيف لوجه وحلق وبعدها طلع مع خالد وصله للفندق يبيه يتنظف ويتعد ل واذا خلص ينزل تحت لانه حاجز له بنفس فندق الزواج
خالد بابتسامه / علي انا طالع للبيت اتعدل واذا خلصت انزل تحت الله الله بالكشخه ترى مسوي لك زفه باوصلكم فيها للمطار
علي / ماقصرت الي سويته معي مايسويه اخو
خالد / وش هالكلام يارجال يله بطلع
طلع من عنده وصل للبيتهم دخل لجناحه وطلع للفندق من بدري بيوقف مع ابوه واخوانه باستقبال المعازيم لان هنديانا وحيده معندها الا ابو مقعد
عند نوره وام بسام وغاده
بالصاله الي فوق مستلمتهم الكوفيرات خلصت نوره وام بسام وباقي غاده
ام بسام / هند وينها من اليوم ماشفتها
نوره / كلمتني عند هنديانا ماتبي تتركها لحالها وهي على وصول
عند هند
بعد ماتطمنت على هنديانا ووصلتها القصر رجعت لبيتهم بتتعدل بتلحقها ما تبي تطول عليها دخلت لقت غاده توها مخلصه
نوره / جيتي بوقتك بسرعه الكوفيرات ينتظرنك لا تتاخرين عليهن
هند / لازم اخش ور وبعدين اتعدل
ام بسام / كذا بتتاخرين وتاخرينا
هند / روحو لا تنتظروني اهلها بحاجه لوقوفكم معها وانا بكلم محمد يجي ياخذني
نوره / اجل بنسبقك للفندق
هند / طيب
طلعت للكوافيرات وقالت انها كانت مشغوله بتاخذ شور سريع وتطلع لهم
بعد نص ساعه طلعت لهن استلمنها الكوفيرات بعد نص ساعه خلصت لبست عبايتها لقت محمد ينتظرها برى طلعو مع بعض وصلها لقسم الحريم دخلت دخلت داخل سلمت على المعزومين وتاكدت ان كل شي افضل بكثير عت الي كانت تبيه طلعت فوق لغرفة هنديانا شافته مرتبكه ومحتاسة
هند ضمتها / مبروك المعرس بيدخل وبياخذك للمطار على طول بدلي بلبس خفيف قبل لا تسافرون
هنديانا وهي ماسكه دموعها / الله يبارك فيك ماني بمصدقه اخيرا تزوجت علي بعد كل عذاب هالسنين
هند بحب / الله يتمم لكم ونشوف عيالكم وحوليكم
هنديانا بابتسامه / تونا على العيال
سمعت هند صوت جوالها كان خالد يقول ان علي بيدخل
هند / هنديانا علي بيدخل
لبست هند عبايتها بعد دقائق دخل علي وابوها طالع بالاصنصير بكرسيه الاتماتيك الي اهدته له هند قرب منها وهنديانا وقفت وتقدمت له ونزلت نفسها له وباست راسه ويدينه وهو بارك لها
قرب منها علي وباس جبينها وجلس معها شوي ونزل وهند اطلعت وخلتهم لحالهم خالد
نزل علي ودخل غرفته بالفندق بدل لبسه ببدله وطلع لخالد ركب في السياره وراء ينتظر هنديانا وخالد هوالي يسوق وورهم اكثر من 5 سيارات مسوي زفه لعلي
كلم خالد هند وطلب منها ان هنديانا تنزل ينتظرونها بسياره قالت لهنديانا وساعدتها بتبديل ملابسها وجهزت معها شنطتها ولبست عباتها ونزلت معها تحت
قربت من علي / امانتك هنديانا
علي بابتسامه / هنديانا بالقلب والعين
ساعدت هنديانا ركبتها وراء وضمتها
هند بحب وحنان / هنديانا انتبهي على نفسك وعلى علي وننتظركم بشوق واهلك بعيوني لا تفكرين فيهم ولا تشيلين همهم
بعدت عن السياره ومشى خالد ووراه كوكب من السيارة زفته كانت حلوه وبسيطه وصلهم المطار وركبو طيارة هند الخاصة ورجع خالد
عند هند
كلمت محمد تبي ترجع تحس بتعب وارهاق وجهد من امس ما نمت زين ولا ارتاحت
جاها محمد ركبت جنبه وصلو البيت ورجع للفندق
وطلعت فوق لغرفتها نظفت وجهها من المكياج ودخلت الحمام اخذت شور ولبست بجامتها ودخلت بسريرها ونامت
على الساعة 2 الكل رجع لبيته دخلت نوره وعيالها البيت وهي تعبانه ما تشوف قدامها طلعت فوق لقت عبد الرحمن نايم نظفت وجهها من المكياج ونامت
وغاده دخلت غرفتها شافت خالد نايم دخل بهدوء نظفت وجهها واخذ شور ونامت
وام بسام وبنتها دخلو الملحق دخلن غرفتهن ومن التعب نامن
عند محمد
كانت تحت جالس بالصاله وباله مشغول مايدري متى يقول لهند الي براسه ويفتح لها قلبه وياخذ رايها بالموضوع
مل من تفكيره دخل غرفته شاف عدنان نايم دخل سريره ونام
في الرياض
بيت ام جاسم
بعد ماطلع نواف ادخلو داخل شافو امهم والجدات نايمات وغاطت بالنوم واضح انهن تعبانات من مشوار السفر
طلعو فوق كلن دخل غرفته ومن الارهاق والتعب نامو
اليوم الثاني
بالطائف
قامت قبل صلاة الفجر وهي تحس بجوع دخلت الحمام توضت ونزلت لقت البيت فاضي دخلت المطبخ اخذت فطيره وعصير وطلعت لصاله جلست على الكنبه وتفكيرها طار لجاسم الي ماله نيه يبعد عن تفكيره غاصب نفسه يقتحم تفكيرها
اوجعها قلبها وهي تتذكر شلون جلدته بدون رحمه هي بعمرها ما ضرت احد ولا قست على احد مع جاسم تنقلب وحش ما يرحم تذكرت كل مواقفها الموجعه لجاسم وصارت تبكي بحرقه موجعه ودموعها تنزل على خدها مثل الشلال وقلبها محروق من عشقها الي ما ظهر الا متاخر الي تحاول تتهرب منه ووجع تانيب
الضمير الي بيموتها كبريائها يمنعها تعتذر منه وتطلب منه يسامحها
دخل عليها خالها وخاف وهو يشوف دموعها قرب منه
عبدالرحمن / هنوده ليش تبكين
انصدمت من وجود خالها مسحت دموعها / اشتقت لغاده
عبدالرحمن بحب / كلها يومين وتنتهي مشكلتك وترجعين لها
هند / خالي انتهت مشكلتي باقي تكذبون خبر وفاتي طالبين شهود
عبدالرحمن جلس متفاجئ / شلون انتهت محد قالي وبشرني
هند / السموحه انشغلنا بزواج هنديان
عبدالرحمن / شلون انتهى
هند / قالت لخالها كل شي وان الي كشفهم زياد وانه دفع حياته الثمن
عبدالرحمن بصدمه / زياد شلون وكيف
هند / مدري انا مثلك مستغربه هو منهم شلون يضحي بحياته علشان يكشفهم
عبدالرحمن بجديه / يمكن ربي هداه وتاب
هند / خالي متى تروحون للمحكمه تشهدون اني على قيد الحياة
عبدالرحمن / اليوم بروح وشغلت المحاكم طويله اذا اثبتنا انك عايشه بنفس اليوم بننشر الخبر بكل الجرائد المحليه والعالميه
هند بابتسامه / هذا الي ابيه ربي يخليك لي
عبدالرحمن / الا وش مصحيك بدري
هند بابتسامه / الجوع
عبدالرحمن / متى جيتي البارح
هند / جيت بدري ما دخلت صالة الحريم طول وقتي عند هنديانا بعد ما خذها زوجها جيت البيت كنت تعبانه نمت
عبدالرحمن وقف / انا طالع للمسجد تاكدي ان اخوانك قامو
هند / ان شاء الله
طلع عبدالرحمن للمسجد وهند كانت بتطلع لغرفة اخوانها شافتهم نازلين على الدرج طلعو بسرعه ما يبون تفوتهم الصلاه
بعد اسبوع
عبدالرحمن ونوره مبسوطين بتواجدهم عند هند وزاد وناستهم تواجد ابو بسام وعايلته معهم
عبدالرحمن محد قاله عن الصفقه خايفين عليه
هند وخالد مشغولين بالشركه وكل ماقرب موعد الصفقة خوفهم يزيد
وهند تعاني من وجع حبها لجاسم ووجع تانيب الضمير الي طير النوم من عيها صارت تتهرب تنام بغرفتها لحالها يتكون خالتها معها او تاخذ غلا بنت ابو بسام الي تعلقت بهند كثير وتنومها معها
غاده تعبانه كثير مع الوحم ومتعبه خالد معها لكن للحين متحملها لانه يعرف انها فتره متعبة للحامل
جاسم داوم بالمستشفى حاول يرجع جاسم الاولي ويرمي حبه وعشقه وراء ظهره لكن اذا حط راسه على مخدته ارجعت له المواجع والشوق والحنين وعذاب الحرمان
فيصل داوم بالشركته حاول يشغل نفسه طول النهار عن تفكيره بغاده وعشقه لها واذا جاء الليل بينام شاف طيفها قدامه ورجعت له المواجع بيموت من الغيره انها تحب غيره يموت ويعرف من الي فضلته عليه وسلمته قلبها وبسببه تعاني نفسه يشوفه بيموته علشان يرتاح منه
تدمع كل ليله عيونه وهو يتخيلها تحب غيره وتعاني مثل حبه لها ومعناته
الجدات بالرياض مشتاقات لديره وام جاسم قررت ترجع الديره مع امها وخالتها وكل بعد فتره تجيبهن لرياض يجلسن فتره ويرجعن لان روح ام راشد وام موضي متعلقه بالديره
الجوهره مبسوطه ببنتها الي جننها فيصل بلعبه الدفش
نواف بنته ماخذه قلبه وروحه ومبسوط برجوع جاسم صديقه الاولي
هنديانا وعلي بشهر العسل
وليد بعد تفكير طويل ومشاورة اهله عزم على قراره الي بيبلغه لهند باقرب وقت
مطلق ومشعل تفكيرهم مشغول باهلهم مشتاقين كثير لهم ينتظرون تنتهي الصفقه وتسمح لهم هند يجيبون اهاليهم
محمد براسه موضوع مطير النوم من عينه مالقى الفرصه يقوله لهند
في الطائف
في الشركه
كانت هند بمكتبها تراجع بعض الاوراق المهمه قطع عليها فتحت الباب بقوة شافت قدامها خالد كان يلهث وشكله مصدوم
هند فزت من مكتبها خافت من شكل اخوها الي قرب منها
هند بصوت كله خوف / وش فيك خالد لا تخوفني شكلك ما يبشر بخير
قرب منها وضمها بقوه وغصب عنه انهار بالبكي كان المده الي فاتت على اعصابه
هند بكت معه خافت صاير شي كبير خايفه تساله ويصدمها
هند رفعته عن صدرها شافت وجهه احمر من كثر البكي
هند بخوف / يرحم والديك قول الي عندك ارعبتني
خالد بصوت باكي / كسبنا الصفقه ياهند كسبناها
هند بكت من قلب الفتره الاخيره حست بخوف كبير لكن ما حبت تقول لخالد ويلومها من غير شعور سجدت لله سجود شكر وصارت تبكي بصوت عالي بسجودها
هند التفتت على خالد / اللهم لك الحمد اللهم لك الحمد الحين بنطلع لمكه نعتمر
خالد بصدمه / الحين
هند / ايه وحط خبر عن الموظفين انهم باجازه اسبوع وعطيتهم دبل الراتب
خالد / انا طالع لهم ابشره اجي القاك جاهز
طلع من مكتب هند وصل لمكتب مطلق
دخل عليهم والابتسامه مرسومه على وجهه
خالد / وش البشاره
مطلق بحماس / الي تبيه
خالد / كسبنا الصفقه
الكل فرح هم وانزاح من على قلوبهم
الكل / اللهم لك الحمد
خالد / وهند عطتكم اجازه اسبوع وعطتكم دبل الراتب
وقف وليد / انا طالع للمدير فيه موضوع لازم اخلصه قبل لا سافر
خالد واقف مستغرب وش بين وليد وبين هند
طلع وليد من مكتب مطلق وصل لمكتب هند طلب من السكرتيره تقول لهند انه يبيها ضروري
دخلت السكرتيره وقالت لهند الي تسترت وسمحت له بالدخول
دخل وليد وترك الباب مفتوح وراه قرب وجلس بالكرسي قدام هند
هند بجديه / خير استاذ وليد فيه شي ضرور لاني بطلع الحين
وليد / ايه حبيت ا قولك اني موافق على البنت الي اخترتيها لي
هند بجديه / وافقت عن اقتناع
وليد / ايه وشاورت اهلي ووافقو وصليت استخاره وارتحت
هند / عندك اخوها اخطبها منه ومثل ماقلت الي بينا سر
وليد بابتسامه / انتي على وعدك
هند مستغربه / أي وعد
وليد / وعدتيني اني اشوفها الشوفه الشرعية
هند بابتسامه / وانا على وعدي واجل خطبتك بعد ما تشوفها
وليد / ان شاء الله مبروك عليك الصفقه
هند / الله يبارك فيك
وقف / طلع ووصل مكتبه
عند هند
طلعت من الشركه مع خالد
خالد بجديه / هند وليد وش بينك وبينه
هند / شغل
خالد بزعل / من متى تخبين علي
هند / بهالموضوع مستحيل اقولك لانه ما يخصني ولا تحن كثير لاني مراح اقولك
سكت وصلت القصر لقت اهلها مجتمعين حطت خبر عندهم انها بتعتمر عاتبتها نوره وعبدالرحمن انها ما قالت لهم كان اعتمرو سوا قالت انها مانوت الا متاخر
مطلق ومشعل طلعو من الشركه لديره ماصدقو ان هند تعطيهم ايجازه
وليد قرر يسافر بالليل بيشتري هدايا لخواته وامه وابوه
في شركة فيصل
كان جالس بمكتبه ينتظر خبر على احر من الجمر دخل عليه الموظف ووجه اسود
فيصل فز من مكانه وقرب منه وصار يهز فيه
فيصل بخوف / وش صار
الموظف بحزن والم / خسرنا الصفقه وكسبتها شركات بنت الفهد
فيصل انهار ورمى نفسه على الكرسي / شلون شلون يعني فلست والبنك بيحجز على شركاتي وبنسجن بدال ما كسر بنت الفهد اكسرتني والحل والحل
الموظف / الحل انك تلاقي احد يشيل عنك الديون واهم شي ينتكتم على خبر افلاسك لو انتشر الخبر طاحت سمعت شركاتك وصار ماتسوى اريال بسوق
فيصل بوجع / من الخبل الي بيشيل عني ديون بالمليارات
الموظف / مدري لازم تتسدد الديون بسرعه
فيصل بقهر وحزت والم / اطلع وخلني لحالي
طلع الموظف وفيصل بمكتبه مقهور مجروح حتى بشغله هند حطمته وكسرته
طلع من لشركه وهو ما يشوف قدامه ما يدري وين بيروح ولا وش بيسوي بالمصيبه الي طاح فيها كلها ايام وينتشر خبر افلاسه وبعدها بينسجن
وصل لمستشفى نواف نزل وهو منهار على الاخر بيتعلق باضعف الحلول لحل مشكلته