اليوم الثاني في بيت عبدالرحمن
قامت هند كالعاده بدري اخذت شور قومت غاده وطلعت لغرفة خالد ونزلو تحت افطرو وركبو السياره وصلو غاده لجامعتها وكملو طريقهم لشركه
دخلت لمكتبها ودخل خالد لمكتبه وهو فرحان بموافقة غاده حبيبت عمره
في مكتب هند
دخلت السكرتيره عندها
السكرتيره / استاذه فيه شكاوي على موظف هنا بالشركه
هند بجديه / وش نوع الشكاوي ومن الموظف
السكرتيره / الغياب والتاخير والخروج بدري قبل خروج الموظفين الموظف سعد
هند / موجود الحين
السكرتيره / مدري
هند / اطلبيه وقولي له اني طالبته يحضر عندي
طلعت السكرتير وبعد نص ساعه دخل الموظف بعد ماجلس برا ينتظر هند تتحجب وتنادي خالد لانها ما تختلي بالموظفين
طلبت من السكرتيره تسمح له بدخول عليها سعد جلس على الكرسي المقابل لخالد
هند بجديه / استاذ سعد جتني شكاوي عن تغيبك بدون اذن وخروجك وتاخرك ممكن تقول لي السبب
سعد بحزن / غصب عني والله مو برضاي لو تلاحظين ان ما هملت الا من كم شهر وانا من الموظفين الاكفاء وسيرتي تثبت لك عندي ظروف اجبرتني
هند باصرار / ممكن تقول ظروفك يمكن نقدر نساعدك اذا ماكانت شخصيه
سعد وهو خانق عبرته / الله يساعدني ولدي من كم شهر طلع فيه الخبيث لقينا علاجه برا ومطلوب مبلغ كبير لعلاجه وطلعاتي وغيابي بسبب تعبه واضطر اطلع اوديه للمستشفى
هند حزنت عليه ورحمته / طيب انت ما تدري ان شركتنا مسئوله عن علاج الموظف وعايلته وكل التكاليف عليها
سعد مستغرب / لا ما دري
هند / استاذ سعد عندك اجازه مفتوحه وطيارتي الخاصه تحت امرك تنقل ولدك للمستشفى الي تبي والتكاليف بتتحول على حسابك مصاريف العلاج والسكن الى الترفيه لو اخذت العايله
سعد بفرح / الله يفتحها بوجهك وربي شلتي عن صدري هم الله يرزقك ويكثر خيرك ويبارك بعمرك
هند / امين يله لا تتاخر متى بتبدا باجراءات السفر
ابتسم سعد / الحين ما صدقت انها تنفرج
طلع سعد وخالد طول الجلسه ساكت مستغرب من تصرف هند
خالد / من متى الشركه مسئوله عن علاج الموظفين ومشاكلهم
هند / من اليوم مدام ربي عطانا خلنا نساعد
فرح خالد من تصرف هند خالد / الله يقويك
