في بيت ابو نواف
نجلاء جالسه مع بسام الي جاي يزورها وهو كل يوم عندها ما يقدر على بعدها
بسام جالس على طرف سرير نجلاء
بسام / حبيتي حني علي ورجعي معي وربي ما صرت ادخل بيتنا ونومي عند اهلي
نجلاء / حبيبي توني ما كملت اسبوعين وعيالي باقي لهم كم يوم ويطلعن
بسام بطفش / لازم الاربعين كلها هنا وش ذا التعذيب الاجباري ما يكفي منحرم منك بعد انحرم من شوفك قريبه مني
نجلاء وجهها / بسام خلاص اصبر لين اجيك بقوتي
بسام بحب / مل الصبر من صبري وبعدين لا تخليني اخربها ببيت اهلك ترى تعرفيني فاسخ الحياء
نجلاء / بسااااااااااااااام
بسام قرب منها وغصب عنها ضمها لصدره بقوه وباسها بكل وجهها ونجلاء تحاول تسحب نفسها منه خايفه ومستحيه ان احد من اهلها يدخل ويشوفهم
بسام يتكلم وهو ضامها وفمه عند اذنها /شفتي حالتي ما قدرت اتحمل اسبوع ارحمي حالي
نجلاء / تكفى بسام بعد عني بتحرجني عند اهلي وش بيقولون لا شوفنا
بسام / بيقولون زوج مشتاق لزوجته وانتي حلالي ماعلي من احد بس علشان تكفى بفكك بس لا تلوميني بالي بسويه فيك المره الجايه لان شوقك غلبني
نجلاء / متى قالو لك يطلعون عيالنا
بسام / ياليت شوقك الي مثل شوقك لعيالك
نجلاء / والله اكثر بس عارف اني تعبانه والعمليه توها وانت مالك الا يرضيك بعد ماطلع من الاربعين
بسام / يذا الاربعين الي كرهتها نشوفك على قد كلمتك بعد اربعينك وتسوين الي يرضيني
طلع بسام تارك نجلاء وراه كل مشاعر الحب تزود وتزود لزوجها الحبيب الي قدرت تكسبه ويصير مجنون فيها بعد ماعانت بشهورها الاولى منه
بيت عبدالرحمن
الساعه 12الظهر
وصلت هند لبيت خالها ودخلت بالصاله لقتهم متجمعين كان هدفها الاول من جيتها جاسم والثاني علشان تطمن على خالها
هند / السلام
الكل متفاجئ من جيت هند المفاجئة / وعليكم السلام
قربت من خالها وباست راس وقربت من نوره وباست راسها لكن نوره سحبتها وحضنتها بقوه متاكده ان هند بحاجه لحضنها استسلمت هند وهي مبسوطه بحضن خالتها
هند وهي بحضن خالتها / شلونك يالغاليه
نوره / بخير انتي بشريني عنك
