الجزء الثالث ............
وصلووووووووووووووو القاعدة الجوية ..
فتح خالد الباب
خالد \هلا والله تفضلوا
تدخل نور وبعدها عادل وتمشي على طوووول داخل مع انها ماتعرف الطريق بس خمنت ودخلت
واول ماشافتها عبير ظلوا الثنتين واقفين مو مستوعبين انهم صدق قدام بعض >> هذي اللحظات لما تصير معي اسميها لحظة غبية << عبير تقدمت ناحية نور بخوف وبشوق نور واقفة مكانها تتمنى يكون لها اي ردت فعل بس ماتقدر تخفي الشوق وتضم عبير بقووووووووووة وتبكي عبير ويظلون الثنتين ضامين بعض لحتى ما جات ام عادل وفرقتهم وضمت نور ورحبت فيها وتسلم على مريم اخت عبير ويسئلون عنها وعن حالها ....
عبير بصدق \والللللللللللللله وحشتيني
نور \ اشتقتلك يا عبير ......... وجع لا عاد تبكين
مريم \نورت القاعدة يانور
نور \ اكيد ما انا جيت ههههههههههههه
منى \شوفو الخسيسة مو اول ماجينا قلتيلي تو مانورت القاعدة كذوووووب
مريم \ مسكينة لا تصدقين عمرك ههههههههههه
هند\ ههههههههههههه فشلوها
منى \ اكرهكم >> هذي الكلمة راح تسمعونها من منى كثير لانها ماتعرف معنى هاالكلمة >بس يمكن بيوم تندم عليها <<
في مجلس الرجال
عادل \ ياعمي فديت روحك والله لا تعب ولا شيء ..... وحلفت عليك واذا كان لي خاطر عندك انك ما تخاصمها ولا تزعلها ع اللي صار ..
ابو هادي \ والله ياولدي اني ناوي عليها باالشينة بس مادامك حلفت فاالله يرضيك
خالد \ياعم مايسوى الزعل والله وبعدين انتوا جايين تغيرون جو مو تتهاوشون
منصور \ مايحتاج تزعل يا اخوي ريح بالك وعادل مثل اخوها ولا صار الا الخير << من ورى قلبه
خالد بهمس لعادل \ لما فتحت لكم الباب كان شكلكم روووعة كانكم جايين من شهر العسل خخخخخ
عادل ابتسم وانبسط من كلام اخوه اللي ضحك على ردت فعله ...........
ام هادي \ نور تعالي عندي
عبير كانت تدري ان ام هادي بتلعن خير نور ع اللي سوته
عبير \انا بااجي عندك يا عمة
ام هادي لنور \لي كلام معك بعدين
نور بطفش \لا بعدين ولا قبلين انا يا يومه نسيت غرضي باالطيارة ورجعت اخذه لاني مااستغني عنه وهاالغرض مهم لي ولاهان علي اخسره ...عشان كذا سويت اللي سويته وهذي السالفة يومه
ام هادي \ ممكن اعرف شو هاالغرض بعد اذنك طبعا
نور \ بعد اذني لا يومه ما تقدرين تعرفين شو الغرض
وتقوم نور وتبوس امها ع راسها وتروح غرفة البنات مع عبير
عبير \نور تكفين لاتزعلين زين ولا تتضايقين
نور \ انا ماني زعلانة ولا متضايقة بس تعبانة شوي من السفر وبارتاح شوي
عبير\ نور بااقولك شيء
نور\ قولي عبوره اسمعك
عبير \ انا كلمت ابوي ووعدني ماراح يضايقك ....بس امانة اذا قالك شيء يضايقك قولي لي وانا بااتصرف
نور عبير هذي اول مرة اجيكم في بيتكم وانشاء الله ماتكون الاخيرة بس انا ما اقدر اوعدك اني اسكت لابوك راح احاول ابعد عنه قد مااقدر
عبير \ انشاء الله مايصير شيء وبعدين انتي في بيته ماراح يسويلك شيء ..والحين ارتاحي
وتخرج عبير وتترك نور تفكر بكلامها انا في بيته وماراح يسويلي شيء لا والله الا بيسوي اعرفه اكثر من نفسه .....يارب ساعدني ماابى اجلس عنده احس بضيقة ياليت ناصر فيه او فارس او هادي اوف ماابى اجلس هنا ........
وبعد العشاء وعلى الساعة 12ونص عادل ووليد راحوا شقتهم اللي برات القاعدة لان بنات عمهم موجودين ويبونهم ياخذون راحتهم .. واجتمعت العائلتين كلها في المجلس نور كانت محتارة اذا دخلت تسلم على عمها او لا بس لما دخلت عمها ماقام ولا عطاها وجه وهي انبسطت بها الوضع
ابوهادي \نور لقيتي غرضك
نور \ايه يوبه
منصور قصدي >>شرشبيل << بدا الهجوم \ممكن نعرف ايش هاالغرض اللي وهقتي عادل معك عشانه
نور \ماوهقت احد معي ولا ماهو ممكن تعرف الغرض
ابو عادل \ يعني انتي ما ..........
مريم تقاطع ابوها \ يوبه الغرض خاص فيها ..وبعدين ياالله قول وين بنروح بكره
ابو عادل \بكره ماراح يطلع من القاعدة غير انا وعمك وانتوا تعرفون اهل عمك ع القاعدة والحدايق اللي فيها
منى \لا انا بااخرج الحين
ام عادل \ايه اخرجي ولا تجين الا الفجر
منى\ حلو من يروح معي
هند \صدقتي انتي ووجهك
منى \وليه لا مو القاعدة كلها حراس وامن وعساكر صح عمي
ابوعادل\صح بس حتى ولو لازم تكونين منتبهه على نفسك وماتخرجين لوحدك
منى حتى وانا في وكر الحراس والضباط فيه خوف
مريم \ حبيبتي منى حاميها حراميها
نور تضحك بصوت عالي لان مريم وجهت لابوها اهانة من دون ماتنتبه
ابو عادل فاهم هي ليش تضحك \ ليش تضحكين
نور بدلع \ كيفي اضحك بكيفي مالك خص
ابوهادي \ نور وجع هذا عمك
نور \وانا ايش قلت قال ليش تضحكين وانا قلت كيفي
ام هادي \بس هذي قلة ادب عيب عليك
نور تستهبل \ ليش عيب مو انتي ربيتيني وقلتي اذا احد اسالك لا تطنشينه وردي عليه وهوسالني وانا جاوبت على سواله
ابوهادي\ نور كانك تدورين المشاكل روحي نامي وبكذا تريحينا
نور بعناد \ماابى
ام هادي \ايه روحي نامي اصرف لك
نور تناظر عمها ونظرته تقول امك وابوك معي
نور \تصبحون على خير ... يااللي فيكم خير بس
وتخرج من المجلس وتروح الغرفة عبير كانت راح تلحقها بس عمها طلبها تجلس تسمر معه وجلست
........... نور كانت جالسة في الغرفة واخذت دفترها وضمته .كان في خاطرها تبكي تحس بخوف وتوتر شديد
بس هي لها مدة طويلة مابكت يمكن تجي با السنين وهذا الشيء يتعبها وهي تظن ان هذي قوة كرامة عزة ماتدري ان هاالدموع اللي حابستها بجواتها راح يجيها يوم وتنفجر ويمكن في وقت ومكان غلط ومع الشخص الغلط ...........راح تنهار ... البكاء نعمة ..والنسيان نعمة ... والكبر نقمة
فتحت دفترها وبدات تكتب
في قاعدة العدو...
اشعر وكانك تخونيني ..فمابالك ياقوتي .. وماذا اصابك ياعيوني ..
مابدانا حربنا وقد بداتي تضعفي ..
يادموعي اقبعي تحت جفوني واحتمي ..
يادموعي لستي في حربي سلاحي ..
ولستي السبيل لغايتي ..
العدو اجبرني على الدخول لموطنه ..
وفي حفل استقبالي بدأ هجومه ..
الاب والام وكل البر في صفه ..
فلا تخونيني يادموعي واصبري ..
انزفي بقلبي مثلما تبتغي ..
ولكن خدي اليوم لا تقربي ..
اني خائفة ولكن الله عندي ..
وربي اقرب لي من ابي وامي ...
نور تذكرت انها ماكلمت سهام ولا بلغتها بوصولها لجدة ..اخذت جوال منى واتصلت على جوال سهام بس سهام ماردت .. فااتصلت على البيت ورد عليها شاب
.....\الوو
نور ماردت وقفلت الخط اكيد هذا جابر اخوها يوووومه
وتتصل على جوال ام سهام
ام سهام \ هلا والله نوار
نور بفرح \ هلا خالتي كيفك
ام سهام \ تمام انتي كيفك وكيف جدة معك
نور \انا بخير ..بس جدة واااع مااحبها
ام سهام \ليش لها الدرجة اذا ماتحبينها ليش رحتي لها
نور \مدري ليه رحت لها
ام سهام \ مااحد جبرك تروحين تعالي وعيشي معنا
نور \وليش اعيش معكم
ام سهام \بصفتنا اهل زوجك جابر
نور \ لاااااااااا انا ماابى جابر ابى ابووووووووووه
ام سهام \عطيتك وجه ياالدوبه
نور\ لا تخافين وعدت نفسي مااتزوج
ام سهام اذكرك بكلامك يوم زواجك
نور \ مين قال انك راح تحضرين زواجي انا راح اشرط على ابو جابر يطلعك من البيت انتي وسهام وعيالك واعيش انا لحالي
ام سهام بشهقة \ ياويلي منك تخططين على زوجي
نور \لازم اضمن مستقبلي
ام سهام \ضفي وجهك لاعاد تكلميني ولاعاد تصادقين بنتي
نور \ههههههههههههههههههههههههههه لا ماعليك انا مااخون
ام سهام \ اتركي زوجي بحاله ياالدبه
نور بزعل \ انتي الدوبه
ام سهام \وحشتيني بس الحين سهام نايمة يعني باااااااااااااااااااي
نور \ابوك ياالتصريفة .. زوجي عندك الحين صح ابوجابر وحشني
ام سهام تقفل الجوال في وجه نور اللي فطست من الضحك.........
في غرفة نوم البنات هند ومنى ومريم قرروا ينامون على الارض .. وعبير عرضت على نور تنام معها على السرير بس نور رفضت بشدة .......
نور \ ياقليلت الادب ماتستحين تفوه عليك
هند ومنى \هههههههههههههههههههههههههههههههه
عبير \وجع وش سويتلك انا ياالدوبه
نور \مو انا الدوبه الدوبه اختك مريم
مريم \ على تبن والله اني مسوية رجيييييييم
منى \جب جب يا الكذوب وشهو رجيمه وانتي كليتي العشاء كله كانك انتي الضيفة مو احنا
مريم بققت عيونها \ والللللللللللللله مااكلت الا اجاص يا الكذوووووب
عبير \ نور ليش ماتنامين معي
نور \ عيب خخخخخخخ قصدي مو متعودة انا واحد جنبي صح منووووو >> منو دلع منى
منى \بدون تفكير اذا صح او لا المهم هذي نور دائما صح
مريم\ وش بتسوين بكره لما تنامين مع زوجك ؟
منى بشهقة \صدق نور وش بتسوين
نور \بااشرط عليه تكون لي غرفتي الخااااصة وهو له غرفة
عبير \ لا والله احلفي
نور \ بعدين انا مستحيل انام جنب جوووووووووووزي <<زوجي << تدرون ليش
الكل بملل \ليش
نور \ لاني ماراح اتزوج
عبير \ واذا تزوجتي
نور \بسيطة انام ع الكنبة
هند \واذا يبي ينام ع الكنبة
نور \انام ع السرير
مريم \واذا نام ع السرير ورمى الكنبة
نور\ باانام عند الجيران
منى \واذا طردوك الجيران
نور بسخرية \ اخلعه
الكل ضحك على نور ووعدوها يذكرونها بهالكلام لما تجيهم بعد الزواج وهي حامل .........
الساعة خمسة العصر البنات كانوا في الحديقة اللي مخصصة للنساء في القاعدة يعني مايدخلها رجال ابدا <<يمكن هذا احلى مافي القاعدة
كانوا البنات مبسوطين باالجمعة الحلوة ..بس نور كانت ميته من الخوف والتوتر تبي تطلع من القاعدة بااسرع وقت وبدون مشاكل ........وتتذكر فارس وهادي وتتمنى يجون
.... في نفس الوقت حطت طائرة على مطار جدة ونزل منها شخص ....... كان اخر شخص تتوقع نور انه راح يساعدها عشان تطلع من القاعدة من يكون ..........>> هتلر << ماجد
هذا الانسان اللي تخاااااااااااف منه نور موووووووت وتكرهه ولا احد يقدر يفسر خوفها منه لانه متاصل فيها من لما كان عمرها عشر سنين ...
... تذكرون الرسالة الاخيرة اللي ارسلتها نور لفارس هي ارسلتها على رقم الجوال اللي جات منه الصورة وهذا الجوال جوال ماجد ....... وماجد لما قراء الرسالة .. كان يدري انها موجهه لفارس
بس هو نسبها له وحن قلبه على هاالمسكينة وقال بخاطره هي نختني ..........
عبير تدخل على نور وبصراخ \ نوووووووووووووووووور ماراح تصدقين من اللي توه وصل بيتنا
نور كانت فالة شعرها اللي يوصل لاسفل ظهرها وتمشطه ولا فكرت ترد على عبير لانها راح تقول باالحالتين
عبير \ سنفورة ليش ما تعطيني وجه هاه .... بس ماعليه بعدين احاسبك بس الحين بااعلمك من اللي جاء
نور\ _________ لا رد
عبير اوف منك .. عمي ناااااصر جاء
وبسرعة تنط نور من على الكرسي وتركض تبي تروح المجلس .. بس عبير تمسكها من شعرها وتوقفها
نور بصراخ \ دوبه فكيني
عبير بهدؤ \ عمي ناصر ماجاء لحاله .. جاء معه شخص ثاني
نور بقرف \ فهد صح
عبير \لا .. احزري
نور بقلق \قوووولي
عبير \بااقولك بس ماله داعي تخافين او تنهارين ... ماجد .
نور __________ سكوت صمت خوف رعب ( وتبداء ترتجف وتهتز من الخوف ماجد هنا معي بنفس البيت ياويلي ياويلي ويسيطر عليها الخوف .. بس عبير تمسكها وتجلسها ع السرير وتقراء عليها بس نور ابعد ماتكون عن الهدؤ ..
نور \مممم م ما ما هنا
عبير \ايوه هنا بس لاتخافين مابيشوفك ولا راح تشوفينه
نور \ عبير خبيني خبيني
عبير \ حياتي ماجد مو وحش صلي على النبي
نور بخاطرها \الا اقسى من الوحوش
نور \ابى اروح بيتنا
عبير \هدي عمرك راح تكونين بخير
نور تناجي ربي .. ياربي ياحبيبي انا مو ناقصة خوف يجي ماجد ويكمل علي ..ياربي
الساعة 10 عبير ونور جالسين باالصالة وامل الصغيرة معهم والرجال كانوا باالمجلس .. كانت نور تتضارب مع عبير عشان شعرها
عبير \ اصلا هذي الموضة يامتخلفة << قاصة بوي
نور \ايه اذا قالوا لك الموضة تنطين من فوق الجبل نطي ركض
عبير \وجع وش قالوا لك دوبه مثلك
نور \انتي اللي بديتي
عبير \ خلاص ارحميني التوية
نور \ جيبي لي بيبسي
عبير توقف \ من عيوني بس انطمي زين ..
نور \زين وانتي كلي تبن زين
عبير \زين
راحت عبير ونور اخذت ريموت التلفزيون وغيرت المحطة من على سبيس تون ..وتقوم امل بصراااخ رجعي ياحيوانة
نور \انا حيوانة يابزرة
امل بعناد\ ايه حيوانة رجعي
نور بعناد \ماراح ارجع اعتذري اول
امل \ ليش انتي حيوانة صدق بابا يقول كذا
نور \ماالحيوان غيرك وابوك يا غبية
امل \يا _________ << كلمة جدا قوييييييية
نور ارتعبت من الكلمة وكيف لطفلة مثل منى تعرفها ......... وبدون تفكير نور تضرب امل على فمها بكف
نور \من وين جايبة هاالكلمة يا تافهه
امل بصراااااااااااااااااااااااااااخ يخوف \يوماااااااااااااااااااااااااااااااااااااااااااه
الكل سمعوا صوت امل وكلهم يركضون يبون يدرون وش صار لها
.. دخل ابو عادل ويمسك امل بخوف
ابوعادل \امل وش فيك بابا ليش تبكين
امل \ نور ضربتني
ابوعادل وماصدق جاته من الله \ ياالخايسة تضربين بنتي
ناصر لماسمع صراخ اخوه خرج من باب المجلس الرئيسي ودخل الصالة وماجد لحقه وكانوا ورى نور بس ابو عادل وابو هادي وعادل وخالد جاؤ من باب البلكونة وهم واقفين قدام نور << وش اسوي هذي بيوت القاعدة متاااااهة مرة ضعت في البيت ومالقيت باب الخروج <<خخخخ
عادل اول مرة يشوف نور من اربع سنين ونور كانت فالة شعرها وكانت مثل مايحبها ..جنااااااان..
وهاالمرة استجن عليها وخاف عليها من ابوه ..
.. ماجد كان يطالع نور من ورى ولا شد نظره غير شعرها الطويل بلونه البرغندي العذااااااب وماقدر يرفع نظره عنها وتمنى لو تلتفت وخاف عليها من عمه الشراني .. خصوصا ان عمه ينتظر نور ع الغلطة ..
نور مااهتمت لوجود ابوها وعادل وخالد \ بنتك لسانها قذر
ابو عادل\ماالقذر غيرك ياحيوانة
نور بجرائة \ماالومها طالعة على ابوها
وتعطيه نور ظهرها وتبي تمشي تروح الغرفة بس صدمة لما شافت ناصر وماجد قدامها .. ماعاد تحركت ولا قدرت اصلا تفكر انها تمشي ......
وطراااااااااااااااااااااااااااااااااااااااااخ ماعاد حست الا بضربة العقال بظهرها من عمها منصور ......... فقدت توازنها وكانت راح تطيح ع الارض بس ناصر مسكها وضمها بقوة وهي تصرخ من الالم ....
عادل وخالد يمسكون ابوهم ويحاولون يهدونه .. وابوهادي لما شاف ابوه كيف معصب يقرب من نور ويبي يكمل عليها بس ماجد وقف بوجهه وبعده عنها وعن ناصر ..
ابوعادل \اتركوني ..والله لااذبحها اليوم
ناصر بصراخ اعلى \والله العظيم ماتلمسها لا انت ولا غيرك
عادل \يوبه صل ع النبي هذي بنت اخوك مثل بنتك
ابوعادل\تخسي ماهي بنتي ولا تشرفني
ام عادل \ يا ابوعادل البنت ضيفة عندنا ..حرااام عليك
ابو عادل بكره وحقد دفين \حرم الله عليها الجنة .. جزاتي مسكنها ببيتي
......... نور تناظر عمها منصور وكيف عياله يحاولون يهدونه وتناظر ابوها كيف يناظرها بكره وماجد يحاول يفهمه ان اللي يسويه غلط وتناظر امها تشوف نظرات تهديد ... وتحبس دموعها وترفع راسها وترد على عمها
نور \الله **** ..و**** بيتك .. و**** اذا في يوم رجعت بيتك .. الله لا يسامحني اذا في يوم سامحتك .. الله حسيبك .. هذي رجولتك تضربني في بيتك .. ضربتني قدام امي وابوي قدام عيالك واخوانك الله لا يسامحني اذا سامحتك الله لا يسامحني ..
وياخذها ناصر لغرفة البنات وشوي وتنهار .. ويجلس جنبها ويحط يده على كتفها ويضمها لصدره
ناصر \ الضربة تعورك .. تحسين بالم
نور \_____________
وبعد وقت طال فيه الصمت بينهم
نور \باروح معك .. اذا جلست دقيقة في هاالبيت راح اجن
ناصر \راح اخذك معي انا كنت جاي اخذك
نور ماردت عليه اهم شيء تطلع من هاالبيت
... تدخل عبير عليهم ومعها هند ومنى وام هادي
ام هادي \انتي ماتستحين تردين على عمك
ناصر \ خلاص ياام هادي انتهى الموضوع
ام هادي \هذا السبب انك دائما تدافع عنها وتسكت عن خطاها وهي بهاالدلع تتشجع علينا وعلى عمها .. وابوها وانا ماقصرنا دلعناها بزيادة
نور بخاطرها انتي وابوي دلعتوني ياكبرها عند ربي
هند\ يومه خلاص .. اللي فيها يكفيها
ام هادي \تستاهل وليت عمك يزيد عليها
ناصر \ليش واقفة .. روحي ناديه يجي يكمل عليها .. جاية تهزئينها بدال ما تاخذين اللي بخاطرها
منى تسحب امها معها برات الغرفة ... عبير تجلس ع الارض على ركبها عند رجل نور
عبير \ نور .. حبيبتي روحي مع عمي ناصر
هند بصدمة \ عبير جنيتي كفاية ابوك
تقوم نور وتلبس عبايتها وتاخذ شنطتها الصغيرة وتناظر عمها ناصر ويمسك يدها وياخذها معه
هند\ نور خذي جوالي وراح اكلمك من جوال منى
ناصر\ مشينا نور
هند \عمي وين بتروحون
ناصر \بنروح شقة
.. ناصر بتفكير انا كنت عايش مع الشباب الحين وين اخذ نور .. لازم ادور شقة او اروح لفندق ..
عبير \نور كلميني
نور \ مع السلامة عبير
ويمرون الصالة وتشوفهم منى ...
منى \وين رايحة . . بااروح معك انتظريني
ابوهادي \منى ماراح تروحين مكان
منى \ليش يوبه ابى اروح مع خويت دربي
ام هادي \ منى قلنا لا
نور تهمس لمنى \منو حياتي .. اسمعي كلام اهلك
ناصر \عن اذنكم
دخل ناصر المجلس وعلم اخوه انه راح ياخذ نور معه .. وابوعادل انبسط
ناصر \ياالله ماجد مشينا
خالد \لاماجد راح يتعشاء معنا
ناصر \انا مامعي سيارة انا جيت مع ماجد ومحتاجة يوصلني
ماجد\جاي معك اصلا ماعادلي نفس باالعشاء
خرجت نور مع ناصر ونزلوا تحت عند مواقف السيارات ووقفوا عند السيارة .. نور ماكانت تدري ليش وقفوا ولا جاء بخاطرها تسال ناصر ..
ماجد \ااااااااسف والله اسف تاخرت عليكم .. بس اخوانك وش اسوي فيهم
ناصر \علومك طيبة .. اوريك كيف تتاخر علي ياالله افتح السيارة
وفتح ماجد الباب ودخل ولما كان ناصر بيدخل السيارة انتبه على نور لساتها واقفة مكانها ولا تحركت .. وراح لها
ناصر \نور قلبي وش فيك ؟
نور \لي ليش يروح معنا
ناصر \نور لاتخافين من ماجد انا معك
نور بتاتئة \ ما ما ماابى اروح معه
ناصر \ انا معك لا تخافين والله ماجد طيب
ويسحبها معه للسيارة ويركبها وراه ويجلس ناصر جنب ماجد
.. ويحرك ماجد السيارة ويطلعون من القاعدة .. اللي كانت سجن باالنسبة لنور ....
ناصر \ خذنا على احسن فندق
ماجد\ في اي فندق انت حاجز
ناصر \ولا فندق بس بااجرب حظي ..
ماجد \ من زين حظك عاد
ناصر \لا تغلط .. كنت ابي نروح شقة بس ادري اني ماراح القى
ماجد\وش رايكم تشرفون على شقتي
ناصر \من وين لك شقة وانت توك واصل اليوم
ماجد\ انا عندي شقة ملك .. وبااخذكم لها
ناصر \ عندك شقة وماتعلمني .. وفهد ماقالي
ماجد\لاني ماابيك تدري لا انت ولا فهد
ناصر \قل والله وليه
ماجد\تبيني اعلمكم عشان تعسكرون فيها .. لا يا حبيبي انسى
ناصر بقهر \ والله انك نذل وانا لما اجيء اتضارب انا والشباب في الشقة من اللي ينظف ومن اللي يطبخ ومن اللي يدفع .. والله نذل
ماجد\ قالوالك اصرف عليك انا ولا متبنيك
ناصر \ والله لا اعلم عادل وفهد وخالد واعزم الشباب في شقتك
ماجد \ وبكل برود بااقفل الباب في وجيهكم
ناصر \يارجال استح على وجهك انا عمك
ماجد \وانا متبري منك
......... شعور نور الحين ......... الموت ثم الموت ولاااااااااااااااا تروح شقة ماجد .. مستحيل اعيش في شقة ماجد .. لا لازم اكلم عمي واقوله ما ابى اروح مع ماجد بس كيف ماجد موجود
........... بعد وقت ماجد وقف السيارة عند مطعم ايطالي وبعد اشارات بينه وبين ناصر نزل يجيب لهم عشاء
نور \ ناصر وين بنروح
ناصر \ شقة ماجد
نور \ ماني رايحة لشقته سمعت
ناصر \ نور وين تبين نروح اجل مافيه مكان ثاني .. انا كنت عايش مع الشباب في شقة
نور \ ناصر تكفى شقة ماجد لا يعني لا
ناصر \ مافيه غير ها الحل
نور \ الشارع ولا شقة ماجد
ناصر \ انتي ليش تخافين منه ليش
نور __________
رجع ماجد السيارة قبل ما ترد نور على ناصر ويروحون على شقة ماجد .................