شمس تدخل الشقة وتظبط نفسها في المراية
والباب يخبط
شـمـــس وهي رافعة ايديها:ياااارب
واول ما تفتح الباب هتلاقي واحد سنه لا يقل عن 40 او 45 سنة وخالها واقف جنبه
شـمـــس:اهلا اهلا اهلا يا عمي اتفضل ابو العريس مش كده
الشخص بص لخالها باندهاش واستغراب عجيب وخالها بص في الارض وسكت
شمس بتبص يمين وشمال
شـمـــس:الله هو مكسوف ولا ايه؟؟ما تقوله يطلع يا خالو
مصطفي وهو بيشاور علي الشخص الي معاه:احم احم الاستاذ ده هو العريس!!
شمس فتحت بوقها وبرقت
شـمـــس بضيق:اتفضلوا اتفضلوا
وتوسع من قدام الباب
اول ما دخل من باب الشقة لسه خالها جي يدخل هتوقفه
شـمـــس بهمس وهي بتجز علي سنانها:ايه الي انت جايبه ده؟
مصطفي:ايه؟؟؟ماله؟
شـمـــس بصوت عالي:مااااله!!!
تحس انها علت صوتها اوي فا ترجع تهمس
"ماله ايه ياخالي ده كبير اوي هو ده بقي الي 28 سنة"
مصطفي:انا مليش دعوة هو ده الي عطرت فيه وجبته وبعدين انا مالي الي قالي عليه زميلي في المصلحة وانا قولت بنت اختي اولي من الغريب هيهيهيهيهيهي
شـمـــس:بنت اختك ايه وزفت ايه ؟انا متبرية منك اصلا انت مش خالي انت اكيد من الاعداء
مصطفي:متتبطريش علي النعمة غيرك مش لاقي...هو انتي علشان حلوة وزي القمر فاكرة ان العرسان هتقعد تجيلك كتير
شـمـــس في سرها:انا بردو قلبي كان حاسس انك هتجبلي عاهة من العاهات الي بتجبها كل مرة
شـمـــس:والله فيك الخير ياخالي ....حبيت تعوضني عن حنان الاب جبتلي عريس قد ابويا
مصطفي:هههههههه شوفتي بقي انا بحبك قد ايه؟
شـمـــس بغيظ مكتوم:عوض عليا عوض الصابرين يارب
العريس يحس ان هما سايبنه بقالهم كتير وبيتوشوا علي مدخل الشقة
العريس:احم احم
مصطفي:يلا بقي نروح نقعد معاه ونتكلم هنفضل لاطعين الراجل كده كتير!!
شمس في استسلام:يلا
شمس تروح تقعد مع العريس هي وخالها
شـمـــس من تحت الضرس:منور يااستاذ يوسف
العريس وهو بيبص لخالها:يوسف؟؟؟؟يوسف مين؟
شـمـــس في سرها:هو في ايه؟
شـمـــس:آآآآآآآآآ حضرتك
العريس:لالا انا مسميش يوسف انا اسمي فرغلي
شـمـــس:فرغلي!!!!
فرغلي:ايه اسم حلو طبعا
شـمـــس بسخرية:اه جدااااا
شـمـــس بهمس:فرغلي ماشي ياخالي اما وريتك .....يمشي بس
فرغلي:مبدايا كده انا مش هقدر اتجوز دلوقتي اصبري عليا لاني عليا اقساط
شـمـــس مذهولة جدا ومندهشة:نعم؟؟؟
فرغلي بمنتهي الغرور والعنطظة:انا عارف طبعا اني عريس كويس بس النصيب بقي
شـمـــس بسخرية:اه طبعا
فاجاة رضوي تخرج من الاوضة
"ازيك ياخالي عامل ايه؟"
مصطفي: الحمدلله واخبارك انتي؟؟
رضوي:الحمدلله
رضوي تبص ناحية فرغلي وبتشاور بصباعها لشمس معاناها مين ده وشمس تبصلها وهي قرفانة
رضوي:انا اسفة ماتخدش بالي من حضرتك اكيد حضرتك ابو العريس..... صح؟
فرغلي بعصبية:جري ايه يا استاذ انت جايبني هنا تهزقني ولا ايه؟ايه موضوع ابو العريس ده؟
مصطفي بارتباك:معلش معلش متقصدش...يا رضوي الاستاذ يبقي العريس
رضوي بتضحك وهي ماسكة علي نفسها من الضحك:آآآه طب امشي انا بقي ههههه عن اذنكوا
رضوي:انا اسفة اوي مكنتش اقصد يا حضرة
فرغلي:حصل خير
وتذهب رضوي
شـمـــس:احم احم آآآآآآآآآ ممكن يعني تعرفني بيك يااستاذ؟
فرغلي:انا ابلغ من العمر 46 سنة بس ميبنش عليا طبعا ابان اصغر انا عارف
شـمـــس بسخرية:طبعا(ياراجل ده انت كل الي يشوفك يقول ابو العريس)
فرغلي وهو حاطط رجل علي رجل: انا بشتغل دكتور في مستشفي (.......)
شـمـــس في سرها:ان شالله تكون وزير الصحة ...ايه هرمي نفسي يعني!!
فرغلي:وحضرتك بقي ياانسة بتشتغلي ايه؟
شـمـــس:انا سكرتيرة في شركة بسيوني خليفة بتاعة الكمبيوتر
فرغلي:عظيم ومرتبك بقي علي كده كام؟
شـمـــس وهي بتبصله بشر وهدوء مرعب وغيظ:ليه؟
رضوي في الاوضة مع سلمي
سلمي:هو فيه ايه بره؟
رضوي:هههههههههه خالك جايب عريس لاختك ياستي
سلمي:وشكله ايه ده؟
رضوي:قمرررررررر من حلوته افتكرته ابو العريس
سلمي:هههههههه يا عيني عليكي يا شمس
رضوي:وايه الجديد يعني؟هي اول مرة؟هههههههه مش فاكرة العريس الاحول الي جابهولها الاسبوع الي فات
سلمي:اه ههههههه ولا فاكرة الي كان جايب امه معاه وطول القاعدة بتبوسه ههههههه
رضوي:ههههه والله شمس دي غلبانة
سلمي:يلا ربنا معاها....تعرفي انا كل لما افتكر اننا هنخلص تعليمنا ومسيرنا خالنا هيجبلنا عرسان زيها كده بكره نفسي هههههههه
رضوي:هههههههه معاكي حق انا مش عارفة خالي بيقع علي العرسان دول منين
وفاجاة يسمعوا صوت شمس من بره
شـمـــس من الخارج:انا هوريييييييييك بررررررره ورحمة امي ماانا سيباك
فرغلي من الخارج:اآآآآآآآآآآآآآآآآآآآآآآآآآآآآآآآآه يا مجنونة الحقووووووووني
رضوي:يالهوي...حصل ايه؟
سلمي:باينها بتموت العريس بره يلا نطلع نشوف
رضوي:يلا بينا
شمس في الشغل بعد ما تحكي ل رنا علي الي حصل
رنا:هههههههههههههههههههههههه يخرب عقلك يا شمس
شـمـــس:ايوة زي ما بقولك كده مقدرتش اتحمل ولا امسك اعصابي اول ما سمعت كلمة انه عاطل وانا الي هصرف عليه روحت مسكت الفاظة وبطحته علي دماغه
رنا:هههههههه وخالك عمل ايه؟
شـمـــس:ولا حاجة بقي بيحوش والبنات مسكوني وكانت زيييطة بس الحمدلله انها جت علي قد كده
رنا:الحمدلله
شـمـــس:هو خالي ده ميعملش حاجة عدلة ابدا في دنيته لوجه الله
رنا:معلش بكره يجيلك احسن عريس وهتشوفي
شمس:ربنا يزرقني ويوفقك في جوازك
رنا:يااارب....يلا بقي نكمل شغلنا قبل ما المعلم بسيوني يجي ويسمعنا كلمتين ملهومش لازمة
شـمـــس:ههههه يلا....بالحق؟
رنا:ايه؟
شـمـــس:هو قبض المرتبات امتي؟؟؟
رنا:كمان 3 ايام
شـمـــس:طب الحمدلله اخيرا هشتري طقم الفناجين الي عجبني
رنا:طقم فناجين ايه يابنتي؟؟ انزلي اشتريلك طقمين تلبسيهم
شمس:هو انا هدومي وحشة؟
رنا:لا بالعكس هدومك ذوقها بسيط ورقيق بس اقصد يعني تغيير مش اكتر
شـمـــس:مش مهم البيت اولي والبنات مصاريفهم كتير
رنا:محسساني اني بكلم واحدة عندها 50 سنة
شـمـــس:هعمل ايه بقي حظي كده....يلا نكمل شغلنا بقي
نادر في شغله ويجي عمرو يقعد جنبه
عمرو:انا كلمت المدام واخدتلك معاد
نادر:طب تمام....امتي بقي؟
عمرو:انهارده الساعة7
نادر:ماشي تفتكر هيوافقوا بيا؟؟
عمرو:جمد قلبك وان شاء الله هيوافقوا بيك
نادر:يااارب
نادر في منزله
نادر امام المراة يرتدي ملابسه ويضع اللمسات الاخيرة
ماجد:ايه بقي سر الشياكة دي؟
نادر:رايح اخطب ياسيدي
ماجد:الف مبروك ربنا يتمملك بخير ومين دي بقي؟
نادر:اخت مرات زميلي عمرو
ماجد:آآآآآه طب تمام يلا ربنا يسهلك
نادر:ما تيجي معايا
ماجد:لا معلش اصلي عندي امتحان بكره روح انت
نادر:علي العموم عمرو جي معايا
ماجد:طب تمام
نادر:يلا هنزل..... سلام
ماجد:سلام
علي الساعة 7 بليل بالظبط كان نادر متشيك بالي قدر عليه ورايح مع عمرو علشان يخطبوا اخت مرات عمرو ويقوموا بالدق علي الباب
فتحتلهم مرات عمرو
مرات عمرو:اهلا اهلا اتفضلوا اهلا وسهلا
نادر:اهلا بيكي يا مدام
نادر يدخل الفيلا ينبهر من شكلها
نادر:بسم الله ماشاء الله باين عليهم ناس اغنياء
عمرو:اه امال ايه؟
نادر:ربنا يزيدهم
عمرو:طب يلا تعالي بقي اقعد في الصالون
نادر وعمرو يتدخلوا الصالون ويقعدوا علي الكنبة
مرات عمرو:تحب تشرب ايه؟
نادر:مفيش داعي
مرات عمرو:لا ازاي؟
عمرو:انت مكسوف ولا ايه؟قول يااخي تشرب ايه؟
نادر:طب ممكن شاي بس مش اكتر
مرات عمرو:حاضر...ثواني وبابا هيجي حالا
بعد 3 دقائق وطبعا نادر قلقان يخرج "بسيوني خليفة"ابو العروسة
بسيوني:اهلا اهلا مش بردو الباش مهندس نادر
نادر يقوم يقف علشان يسلم عليه
نادر:ايوة
عمرو:هو ده بقي الي كلمتكوا عنه
بسيوني:طب اتفضل استريح
نادر:شكرا يافندم
بسيوني:عمرو قالي انك موظف شاطر وكفء وانسان محترم ومؤدب
نادر:شكرا ده بس من ذوقه وذوق حضرتك
وتدخل بنت هتكون هي دي العروسة
بسيوني:دي بقي نيرة بنتي
نادر هيبصلها بتمعن وهيلاحظ علي شكله انها كويسة جدا وهو متقبلها وهي كمان وابتسم ابتسامة خفيفة
نادر بابتسامة:اهلا ياانسة نيرة
نيرة:بخجل اهلا بيك
واتفقوا علي التفاصيل طول القاعدة ونادر شرحلهم ظروفه كويس وهما قبلوا بيها انما طلباتهم كانت غريبة
بسيوني:احنا عايزين الخطوبة تبقي في قاعة كبيرة...انت مش هتناسب اي حد انت هتناسب صاحب اكبر شركة كمبيوتر في مصر بسيوني خليفة
نادر:هههههه
بعدها يحس انه عمل حاجة غلط
"احم انا اسف معلش"
بسيوني:ماشي ها قولت ايه؟
نادر باستسلام:مفيش مانع يافندم
بسيوني:علي خيرة الله....نقرا الفاتحة
بعد ما قراو الفاتحة بعدها بيومين كانت الخطوبة في قاعة زي ما اتفقوا واول ما نادر ونيرة وصلوا لباب القاعة
نادر:يلا ندخل بقي
نيرة:استني ايه هندخل كده؟
نادر:امال هندخل ازاي؟
نيرة:لا انت هتستني بره وانا وبابا هندخل مع بعض وبعدها انت تدخل وهو يسلمني ليك وبعدها تقوم واخدني منه ومسلم عليه وبايس ايده
نادر بتعجب وغضب:نعم؟؟؟؟؟؟؟؟؟؟؟؟؟؟؟؟؟؟؟؟؟؟