ملي سمعت لخبار ديال موت ماما حماقيت بقيت غير كنغوت
وصلوني لدار او لمدراسة كولها تابعاني ولاد او بنات
انا رجلي فشلو ديك طريق جاتني طويييييلة طوييييييلة
ملي وصلت لدار لقيت نااس و لعيالات كايتغاوتو او كايبكيو
اقسم بالله بلي متيقتش حسيت بحال كنحلم
جاو شي عيالات بغاو يعنقوني دفعتهو او طلعت فدروج بزز
بان ليا واحد المنضر عمرني شفتو جدة ديال ماما معانقا مع
جدة ديال بابا مع العلم ماكايتحاملوش ,
ناس بزااف او دار عامرة كلشي كيبكي جات ختي عنقاتني
قالت ليا اجي شوفي ماما توادعي معاها دخلت لبيتي كانت
تما دايرينها فوق واحد لخشبا كبيرة او مكفنينها بتوب بيض
اول مرة كنشوف هادشي شديت ليها فيديها او حطيت راسي
على سدرها او غمضت عيني او دازو قدامي كاع الايام
ليدوزنا مني كنت صغيرة تال ديك لحضة
نزلت من عيني جوج دمعات او خرجت مشيت كانجري للزنقة
هبطت حدا لفيلات ليحدانا او كلست حدا واحد الباب
او بقيت هي ساكتة او مصدومة
شوية كنحس بشي حد عنقني ، ماهزيتش راسي
حتا كانسمع بلي كايبكي هزيت راسي لقيت واحد الدري
كنت كلعب معاه لكورة مرة مرة ، رجعني للدار ناس بزاااف
بحال كاين شي ماتش، ناس ماكانعرفهمش كلشي كابكي
انا هي كانشوف مكانهضرش لي جا يبوسني او يعنقي
او يديرو ديك لبكيا ديال نيفاق ، انا عقلي حابس
كانقول فراسي راني كنحلم هادشي كولو دابا ايسالي
دابا انفيق من نعاس ، او نازال مافقت لحد ساعة
خرجنا كلنا لزنقة او هبطو ماما فواحد الصندوق او طلعوه
فواحد سطافيط ملي سدو لبا او تحركات سطافيط
حسيت بحالا شي حظ سرفقني او غوت بججججهد
" ماماااا ماتخلينييييش "
ملي سمعوني كلشي بدا كيبكي او كايتغاوتو
جات هتي عنقاتني او طلعاتني للبيت ، انا لبست تريكو ليكات
لابسا ماما ملي ماتت بقيت لابساه و للان ديما كانعسو
حدايا ،
دغيا بناو لخيمة او ناس هي كاتجمع بنادم جاي ياكل ماشي
يعزي
(بلاما نكمل حيت ماقادة نتفكر داكشي قلبي كيتقبط)
دازت اسبوع كلشي مخلوع عليا حيت ما هضرتش او ماقلت
تاكلمة تا دموع مابغاوش ينزلو ليا ،
ملي داز داك الاسبوع دار خوات تاحد مابقا كايجي تامن
العائلة او جداتي صافرات خواتاتي رجعو للخدمة
بقيت فدار بوحدي مامشيت للمدرسة كنبقا غي سادة عليا
بيتي طافية ضو او معنقة حوايج ماما او مازال كانتسنا نفيق
من هاد الكابوس
بالنسبة للفرقة النسوية مامشيتش او هوما كان خاصهوم
بنت او دخلات وحدة بلاصتي ، انا نيت ماكنتش قادرة ندير
شيحاجة بغيت نبقا غير بوحدي ، داز شهر او انا فنفس الحال
لاخروج لا هضرة ، او تا دار خوات تاحد ماكايجي
كاع دوك ناس ليكانو كايجيو كانو غير منافقين ...
يتبع
- - - - - - - - - - - - - - - - - - حبيباتي سمحولي بزاف ♡♡♡
غبرت عليكوم حيت كنت مقابلة بنت ختي الصغير فهاد الاسبوع ليداز
خليو ليا دي كمنت او فوت باش نعرف بلي كاتقراو