ملي تجمعو عليا بقيت هي كنبكي از خفت البنت تكون ماتت
قلت ليهوم راه شي دراري كانو تابعينا او حنا بلخلعة نقزنا
من سور
ماعرفتش علاش قلت ليهوم هادشي ، ولاو كايقولو راه
واقيلة غتاصبوها ،
وحتى لبنت لي لي طاحت قالت ليهم بلي مابقات عاقلا على
تاحاجة
المهم انا عند بالي صافي كلشي سالا ولاكن لحقيقة
لمشاكيل عاد بداو و المعانات و الآلام ديالي و الجرح عاد
ايبداو
انا مفهمتش شناهوا الاغتصاب ولا حتى شنو كتعني هاد
الكلمة
جات ماما كتبكي او كتعنق فيا او كاتقول الله بنتي ضاعت
مشات ليا بنتي و انا مافاهما والو غير كنبكي
قالت ليا كيفاش طرا ليك قلت ليها بقاو كيدفعو فيا تا سخفت
و صاحبتي كانت طاحت من صور او مابقيت عاقلا على تاحاجا
رجعوني لدار و مشات ماما للمدرسة حيحات و غوتات على
الأساتذة و على المدير و بغات تدعيهوم المهم بقاو الاساتذة
كيبردو فيها حتى رجعات للدار او بقات غير كتبكي حاولت
نفهمها بلي ماطرا والو او بلي انا غير كدبت ولاكين
ماقدرتش كنت كانقول لاعرفو بلي دفعتها بلاما نقصد او
يدوني للحبس ولا لشي خيرية معرفتش هاكا كنت كنفكر
هاد الافكار كلهوم ختارعتهوم حيت كنت كنتفرج فالافلام بزاف
هوما لي خلاوني نعرف فهاد العمر الصغير بلي كايند
الحبس و الخيرية وشحال من حاجة
المهم دازت سيمانة او انا فدار من بعد عند بالي ملي
انمشي للمدرسة كلشي ايرجع كيف كان عند بالي انرجع
نلعب و نضحك كيف كنت
ولاكن داكشي لي لقيت قدامي كنت كانتمنا كلا نهار ملي
نعس مانفيقش كنت كانتمنا نموت ولا نفيق او نلقا بلي
تاواحد مكيعرفني
سلام ادا عجبتكم قصتي خليو ليا لي رسائل باش نكمل
او ديرو جيم ⭐
الصراحة انا كنكت او كنبكي حيت ماكانبغيش نتفكر هادشي
ولاكن خاصني نخرج داكشي لي سنيييين هادي او انا مخبياه
