ايام كلها مدة شهرين كان بالي مشغور غير معا الكورة
لعبت فالتورنوة كنت كنفيق صباح مع 6h او نوض نفطر
شوية او مخرج لهيلطون واحد الغابة ف اكدال لي كيديرو
فيها موازين المهم هاديك ،
كانمشي نجري من الدار تال الغابة او كنبقا نجري او ملي
كنوصل كناخد الكورة لي كانخليها عند زاحد العساس ديال
العمارات حدا الغابة ، او كنبدا نتريني تال 9h او 10 د
صباح او نرجع للدار ندوش او نرتاح و فلعشية نمشي
للمدراسة اتسولوني على ماما عمرها سولاتني فين غادا
وخا هاكاك عارفة بلي راسي خاوي من تخربيق ديال
المراهقات ، بقيت كنتريني لعب شي ماتشات او الاستاد
كيدرب فيا او نهار الثلاثاء 26 فبراير 2012 ، كان كاليا
الاستاد بلي فهاد النهلر ادي نسني عقد مع الفريق النسوي
ديال الفتح الرباطي كنت كانتسنا هاد نهار بفارغ الصبر
ماقلت لماما والو حيت بغيت مني نسني الكونطرا نجي
نوريها ليها ، حيت كانو دايرسن لينا شهرية زوينة او لي
ماشي ولد الرباط كيعطيوه برطما يسكن فيها انا قلت ليهوم
بلي انا بنت سلا او بعيد عليا الحال ، او تافقو معايا بلي
ايعطيوني برطما نسكن فيها انا و لعائلة ديالي
فرررحت قلت صافي انسكنو فدارنا او مرتاحين ،
بالنسبة لماما ، كان تزاد اليها لحال بزااف محيدوش ليها
الكونسير او بقات كادير الحصص هاكاك او ماعارفا والو
مليون و نصف للحصة كل شهر باعت كلشي طوموبيل او
شي ارض كانت وارتاهم المهم كلشي مابقا والو ،
طاح ليها شعرها او ضعافة فيناهيا ديك ماما طولا و الفورما
كلشي مشا مسكينة كانت كمتقدرش تنوض ولينا كانديرو
ليها ليكوش :( هاد الحالة عدووك او متبغيش تشوفو هاكا.
جا نهار ثلاثاء فقت فرحانة فصباح كيف العادة مشيت لمدراسة
حيت كانت اندوز عند استاذ الرياضة يمشي معايا
ملي فقت حسيت بشي حاجة غريبة مشيت عند ماما كانت
فايقة كلست او لقيت راسي كانعاود ليها علا طوفولة ديالي
او كانبكي قلت ليها بلي تاحد ماغتاصبني او بقيت كانقوليها
بلي كدبت حيت خفت نمشي لحبس او بلي تعدبت فصغري او
تحرمت بشحال من حاجة ، اه نسيت ملي مشيت شحال هادي
كنت مشيت عند واحد طبيبة او قلباتني او عطاتني شهادة
بلي انا بنت او ماعمرني قاصني شي حد، هاديك الشاهادة
كنت مخبياها بحال شي كنز معرفتش علاش المهم ، جبدتها
كانت ف 2009 قدامت عطيتها لماما وريتها ليها فرحااات
او بكات
قالت ليا انمشي او انا مرتاحة حيت لابغيتي تزوجي عاد
اتحسي او ما انكونش معاك لي نعاونك او نواسيك و ملي
دابا نتي مزال بنت انرتاح اي حاجة اديريها او نتي هازة
راسك للفوق او ماضيعيش شرافك حيت نتي ماكنتي دايرا
والو او شفتي اش داز عليك بقا عاد لا درتي ، اول مرررة
كاتقوليا ماما هاد الهضرة او مررة نحسها رتاحت او
مافخباريش بلي تاهية كانت معدبة او هازة ليا الهم ، نضت
بستها او قلت ليها ملي انرجع ادي نقوليك واحد الخابار لي
ايفرحك بزاف ، هبت او خرجت او حسيست بشي خاجة
غرييييبة رجعت كانجري او عنقتااا او بكيييت قالت ليا اه ابني
انتوحشششك ما ارتاحش حيت انخليك صغييرة شدات فوجهي
او قالت ليا انا ديما معاك وراضية علييك بكييييت او رجعت
خرجت او مشيت فيا واحد الخلعة مافهمتهاش ، مشي
كتنتسنا يجي الاستادة شوية كانشوف المدير او لحارسة
لعامة او كااع لي خدامين ف الإدارة جاين فجيهتي كلشي
كايشوف فسا و الاستاد يال الرياضة جا كيبكي او عنقني ما
فهت والووو ، قاليا فودني شدي رااسك ابنتي البراكة
فراسك ، شنوووو غوااات وا ماماااال بجهد لي المدرسة
كلهاا تجمعااات البنات كيبكيو شحال من وحدا صخفات كلشي
كيبكي او مجموع عليا ، انا كانغوت بواحد القوة بزااااف في
فمي واماماااااا حتا مشيت صخفت
- - - - - - - - - - - - - - - - - - -
سمحوليا مقدرتش نكمل تفكرت بزاااف ديال لحوايج
هاد لبارت كتبتو قبيببلة او مكملتش لعشيا كلها او انا كنبكي
هادشي لتفكرت قصحني بزاااف
