دازت ايام قليلة و انا جالسة فدار بحالة سادة عليا باغا غير
نعرف اش بغيت اش باغا ندير او فين باغا نوصل كان
خاصني نجلس معا راسي شيوية حيت افكاري مزال
مخربقين...
جمعت راسي وخرجت نقلب على خدمة، و بما انه حنا
عايشين فالمغرب ماشي فسويد كاينين جوج حوايج يا اما
ما اتلقاش لخدمة او ادي تلقى لخدمة ولكن بالمقابل...
خرجت سيفي ديال و دفعتو لبزاف ديال لخدامي ف مرجان
اسيما كارفور محلات ديال ملابس و بزااااف...
مكنتش باغا نخدم حيت انموت بجوع حيت بابا موفر ليا لماكلا
ولاكن خاصني فلوس باش نخرج لحمام حوايج و بزاف ديال
متطلابات و اهم حاجة نحس براسي عندي شي فايدة ماشي
ها نبقى ناعسا
المهم تاصلت بواحد الاستادة الصديقة ديال ماما الله ي حمها
وطلبت منها المساعدة ادا كانت شي خدمة، قالت ليا اش بان
ليك تجي تقابلي الام ديالي تجي معا 9 ديال صباح تفطرو
بزوج و توانسو تفرجو و تهضرو ماديري لا شقا لا والو
لماكلة راها طايبة اتلقايها فتلاجة، و ملي تجي مرت خويا
او خويا من الخدمة معا 4 دلعشية يمكن ليك تمشي قالت ليا
ب 1000درهم و السبت و الحد بلاما تجي حيت كنكونو
فدار نقابلوها،
صافي عجبني لحال و خدمة ساهلة المهم دازت عندي و
وراتني دار، الصراحة الام ديالها الحاجة فاطنة الله يعمرها
دار دريفااا من النوع لي كاتبان ليهم الطيبة من وجهم ماشي
بحال جدة الله يعطيها غبارة 😑 ( المهم رمضان هدا ماناقصا دنوب ههه )
المهم جلست معاها سيبت لفطور جلست حداها بقات هير
كاتعاود ليا فنوكات و داكشي لي دوزات لمرا باغا ها
معامن الضحك و تفوج دغيا داز نهار وصلات 4 لمرا تبدلات
قالت ليا بنتي عفاك متخلينيش وتخشات تحت لمانطا او
نعست، جات امينة لي هيا مرت ولدها دخلات مدرمة كي
لبقرا طفات تلفزة و قالت ليا جبناك باش تقتبلي ديك لعجوزة
ماشي باش تفرجي و ضيعي ضو( الله يعطيك موصيبة )
عاد فهمت علاش الحاجة مسكينة تبدلات وكانت مخلوعة،
انا كنت صابر على وديت ديك المرا حيت دخلات ليا لخاطري
ماتستاهلش ديك لمعاملة ولادها سامحين فيها و عوض باش
يقابلوها كيجيبو ليها البراني ز على ماعاودات ليا الحاجة كل
مرة كايجيبو وحدة تقابلها، مسكينة قالت كاينا لي كاتجي و
تعاملني خايب و لي كادخل تنعس و متسوقش ليا ها لي
كاتعطيها دوا دنعاس بقااات فيا تفكرتها دابا و بكيت 😢😢
قرب يسالي شهر واحد النهار مرت ولدها جات قبل 4 و
داخلا كتغوت ابحدها جات عند لحاجة وبدات تقولها خرجي ليا
من الدار طلعتي ليا فرايي شادة ليا لبيت و كتغوت
لبنات نكدب عليكم صبرت صبرت فلخر مقدرتش نتحكم فراسي
تا طرت عليها لداك راس وهبتها ريشتااا تريشة ديال الحق
وبقات كتغوت تا جا راجلها و الاستادة كيفكو و انا حلفة والله
لا طلقتا تانبرد فيها كاااااع داكشي لي دارت هزيت صاكي و
قلت ليهوم اش كادير لمهم مسكينة و المرا كاتبكي قلت ليهم
حراااام هادشي لي دايرين فيها عندك مكم و محامدينش الله
انا لوكان باقا حية ماما نديرها فعينييي ماشي نخليها
لمربيات و لمرت خوكوم دربها وتكرفس عليها ، وخرج
بحالي كنبكي حيت قاااصتني بزاف ديك لمرا ما بغيتش
نخليها ولاكن مقدرتش نشوفف الضلم قدام عيني ونسكت 😔
