عليا بالهضرة حتى ماخلاونيش نفهم اش واقع
خرجت انا وختي لجردة ديال صبيطار او جات بنت خالتي أمان
لي كانت ساكنا بكندا ، كتجي ديما في الصيف ، انا وياها كنا
في نفسن العمر كانجلسو لعبو او نهضرو او نضحكو
العربية ديالها كانت معكلة ههه كنا كنهضرو بالفرونسي
كنت كنعرف نهضر او كانت كاتزيد تعلمني شي كالمات جداد
المهم ملي مشينا للجردة قالت ليا ختي بلي هاد العطلة ديال
الصيف ادي نبقاو فدار جداتي فالرباط ،
فرحت بزاف حيت أماني ادي تكون تماك ، او معرفتش شنو
السبب الحقيقي لي خلانا نبقاو فالرباط انا ماكنت كانسول
على تاحجة عند بالي انبقا غير 3 شهور ديال الصيف
مشينا لدار جداتي دازت ديك لليلة فصباح مشاو جابو ماما
من صبيطار ، الغريب انه كانو بزاف ديال الناس كايجيو
يشوفو ماما ، او لي زاد دخل ليا الشك هو واحد خالي كان
في ألمانيا عمرو جا للمغرب مور 8 سنوات حتى جا داك
نهار على قبل ماما ، بقيت كنقول فراسي شي حاجة واقعة
او مخبين عليا ، ولاكن الحاجة لب خلاتني نتبت شكوكي او
الصدمة ملي خالاتي ناضو كيسيقو الدار لفوقانيا او جابو
الأثاث ديالنا او فرشوه
( دار جداتي كان فيها جوج ديال طبقات + سطح ،
لتحت كانت دار جداة و الفوق كان خاوي فيه صالون، بيت،
مراح ، بيت الراحة +دش )
المهم مشيت عند ماما قلت ليها الصيف سالا او لقراية بقات
ليها غير اسبوعين علاش حنا باقين هنا يالاه نمشيو لدارنا ؟
او علاش نتي مازال مابريتي ياك قلتي ليا غي المسران لي
ضارك ، ماما شافت فيا او قالت بلا قوت الأسئلة سيري
معا ختك او جيبي الانتقال ديالك من المدرسة ادي نبقاو هنا
او ادي نتجمعو انا ويالك و كوثر و ريم ، وانا نقوليها او
بابا؟؟
( جاوباتني او كان طالع ليها دم ، باباك فين هوا ياك ترميت
فصبيطار او كنت انموت او 3شهور او حنا هنا عمرو طل
عليا ولا تاصل )
الكلمة الوحيدة لي بقات كدور ليا فراسي هي كنت انموت !!
اتموت كيفاش اتموت او علاش
مشيت معا ختي ريم للمدرستي بسلا او خدات ليا الانتقال
من الثانوية او فطريقنا داتني للقهوة قالت ليا بغيت نهضر
معاك
عرفت شي حاجة تما
ريم: حبيبة نتي دابا كبرتي او وليتي اقراي ف اليسي
lycee , او اتولي تمشي او تجي للمدرسة بوحدك او
اتعرفي ناس جداد او نقيين ماشي بحال دوك لمسخين لي
كانو كيقراو معاك فسلا او كايعايروك دابا تاواحد ما ايعرفك
، انتي لي اترسمي اسيل لي بغيتي نتي لي اتقولي ليهم
شكون نتي ماشي هوما لي ايفكروك اولا ايعايروك
( انا فرحت الحمد الله اخيرا ادي نتهنا من دوك ناس لس كانو
كايعايروني او لي كانو كادبين او متيقين الكدبة ، ادي نتهنا
من ديك العقدة لي كنت عايشة فيها حياتي كلها او ادي نسا
او نعيش حرة )
انا: اه فرحت بزاف دابا عاد انبدا من جديد او نعيش او نخرج
بلاما نخاف من شوفت الناس ليا
ريم: سمعي اختي ماما ماتقلقيهاش او ادا غوتات عليك
اولا درباتك كااع ماتقولي ليها والو سكتي ، او ايلا قالت
ليك ديري شيحاجة ديريها بلاما تسولي بزااف
انا: واخا اختي
ريم : يلاه نمشيو حيت خاصني ندوز لمدارس نشوف اي وحدة
قريبة او زوينة باش نقيدوك فيها
( واخا تاحد مابغا يقوليا اش كاين انا انعرف بطريقتي ، واخا
انبدا حياة جديدة ولاكن انا مكنقدرش نتعرف على ناس
كانحشم او كانخااف بزاف خياتي كلها او انا مخبية كيف
اندير دابا نفرض وجودي )
مشي لدار كانت العائله مجموعة كايشربو اتاي او كيهضرو
او الضحك تسمعو منين
ستغليت الفرصة او مشيت هزيت الصاك ديال ماما لي كانت
فين ما مشات تديه معاها ، هزيتو بالتخبية او بزربة و دخلت
للطواليط ( حشاكم )
حليتو لقيتو عاامر بالوراق ديال الطبيب و دفتر الصحة او شي
دوايات او لوراق كلهوم كانت لتحت مكتوبة فيهم
-عيادة احمد ...
شديت ورقة وستيلو او كتبت داك الاسم خرجت و رضيت
صاك لبلاستو ،
مشيت كنجري لpc لو كتبت ف google عيادة احمد ....
او انا نتصدم :o :o !!!
كيفاااااااااش
الدموع كيخرجو بزربة
اويلي مايمكنش اويييييلييييييييي
- - - - - - - - - - - - - - - - -
( شنو تكونو كاتوقو نكون قريت ، او شنو الحاجة لي كاظنو
مخبينها عليا ؟؟)
قراءه ممتعة :)
فوت/كومنت