قرايتي تدهورات تقريبا وليت كنجي انا الاخيرة ف القسم
و كنجح غير بزز ، ف الثالثة ابتدائي اي 4ème
منجحتش ، او ماما عطاتني قتلة ديال لعصا
الصيف كولو مخرجتش ، كانت ملي كتخرج كنجبد الكورة لي
مخبياها او كنطلع لسطح نبقا لعب
خواتاتي كانو سالاو قرايا او خداو ديبلومات العكس ديالي
مكنتش قريبة ليهوم بزاف حيت كبر مني او كانو مفاهمات
بيناتهوم ، مشاو خدموا او كراو برطمة في تمارة قريبة
ليهم الخدمة .
كانو كيجيو قليل غير السبت و الاحد بعد المرات كنا كنمشيو
عندهم حنا ،
دازت العطلة وبدا عام جديد لي انا عاودتو حيت سقطت
ماما تحزمات معايا او ماكاين غير لحفاضة او لقراية
عمرها سولاتني باش كنحس اولا شنو لي خلاني نتبدل او
مانبقاش قراية كيف لول
لوكتن سولاتني كنت ادي نرتاح كانت اتنصحني ولاكن لا
صافي ولفت ملي كانو كيعيروني نابقيتش كانتسوق ليهم
ماما كانت خدامة من 8 ديال صباح ، تال 6 عاد كاتجي و
مرات كتوصل تال 8 حيت المركوب مكاينش او زحام او
طاكسيات قلالين
انا كانت مدخلاني للمراجعة و بابا بقات كتغوت عليه
باش يحفضني ، هو كان ديما كيقريني غير الفرنسية
او كانا فدار حيت تقريبا هو اكثر واحد كنشوفو بزاف
حيت مخدام ماوالو كنا اامواضيع كلها كانهضرو بالفرنسية
قلبل باش كانهضرو بالعربية . صراحة احسن حاجة دار حيت فهاد لبلاد الكحلة الا ماكنتيش كاتهدر بلفرونسي ماكاتسوا والو .
ماما نقدر نقوليكوم كانشوفها غير من الويكاند للويكاند
. weekand
حيت انا كانعس بكري معا 9h او 8 مهم كانت كاتجي
كاتلقاني فالبيت ناعسة كاتجي تبوسني تو تقوليا بونوي
ملي كنت كانمشي عند خواتاتي كنت كنجلس نلعب فال pc
كان كيعجبني الحال كان عندي msn بالتخبية ههههه
المهم داز لعام او كنت ادي ندوز الموحد بقات ليه جوج
سيمانات داتني ماما عند خالتي الأستاذ لي في القنيطرة
قبل هادشي واحد نهار كنا مجموعين فالدار انا وأخواتي او
ماما تعشينة او نعسنا ، فليل كنسمعو لغوات
* وااا مي كرشي عتقونييي كرشي كاتقطع عليا
انمووووت*
هبت انا و كوثر و ريم* خواتاتي *
مافهمنا والو لقينة ماما طايحة حدا دروووج كاتغوت
بقينا كانبكيو دارت ليها ختي الزعتر هو و لويزة شرباتهم او
ولات شوية ،
فالصباح فقنا فطرنا او شوية ماما تاني بدات كتغوت بكرشها
كتقطع خفنا عيطنا لعمتي حيت طبيبة ثالت لينا ديوها لشي
طبيب حداكم ديناها خرج ليها كينات قاليها عند ها المصران
- - - - - - - - - - - - - - - - - -
( سير انا بغيت ليك موصيبة فهاد نهار ) انا مفهمتش بنادم
لي ماكايعرفش في طب لاش كيحل عيادة قالينا المصران او
مانخافوش ساعة طلع مرض اخر واش بصح ولا كدوب