Palagi ko na pong nakikita at nababasa ang mga maling salita na inilalagay nila sa kanilang kuwento. Ang tamang gamit ng Nang at Ng.
Kung tutuusin ay karamihan sa mga taong nakakasalamuha ko ay hindi pa tuluyang alam ang pagkakaiba ng mga salitang ito. Minsan napapabaliktaran nila ang paggamit nito.
Kaya simulan na natin ang pagbukas ng imahinasyon natin at siguruhing may nakatagong isang pirasong papel at bolpen upang maisulat mo ang aking mga sasabihin.
Wastong gamit ng "NANG"
*Kapag sinasagot ang katanungan na PAANO*
Halimbawa:
Nagsusulat si timmyme nang mabagal. Paano nagsusulat si timmyme? Mabagal.
Nagsasalita si timmyme nang mabilis. Paano nagsasalita si timmyme? Mabilis.
O 'di ba as simple as that. Tapos na? Nope meron pang kasunod 'yan...
*Kapag umuulit ang KILOS*
Halimbawa:
Dada nang dada si timmyme kaya ayun pinalo ng nanay.
Ikot nang ikot si timmyme sa mall kahapon pero wala siyang kahit ni isang librong nabili.
*Kapag sinasagot ang katanungan na GAANO*
Halimbawa:
Gaano kalaki ang itinaba ni timmyme? Tumaba si timmyme nang bahagya.
Gaano katagal nakapagsulat muli si timmyme? Isang buwan nang matutong magsulat muli si timmyme.
Wastong gamit ng "NG"
*Kapag sinasagot ang katanungan na ANO*
Halimbawa:
Ano ang ginagamit ni timmyme sa kanyang balat? Gumamit si timmyme ng Dove pampaputi.
Ano ginagawa ni timmyme sa mga oras na ito? Nagsusulat si timmyme ng mga payo patungkol sa tamang paggamit ng NANG at NG.
*Kapag PAGMAMAY-ARI*
Halimbawa:
Nakakarindi ang boses ng lalaki ng kapitbahay.
Kaibigan ko ang apo ng lola ng tito ng kaklase ko.