"I'm drowning and you're standing three feet away screaming, 'Learn how to swim'."
✄ ✄ ✄ ✄ ✄ ✄ ✄ ✄ ✄ ✄
Mayroon pa kaming isang oras bago tumugtog sina Jared. Dumating ang mga kaibigan niya galing Manila, i-su-surpresa sana siya nito ng mga 'to at kasabwat nila si Beatrice ngunit mas na-surpresa daw sila sa nakita nilang lagay ng kaibigan nila.
Malalaking tao sila at halatang mga dayo lamang. Mga anak mayaman pero mas marunong silang mag tagalog kumpara kay Jared. 'Yung isa ay hawig pa ni Daniel Padilla. No joke.
Nakilala ko na din ang kinakikiligan ni Beatrice na si Chance. Kung na gwapuhan ako sakanya sa litrato, walang wala iyon kung ikukumpara sa personal. Gwapo din ang kapatid niyang si Isaac. Tapos may isang masungit, si Link Rodriguez at 'yung kwela naman ay si Six Montenegro, eto din 'yung kamukha ni Daniel Padilla kaya naman halos umiyak na si Kei nang makita siya.
Nanginginig parin ang mga kamay ko dahil sa nangyari kanina. Tinawagan din ako kaagad ni Enrico para humingi ng tawad sa nangyari at sinabing intindihin ko nalang si Asher dahil hindi daw maganda ang lagay nito ngayon. Kinabahan ako nung sinabi niya 'yon ngunit pinigilan ko na ang sarili ko na magtanong pa.
"Okay, 'wag nalang sana mauulit." Ang sinagot ko kay Enrico bago ko ibinaba ang tawag.
Sinusubukan ko munang mag isip ng kahit na anong nga bagay na hindi Asher related. Sa loob ng dalawang linggo na hindi kami nagkaka usap, masasabi kong mayroon ng progress ang pag mo-move on ko. Hindi na ganun kasakit tuwing mag u-upload si Hannah ng picture nila na magkasama. Parang masyado na akong pagod para problemahin pa 'yon. Wala na ding instagram si Asher. Sa totoo lang, wala na siyang kahit na anong social media. Naka tulong din 'yun dahil hindi na ako na te-tempt na i-stalk siya.
Mabuti nalang at malapit lang ang hotel kung saan nag check-in sina Chance. Sakop din 'to ng Octoberfest kaya naman ilang lakad lang ay nandoon na kami.
Hindi ko magawang ilayo ang sarili ko kay Jared. Natatawa na nga siya sakin. Nagdudugo parin kasi ang ilong niya at parang nagpapasa na 'yung nasa pisngi niya.
Hindi five star hotel ang pinuntahan namin. Maliit lang na building 'to pero malalaki ang kwarto. Pagka pasok naming lahat ay agad kong hinila si Jared sa banyo at hinanap ang first aid kit.
"Umupo ka lang sa toilet," sabi ko sakanya habang nagkakalkal sa ilalim ng lababo. "Uminom ka na ba ng tubig? Nasusuka ka ba? 'Yung inhaler mo asan? Hindi mo ba kailangan?" Habang nagtatanong ako, nanginginig na ang ibabang labi ko.
Nahanap ko na din 'yung kit at agad na tumayo para lang makita si Jared na nakatayo sa likuran ko. "I'm fine," mahinahong sabi niya. "You don't have to worry."
Tinalikuran ko siya at binuksan nalang 'yung kit dahil naiiyak nanaman ako. "Tignan mo nga 'yung mukha mo sa salamin," naiiyak na sabi ko habang nilalagyan ng alcohol 'yung bulak. Hindi ko alam kung kailangan ba talaga 'to. Sa totoo lang ay wala akong alam sa first aid. Ginagawa ko lang busy ang sarili ko. Suminghot ako, "Ang pangit mo na." Narinig ko ang pagtawa ni Jared kaya naman nilingon ko siya. "Hindi 'to nakakatawa Jared!" idiniin ko 'yung bulak sa pisngi niya.
"Ouch."
May kumatok sa pinto, "Okay lang ba kayo dyan?" tanong ni Ethel.
"Okay lang," sagot ko habang sinasamaan ng tingin 'yung naka pout na si Jared. Lumapit ako sa pinto at ini-lock ito.
"Okay.." ani Ethel.
Binalikan ko na ulit si Jared. "Umupo ka sa toilet."
"I'm fine Adi," aniya bago ako hawakan sa baywang. "Wala naman akong wounds."
Naningkit ang mga mata ko at tumingkayad ako para matignan ang ilong niya. Tumigil na ito sa pagdudugo pero may dugo parin at meron din ang damit niya.
Tinalikuran ko siya at kumuha ng wash cloth bago ito basain ng mainit na tubig. "Hubarin mo 'yung shirt mo," sabi ko. May damit naman siguro ang mga kaibigan niya at makakapag palit siya.
Mahina siyang tumawa, "If you wanted to see me naked you could just asー biro lang po ma'am." Sabi niya noong sinamaan ko siya ng tingin.
Piniga ko 'yung wash cloth at itinulak siya ng kaunti dahil na iipit na ako sa lababo. Sinimulan kong punasan 'yung mukha niya ng maingat. Tinatanggal 'yung natuyong dugo at 'yung mga dumi na napunta sa mukha niya. Naka tingkayad ako para lang maabot siya at naka hawak ulit siya sa baywang ko bilang suporta. Ngayon palang ata ako nakalapit sakanya ng ganito nang kaming dalawa lang. Naka pikit siya habang pinupunasan ko siya at habang tumatagal, lumalalim ang hininga namin at nagwawala ang puso ko.
"Wag mo na uulitin 'yun Jared ha?" mahinang sabi ko.
Nangunot ang noo niya pero nanatiling naka pikit ang mga mata niya. "Ang ano? Ipagtanggol ka?"
Tinapos ko ang pag punas sa mukha niya, "Hindi mo kailangan gawin 'yun. Sanay na ako kay Asher. Ang hindi ako sana'y ay 'yung makita kang nasasaktan."
"I told you, i'm fine." Matigas na sabi niya. Nag tagis ang bagang niya at alam kong naiinis nanaman siya. "Kung mauulit 'yun, i'd do the same thing. No one has the right to talk about you like that."
"Oh.." hinawakan ko siya sa dibdib at balikat. "Wag ka na magalit." Hindi ako sanay na makita siyang ganito kaya hindi ko alam kung paano mag re-react at kung ano ang dapat kong sabihin. Kinagat ko ang ibabang labi ko, "Thank you... sa pagtatanggol."
Itinaas ko ang paningin ko para matignan siya at muntik na akong malagutan ng hininga sa nakita ko sa mga mata niya. Sa ilalim ng kamay ko kung nasaan ang puso niya, ramdam na ramdam ko ang pagwawala nito at ganun din ang sakin. Oh my shit, ano 'to? Bakit ganito? Nag init ang buong katawan ko at humigpit ang hawak niya sa baywang ko.
"Jared?" halos bulong nalamang ang boses ko.
"Fuck it," aniya bago niya ibinaba ang ulo niya.
Hindi kaagad nag register sa utak ko ang nangyayari. Tanging mga labi lang ni Jared ang nararamdaman ko. Maingat itong gumagalaw ngunit may diin parin. Natutunaw ako sa hawak niya at hindi ko na napigilan ang mahinang tunog na kumawala sa bibig ko. At doon ko lang napagtanto.
Hinahalikan ako ni Jared Gordon.
At hinahalikan ko siya pabalik! Anong nangyayari?! Tumama ang likod ko sa lababo at napasabunot ako sa buhok niya habang kinakagat ang ibabang labi niya. Nagpakawala siya ng isang angil at mukhang nagustuhan niya ang ginawa ko dahil mas lalo lamang niyang idiniin ang labi at sarili niya sakin.
Para akong sasabog sa sobrang dami kong nararamdaman. Hindi ko magawang mag isip ng diretso dahil lamang sa pag galaw ng mga labi ni Jared.
Jared, Jared, Jared. Si Jared ang hinahalikan ko at hindi ko magawang tumigil.
Hinawakan niya ang binti ko at ibinuhat ako hanggang sa naka upo na ako sa lababo. Muntik pa akong mapasigaw dahil sa pagkabigla pero natakpan kaagad ni Jared ang bibig ko gamit ang bibig niya.
"You.." hinalikan niya ako sa gilid ng labi. "Drive.." pababa. "Me.." sa leeg. "Crazy." At sa labi ulit.
Napa singhap ako nang idiin niya ang sarili niya sakin bago niya ako muling siniil ng nakakapaso niyang mga labi.
Isang malakas na katok sa pinto ang nakapag pahiwalay saaming dalawa. "Guys?" tanong ni Henry. Nagka tinginan kami ni Jared at parehas kaming malalim na humihinga. "Naiihi na ako, matagal pa ba?"
"H-Hindi..?" sagot ko habang nagmamadaling bumaba. Inalalayan pa ako ni Jared at mabilis naming niligpit 'yung kit. "Tapos na, teka lang."
Ipinasuot ko ulit kay Jared 'yung t-shirt niyang may dugo bago ko binuksan 'yung pinto. Nagwawala parin ang puso ko dahil sa kaba na baka malaman nila ang ginagawa talaga namin sa loob. Pero wala namang reaction si Henry, nilagpasan niya lamang ako at pumasok na sa loob.
"Pare," natigilan kami ni Jared nang tawagin siya ni Henry.
"Hmm?"
"Tinamaan ka din pala sa bibig? Namamaga e."
Napahawak si Jared sa labi niya at kitang kita ko ang pamumula niya. Mabilis niyang tinalikuran si Henry, "Oo. Tinamaan din."
Ipinasok ko sa bibig ko ang dalawang labi ko bago pa ako makita ni Henry. Nagkatinginan ulit kami ni Jared at pinigilan ang aming tawa bago puntahan ang mga kaibigan namin.
Hindi ko alam kung ano ang nangyari at kung bakit nangyari 'yun pero ayoko na munang isipin ang mga rason dahil panigurado ay panibagong problema nanaman 'yon.