Chapter 36 : Third party
Sino ba kasi yung babaeng yun? Bakit kailangan niya pang umepal sa buhay naming ni DJ? Masaya na kami diba? Bakit sisingit pa siya?
Kasalukuyan akong nakalock sa kwarto ko, at naiyak. Kanina pa rin may nakatok sa pintuan ko, at malamang lamang na si DJ yon. Hindi ko binubuksan kasi, ayoko siyang makita, ayoko siyang kausapin. Ayokong makita nyang naiyak ako gawa niya.
Sino ba kasi yon? At bakit magkasama sila ni DJ? Pinagsinungalingan niya pa ako’t sabi nya ay nagtratrabaho pa siya. Nakakainis!!!
Pero Kathryn, baka naman pinsan niya lang yun?
Pinsan?! Kilala ko ang mga pinsan ni DJ. Ang alam ko, wala sila dito sa Pinas. Pati kung pinsan nya yun, sasabihin nya naman sakin diba?
“Kathryn! Mag usap naman tayo, please? Ano ba kasing kinagagalit mo? Kathryn!” Anong kinagagalit ko? Tanga ba siya? Hindi pa ba malinaw sa kanya kanina yung sinabi ko? Na siya nga may kasa-kasamang iba!
Ilang minuto pa, tumahimik. Sumuko na siguro siya. Ganun? Agad? Susuko agad siya? Sinukuan nya ako kaagad? Mas lalo akong naiyak. At siguro yun na yung dahilan kung bakit ako nakatulog agad.
“Alam mo bes, sa lahat ng party, yan ang di masaya. Yan ang party na walang invitation. Yan ang party na mayroong nag gagate crash. Yan ang third party.” Kinuwento ko kasi kay Julia. Kasi paggising ko, nandito na agad siya sa bahay namin. Siguro pinapunta ni Mommy.
Agang aga tuloy ay naiyak na naman ako.
“Kala ko okay na… kala ko wala nang sagabal… kala ko okay na kami Julia.” Sabay iyak ko. Iyak ako nang iyak. Ngayon na lang ata ulit ako umiyak gawa nung unggoy na yon.
“Kath, kasabay ng pagmamahal ang sakit. Laging nandyan yan, pag nagmamahal ka, natural na ang masaktan.”
“Pero Julia… palagi na lang ako yung nasasaktan.”
“Bes… sa ginagawa mong ‘to, bet ko nasasaktan rin si Dj. Kasi hindi mo sinasabi sa kanya kung bakit ka ganyan. Nasasaktan rin siya kasi nakikita ka niyang nasasaktan. Bes, alam mo, alam na alam ko naming mahal na mahal mo si Dj at alam ko ring mahal ka rin nun kahit gago yun.”
“Pero Julia! May kasama siyang babae kagabi!”
“Bes…” hinawakan nya ako sa balikat. “Bakit ayaw mo siyang kausapin? Hindi ba mas okay yun? Hindi kayo mahihirapan… Kausapin mo siya. May dahilan naman yun malamang. Makinig ka lang.”
“Hindi ko ata siya kayang makita.”
“Bes… Wag mo muna pairalin yang utak mong kumokontra dyan sa puso mo. Alam kong gustong gusto mo malaman ang totoo.”
Ilang araw siguro ang nakalipas, pumapasok ako sa school pero iniiwasan kong makita si Daniel.
“KATHRYN! MISS KA NAMIN!” tapos bigla na lang akong sinugod nila Aria at Kayla, ang kukulit nito talaga, hindi na nagbago.
“Aack, di ako… makahinga.”
“Oops… sorry.” Sabay pa sila eh, parang kambal na ‘tong dalawang to.
“Malapit na tayong grumaduate! Isang taon na lang. Anong plano mo sa college Kath?” Tanong ni Aria sakin.
“Magpapakasal na ba kayo ni DJ?” Si Kayla naman, speaking of him. Hindi ko pa siya nakakausap. Pa’no na? Sabi ni Julia, kausapin ko raw. Parang hindi ko ata kaya. Pero palagi na lang kaming nag aaway ni Dj, ayoko na. Napapagod na ako sa mga away na ‘to. Nagsasawa na ako. Pero ipaglalaban ko, mahal ko siya eh. Pero siya ba? Kaya nya pa bang ipaglaban ‘to?
“Hoy Kath!”
“Ha?”
“Tinatanong ko kung magpapakasal na ba kayo ni Daniel?”
“Ha? Wala pa… Hindi ko alam.”
“Hay, dapat kasal na yan.”
Mamaya… kakausapin ko na si Dj. Promise na ‘to. Kakausapin ko siya, hindi na ako aatras. Gusto ko na siyang kausapin. Makikinig ako sa bawat paliwanag niya. At gusto ko siyang patawarin. Gusto kong maging okay na ulit kami.
Lunch break na namin. Niyakad ako nila Kayla at Aria magcaf. So ayun, umorder naman kami ng lunch. Hindi ko alam kung nasan si Dj. Mukhang may trabaho na ata. Minsan kasi isang subject lang ang pinapasok nun kasi may schedule siyang sinusunod. Kawawa naman sya. Hala, miss ko na siya. Ano ba ‘to?
Sa sobrang pag iisip ko, naibagsak ko yung platong dala ko, at nabasag.
“HALA!” nagulat kaming tatlo. Lalo na sa pagdating ni Kats.
“KATHRYN!!!” sigaw nya habang hinihingal. Mukhang galing siya sa malayo at tumakbo papunta sakin.
----------------------------------------------------------------------------------------------------------------------------
Kaye's note: WEW ANG TAGAL KONG NAWALA. HUE HUE. Sana may nagbabasa pa. Pipilitin kong maging regular mga pards. Promise. Mwa.
http://kayetamad.tumblr.com/