နောက်ဆုံးအချိန်တော့နောက်ဆုံးအချိန်ပဲ
ဒါပေမယ့်.....
_ _ _ _ _ _ _ _ _ _ _ _ _ _ _ _ _ _
(၃လအကြာ)
အခုနောက်ပိုင်းကိုကို့ရဲ့အခြေအနေကသိပ်မဟန်ချင်တော့ အရမ်းလည်းမောဟိုက်လာကာအပင်ပန်းလည်းမခံနိုင်တော့ပေ
Doctor ziကတော့လာပြောသွားတယ်
ဒီတစ်လအတွင်းပျော်စရာတွေဖန်တီးပြီးပျော်ရွှင်အောင်ထားပေးပါတဲ့
အဲ့ဒါကြောင့်ဒီနေ့လူစုံတက်စုံခရီးထွက်ဖို့ပြင်နေကြလေတယ်
"ကိုကိုရေ....သွားကြတော့ ......ကိုကို!!"
ရိပေါ်အိမ်ထဲဝင်လာတော့ကိုကိုကဆိုဖာခုံပေါ်မှာလှဲနေတာကြောင့်ရိပေါ်လန့်သွားလေတယ်
"ကိုကို..!!ကိုကို ဟင့်!!ထပါအုံးကိုကိုရယ်...ဟင့်"
ရိပေါ်ငိုယိုကာတောင်းပန်မိတယ် ကိုကို့ ကိုအတင်းလှုပ်နှိုးရင်းနဲ့ပေါ့ ရိပေါ်တကယ်ကြောက်မိပါတယ်ကိုကိုထားသွားမှာကို
ရိပေါ်ရဲ့လှုပ်နှိုးမှုကြောင့်ကိုကိုကနိုးလာလေတယ်
"အင်းး...အသက်လေးဘာလို့ငိုနေတာလည်း"
"ကိုကို...ဟင့်..!!"
ရိပေါ်ကိူကို့ရင်ခွင်ကျယ်ထဲတိုးဝင်မိတယ်
ကိုကိုကလည်းရိပေါ်ကိုပြန်ဖက်ထားလေတယ်
"ကျွန်တော်လန့်သွားတာ ကိုကိုထားသွားပြီထင်ပြီးဟင့်"
"ကိုကိုကပင်ပန်းပြီးခနအိပ်ပျော်သွားတာပါအသက်လေးရယ် မငိုနဲ့တော့နော်တိတ်တိတ် "
ရင်ခွင်ထဲကအသက်လေးကငိုလို့လည်းဝသွားရောမျက်ရည်တွေကိုဆွဲသုတ်ကာသူမဟုတ်သလိုပြုံးပြလာသေးတယ်
"သွားရအောင်လေကိုကို...လူကြီးတွေစောင့်နေရောပေါ့"
အသက်လေးကသူ့လက်ကိုဆွဲလာတာကြောင့်ရှောင်ကျန့်လည်းအသက်လေးနောက်ကိုငြိမ်ငြိမ်လေးလိုက်လာလိုက်တယ်
"ဟော. ရောက်လာကြပါပြီ....တက်တက်ကားပေါ်မြန်မြန်တက်"
ဒီခရီးမှာကယိပေါ်တို့ရယ်အမဝမ်လင်းတို့အတွဲရယ်နဲ့ချီချီ၊ဖေးဖေး၊စန်စန်တို့အပြင်မိန်ဇီယိပါ ပါတာကြောင့်အားလုံးပေါင်းလူ၈ယောက်ဖြစ်တယ်
ခရီးသွားကားရှည်နဲ့သွားကြမှာမို့ကားတစ်စီးတည်းနဲ့လုံလောက်လေတယ် ကားမောင်းသူကအကိုပိုင်တန်းပေါ့နော်
ကားလေးစတင်လို့ထွက်ပြီဆိုတာနဲ့ကိုကိုကအပြင်ကိုငေးရင်းလိုက်လာလေတယ်
ကားရဲ့ရှေ့ဆုံးဒရိုက်ဘာခန်းမှာအကိုပိုက်တန်းနဲ့အမဝမ်လင်း၊ဒုတိယခန်းမှာမိန်းကလေး၄ယောက်၊နောက်ဆုံးခန်းမှာတော့ရိပေါ်နဲ့ကိုကိုနှစ်ယောက်တည်းသာ
"ကိုကို..."
"ဘာဖြစ်လို့လည်းအသက်လေး"
ရိပေါ်ခေါ်မှလှည့်ကြည့်လာတဲ့ကိုကိုကမျပ်နှာလေးလည်းအနည်းငယ်ညှိုးလို့ ရိပေါ်လည်းကိုကိုပျော်အောင်ဘာလုပ်ပေးရမလည်းဆိုပြီးစဥ်းစားနေလေတယ်
ရှောင်ကျန့်တစ်ယောက်သူ့ကိုခေါ်ပြီးဘာမှပြောမလာတဲ့အသက်လေးကြောင့်စိတ်ရှာ်ရှည်နဲ့အသက်လေးပြောမှာကိုစောင့်ပေးနေလိုက်တယ်
"ကိုကို!"
"ဗျာ..."
"ကျွန်...ကျွန်တော်ကဘာနဲ့တူ..တူလည်း"
"ဟင်...??"
"ကျွန်တော်ကမိန်းကလေးနဲ့တူလား ယောကျားလေးနဲ့တူလား"
"ဟက်္..ကိုကို့အသက်လေးကကိုကို့အသက်လေးနဲ့တူပါတယ်ဗျ"
"ဟာ.. ..."
"အသက်လေးကိုကိုရူးတော့မယ်သိလား"
"ဘာလို့လည်း"
"အသက်လေးကချစ်ဖို့ကောင်းလွန်းလို့ကိုကိုအသည်းယားလွန်းလို့ရူးတော့မယ်"
"ကို.. အင့်"
မပြောမဆိုနဲ့ဆွဲဖက်လိုက်တဲ့ကိုကို့ကြောင့်ရိပေါ်မှာအင့်ခနဲ ရိပေါ်တို့ကိုအရှေ့ကလူတွေမမြင်ရအောင်ကိုကိုကလိုက်ကာစကိုဆွဲပိတ်လိုက်တယ် အရှေ့ကလူတွေကလည်းခလူးခလောနဲ့သေနေကြတော့သူတို့ကိုသတိတောင်မထားမိပေ
"ကိုကို..!!"
ရိပေါ်ကိုပွေ့လို့ပေါင်ပေါ်တင်လိုက်တာကြောင့်ရိပေါ်ကကိုကို့ကိုခွထိုင်လျက်သားလေး ကိုကိုကရိပေါ်ရဲ့လည်တိုင်ကြားတိုးဝင်ကာမျက်လုံးလေးမှိတ်လို့မှေးနေလေတယ် ရိပေါ်ကသာကိုကို့ရဲ့အပြုအမူတွေကြားတောင့်တောင့်လေး
"ကိုကိုအိပ်ချင်တယ်အသက်လေး"
ရိပေါ်ရဲ့ကိုယ်လေးကို ကိုကိုကသူ့ရဲ့ရင်ဘတ်နဲ့ကပ်သည်အထိတင်းတင်းကျပ်ကျပ်ဖက်လိုက်တာကြောင့်ရိပေါ်တို့ကြားလေပင်တိုးလို့မရပေ ရိပေါ်ကကိုကို့ရဲ့ပေါင်ပေါ်မှာခွထိုင်နေရတာကြောင့်ကိုကို့ထက်အနည်းမြင့်နေလေသည် ရိပေါ်လည်းကိုကို့ရဲ့ပုခုံးပေါ်မေးလေးတင်လို့မျက်လုံးလေးမှိတ်ထားရင်း
"ကိုကိုအိပ်ချင်အိပ်လိုက်လေ ကျွန်တော်လည်းအိပ်မယ်"
ထိုသို့ဖြင့်ကောင်လေးနှစ်ယောက်တစ်ယောက်ပုခုံးပေါ်တစ်ယောက်မျက်နှာဝှက်လို့ခရီးလမ်းတစ်လျှောက်အိပ်ရင်းနဲ့ပင်လိုက်လာလေတယ်
[ ဒီအခန်းကကိုကိုမင်းခန့်ရဲ့ supernal loveထဲကအခန်းလေးတစ်ခန်းနဲ့ခပ်ဆင်ဆင်လေးရယ် တူတော့မတူဘူးနော် ဟုတ်တယ်မလား]
_ _ _ _ _ _ _ _ _ _ _ _ _ _ _ _ _ _ _
သူတို့ရောက်လာတဲ့နေရာကကျူးလစ်ပန်းခင်းကြီး
ကျူးလစ်ပန်းရောင်စုံတွေကထွက်ပေါ်စနေရောင်အောက်မှာလှပစွာယိမ်းနွဲ့လျက်ပင်
အိမ်သေးလေးတစ်လုံးအပြင်ရဲတိုက်ကြီးကပါပန်းခင်းကြီးထဲရှိနေသောကြောင့်သူတို့အတွက်နေဖို့စားဖို့မပူရ။ သိပ်လှတဲ့ဒီနေရာကိုရောက်တာနဲ့သူတို့အားလုံးရဲ့မျက်နှာကအပြုံးပန်းများဝေဆာလို့ပင်
"ဓါတ်ပုံထဲမှာထက်ပိုလှနေတယ်"
"ဟုတ်ပါ့နော်"
"ရေးးး.....ဝိုးးး..လှလိုက်တာ"
အော်ပြီးပန်းခင်းကြီးထဲပြေးဝင်သွားတဲ့စန်စန့်နောက်ကိုချီချီနဲ့ဇီယိတို့ကပါပြေးလိုက်သွားလေတယ်
ဖေးဖေးကတော့အစကမလိုက်ဘူးဆိုပေမယ့်doctor ziပြေးသွားတာမြင်တော့သူမနောက်ကိုပြေးလိုက်သွားလေတယ်
"ကိုကိုလာ..!"
သူ့လက်ကိုဆွဲကာပန်းခင်းကြီးထဲပြေးဝင်သွားတဲ့အသက်လေးကအတော်လေးကိုပျော်နေပုံပင်
ပန်းခင်းကြီးထဲမှာပြေးလွှားကစားနေတဲ့ကလေးတွေကိုကြည့်ကာဝမ်လင်းနှစ်နှစ်ခြိုက်ခြိုက်ပြုံးမိလေတယ်
"လင်းအယ်...ဘာတွေငေးနေတာလည်း"
"ပိုင်ပိုင်ကြည့်စမ်း....ကလေးတွေဘယ်လောက်တောင်ပျော်နေလည်းဆိုတာ"
"ကိုယ့်ကလေးလေးကရောမပျော်ဘူးလာယ"
ပြောရင်းပင်သူမရဲ့ပါးကိုလာညှစ်တဲ့ပိုင်ပိုင့်ရဲ့လက်ကိုအသာလေးပုတ်ထုတ်လိုက်လေတယ်
"သိဘူး ပစ္စည်းတွေသွားသိမ်းအုံးမယ်"
အိမ်ထဲဝင်သွားတဲ့လင်းအယ်နောက်ကိုသူလည်းပစ္စည်းတွေသယ်လို့လိုက်သွားလေတယ်
_ _ _ _ _ _ _ _ _ _ _ _ _ _ _ _ _ _ _ _
"WoW..!!အမြင့်ကြီးပဲ ပျံလိုက်စမ်းပါအမြင့်ကြီးကို......"
စွန်လွှတ်ရင်းအော်နေတဲ့အသက်လေးကိုကြည့်ကာရှောင်ကျန့်ယုန်သွားလေးတွေပေါ်သည်အထိရယ်လိုက်လေတယ် ရယ်တိုင်းသာအသက်ရှည်မယ်ဆိုရင်သူ့အတွက်နောက်ထပ်နှစ်၅၀လောက်ကအသာလေးပင်
"ဟင့်..."
ရှိုက်သံလေးထွက်လာတဲ့အသက်လေးကိုကြည့်လိုက်တော့ကောင်းကင်ကိုပဲကြည့်ကာအရည်ကြည်များဝဲနေလေတယ် အသက်လေးမော့ကြည့်နေတဲ့နေရာကိုကြည့်လိုက်တော့အသက်လေးကစွန်ကကြိုးပြတ်ပြီးအဝေးကိုလွင့်သွားခြင်းပင် ဒါကိုအသက်လေးကဝမ်းနည်းနေသည်တဲ့လား
ရိပေါ်တစ်ယောက်သူ့ရဲ့ကြိုးပြတ်သွားတဲ့စွန်လေးကိုကြည့်နေရင်းသူ့လက်ထဲရောက်လာတဲ့ရစ်ဘီးလေးတစ်ခု ရိပေါ်ကြည့်လိုက်တော့ဒါဟာကိုကို့စွန်ရဲ့ရစ်ဘီးပင် ရိပေါ်ကြောင်နေစဥ်မှာပဲကိုကိုကရိပေါ်ရဲ့အနောက်မှာနေရာယူလို့ရ်ပေါ်လက်ပေါ်ကနေအုပ်ကိုင်ကာစွန်လွှတ်နေတယ်
အခုရိပေါ်နဲ့ကိုကို့ပုံစံကအဖေကသားငယ်ကိုစွန်လွှတ်သင်ပေးနေတဲ့အတိုင်းပင်
"ကိုကို..!"
"အသက်လေးဟိုမှာကြည့်စမ်း"
ကိုကိုလက်ညှိုးထိုးပြရာကိုကြည့်လိုက်တော့ဝေဟင်မှာလွတ်လပ်စွာပျံသန်းနေတဲ့ပန်းရောင်စွန်လေးတစ်ခု ဒါချီချီတို့စွန်ပင် ရိပေါ်နားမလည်သလိုလေးကိုကို့ကိုလည်ပြန်ကြည့်လိုက်တော့ကိုကိုကအဓိပ္ပါယ်ဆိုမရတဲ့အပြုံးမျိုးပြုံးနေလေတယ် အထာနပ်တဲ့ရိပေါ်ကကိုကို့အပြုံးကိုနားလည်ပြီးသူ့ရဲ့မူပိုင်မဲ့ပြုံးလေးပြုံးလို့ပင်
မိနစ်အနည်းငယ်အကြာ~~~
"ဟင်..စန်စန်ရေကူအုံးဟ"
"မမရေစန်တို့ဘယ်လိုလုပ်မလည်း သူတို့ကတမင်သတ်သတ်ကြီးလိုက်နှောင့်ယှက်နေတာ"
မိန်းကလေးနှစ်ယောက်ကသူတို့စွန်ကြိုးလိုက်ဖြတ်နေတဲ့စွန်ရဲ့ရန်ကနေလွတ်အောင်ကြိုးပမ်းနေတုန်းကောင်လေးနှစ်ယောက်ကတော့အူမြူးနေကြလေတယ်
"ဟင့်...အီးဟီးး"
"အီးဟီးး..."
ထိုမိန်းကလေးနှစ်ယောက်ရုတ်တရက်ကြီးထငိုရတဲ့အကြောင်းအရင်းကတော့သူမတို့ရဲ့စွန်လေးကကြိုးပြတိပြီးအဝေးကိုလွင့်သွားခြင်းကြောင့်ဖြသ်သည်
ကောငွ္်လေးနှစ်ယောက်ကတော့သူများကိုငိုအောင်လုပ်ပြီးခွက်ထိုးခွက်လန်ရယ်နေလေတယ်
ယုတ်မာရတဲ့ခံစားချက်ကဒီလိုမျိုးပျော်ဖို့ကောင်းတယ်
"ဝမ်ရိပေါ် !!ရှောင်ကျန့်!!နင်တို့သေဖို့သာပြင်ထားကြတော့"
ချီချီကရိပေါ်တို့ကိုလိုက်ရိုက်တော့ရိပေါ်နဲ့ရှောင်ကျန့်မှာပန်းခင်းကြီးထဲပတ်ပြေးရပြန်တယ်
ကန်းခင်းကြီးထဲမှာတစ်ယောက်လက်ကိုတစ်ယောက်ဆွဲလို့ပြေးလွှားနေသူလေးတွေကငှက်လေးတွေလိုလွတ်လပ်တယ် ရယ်သံလေးတွေကြားရသူဖို့နားဝင်ချိုလှတယ် အပြုံးလေးတွေကနေရော၇်ခြည်ထက်နွေးထွေးလို့ ပန်းရောင်စုံတွေကြားမှာပျော်ရွှင်မှုကိုပုံဖော်နေတဲ့လူသားတွေကိုကြည့်ပြီးငှက်လေးတွေကအားကျလို့ လိပ်ပြာလေးတွေပျော်ရွှင်ကာပျားလေးတွေကကြည်နူးနေလေတယ် လေပြည်လေးတွေကလည်းတိုက်ခတ်နေကာပန်းလေးတွေကလေပြည်တွေကြားယိမ်းနွဲ့နေတယ်
အချစ်ကပူလောင်တယ်လို့ဘယ်သူပြောလဲ
နေတတ်မယ်ဆိုရင်အချစ်ကတကယ်အေးမြပါတယ်
_ _ _ _ _ _ _ _ _ _ _ _ _ _ _ _ _ _ _ _ _
"ကဲကဲ...နေ့လည်စာစားကြမယ်"
မြက်ခင်းစိမ်းလေးပေါ်အခင်းလေးခင်းလို့စားစရာတွေချရင်းပြောလေတော့မကြာပါဘူး
သူမနားကိုရောက်လာကြတဲ့ကလေးတွေ..
"ဝါးး...အကုန်လုံးသားအကြိုက်တွေကြီးပဲ"
အရမ်းပျော်နေပြီဆိုရင်ကိုယ့်ကိုယ်ကိုသားလို့သုံးနှုန်းတတ်တဲ့ဝမ်လေး
ပန်းရောင်အင်္ကျီလေးနဲ့ကလေးဆန်နေတဲ့ဝမ်လေးကအတော့်ကိုချစ်ဖို့ကောင်းနေလေတယ်
"သားရေ...အာ~~"
ထမင်းလိပ်လေးတစ်ခုကိုယူလို့ဝမ်လေးကိုခွံကျွေးဖို့လုပ်တော့ဝမ်လေးခေါင်းခါပြီးရှောင်ကျန့်ဘက်လှည့်သွားလေတယ်
"ကိုကိုခွံကျွေး...."
"ဟုတ်ပါပြီဗျ...အာ~~~"
ရှောင်ကျန့်ခွံကျွေးတာကိုသာစားနေသောရိပေါ်ကြောင့်ဝမ်လင်းမှာကြောက်တောင်တောင်လေး
အရင်တုန်းကရိပေါ်ကသူမခွံကျွေးတာကိုသာစားလေတယ် အခုများတော့
"ပိုင်ပိုင်အာ~~~"
"ကိုယ်...အွင့်"
ပြန်ပြောမလို့ပဲရှိသေးပါးစပ်ထဲခိုးထည့်ခံလိုက်ရသောထမင်းလိပ်တွေ လင်းအယ်ကိုကြည့်လိုက်တော့သူ့ကိုစူးစူးရဲရဲကြည့်နေလေတယ် သူနားလည်လိုက်ပါပြီ"
"ပိုင်ပိုင်ရော့ ဒါလေးစား
အအေးလေးသောက်အုံး ကိတ်လေးရောပဲ အာရီးဂူးပိုင်ပိုင်ကချစ်ဖို့ကောင်းလိုက်တာ "
သူ့ရှေ့မှာတမင်သတ်သတ်လာရိုပြနေသောမမကြောင့်ရိပေါ်လည်းအားကျမခံသူ့ရဲ့ညာဏ်နီညာဥ်နက်ညာဏ်ပြာတွေကိုထုတ်သုံးလေတယ်
"ကိုကို တားဒါလေးစားချင်တယ် ဒါလေးရော
ကိတ်မုန့်လေးကချိုလိုက်တာ ကိုက်ုခွံကျွေးလို့လားမသိဘူး ကိုကိုကချစ်စရာကြီး"
နေ့လည်စာစားချိန်မှာလာပြီးပြိုင်နေသောမောင်နှမနှစယောက်ကြောင့်ထိုအချိန်လေးကလည်းအပြုံးမပျက် ရည်သံမပျောက်ဘဲ မှတ်ညာဏ်ထဲမှာသိမ်းထားချင်စရာအခိုက်အတန့်လေး
_ _ _ _ _ _ _ _ _ _ _ _ _ _ _ _ _ _ _ _
နေ့လည်စာစားပြီးချိန်အားလုံးကအနားယူနေကြပေမယ့်သူနဲ့အသက်လေးကတော့တစ်ယောက်လက်ကိုတစ်ယောက်ဆွဲလို့ပန်းခင်းကြီးထဲလမ်းလျှောက်နေလေတယ်
"ကိုကို ကျူးလစ်တွေကလှတယ်နော်"
"ဟုတ်တာပေါ့ သူတို့ကအရမ်းလှတယ်"
"ကိုကိုကျူးလစ်ပန်းကိုကြိုက်လား"
"ကာနိုလာပန်းကိုပိုကြိုက်တယ်"
"သားကိုရော..."
"အသက်လေးကိုမကြိုက်ဘူး.."
သူ့စကားကိုဆုံးအောင်နားမထောင်ဘဲလပ်ဖြုတ်သွားတဲ့အသက်လေးကြောင့်သူမြန်မြန်ပင်ရှင်းပြဖို့ပြင်ရလေတယ်
"ကိုယ်ကအသက်လေးကိုမကြိုက်ဘူးလေ ကိုယ်ကအသက်လေးကိုချစ်တာ"
"အဲ့တာများတစ်ခါတည်းပြောတော့ဘာဖြစ်မှာမို့လို့လည်း"
"ဟုတ်ပြီဟုတ်ပြီ ကိုယ်မှားပါတယ်နော်"
"ကိုကိုကြည့်စမ်း လိပ်ပြာလေးကဒီပန်းလေးနားမှာပဲဝဲနေတယ်"
ကျူးလစ်အဖြူလေးနားမှာပဲဝဲနေတဲ့လိပ်ပြာပန်းရောင်လေးကိုကြည့်ပြီးရှောင်ကျန့်သတောတကျပြုံးလိုက်လေတယ်
အသက်လေးကတော့ဒါကိုစိတ်ဝင်တစားကြည့်နေတယ်
"ကိုကို.."
"ဗျာ.. "
"ကိုကိုကပန်းလေးဆိုရင်သားကလိပ်ပြာလေးလုပ်မယ်"
"ဟင်~~~"
အသက်လေးစကားကြောင့်ရှောင်ကျန့်ကြောင်သွားလေတော့အသက်လေးကသူ့အင်္ကျီကိုမျက်စပသ်ပြလေတယ် ထိုတော့မှသူ့အင်္ကျီသူပြန်ကြည့်မိတော့အင်္ကျီကအဖြူရောင်လေး အသက်လေးကပန်းရောင်လေးဝတ်ထားတာကြောင့်သူချက်ချင်းနားလည်သွားတယ် အသက်လေးဆိုလိုတာက သူကကျူးလစ်ပန်းအဖြူလေးဖြစ်ပြီးအသက်လေးကလိပ်ပြာပန်းရောင်ပေါ့
"လိပ်ပြာလေးလိုအနားမှာဝဲနေ~~~~
ဆွဲဆောင်လွန်းတဲ့မင်းရဲ့နှုတ်ခမ်းပါးလေး~~~~
~~~~~~~~~~🎶"
သီချင်းလေူဆိုလို့သူ့အနားလေးကိုလိပ်ပြာလေးဝဲသလိုဝဲလာတဲ့အသက်လေးကြောင့်ရှောင်ကျန့်ရဲ့ပျော်ရွှင်မှုကအတိုင်းအဆမသိပေ
လိပ်ပြာလေးရဲ့ပုံစံကိုအတုခိုးလို့သီချင်းတဆိုဆိုနေတဲ့ပျော်ရွှင်နေတဲ့ကောင်လေးကိုကြည့်ကာယုန်သွားလေးတွေပေါ်သည်အထိပြုံးနေတဲ့ကောင်လေးတစ်ယောက်
အရိပ်အမိုးလုံးဝမရှိတဲ့ပန်းခင်းကြီးထဲမှာနေလောင်မှာမကြောက် အပူဒဏ်ကိုမဖြုံတဲ့ကောင်လေးတွေကအလှပဆုံးအပြုံးတွေနဲ့ပင်
အချစ်ကကြောက်စိတ်ကိုဖယ်ရှားပေးနိုင်ပါတယ်
"ပိုင်ပိုင် လင်းအယ်တို့လက်ထပ်ပြီးရင်းသားလေးမွေးမလားသမီးလေးမွေးမလား"
ဝမ်လေးတို့အတွဲကိုကြည့်ရေးပင်ရုတ်တရတ်ကြီးထမေးလာတဲ့လင်းအယ်ကြောင့်ပိုင်တန်းမှာကြောင်အမ်းအမ်း
"လင်းအယ်ကဘာလေးလိုချင်လည်း"
"လင်းအယ်ကတော့အမွှာပူးလေးလိုချင်တယ်"
"ဒါဆိုကိုယ်တို့ကြိုးစားရမှာပေါ့"
"ပိုင်ပိုင်နော် လင်းအယ်ကိုယုတ်မာဖို့စဥ်းစားနေတာလား"
"လင်းအယ်ခွင့်ပြုမှပါ"
"ဒါနဲ့လက်ထက်ပွဲကိုဘယ်နေ့လုပ်မလည်း"
"မြန်လေကောင်းလေပဲ ရှောင်ကျန့်ကိုလည်းတက်စေချင်လို့"
"အွန်း လက်ထပ်ပွဲကြရင်ဘယ်မှာလုပ်မလည်း"
"ကမ်းခြေမှာဆိုရင်ရော"
"အင်း အဲ့အကြံကောင်းတယ် လက်ထပ်ပွဲကိုလူရင်းတွေပဲဖိတ်မယ် ကြီးကြီးမားမားမလုပ်ပဲနဲ့"
"ဟုတ်ပါပြီဗျ"
"ပွဲကိုအဖြူရောင်အဓိကထားသုံးပြီးပန်းလေးတွေကိုကျူးလစ်အဖြူလေးသုံးမယ်"
"လင်းအယ်သဘောပါဗျ"
"ဟီးး..တကယ်လို့အမွှာလေးမွေးဖြစ်ရင် သားသားကိုပိုင်ရှောင်ရိလို့နာမည်ပေးမယ် သမီးလေးကိုပိုင်လင်းဘို လို့နာမည်ပေးမယ်"
"အွန်း အရမ်းလှတယ်နာမည်လေးက"
"လင်းအယ်ရဲ့အကြံတွေလေ"
"ဟုတ်တာပေါ့ဗျာ"
လင်းအယ်ရဲ့ပါးလေးကိုအသည်းတယားယားနဲ့ဆွဲညှစ်မိတော့လင်းအယ်ကပြုံးလို့ပင်
အချစ်ကထူးခြားပါတယ်
_ _ _ _ _ _ _ _ _ _ _ _ _ _ _ _ _
ညဘက်ရောက်တော့ကောင်းကင်ကမှောက်မိုက်နေတာမျိုးမဟုတ်ဘဲအပြာနက်ရောင်လေးပင်
တိမ်တွေကင်းစင်ပြီးကြယ်လေးတွေကလည်းတောက်ပလို့
လရောင်အောက်မှာကောင်လေးနှစ်ယောက်ကကြယ်လေးတွေကိုကြည့်လို့ရေတွက်နေတယ်
လက်မောင်းပေါ်ခေါင်းအုံးလို့လက်ညှိုးတထိုးထိုးနဲ့ကြယ်လေးတွေကိုရေတွက်နေတဲ့အသက်လေးကိုကြည့်ရင်းသူပြုံးမိတယ် မျက်ဝန်းကမျက်ရည်တချို့ကပျော်လို့ကျခြင်းပင်
"အင့်..ကိုကို"
ကြယ်လေးတွေကိုရေတွက်နေရင်းဆွဲဖက်ခံလိုက်ရတာကြောင့်လူကအင့်ခနဲ
"ကိုကိုအသက်လေးကိုချစ်လွန်းလို့ဘယ်လိုလုပ်ရမလည်း"
"ကိုကိုချစ်ရင်ထားမသွားပါနဲ့"
ရိပေါ်ခံစားမိပါတယ်
ကိုကို့ရဲ့လက်တွေအေးစက်နေတယ် နှုတ်ခမ်းတွေကလည်းဖြူဖျော့လို့အသပ်ရှူသံကလည်းခပ်ပြင်းပြင်း
သူ့ကိုဖက်ထားရင်းနဲ့ပင်ကိုကိုကမျက်လုံးလေးမှိတ်လို့မှေးနေလေတယ်
"ကိုကိုမအိပ်နဲ့အုံးနော် ကျွန်တော်ပြောစရာရှိသေးတယ်"
ခေါင်းတစ်ချက်ငြိမ့်လိုက်တဲ့ကိုကိုကနားထောင်နေသည့်သဘောပင် ရိပေါ်လည်းမျက်ရည်မကျအောင်မျက်တောင်ပုတ်ခတ်ပုတ်ခတ်လုပ်လို့ထိန်းလိုက်ပြီး
"ကျွန်တော်ကိုကို့ ကိုအရမ်းချသ်တယ်
ကျွန်တော်တောင်မသိလိုက်ခင်မှာပဲကျွန်တော်ကိုကို့ကိုအရမ်းချစ်မိသွားပြီ တကယ်အံ့သြစရာကြီးပဲ
ကိုကိုကျ့န်တော့်ကိုလမ်းခွဲစကားပြောပြီးပျောက်သွားပေမယ့်ကျွန်တော်ကကိုကို့ကိုမုန်းရမယ့်အစားချစ်နေမြဲပဲ ကျွန်တော်ကိုကို့ကိုတစ်မိနစ်လောက်မတွေ့ရရင်ကိုသိပ်လွမ်းတာသိလား ကိုကို့အနားမှာပဲတစ်ချိန်လုံးကပ်နေချင်တာ ကျွန်တော်ကိုကို့အပြုံးကိုအရမ်းသဘောကျတယ် ကိုကိုပြုံးနေတာလေးပဲမြင်ချင်တယ် အင့်"
ခါးပေါ်ကလက်တွေကအားလျော့လို့အောက်ကိုပြုတ်ကျသွားချိန်ရိပေါ်ရဲ့မျက်ရည်တွေကတာပျိုးသလိုစီးကျလာလေတယ် ကိုကို့ရဲ့ခန္ဓာကိုယ်ကြီးကိုအတင်းတွေဖက်တွယ်လို့
"ကိုကို့ ကိုအရမ်းချစ်တယ် အသက်ထက်ချစ်တယ် ဘာနဲ့မှနှိုင်းယှဥ်မရအောင်ချစ်တယ် ကိုကိုကလွဲပြီးဘယ်သူ့ကိုမှချစ်ပေးစရာအချစ်တွေမရှိတော့လောက်အောင်ချစ်တယ် ကိုကိုသိလား ကျွန်တော်ကကိုကိုကလွဲပြီးဘယ်သု့ကိုမှချစ်လို့မရတော့ဘူးဆိုတာ ကိုကိုကကျွန်တော့်ပျော်ရွှင်မှုပဲ ကိုကိုမရှိပဲကျွန်တော်မပျော်ရွှင်နိုင်ဘူး ကိုကိုရယ် ကျွန်တော့်ကိုထားမသွားပါနဲ့
အီးဟီး... ဟင့် ကိုကို...!!"
ငိုရှိုက်သံတို့ကတိတ်ဆိတ်သွားတယ် မျက်ရည်တွေကတော့ပါးပြင်နုနုပေါ်စီးကျတုန်း ကိုကို့ရဲ့ရင်ခွင်ထဲတိုးဝင်ကာခါးကိုတင်းကြပ်အောင်ဖက်ထားမိတယ်
"ဒါအိမ်မက်ပဲ
မနက်ကျရင်အားလုံးကအဆင်ပြေသွားမှာ
ကိုကိုကလည်းငါ့ကိုလုံးဝထားသွားမှာမဟုတ်ဘူး
ဟီးး..ကိုကိုကငါ့ကိုသိပ်ချစ်တာ ဟင့်..ထားသွားမှာမဟုတ်ဘူး"
တစ်ယောက်တည်းရယ်လိုက်ငိုလိုက်ဖြင့်ရေရွတ်နေတဲ့စကားသံတွေကခြောက်ကပ်သွာပင်
အချစ်ကတစ်ခါတစ်လေကျရင်လူကိုရူးေစပါတယ်
လိုတာထက်ပိုချစ်မိရင်လူကိုရူးစေနိုင်တဲ့အဆိပ်တစ်ခုလိုပါပဲ
_ _ _ _ _ _ _ _ _ _ _ _ _ _ _ _ _ _
Words - 3252
Update - 11,4,2024
Arthur - di