အခန်း (၃၇.၂)
အောင်ပွဲ
"အစ်ကိုဝမ်းကွဲက ကျွန်မကြောင့်နဲ့ အမေကို မဆန့်ကျင်ချင်တာကို၊ ကျွန်မ ကောင်းကောင်း နားလည်ပါတယ်။ ကျန်းအိမ်တော်က လူတွေအားလုံးက တစ်ခြားအရာတွေရှေ့မှာ ကိုယ့်အန္တရာယ်ကင်းဖို့ကိုပဲ လုံးဝ ဂရုစိုက်ကြတယ်။၊ ကျွန်မလည်း သူတို့ကို အပြစ်မတင်ပါဘူး။ ရှေ့လျောက် ဝမ်းကွဲအစ်ကိုက ကျွန်မနဲ့ အခုလိုမျိုး တရင်းတနှီး မပြောပါနဲ့။ ကျွန်မကတော့ ဒီလို ပုံရိပ်တွေကို စောင့်ထိန်းစရာမလိုတဲ့ ဒီလိုလူတစ်ယောက်ပါ" ကျန်းလီက အလျင်စလို မဟုတ်ဘဲ၊ ဖြည်းဖြည်းချင်း ပြောခဲ့တယ်။
ကျန်းကျင်းရော့ က ဒီစကားလုံးတွေက အလွန်ခံရခက်ပြီးတော့ ဘယ်လို ပြန်ပြောရမလဲကို မသိခဲ့တော့ဘူး။ ကျန်းလီက သူ့ကို သတ္တိမရှိတဲ့ လူလိုမျိုး လှောက်ပြောင်သရော်စွာနဲ့ ပြောနေခဲ့ ပြီးတော့ ခေါင်းကို မရိုက်ရဲရုံဘဲ ရှိနေခဲ့တယ်။ အဆုံးသတ်မှာတော့၊ သူက ငယ်စဉ်ကတည်းက အလိုလိုက်ခံပြီးရတော့ ပျက်စီးနေတဲ့ လူငယ်တစ်ယောက်သာ ဖြစ်နေခဲ့တယ်။ သူက ဒီစော်ကားမှုကို ဘယ်လို လက်ခံနိုင်ခဲ့လိမ့်မလဲ။
သူက ချက်ချင်းပဲ ပြောလိုက်တယ်။
"ငါ သိပါပြီ၊ အရမ်းမနှစ်မြို့တဲ့ပုံနဲ့တော့ မပြောပါနဲ့။ ငါ နောက်ထပ် လာမှာ မဟုတ်တော့ဘူး"
ပြောပြီးတဲ့အချိန်မှာ၊ သူက လက်ဖက်ရည်ခွက်ကို အသံမြည်အောင် ချလိုက်ပြီးတော့ ဒေါသတကြီးနဲ့ ထွက်သွားခဲ့တယ်။
တုန်အာက တုန်လှုပ်သွားခဲ့ပြီးတော့ ငြီးတွားပြောဆိုလိုက်တယ်။
"ဒုတိယသခင်လေးက ဒီလို ရက်စက်တဲ့ စိတ်ထားမျိုး ဘယ်လို ရှိနိုင်ရတာလဲ"
အဲ့ဒီနောက်မှာ သူမက ကျန်းလီကိုကြည့်လိုက်တယ်။
"သခင်မလေးက သူ့ကို ပြောတုန်းက အရမ်းကြောက်နေခဲ့သေးလား"
ကျန်းလီက သူမရဲ့ လက်ဖက်ရည်ခွက်ကို ထိလိုက်တယ်။
"ကျန်းကျင်းရော့၊ ဒီလူရဲ့ မွေးရာပါ အရည်အချင်းက မဆိုးပါဘူး။ တစ်ကိုယ်ကောင်းဆန်ပေမဲ့၊ သွေးအေးရက်စက်တဲ့အထိတော့ တစ်ကိုယ်ကောင်း မဆန်ပါဘူး။ အဲ့လိုမှ မဟုတ်ရင် သူက အရင်တုန်းက ငါ့ကို သတိပေးနေမှာ မဟုတ်ဘူး။ လူသိများတဲ့ မိသားစုကြီးမှာ နေရတာက၊ ဝါသနာတွေက ရှုပ်ထွေးဆန်းကြယ်နေပြီးတော့၊ အရာရာတိုင်းကို စိုးရိမ်ကြောင့်ကြနေခဲ့ရတယ်။ သူ လုပ်ခဲ့ပေးတဲ့အရာကို ငါ နားလည်ပေမဲ့ ငါမကြိုက်ဘူး"
ဖြစ်နိုင်တာကတော့ ရွှီဟိုင်ယန် အမှားအမှန်ကို ခွဲခြားတတ်စေဖို့ သင်ကြားပေးခဲ့တာကြောင့် ဖြစ်နိုင်ခဲ့တယ်။ ကျန်းလီကိုယ်တိုင်က ဒီလိုလူစားမျိုးကို အကြွင်းမဲ့ မုန်းတီးခဲ့တယ်။ သူ့ကို လူတော်လူကောင်းလို့ ပြောရင်တော့၊ သူက မုန်းတီးစရာကောင်းတဲ့သူပါ။ သူသည် လူဆိုးတစ်ယောက်လားလို့ ဆိုရင်တော့၊ သူ့က သိပ်မဆိုးပေမဲ့၊ လူတွေကို စိတ်ရှုပ်စေခဲ့တယ်။
"ငါ့ကို မုန်းတီးနေတာပဲ ဖြစ်ဖြစ်၊ ငါ့ကို တခြားအဆက်အသွယ် မလုပ်တော့တာပဲ ဖြစ်နေပါစေ၊ ဒါမှမဟုတ် ငါ့အပေါ် သူ့မှာ အပြစ်ရှိတယ်လို့ ခံစားစေချင်လို့၊ ငါ အဲ့လို ပြောလိုက်တာ။ အဲဒီ့အချိန်ကစပြီး ငါ့ပြဿနာက ထပ်ပြီး စောင့်ကြည့်ခံရမှာ မဟုတ်တော့ဘူး။ သူ့ရဲ့ ချဥ်းကပ်မှုက သိသာပြီးတော့ ပြတ်သားမနေခဲ့ဘူး။ မပြတ်သားတဲ့လူကို နင့် အနားမှာ ထားထားရင်၊ နောက်ဆုံးမှာ အန္တရာယ် ဖြစ်လာပြီးတော့ ၊ တစ်နေ့ နင့်နောက်ကျောကနေ ဓားနဲ့ထိုးခံရလိမ့်မယ်"
တုန်အာက လုံးဝ နားမလည်နေပေမဲ့၊ သူမရဲ့ ခေါင်းကို ငြိမ့်ပြလိုက်တယ်။
"သခင်မလေးပြောတာက အဓိပ္ပာယ်ရှိတယ်။ မဟုတ်ရင် ဒီနေ့ ရှန်းချောင်က သူ့လုပ်ရပ်တွေရဲ့ အကျိုးဆက်တွေကို ခံစားလိုက်ရမှာမဟုတ်ဘူး"
ရှန်းချောင်က နွေးထွေးဖော်ရွှေတဲ့ ခြံဝင်းက ပြန်လာတဲ့နေ့က၊ ကျန်းလီရဲ့ ဆံထိုးထည့်ထားတဲ့ သေတ္တာလေးကို ချက်ခြင်း ယူပြီးတော့ အဲဒါကို နေရာရွှေ့လိုက်တယ်။ မကြာခဏ သူမက တုံ့ဆိုင်းနေတဲ့ပုံ ပေါ်ခဲ့တယ်။ တုန်အာက ဒီကိစ္စကို ကျန်းလီ ကို သတင်းပို့ခဲ့ပြီးတော့၊ ကျိရှုရန်က မွေးနေ့လက်ဆောင်ကို ခိုးယူချင်နေတာ ဖြစ်လိမ့်မယ်လို့ သူမက တွေးတောခဲ့တယ်။ ဒုတိယကျန်းသခင်မလေးက သူမရဲ့ မိထွေးကို ထိခိုက်စေပြီးတော့ သူမရဲ့ မောင်ကို သတ်ပစ်ခဲ့တယ်ဆိုတဲ့ ဂုဏ်သတင်းကြောင့်၊ ကျိရှုရန်ရဲ့ အစီအစဉ်ကို မှန်းဆဖို့ဆိုတာက မခက်ခဲခဲ့ဘူး။
37 03
ပစ္စည်းတွေကို တုပပြီးတော့ အတုပြုလုပ်နိုင်တဲ့ လက်မှုပညာသမားတစ်ဦးအကြောင်းကိုပြောဖို့ အပြင်က လူတစ်ဦးကို လာဘ်ထိုးမေးဖို့ တုန်အာကို ကျန်းလီက စေခိုင်းခဲ့တယ်။ သေချာတာပေါ့၊ ရှန်းချောင်က ဆံထိုးကို အစားထိုးဖို့ ဒီလက်မှုပညာသည်ကို ရှာဖွေခဲ့တယ်။ ကျန်းလီကလည်း ယွီရှန်း(ယွင်ရှန်) ရဲ့ရှေ့မှာ ရှန်းချောင်အကြောင်း မနှစ်မြို့စရာစကားတွေကိို တုန်အာကို ပြောခွင့်ပေးခဲ့တယ်။ ရှန်းချောင်က ကျန်ူလီဆီကနေ ဆုလာဘ်တွေ အများကြီးရထားတယ်လို့ သူမက ပြောခဲ့တယ်။ ယွင်ရှန်က ကျန်းလီရဲ့ အကြံအစည်ကို သိရှိသွားပြီးတော့ ရှန်းချောင်ကို မနာလိုဖြစ်ခဲ့တယ်။ ဒါကြောင့် ယွင်ရှန်းက အခြေအနေကို အခွင့်ကောင်းယူပြီးတော့ ရှန်းချောင်ကိုသတ်ဖို့ ကျန်းလီကို ကူညိဖို့ရာ ဆုံးဖြတ်ခဲ့တယ်။
ဒါကြောင့် ရှန်းချောင်ကို ဖမ်းမိတဲ့ အခါတုန်းက၊ ကျိရှုရန်ရဲ့ သံသယ ကြီးထွားလာစေဖို့ ကျန်းလီက ယွင်ရှန်ကို တစ်ခုခုပြောလိုက်တယ်။ ပြဿနာက အရမ်း အဆင်ပြေသွားခဲ့တယ်။ ယွင်ရှန်က ကျန်းလီကိုယ်စား ရှန်းချောင် ကို လက်စားချေခဲ့ပြီးတော့၊ ကျိရှုရန်က ကျန်းလီကိုယ်စား ယွင်ရှန်းကို လက်စားချေခဲ့လိုက်တယ်။ ဖန်းဖေး ဥယျာဉ်တော် တစ်ခုလုံးမှာရှိတဲ့ လူတွေကို အောက်ခြေကနေ အပေါ်အထိ သန့်ရှင်းပြီးတော့ လူအစားထိုးတာကို တစ်ခါထဲနဲ့ အားလုံးအတွက် ပြုလုပ်ခဲ့တယ်။
အဲ့ဒီအထဲမှာမှ၊ ရှန်းချောင်ရဲ့ လောဘ၊ ယွင်ရှန်ရဲ့ မနာလိုမှု၊ ကျိရှုရန်ရဲ့ သံသယတွေက တစ်ခုနှင့်တစ်ခု နီးကပ်စှာ ဆက်စပ်နေခဲ့ပြီးတော့၊ တစ်ခုမှတော့ မဖြစ်နိုင်ခဲ့ဘူး။ ကျန်းလီ အသုံးပြုခဲ့တဲ့အရာက လူ့သဘာဝမှာရှိတဲ့ မကောင်းမှုပဲ ဖြစ်ခဲ့တယ်။
လူ့သဘောသဘာဝက နက်နဲ ခက်ခဲခဲ့ပေမဲ့၊ နားလည်ဖို့ရာတော့ အလွယ်ကူဆုံး ဖြစ်ခဲ့တယ်။ ငါးစာ နည်းနည်း ထည့်လိုက်ဖြင်းဖြင့်၊ သူတို့ရဲ့ ရည်ရွယ်ချက်ကို သိရှိနိုင်ခဲ့တယ်။
အဲဒါတွေအားလုံးက ကျန်းလီက ရှန်းချောင်ကို ဆံပင်ညှပ်ကလစ် ပေးပြီးတဲ့အချိန်ကစပြီး မျိုးစေ့ကို စတင်ကြဲခဲ့တယ်။
မုဆိုးက အစကတည်းက ထောင်ချောက်ကို ထောင်ထားခဲ့ပြီးတော့နောက်ဆုံးမှာတော့၊ သားကောင်ကို ပိုက်ကွန်ထဲမှာ ဖမ်းမိခဲ့တယ်။
ဒီပြိုင်ပွဲမှာ ကျန်းလီက အနိုင်ရသွားခဲ့တယ်။
Telegram မှာ အပိုင်း ၁၁၈အထိ ရောက်ပါပြီနော်။