بعدته عنها وقالت:مو عشان رضيت يعني ابادلك الشعور عزام
عزام وهو يتبوسم:تحبيني مع الوقت مو مشكله
مي:بس تراك للحين مطرود
عزام جلس يضحك وقال:ان كان هذا يرضيك فداك البيت واللي فيه
مي مو مصدقه انه لهذي الدرجه هو يحبها لدرجه يترك البيت عشانها ولأجلها كان في شي ينمو بداخلها مشاعر تجهلها
راح وهو يسحب الخيل ويقول للخيل:يلا ميي يلا قلبي يضحك وهو يقولها
وهي تشمق له عارفه مغزاه من الخيل هذي
دخلت مي البيت وبوجهها مها
انفجعت وقمزت:بسم الله! ليه تتجسسين ؟
مها ترفع حواجبها وتقول:خيل مره وحدهه! وش الدلع ذا
مي شنقت على مها وراحت تسوي لها حاجه تاكلها
وصل الخيل للحظيره وهو يبتسم ورايق مره
جاه نايف وقال:يالخوي اعلمك وش الجديد؟
عزام ترك الخيل يدخل وقفل وقال:وش العلم
نايف:خالد راح خطب نوير
انبسط عزام لانه يعرف قد ايش خالد يحب نوير
وقال:يبشر بالذبيحه ومحد بيذبحها غيرنا!
راحو الشباب يدورون لهم ذبيحه زينه عشان خطبة خالد
وصلوا للبيت ودخلت مها اول بعدها مي
كانوا جالسين كلهم بالصاله وسامي يسولف عليهم ويضحكون
شاف مي وانبسط رجع طفل صغير راح يضمها ويقول:هلا هلا بنظر عيني هلا
مها غارت وكتفت يدينها وقالت:اي محد نظر عينك الا هي!
ضحك صامل وسحبها وضمها وقال :امشوا امشوا نسولف من زمان عنكم
كانوا مثل قبل عائله سعيده مايهمها شي لا انتقام ولا حاجه
قبلوا في خالد وحددو موعد الزواج اللي كان بعد الخطبه بيومين وكان الكل مبسوط لهم الكل يعرف بحبهم لبعض
راحت سكينه ومعها مها ومي يباركون لها
كانوا مسوين حفله لخطبتهم والكل كان فرحان ويرقص
جت ام عزام تسحب مي عشان ترقص ومي كانت رافضه بس عمشه ماخلتها قامت ورقصت وكل الحريم يصفقون لها كانت اول مره تحس بالانتماء في هذا المكان تحرك يدينها يمين ويسار وبيدها الثانيه رافعه فستانها اللي ماسك على جسمها ومليان فصوص ترقص وتتمايل بشعرها وتضحك من قامت مها ترقص معها جاهلين اللي تصورهم وتنزلهم ستوري سناب
فز نايف من شاف الفديو وقال لعزام: ولددد تعال شوف قرب عزام له وشاف من سناب اخته وضحى اللي مصورتهم وهم يرقصون ويضحكون ذاب عزام من جمالها وجمال جسمها وشعرها وملامحها وعيونها و تغنج رقصها اما نايف ذايب لمها ماعمره شاف بنت حلوه مثلها الاثنين متجمعين على الجوال كأنهم ماشافوا بنات بذا الجمال
استوعب عزام وضرب كتف نايف وقال:حرمتي لاتشوفها! ضحك نايف وقفل جواله
خلصت الحفله وكان الكل منهلك مي لفت على مها وقالت:يلا مشينا
مها:لا بمشي مع ماما تعبانه بفرك ظهرها بعدين اجيك
مي رفعت كتوفها ومشت للبيت وهي بالقوه تحرك رجولها من زمان ما رقصت كانت بتتعثر الا بيد تمسك خصرها وتثبتها وارتعبت من سمعت صوته يقول:اسم الله عليك شكل عطوك عين
عدلت وقفتها لانها كانت متكيه عليه ولفت له وقالت:اقدر امشي ابعد
شال يدينه من خصرها ومشى معها البيت
وصلت غرفتها وطلعت جزمتها وجت بتطلع الفستان ابتلشت ماعرفت تفك السحاب
ماقدرت تقوله ماتبغى الموقف اللي قبل يتكرر
انقطعت افكارها من دخل الغرفه وهو ينادي بأسمها:مي بنت
صنمت من شافته وقالها:تبين اساعدك؟
سكتت ماقدرت تقول اي او ترفض
ابتسم من حيائها وخجلها وقرب منها وبدا يفك السحاب
حست بقربه وكانت مرتبكه وترجف من سجب السحاب اللي يكشف عن ظهرها انتبه لحبة خال في ظهرها ماقدر يمسك فضوله ولمس الحبه
فزت من حست بيده الدافيه على ظهرها وقطعت الصمت اللي بينهم من قالت:وش تسوي؟
فاق على نفسه واعتذر منها وخرج من الغرفه مسرع
تنهدت براحه من خرج من الغرفه بدلت ملابسها ونامت
لكن هو ماقدر يفكر بكل تفاصيلها كل ماله يطيح لها اكثر واكثر