كانت تبكي بهستيريا ماكانت تدري كيف تبرر لابوها
مها تمسح على ظهرها وقالت: انتي متأكده انك ماتعرفينه؟
مي نزلت يدها من وجهها ولفت على مها وقالت:والله ما اعرفه ولا ادري عنه قلت لكم كل شي!!! والله ما كنت ادري انه بيسوي كذا وقاومته
كانت تبكي مو قادره توقف عيونها تغرقت وكانت تفكر بكل اللي صار لها
دخل عليهم وهو منزل راسه ويقول : مي انتي تعرفينه من قبل؟
مي رفعت راسها وقابلت عيونه وشاف عيونها الحمراء من البكي ووجها منتفخ
وقالت مي: والله يابابا ما اعرفه صدقني والله ما كنت ادري انه مسوي كذا والله بابا صدقني
راح لها وضمها بقوه وقال: انا اصدقك يابابا والله اصدقك بس امي مصره انها تجوزكم عشان الفضيحه
مي بعدت عنه بصدمه وتقول: بابا لا تكفى ما ابغى اتزوج ذحين بليزز تكفى بابا
كان قلبه يتقطع كل ماتقول كلمة بابا تكفى
ماكان يقدر يسوي شي امه اقوى منه هو ضعيف
نامت بحضنه وهي تبكي
باليوم الثاني صحت على الفجر وتشوف ابوها ضامها حاولت تبعد يده وراحت تغسلت ولبست عبايتها وخرجت للحظيره بالخفيه دخلت الحظيره وكان نايم منهلك من الضرب قربت من وجهه تتأمله وطالعت في جرحه اللي عند شفته
وماحست على نفسها الى وهي ماسكه الجرح تتأمل
شالت يدها بسرعه من شافه فتح عينه ونطق وقال: وش تبين؟
ردت بتوتر وتطالعه صاد عنها وقالت: جيت اسألك ليه سويت كذا؟ ليه
رد عليها وهو يطالع بعيونها الحمرا من البكي وقال: عشاني أحبك ماتفهمين؟
انا حبيتك من اول مره شفتك فيها
وقفت بصدمه وعاقده حواجبها
ضحك من تعبير وجهها وكمل وقال: لذي الدرجه ماتحبيني؟
نطقت وهي تشد على عبايتها: مو ما احبك متقززه منك انا!!!!!
كيف تتوقع مني اتصرف بعد ماقلت لي كذا؟؟؟! انا مستحيل احب واحد مثلك فهمت!
كان يضحك من كلامها لانه ماكان يحبها ابداً وهذا كله كان جزء من خطته
كملت كلامها بعد ما اخذت نفس طويل وقالت :
الشررهه علي اني جيت اشيك عليك واعطيك الخبر اللي قرروه لي ولك!
لانت ملامح وجهه وقال: وش؟
بلعت ريقها ونطقت: بيزوجونا بسبب الفضيحه وتأشر بأصبعها عليه: اللي انت سويتها!
رمت له تفله على السريع وطلعت بسرعه
كانت معصبه كيف له الجرئه يسوي كذا
وهو لو فعلاً يحبها ماكان سوا هذا كله
رجعت للبيت وهي تقاوم الدموع ماتبي تضعف
دخلت وشافت مها واقفه على الباب
حطت يدها على قلبها وغمضت عيونها وقالت: مها فجعتيني!!
مها كتفت يدينها وقالت: وين كنتي؟
مي وهي تطلع جزمتها وتنطق: كنت امشي! ابي اصفي ذهني شوي
وقفت وكملت: مها تكفين ما ابغى اتزوجه هو شمال وانا غرب هو شرق وانا جنوب مانشبه بعض ابداً!
مها قربت لها وضمتها وقالت: والله لو بيدي كان خربت الزواج بس ما اقدر
مي تنهدت بزعل وخيبه ماكانت تبيه
كان حزين انه بيجرها للعبته لكنه كان مجبور مجبور انه يسحبها ماكان عنده خيار ثاني
كان بباله الانتقام
دخل عنده عبدالله وقال: ابو سامي البيت خلص بس بقى اثاث الصاله الغرف كلها والمطبخ متكامل
لفت مشايخ وقالت: خلاص هو ماعاد بيسكنه
لف عليها صامل بأستغراب وقال: اجل من بيسكنه؟
نطقت مشايخ: مي وعزام! هم بيتزوجون وين بيروحون يعني؟ ونادوهم نتقهوى خل نقنق عليها
