عزام وهو يطالع بعيونها اللي تهرب منه: تكفين اسمعي واذا ماعجبك كلامي انتي حره!
مي تحاول تسحب يدينها من كفوفه اللي ماسكتها بقوه :ما ابغى اسمع منك شي يكفي يكفي اكاذيب !! تكذب علي بكل حاجه خلااااص!
عزام:تكفين مي اسمعيني انا والله ثم والله اني حبيتك فعلاً بس كنت انكر مابي احبك وانا ماخذك لغايه ثانيه لكن كل ماقضيت معك وقت كل ماحبيتك صدق بالبدايه كنت امثل لكن ذحين.....
مي قاطعته بكلامها:بسسس!!!! بس بس لاتكذب علي لاتوهمني بأشياء كاذبه!!! انا كنت فعلاً مصدقه انك تحبني! يكفي والله يكفي انا كل يوم اجهد نفسي بالتفكير بالاشياء اللي تسويها! انت مرات تقفل بابك بوجههي وتخليني اكرهك بس مرات تفتح كل البيبان وتخليني اتوهم انك تحبني! لين متى كنت ناوي توهمني!
قاطع كلامها عزام :مي والله العظيم اني صح ماكنت احبك لكن مع الوقت حبيتك والله!
مي ماتركت له فرصه يتكلم وكانت تمشي مسرعه للبيت وهو وراها ويحاول يوقفها
عزام:يبنت وقفي اسمعي!
مي طنشته وكملت طريقها دخلت غرفتها وطلعت شنطه وبدت تطلع ملابسها من الدولاب ترميها من الشنطه وعزام تكلم:تكفين تكفين لاتتركيني مابي غيرك انا ما اقدر اعيش بدونك!
مي مطنشه وباقي ترمي الملابس
مسك كفوفها ىوقفها وقال:طيب طيب سوي اللي تبين بس لاتروحين
مي:بخلعك انا!!!
عزام:مايمديك مافي مهر!
يقول كذا لانها ماتعرف عن هذي الامور شي وتصدقه وماتروح
مي تناظر فيه وتفكر بحل :اجل تطلقني!!
عزام ناظر بعيونها شاف فيها الانكسار والخذلان ونطق:مابطلقك ماقدر ماقدر اقولها!!!
مي فلتت يدينها منه وجت بتكمل ووقفها
وقال:اسمعي انتي اجلسي هنا وانا بروح ونادي مها تجلس معاك بس انتي لاتطلعين!
مي وقفت وهو طلع على طول وراح يلم اغراضه وتوجه بيتهم
شافته امه وقالت:وشفيه؟ عسى ماشر
عزام:مافي شي بس تهاوشنا وقلت بجي اصفي ذهني لاني غلطت عليها
هزت راسها ودخل الغرفه وجلس على سريره وتنهد بقوه
اول ماطلع من غرفتها انهارت بكي كل شي يضغط عليها هي ماتتحمل قلبها صغير اخذت جوالها بيدين ترجف ودقت على مها
اللي ردت على طول
مي:مهااا تعالي
مها:شفيييك!؟
مي :تعالي ياخي
مها:جايه جايه
جتها مها وهي تركض ماتدري وش صار لها مي
دخلت الشقه وتناددي:ميي؟ مي وينك
خرجت مي من الغرفه وعيونها متورمه جتها مها مسرعه ضمتها بقوه وقالت:وش صار لك حبي من سوا لك كذا؟؟
مي قالت لمها كل شيء صار
مها:لاحول ولا قوه الا بالله طيب يمكن كان صادق بمشاعره اتجاهك؟
مي:هي مشاعره هذي كذبه مستحيل اصدقها ابداً!! هو اوهمني مها خلاني اصدق اشياء مو حقيقه كيف تبيني اصدقه؟ تدرين اني كنت احبه لين قال كلامه واتقطع قلبي! كان لطيف وطيب معاي ما انكر انه منعني عن الدراسه لكن انا كان بإمكاني اقنعه ماكانت مشكله!
مها مسحت على ظهر مي وهي تكمل بكاء
مها:خلاص تكفين لاتبكين ولا بتبكيني معك ترا!
مي تمسح دموعها وتقول:مايستاهل دموعي ابداً
معليش البارت قصير لكن الواتباد مدري وش صار له وعلق ورفض ينزلها كلها وانحذف باقي البارت اسفه ان شاءالله انزل لكم البارت قريب
