Zing hma takah ka harh a, ka mut hmain ka inbual avangin inbual nawn chu ka tum tawh lem lo, ka khum te chu siamthain breakfast nei turin inhnuai lamah ka chhuk thla a.
Eomma chuan kan chhungkaw eitur alo siam leh mawlh mawlh tawh a, maid neilo a eomma in inchhungkhur hna a thawk vek thin hi ka chhuang takzet. Cafe ah zanrei tak tak thleng an buai zantin thin chung pawhin Nu a nihna angin inchhungkhurah a mawhphurna ala hlen thlap thlap leh zel thei te hi ka chhuang ani.
"Good morning Minnie. I mutui em?".
"Ka mutui khawp mai eomma. Nang zawk?". Eomma chu zawt letin a muttui thuin min chhang a.
Appa lo kal hnu chuan kan chhungkuain breakfast kan ei a.
Kartawp anih vangin class pawh kan bang hma hle a, Jungkook chuan Yoongi hnathawhna a kal leh a rawt a, mahse ka lo hnial a.
"Enge i kal hreh tak tlat a Jimin-ssi?". Jungkook chuan nui hmel pu deuh hian min zawt a.
"Chutiang ani lo Jungkook. Mi hnathawh lai va tihbuai ka duh hleinem".
"Kan tihbuai phah dawn hleinem, bakah amah va hmu tur khera kal kan ni dawn lo a..".
"Ka duh lo Kook. Bakah aman m-min hmuh hmasak a duh te nihloh chuan va pan a va hmuh hmasak hi ka duh lo ni..", hnuailam bih pah chuan ka ti a.
"Ngati maw Jimin-ssi, i zahthar thar ta thut chu ni em lo maw?".
"Nilo e Kook, kan awmdan hi ka sawi thiamdan ber chuan a derdep ka ti, Yoongi hyung hian thil hi ala serious ve vak lo in ka hria". Jungkook chu ka en a.
"Jimin-ssi, Yoongi te chu a tirah pawh a mizia chu i hriat tawh kha, beiseina nei sang vak duh lo la ka ti khawp mai che, chuan a tan pawn a harsa ve ang tih kha hriatpui bawk la..".
Jungkook thusawi chu a dik khawp mai. Yoongi hyung hian eng rilru pu a kei nena bultan duh nge a nih hriatthiam har ka la ti reng a ni.
"A nih Seoul-a i kal dawn thu kha a hre tawh em?". Jungkook chuan coffee in pah chuan a ti a.
"Yoongi hi engmah ka hrilh lo Kook, ka birthday chungchang emaw competition chungchang emaw pawh".
"Engmah i hrilh lo maw?". Jungkook chuan a thil eilai chawl meuh chuan min rawn en a, ka lu ka lo nghauh nghauh a.
***
Jungkook ka thlah haw hnu chuan inlam panin ka inkhalh haw a, zanlamah ka thil tumte hi Yoongi hrilh hre ve ila that ka ring.
Zanah chuan Yoongi zawk chuan min rawn call hlauh mai. Ka chhang vat a.
Suga chuan ina a rawn kal dawn thu a sawi a, thudang em em pawh sawilo chuan a dah leh daih a.
Ka thilsawi ve tum ber sawi ka tumlai tak ani a, mahse lo kal a tum tho avangin ka ngawi leh ta kha nia, tawngkaa sawi hi a fiah deuh zawk bawk ang.
Yoongi lo thlen nghah nan ka zinna tur lam te chu ka enkual pah thuak thuak a, eomma leh appa te pawh ka la hriattir lo, Jungkook bulah chiah ka la sawi a, ani hi engkimah ka tan a pawimawhin ka mimal chungchang bikah chuan a hmasa ber ani ziah bawk ani.
Pawn lama motor thawm ka hriat chuan inhnuai lamah ka chhukthla vat a.
Kawngka chu ka hawng a, Yoongi pawh alo thleng ve chiah a.
"Hey, mi lo nghak em ni a?". Motor atanga rawn chhuah pah chuan a ti a, 'aih' han tih leh vel kha ka hreh tawh avangin nuisangin ka bu nghat nghat a.
Motor atang chuan engemaw hi a rawn khai chhuak a, ka hmaah chuan a khaikang a.
"Enge ni a?".
"Hna atangin ka rawn tlang a, dinner ei turin ka rawn kal alawm", a ti a, a thilkhai lai chu ka lo lathla a.
"Ok! Anih lut ila".
Inchhung kan luh veleh choka ah ka lut tlang nghal a, Yoongi thil lo ken te chu dawhkanah ka dah a, ei mai theih turin ka buaipui malh malh a.
"Jimin-ah, ei ve i tum lo ami?". Bowl pakhat chiah ka chhawp avangin Yoongi chuan mak a ti khawp mai.
"Umm hyung. Uhm.. C-competition-ah ka tel dawn a, dieting ka kalpui mek a".
Yoongi hian chaw eiloh mai mai hi a ngaihdan ani lo tih ka hriat tawh avangin nuihtlawn tak chuan Yoongi chu ka chhang a, a hmel pawh ka en duh mai lo.
"Competition?? Engtikah?". Min en kar chuan a ti a.
"Kar thum hnuah, Seoul-ah ania".
"Seoul ah maw? Jimin min va hrilh har ve", ati a, mahse lungawi lo erawh ani lo.
"Nia Yoongi hyung, ka hre har ve tho a, eomma leh appa te pawh ka la hrilh lo, Jungkook a'n a hre tawha ni mai". Jungkook ka sawitel lai chuan min rawn en a.
"Engtik nge i birthday chu?".
"Ni 13 khi".
"I lo let hman dawn em?".
"Hman ang, ka lam ni bak ka cham dawn hleinem". Suga chu ka en a, a chaw chu ei lam reng reng a ngaihsak lo, en ngai chu a en vung vung a. "Hyung? I chaw kha a dai dawn ania, ei tawh rawh".
"Seoul-ah chuan ka kalpui ang che Jimin!".
Yoongi thusawi avang chuan amah chu ka en vat a. "E-engmaw Yoongi hyung? S-Seoul-ah min kalpui ang maw? Mahse i hna kha.. I kalsan thei dawn ami?". Tiang thu a sawi hi ka ring lo hrim hrim, mak ti tak chuan Yoongi chu ka en a.
"I tan theih loh ka nei em ni Jimin? Khawiah pawh awm la, kei hi i kiangah, i bulah ka awm ve zel tawh dawn lawm".
"Mahse hyung, i hna te chu i tan a pawimawh daih zawk alawm, bakah--".
"Jimin, tunah chuan thildang nang aia pawimawh an awm tawh chuang ami?". A thutna atang chuan rawn tho in ka hmaibul setah chuan a rawn ti a.
"Hyung, c-chutiang--", ka mitah tak a enkar vangin sawizo lo in ka ngawi leh daih a. Ka mit a en reng hnuah ka hmui chu a en leh a.
"Mak i va tih hmel ve Jimin-ah", a sawizo chu ka hmui lamah a rawn awm hnai a, ka hmui a rawn si tep tihin, choka tawntirh lam atangin aw thian kharh ri kan hria a, Yoongi nen chuan kan hawiphei rual a.
"Uhm.. Ka lo tibuai lawk mai che u. Ka phone ka theihnghilh a, ka la nga ka kal leh nghal mai ang". Jungkook chuan tiin counter lam a pan nghal a, a phone lak pah chuan mit min rawn siai zeuh a, nui sukin a kalsawn leh nghal a.
Jungkook chuan a phone alo theihnghilh reng amaw, counter mai a awm si, engtin nge ka lo hmuh loh theih zawk le?
Jungkook kal leh hnu chuan Yoongi ep chiah chair-ah chuan ka thu a.
"Min en reng lo khan lo ei rawh". Chaw eipah chuan a ti a, min rawn hmu silo a, ka en reng tih te chu ala hre tho bawk si.
Yoongi bulah chuan thupheiin chaw chu tlem ka eipui a.
Kan eikham hnu chuan ka tifel zui mawlh mawlh a, Yoongi chu living room lamah a phei nghal daih avangin ngawi rengin thleng chu ka sil a.
Ka thleng silzo living room lamah ka phei chuan Yoongi chu ka hmu mai lo, mahse balcony lama a tawngri ka hriat avangin chulam pan chuan ka kal a.
Suga chuan phone alo be mek a, a tawng dan atangin inkhelh chungchang a sawi anih hmel. Ka penthawm a hriat chuan a rawn hawi a, phone chu a dah a, cigarette a phawrh nghal zat a.
"Hyung, i lo haw daih maw ka tia lawm". A bulah chuan ka ding a, ka thusawiah chuan a nui hak a.
"Jimin, Seoul kal chu ka ti tak tak ania, i chhungte pawh lo hrilh la, keimah ngeiin kalpui che ka duh ani". Cigarette chu tanin a fawp a.
"Hyung, i inhuamnaah ka lawm lutuk, mahse ka tibuai tam tawh che sia, tihbuai belh che ka duh tawh lo ni".
"Khatiang thu kha sawi tawh suh ka tih kha Jimin, ka sawi chu ring mai rawh".
A thusawi chu chhang lo in ka ngawi reng a.
"I duh loh viau ami Jimin-ah?", ka ngawih reng hnu chuan Suga chuan a rawn tichhuak a.
"Nilo e hyung, ka--nang nena Seoul kal chu ka duh lutuk alawm!", nuih var var pahin a lam chu ka hawi a, alo nui ve suk a.
Inchhung luh tuma kan pen chiah chu Yoongi chuan a lu chu dawmin a ding chat a, mak ti takin Yoongi chu ka en a.
"I tha em hyung? Engtin nge i awm?". A banah chuan ka chelh a.
"K-ka lu a rawn hai thut alawm le", tiin a inthing a, pangngai tak chuan a awmzui veleh mai a, inchhungah chuan kan lut a.
"Hyung i lu chu ala hai em? Enge maw in tur i duh em? Ka tih awmzia chu juice lam te?".
"A ngai lo e Jimin. Engtikah nge Seoul chu kan pan ang?". Ka thusawi perhsan zet chuan a rawn ti teh daih a, min kalpui chu a tum ngei tih a chiang ta khawp mai.
"A.. Ka la hre chiah lo, a rem chuan karthar lamah khian tumchhin ila?". Ka inkuangkuah a.
Yoongi chuan ka kut chu rawn phelhin a kut karah chuan a rawlhlut a. "Jimin, ka bulah i awm reng thei angem? H-hun harsa tak lo tawk pawh ni ila, i awm reng thei angem?", ka kut khawih niap niap pah chuan a ti a, Yoongi awmdan chu mak ka ti takzet.
"Hyung, ngatinge chutiang thute i sawi a? K-kalsan maw? A teuh lo mai hyung, i bulah keipawh ka awm reng dawn alawm. Chutiang lam chu ngaihtuah tawh suh". Suga enpah chuan ka ti a. A rawn thaw halh a.
"Ka lawm e. Tunah chuan ka thla a muang ta sawt mai". Nui ver ver chung chuan a ti a. Keichuan amah chu ka lo en reng a.
SUGA's pov :
Ka khumah chuan muthla hnawkin Jimin te in lam atanga ka haw hnu khan kawngtluanin kan chhungkaw chungchang ka ngaihtuah a. Pu Choi-a'n thil alo tih chingpen avanga appa in a tawrh theih te ka ngaihtuah hian ka awm a nuam thei lo.
Pu Choi-a khan engvang teh khera appa hminga thil lo ti ve ngawt nge a nih ang? Appa hi a thiantha tha ber tiin a sawi fo a, mahse appa thu lo leh a hriatpuina tel hauh lo a thil liantham lutuk alo tiru leh si hi ka hrethiam ngai lo ang!
Khum atang chuan thochhuak vutin cigarette ka ban nghal a, ka piaha tukverh lamah chuan ka phei a.
***
Zing khawvar hma chuan chiang em emin ka harh a, ka harh dan lah chu a chiangin tih tur nei ni awm tak hian ka rilru chu a fim nghal kak mai a, mutchhuah lam reng reng a awm tawh lo!
Ka phone sana chu ka en a, zing dar 3 a.m. chiah chiah a ni. Khum atang chuan ka chhuk a.
Bathroom-ah chuan lutin tui vawtin ka hmai chu ka'n phih harh te te a, basin tlang chu vuanin darthlalangah ka inen vang vang a, ka hmai leh chalsam huh chu wash basin chhungah chuan a far fap fap a.
Darthlalangah ka inen vang vang lai chuan ka mitthlaah VIP ho hnena pek tur, puan vara thil intuam ka kenlai chu a rawn lang zawk zawk a, engthil nge anih ang tih rindan (ngaihdan) pakhat chiah ka nei!
Damdawi..
Chutia darthlalangah ka inen renglai chuan darthlalang keh chhuai ri ka hriat avangin bathroom kawngka lam chu ka hawiphei nghal vat a. Thawm chu khawi atanga rawn chhuak nge tih hriat tumin bathroom atang chuan ka tlanchhuak nghal a.
Ka room thim taka ka din reng lai chuan darthlalang kehri bawk chu ka hre nawn leh a, tun tum chu khawi atangin nge anih ka hre chiang ta khawp mai. Muangchang leh thawm dim takin tukverh lam chu ka pan a.
Ka tukverh pardah chu zim thei ang berin ka keu de de a, ka room atanga lanchiang tak, pu Choi-a in chu ka en ding nghal a.
In chu a thim thiap a, pu Choi-a ber a awm tawh loh avangin a inkalh tawp tawh a, in tha leh lian tak pawh a ni hran lo, inhlui ve tawh lampang ani.
Engmah thil danglam teh vak awma ka hriat loh avangin kalsawn mai chu ka tum a, mahse pu Choi-a inchhung atang chuan torchlight-in tukverh pawnlam a rawn chhun en zuk zuk chu ka hmu a, pu Choi-a inchhung ah sawn lutru an awm ani thei angem? A chhungah tumah an awm lo tih hriat takin pawnlam atangin a inkalh thlap bawk si a, misual hian engemaw ruk chhuah theih inringin an rawk ta mai tihna em ni?
Pardah phen atang chuan ngawi rengin ka bihthla a.
Torchlight phe zeuh zeuh ka hmuh bak kha chu mihring emaw thildang emaw pawh engmah hmuh ka neihzui tak loh avangin kalsawn leh mai chu ka tum a, mahse pu Choi-a inhnung lampang atang chuan mi pahnih hi an lo chhuak a, an piah kawngpui atang chuan thawm dim takin motor dum hi a rawn tlanphei ve chiah bawk a, chung mi pahnih te bulah tak chuan motor chu a ding a.
Motor chhung atang chuan mi pakhat hi a rawn chhuak a, pu Choi-a inkawtah chuan a ding a, a bula mi pahnih dingte nen chuan an inbia ni ngei tur ani, an beng bulah chuan a hrilhru a.
Chupa chuan phone chu hmangin inchhung atang chuan torchlight bawk chu an rawn chhun eng leh a, tukverh atang chuan tuemaw hi a rawn chhuak a, anih chuan darthlalang kehri ka hriat kha saw tukverh ngei saw alo nih dawn saw!
Ka thil hmuh chu ka hrethiam lo ngei mai. Sawng ho sawn pu Choi-a inah lut ru meuhin enge an tih ang? Pu Choi-a hian rukchhuah tur thil hlu aneih awm ka hre lo! Nge ni a, ram a hralhna kha a inah sawn alo thukru then zawk?! Chutiang chu lo ni tase, tunah amah ber a kalbo a, pawisa tam tham tak hnutchhiahin a kalbo leh daih si ang maw? Chuzawng thil theih ani lo!
Chungho chezia ka enreng lai chuan motor headlight chu rawn engin motor hmaa ding mek pakhat chu a hmaiah chiang takin a chhun a, ka mengbial nghal kawk!
Pu Choi-a zawngtupa kha maw?!
Ka thil hmuh chu ka hrethiam nghal kuar mai! Anih chuan sawngho saw VIP ho kha anni tihna em ni? Pu Choi-a a kalbo tih hriaiin an rawn zawngzui tihna ani mai angem? Pu Choi-a ina an kal tawh ber chuan amah hmuh tur a awm tawh silo, kan inah te hian rawn luhni an la nei ve ngeiin ka ring. Ka pa vang hrim hrim pawn!
He thil hi ka lo ngaihtuah ve lo thei lo, achhan chu appa a tel ve ni a sawirik a awm tlat, appa pawn engmah a hriat bik loh laia a tel ve ni a an puh tlat hi ka hrethiam thei lo!
Ka khum lamah chuan letin ka thu hnawk a.
***
Ka harh leh chuan ka khumah a vang zawngin ka lo muhil chu niin, puan engmah pawh ka sinloh avangin ka vawt thlur a, muangchangin ka thochhuak a.
Thil hrechhuak thutin tukverh lamah ka tlanphei a, pardah chu ka keu nghal pawp a!
Pu Choi-a in leh a chhehvelah chuan tumah hmuh tur an awm tawh lo.
Ka khum lamah chuan let lehin ka khum bula hoodie chu banin ka ha nghal sawk sawk a, inhnuaiah ka tlanthla nghal a.
Kawngka chu thawm neilo thei ang bera hawngin pawnah chuan ka chhuak a.
Pu Choi-a inbul velah chuan ka kalkual a, a kawngka bulah te chuan kalin tukverh darthlalang pawh alo keh ngei e! Mahse darthlalang kehna hnuhma reng reng hmuh tur a awm hauh lo!
Mak ti tak chuan tukverh chu ka en reng a.
"Bawiha, Yoongi! Khatah khan enge i tih a?". Hnunglam chu ka hawi vat, appa chu ka hnung maiah chuan alo ding reng a.
"A-appa, e-eng nilo e, tah hian sazupui (rabbit) a tlan lutin ka hria a, ka enzui mawle", tiin tukverh keh chu ka kawk zauh zauh a. Appa chu morning walk turin a kal leh tawh dawn ani ngei ang.
Ka thusawi avangin appa chu a rawn kalhnai a, tukverh keh chu mak ti leh ngaihthat loh hmel takin a rawn en ve a.
"I-inchhungah lo va lut tawh rawh, i nu chiah a awm bawk si, a ngaihtuahawm emai", tiin chhan pawh ka chhan hma in a kalsawn a, appa awmdan chu mak ti takin ka enzui reng a.
Inchhunga ka let leh hnu chuan thil ka ngaihtuah kual a, tinge appa kha ngaihthat lohna nei ang tlata ka hriat chu le?
Appa te room chu a rawn inhawng a.
"E Yoongi bawiha, i tho tawh ani maw? I thawhna a rei tawh em?". Eomma chu an room atangin a rawn chhuak a.
"Rei lo e eomma, ka tho ve chiah ani e", tiin dawt ka sawi ngawt a. Ka thil hmuh leh hriat te kha tunah chuan eomma emaw appa bulah engmah ka la sawi thei lo, an rilru hah vanglai tak a ni si a, tun hunah hian an ngaih titha lo thei tur thil, an bula lo sawichhuah zung zung chi niin ka hre lo.
Breakfast te eiin phur lo takin hna kal turin ka insiam zui a.
***
"Yoongi, kha chu a tel hleinem, hei zawk hi alawm". Ka thawhpuipa chuan ka tray enpah chuan a ti a, ka en ve vat a.
Ka thil hmuh chu ka nuih a za ngei mai, ka tray ah chuan cocktail aiah glass-a ka tui inlai ka lo dah chu niin! Ka lo chawiphei tep chu ka thawhpuipa chuan lo hmu in min lo tiding hi alo ni a, a ruk chuan chething ka inti in ka zak ru hle mai. Ka rilru ka lo kawmtui em vang ani tih ka hria, tiang reng reng chuan ka la chechhe thuai ang!
Chhunah chuan bar pawn lamah motor pakhat hi a rawn ding a, driver seat atang chuan mi pakhat hi a rawn chhuak a, VIP ho driver ngei kha ani. Bar lam pan chuan a rawn kal a, hnunglam chu ka hawi nghal vat a.
VIP ho kha Bar-ah hian a hma atang tawh in an lo kal fo tawh anih hmel, chuti anih chuan sawpa sawn pu Choi-a awmna kha min zawt ani a, pu Choi-a an zawng anih chuan appa pawh an hmutel duh ngei anga, a chhan pawh appa hminga thil tih anih vangin. Tichuan keipawh hi min hmuh chuan appa leh pu Choi-a vanga min be duh anni ngei bawk ang.
Hnathawh pawh ka tui tawh nek lo! Ka Apron chu hlipin couch ah chuan ka thu a.
"Yoongi, hei hi table xxx ah an duh a, ilo va pe thei angem, toilet hman lawk ka duh a?". Ka thawhpuipa chuan a rawn ti a. Ka lu chu bu nghauhin apron chu ka awrh leh a.
Table a sawina lam ka pan chuan ka ding chat, nilo saw table ah kher saw chuan ka kal thei lo ang, saw pa sawn min hmu thiang lo, min hmu tur ani lo!
Rang takin ka let leh nghal a.
Waiter pakhat lo phei mek chu ka tiding a. "Min lo hrethiam la, ka pum a nuam lo riau mai a, hei hi sawtah sawn min lo peksak mai ta che", tiin waiter bulah chuan ka ti ta ngawt a, ngawi rengin tray chu a la ve mai a, ka sawina lamah chuan a phei ta a.
Hetiang reng chuan ka biru seng lo ang, nge ni a he hna hi ka bansan leh mai zawk dawn?! Nilo, engvangin nge misual, thil tisualtu ang maia ka biruk kual a ngaih ang?! Tihsual leh thiamlohna ka nei pawh ani lo a, tianga ka hmuh hreha ka bihruk kual hian enge awmzia a neih? Mahse appa.. Appa ka ngaihtuah vang chauha ti ka ni.
***
Hna ka ban chuan Jimin chu call-in ka hmuhkawi dawn thu ka hrilh a, nizanah lah ka rilru tawt lutukin ka kianga awm reng turin ka ti ngawt a, ani lah khan ka sawi awmzia tak hrethiam hauh lo in a awm reng tur thu a sawi ve mai bawk a, ka sawichhan leh ka sawi awmzia diktak Jimin khan hria se chu mak a ti ve hle ngei ang.
Jimin chuan nizan ang bawkin pawnah min lo hmuak leh a, hepa te hi thil tih awm tawk te te hi a hria in, amah hrim hrimah hian hmeichhe vibe riau hi a awm reuh a, a aw te hi kei angin pa ve lem lo mah se amah hrim hrim hi chu a dik thlap lawi si.
Motor atanga ka chhuk hnu chuan inchhungah kan inzui lut a.
Inchhung kan lut chiah tihin Jimin chu a hnunglam atangin ka kuah a, a rawn nui nghawr dat a.
"I chau viau ani maw Yoongi-ah?". A mitsir chuan min en a.
"Chau lo e Jimin, i ngaihawm tawh em a".
"Ka awih lo Yoongi. Nizan lawk pawn i rawn kal a, inngaihna tur hman em ala awm lo".
"Ka ti tak tak lo ah i ngai ani maw?", tihpahin a benghmawrah chuan na lo te in ka seh zeuh a, a za ti chu a tal aih aih a.
"Y-Yoongi.. A za nia. D-duhtawk teh..". Talchhuah a tum a, mahse ka kuah nghet sauh a.
"Awmtha mai mai rawh Jimin-ah. Ka seh sual chuan a pawi zawk ang aw", a beng bulah chuan ka tawng sur sur a.
"Aih! I-i ril a tam em? Tah--tah ei leh rawh aw", za tih vanga dak ar chung chuan a ti a. Ka chhang mai lo.
Jimin inrinloh lai chuan a ngawngah na zetin ka fawp a, a rawn rum nghut a. Ka thlah leh nghal a.
"H-hyung! Engthil nge i tih? T-tunah khan--", a nghawng chu khawihin a nui vak vak a.
"Tikha chuan i single lo tih an hre vek tawh ang". A nghawnga hickeys ka siam tharlam tak chu ka en a.
"Yoongi, hetiang a tul kher em ni?", la nui reng chung chuan a ti a.
"Tul ve tehreng mai", tiin ka lo chhang a.
Jimin chuan dance competition a telna tura thil hrang hrang te chu a sawi a, ka lo enreng a, min rawn hmuh fuh chuan lai takin a nui leh ringawt thin a.
***
Zanah chuan ka muthei lo chu ka inlet sek a, zingkara ka thil hmuhte vang kha nge ni thil thleng a awm leh ka beisei ru deuh ani ber.
Appa chungchang bawk chu ka ngaihtuahnaah alo lut leh a, engtin nge hma an lak dawn ka hre hauh lo, zawh pawh ka tum lo. Ka ni te kha an sawiri tel lehnghal a, appa hian buaina lo tawk palh ta se, ka ni duham tak khan a tanpui duh angem tih te chu ka ngaihtuah kual a.
Zing dar 2 a.m. a rik tawh pawh chuan ka la meng kar a, kan chhungkaw chungchang bakah Jimin nena kan inkar te, ka mimal nun leh ka rilru hahna, tumah ka share ngailohnate thleng chuan ka ngaihtuah a, a hlimawm lam aiin beidawnna leh rilru hahna chu a tam zawk ani.
Chung thil hrang hrangte ka ngaihtuah chuan rilru ipik vangin ka thawchhuak leh hak thin a.