#أثـارة العـيون
ليال الجاسم
الحـلقه _48_
تفاعلو بربكم وين اكو بارت 7000 يخي انا انگرط
…………....
ألين :- بس انا مراح انحرم من هلحضه
درنه وجوهنـه كلحنه ؏ البـاب وأحس تجمدت
بمكاني فـكرت انا اليتهيئلي بس من شفت الكل
مثل حالتي مصدومين ، تأكدت من الكاعد اشوفـه حقيقه
ومو خيال شلون هوا هسا واكف كدامي ؟؟
عقلي ظطرب وفكريي تلخبط
درت وجهي ؏ أليـن الوحيده الي فرحانه والابتسامه
محتله معاني وجها
أمجد اكـثر شخص منصدم بهلحضه بحيث مكدر
يوكف ؏ رجلي من بعد الشافه ألين شافت أمجد
وكع ، وصاحت وهي تتوجهه اله
أليـن :- عممي عميي ، هاذه عمو عقيل تؤأم ابوي
حضنته وتضحك بفـرح :- مستوعبين شكاعد احجيي ، عمميي ولله هاذه تؤأم ابويي
جـان الفرق الوحيد بينه وبين عمو رحيم المرحوم ،
عمو رحيم محلق لحيته وعقيل شواربه ولحيته عاليات
وشعره هم عالي
حجت بصدمه
منـار :- ماما أليـن
حضنت ايده بعكس ايدها
ألين :- أكعددو علمود نحجي ،
واحنـه حرف منطقنه من هول الصدمه
وهي تحجي وممستوعبين شي ،
بنفس صدمتنه وكعدنه كلمن بمكانه ، وكأن فصلنه فصله
جماعيه بهلموقف
عقيل :- الله بلخير بويـه
ولله وبنفس صدمتنه محد جاوبه قهقه بخفه وكعد
والين كعدت بصفه ، وتريد تطير بي من الفـرح
أليـن :- عمو انا احجي لو انت تحجي
عقيل :- انتِ علمود يستوعبون لان لحد لأن مدا يتجاوبون ويانه
ضحكت ألين وصفكت ايديها بّعضهن
ألين :- عمميي عقيل اخوو بابا التؤأم ، ههههه ماعرف شلون احجي
يخيي طلعو من صدمتكمم كافيي
عقيل :- بويه انا اخو رحيم التوأم مالته ، حقكم وادري مصدومين ومحد يعرفني بسبب ضرفف جبير صار بيني وبين العائله أظطريت اسافر
من سنة 2016 ومحد جابلي طاريي بسبب نفس الضرف التعرضتله
وكلهاذه واحنه ؏ صفنتنه وبس نرمش ونباوع
ألين :- عمو عقيل نسجن ، بتهمه كاذبـه والفاعل هوا أخو علي
سكتت شويه زمت شفايفها مع بعض ورجعت حجت
:- أغتصب بـنت من عشيرتـنه وذباها براس عمو عقيل ، طلع من السجـن
واهل البنت بقو يتهددون عليّ ال يقتلونـه فـ جدو أقترح عليّ يسافر
وعمو جان متزوج اصلاً واتفقو محد يجيبله طـاريي لحد ما تنحل السالفه
- وتددرون منو البنت هيّ وحده كذابـه وحياله وكل راس البله منها
والقضيه لا قضيه اغتصاب ولا شي ، اهل البنت اصرو عليّ يتزوجها من بعد ما طلع من السجن بس عمي الذكي شسوه اخذ زوجته وططارو وييي
بس الله يُمهل ولا يُهمل ، من عمي سافر طيحيي براس عليي وصار لازم وغصباً علي يتزوجها بعد ، تزوجها عليويي تعاي يطايحة الحظ حبي رحيم ، صارت تسويي سوالف مو حلوه ويا ابويه حبيبيي فـ طلگها الشريف علاويي وجابت من الشريف علاويي بعد شريف اسمه وسيم
وانتقل الئ رحمة الله علئ يد ألين ابنة حبيب امه يمه فددوهه انشالله فهمتو السالفـه
أمجد :- فـلم هندي مكاعد استوعب
ألين :- تقنعني ابويي ماحاجيلك ؟
أمجد :- ششكليي شكل حاجيليي ؟
ألين :- انتِ ماما محاجيلج ؟
هزت راسه بلا وهي بعده اثر الصدمه
موجود ؏ وجهه :- لا
عقـيل :- وطبعاً انا ماعرف عنكم غير الين معقوله هاي كلها لرحيم ؟
الدُجى :- اييي اهلاً وسهلاً بيك عم الشباب طبعاً احله صدمه بلتاريخ اجيت انجلط بمكاني ولله
ألين :- وهسا عيني متكومون تسلمون ؏ عمكم
نهضت نوران سلمت ورجعت ، تقرب امجد كذالك هم سلم
والولد كلهم رحبو بي من بعيد وحتى أنا وروز وامي
علي :- انتّ منو
عقيل :- هاذا ابن رحيم مبين يشبها
علي :- جا انت منو
عقيل :- انا اخو ابوك
علي :- انت صرت عمو يعني
عقيل :- ايي وليديي
ألين :- رحت لبيت جدو
عقـيل :- أنا شكتلج كتلج انتِ اول واحد اشوفه
ألين :- لعد مرتك وين
عقيل :- اجه اخوها واخذها عليهم
ألين :- ايي زين عمو هذوله الشباب ثلاثتهم نسابة اخوك
عقـيل :- يا هلا بيهم وانت ِوينـه ابو اطفالج
حبست ضحكتها وحجت
ألين :- انا بعدني ما متزوجه
أشر ؏ سند
عقيل :- مو هاذه الطفل يكلج ماما قبل شويه
اشرت ؏ الدُجى
ألين :- عمو هاذه الولد اجه اليوم يخطبني انا خليتهم يجون يخطبوني اليوم علمود انت توافق ، مو سابقاً ابوي يكلك اولادي هم اولادك
عقيل :- من عيوني بس نسأل علي ونشوفه شنو ما شنو يلا نوافق
زيـد :- هلمرا صدگ نلاصت
الدُجى :- شوف عقوليي من هسا اكلك أنا شنو من شنو شاب عراقي ثلاثيني جاد لستار طبعاً بداية الثلاثين لاعبالك مخلص عمري
ألين :- يي عنده جهال ثنين وثلث نسوان يريد يطبق الشرع براسي
يـاسر :- عمي شهلسمعه السيئه عن اخويي رجال من اهل الله صح ضابط بس ولا يرفع راسه بحيث لو شاف مجرمه انثئ يدنگ احتراماً لنساء شوف شلون مُتدين وين تلگون بهلزمن هيج واحد نادراً ولله
عقيل :- نحجيها من صدگ سولفلي عنك ومنو هذوله الوياك امك ابوك اخوانك
انا هنا تلبكت صار يحجي بجديه والدُجى
يخزر بألين بس الين ممنتبهتله
الدُجى :- خوانـي الاثنين وهاي حوراء اختي زوجة ابن اخوك أمجد
واخواني ثنينهم ماخذين بناتكم الي هنه نوران وروز ابويي بنت اخوك قتلته موت وامي هاي كدامك
عقيل :- شنو ياهو الكتلته موت ؟
ألين :- عمو يشاقه ابو ميت
عقيل :- التحجون عنه مو لعبه زواج احجولي الصحيح من الاول
زيـد :- مو تخلي وتنهزم اذا حجينالك الصحيح
عقيل :- بويه انا گلبي مارتاح لهاي سوالفكم
حجه بهمس بحيث محد يسمعه بس انا لان يمه
سمعته بهلحضه اجيت اموت من الخنگه الوكفت بلعومي
بلگواا لزمت ضحكتي
الدجُى :- يي هوا حتى انا ما رتاحيتلك مبين هذاك انت عظم بلعومي راح توكف
مـنار :- خويه انت ، الولد عاقدين بس يتزوجون بعد مابقه شي
جانت جوري واكفه بنص رجلين ابوها
دفعها من ضهرها وحاجها بهمس
الدجُى :- روحي لماما
جوري مكالت باطل شمرت روحها بحضن
ألين وبجت :- مامييي نومينيي
شالتها اليـن وضحكت :- يبعد امج انت ِ
عقـيل :- ها بويه الحگ ؏ روحي واشرد لو شلون
ألين :- عمي ماعرف شلون اشرحلك بس صدگ جايي يخطب
عقيل :- احجيلي السالفه كلها مو راسي طگ
ضحكت الين وبدت تسولفله عن جوري لكن بختصار
وحتى عن زواجها لصائب واختصرت هواايي لحتى وصلت لخطوبتهم
وماذكرت لا زواجه من ميعاد ولا من وسن ولا سفرها وهوايي اشياء محجتها
نامت جوريي بسرعه اخذتها بلغرفه ورجعت كعدت بصف عمها
وحاضنه كتفه طبعاً علاقتهم كلش مبين حلوه
بس الدُجى حسيته ابدداً ممرتاح ، ويريد بس يطفر
ياخذ الين من يم عمها…
…………..
ألين..
فرحتت شكد برجوع عمي من وانا صغيره
حيل احبه لان يحبني ويعتبرني مبثابة بنته
عمي تزوج عن حُب بحيث ششكد لحو عليّ
يتزوج لأن مرته متخلف وهوا يرفض وجان ابويه
واگف ويا وكدامهم كلهم يكلهم بزريي هوا بزر
عقيل لحد ما صارت هاي السالفه
وخربت كلشي طبعاً جنت صغيره وما اتذكر هوايي اشياء
لكن بسبب حُبي اله مانسيته ودائماً اسأل ابويي عليّ
وهوا يحجيلي بلتفصيل عنه لذالك انا اعرف قصتهم كلها
وحجيتها الهم
زيـد :- وعمي انت شنو تشتغل
عقـيل :- انـا دكتور الحمدالله
يـاسر :- يلا ثنينه نفيد البلد
كلهم يحجون مع بعض الّ العجوزيين صائب وامجد
يريد ينفجرون وعاكدين النونه عليمن ما ادريي
درت وجههي ؏ امجد حك حاجبه وميل راسه
بمعنى ابتعديي متت عرفته يغـار درت وجههي ؏ الدُجى
يحرك بفكه ويباوع لأيدييه شلون حاضنه بيهن زند عمي
زميت شفتي بلگوا لازمه ضحكتـي ميلت راسي
وخليته ؏ كتفه ، هوا عمي ملتهي يسولفون هوا و
خاله هديل والولد ، رفع ايده ونزل راسي بحضنه
وبقه يسولف ويمسح ؏ راسـي ، نفخ حلكه
الدُجى وخزرنـي غمضت عيوني عود ممنتبهتله
رفعت راسي وحجيت ويا عمي
ألين :- عمو مشتري بيت لو بيت جديي تسكن
عقيل :- لا ممشتري بس اريد اشوفلي مكان
ألين :- عمو اكـو بـيت يم بيت خطيبيي اسكن بي هم قريب علينه وهم احسنلك
عقـيل :- مادري هسا بعدنيي اشوف
عـطـشت ونهضت اشرب مايي رحت لغرفة الاكل
شربت ودرت وجهي اطلع ، دخل ورد الباب ؏ كيف
الدُجى :- اوكفي اوكفيي
أبتـسمت وكفت تقرب عليه كلش ومدنگ راسه عليه
مقلص عيونه وحجه :- عود شنو هاي حركاتج تمشينهن ؏ مـنو ؟
أليـن :- اوييي يا حركات ؟
الدُجى :- كلش هيج حابه عمـج ؟
ألين :- وماكو شي غريب عمي حبيبيي
الدُجى :- شو نطيني ايدج
سحبها واخذني قريب ؏ الطاوله
شال كلاص ماي ويغسل بأيديي
أليـن :- هاي شبيك ؟
دارني علي وحط جبينه ؏ جبيني
الدُجى :- شوفي احجيها الج بدون مّاطل أنـاا أغـار لك انا اغار عليج حتى من نفـسي مو تجين حبيبيي وعمريي، عموو عقييل عمج عقيل مو توج تذكرتـي
أليـن :- ييي وشبي عمو عقيل هيج غاثك
الدُجى :- هسا لاتخليني الطخ راس براس انتِ وعمو عقيل
ألين :- ولله ماعرفتك هيج صريح
الدُجى :- شوفي نطلع ومكانج يتغير خوش عندج امج واخواتج واخوج وكعدي يمهم كافي عمو عقيل مو شبع
فلتت ايديه منه وحاوطت عنقه بيهن
أليـن :- كول خايف من عمو عقيل يرفضك
الدُجى :- علمود احرگج انتِ ويا
ألين :- اوو حبيبيي طُلع قاسيي
الدُجى :- شبيـج مصخنه ، من اجه عمج لحد هسا تتماوعين اخذج للطبيب ؟
ضحكت بصوتي المُعتاد سد حلكي بأيده
وهوا يضحك بس ؏ كيف :- فلك صابج شهرتنـه
أليـن :- لا جديـات شبيـك مگحم من شوفة عمي
الدُجى :- هوا صح تؤأم ابوج بس مو راحه
ألين :- كول تغار منه
الدُجى :- شو عيديي ماسمعتج
أليـن :- خليني اكول لعمو الدُجى يزوج ويطلگ
الدُجى :- ايي صدگ اذا مترديني گوليله
صفـنت بوجهه نوب صعدت ؏ الكرسي وعضيته بكتفه
شالني من خصري ونزلني وهوا دنگ ويايي لان عاضته
بتعدت عنه وهوا ولكأن عاضته ، بس مسح المكان
وكرصني بخدي ؏ كيف :- هاي شنعتبرها ؟
أليـن :- صائب ليشش مدا اكدر اكولك أحبك ؟؟
ابتسم اول مكملت كلامي باسني بعنقي وكال
الدجُى :- لأنج تحبـيني
أليـن :- زين شلون تعرف انا احبـك ؟
الدُجى :- تقنعيني متعرفين ؟
ألين :- تخيل من سألتك هيج أريد اتأكد من نفسي شوف انا ما اعرف اذا الشعور لبداخلي اتجاهك هوا حُب لو مجرد شعور ؟ تخيل انا مااا أعرف نفسي اذا احب لو لا
الدُجى :- يعني هسا انتِ متحبيني ؟
ألين :- لااا انا دا اكولك ما اعرف افسر شعوريي شنو ما احبك
الدُجى :- يعني تحـبيني ؟
أليـن :- شـبيك صائـب انا دا اكولك اعرفليي اذا انا احبببك لو لا
الدُجى :- مو خوش سالفـه هايي
أليـن :- صائـب
الدُجى :- معثورة صائب
أليـن :- ابـقه هناا
عكد حواجبـه :- شنو ؟ شقصدج
نزلت دموعي وانا اسولف
أليـن :- ابـقه هنا ابقه يمي لتروح بس تروح بعد متحاجيني مو ولله أعرفـك ، اخر مرا كتليي انا يمج واحبج وبعدها ابتعدت عنـي ، وانـا روحيي صايره بيـك مو تعبت بعد ما اكدر اتحمل ايي شي نفذ صبـريي
ولله بعد ما اكدر اقاوم اي شيي اقتل روحي واخلص من كلـشي اتحمل نار جهنم على أنُ أتحمل بعد اكثر
حضـني محاوط خصـريي بأيدي تنهدت براحـه
وضميت وجهي بعنـقه ، بقه هوا حاضنـي
أنا منين اجاني هلنعاس فجأة رخت روحي
وغمضت عيوني ، هوا حس عليه بعدني عنه وضحك
الدُجى :- لا لا مو هيج گلناهاا
أليـن :- نومنيي بحضنك عفـيه
الدُجى :- ألزم چف ايدج ونطلع منا كدام الكل نصعد لفوگ بكل عين صلفـه
ألين :- لا طبعاً عيـب بس شوفلك حل حبابب
الدُجى :- الحل بيدج قدمي موعد العرس
ألين :- بعد يومينن
ضحك ورفع راسـه لفوگ
الدُجى :- اخخ ولـج أنتِ يـاهو ؟ راح اكلج تـرا
ألين :- صائـب
قربـني وحط حنكه ؏ كتـفي جان مقيدني من خصري
وأنا ذابـه حيلي كله عليّ بحيث بس يرخي أيـده أوگع
الدُجى :- زيوديي أريده يعرس ويايي وقصة زيد شويه مطوله فـ مترهم بعد يومـين واحنه هم منلحك بعد يوم تجهيزات العرس غير تشگ المخ
ألين :- يعني هسا لأن عرسي طلع يشگ المخ
الدُجى :- لـج عيـني يابـه راح تخبـليني ڪِٰاعد تحجيـن ڪِٰلمات أول مرا اسمعهن منج
أليـن :- صـااائب
الدُجى :- يابويـه نـوب تمطمط بأسميي ، هاا يچبود صائـب هها
ألين :- لا بطلت عيب
الدُجى :- أحـجي ميانـه مابيناتنه عيب هاي أنتِ الماخليه كلمه تعتب ؏ لسانج اليوم صاير عندج عـيب
ألين :- لا ماعنـديي بس اخاف عليك تنجلط
الدُجى :- لاهوّ انا اليوم مجلوط مجلوط فـ كملي الحسبه
ألين :- تـرا أول مـرا أحس مشتاقتـلك
رفـع راسـه قرب وجهه من وجهي وبقه يمرر
بأنفـه ؏ خديي
الدُجى :- ألونـه ناويـتها عليـه اليـوم
بعدت وجهه بأيديه وبقيت محاوطته
مررت اصابعي ؏ جبينـه
أليـن :- صائـب هاذه شنـو العرج البجبينك دوم ضاهر ،
الدُجى :- اليـوم حبيبتي حابـه تتعرف عليـه
ألين :- لا صائب جديات أنـت وحتى وهب دائما يظهر بجبينه لا وحتى ياسر ولو كلكم حتى زيـد
الدُجى :- وحتى سكرتي أذا ملاحضه
أليـن :- دائما اكول جوري يمكن لأن عصبيـه لأن سند ماعنده يمكن عنده بس موواضح مثلكم وحتى مرات من تعصب يظهر عدها
أبتـسم وماجاوبنـي بقه بس يباوع بوجهي
أريد احـجي ونفـتـح البـاب ودخلت امـي وخاله هديل
ثنينهن فزيت وابتعدت عنـه
منـار :- عمت عيني ولله ما ادري بيكم هنا
أليـن :- هسا ماما سويي روحج عود ماشفـتي
هديل :- ليسمعج يكول مسويه عمايل هوا بس شابكج زين وطلعت منكم
كلت انا هسا تلكيهم مالخ
الدُجى :- عممو عقيل راح
ڪِٰرصتـه بطنـه ؏ نبرة صوته عود يقلدني
من يمي تنرفزت :- چا شكد غاثـك
منار :- راح ردنا يبقه هنا ماقبل كال يروح لهله يشوفهم
أليـن :- لا حرامات مامااا ماكلتيلي اروح وياا
الدُجى :- اي ولله هيّ عايزه بس تروحين ويا
هديل :- ها أتفقتو ؏ العرس لو بعدكم
الدُجى :- راح اخذ اجازه هلاسبـوع ، وهسا اريد اخذها فوگ احجي وياها
بتهم مو متفاهمـة تشيلنه عاد اذا فوگ اول متضوجني اشمرها من الشـابك
ألين :- يمه لا ماما ماريد اروح ويا
حاوط چف ايدي بچف أيده وسحبني ورا
كلها باوعتلنه صعدنه ؏ الدرج درت وجهي
عليهم وحجيت :- بـنات فدوه ديـرن بالجن على أمي ماوصي الشباب لأن ماكو امان شوفي هاي عود انا ويا عشـره وميانـه ورايح يشمرني من الشـباك
كلهم ضحـكو دخلنه لغرفـتي سد البـاب
ودار وجهه عليـه سرفن ردانات قميصـه
ويباوعلي بوحشيه
الدُجى :- يابويه اليوم أكلجج
رفعتله شفـتي بضوجه ورحت تمددت ؏ الجربـايه
وبقيت اباوعلـه ، نزع قميـصه وشمر روحه
؏ الجربايه نايم ؏ بطنه وحاوط بطني بأيده
ساحبني عليّ :- هرمونـات السعاده ليـوم طافره عنديي توخي الحذر مني
ألين :- ليش انتُ عدكم هرمونات
الدُجى :- ايي خوش موضوع هاذه نسولف بي ، الهرمونات تتخربط عند الرجال كل شهرر
ألين :- وايي هاي يمتـه
الدُجى :- شنو هاي يمته أنتن تجيجن دورة دمويـه زائد نكد احنـه تجي ؏ شكل ألم بلضهر وهم كل شهر
ألين :- صدگ ولله ؟
الدُجى :- هسا مجذب عليـجج هم تتجدد الدوره الدمويه لكن تبقه داخلنه زين هسا ليش مفعول العلاجات والحبوب وما شابه تنطي مفعول اكثر للنساء
ألين :- يعني معقوله انا فاصله عن العالم لدرجه ماعرف هاي المعلومات
الدُجى :- انا اكلج لأن دم المرأة مو ثخين مثل الرجال وبسبب نزول الدوره هي تمشي بلدم سريع اما الرجال مينطي مفعول سريع بسبب ثخن الدم ولأن لادوره عليه
أليـن :- تعال خلبوسك مخليني حتى اتقبل سوالف الدوره وانا ماحبها
الدُجى :- ليش ماتحبينها ؟ حمـديي ربـج تنزل عليـج كل شهر اكو غيـرج يجيها سن العجز المُبكر وهي بعمر 20 وأقل تنگطع عليها الدوره وبعد
لا دورة ولا زواج ولا أطفـال ،
حضنـته مكزكزه من سوالفـه :- ييييماييي صائـب هييج خليتنـيي أحب الدوره الدنيه راح تنگلب بينـه
نـدگ الـبـاب واجانه صوت حوريه
حوراء :- صائـب الولد يردون يروحـون يكولون يجي لو لا
الدُجى :- خليرحون بعدين اجي ، شوفي سند وسكر عوفوهم هنا
حوراء :- خوش
من بعدها اختفه صوتـها سحـبت روحي من جوا
وكعدت اباوع لكتـفه تحسسته بأيـديي
ألين :- شنـو سالفـة هلرقم
الدُجى :- سالفـه كايسه عوفيهها تولي
أليـن :- لاا حبـاب جذبني ولله
الدُجى :- مـاعرفه اول ما نخلقت هوا بكتفي
أليـن :- يا فدوه صدگت مدري ليـش
سحب ايديي وحطها قريب من وجهه
الدُجى :- شـنو موضوع الندبـه لبزندج
أليـن :-اول ما نخلقت هي بزنديي
ضحك ونام ؏ ظهره يباوعلي
الدُجى :- يشمامة حياتي وسالـفة روحي
أليـن :- باع انا ما احب اكون قريبه من شخص غامـض يعني اريده يمي كتاب مفتوح
الدُجى :- لا ولله
ألين :- وداعت عبدالله
الدُجى :- زيـن سألي وانا اجاوبـج بس انتِ تجاوبينيي ؏ اي شي أسألج عليّ
ألين :- اصلاً انت تعرف كلشي عني ، المهم شنو هاذه الرقم
الدُجى :- 11.1
ألين :- أييددن
الدُجى :- نجبيي شوو شافطه انت لتصيحيلي ايدن
ألين :- خووش صائـب أحجيلي عنه شنو موضوعه
الدُجى :- يعني الّ ورا موضوع ميصير واحد عجبه رقم
دفعته من كتفه
ألين :- شوف ولله بعد ما احجي ويياك
الدُجى :- رقم 11.1 حفره وسام بنـار بلأول مجنـت اعرف شمعنى
بعديـن أدركـت هلرقم يوم ميلادي تغاضيت عن الامر نوب صار مقتل امي بـشهر 11يوم 1 كلت يمكن صدفـه وتغاضيـت نوب نخطف زيد بشهر 11يوم 1 هنا ادركت معنى هاذه الرقم وصـرت أكره كتفي كله
وصارتت هوايي شغلات بهاذه الشهر واليوم وكللهن سيئات يعني كلشي يصير بهاذه اليوم والشهر معنى انا شر ؏ كل شخص يتقرب وقريب مني
وبلاخير انا صرت مجنون بسبب هاذه الرقم صرت اكره كلشي يخص هاذه الرقـم
تنـهد وأبتـسم سكت شويه رجع كمـل :- فـقط شي واحد حبيـته بهلشهر شي واحد فقط
ألين :- شنو هوا
الدُجى :- اليـوم العرفتج بي هوا 11.1
أبـتسمت وبسـته بنص عيونه :- رقم 111 معنى احبـك ، زين كم شخص بحياتك تحبهم حيل
الدُجى :- زيد ويـاسر وحوراء جوري وسند أمجد وأمي ياقوت ووهب وأمي هديـل
خزرتـه وحجيت :- وأنـااا
الدُجى :- أنت ِالرقم الواحد
ألين :- يعني هم العددتهم شكد ؟ 11
الدُجى :- نعم 11
أليـن :- صائب انا احبـك بكد نجوم السمه
الدُجى :- غصباً عليـج
سحبـني عليّ وحجه :- يلا نامي نامي
ضميت راسي بصدره وضحكت :- احس نفـسي ڪِٰ****
الدُجى :- لا يا طايحة الحظ ؏ هلدگه هاي ليش
ألين :- عود نريد نتزوج وانا قبل العرس نايمه بحضنـك
الدُجى :- عادي تصير
أليـن :- يـلا عيني روحح لهلك
الدُجى :- بـاجر زيد يروح للبـصره
ألين :- ليش
الدُجى :- علمود يحجي ويا خوالج يراضيهم
ألين :- خوش لعد
الدُجى :- وبـاجر نطـلع نشتري غراض الج
ألين :- شنشتري مثلاً
الدُجى :- ذهب ومن غير الملابس وأحتياجات العروس يعني
أليـن :- اكلك انـا بطلت ماريد عرس
الدُجى :- يعني مترديني ؟
أليـن :- لا اريدك اروح وياك بس بدون عرس
صفگ بأيديي وگال
الدُجى :- حمامه نودي نودي سلمي على سعودي سعودي راح المكه
يجيب توب العكه ويحطه فـ صندوقي صندوقي ماله مفتاح
والمفتاح عند النجار والنجار يبي فلوس والفلوس عند العروس
والعروس تبي عيال والعيال يبون حليب والحليب عند البقر
والبقر يبي حشيش والحشيش فوق الجبل والجبر يبي مطر
والمطر عند الله ، يامطرة حطي حطي على گريعة بنت اختي
بنت اختي جابت ولد سمته عبد الصمد
أليـن :- هاييي شنو انت صوتك هي الأغنيه تضحك أنت صارت حللوه عندك
الدُجى :- مو اغنيه هاي لاتصيرين هبش
نهضت وكفت ؏ طولي ؏ الجربايه شلت قميصه
وصرت أفر بي وأكول :- وجاكشي وجاكشي وجاكشي ، ولله لروح ليدتي واشكيلها عن قصتي وكلها ياجده شلون ، وجاكشي وجاكشي وجاكشي اها وجاكشي ، عود انا رحت لعمي ، اشكيله ضيمي وهمي، عود انا رحت لعمي وشكيله ضيمي وهمي حط بيه لبه وغمنيي وجاشكي وجاكشي يهي يهي صفگه
سحبـني مگعدنـي بحضنـه :- يخيي گامت علينه هبش بنص اليل
أليـن :- غنيليي حموديي
ضربني راشدي بخفه :- هاذه يياهوو حموديي ؟
ألين :- لااا هاذه الهسا غنيتها
الدُجى :- املخ خدوديي موو اغنيهه
ألين :- يي مادريي هي غنيها
دارنـي عليّ وثبت عيونه بعيوني
الدُجى :- وأني ࢦ مُتيم بعينيكي
أليـن :- غارق بك وكأنك أعظم انتصاراتي
أبتسم وگال :- خلنلعب
ألين :- ههه ألعب
الدُجى :- خلي عيونج بعيوني
ألين :- مخليتهن
الدُجى :- ايي العـين بلعـين واليرمش ينـباس
أليـن :- بلخد
رفع حاجبه واشر ؏ شفـته
بتعدت لورا:- لا مالعب
الدُجى :- اها ؟ چا بس تعرفين عرس ؟
ألين :- ليش انت معرس هسا ؟ لا فـ ما يحقلك
الدُجى :- چا بس تعرفين تبوسين بلخد
أليـن :- عادي اعتبرك مثل سند وابوسك بخدك
الدُجى :- خاب دطيـريي بلأيام الجايه اشوف بنت امج تبوسيني بخديي
أليـن :- اكلك انت ليش اجيت تاخذني مامليت مني صارلي هواي وياك
الدُجى :- كل يوم ألتقي بي بيج اعتبره حياة جديده
تنهدت وبقيت ساكته حاوط خدي بأيـده وميل راسـه
:- شعجب هيج حابتـني ؟
أليـن :- أريد اعوف كلشي وراي وأبدي من جديد تمرمرت وتعبت بعد مالي طاقه
الدُجى :- تقنعيني تخطيتي كلشي ؟
ألين :- لـم أتعافئ بـلـ أجبـرت على التخطـي
الدُجى :- خليـج يمي وخليـني أزيح تعبج من صـدرج
خليـني أكـون قريب منج أعوضج عن كلحضه ترست روحج
تعب احـبج واهتملج واكون صديقج وحبيبج وزوجج وكلشي تردي
بس لاتصدينيي عنـج ، اتعب من تّعبيـن واحزن ؏ حزنـج
من عرفتج وعرفتيـني انا ما نمت ليله وحده مرتاح بيها وأنت ِيمي
أفكر بيج وبگلبـج
خليت راسي ؏ صدره :- أخذني بكلشي مابيعك اخذني من التعب يمك
الدُجى :- ولله لو تدرين بحلم ما منطي بيج
سحبني حطني ؏ الجربايـه :- وييلا هيج وقت ما اريدج بعد تبقـين كاعده حدج الساعه12 وتنامين خوش ؟
أليـن :- مو خوش
الدُجى :- ولله اغسلج غسل ، انا رايـح هسا وانتِ نامـي علمود اجيج الصـبح اخذج
هزيـت راسـي وغطيـت نـفسي نفتح البـاب وطلع هوا
شويه وجاب جوري وسند حطهم يمي وطلع
نايمين ثنينهم بقيت شويه ونمـت..
………………
حـوراء..
خالتـي تنـام بغرفـة علي واحنه مستحلين غرفتـها
راد امجد يصعد فوگ بس هي ما قبلت تكله تطيب
كلش يـلا تصعـد لغرفـتك
جـان هوا متمدد ؏ الجربـايه ويتصفح بجهازه
وأنا واكفـه بنـص الغرفـه واكل بجلد شفـتي السفليه
رفعت راسي عليّ من حجـه :- تعالي يميي
حوراء :- أممجدد
أمجد :- خير بويهه
حوراء :- تقنعننيي انـت ماعنـدك غيـريي
أمجد :- ليش يُبا ؟
حوراء :- ييعني انتت رجال وما متقربـليي وساكت عن الموضوع انا سامعه الرجال مايتحملل
أمجد :- هسا انا من تجيني اكلج لا شو انتِ الماتقبلـين ؟
حوراء :- لاولله انت عندك غيـريي
أمجد :- بله شلون تعالي سولفيليي
حوراء :- اناا سامعه الضـباط نسونجيين
أمجد :- أنا مو نسونجي بس اذا اخوانج هيج ف هاي مو مشكلتي
حوراء :- لاولله خواني ابداً ميحبونن هاي السوالف بس
أمجد :- لعد شبيج گالبه عليه ؟ انا مو مرافگ خوانج ؟
حوراء :- ومنو كال مو نسونجي
أمجد :- ليش هم ينطوني اختهم اذا نسونجي ؟
حوراء :- ولله ما مرتاحتلك
أمجد :- مشكلتج
حوراء :- يعني احلف انت مو نسونجي ؟
أمجد :- لا بس ما احلف
حوراء :- شووف ولله انت ملععبب
تجاهلني ورجع يتصفح بجهازه كعدت بلگاع وصرت ابـجي
بحرگه
أمجد :- لج حويريي هاي صدگ ولله ؟
گعد مقابيلي ؏ الجربايه وسحبني من ايديي عليّ
:- عليمن هلبجي ولج
حوراء :- وخر عني انت ماتحـبني
مد روحه ؏ ضهره وسحبني منومني ؏ صدره
أمجد :- أنعل ابو زيـني اذا ما احب گمريه
حوراء :- لعد ليش ماحلفت
أمجد :- ندري هرموناتج طابگه علينه فـ لو احلف منا لباجر تبقين تنكدين عليه كلت اخليج براحتج
حـوراء :- وخر عني
أمجد :- لاولله ما اوخر عنـج اريد حقي لا أصير نسونجي لستار
حـوراء :- وخخخرر
أمجد :- نجبي لاتصيـحين
حـوراء :- يلا حباب وخـر
أمجد :- شوفي انا مو ؏ بالي وانتِ ذكرتيني فـ محد يخلصـج مني بعد
رخه ايده وسحب روحـه لفوگ انا طـفرت بـسرعه من الجربايه
كعد ؏ حيله وكال :- خايبـه والحـسيـن اذا ما اجيتي ال نجوم الظهر اراويجياهن
نفخت حلكي والدمعه بطرف عيني :- ما اخاف
ضحك وحجه :- عليـمن تخافـين قصدج اعيد غلطة اول مرا ؟ ولا وحكـج هلمرا حتى متحسين عليه
حوراء :- ما
أمجد :- ولج حوريه اكتلج ولله
حـوراء :- يعني شنو قصدك تجبرنـي ؟ ليش تخليني اخاف منك ؏ طول
تغيرت ملامح وجهه وبقـه ساكت بلل شـفته
وتمدد حط ايده ؏ عيونه ونام يييمه كل ما اشوفه
يتصرف هلشكل تنعاد عليه اخر مرا من نخطف
تقربت علي ونغرته بأيده :- أمجد
ماجاوبني رجعت حجيت :- عادي ولله اقـبل هاي هيّ
أمجد :- لاتقبلين ولا بطيـخ نامي وسكتي
حـوراء :- أممجدد شبيـك لا تحرگ گلبيي
أمجد :- هوا شبيج ماريدد بطلت تعبان اريد انام سكتي
حـوراء :- حباب گوم لتنام
أمجد :- أبجيي ابجي شمتانيه
نزلت مبتعده عنه صـفنت شويه وابتسمت
طلعت صعدت لغـرفتي ، جبت ملابس نوم
وقلم روج بُني وعطر ورجعت نزلت
گلبي يهز من التوتر شكاعد اسويي مادريي
دخلت للغرفه ؏ حطته حتى ايده ما شايلها
دخلت للحمام سبـحت لبـستها جانت واصله
لرجليه كلش بس رداناتها خيوط نشفت شعري ومشطته
وخليت روج وعطر وطلعت
نوع قماش الفستان يجنن يتمايل ويا جسمي
بـس يمه متت بدمي احس مسويتلي مكسوره
وخاصه من تذكرت مِن كلي تسويلي اغرائات
والحلوه انا ؏ عنـاده خليت نفس الحمره
شلون اكعده حتى ينتبهلي ماكوو بس ماردت اروح
اكعده بأيديي فـ رحت ؏ نقطة الكهرباء اطفي واشغل
بلضوه
؏ نفس حطت ايده وحجه :- هسا عوينتج انتِ لاتحرگين الگلوب
حوراء :- شنو قصددك عادي انا وهوا لاا
أمجد :- هسا هوا لاعب بيج لو انتِ
حرگ ددميي حرگ من ما شال ايده ويسولف وياي
وهوا مغمض ييمه لو عندد امجد لو احط گرون براسي
ماكدرله بعد
رجعت خليت من العطر بلكيي عود يترس نفسه
ويگعد ماكوو هسا شسويي رحت فتحت جهازي
؏ تيك توك ومعليته كلش بلكي عود ينزعج
شو هاذه گام يسولفلي عن مواقفه
بس ابدا مشال ايده وعيونه مغمضهن
أمجد :- ذكرتيني بنفسي من التحق اخلي الجهاز عالي وكلها تصير تتفرگ لايكدرون يكلولي نصي ولا يكدرون ينامون
حوراء :- وليش بله عيني ميكدرون يكلولك نصي
أمجد :- لأن أعلي اكثر بعد
حوراء :- ها لذالك مدا تكولي نصي
أمجد :- لا انتِ بس اكلج نصي تطفينه كلش وحريمه اگطع ونستج محد مونسج غيره فـ ضالني ساكت
حوراء :- أييع شكد مغرور
أمجد :- تموتين ؏ ربي
حوراء :- امداني يولله
أمجد :- اييولله مليون مرا جنتي مضيعه عمرج من ماتعرفيني
ششككدد مستففز حتى تندمت لأن بدلت وعبالي ضاج
كلت اراضيي بعصبيه حجيت
حوراء :- صوجي انا من سبحت
انا كلت هيج وماحس ال مفروع فرع بلضحك
حتى اختنگ وصار يگح عيونه صارت تجري دمع
من الضحك ، بلاول انا صبرت
بعدين متحملت صرت أضحك لضحكته
اشرلي بيده تعالي حجه وهوا يضحك
صوته بلگوا ييحجي :- تعاي تعايي
تقدمت عليّ وشمرت روحي بحضنـه
ضهري صاير ؏ صدره بعد شعري وباسني بعقني
وهوا يضحك :- مِن فدوه ونذر رحتلج ، صوجج سابحـه ؟
حـوراء :- هوا شبيك انت نفتگت ؏ الضحك
أمجد :- شو شعرج حلو وانتِ حلوه نروح لسينما ؟
ضحكت وحجيت :- قديمه صارت ترا
أمجد :- اخ اخ اخ عليج
من بعد هلكلمـه وسحبـني لحضنـه ايده بدت تتجرأ ؏ كل جسمي
بلأول جـنت خايـفه ومتردده بس بكلامـه وحركاته الهادئه
زاح كل مخاوفي من هلموضوع وتأكدت مراح يعيد السوا
بيه أول مرا ،
جان الضوء خافت بلغرفه
جنـت مغمضه عيوني وحسيت بقطرة ماي تنزل ؏ خديي
فتحت عيوني اجني بعيونه الصايرات حمر دم وجهه كله متشنج
ودموعه تنزل بغزاره ، شافني فتحت عيوني وابتعد عني
صار وراي وسحبني عليّ ضام وجهه بعنقي
جان مقيدني حيل علمود ما ادور وجههي علي
بس قاومته واصريت ادور وجههي علي
لفيت الغطه عليه وحاوطت وجهه بأييديه
حـوراء :- شكاعد يصير
أمجد :- هذيج اليله الأذيتج بيها ، وحبي الج واحلامي لبنيتها ؏ امل تصيرين الي ، ورفضج ، وخوفي عليج كلهن التمن عليه سوا ماكسرني وكلهن فرحانلهن بس أنا حقير لدرجه أذييت بنيه بـيج
حوراء :- شلون مافهمت يابنيه
أمجد :- بـنين ، جنت بعلاقتنه الزوجـيه وأكلها اسمج بدل من اسمها جانت تتأذه حيل بس صبـرت وصبرت عليه بس ولله العظيم حوراء مجـنت قاصد أذيتها لسسانيي ينطق اسمج بدون وععي مني
ضحكت بخفـه وحجيت بهدوءممزوج بقهر :- واليوم وبعلاقتنه الزوجيـه نطقت أسم بـنين بدل اسمي
باوعلي مفتح عيونه بوسع ووجهه
حتقن تنهدت ورجعت حجيت :- بـس شوف انا ما نقهرت لأن مو من حقي انقهر ومو لأن ما احبك بلعكس انا اموت بيك
وحقاً من نطق اسمها انا تغاضيت وما ادري
منين اجاني هلبرود او الماعرف شنو اسمه
بس ما نقهرت ابـداً وكأن نطق اسمي بدل اسمها
ومن كالي هوا جان ينطق اسمي بدل اسمها
رتاحيت اكثـر من ناحية هلموضوع وحسبته رد
دين لبنين ومن عدم مُبالاتي للموضوع هوا حـسب
نغثيت وضجت وبسبب هلشي انا محجيت
بس انا حقاً ما تأثرت ابدا وحتى انا تعجبت من
نفـسي شلون تقبلت وطبيعي عندي صـار الصـبح
ألين بوكتها كاعده وتوكل بسند وجوري
بلصـاله ضهرها صاير ؏ جهة الباب
دخل صائـب يمشي بـدون ميصدر صوت
طبعاً موهبته هاي الشغله ، جعت راس الين
وباسها بخدها لزمت گلبـها وتنهدت :- الله يستر كلت شنو هاذه
جان بس انا والين بلصاله فـ هوا اخذ راحته عود
رفع راسه عليه وحجه :- مجوديي وين
حوراء :- حلوه هاي تسأل ؏ امجد قبل متسأل عليه
الدُجى :- امشيي عني زعلان عليج
حوراء :- هاي شمسويه
الدُجى :- ليش اذكرج بأتهامج الي ؟
دار وجهه وطفرت الين لزمت بزنده
أليـن :- تحجيليي هسا
الدُجى :- عادي ماعندي شي من لتقيتي بروز بلجامعه جانت خطه مُدبـره مني ومن امجد والولد لعلساس هددها بصورها واحد من جماعتنـه
أليـن :- اجيت انصدم بس بعدين تذكرت خلصت عمري صدمـات فـ عاديي روز شنو قصتها وليش خططتو لهاذه كله
الدُجى :- اجـه تهديد بخصوصج يعني التهديد كان لأبوج
ألين :- وروز شنو شغلها ، وجنتو تعرفون بيها بنت خالي ؟
الدُجى :- روز التوصل النـه أخبارج وحتى صارت جاسوس عليج
وتراقب اي شخص يلتقي بيج لو يحجي ويـاج وبلنـسه لقرابتها بيكم فـ هاي صدمه بوحدها
ألين :- وشلون سويتو روحكم متعرفوها من اخذتكم لبيتهم ؟
الدُجى :- يي قابل نكلج عادي نعرفها وبعدين قصة اهلها موضوع ثاني مجانت عدنه اي فكره عنهم
صـفكت بأيديها وضحكت :- بارعين في التمثيل
الدُجى :- نعجبج ، روحي راضي روز لأن هي مسوت شي
أليـن :- ليش تزعل انا محجيت شي وياها
الدُجى :- مازعلت بس يعني احجي ويـاها
ألين :- زين ؏ شنو اذبحها من حجت بلمستشفئ
الدُجى :- هلوسه مالها معنى ، ألين غير هلشي بعد ماكو
طلع أمجد من غرفة الاكل هوا وأمي
أمجد :- هلا بلنسيب
الدُجى :- اجيت اخذ اختـك نطلع لسوگ
أمجد :- مـادريي افكر اخليها تطلع وياك
الدُجى :- خاب اشگك بلنـص اسكت احسلك
ندگ البـاب درنـه وجوهنـه
ألين :- بهلاا بعموو هلا
عقـيل :- السلام عليكم ، هلا بنـيتي
ردينه السـلام كلنـه عليّ هوا دنگ ؏ جوري وسند
بوسهـم ورفع راسه حجه :- أجيت أخذ أليـن لبـيت جدها يردونـها
أمجد :- علاقتها منگطعه بيهم
أليـن :- عمو انا من زمان كافه شري عنهم
عقـيل :- بيبيتج تريد تعتذر منج ؏ السوته بيج سابقاً
أليـن :- الاعتذار ما يصلح اي شي سوو بيه فـ عمي انا ما اريد اتواصل وياهم ولا انا الحاقده عليهم حتى يخافون يتحاسبون ؏ سيئاتهم ويايه
الدُجى :- وهي هسا تريد تطلع ويـايي يعني ماعدها وقت الهم
عقـيل :- شوفي محد باقي هناك حتى عمتج مريم تزوجت
أليـن :- أخـر همي ، عمو ولله ماريد شوفتهم
عقـيل :- وجدج ؟ بيبيتج مريـضه وحيل همين خلي النفوس طيبـه وروحيلها شلون مجان تبـقه أم ابـوج
أليـن :- مادري عمو ماريد اروحلهم وانا لا شايله عليها بگلبي ولا شي عايشـه حياتي مثل ما هيّ
منـار :- روحي ماما واخذي صائـب وياج
أليـن :- حتى أمجد وحوراء خليجون
أمجد :- انا ما اروح بس خلي حوراء وياج اذا تريد
الدُجى :- انا هم ما اروح
عقـيل :- خوش بـويه يلا انا طالع وتعالن وراي
طلع وألين دارت وجهه ؏ الدُجى وأيدها ترجف
وهي كلها ترجف :- تعال ويايي
الدُجى :- أذا هيـج حالج تخربط فلا تروحـين
ألين :- لا خليني هسا اروح حبابب
أمجد :- أدري بيك رفضت علمود متروح ألين فـ حبيبيي روح هي بس هلمـرا
الدُجى :- أذا صالحتهم تبقه تروح وترجع عليهم وانا ما احبهم
أليـن :- بس علمود عمي لأن اجه عيب يرجع هيج حباب
الدُجى :- تمام خابري عمج كوليله خليروح انا اخذج
اتصلت علي أليـن وكالتله يروح تحاول
تضم توترها بس مبين عليها
مد ايده الها الدُجى هي خلت ايديها بجف أيدي
وتنهدت دارت وجهه ؏ سند وجوري
أليـن :- منو يمشي ويايي ؟
ثنينهم طفـرو :- اناا
جوري ركضت لابوها حتى يشيلها شالها ودنگ ؏ سند
هم شاله وياها :- يلا گمريـه ويانـه
حوراء :- عود انا شكو رايحـه
أمجد :- علمود اذا صارت عركه هناك انتِ تفزعين
حوراء :- حلوه هي بس بهاي صدگ افيدها
دخلت لغرفتي لبست عباتي والين متجهزه لأن جانت
نيتهم يطلعون هي والدُجى ، طلعنه صعدنه بلسياره
وتوجهنه لبيـتهم ، وصلـنه لبـيتهم نزلنه ودخلنه
جان بيتهم بي هواي ناس مو بس اصحاب البـيت
صائب راد يدخل للديوانيه بس ولدهم كالوله يدخل جوا
سلمنـه ودخلنه ؏ الحجيه صدگ حالتها تعبانـه
ومتمدده ؏ الفراش وحتى ضعفانه مو مثل مشفتها قبل
بدون ايي كلام منها تقدمت أليـن حضنت چف ايدها
وباستها :- تمنيتج بيبيتي بمعنى الكلمه
حجت بصوت واهن وهزيل من التعب :- حبوبه صح السويته بيج ما ينغفرله بس أريد منج تسامحيـني تندمت ولله وخجلانه من نفسي عليج
أليـن :- انا بعيده عنج كل البعد بس تذكرين من كتلج سلمت امرج بيد الله
وهواايي كتلج وراج حسـاب بس مجنتي تخضعيلي وهاي النتيجه
عقـيل :- خلو النفوس طيـبه
علي :- كلنه متندميـن ؏ السوينا بيج وكلنه نلنه عقابنه وعرفنه حقج ماضاع
الدُجى :- ليش بشنو تعاقبت انت
علي :- تعاقبت بأمي
الدُجى :- وانشالله تتعاقب بنفسك
علي :- انا ممحاجيك عليمن هلحجي
الدُجى :- لاتحجي ويا مرتي وانا ما احاجيك
علي :- اريد اعتذر منها
الدُجى :- گوم بوس راسها وايدها
علي :- انا عمهاا
أليـن :- ممحتاجه اعتذار اي احد منكم وعايشه وبالي مرتاح لأن ماسويت مثل السويتو بيـه
جاسم :- بويـه أليـن أنا اعتذرلج بنيابة عنهم كلهم ، بويه ولله اسف وادري اعتذاري لا يجيب ولا يوديي بس اتمنه تسامحين حبوبتج
الحجيه :- يمه سامحيني حتى اموت وانا مرتاحه
ألين :- خلص انا مسامحتج ومسامحتكم كلكم سامحتكم مو حباً بيكم لا بل حتى انام وانا مرتاحه سامحتكم علمود بعد ماكو عذر يجيبني الكم لان اريد اعيش حياتي من جديد ومن دون اي احد منكم
دخلت بنيه تتمايل بجسمها مّايل وبصفها مرح بنت جُمان
أشرت ؏ الين وهي تعلج :- هيي هاي أليـن
هزت راسها مرح ودخلت تقدمت ؏ الين
كعدت بصفها كلش وحجت :- انا هم أريد تسامحيـني احلفلج بالله هنّ جان يجذبن عليه بخصوصج وجنت اشوفج شلون تعاملينهن وعبالي كلامهن صدگ
ابتسمت ألين وحضنتها :- شكد جنت اتمنئ تبتعدين عنهم لان جنت واثقه انتِ غير عنهن
مرح :- اسفه ولله كلش خجلانه منج
أليـن :- عادي حبيبتي اليهمني هسا وعيتي ؏ كلشي حولج ، أمج ماشفتها وين ؟
ضحكت بهدوءوحجت
مرح :- بـرا تكول استحي ادخل عليها
طبعت بوسه ؏ جبين الحجيه ونهضت
والبنيه التعلج بعدها واكفه بلبـاب طلعن ألين ومرح
وهي ضربت بكتف ألين بقوه
رادت تحجي بس من شافت ألين حتى ماباوعتلها
سكتت ، وبقت واكفـه بـلباب شاجخه روحها شجخ
وماكو واحد ما اخذتلها صفـنه بوجها من وصلت لصائب
صفنت بي شويه وصدمتني بجرئتها وشلون تسأل كدام الكل
جان اكو نسوان وزلم كاعدين من كرايبهم بلغرفه
:- أكلك انت متزوج
عززا وين اكو وحده تسأل رجال هيج وهم نوب سند وجوري
ثنينهم كدامه كاعديـن دار وجهه عليها وجاوبها رأساً
الدُجى :- واذا ما متزوج ؟
:- اكل لامي تحاجي امك علمود تخطبـني الك
صخام بعيني من يميي حسيت اريد اضم روحي بملابسي
زمخ بيها علي ولا تحركتت قهقه صائب بخـفه ورد
الدُجى :- اهلج وكلوج خبز ما علموج تربيه
:- اووي هي علساس شتفيد التربيه شو هذويلج العوانس شفادتهن
أحمد :- روحي منا وستري ؏ روحج لا تجي مرتـه شر تشرج ؏ الحبل
:- اووي وشنو من الشارع جايتكم وين اهلي عني
الدُجى :- تشرج انتِ واهلج
:- ههههاايي ومنو مرتك حتى هيج قويه والكل يحجي بيها انتُ محد يعرفني ويعرف قوتي
حوراء :- مرته الطلعت منـا قبل شويه التمنيتي تحجي وياج حرف بس هي رگعتج بعرض الحايط وعبرت
:- ههههههه شوفي هسا اذا ما اخليها هي التتمنئ احجي وياها
أحمد :- انت ِهسا شتحسين من بهاي وكفتج علينه ؟
اشرت جوري لبرا :- أجتي ماميي هسا راح تخليج تبجين عليج هي ماتحب مو مؤدبات تبسطهن
:- اوي بطول زري ولسانها شطوله
دخلت ألين وهاي مدت رجلها خلت الين توگع
بـس نهض الدُجى ؏ ركبه ولزمها معافهه توگع
ألين بدون متدور وججها تنهدت وحجت :- ايييي ؟؟
:- ههههاايي ؏ حجيهم عليج صدمتييني وكعتج رجلي بس
باوعت بعيون الدُجى هوا هزلها راسه ضحكت الين
ودارت وجهه عليها خلت وجها قريب من وجه البنت
ألين :- ليش جسمج يحكج مثلاً ؟ احكه الج عادي معندي شي
:- شوفيي حبيبتي انا مو ايي وحده اكضج اسحلج سحل
شالت ايدها الين رجفتها بأستهزاء وتباوع عليها :- هيج صرت ارجف
دارت وجهه ألين وكعدت بنصنه انا وصائـب
رجعت تسولف ويا صائـب
:- معقوله شاب حلو وعضلات مثلك يتزوج وحده مثل هاي
مارد عليها الدُجى رجعت حجـت :- ولله طلگها وتزوجني ال ادلك دلال
ناضم :- انتِ ولله بطرانه هوا علكد ما يحبها راح يتزوجها مرة الثانيـه
:- گطييعههه
ستغفرت أليـن بصوت ناصـي بلگوا متحملتها
رجعت ضحكت وحجت :- هسسا شتكول تتزوجنـي
بـالله مستحييل اكدر اوصف قذارتهااا مِن تقدمت وكعدت
بحـضن صائـب وكلها تفاجئت منـها وبقت مذهولـه صاح احمد بصوت
عالي
احمد :- اليين مو عيب عليـجج مخليه البـنات تنضف وانتِ كاعده
بنفس الحضه نهضت جوري تضرب بيها دفعتها البنت
والدُجى دفعها من ضحنه بكل قوته
نهضت ألين لزمتها من شعرها وطلعتها سحل من الغرفـه
وتحجي بحرگة :- اننا لو السالفـه مخليته بس عليه جان سكتتلج ، بس تمدين ايدج ؏ جورييي امسح ارض الوطن كلها بيج ومايشفئ غليلي
كلها تعيط بأسم ألين يردونها تعوفها بس هي ولا سمعت
واليجي كبالها تدفعه قبل ميوصلها ، اما الدُجى وكف متكتف ويباوعلها
ويضحك بأستهزاء طلعتها من باب الصاله والبنيه صوت بلسمئ وصوت بلگاع
عافتها هنـاك ورجعت ماعرفت شسوتلها لان مطلعت وراها بعد
رجعت كل جسمها يرجف من العصبيـه لاگاها الدُجى حضن
كفوف ايديها يهديها رجعها للغرفه
بقو بيها بس عمي عقيل والجد والحجيه وناضم
وانا وجوري وسند كعدت وهوا غسل وجها بماي بارد
ويمسح ؏ أيديها وجهه احتقن وصار احمر
جنت قريبه منهم هوا قرب وجهه من وجها وضحك بخفه
الدُجى :- اششش لتبجـين ، ختولي ماتسوه
ألين :- اخذنيي منا
الحجيه :- لا يمه من فدوا اروحلج ابقي ؏ الغدا
عقيل :- عمو ماتسوه البنيه مامتربيه العتب مو عليها ؏ اهلها
نـاضم :- عمي همزين ما طلعت مرتك مثلها
عقيل :- هي لو مثلها اتزوجها انا شو ولله بطران انت يعمي
نـاضم :- بس والقرآن هوايي مشتاق لريكشنات ألين خوش ونستينه اليوم
هم يسولفون والين والدُجى بوحدهم شالت ايديها
وراوتهن اله :- باع رجفة ايدييه
الدُجى :- اشش من العصبيه هاي ، تروحلج فدوه
جاسم :- بويه ألين السلف واهل السلف كلهم يرحولج فدوه
عقيل :- وهاي جدج يتغزل بيج شتردين بعد
ناضم :- تريد عمها يتغزل بيها
الدُجى :- كايلتلك ؟
نـاضم :- أنا اقرأ عيون
الدُجى :- وانا اشلع عيـون
نضهت جوري وباست ابوها بعينـه :- وانا بوس عيون
عقـيل :- ولكم جيبوها اليه اكلها شنو من عسل هاي
حضنها الدُجى وكال :- لا بنيتي اريدها ما انطيها حنينة ابوها شعندي غيرها قابل عشره شو هي بس هلجوريي
جـوري :- ولله اكو هاي البنيه كحبيه دفعتني
يمه كون تبطل هاي الكلمه سحبتها الين عليها
وخلتها بحضنها شاورته وجوري خلت ايدها ؏ حلكها
بمعنى سكتت
سند :- بابا روح العب ويا جهالل
الدُجى :- روح حبيبيي بس ليش عفت ناضم وراك
نـاضم :- ها اعلنت حربك ويـاييي هااا ها نسيبنهه ها
طبـعاً صائب بس من هاي العائله فقط أحمد وناضم يحبهم
وناضم كلش يحبه واحمد يحبه بس مايريده يكون قريب من الين
مايشك بس هوا احسه يغار ؏ الين حتى مني ههههه
راد يطلع سند وألين نهضت ورا :- جوري تطلعين لو تبقين يم بابا
جوري :- لا بقي يم بابا انا ماحبهم هم مو مؤدبين وصخين
الدُجى :- فلك طر الوصخين
عقـيل :- خوش تفتهم
نهضت ورا ألين طلعت ، لاگتنه مرأة حلوه بس تصير بكد خاله منار هيج شي
:- ألين ضاله ؏ حطتج يكلك بعدج بعمر ال12
ألين :- اسمالله مو لهدرجه
:- لا ييا اقصد شكلج يعني شكل وجهج باقي حلو ممتغيره
دارت وجهها عليه وحجت :- زين هاي منو لبنيه
ألين :- أختي وصديقتي ومرت اخويي
:- ياعمريي عليها لعد اختج ليش ماهيّ
ألين :- اختي بيت زوجها
:- يا شو تعاي كعدي هنا خلنسولف
كعدنه وهي مبينه حبابه :- اختج هم متزوجه يعني
ألين :- متزوجه وعدها بنيه
:- قرابتنه لو منين
ألين :- لا يا قرابتنه ينجرعون همّ
:- يا شعجب شو كله هنا ال ابن عمك وابن خالك
ألين :- انا اكلج هم أخواني لهناك مايربطهم شي بيكم هنا هنا عمامي وغيرهم لان معاشوو هنا اصلا وصاحب العائله هوا اخوي واخوي مو منحط ولا عنده هاي التقاليد لعدنه هنا ويعتبر عنده عائلته وعشيرته
مكونه من اصدقائه وغيرهم بيتنه هذاك يعتبر عائله غير عن عائلتنه هاي
:- زين شسويتي من عرفتي عندج اخوان
ألين :- عوفي من عرفت عندي اخوان كليلي شسويت من عرفت ام اخواني هي أمي الحقيقه
عكدت حواجبه :- شنهو
ألين :- اييوداعتج امهم امي وانا تؤأم لاحد ابنائها
:- ادري عندج توأم بس علبالي هوا ابن امج الاوله
ومن سوالفهن عرفت هاي مرة عمها عقيل وهاي البنيه
السحلتها الين تعود لهاي المره بس ولا مهتمه البنيه
أليـن تسولف ومندمجه بس عينها ؏ سند
تخاف يتأذه لو شي وهوا يلعب وياهم
والحلوه صائب عينه ؏ ألين هم خايف تتكرر سالفة قبل شويه
شويه وطلع صائب شايل جوريي راحتله الين
الدُجى :- طالع انا يمهم
أليـن :- چا جوري لتاخذها
الدُجى :- لا اخذها وانتِ بقي سند يمج واذا يريد يجي هم جيبي الي
درت وجهي علي :- سند تروح ويا بابا
سند :- لاا ماروح
هز راسه وراح صائب البـنات والنسوان التباوعلنه يكلك
مسويلنه كارثه بيهم وخاصه نضراتهن لألين وكأن يريد ياكلنها
اجه اتصال لألين من الشغل ردت تسولف
وتقدمت مرأة يمها :- أكلج خاله عندي سالفه وياج
سوتلها الين اصبري بأيدها لان مبين الكلام مُهم
عاكده حواجبها وتستمع للمتصل بعدين ابتسمت وودعتها
والمرأة بقت واكفـه ڪِٰـدام ألين :- ها عينايي اسمعج
عكمشت وجها المرأة وحجت بتعجرف :- شنو هاي البنات صايره متتحاجه عياره هي شني
ودارت وجها وراحت ضحكت ألين وتجاهلتها ألين
من النوع الي هي تختار موقت معاركها ووقت راحتها
وهاذه احله شي بيها
مر الوقت وألين تفتر بنصهم ولا مُباليه لنضراتهن وخزراتهن
وحقدهن الواضح ؏ وجوهن وكل شويه مرت وحده تحجي وياها
وهي ترد عليهن بكل احترام لو يدوسن بمصارينها وهي ترد عليهن
بعمري وحياتي واعرف هلطبع علمود تستفزهن وتثبتلهن كلامهن
لا يجيب ولا يوديي
مرت بنيه شابه من يم ألين :- ولله كون منج ولاااربي جهال زوجي شنو مخلفتهم وناسيتهم
أليـن :- من اذبهم ؏ كتافج الج الحق تنصحيني
:- عززا وهيج تحبيهم
قهقه باستهزاء
أليـن :- دادا روحي شربي ماي اكيد تعبتي
:- ييع جايبه لروحج الذل اعيش حياتي شنو التهي بزعاطيط
أليـن :- دادا روحي لا ادوس بمصارينج
هزت ايدها وراحت تقربت ع الين وحجيت متعجبه
حوراء :- ككطيعه هاي شلون متحملتهنن
ألين :- لا تتخيلين انا حاسده روحي شلون انا منهن وبيهن وما طلعت عليهن
حوراء :- بس ولله كون انا ولا اعرف اتفاهم وياهن ايدي والضربه
ألين :- جسمهن بلاستيك ولا يهتزن قابل لا يتربن بس انا اثق ان ضربة لساني اقوة من ضربة ايديي
بقيت اباوعلهن ومصدومه نوب يحطن عينهن بعين الين
ويخزرن بيهن هيي شتسوي ؟ تبتسم بوجهن
واكو بنات داسن بلحجي حيل وصلت بيهن يكللها
:- خاف هم جهالج خاف عندج علاقه قديمه ونايمه ويا وهسا يلا قبل يتزوجج
رد ألييين يخلس ؟؟
ألين :- berhabs (ربمـا ) عادي تصـير
هن طگنن خزرنها وراحن عززا شلونن هيج صبـوره
كعدنـه يم مرح ساعدناها تشتغل وياهم يجهزون للغدا
مـرح :- صايره ولا اتحمل وجودهن ابداً
أليـن :- خيولن
مـرح :- يلا روحي هناك علمود نجيب الغدا زوجج كال مستعجل يريد يروح
حوراء :- هوا نشيله وياج ونتغده
صدگ جهزنه وشلنه الاكل كله وكعدنه نتغده
خلصنه انا وألين ونهضنه طلعنه نريد نغسل
انا جنت امشي ورا أليـن وماحس ال تندفع بقوه
بأتجاهيي نرگع راس ألين باب الغرفه صرخة ألين
من وجع الضربه ،
انا هم وكعت خلت راسها الين بحضني وعضت ايدها
حيل ،
رفعت راسي اشوفها أحققر انسانه واكفه كدامي
أم وسيم ، درت وجههي ؏ الدُجى الاجه بأتجاهنـه
يركض وجهه محتقن صاحت هيّ
:- كـ* *** قتلتييي اببنيي يلمجرمممهه ، ببببتتت حنننانن كلجنن ڪِٰ**** ع فرد طگه الييوم اذبحج عبالج محد يكدرللجججج
عبالج رحيم ما كدرلج انا ماكدرللجج
نجرت من ورا وضربها ؏ صدرها بكل قوته
بضهر أيده وتقدم شال راس ألين
الدُجى :- ممااييي باردد بسرعهه
جابت مرح ؏ السريع صب الماي ؏ راسها
وحضنها وهاي كلها ملتمه علينه
نهض ودار وجهه عليها هي اول مشافته
ارتدت لورا مصدومـه :- ءأنتت شتسويي هن هنا ش شجابك
خنگها ولزكها ؏ الحايط :- هي موتت ابنج انا امووتجج الييومم ، للج اذبحجج بأيدييي اقطعج اوصل اوصصللل تمديين ايدج ؏ مررتيي ايددج اكطعهااا وانطييهاا للجلاببب ياجلببه
ختنكت وصار وجهه أزرگ بلگواا بلگوا كلها لتمت علي يلا
كدرو يبعدونـه عنـها
دار وجهه ؏ ألين وگومها حاضنها من كتفها وشرار عيونه
يتطاير دار وجهه عليها وحجه وهي تباوعله وتگح مختنگه
الدُجى :- عقابـج يمييي عسيـر واندمج ؏ الساعه الخطت رجلج بأتجاه أليـن ونمددت ايدج ، غير هاي شوفيلج حفره وطميي روحج بيها بلكي تخلصين مني
صعدنه بلسيـاره وسند وجوري جانو كدامنه
صاعدين صعدت الين بلصدر جاب ماي وغسل وجهه بي
حجت وصوتها متحشرج :- مابيـه شي كافـي
حضنها وعيونه دمعت عوزه بس ما يبجي
الدُجى :- ماكدرت احميج منها
سد الباب اليمها ودار صعد حرك سيارته
وهوا كلشوي التفت عليها ،هي مرجعه راسها
؏ الكرسي ومغمضه عيونـها
أيـدها جـانت ترجف حضنها وحطها ؏ گلبه
الدُجى :- عمت عينيي يروحي ريت بيه هلوجعه
جـوري :- مامي شبيها نايمه
حوراء :- مابيها شي حبيبتي نعسانه
راد ياخذها للدكتور بس هي مقبلت وتكول مبيه شي
صدگ شويه ورجعت تسولف وتحجي طبيعي ورجع وجهه
جان لونه مخطوف وشاحب
وصلنـه للـبيت كالت الين :- اكلكم سدو الموضوع لتحجون شي
الدُجى :- اشوف يا شريف بعد يجيي ياخذج الهم
ألين :- همّ شدخلهم
الدُجى :- انا كلت وبعد اشوف شلون تروحيلهم
ألين :- لاشسويي بعد رايحتلهم
نزلنـه احنه وهوا بقه بلسياره :- اشوي العصر اجي أخذج
ألين :- ماشي
دخلنه احنـه لجوه وهوا راح صعدت ألين هي وجهالها
وانا دخلت للغرفه لكيت امجد كاعد ؏ الميز وكدامه حاسبات
واوراق شافني سداهن ولم الاوراق وضماهن
حـوراء :- عبيبييي
أمجد :- عا يا روع عبيبج
ضحكت وتقدمت عليّ حضنته وكعدت بنص رجلي
حـوراء :- أريد انـام
أمجد :- قـصدج تردين تتحرشين بيه وماصاحتلج فرصه
حوراء :- أنتت لازم تسويي عمليه خلع الغرور لبداخلك
أمجد :- حوراء
من حجه بجديه عرفت من نبرة صوته راح يحجي بهذاك الموضوع
ضميت راسي بعقنه وحجيت :- ها
سكت شويه نزع شالي وطبع بوسه بعنقي
أمجد :- معقوله صدگ ما تأذيتي من سالفة البارحه
بتعدت عنه وحاوطت وجهه بأيديه :- شوف يروحي أنـت
يمكن تأذيت ويمكن لا شعوري ما اعرف اوصفه بـس كل الي اعرفه
مثل ما تحملت بنين انا اتحمل وشوفف اعرف بنين باقيه بگلبك
وعساها باقيه خلي بّـالك بنين روح ثالثه بيناتنه وانا كلش حابه
انك ما تنساها لان هي لا عدها ذنب ولا تستاهل تنساها وانا اكبر حقيره
اذا كتلك انساها بلعكس ولله راح ازعل منـك ومستحيل اسامحك
بنين الروح الصديقه النه ثنينه وأحـببك واحبهاا
رفع راسه لفوگ وكال بصوت واهن :- ااااخخ
تنهد وباسني بنص عيوني :- وانا هاذه الشي الجنت خايف منه ، حوراء روحي بيج
دفعـته ؏ كيف حتى يتمدد وخليت راسي ؏ صدره
حوراء :- شنو رايك نروح نزورهـا
أمجد :- جنت كل سبوع ازورهم كلهم بس بهاي الفترا مكدرت فـ انتِ شنو رأيج ورا عرس الولد نروح نزورهم
حوراء :- تمام لعـد
من بعد هاذه اليوم مرن ثلث أيام وألين والدُجى احس الگاع مسايعتهم
طايرين طيور بّعض والمفاجأنه كلنه حُب ألين واهتمامها وحنيتها
؏ صائـب الي فاقت أسططر منهم كلهم ، وبهلثلث ايام ابداً همّ مكعدوو
بلبيت من الصبح لنص لليل يلا يرجعون وطبـعاً روز وزيد كذالك وياهم
اشترولهن ذهب وملابس واشكال وانواع ومن اشترو ذهب انا
جنت وياهم ألين بلگواا كدرت تقنعه انُ هي متريد هوايي
وصدگ اختارت قطع قليله وناعمه يعني ذوقها يجنن وروز كذالك
لكن زيد مو دائما وياهن لان هوا ما اخذ اجازه مثل صائب
ومن نوع صائب مايدخل بهاي الامور بحيث يبقه برا المول
كله ونشتري ونختار ؏ كيفنـه والحلوه كلما نشتري يوصينه
نشتري للبنات ويانه
فـ بيـوم ألين جانت كاعده بلصـاله وامجد وانا يمها
كان نسولف بأمور طبيعيه صـفنت ألين مخليه ايدها
؏ حلـڪِٰها ودموعها نزلن
أمجد :- شبيج ألين
ويا كلمته دخل صائـب هوا جان منتظرته يطلعـون
يشترون بدلة عرسـها وروز وزيد راحو للبصره قبل
فترا هم اجلو روحتهم واليوم راحو ، هزاها أمجد متفاجأ
شاف الدُجى واجه صار كبالها يشوفه هي رفعت راسها
شافـته ، وكعت بلگاع تضحك ، لازمـه بطنـها من الضحك
ولله وهيـج بقـينه مصدومـين عليها ، حجت
وهي تباوع بلگوا تحجي من الضحك
أليـن :- أجي أجيت أكول ليش انا متزوجه ومايصير عنديي جهال ، اخخ بطنيي يمه متت
فهمنه قصدها الدُجى رفع راسه يضحك بخفه
أمجد ما قبل ووجهه احتقن ويريدها تسكت
لزمها من زنذها وكومها :- هسا انتِ شبيج نفرعتي
كعدت ؏ حيلها اخذت نفـس وحجت بجديه
أليـن :- أمجد أنت حققاً ماعررف شحجي عنـك تتخيل ما اعررفف ززوجي من يا عشييره ولله وين صايره هايي شلون تنطي اختك بدون ما تسأل عـ…
سبقها الدُجى وكال بهدوء :- الموسويي
عكدت حواجبها :- شنو
الدُجى :- من عشيرة الموسويي
أمجد :- يعني ساده
قهقه ألين بصدمه :- قابل تمشونها عليه ، وين صايره هاي…
يتبع…
شـوفو اكو مُقتطـف يحجي عن تعارف أليـن و ڪَاتبتنـه أوتـار الي اصلا ع اساس هي كاتبـة هلروايه بـس صـار ضـروف وسلمتها بأيديي واليعرفون اوتـار يعرفون شدا أحجي والبعض يعرفون شكد جان لقائهن حِلو وكلنا حبينـا ف شنو مراح احذف اي شي من عندو
وهها تـرا بس بارتـين بقـن وتكون النهايـةة لقـصتنـااااا الي محد شبـع من عدهاااا