#أثارة العـيون
ليال الجاسم
الحلقه_41_
لاتنسون التصويت + تعليق بين الفقرات
اريد افهم ليش المشاهدات اكثر من التصويت ؟؟
ماحب اخبث بس تردوني اخبــث تـرا كلش زعلانــه ؏ تفاعلـكم
گلولي اذا السرد او الروايه مو حلوه ؟؟؟ علقو لتستحون
……………
فـي أحـد الدول الأوربيـه "
مخليـه أيـديي ؏ بـطني ومتمدده صافـنه بلسـقف
" حقـاً أنـا بمعجزه ڪِٰبيـره جداً ،
رجـعت ذاكرتـيي بيـه لهذاك اليـومم ، دخـل وهـوا متعصـب
من شنـو ما أدريي فقط لأدري بي عندي غايـه اريد
اسويـها ، نومـت الجهال وطلعتله
جـان منطينـي ضهره ، حضنتـه وبما انُ أنـا ما الوح كتفه فـ
صار وجههي ؏ ضهره ، لزم ايديي ودارني عليّ
:- متأكد عندج غايـه وكلش جبيـره وال شغيرج عليه بهلسرعه
حمگت وجههي عليّ ونترت أيـديي أمثل انُ أنـا ضايجه
مع انُ حقاً ضايجـه
أليـن :- ليـش أنـا لهدرجـه منبوذه ؟؟
كز ؏ فكه وخنكنـي :- شترديينن
أليـن :- تحسسنـيي ان أنـاا حـالي حال اللف مزوجــه الف بنيه طبيعيه
بـدون سابـق انـذار دفعـني ؏ الجربايـه وتقربـلي
حـسيت بلأشمئزاز من روححي ، شلون تقبلنـي ؟؟
مع انُ حتى انـا ممتقبله نـفسي ، أكـره جسديي
واكـره الطريقه الطلبت بيـها الدُجى ،
رغـم أنـا ردت هيـج بس بقـيت أبـجي وادفع بي
وهوا قفل ، نزعت روححي بهلحضـه ، من نفـسي
لعبت نفسي لعبت نفسي بطريــقه مستحيل أكدر اوصفـهاا
أنـا حتى الشخص من يلمسني أموت اكره هلشي مو نوب
بهلطريقـه وحتلو كان الدُجى مال انـا اكول بس فلان اكدر اتقبله
لا مستحيل حتى الدُجى ممتقبلته بحياتـي فقط جان أبـوي اليكدر
يلزم چف ايديي فقط ، وهاذه الشي صار قبل ليعرفون بمرضـي بيـوم
لأن متت المرض ينهش بعضامي شلونن تحملت كلهلفترا مادريي
سألت وسألت وكالو ماكو أمـل ، خلص فقدت الامل
كلت هاي لهنـا وهي النهايـه بعد ، بعد هلعذاب والضلم
والشفـته والعشتـه والسويتـه ماشفت شي من الدنيا وراح اغادرها
يعـني جزاتـي راح تكون بلاخره ، وماعرف ان حـ تكون خير الجزاء أم لا
نكثت الافـكار من راسـي ، ونهضت ،
أليـن :- عممهه ، وينـج
زهـور :- ها ماما ، بلمطبـخ
رحت يمها واحس الدنيـه طالعه من عيونـي
أليـن :- مدا احس بنفسي
زهور :- هسا فوك ما لازم تحمدين ربج
أليـن :- لج عممه قسم بالله حتى حسيت بلمرض بجسمي شللون اختفى فجأه ؟؟
زهور :- حمديي ربج ياماما
أليـن :- انا بلثانيه الف مرا احمد ربي بس شلون هيج اريد استوعب موو انتِ بنفسسج شفتي هلمرض بجسمي ؟؟ لو انا مشتبها
زهور :- واكثر من مرا شخصت مرضج وهو سل بعدين تحول طفل ؟؟ شلون فـ هاي معجزه وربـج
خليت ايدي ؏ وجههي وصرت اشهك من هول الموقف
اول موصلت لهاي الدولـه ثانـي يوم رحت للدكتور
يكلي انتِ مو مريضه ومابيج اي شي ؟؟
رجعت حالتي انتكست رحت لغير دكتور يكلي حامل ؟؟
راسي نخبص خبص شبيها الدنيه ويايي ، تعصبت وتخبلت
يردون يجننوني حتى هننا ، سويت مشكله بلمستشفى
ومدري شلون نقذت نفسي بأخر لحضه
حملت نفسي وطلعت ، تقدمت عمتي حضنتنـي
تطبطب ؏ كتفـي ،
رفعت راسيـي وحجيت بّجي :- مستحيل اكدر استوعب الصار ويايي لهدرجه الله يحبنـي ونجاني من هلمرض ،
زهور :- ماما المُحب عند الله مُبتلى
مسحت دموعي وطلعت من المطبـخ بقت هيه تسوي ريوگ
شويـه واجتني فرحانـه وعيونها يلمعن
زهور :- أختـج جابت بنيـه
أبتسمت وضحكت بفرح :- الحمدالله ياربي ،
زهور :- سموها ياقوت
ألين :- فد شي
زهور :- يمته تبدين رحلة علاجج ؟
تنهدت وحجيت :- بـاجر ولو تبقين لو بس بـاجر
زهور :- ماما عندي عمليات وهلعمليات خطيرات وحرام الناس تروح بيها وهيه مو عليها ، ولله اتمنى وكلش مقهوره لان راح اعوفج بأصعب فترات حياتـج ، بس انتِ قويه وانشالله الحك وارجعلج
هزيـت راسي وانا مقهوره ، من ياجهه اتعالـج ؟؟
حزمت قراري االنهائي انُ اتعالج من كلشي واعيش حياتي
مثل ايي بشر طبيعي ، مليت وانا بهلشخصيه
مـر هليـوم وانا كاعده مكتئبـه عمـتي رجعت للعـراق مانقهرت
لان انا مقهوره من البداييـه أجلت جسلتي لان ڪِٰعدت مُرهقه
وتعبانـه ، شلون أتعالج وأنـا حامل ، يعـني واصله مرحله انا حامـل
وما احس بأي شعور ؟ لدرجه شكيت بنفسي حامل ؟؟
مر أسبوع وانـا مأجلـه الجلسـه لحد ما اتصل عليـه نفسه الدكتور
الحاجزه عنـده ، ضل يحجي وينصح بيه لكن بلغتهم وأنـا احجي انكليزي
وياهم ، وهمه يفهمون هلغه
ما أطلع من الشقـه ابـداً ، فـ بوكتها جنت اعدل بحجـابيي
وضايجـه بطريقه مُقرفه ، طلعت من الشقـه
وأنـا اشوف أشكالههم ، وكلها موجهه انضارها الي
حقهم لان لابسه الحجاب الشرعي ، وهمه مصلخين هههههه
طلعت من العماره كلها ، وكفت بلباب وكفـت كدامي سيارة تكـسي
خاصات بلعماره ، صعدت وانـا مو مهتمه ، أبـداً شكله مو يم شكلهم ؟؟
تغاضيت عن نضراته الي واباوع لشوارع المدينـه ،
بلاخير ألين تتحمل ؟؟ زمحت بوجهه خليته بسرعه يدور وجهه
وبلغتي ؟؟ مشينه مسافه مو طويله ضحك وسكت
هزيـت ايديي وبقيت ساكته
أنطيته العنوان ووصلني للعياده ، وهوا خلص الطريق كلشوي وضحكله شويه ، بس مخليته ؏ مايه فاجئني من حجه بلغتنه
:- من عصبيتج مبينه عراقيـه
تجاهلته ونزلت فتح الباب ونزل :- عمي هاذه خلگ العراقيات ، انطيني رقمج علمود من تخلصين انا ارجعج
ألين :- ثانكيو ثانكيو كلشش ثانكيو
:- لا لا تاخذينها بغير نضره بس لان انتِ من بلديي حبيت اوكف وياج
ألين :- thank you very much
:- والعباس عراقيه لاتضحكين عليه ولا هاي
ألين :- دروح روح لزكت شنو
عفته ودخلت للعياده ، جان اكو مراجع قبلي انتظرته لحد مخلص
وصاحو اسمي ، دخلت سلمت علي وكعدت ، حجه بلغتهم
الدكتور :- شنو النقطه التريد تتعالجين منها
ألين :- مريضه بأرق النـومم طيلة عمري وانا مكدر انام والحبوب دمرتـني……… بديت اسردلـه كلشيي مر بحياتي عن وسيـم عن بداية عمـري عن عيشتي مع اهلي ودموععي تجـريي اول مرا احس بهيـج شي
تجربتي الاوله للعـلاج
خلصت اول جلسـه ، وطلـعت من العيـاده مو رتاحيت لكـن جزء بسيط
مال الى الراحـه وخاصه وجه وكلام الدكتور بشوش جـنت اشرحله بلغه
للانكليزيه بس كلشش صعبه جنت مفكره ماحجي كلشي بس غلبني
وماتوقعت شلون كدرت احجيله كلشيي بلتفصيـل الممل وهوا ولا مل
وبقه يستمعلي وبكل رحابة صدر وانطااني المساحه لكافيه لحتى
انطلق بلحجي وكأن لكيتها فرصه بلعمر افتح صدري واحجي بهلطريقه
طـلعت من العيـاده ، والجو كـلش حلو ، رطب تقدمن نسوان ثنين
وحده بوسط عمرها والثانيه شابـه
حجن بلغتهن مفهمتها تجاهلتهن ردت اعبـر ماحس ال حجابـي ينجر من
ورا ماخليته يطلع شعري لحكـت ولزمته من ؏ راسـيي ،
درت وجههي ولطيتها بظهر ايديي ؏ وجهه راشدي
البنيه الشابه ، خلت ايدها ؏ خدها عود مصدومه
رجعت ضربتها بّطنـها بركبـة رجلي ، بقت المره الجبيـره
تتراجع لورا وفاتحه عيونها بوسع ، سحبت صاحبتها
وركضن ، وانا روحي نطت لو الزمهن اشكهن شك
الصدمني جان اكو ناس هواي بلمكان بس ياخذ نضره
ويروح ؟ كلت لو بلعراق تصير بلكفاشي ، نجرت ايديي من
ورا وتكلبشت ، درت وجههي احد المرور الواكفين بشوارع
المنطقـه ،
حسيت خدي يشنل براشدي من شرطيـه كدامي
درت وجههي ؏ صوت موبايل يشتغل ، نفـسه الولد
الوصلني للعياده صاحب التكسي ، مقطع الهن وهنه يجرن حجابي
يراوي بي للمكلبش ايديه ،، فتحو كلبشات ايديي ،
واعتذرو ، بس لا مستحيل اخليها الهم ، وانا مو المسامح كريم
وكفتهم واتصلت ؏ صاحب اكبر شركه ببلدهم ، شخص مشهور ومعروف
سيد اعمال كبيره للبلد ، اشتغل بشركتهم محاميه ، من قبل كم شهر
اول ما عرفت مو مريضه
عمتي تعرفهم فـ دلتني عليهم وهمه اختبروني وحبو شغلي
وذكائي فـ صرت المحامي الاعلى لشركتهم ،، بقو يبررون ويحجـون
انُ هم موو قصدهم بس انـا الغثني الشرطيـه ضربتني بأي دافع ومعنى ؟؟
بدون ماتعرف ايي شي ، بقينه واكفيـن لحد ما اجتي ثلث سيارات سود كبار ، حجيتلـههم شسو وشصار ڪِٰالو اذا تريد ترفعين دعوه عليهم
شو تغير مزاجي ورفضت ، همه من عرفو بيه مُحاميه لهاي الشركه
بقو يتعذرون ويبررون ، اخذو الجهاز من الولـد وراحو يدورون هذولي
الاثنين ، كلت خلسوييلهن جرة أذن ؏ تدخلهم هذا الماله معنى
رادونـي اروح ويـاههم بـس رفضت رفض قاطع
راحو الشرطه وبقه بس صاحب التكسي ، سويتله بأيديي خيير
:- فوك مامسوي خير ؟
ألين :- الله يكثر من امثالك المطلوب ؟
:- تتشكريني
ألين :- شكراً بعد ؟
:- جنت منتظرج
عكدت حواجبـي :- بأي دافع ؟
:- اسمي حسين وانتِ
ألين :- شعليك بابا منو ساألك عن اسمك ؟
حسـين :- ناس متحب الخير
درت وجههي اوكف تكسي
حسين :- خويه انا موجود وبما احنه من نفس البلد خليني اوصلج
ألين :- بدافع أيش ؟
حسين :- لطشتي بلدافع ، بدون دافع فقط لانج اختي ومن بلدي
ألين :- اخر مراا
حسين :- ههه شفتي ماكو تكسي
ألين :- لا تتعالى
صعد السياره وأنا صعدت ورا ، مشينه مسافـه
حسين :- تلكيني دوم موجود يمتى ماتريد تطلعين
ألين :- يخي شبيك
حسين :- بحسبة اخو الج
ألين :- خوش
حسين :- نكول رضيتي
ألين :- راسي راح ينفجر وافجرك ويا كافيلك تلح كلت خوش
حسين :- يلا ؏ غير يوم نكمل سوالفـنه
وصلت للعماره ، وصعدت لشقتي هيه هاي العماره راجعه
للشركه الانا اشتغل بيها، حالياً ،،
مرت الاياك ورحلة علاجي كانت سريعه والها تأثيرها القويي
هاذه الدكتور حققاً بارع ومُبدع بمعنى الكلمه ، من بعد الجلسه
الثالثـه انا كدرت انام مع العلاجات بأخر اليل مع صعوبه كبيره
بعدها الجلسـات مامخلصه وبلشت برحلة علاجي الثانيه مع دكتور اخر
حقـاً بهلرحله ششبعت ضييم عن أكتئاب الكرب ،
تبهذلتت بمعنى الكلمه ، تمنيتت لو شخص واحد وياي من عائلتي
حتى لو بس يبقى كدام عينـي حتى تواصلي مع عمتي زهور كطعتـه
رغم اشتاق الهم وماعندي وسيله غير ابجي ، وهاذه من ضمن
العلاج ان مالازم اكبت ولازم ابجي ، حسييت تغيرت 180 درجـه
لكدام
حسيت من تعالجت من ارق النوم وكان عقاب الي
بكل مكان ولحضه بس امل اروح اخلي راسي وانام
وكلش حابه النـوم ، رغم هرمونات الحمل تأذي بس ضغطت ؏ نفسي
لحتى اتعالـج ، اكو شي واحد كفيل بأن يرجعني لكلشيي نهيته
وهنّ الندبـات وبلاخص لبخصري ، دخلت دورة علاج لأزالة
الاثار ؏ ضهري وسألت وكان مو مضر لصحه الطفـل
بلاضافه الى ما اخطي خطوه اذا ما أسال يصلح لو يأذي جنيني
عفت الندبـه لبزندي عن قصد واحس حابتها كلش وهاذه حسين ابدا
معافني هوا ياخذني ويرجعني ، رغم هو مؤدب لكن مرح يحب يشاقه
ويضحك بس انا مالي خلگ احد ، وماخليته يكون قريب مني
يعتبرني اخته وكلمة الخويه متنزل من ؏ لسانه هاذه الخلاني
ارتاح اله ، مانطيت مجال لنفـسي وعالجت نفسي من كلشي
بفـترا وحده فقط ،
بيـوم جنـت راجعـه من اخرر جلسـه وهاذي جانـت مالها داعي فقط
اكتشاف حالاتيـي ، والرجعـني طبعاً حسـين ، بأخر فـترا تعرفت ؏ اخته
وامه ، فد حبابات
حسـين :- أمي العصر عازمـتج عشا
أليـن :- تعذرلي ولله مالي خلگ وبس اريد اوصل الشقه حتى الف راسي وانام
حسيـن :- ملاحضه نفسج نفسيه
أليـن :- عاجبتني هلنفسيه انت شكو
حسين :- امداج هوا هم صوجي
ألين :- مادري اخر فترا احسك ماخذ ميانـه
حسين :- لا عمي نشاقه نشاقه هسا توديني ورا الشمس
قهقهة بخفه ؏ نبرة صوتـه ، ودرت وجههي أتأمل الشوارع
مرينـه من يم حديقه كلش جبيره وبيها ناس هواي بس شنو
منظرها يجنن ، حجيت سريع
ألين :- اوكف اوكف هنا
حسين :- يمه بسمالله شسوين
ألين :- اريد انزل ؏ الحديقه عجبتني
هز راسـه وطبگ سيارته ؏ صفـحه نزلت وهوا نزل
وكف يم السياره درت وجهي عليّ
ألين :- خير بويه ؟
حسين :- اعتبري نفسج ملكه او اميره وانا حارسج الشخصي ، عمي شعليج ؟؟انا حاب اوكف هنا
أليـن :- طبك طوب
درت وجههي وكعدت بمكاني أتأمل المكـان ، بـالي راح لعائلتي
هسا هم بخير بدوني ؟ لو مشتاقين الي ؟ ام همه مفتقديني لو شنو
ضحكت ؏ روحي واصلا همه معتبريني ميته ، زين شلون جاريه
حياتهم هم يتذكرونـي ويتمنون رجعتي ،،
مرتاحه من جانب المشاكل بس ممرتاحه من جانب اشتياقي الهم
او يمكن همه مرتاحين بدوني لان المشاكل كلها متعلقه بيه انا
مـر وقت طويل وانا اشوف ثنين يمشون مع بعض
واصدقاء يسولفون سوا وصديقات وعاىله تتكون من اب وام وطفلين
لو طفل ، او ام وياها بناتها الاثنين ، جنت مبتسمه ؏ هلمنظر لكدامي
درت وجههي اشوف هاذه المخبل بعده موجود وصدك الگا ؏ وكفته
جان يباوعلي بس من التفتتله شح نضره عني ، نهضت ورحت بأتجاها
ألين :- يلا نروح
حسين :- لبيتنه
ألين :- سمي بالله شنو بيتنه
حسين :- لا بيتنه احنههه نسيتي كتلج امي عازمتج
ألين :- لا اروح لشقتي بلاول يله ،
صعدنه وتوجهنه للعماره اول منزلت شفت واحد من الشركه لابس لبس رسمي ، بيده اوراق مد ايده يسلم ، خليت ايدي ؏ صدري وهزيت راسي
بمعنى السلام ، هوا هم هز راسه حجه وياي بخصوص الشغل
وسلمني الملفـات وراح درت وجهي ؏ حسين رفعتله حاجبي وزميت شفتي
ألين :- كدام عينك نشغلت
حسين :- عذرج بطيخ جيبي شغلج وتعاي لبيتنه
ألين :- لا ما ارتاح ماكدر
حسين :- انتِ مو المفروض ماتكعدين بوحدج وتختلطين بلناس علمود علاجج ؟
ألين :- خوش العصر واجي
حسين :- خوش انا اجيج
هزيت راسي وصعدت لشقـتي ، قبلت لان ادري مراح يخليني بحالي
وانا هم صايره ما اتحمل لَحيح هواي ، خليت الـملفات ؏ الطاولـه
وتمددت ؏ الجربايه ، اباوع لسقف ، وين وصلت وين صرت وين جنت
رغـم انا تعالجت بس احس بضيق مُختلف بصدري ،
دخلت سبحت طلعت مشطت شعري لواصل لخصري ، رفعته لفوگ
وكعدت ؏ الطاوله ، اشتغلت الملفـات ، خلصتهن بسرعه
ودخلت للمطبخ اكل شي لان جعت ،
هم خلصت وطلعت من المطبـخ ، اريد الوقت يمشي سريع ماكو
خطرت ؏ بالي فكره الرسم اشغل نفسي شويه بيهن
دزيت ؏ اوراق رسم واصباغ ورا ربع ساعه وصلن
اخذتهن ودخلت خليتهن ؏ الطاوله الارضيه وفرشت الاوراق
ارسم شخابيط ، ساعه شتات لو جماجم ، لو دوامات
وانا مندمجه ؏ فد اخر نقطه ،
لحد ما رن جرس الشقـه، عكدت حواجبي منو ممكن يجيني
لبست شالي ، وانا ملطخه الوان ، سائله ، مريت من جنب الطاوله
عليها سلاحي ، سحبته ورحت فتحت الباب ،
طلعت بوجهي عمـه زهور تفاجأة بجيتها ، ابتسمت ابتسامه جانبيـه
عفت الباب مفتوح ودخلت ، دخلت وراي تسولف
زهور :- زين هوا تعالجتي لو تخبلتي حتى سلام بطلتي تسلمين
ألين :- بس بلعراق اسلم عليج
زهور :- هاي فارسه الشقه فريسه
ألين :- شجابج
زهور :- وللج شو تحجين من ورا خشمج
ألين :- جـان وكفتي وياي بفترتي الصعبه شكد تمنيتج وانتِ ادرى بحالتي
لزمت ايدي من ورا وحجت :- اجيت وداعتج بس جان الولد مراقبيني لان شاكين بيه ، وماكدرت اجيج ورا يومين ورجعت للعراق
ألين :- الله يكثر من امثالج
زهور :- لتزعلين عليه ولله موبيديي
درت وجههي عليها شلت ايدها وبستها بحرحارتها
ألين :- امي انتِ بس جنت مغثوثه
ضحكت وحضنتني ، لميت الاوراق والاصباغ والملفات بخصتار
رتبت البيت ، وكعدنه سوا وانا اسولف احس اكو حجي بحلگ عمه
ومحتاره، وخلصتها تبلعم، من ضمن أسألتي ؏ عائلتي وجهالي
واخواتي واخواني وامهاتي ، سألتها
ألين :- وماي العين
تعرف اقصد منو ودائما اكول بدل اسمه ماي العين
بس هسا شنو الخلاها تسوي روحها متعرف شقصد
زهور :- شنو ؟
ألين :- شنو شنو؟
زهور :- شنو ماي العين منو تقصدين
جانت تحجي بأرتباك واضح ؏ ملامح وجهاا
حجيت برود متجاهله ردة فعلها
ألين :- الدُجى شلونه
تحاول تعدل ملامح وجهاا بس متكدر متكدر لان كاعده كدامي
مو كدام أي احد
زهور :- ها ماما زين ، ولله زين
حجت تغير السيره :- ها اراويج صورة ياقوت ؟
نهضت أمشي :- لا
سكتت شويه نوب رجعت حجت
:- ها ماما ليش
ألين :- لأن خلص راح ارجع للعراق لان انا مو ميته مثل ما يضنون
نهضت تحجي :- ليش ترجعين مااما ابقي هنا ارتاحي من المشاكل
ألين :- انتِ مستوعبه انُ انا حامل ؟؟ وبعدين عننديي هناك سند وجوري واختي وامي واخوي ماكدر اكون بعيده عنهم لهدرجه
زهور :- طبعاً متكدرين تسافرين لان انتِ حامل
ألين :- لا سألت اكدر لان ابني سليم ومابي اي شي يمنعني من ان ارجع
زهور :- انا دكتوره وداكولج ميصير متكدرين
ضربت الطاوله برجلي بنرفزه :- ششنو الشيي المخليج هيج مُصره ما ارجع…
اندك جرس البيـت ، تنهدت ورحت فتحت الباب
طلع بوجهي حسين تنهدت وحجيت
ألين :- ماكدر اجي عنديي عمتي
حسيـن :- ايي دخلينه نسلم عليها
ألين :- انت من يمتهه تدخل لبيتي وهسا تريد تدخل ؟؟
حسين :- بما ان عمتج هنا كلت يمكن عادي
ألين :- لا مو عاديي
حسين :- اعصابج عيني شحجينه هسا
ألين :- سلامة عينك
اجاني صوت عمتي من ورا :- هسا انتِ متعصبه اي بس مو دافع يخليج تفرغين عصبيتج بوجه ناس مالها ذنب
ستغفرت ودرت وجهي ؏ عمتـي :- طبعاً ضيف جاي خصوصي الج شعليه انا
عفتها ودخلت لغرفتي ، اسمعهم يسولفون ويضحكون سوا وعلييه همين ؟؟ بقو فترا ودخلت عليه عمتي وانا نايمه عكس الجربايه ومنزله راسي لتحت منها
زهور :- ترحين ليهم مو ؟
ألين :- قصدج هسا لو قبل
زهور :- دعدلي روحج هسا
ڪٰعدت وحجيت :- ايي هسا لو قـبل
زهور :- هسا
أليـن :- ماكدر اعوفج هنا
زهور :- يكول تجين ويانه
ألين :- خوش لعد
زهور :- شنو خوش دكومي بدلي
ألين :- ماعاجبتج ملابـسي ؟؟
زهور :- يا شمالها هاي البت مگلوبه علييه
ألين :- مامگلوبه بس أسالج عاجبتج لو معاجبتج
زهور :- ولله اكتلج ترا
ضحكت ونهضـت :- يلا ماما هوا بس ألبـس حجابي ،
هيه طلعـت وانا رتبت نفسي شويه وطلعت ، عليهم
حسين :- يلا عيني
طلعنـه من الشقه وصعدنه ويا رايحين لبيتهم ، رغم دائما اروح
لبيـتهم بس هلمرا احس بشي غريب ماريد اروح لبيتهم وكأن
اول مرا اروحلهم ، او يمكن هلشعور بسبب توتر عمتي الماعرفت معنى
وصلنـه لبيتهم دخلنه سلمنه وكعدنه سوالف عاديه وعامـه
وتعارف بينها وبين عمتي ، صار وكـت العشا وتعشينـه
ماكو شي ما جايبينه من ضيافه من اشكال وانواع
طـلع حسين برا الاستقبال مدري وين حجت امه
:- همزين اجيتي وياها عمتها نريدج بحجي زين
زهور :- تفضلي نسمعج
:- انتِ بنيتي أليـن ، خو شفـتي وعرفتي وسولفتي ويـا حسين وتعرفينه ويعرفج كلت وفكرت بيها مدام انتِ بنيه شابـه وحلوه وابني الحمدالله هم مناقصه شي ، ليـش مانخطبكم لبعض وتتزوجون مادام شغلكم واحد
حجت كتتهن كت فد مرا وحده ، بقيـت بس ارمش واباوع
لعمتي زهور ، خليت ايدي ؏ بطنـي وحجيت بأبتسامه
أليـن :- ليش ما نطلع اسم لوليدي احسن من هلمواضيع
:- شنو قصدج
ألين :- دادا انا مزوجه وهسا حامل اصلا وبلشهر ال6
شهكت وباوعت لبطني :- ماعليج بطن
ألين :- عليه ومبين بس لان لبسي عريض مدا تلاحضون
اجاني صوت حسين من ورانه يحجي بشك
حسين :- وليش مجبتي اله طاري ولا لابسة اي حلقه ؟؟
نهضت وحجيت :- يـلا عمـه ، سفره دايمه كلش ممنونتكم ؏ حسن الضيافـه
توجهت للباب طالعه وهمه اخذهم الصمت مصدومين
حجه حسين :- لا تاخذين غير نضره عني بس مجنت ادري بيج متزوجه
ألين :- جان سألتني افضل من ما تحرجني بهلطريقه
فتحت البـاب وطلعت ، وكفنه تكسي ورجعنه للشقـه
زهور :- ليش ماكايله الهم
ألين :- هيج ملكوفه واخبط والبط
زهور :- ترا هسا هم النحرجو
ألين :- جان سألوني ولو سؤال بسيط
زهور :- الولد ماعلي عتب
ألين :- ايي الله يطيب خاطره اذا نكسر هسا شسويله اناا ،
نزعت شالي بهمش وركعت الطاوله بأيديي بدون صوت
مني ، رجعت دخلت لغرفتي شكو شي كدامي ركعته وكسرته
فقدت ؏ نفسي وصرت اعيط
ألين :- اريدد الدُجى انا اريدد الدُجى
دخلت وراي عمتي :- اهدئي ماما علشنو منفعله
تقدمت عليها ووكورت اصابعي مع بعض خليتهن كدامي
واحجي بقهر ممزوج بعياط هامس :- أريدده ماما أريد الدُجى ، ماكلل عقلي وفكري كللما اكول هاي هيه بعد مافكر بي وبالي مو ييمه الكاني كلي يمه ، اخذيني الهه تعببت بدونــه حتى لو هوا سبب اذيتي انا اريدده
ماما ولله تعبت بدونـه
ضليت اضرب بوجههي بعصبيه ماحس ال يجيني راشدي منها
كزت ؏ سنونه وحجت بغضب
زهور :- هواا مو بحالــج هسسا تززوج ونساج
بقيت لازمه خدي وكاعده اريد استوعب شكالت ، نهضت لزمت ايديها
ألين :- لاا شقصددجج
زهور :- ايي مثل ما سمعتي تزوج ، وعصببت بسبب فعلته وكتلههم عليج وكلتله انتِ عايشـه
بقيت صافنه بيها شتحجي كملت كلامها
:- نفعلت بوقت غلط وتصرفت تصرف غلط وكتله أنتِ خالعته وهيه هسا متزوجه وحامل من زوجها ،
ضربت خديي راشديي قووي بسبب انفعالي ،
حتركت بدمي بقيت اعيط
ألين :- عممه شبيييج شجاج ليشش حتى انتِ
تقربت عليها هزيته من كتوفها :- وشسسووو هواا من كلتيلهه هيج
زهور :- اخذو للمستشفى
فتحت عيوني بوسع :- شششنوو عممهه هاييي ليششش هييججج
شجاج انتِ النووب
زهور :- مستوعبه انا شداكول ؟؟ كتللج متزوج تزوج يلا حجيتله هيج بس محد يندل وينج وهمه كلهم ممصدگين بيه عبالهم فقط انفعال
الوجع الصاب راسيي مستحيل اكدر اوصفه لزمت راسي
وكعدت متألمـه منه ، كزيت ؏ سنوني من الوجع
رادت تتقرب مني حجيت :- عمه طلعي عني لا اتخبل عليج
هيه تعرفني لو تخبلت ف بقت واكفه شويه وطلعت ،
نهضت وراها سديت الباب ، ورجعت كعدت بسبب الدوخه
الزمتنـي حرگه صابت گلبـي هيج مثل الجمر وينحط ؏ الحم
بقيت ابجي ابجي واضغط ؏ راسي من الألم
ابجي من وجع راسي مدري من وجع روحي
وبجي بهستريه ، بالف ياعلي مسيطره ؏ نفسي
بجيت وصرخت وانهاريت ، بقيت متمدده بلگاع
واضرب بيها لووقت ططويل حيل من مصارعتي
لنفـسي ،
طوول فترت علاجي وانا فرحانـه وافكر بالدُجى
وشلون راح ارجعله وهوا شلون راح يستقبلني
تـالي متالي تخيب كل توقعاتي ، لهدرجه انا جنـت ضالمتـه
لدرجه خانگه علي عيشتـه ، وهسا مرتاح بحياته ، طبعاً ما انكر هاذه الشي وانا من يوم يومي دمار اله والحياته ،
جتتيي كرفه قوييه لبطني ، موتتني بأرضي
ضليت اضرب بلكاع بقبضه ايدي حسيت اريد اولد
بلاخير فترت بيه الدنيه وماحسيت بشي بعد مُغمى عليه
لمادري شكد كعدت ؏ نفس الوجع بطنـي ، خليت ايدي ؏ بطني
وحاولت انهض من مكاني بس متكسره ، ضلوعي مورمه حسيت
بقيـت ارجف كُلي من شفت نفسي سابحه بلدم ، الارض مليانـه ددمم
صرت ابجي بشهيگ واصيح أسم عمتي ، ماكو رد ردت اعين نفسي
انهض افتح الباب مكدرت ، الوجع نهش بطنـي نهش ،
من بين صرخاتي وعياطي من الالامم زحفت زحوف
لميز الجربايه
سحبت جهازيي وبنفس الحضه رن المتصل حسين، رديت عليّ
بدون تردد اجاني صوته خايف
حسين :- أليين اسمع صريخجج بس ما اكدر افتح الباب انتِ بخيير
رديت عليّ بجي وانا بلگوا اكتم صرخاتي ،
ألين :- حسين انا مو بخير ابني راح يموتت ، مكاعد اتحمملل الوجعع حباب ساعدني راح امووووتت
حسين :- اناا بلباب بس فتحي اليي علمود ادخل
ألين :- ماكدر ماكدرر اتحركك
حسين :- خوش اهدئي اهدئي اجوي اهل الفندق راح يفتحون الباب ، قووي نفسج
شمرت الجهاز ؏ صفحه بدون ما اسده اصلا ، عططت بكل صوتيي
وبعدها فقدت وعيي ، ماكو لحضات ورجعت ؏ نفس الوجع
اول مفتحت عيوني نفتح باب الغرفه بدفره ، دخل حسين وويا حراس
وشرطه ، حجابي مو ؏ راسي وانا نسيت كلشيي بهلحضه
جنت الاريده لو اموت لو يختفي هاذه الوجع ،
ورا ثانيه دخلو اسعاف ، غمضت عيوني مستسلمه
؏ امل راح اكدر انقذ ابني جنت انا اكعد وما اخلي نفسي افقد
علمود اشوف كدام عيني ابني يكون بخير واكو امل لأنقاذي
مـادري شكد مر وقت وماعرف نفسي وين ومادري بلدنيه شصاير مصاير بيها ، كعدت ؏ نغزات بأيديي بروده تمشي بشرياني ، عكدت حواجبـي
بألم من وجع بطني ، فتحت عيوني ، خليت ايديي ؏ بطني ،
نزلت دموعي بهدوء وانا اشوف بطني نازله ومو مثل الاول
وجنت متأكده من بعد الوجع الصابني وكمية الدم النزلت مني
نموت ثنينه مو بس هوا ، رغغغم اعرف الجواب بس حجيت سألت
ممرضه يمي تعدل بلمغذي :- أبنيي شبيي
دارت وجها عليه الممرضه ابتمست وخلت ايدها ؏ جبيني
:- الحمدالله طلعتي منها سلامات جانت العمليه خطره جداً عليج وانشالله العوض من الله
جانت تحجي عراقي تماماً صارت دموعي تتسابق بهدوء بس النار بصدري انا داخل صدري ، زين عمتي شلون هيج فجأة ختفت ؟؟ وين راحت
بقيت يومين بلمستشفى وعمتي مالها حس ، وام حسين وبنتها صدك وكفن وياي بهلمحنه ،
رجعنه للبيت وحسين ابدا مفاركنه ، وهنه بقن يمي يهتمن بيه
أبنـي بعد فقط 3 اشهر وينور حياتي ؟؟ هيج فجأة بيوم وليله يروح عني
من بعده نكسرت كسرة شيبت شعريي ، الاكل گطعته السوالف گطعتها
الفرحه الضحكه الراحهه كلهاا راحت ويا ،
هيج احس نفسي جسد بلا روح يعني من بعد كل هلتعب
هيج يروح يي نعم طلگت بي بطريقه حسيت الموت قريب مني
مادري شلون نجيت من هلوجع الامر مو طبيعي ابدا
ومرت من حياتي هلفترا وهم بوحدي ؟؟ مر سبوع واصيرت انُ انا مابيه شي وخليت حسين وعائلته يرجعون لبيتههم ، ثاني يوم تماماً غيرت البنايه والشقه ، ومكاني كله ، اريد ابقه بوحدي مثل كل مرا بعيده عن
العالم ،
عمليه وبسبوع أطيب ؟؟ اكيد لا بس انا مالي احد
غصباً عليه لازم اتحمل ، بوكتها ثاني يوم من مكوثي بهلمكان
حزمت قراري وقررت ارجع للعراق ،
اريد اشوفهم وهمه فرحانين ؟ اريد اشوفهم وهمه عايشين حياتهم بدوني
حجزت بأول طيارة ، ورجعت لشقه الم غراضي ، لميتهن وخلصت تعبانه
تمددت ؏ الجربايه ، وانا اتصفح بجهازي الجديد لان هذاك من انتقلت كسرته هوا والخط ، طلعلي اكثرر مقطع يشرح حالتي وشعوري بهلحضه
شخص مسوي عمليه ويحجي بهلكلمات خليته بصفي وصرت احجي ويا
لكن العبره والخنگه محتله احبال صوتي
ألين :- هَل ياتُرى لو كُنت انسى ما جرى
يحتاج مني كُرهكُم قلباً قوياً ثائراً مُتمرداً
والدنيا ضاگت والنفس باقي على گد الحسره
فـرحان داويت الغصن ثاري المرض بلشجره
مو شفتو روحي تگطعت ومتاني حبكم گطره
حنيت گمت اكتب شعر ديوان كامل بس غزل
ڪِٰملته ونطيته الشخص لا يكتب ولا يقرى
كملت الكلمات واحتلت عيوني الدموع
صرت اشهگ بس بلا نفس وبلا روح
بطني وجعتي ، عضيت شفـتي وحاولت اسكت
وأنـا بهلحال ، حسيت الدنيه صدگ ضاكت بيه
مر هليوم وأنا اكل مكدرت اسوي لنفسي بسبب الالم الاجاني
، طلعت من الصبح رحت للمطار ، اخذت فقط الغراض الاحتاجهن
واسحل بيهن سحل واسحل بروحي وياهن ، ، صار موعد طيارتي
من بعد مرور كم ساعه وصلت لمطار العراق ،
حسيت گلبي ينعصر وبنفس الوقت الراحه الحتلتني
مستحيل اكدر اوصفها ، ، اخذت تكسـي حسيت الطريق بعيد وانا
ماتحمل ، وردت انام حتى ارتاح ، حجيت فجاة من بعد سكوت دام ساعه كامله
والصعدت ويا هوا شايب وحتى حلكه مافتحه ولا عينه رفعها الي
فقط اخذ العنوان حجيت
ألين :- شوف قسم بالله سوالفكم تعبت منها انا مُحاميه وعائلتي كلها بلدوله وبلقانون اذا فكرت تخطفني من هسا اذبحك فـ استر ؏ روحك
:- شبيج بويه مصعدلي خبله وياي
ألين :- موو تعببت منكم حسره واحدد يتنفس
:- الله يهديج بويه اذا تردين نزلي مامجبوره
ستوعبت ؏ روحي ورديت :- يي ولله صدك الله يهديني اسفه عمو مو قصدي بس انا اخاف من التكاسي
:- عادي بويه هوا انا قابل شراح اسويلج اوصلج وارجع ، بويه احنه نشتغل ؏ باب الله ادور لكمت عيشنه دواره ، شموديني لهلسوالف
بقيت ساكته وصلنه لكربلاء ، وحسيت بعد ماتحمل من وجع بطني
عقدت وجهي وحجيت بألم :- عمو حبابب بعد ماتحمل اخذني لأييي مستشفى
حجه متلهف بخوف :- ها بويه خيير شصابج
ألين :- مادري عمو مادري انا مسويه عمليه راح اموتت
:- بويه هسا احنه يم مستشفى الكفيل وهاذه المستشفى غالي وانا ولله هسا ماعندي المصروف اليكفي
ألين :- حباب عموو اخذني الها وبعد ماعليك شيي انا ادبر نفسي
هز راسه متوجه للمستشفى ، فرحت لان هلمستشفى
أمجد والكل همه مراجعين عدها يعني اكدر اوصل الاحد منهم
وصلني الها وحجالهم حاله طارئه دلو منين لازم يدخل
وجابولي سديـه ، خلوني عليها ودخلوني لغرفه ،
سوولي الازم كانيولا ومغذي ومهدئات وما شابه
يلا صرت تمام ، وطبعاً السبب هوا كله من الطريق
ومن التعب هلوجع ،، طلعوني ؏ كرسي ، وتفاجأة السايق
بعده واكف باب غرفتي
خلوني يمه وراحو :- عمو ليش بعدك هنا
:- بويه انتِ بنيه شابه وبوحدج ومالج احد ماكدرت اخليج بوحدج هنا
علمود اخذج لبيتج
ماكلت باطل لان بهلوكت مالي غيره حقاً ، طلعني وصعدت بسيارته
مشينه مسافه وهم طريق طويل ووصلنه لبيتنـه ،
ختنكت من شفت بيتنه يعني هسا انا كدام باب بيتي
نزلت وتشكرت الرجال وحقاً شما اسوي ماكدر اردله الجميل
وكفته براس شارعنه ، ونزلت امشي مشي لبيتنه ،
وانا متوجعه بس أتأمل شوارعنه وجيرانه
واصوات الاطفال التلعب ببيبان بيوتهم
اخذت نفسس عميقق وانا اوكف ڪِٰدام باب بيتنـه
مخليه ايدي ؏ بطني ، ودموعي صارت تنزل بغزاره
وانا استوعب ابني راح ، قبل ميولد ؏ الدنيه اصلا
فكرت ليش هيج كاعد يصير بيـه ليش مكاعد اخلص من
المصاعب ، بعدين تذكرت المؤمن مُبتلى ،
سـمعت صوت واحد يصيح بأسمي ، مركزت بي فتـحت البـاب
سريع ودخلت ، اسحل بروحي وابـجي ، دكيت باب الصالـه
وابجي مادري من شنو اصلاً ،، او بلاحراء من هوااي أمور
نفتح الباب الخارجي درت وجههي عليّ قاسـم فاتح عيونه بوسع
ويسولف ويايي بس انا الوجع ماكلني مكدرت اركز شيحجي
دكيت الباب حيل وصحت :- ممامااااا ، للج مامااا راحح امووتتت
لزمني من زنديي وهزني حيل :- دداحجيي ويياجج
درت وجههي عليّ اشهگ :- الوجع اكل بطـنييي
قاسم :- اهلجج مو هنااا بّيت صائبب
كعدت بلكاع بطئ وروحي تتگطع :- ككلهم خليجونن ، ييممهه بططنـييي
قاسم :- كوممي اخذج للدكتور
ألين :- كتلك عوف الدكتورر جيبليي امييي
طلع جهازه وهوا القلق ماكله او الصدمه الشاغله فكره
، اتصل مره مرتين وماكو رد ، غلط عليهم كلهم
قاسم :- أليين ليش هلعنادد راح تموتينن شوفي شصار بيج مدا يردونن
حجيت وانا اون :- روحلهم عليك بداعت امك
عاط بنفاذ صبر
قاسم :- ششتخفتللج امجج اكلهاا اخذج الدكتورر
اضرب بفخذي بوجع واعيط :- ستونيي رجعتت من الدكتورر افتهمم
قاسم :- شلون اخليج بوحدجج ومحد هناا بس انا
خليت وجههي بين ارجلي وحجيت :- روح روح ماعليه دخيلك ياربي
، قاسسم روحح
دار وجهه عليه وع الباب متردد يروح ، بلأخير طلع يركض من البـيت
أبتعدت عـن البـاب علمود ما انشاف لان بابنه مشبك ، صرت بركن البـيت قريب ؏ الكراج ،
خليت ايديي ؏ بطنـي كرفصت روححي ونمت ؏ وجههي
بقيت احبس انفاسي علمود ما احس بلوجع ، هيج انا دائما
اذا وجعني شي احبس انفاسي علمود ما احس بلوجع او يسكن
بقيـت هيج اتلاوه ويـا روحي ،، واعرف الطريـق بعيـد
ومو بسهوله يوصلونـيي ،، بقيت الهج بأسم امام الزمان
وبأسم علي ابن ابي طالب (؏) ،، سمعـت صوت سياره وفتح الباب
بس مرفعت راسـي
لحد ما اختلطت اصوات اهلي صوت أمي ، حوراء ، أمجد ،نوران روز
زيد ، نرفعت ، وعرفته أمجد ،، وهوا يكول
:- دخيـلك ياعلي ، دخيلج يأم البنين ،
لزمـت بصدره ، واسحب بلنفس بلگوا ،
خلانـي بلسيـاره ،وصعدت وياي امي وحوراء
حوراء كدام وانا متمدده ومخليه راسي بحضن أمي ،
واون من الوجع ،، وصلنه للمستشفى مادري يمته وشلون
ماحسيت ال لمـن كعدت ؏ صوت أمجد ، وهوا يسولف وياي
انتبهت اكثر مخلي ايده ؏ راسـي
أمجد :- أليـن ، يابعد روحي رجعتيليي ولله ،
شال ايديي ويبوس بيها ، دخلت حوراء و امي مهتمه
حضنتني وصارت تبجي ،، اباوع لحوراء تبجي وتضحك
دخلت اكثـر انسانه محمله عليها بهلفتـرا ، عمتي زهور
مفتحه عيونها بوسع ، خلت ايدها ؏ ايديي نترتتها
وكعدت ؏ حيليي احجي بغضب هستريي مدري شلون
صابتني هلحاله فجأة
أليـن :- ابتعدييي عني وماريد اشوف وجههجج ، مثثل ما عفتينيي بوحدييي واببننيي راحح منيي بسببج ، ططلعيي برا عممهه اببنني
خسرتهه ،
زهـور :- ماما بس خلفهمجج ، سمعيني
ألين :- شتفهميينيي للج عمـه ابني لوو والدتــه جانن هسا كامل وما بشيي مات بطني وهوا ماناقصصه شيي ، جبير ابنيي جبيير كبر بططني ومات
صرت اضرب بوجهي بهستريه واملخ بشعري ، صابتني هستريه جنونيـه
هدئت من دخلن ممرضات لزمني من كتوفي ، وانا بقيت أباوع بوجهه
وهوا واكف بلبـاب ويباوعلي بهدوء ،، خليت ايديي ؏ عيوني
وبجيت وانا ارجع راسي للمخده بخيبـه
الممرضات بقن يسولفن وياي ؏ انُ مو زين ؏ صحتي
وخاصه بهلفتـرا بس انا وين ، لزمت ايد أمجد وحجيت
وانا اباوع لأممي
أليـن :- يمـه ولله لو عمتي مرايحه عني ما مات وكدرت احمي
حجه بهدوء
أمجد :- أبـن منـو ، يعني كلام عمتي حقيقيي
خليت ايديي ؏ عيوني وبقيت ابجي ، بعديـن من التعب
والقهر نمـت ،، كعدت وأنا انرفع من مكاني شافني كعدت وحجه
أمجد :- راجعيـن للبيـت
ضميت وجهي بصدره وبقيـت ساكته صعدني كدام يمه
وصعدن امي وحوراء ،،
حوراء :- شلون صرتي حبيبتي ، ولله مامصدكه انتِ هسا كدامي
هزيت راسي بس مالي خلگ احجي ،
وصلنه للبيت دخل للكراج نزلن امي وحوراء
وحجيت :- شفته بلمستشفى
حجه وهوا ينزل :- امم رجع للبــيت
دار عليـه ، اكدر امشي بس خليته يشيلني
دخلني لغرفة امي خلانـي ؏ الجربايه وكعد
كدامي بلگاع ،
أمجد :- ماريد احجي شيي ولا اريد اعاتبـج بس تعبتي گلبيي حييل
من تطيبين ويصير بيج حيل اريدج تفهميني كلشي المرض وحملج وعمتي وغيره وغيرها
أليـن :- لحد لأن اريد افهم شلون المرض تحول طفل ، ولله العظيم جنت متأكده مريضه وأسال عمه زهور اكثر من مرا شخصت حالتي رحت عنكم
لان ماردت احد يتأذه بموتي ، اصرت عليه عمتي احاول اتعالج واول رحت للدكتور يكليي مابيج ايي مرض وانتِ هسا حامل
عكد حواجبـه :- شقصددج ؟؟ الطفل ابن منوو
أليـن :- تسألني هيج سؤال من كل عقلك أمجد
نهض ويحجي منفعل ومحتار :- استغفرلله ربي ، الف الحمدالله ولج عقليي مدا يستوعب ، الف الحمدالله ،
ورد يكرر بهلكلمات رجع كدامي وحاوط خدي بأيده
أمجد :- منو هاذه حسيــن متأكد متسوينها وانتِ تحبين الدُجى ليش هيج سويتي بي الولد لان يموت عليج تكرهينه ليشش
بقيت عاكده حواجبـي منين عرف حسين لا اكيد يقصد
شخص ثاني :- ياحسين ؟
امجد يحجي وياي بهدوء بس واضح من كلماته
يريد ينفجر مدري شلون مسيطر ؏ نفسه
أمجد :- الي ؏ ساس زوجج أبو ابنـج
كعدت ؏ حيلي :- ياحسين لاتخبلني اكيدد عمتي الحاجيه هاذه الكلام مو ؟ لامسويه خلع ولاا غيرهاا وبعدني زوجة الدُجى ورجعت علمودده
وجنت حامل بأبنهه اجيت علمود ما احرمهه من ابنه ويشوفه من اول يوم
مو مثل جوري وسندد كبرو يلاا لگاهمم…
وانـا داحجي باسني بخدي وطفـر يركض
ونرسمت ابتسامه شاغره ؏ وجهه ، مـن بعده دخلن روز ونـوران
نـزلت دموعي من شفتهن وحده لازمه طـفلتها
والثانيـه لازمه بطنـها ، مكرشه ههههه ، تقدمن عليه
ثنينهن يبـجن ، اريد اتنفس ، منهن جابني محاضن
وتبوس ، بقيت اضحك ، عليهن
ضربت فخذها وحجت بجي
روز :- ليشش هيج تسوين بينهه ،
حضنت ايدها وبقيت اضحك بهدوء ،
؏ منظرهن او ؏ حبهن الي ، بقيـنه نسولـف
شويـه ويسولفلي عن حياتهن شلون مرت واحداث حلوه وطبيعيه
بعدها دخلت أمي وراها حوراء كعدت كبالي واجتي حور عدلت كعدتي
منـار :- اكـلي احلف صارلج قرن ما ماكله
ماكلت باطل لان ميته جوع ، وكلتنـي امي وأنـا اريد اوكف دموعي
ماكدر ، وانا اكل دموعي تنزل والبـنات ؏ الواهس يبجن ويـاي
تدنيت لورا وخليت مرفق ايدي ؏ عيوني وبجيـت بقهر
حضنتني حوراء :- ياروحـي ڪِٰافي تّعبين بروحج ،
وهيه تبجي
نوران :- كافيي بجـي ادري صعب بس كافيي تعبتي
تقربت عليه كذالك هم تبجي
روز :- شوفي ولله ابنـي الج مو هوا هم بكد ابنج الراح ، يروحي فدوه
كافي بجي
انا حتلو عندي نيه اسكت ماسكت من ورا حنيتهن عليه
احس الله يحبني حُب ماله حدود وخله بحياتي هيج
اخوات ،
مـر هاذه اليوم وكلها اجتي بحيث بيتنه صار خبصـه
فقط الدُجى ماهو ولا جهاليي ، ماحجيت ولا سألت
بيت جدي كلهم وبيت عمام جدي ، وخوال بيت جدي
يعني من هيج ناس من عم العم من خال الخال
وكلها تسأل شلون عشتي وشلون اجيتي
وماحجي عن الناس السمعتها تطعن بشرفي
وعلساس انا ملعبه وما شابه بس بالله حرف محجيت
ومن ناحية حسين الي لحد الأن منتظره أمجد يجي
علمود اعرف السالفه ، لان بقيت بدوامه شهلعبه ؟؟
لنص اليل كلها طشت لبيوتها بقت بس عائلتي
جـان كلهن كاعدات يمي شفت أمجد يدخل للبيت
من بعيد
ألين :- صيحيلي أمجد حوراء
هزت راسه ووكفت باب الغرفه :- أمجد ألين تريدك
رجعت كعدت وهوا دخل وراها
ألين :- اريدد اعرف قصة حسين
ابتسم وحجه بخباثه :- زوجج
ألين :- لاتلعب بأعصابي وانا ما ناقصني
أمجد :- مو رجلج ميقبل ينطيني موبايله علمود اسولفلج
عطت
ألين :- أمججدد شبييك
أمجد :- جديات ولله ؟؟
ألين :- حسيين شوصلهه للكم
أمجد :- مادري سألي روحج ، شلون وصل لصائب ويدزله صور الج وأنت ِنايمه وكرشج شكبره ، لو انت ِويا من واكفين بصف تكسي وتسولفون وتضحكون ، لو كعدتكم بلحدايق ،
ألين :- انا نايمه ؟؟!
دار وجهه عني :- امم
أليـن :- لاولله اكيد دتشاقهه ؟ شلونن وصليي وانا نايمهه
أمجد :- مادري يا ذكيه سألي روحج
لزمته من زنده ادوره عليه :- لاتتشح نضرك عنني شدتحجيي قابلل عيونيي بعيونك واحججي لو تجيبليي الدُجى هسااا
أمجد :- مايقبل
ألين :- ايي شنو هيه لعبه ميقبـلل ، لوو لگاها حجههه
أمجد :- أنتـتِ مستوعبه الكاعد احجي ؟؟
منـار :- ميخالف خلي يجي اختك تعبانه مو مالة تعاندونها وهيه منا مو عنيده
أمجد :- هسا انا مو من هذاك العصر الح عليّ يجي ماكو ؟
حوراء :- جذب عليّ وكله ألين متخربطـه بسببك لان مقبلت تجي
نوران :- لا بس اتصل عليّ هسا وخلي ألين تحاجي
روز :- خوش فكره
طلع موبايله واتصل عليّ بسرعه رد
الدُجى :- هاا؟
أمجد :- ألين تريدك تجي علمود تفهمك
الدُجى :- شتفهمني بلضبط ؟؟
أمجد :- يلوگلك الثگل ، المهم حسيـن مو زوجها وكلشي جذب
الدُجى :- ليش الطفل من فطر الحايط ؟؟ صار
سمعت صوت بنيـه يمه وتكول حبيبيي وهوا يرد عليها ؟؟
ألين :- طفي الخــ* ـرا
أمجد :- شنو ؟
ألين :- افف اقصدد طفيي النعال استغفرلله ربي لساني، افصل الخط
أمجد :- بطلتي تحجين
سحبته منه وفصلت الخط بوجهه
ألين :- خلي باجر يجي يطلگني وماريد شي
روز :- شكاعد تحجين
ألين :- كاعد احجي الي لازم ينحجـي
أمجد :- بس هوا يدري انتِ ما متزوجه سولفتله كلشي
ألين :- شكو تبرر ؟؟ يطبــه الف مرض انا مايشرفني هيج نماذج
تكون بحياتي وبعدين ليضل بالك مجودي مراح انقهر لان انا من الاساس ما احبــه
روز :- هسا انتِ عوفج من كلشي..
قاطعتها
ألين :- تعالجت
بقو صافنين بيه ممفتهمين شي
:- تعالجتت من امراضي النفسيــه وهسا اكدر انامم ،،
مر هاذه اليـوم وأنـا دمي يفور البنات نامن يمي
وامي كذالك كعدت الصبح ، لكيت بس أمجد مگابلني وصافن بوجهي
ألين :- بسمالله ، متحلم بيه شنو ؟
ابتسم وحجه :- كعدت من نومي نزلت دخلت لغرفتج اريد اتأكد صدك رجعتي لو حلم وانا متوجه لغرفتج ادعي مايطلع حلم ،والكاج بمكانج
ومن لكيتج مكدرت اطلع ، وهسا انتِ كعدتي
شلت راسي وخليته ؏ فخذه
أليـن :- شلونكم انتّ وحوريه
ضربني راشدي خفيف ؏ خدي
أمجد :- شعليج
ألين :- تطرد عيون
تنهد وحجه :- غلطت بحقها وهلمرا حيل مووشويه ،
كعدت ؏ حيلي مگابلته كمل كلامه
أمجد :- صرت ماعرف نفـسي متغيرر حيل وصاير ما نجرع حتى انا مكاعد اتقبل نفسيتي ، أذيتها حيل وهيه مالها ذنب ، تعبت من نفـسي
كلت اتقرب منها ، واصلح علاقتنه لو بس ترجع مثل قبل لا اخطبها
لو ڪِٰ اعتبارها الي اخو صديقتها ، بس شسويت انا ؟؟
ألين :- حتى انا مدا الگاك ، شسويت
أمجد :- يعني ولله انا كاره روحي ، وماعرف شلون اصلح الكسرته
بسببها هيه تمنيت تعصب لو تنفر مني بس هيه شسوت بيه
صارت بارده ويمكن موتت جزء من روحها بهلكلمه وادري بيها مو هينه
تعبتها لدرجه صارت ما تهتم الكلشي شفتيها شلون متغيره ؟؟
ألين :- ربكتني احجيي شمسويي
أمجد :- ماعرف شلون احجيها ألين ولله اريد حلل تعبتت من هلوضع
ألين :- انا راح يفلت لساني واشيلك وادگگ بلگاع اذا متحجي
بلل شفته ووجهه ذبل
أمجد :- من بعد علاقتنه الزوجيه كلتلها تقربتلج لان اريد اشوفج بنيه لو..
بعدهه ممكمل ماتحملت ضربته راشدي وبجيت
ألين :- أڪٰحب ، متستحيي ؏ عمرك معندكك خوات تفكرر بيهن
فتح عيونه بوسع ؏ كلمتي الي مدري شلون رهمتها
بس من عصبيتي طلعت عطت بصوت
ألين :- حححوراء ، صيحليي حوراء ، للجج حورررااءءء
دخلت تركض خايفه
حوراء :- يمه شبيجج
ألين :- تعاليي كعديي ييمي
تقربت ممفتهمه شي تباوعلي وتباوع لأمجد
حوراء :- ها ؟
ألين :- معنددج أخوانن ؟؟؟!
حوراء :- ييا ؟
ألين :- ددجاوبينيي عندج اخوانن لو لااا اخوانجج كففوو ياخذون حقج لو لا ؟
حوراء :- هوا انتِ شبيج
ألين :- تحجيين لو هسا ارطم راسج براسه ولله وثنينكم متستحون.
أمجد :- ألين…
ألين :- اسكتت حباب واذا حساس ومتتحملل راح احجي كلام دوسه ونص خوش
درت وجهي ؏ حوراء :- يمتــه تخلين عقلج براسج ؟؟ شمعنى يغلط بحقج وتبقين ساكته ؟ عوود الزوجهه المثاليه لو شنو بلضبط ؟؟ خوانج وين عنجج ومتشكيلهم عليه ؟ ليش مكلتي الهمم علمود يكسرون راسه وياخذون حقج من حلگ السبع ، مالت يحجي وياج هيج كلام ويطعن بشرفج تبقي ساكته بدافع أيشش ؟؟
أمجد :- هسا انتِ تطحنين تخبزين ؟ ردتج عون تصيرلي فرعون ولله وكت
حوراء :- ألين ماعرف شحجي بس شكلهم ؟؟ وبعدين انا مادرت تخرب علاقتهم وبلعت سالفته لان انا القبلت واخجل اجي اشكيلهم عن صديقهم
ألين :- لاا اكيد دتشاقين ولله العظيم ، لج طُزز بصداقتهم تخبلتي
وبعدين اناا صاحبة الذنبب ، انا الخليتكم تتزوجون عباليي أمجد آدميي
أمجد :- نجبي واكليخـ* ـرا مو دستي زايد
ألين :- اطلع برا لا اطلع مصارينك مستقويي عليها عبالك فطيره ولانن متأكد منها فاهيه ومراح تحجي لاحد لا انا بضهرها ولو مو اخوي ادوس عليك وع راسك السويته مو هين وانا لو كالي زوجي هيج اسكتت ؟
أمجد :- يي كاعد توصفين روحج بحوراء اذكرج من دخلت تعاركت ويا صائب بيوم ضربتج بضهرج لان حميتي وهوا بوكتها بليل موصلج الموت
وما حجيتي وسكتي اذكرج ؟؟ لو بعدج ناسيه
ألين :- اهاا نكول تريد تاخذ حقيي من اخته ؟؟؟!
بقيت ارمش بهدوء من شفته واكف
بلباب :- حقج من اخته ؟ اخت منو
دار وجهه أمجد متفاجئين هوا وحوراء
راد يحجي سبقته :- من أخت حسيـن
حجه بدون سابق انذار
الدُجى :- أجيت أطلگج، بس قبل كلشي اريد احجي وياج كم كلمه
أمجد :- يـلا نعوفكم بوحدكم بلكي الله يهديكم
طلعو هوا وحوراء تقدم ناحيتي وحجه
الدُجى :- حسب كلامج بعدج زوجتي ؟؟
هزيتـله راسـي :- وقبل كلشي اريد اشوف جهالي
تجاهل كلامـي وهوا يحاوط وجههي بأيد وحده
الدُجى :- أريد اشم عطرج للمره الاخيره ،
نزلت ايده بهدوء :- أبتعد عني ، ماصدكتت ألين ماتت وركضت تتزوج
الدُجى :- ركضت اتزوج ؟؟ هوا منوو المتزوج
ألين :- انت عقلك هاذهه وين ؟؟ قبل شويه تكليي بعدج زوجتي وهسا تكليي منو المتزوج ، أننت انت التزوجت
الدُجى :- مو شيبتيني باباااااا شيبتينيي شلون يبقه عقلل براسي ويجي واحد كلب ابن سطعش كلبب يدزلي صورر لمرتي وهيه نايمه بملابس نومها ، يدزليي صور لمرتي وههي تتمضحكك وياا وطالعين ومتونسيين
ززين فهمينيي انتِ نفسج نمرةة الدُجى الذيببهه المحد يكدرر يمسهاا
تخلي واحد يطب ويطلع عليها وهيه مصلخهه ؟؟ زين منوو بصفته منو مخليته اذا مو زوجج لج باليي كلمه حتى ماكدرر احجيهاا عليججج
دفعته من صدره علكيف منينن اجاني هلهدوء مادري ؟؟
حجيت أكد ؏ كلامي كلمه كلمه
ألين :- أولاً الكلام الداتحجي لحد لان اناا بنفـسي مادري عنه تمام
ثاني شي انا غير ويا السايق ماطلعت خطوه والي هوا اسمه حسيـن
الدراما والاشاعات الدتحجون بيها انت وأمجد بذات نفسي مكاعد افهمها
لزمني من ياخة قميصي وخله جبينه ؏ جبيني كاز ؏ اسنانه
ويحجي بغضب
الدُجى :- لج ألين ألين ألين ، انتِ قشمر للو شنوو بلضبطط
تطلعين من العراق مريضة سل ترجعينن بطنج طفل ذات ال6 اشهرر ؟؟
ألين :- تصدگ من احجيلك ؟؟
الدُجى :- اكيدد لا مراح اصدك بيج
ألين :- لاتصدك ، اطلع برا يلا وخلقتك ماريد اشوفها مرا ثاني
الدُجى :- لا ما أطلع وتفهميني وغصباً عليج
ألين :- روح لحبيبتك هسا اكيدد مشغول بالها عليك شتسوي يم
الك* ** ، المخلصتهااا دياحه وماكدرت تحافظ حتى ؏ زوجهاا
المامعبرها اصلااا ولا معبر وجودها ان ماتت او عاشت ، ممو انا لعبت نفـسيي اتعالجج علمودك الكاكك راكعني بعرض الحايط ومتزوج
اموت بليوم الف موتهه لان افكرر هسا شحالهه من عفتهه فجأة
بس طلعتتت طايحة حظظ
حاوط وجههي بأيديي ثنينهن وقرب خده مخلي ؏ خدي
ويحجي بغضب مكتوم
الدُجى :- اششش أنـا ماريدج تبجيـن ، هوا تعالجتي لو حطو بيج علة البجي ؏ كلشي وبجيتي ، شنو كبر وطهرو
دفعته وحجيت :- اكلخـ* ـرا
ماحس ال يعض شفتي السفليه بحيث حتى طگت دم
لكن سريع بتعد
الدُجى :- خاف قبل لسانج ماصخ هسا صار زفر مخلصتها بس تغلطين
ضحكت مستهزاء :- هاهاهاي خاف ماكل سمج ، اطلع برا لتشوفني خلقتك بعد
الدُجى :- دمشي لج انا الماريد اشوف خلقتج بعد الزفره
أليـن :- المن اجيت ؟
الدُجى :- اضحك عليـج
رغم ادري بي يريد يضوجني بس مقصر
ضجت شحيت نضري عنه وحجيت بصوت ناصي
أليـن :- تضحك لأن مرتك حامل وألين مات ابنها
باوعتله عكد حواجبه ونفخ حلكه
اعرفه من يضوج يسوي هلحركه لا أرادي
الدُجى :- شعرفج بمرتي حامل
شلت جهازي دخلت ؏ الستوري تبعه
مرجع لواحد تاك كاتب بي الف مبروك حبيبيي انشالله يتربه بعزك
ومن هلسوالف ، والابن الثالث ومادري شنو ،
ماحجـه شي فقط عافني وتوجه يطلع
من يمي حجيت من خله ايده ؏ يدة الباب
ألين :- وأرجع وگول غلطة عمـري من درتلك بـال
باوعلي بنضرات جامده أكدتلي ان مابقه ولا ايي حب
بداخله الي ، خاف جنت اشوف خوفه وحبه ولهفته الي
من يشوفني هسا لا ولا قطره ، وانا لحد لان ماعرف منو مرتـه
بنفس الحضه دخلت عليه بنيه شايله جوري حاضنتها
؏ گلبها ، ركزت بلبنيه هاي احس شايفتها خلت جوري بحضني
الي اول مشافتني بقت صافنه بوجهي ، اجيت اطگ وانفجر من البجي
بس لا نستني ،
ألين :- سكرتي
شو هاي حضنتني وبقت ساكته ، خلت وجهه برگبتي
باوعت للبنيه لواكفه
حجيت :- منو انتِ
:- ههه شبيج نسيتيني انا زوجة صائب وسن…
يتبع…
دُمتم سالمين
يلا فساتق ممكن تقدرون تعبني وتخلون تصويت ؟؟