أثـارة العيـون
ليال الجاسم
الحلقه_35_
لاتنسون التصويت 🦋🦋.
شعنـدي غيرك ياحزن عيـني وبچيـها ""
………………………………
عگاب :- اهلا بچنتنا
رديـت بأبتسامة مصطنعه
ألـين :- هلا بيـك عينـي
مُصعب :- وفينه وأجيـنه
حجت أمي :- أنـا مايشرفنـي تجي تدوس عتبت باب بيتـي
عگاب :- مناار انا اخوج الجبير
مُصعب :- تطلگتي لو بعدج ؟
أليـن :- العصر نروح انا ويـاك
زيـد :- شهلخرييط ؟؟
يـاسر :- يعني سويتيها صدگ ؟
أليـن :- يي لان هلشي راجعلي
روز :- أليين شننو راجعللج ؟؟ تعررفيننن شنو نمطهم هذوله ؟
عگاب :- اححجي عدلل بت الزمال
زيـد :- اذا تريد تطلع منا صاحي تلزم حدودك
ناصر :- يي وشتسوي مثلا ؟
زيـد :- اول مرا ما حاجيتك لان مالي حق بس هلمـرا لا أنا الحقق كله ف ألزم حدودك لسلامة عمرك
يـاسر :- أمجد وين ؟
روز :- بهاذه تصرفج ذليتي الكل مو شخص وشخصيين يا أليـن
أليـن :- ليش لأمر من يصير يمي يصير يبزز ؟؟ هاي مو انتُ كل واحد يختار اليعجبه ببكلشيي ينفرض عليه أختار شيي ماعاجبني
يـاسر :- هيه شنو ماعاجبج صاحيه ؏ كلامج انت ِ؟ بشنو أذاج هوا وهيج تجازينهه
أليـن :- يعنني الّ مأذييني يخخي انا من الاول ماريده ليش هيج تتصرفون وياي ؟؟
نـوران :- مفكره تلكين أحسن من صائب
مُصعب :- ليش منو هوا صائب
طفر زيد ولزمه ياسر
زيد :- سدد بوزكك حماررر
بنـين :- الج الحق تختارين الشخص ليعجبج بس مو هيج نماذج
حسيت بخنگه عطت
أليـن :- اخخ اخخخخخ خللصصوننييي تعببت
اجه صوت أمجد يحجي متعصب
أمجد :- يييـلااا لمو چوالاتـكممم وببـراا
عگاب :- علكيفك جايين نخطب
نـوران :- هوا أنت ماتبـبت تتخطبب بنسوان متزوجات ؟؟
عگاب :- انتِ همم لسانج طوييل
أليـن :- أطـلعع براا
مُصعب :- شنو ؟
ستوعبت جفصتي
أليـن :- نطلع برا قررت هسا اباشر بخلع الزوج
أمجد :- أليـن وأخـوو زييـنبب متتطلگيـننن
درت وججهي وطلعـت وهمه طلعو وراي
ركض أمجد بأتجاهي ولزمه ياسر مقيدده
يـاسر :- عوفـهه عوفـهه
أمجد :- شششنو أعوفـهه أليـنن رررجععي رجععي كللت
همـست بيني لبين نفسـي
أليـن :- حق أمـي أجيبـه أجيبه
عگـاب :- شكلتي
أليـن :- ماكلت شي
طلعنه من الحديقه وأسمع صياح أمجد
سمعت صوت نـوران وراي
نـوران :- أليـن أججي وياججج
أليـن :- كدامج
نوران :- بـنين هم تريد تجي هسا تطلع
هزيتله براسي تعالي وصلت يمي ،وحضنت كف أيـدينه مع بعض
شويه وطلعت بنين تركض وصلـنه للسيارات
ناصر وابو سوا وأنـا ومُصعب ونوران وبنين سوه
متوجهين للمحكمه
مُصعب :- نـوران بس أنتِ تعرفيـن مصلحة أختج
نـوران :- أتفـق
شكـيت بنوران حجتها بثقه بس مو ؏ بالـي
أمرها يعني شتسوي ؟
مُصعب :- أليـن شو ما سألتي عن شغلي شنو ما شنو ؟
أليـن :- مُحامي
رد متفاجأ
مُصعب :- شنو هاي شون عرفتي ؟
بنين :- مايصعب شيء على ذيبـة مثلها
مُصعب :- بـنات كربلاء كلجـن متنقلبن
نوران :- الظاهر عاجباتك
مُصعب :- شويه أذا اكول عاجباتني وبلأخص ذيبتكم
سمعت بنين تهمس :- گطيعه
أبتسمت ، وصرت اتصفح بجهازي وهمه يسولفون
بـالي مو يمهم مادري وين شارد
وصلـنه للمحكمه وگلبي نقبض نزلـنه
تجمعنه سوه وعگاب وناصـر تمشو قبلنه
مُصعب :- وهاي وصلـنه
بنـين :- روح كدامنـه هسا نجي
مُصعب :- لا سوا ندخل
بنتر
نـوران :- سسوالف نسوان ميصيير تسمعهه
فر أيـده وراح يتمشئ كدامنـه
صارن ثنينهن ڪِٰدامي وأنا عاگده
حواجبي منتظرتهن يحجن
حجت نوران بأرتباك
نـوران :- شوفي أليـن اريداحجيلج شي
درت وجههي عليها منتظرتها تكمل
ما احس وال بنين تزرقني بأبره
باوعت الزندي وباوعتلها
صار بعيـني غـوواش ردت أحجي
اكلهن ليش هيج سويتن
وحسيت انسحب من أيـدي
سمعت صيـاح وركض بس ماكدر انتبه
احاول افهم شي ماكو
سمعت ضحك ،وسوالف شويه شويه صرت استوعب
اسمع واميز اصوات ،
أمجد :- حبيبيي مشتبهيين لا حالة خطف ولا شي
ياسر :- لبنيه بتنه
زيد :- هاك عزيزي شوف أحنه حالنه حالك
السيارة واكفـه وعسكري يسولف وياهم
بس ما اكدر اركز زين افتح عيوني واسدهن
:- الكاميرات شافت شلون سحبتوها سحب
وناس ركضت وراكم
زيد :- أمجد سد الشباك وأطلع
:- اوكف حبيبيي اريد هوياتكم وهويه البت
ولله للو أكدرر احجي جان كتلهم خطفونيي
صارت أصواتهم بعيده ومشوشه عني
غمضت عيوني وماحسيت بشي بعد
لحد مكعدت لكيت روحي بغرفتي
ادركت الوضع وتذكرت طفرت فتحت
البـاب ونزلت أركض لكيت أمجد
وبنين كاعدين بلصاله وويمهم الجهال
كلهم ، وأمي ستوها تطلع من غرفتها
شافتني وحجت
منار :- ها ماما صليتي تعالي تعشي اذا مصليه
أمجد :- ماتصلي
درت وجههي عليّ متفاجأه
بنين :- ييا
أليـن :- شبيك ؟؟
منار :- صدك ؟
أليـن :- چذاب والله
أمجد :- ولعباس انتِ جذابه
فريـت أيـدي ودخلت للمطبخ صاح بصوت
:- ها أها شوفوو ماصلت دخلت تاكل
صحت بعصبيه :- أممممججددد الززم حدودكك عييبب
منار :- خلو البنيه هاديه شبيك يمه
بنين :- هوا أنت ماستحي صدك ؟
أمجد :- مجذبب ؟
بنين :- شعرفك ؟
أمجد :- احسبلها
وطگها بضحكة زرف راسي زرف بيها
ضربت الكرسي اليمي بعصبيه
دخلت بنين تضحك
ألين :- هاذه رجلج أك* *ب
بـنين :- ادري بي
دنكت اكل متجاهلهه خريط امجد لبصاله
كعدت يمي بنين تاكل وتخطف نضرات منتظرتني أسألها ؏ الصار لبارحه
دخل أمجد اخذ ماي شرب سحب كرسي وكعد
خله أيـده تحت حنكه ويباوعلي ويبارع لبنين
بلأخير طگت روحي منه شلت كاسة الماي وركعته بوجهه
أليـن :- خننزييرر االله خالققك
صدمني ماتحرك ولكأن مسويتله شي
درت وجههي ؏ بنين
أليـن :- شبي هاذه ؟؟
قوست حلكه بمعنى ماعرف
بـنين :- شبيـك أمجد خليها تتعشه
أليـن :- صوجج الرتب الاكبر منك مخليتك براحتك
أمـجد :- راح احجي وكمليها أذا انت ِذكيهه
ألين :- غرد
أمجد :- نجبي ، نكسـر خشوم ولو ؟؟
صفنت بي ماعرفهه شنو حجت بنين سريع
بنين :- ولو ؏ الكتف ألف نجوم
ضرب الطاوله جفلنه ثنينه
أمجد :- كككففوو مرتتتييي
فريت ايدي وكملت اكل
أمجد :- فرختنه شكد تاكل
أليـن :- ماكله من صحنك ؟؟
بنين :- حركات بركاتت
أمجد :- گهوات چايـات
ألـين :- فيوزات طاگات
أمجد :- عليج العباس خلسألج سؤال ؟ هم مشتاقه لرجلج
أليـن :- يارجلي ؟
أمجد :- أيـا طايحة الحظ شنو يارجلي ؟
أليـن :- شعليك
بـنين :- قصدها أيـدن لو صائب لو الدُجى
أمجد :- خوش ترهمين
أليـن :- بلضبط ف احب اكلك لا احبه ولا اكرهه ولا مشتاقتله
أمجد :- نهجمم بيت البامييه
خلصت وكـمت غسلت وكعدت بلصاله لكيت سند نايـم
وجوري ستوهه تغفـي ، طلعو بنين وامجد يضحكون
من الغرفه
ألـين :- نوري وروز يمته راحن
بنين :- العصر
هزيت راسي اخذت جهاززي وأتصـلت ؏ مرتجى
رد
مرتجى :- هاا الو نونه
أليـن :- شلونكم
مرتجى :- بخير بسماع صوتج
أليـن :- عسا دومكم شسمه عندي موضوع وياك
مرتجى :- تفضلي اسمع
أليـن :- عندي عنـوان أريدك تعرفلي اصحاب البيت موجودين لو لا فقط تسأل عنهم لتسوي شي
مرتجى :- وين هوا بلبصره ؟ دزيلي العنوان وانا باجر أشوفلجيا
سوالي امجد حركه بيده بمعنى منو
درتله الجهاز شوفتهه الأسم
عض فشته غمض عيوني وهز راسه
ألين :- يي بلبصره بس شنو أسم صاحب البيت أبو حسيـن من ال ***
مرتجى :- تمام دزيلي العنوان
ألين :- ماشي يلا اخذ راحتك
مرتجى :- الله وياج
فصلته ودزيتله العنـوان
أمجد :- شنو السالفه
ألين :- مالت واحد يصمطك بلاغ ينومك بلسجن خمسيين يومم
أمجد :- سويها اذا شفتي روحج كفو
ألين :- ها ؟
أمجد :- والعظيم
ألين :- لا تتحداني ؟
أمجد :- اتحداج ولله
ألين :- خوش اعلمك منو الكفو
منار :- لا يمه علبختج
ألين :- ولله هوا تحداني انا معليه
بنين :- وخمسين يوم تخلينه ؟
ألين :- لا انا الاهم أسجنه وبس اعلمه يتحدى منو
منار :- هسا انتُ عدوان لو خوان
أمجد :- يمه احنه فرعون وعون اذا تعرفينهم
أليـن :- اسجنك بوقت انسيكك التحدي كله انا اعلمممك
رفع رجلي ؏ القنفه وتمدد بحضن بنين
منار :- لاتسودونن فدوه يمه
أليـن :- ماماتي انا اعشق التحدي وههوا يتحدى ف بهيج موقف احب اكلج انفذ انفذ
أمجد :- نشووف
ألين :- خوش كلشي بوقته حلو
أمجد :- وأنـا الأحله
بـنين :- يعني صدك تحجون ؟
ألين :- طبعاً
منـار :- خلگوم عنكم لاتجلطوني
أمجد :- لا ولله كولي صايرين مانعججب
أليـن :- ليگابـل خلقتك يعرف معنى الأعجـاب
شال أيد بنين وخلاها ؏ وجهه يمرر بيها
أمجد :- عمي بنين صدگ وجههي مايعجب ؟؟
بـنين :- لقرد بعين امه غزال..
أمجد :- يعني تعتبريني ابنج ؟؟؟ شططولي شعرضيي اببنجج
بنين :- اووي شبييك خلكمل وانـا أشوفك من جانبب هلمثل
اشوفك بعيني مثل نضرة الأم لقردها
وضحكت نهض من حضنها ويباوع بوجهه ويرمش
بطئ
أمجد :- هايي عليمن ؟
بنين :- على قرد امهه مو عليككك
أليـن :- وماكو قرد امه غير أمجد
طفر لزم أيدي ويريد يعضني
بحركه سريعه عضيته بخده
دفعته وطفرت من فوگ القنفه
أمجد :- هايي شسويتيي ولج بخديي ؟
أليـن :- منو كالك تتقربلي
أمجد :- جلبة
بنين :- ألين عليج الحسيين حققيي حلمي
أليـن :- ششنو هوا
اففتر واسولف وياها لان امجد يريد يلوحني
بنين :- أريد أكتل أمجد
فهه بوجهها :- هاه ؟؟ علييمن
بنين :- هييج
ألين :- المفروض تحمينه بس يلا تمون طفري جيبيلج جفجير من المطبخ وتعالي ركض. لان ثيران الله منطينه منكدرله هيج
أمجد :- خوش انا هلمرا صددك ما هابي ثنينجن أعلسجن علس ولله
أليـن :- اعلى مابخيلك أركبه
طلعت بنين تركض من المطبخ بيدها مس وطاوه
صفت يمي
بنين :- هاجج
ألين :- الييوم ال أشفيي غليلي بيك
وركضت عليّ مادري شلون قيدني سريع
أمجد :- بس كليلي هسا يحميج ياهوو ؟؟
احاول اهمش وجهه بس ميخليني ألوحه
طفرت بنين جلبت بضهرهه من ورا
دفعني ودار بنين عليّ
لزم ايدها وعضاها ، تقدمت اركض ودفعته بقوه
بس كدرت افلتت بنين جنه ثور وين اكدر ادفعه
طفر عليه ونومني بلگاع ، قيد ايديه
ويعض بوجههي ، اضرب بي بضهره برجليه
ولا يتحرك ، يعضني ويكول أححح
طفرت بنين صعدت فوگ ضهرهه وتضرب بي
متت متت من الضحك تضرب بي بقوتها وهوا ولا يمه
كلما تضربه تصرخ تريد تبجي لان مدا يتحرك
بنين :- وولله اناا قوييهه اكدرلهم خواننيي ليش مدا اكدرللككك
فر أيده فوك ضهره وسحبهه نومهه فوگي
بحيث جعصنه جعص لحت وجهه وشرمخته
بخده ،
أمجد :- جنج فاره ويين صاعده
يعض بيها ويضربها راشديات بس ؏ كيف
هذولي الراشديات المزعجات مو اليأذن
بـنين :-وخررر بعددد ماحاجييكك
أمجد :- لا لا حققي امنيتج شمنتظرهه
ألين :- وللك أمججدد خنگتنييي
ابتعد عننا وشالنه ثنينه وعلگنه لفوگ
أنا أضحك وبنين تضحك وتصرخ
تخاف من المرتفعات
أمجد :- هيج هسا وأدگجن بلگاع شيضل بيجن
بنين :- حباب نزلننيي حبوبيي فدوه
ألين :- لاتترجيين ززمالهه
بنين :- وللج اخااافف
نزلنه وكعد ؏ حيله ماد رجليه لزمنه ثنينه مخلينه بحضنه
وداير وجوهنه لكدام ، بس مقيدد ايدينه
أمجد :- مايهون عليه اكتلجن بس ولله لو يهونن ال اخلي عضامجن مكسره
بنين :- يييمه علساس انت شخلييت بينهه
ألين :- لاتجذبين بس نجلب عليينه
أمجد :- شوف غير تسكت
بنين :- تراا ولله اننا قويييـة ، باع عضلاتي عوفني عوفني اراويك عضلاتي
ضحك وفلتهه دارت وجهه عليّ
وترفع بردان بدلتها ترفع بأيده تحاول تراوي عضلاتها
بنين :- بباع شوف عضلاتي
ضحك ولزم كف ايدها باسهه وبقه لازم ايدها
باسني بخدي ويضحك
ألين :- شبيكك
أمجد :- وجوهجن خرببت
ألين :- حتى وجههك شرمخته تراا
أمجد :- هسا انا باجر ورايي شغلل *** عليج يولله
ألين :- وعلئ البالي
أمجد :- منو ؟
بنين :- قرد امهه
سحبهه عليّ وعضاها بحنكها
والعضه قويه وصارت تبـجي
ضحك دفعني وسحبها لحضنه
أمجد :- خبال حتى خبال
تدفع بي :- وخر عنيي عضيتي حييل
لزم ايديها :- شو خلبوسها تطيبب
أليـن :- أنـا صاعده أنـام
دارت وجهه عليه بنين
بنين :- صارلج يوم كامل نايمه يابويه
ألين :- احس نحلانـه
أمجد :- عليج العباس شكد مس..
وبطل ماكمل
ألين :- مستفزه بس عليمن ؟؟
أمجد :- ذكيه مو بيدج
حجت بنين تسلك لأمجد
بـنين :- خلعضك حبـاب
أمجد :- نجبي بابا نجبي مو نجلبتي فرد نوب
كمـت عدلت ملابسي وشلت سنـد
أمجد :- خلي بغرفه أممي
ألين :- لا أريدهم يمي
أمجد :- لا لعد أنطينيا انـا اخذهه
ألين :- لا شيل جوري انتّ
نهض شالها وصعدنه ثلاثتنه لفوگ
نومناهم ، درت وجههي ؏ أمجد شايل
قميص الدُجى غميت گصتي وغمضت عييوني شلون ناسيته هنا
غمزلي :- همّ همّ شيسووي هاذه هنناا
عكدت حواجبـي واشرت ؏ جوري
ألين :- همه جايبينه وياهم مادري بيهم
بـنين :- ددوم نصدگ أحنـه دومم موبيدنهه
أليـن :- نجبي بنين مو تنگلبيـن علييه
أمجد :- ليشش متعترفيين ؟؟
رفعتله حاجبي :- أعترف بلاول انت تحب بنين لو لا ؟
أمجد :- بلعباس أمووت عليها وهاي كدامج يكفلني العباس احبها
شفت الفرحه بوجهه بنين وعيونها الصارت تلمعع
ومدمعه ، ضحكت وحجيت
ألـين :- أعترف انُ انا جبته وياي بس ماحببه
أمجد :- هايي ليش هيـج ؟؟
كعدت ؏ الجربايـه وحجيـت بوهن
أليـن :- أمجد ،
أمجد :- ها يبعد أخـوج
أليـن :- هوا يحبني لو لا ؟؟
أمجد :- ألين وداعتج ماجذب عليج بحرف ، اوول مرا بحياتي اشوف صائب يحب بهلطريقه اوول مرا أشوفه يتعامل مع أنسانه بمثل ما يتعامل وياجج
أليـن :- يعترفـلي بس ماححس يحجي صدك أممجد يحجيلي بطريقه
متتخليني اصددگ بـيي حتى لو أوافققه مادريي شللونن ماعررف
حاوط وجههي بأيدي
أمجد :- اكثر شي يتعبج هوا سلبيتج مراح تتهنين بشي اذا انت ِسلبيه
فكري بكلشي بايجابيه وشوفي الأمور شلون تبيين بسيطه وحلوه
قوست حلكي
أليـن :- موبيدي
بـنين :- ماكو شي مو بيدج أليـن كلحنه نعرف يحبج لو مايحبج شلون الكل متأككد يعني فكري شلون يتعامل وياج وشكو موقف حلو صار بينكم
أمجد :- واثبتلج هنا راح تعرفيين الغلط من الصح
أليـن :- ولله ههوااي حاوللت
بـنين :- أنتِ ليش تردين تتزوجين مُصعب ؟؟
خليت راسي ؏ أيد أمجد وحجيت
أليـن :- أريـد أخذ بحق أمـي
أمجد :- ههنا الحجي لوني شوفي حق أمج مايضيع ولله من أريد أنا مننن زمانن اخذته ، بس تدرين امي شكالت كالت أنـا مسامحتهم بس اكيد الله ماينسئ عبده المضلوم ، هنا انا سلمت أمرهم بيد الله
شوفي شلون راح يكون عقابه الهم الله "يُمهل ولا يهُمل "
ألين :- هسا شلون ؟
أمجد :- تتراجعين بقرار الخلع
أليـن :- الدُجى ويـن ؟؟
سرعان ما تغيرت ملامحه بانت ؏ ثغره أبتسامه
أمجد :- وأخيـراً ، ماكدر اكول
بنين :- لأخيراً شنو موضوعها أذا متكدر تكول
أمجد :- الأخيراً لأن سألت عليّ ، هسا كولي تحبينه
أليـن :- ما
ضربت جبيني بأصابعي
ألين :- لا لا
أمجد :- معقققوله ولا شوييه هييج شوييه
ومقلص عيونـه
بـنين :- لا والحسين تحبه معليك بيها
أمجد :- ادري بيها بس أريدها تكول ، كولي وأنا ما كول ولله
بنين :- تحسسني انت عالم ثاني من الشرقيه
سحبت قميصه من امجد وشميته
هزيت راسي بلا
أليـن :- ماحبه ماحبه
أمجد :- وسيدد خلف تحبينهه
ألين :- لاا تحللفف
أمجد :- ومحمد تحبينهه وغصباً عليج
بنين :- شو انت لو تغزل بيها صائب تعصبب وماتترضضه شجاك هسا
أبتسمت ابتسامه جانبيه زميت شفتي وهدلت روحي بحضنه
أمجد :- صدك راح تناميـن ؟
أليـن :- أممجد خليني أحجي وياا
أمجد :- هاه ؟
أليـن :- ولله
أمجد :- ماكدر اتواصل ويا
رفعت راسي :- ليش هيجج
أمجد :- ها شبيج عيني
أليـن :- ييلا ططلعوو ببرا
بنين :- شبيـك أمجد خلها تحجي ويـا
أمجد :- ولجنن موبيدي ماكدر ماكدر يخرب كل شغله بس اتصل عليّ
أليـن :- ييلا اشاقه وياك ماريد احجي وييا
زحفت يم سند وتمددت طلعو وسدو البـاب
شهلشعور الفجأة صابـني ، هيج فجاأة لكيت روحي اريد احجي ويا
علييمن مادري بس تنددمت لان كلت الأمجد
كعدت وبقيت اباوع للقميص خطر ؏ بالي أمزققه تمزقق
هلقميص ، هزيت راسي بلا مرتين
وشلته بسته ،
أليـن :- أناا ماحب اضوجك بس انتت تستاهل هوواي تستفزنني تخليني اتوعدلكك بـ شر
تذكرت الربطـه كمت طلعته وصافنه بيها
- هيه معقوله انا صاحبة هلربطه ؟؟ زين شلون عررفني انا هيه نفسها الطفله ،
بستها ورجعتها لمكانهه ماطلعها دوم خايفـه تضيع لو شي
وتبقه أمانتـه
تمددت فارشه القميص ؏وجههي
بقيت كاعده لحد ما ملـيت
كمـت طلعت ورقه وقلـم وأحاول أرسم بيها
عيون الدُجى ومن تطلع غلط اكتب خطأ
وكتابه فوگ منها ، ماعندي صوره اله بوكتها
حتى اكدر أقارن بين الرسمه ولحقيقه
مليت صفطتها وضميتها بكفر جهازي
ڪِٰمټٰ توضيـت وفرشت سجادتي
طلعت القرآن ، وسبحة أبـوي
مخليتها كدامي ، وقرييت
سورة البقره خلصت وهديتها. لأبوي
تمددت ؏ السـجاده ، ولزمت سبحة أبوي احس عطره بيها
وابداً ميروح منها ، دموعي صارت تنزل بـلا شعور
؏ التربه ، خليت القرآن ؏ وجههي وشميته افيشش يعطر القرآن
لحد مسمعت صوت الأذان يكبر يعلن عن موعد صلاة الفجر
كمت وصليت صلاتـي ،
أخر شي اخرر شي صفنت بلتربـة من ادركـت أنـا مُجازه
وماصلي ، ضحكت ؏ روحي لميت السجاده وكمت
تمددت يم حبيبينيي فديتهم ، لذة عيوني هذولهه
ما احسهم بس طفليـن لا حياة كاملـة
العالم بكفه وهمه بكفه شلون ما جان
وصلتني رساله من روز
كاتبه بيها :- ألووش كاعده ؟
دزيت :- كاعده ها ؟
:- أسأل عليج ماكو شي
- انت ِشكو كاعده
:- هسا حنام
كتبتلها :- تصبحين ؏ خير
وطفيت الجهاز ،تذكرت مرتجى فتحته ودزيتله رساله
:- مرتجى أذا تكدر جيبلي رقم صاحب البيت ابو حسين
رد عليه بلحضتها :- تمـام هاي هيه سهله
حبيت الأن ما سألني ؏ شي فقط وافق
حبابين كلهم بس ولد عگاب وعگاب نفسه مستخفين
مدري عليمن طالعين مرض يلفهم
صارت الساعه سبـعه ، كعدو جوري وسند سبحتهم
ونزلتهم جوه يم علي ومحمد ، ورجعت صعدت
صارت الساعه 9 وأنا منتظره مرتجى
يأست وماحس الّ توصلني رساله منه
فتحتهن ، مصورلي البيت وكاتب
-: ابو حسين نفسـه بلبيت وأخذت رقمه من جيرانهم
وهاذه هوا
ودزلي الرقم جوه ، تشكرته وكلش فرحت
أتـصلت ؏ الرقم رد عليه وحجيت الي لازم أحجي اله
وسديـت الخط ، فرحانـه ،
نزلت ركض ، لاكتني أمي
أليـن :- ماماا ماماا خلي الجهال ييمج حبابهه
منار :- خيير ولجج
ألين :- خير خير
طلعت بدون ما اسمع ردها متوجهه للبيـت
دخلت للصاله ولاگاني باقر طالع
حجيت بأرتباك :- ء ء هاذههه شس شلونكك
حجه يقلدني
بـاقر :- ءء زيي زين ، شبيج توتوتين
ضحكت وحجيت :- جايـه أشوفكم
بـاقر :- لا همزين تذكرتينه تفضلي عيني تفضلي البيت بيتج
أبتسمت وتخطيته باوعت بلبيـت بس لاا الولد موجوديـن
دخلت لغرفه بيبتي لكيتهن كاعدات يسولفن
طفرت بصف خاله هديل
أليـن :- مسسستعده
مُلكيه :- ولج شنو هاي شو لا كلتي الله يجويجن لا هاي دخلتي جطل بنص
أليـن :- فاجعتج مو ؟
مُلكيه :- تقلدين علييه شنهي
أليـن :- هسا يابيبيي شبيج بسمالله يالله دسألي عن احاوليي گبل مجادلل
مُلكيه :- ياهو كالج تقلدين عليه
أليـن :- عمت عيني هوا انا اسولف هييج بدل ماكول فاجئتج اكول فاجعتج مثلا اكول كعيبه بدل كئيبه
مُلكيه :- هسا اكيد الدوده لمورهه كايلتلجج عليه ولله
أليـن :- منوو كال يمكن جنيتي سولفتلي
مُلكيه :- خاف گرونج
تلمست راسي :- ولله انا ماعندي گرون انتِ مسويه شعرج گرون
مُلكيه :- وللجج لسانج فالت شو ماخذه ميانه وياي ليگلك بكدي
سويت روحي ضجت واحجي بقهر مصطنع
أليـن :- يلا هوا انا هم حضي هاذه ماعندي حظ بلبيبياتت
مُلكيه :- ولج تعاليلي لياي ياهي الماعدهه حظ بلبيبيات ولج انه امج هاي ويامن انا هيج احجي عمت عيني كونن
ضحكت ودمعت عيوني على حنيتها
كمت حضنتها وابوس بيها
هديل :- شجابج شوداج شلون ندليتي الدرب وجيتي
أليـن :- جايتج بمصيبه
هديل :- علبختج يمه
أليـن :- ولله صدك مدا اشاقه
مُلكيه :- كلشي نتوقع منج
أليـن :- لا ولله هلمرا فاعلة خير انشالله
هديل :- سترك ياعلي نشوف
أليـن :- بس لا واحد من الولد هنا
هديل :- بس قويسم وبلدوانيه يمكن نايم بعدهه
مُلكيه :- سوايتج سوايه من فضختي وليدنه وصلتي لحلگ الموت
ألين :- ييمايي هاذه ياهو ؟ يمتهه
مُلكيه :- الدجن چا ياهو
هديل :- يمه كون يسمعج عاكسه اسمهه
ألين :- أمداني وامده الدجن چا ضاله بگلوبكم لهسا
مُلكيه :- كوممي عني وللج يا ماتستحين امدا شنهي
أليـن :- أنـا علمج چا اذا ما افضخه فضخه حقيقه هلمرا أطلع أنا مو أليين
مُلكيه :- وعلي أشرگج بلنص هاذه وليدنه مارضاش علي
هديل :- علبختج هسا هوا شمسوييلج وتفضخينه
مُلكيه :- الزليمه لا يمهاولا حذاها وتتكاون عليّ
هديل :- شو وليداتج ماكو
ألين :- لا ماجبتهم وياي كتلج راح تصير فد درامه هناا تشگ شگ
مُلكيه :- بيها طگ ؟
ألين :- مادري اذا بيها طگ ؏ گولتج بس كلشي بوقته حلييو يحبوبايي
هديل :- دخيلك ياعلي يمه
نهضت وحجيت :- ييلا انا ورا الغده واجييكم
مُلكيه :- تعايي ولج وين رايحهه
ألين :- لا ولعباس ماا ما اروحح
هديل :- طاكات عدها
مُلكيه :- تغدي هنا ولج بيتج هاذهه
أليـن :- رجلي ماهويش ف مابقيش هنا
ضحكت خاله هديل ؏ لهجتي للكلامات
درت وجهي وطلعت ، اتختل من البيت
حاطه گلبي بيدي علما اوصل للببيت دخلت لكيت بنين
تمسح بلصاله شهكت وحجيت
ألين :- ععززا بعيني ولج الصاله شكبرهاا بوحدج تغسلينها زماله غير تنتضريني
بنين :- عادي خلصت مابيها شي هيه بس ضوجه وكلت اونس روحي
ألين :- شو نطيني انا اكلملها
اخذتهه منها وهيه راحت كعدت تباوعلي
شلت دشداشتي شديتها ع بطني بشالي
وبلشت امسح ، اصلا بيتنه شكبره
وشعرضه مننزع حجاباتنه بي
لان مو امان بأيي لحضه ممكن يجعت بيتنه
واحد ف دائما ماخذين أحتياطاتنه
بقيت خايفه يجي واحد ويشوف
هلخلقه بهشكل ، خلصتها ورحت كعدت
يم بنين هلكانه شغلنه المراوح
بقوتهن ، شفت الجهال من باب غرفتهم يلعبون
تمددت بنين ؏ رجلي
بنين :- ملاحضه تغيير أمجد لمفاجأ؟؟
ألين :- بطل يهمس بأسمها
بنين :- نوعاً ما
ألين :- حلوو
بنين :- نگوم نسوي. غده ؟
أليـن :- فطسست خلرتاح شويه ونكوم
طلعت أمي من المطبخ
منار :- درتاحن انتن انا سويت مقلوبة سمج
بنين :- هايي يمتهه
منار :- ولج صارلي ساعه بلمطبخ
بنين :- ماصحتيلي
منار :- شصيحلج ماما حبيبتي خلصتها وكملت
ألين :- عاشت أيـدج كبدبديي
ضحكت بنين
بـنين :- كلمة أمجد هاي
أليـن :- عادي انا اشتغل سراققه
منار :- يمه باجر تاخذون محمد وعلي للمدرسه
أليـن :- اكيد اصلا منتظره هاذه اليوم اكثر منهم
صار وقت الغده تغدينـه ولمينـه لمواعيـن وغسلناهن
صعدت لغرفـتي فتحت الشبـاك ، واباوع لبـاب بيتهم
مرت سياره من بعيد متوجهه ؏ شارعنه
ضحكت بخبث انشالله هوه
وصدك جان يطبگ سيارته باب بيتهم
نزلـت أتختلت قبل شويه سمعت صوت أمجد
بلبيـت ، بس بلكي ماخذله شغله ۅٛراجع
لان حذرني أذا اريد اكعد هنا ما اخطي خطوه
لبيتهم مو رايحه وراجعه ف عود انا صرت
حبابه وافقته لرأيي ، سألت امي ؏ امجد كالت بغرفته
بستها بخدها وطلعت امشي ويا الحايط
علمود الكاميرات متشوفني ، بعدين حضي
اجت عيني ؏ الكاميره الكدامي يعني شافتني اول
بأول ، شفت باب بيتنه نفتح ، طگيتها ركضه
لبيتهم ، دخلت الباب مفتوح
لكيت شخص لابس دشداشه بيجي
واكف باب الصاله ، وكدامـه خاله هديل
صافنه بي وقاسم لبقيه ولا واحد بلبيت
حتئ الحجيه ماهيه
صفكت ايديه مع بعض من ورا
دار وجهه عليه ابتسمت ابتسامه جانبيه
وميلت رگبتي
أليـن :- وحاليا أنت في قبضه غياهبييي يداددم
:- منوو انتِ
أليـن :- چنتهه لمرتك حياتشيي
دار وجهه ؏ خاله
:- شكاعد يصير هديلل
ألـين :- ككلامك ويايي
قـاسم :- شجابك لهنناا
هديـل :- طلگني يله وأذا ما وافقت ماتطلع منا وأنت صاحي
أبتسمت فرحانه لأنن حجت الكلام لازم تحجي
:- هدييل
أليـن :- تطلگ وتنفذ الطلبب وأنت الممنون ، يييااا
حجيت الكلمه الاخيره بمكر
:- ماكدر انفذ طلبكم
باوعولي قاسم وخاله مفاهمين شي
أليـن :- من الأخير اذا أجوي ولد خاله هديل ترحم على روحـك
:- ماعدده ولدد مينن اجوي ولدها
قاسم :- لا مع الاسف ععدها ثلاثه وبنت رابعه
:- ششلونن وانا مامطلگججج
هديـل :- اليومم نروح للمحكمه وتطلگني لو أسوي بيك سوايـهه وتعررف عمايلك كلها عند مـنوو
حجيت بصوت ناصي
أليـن :- عراقي اسمك هيبه وياساس نيبه العاداك نجيبه ايي نعلكه تعلك
صرخ بوجهي :- هاااييي منووووو ، منوو انتِ
رفعتله حاجبي وحجيت برود
:- صوتـك كدام بنات رحيـم ينصه اوو كدام بنات خلق العالمين كلها ولازم تكون اخرس لان بنفخه مني تطيير ببح بلسجن نايم تلكه نفسك
قـاسم :- بببرا ييلاا
:- مرتتي اريدها
أليـن :- شووبيطط كمتت تتعزز هاا ؟؟
:- هاييي البت منوو
أليـن :- المحامية المتوكله قضيتكم حياتشيي
:- يعنيي مجرد محاميه
أليـن :- ليش تخليني اعيـد چنة ومحامية هاذه البـييت
بلعم ودار وجهه ؏ خاله
:- ليش تطلبين هيج مبلغ تدرين بيه ماعندي هيج مبلغ جنتي ساكتهه
شخلاج تحجين هسا
هديـل :- جنتت ساكتتلك بس هسا ماسكتت
فاجئتني خالتي كأنها تدري بكلشي جنت مخططتله
ووتوافق كلامي وتزيد بعد
دار وجهه قاسم وضحك
قـاسم :- شرف حظرة ياسر ومرته واخته راح يشگك شگ
لطم ؏ راسه بثنين ايدي
:- هسسا انا شجابني لهنااا
أليـن :- الفلووس ياعممم
دخل ياسر ولبنات بقو واكفين بمكانهم معارفين شديصير
باوعلي وحجه
يـاسر :- شنو منو هاذه شكو داخل للبيت
ألـين :- مادري هوا ماعرف شيريد
يـاسر :- قاسسم
هديـل :- هاذه زوجي
عكد حواجبه حيل
يـاسر :- ششنو ؟؟!
هديـل :- جذبت عليكم وكلتلكم متطلگه بس هوا لحد هاذه اليوم مامطلگني
يباوع لأمه ويباوعله ويتقدم بخطوات ثگيله
بأتجاهاا
رتد لورا وحجه بخوف
:- رااح أطلـگ وكلشيي اخذتهه منج يرجعلجج بس خلوني اطلع
جان ياسر بملابسه العسكريه ووجهه تعبان ف مبينه ملامحه شلون
محتده والجو حار ف وجهه صاير احمرر
ونوب عكد حواجبه ونطط عيونه
تقدمت حور يم امها ونوران لزمت اييدي
نوران :- شنو هاذه
أليـن :- فد ملطلط نريد نلطلطه عدل
كرصتني بزندي دفعته وخزرته
بعصبيه :- غغسسل تعگربتي
ضحكة ؏ كيف ودارت وجهه ؏ ياسر
لمخلي وجهه بوجه ابو حسين
وهذاك ينگط عرگ من جبينه
يـاسر :- تجي وياي هسا اشوف شنو سالفتك
لزمه من زنده وجره يسحب بي ورا
دار وجهه ؏ خاله وحجه
يـاسر :- وانتِ امي لتفرحين راجعلج
اخذه وطلعو همه وقاسم ضربت ؏ خدها ؏ كيف وحجت
هديـل :- يمه شلون بيه هسا
تقدمت عليها گرصتها من خدودها ؏ كيف
أليـن :- أنـتت مصنعع زلـلم
بستهه ودرت وجههي طلعت
شفت نضرات حور الي
ضحكت بداخلي وطلعت
من البيـت ، دخلت لبيـتنه فتحت الباب
ووكفت بمكاني رمشت بعدات سريعه
من لكيت أمجد ساحب كرسي وكاعد مقابيل
البـاب ،ويباوعلي بنضره شر مو خاليهه
من رگصاتهه ،
سديـت البـاب ؏ كيف وبللت شفتي
أليـن :- نزل عيونك ترا ما خاف منـك
ولا تحرك بقه يباوعلي بنفس النضرات
- أممججدد نزلل عييونكك عنني
اوول مرا اشوفه هيج يباوعلي
حسسني اناا أرهابيـ* ـه
عطت بصوت :- ييييمااااا
طلعت اممي من المطبخ
حجيت بعصبيه
أليـن :- جنى ديشمووخ متكعد راحهه نهار ؏ ليل بلمطببخ
بيده عود تنضيف أسنان خله بحلكه وكام دار وجهه وكعد ؏ القنفات
ييا شبيي هاذه عكدت حواجبي ودرت وجههي ؏ أمي
أشرتلها بيدي شبي قوست حلكها بمعنى ماعرف
نزلت بنين من فوگ هيه وعلي
يضحكون شافونه متسطرين بوضعيه مختلفه
عوجت حلكها وباوعتلنه رفعت ايدها بمعنى شكو
رفعت كتوفي ودخلت للمطبخ
باوعتله من المطبـخ ؏ نفس وضعيته
ويلعب بلعود بحلكه وميباوع لوجه احد
حجيت اهوس بصوت عالي
اسمعه
أليـن :- وطـطططگـن صخلاتـه ها يا عيني هئا هئا هئا
وطگيناهم وطگن صخلاتهه طرر طررر طرر هلا هلا هلا
ها ياعيني وها يايا ييا
دخلت امي سكرانه من الضحك
مخليه شاله ؏ وجهه وتضحك
حجت من بين ضحكاتهه
تقطع بلكلام
مـنار :- راحح يگوم عليج ولله
لزمت الطاوه ولمس وأضربهن مع بعض
ألـين :- وطگيـننا وطگن صخلاتـهه هلا هلا هلاا
تباوعلي وتباوع لباب المطبخ وتضحك
دخلت بنين تركض سدت البـاب وتضحك
قفلته ، وكوا تتنفس من الضحك
دنكت عليها كومتها
بنين :- اجاج ولله
ألـين :- چا انت ِعليمن شاردهه
بنين :- أطگ أصبع ورا شافني وركض وراي
رجعت ادگ واصيح بصوت عالي
ألـين :- وعضمنا وجلبناا ها وها وهاا
حجيت أمط بلياء
ألـين :- ورادد ينطحنه خنزيير البرارييييييّ وييويلااا
فجأة اخذتني الصفنه حسيـت صوته
بأذني باوعت لبـنين هم متفاجأه
ييعنيي صحيح سمعتهه هواا
سمعت صوت جوري وهيه تصيح
ششبييل بابا
بلعت ريگ ودنكت افتح الباب
فتحت مانفتح ، هزيـته حيل من الايد
ماكوو
كلت بصوت ناصي وانا اباوع لتحت
مركزه بصوتههم
ألـين :- أمجد لك أمجد افتح البـاب
مايرد اسمع ضحكهم وسوالف جوري وسند
ضربت الباب حيل بأيـدي
أليـن :- لللك اممجددد افتح البابب لا تخببلننييي
هزيت الباب حيللل بعصبيه مينفتح
امي وبنين ساكتت بس منتظرات امجد يفتح الباب
سمعت صوته يجيني
أمـجد :- أعلمج الگرون بـراس منو تطـلع
ضربته ضربتـين بأيدي ونزلت دمعتي
علييمن مادري
منار :- ييمه أمججد افتح الباب
سمعت صوته :- قزلقرط اففتح الباب زمـال ، جايك والعبـاس
اجتِ رگعه قويه بلباب عرفت تعاركو
شويه واجاني صوته يحجي قريب ؏ البـاب
الدُجى :- ذات الأنياب المفتاح وين ؟؟
حجيت بصوت مهضوم
أليـن :- مادري هوا عند أمجد
قهقه بخفه :- أشش عليمن مهضومه ؏ البـاب ينفتح
أمجد :- ط*** اذا لكيت المفتاح
الدُجى :- خاب أشنقك والشريفه بت الحسـن
مسحت دموعي وكعدت منتكيه ؏ الباب حجيت
أليـن :- علي حبيبيي أمجد وين عاف المفتاح
سمعت صوته قريب مني مخلي حلكه
ع فتحتة البـاب
علي :- لاتبجين ، أنا هسا ادوره ويا عمو ماشفته وين اخذه
ضحكت وامسح بدموعي التنزل بدون أنقطاع
منار :- ولج ماما عليش تبجين عوفي البجي قابل ميفتح الباب
بـنين :- يعني يدري بي هوا راح يجي ؟؟
ضربت الباب :- أفـتح البـاب امجد ولله بعد ماططلع ولله جنت مضطره وطلعتتلهم
الدُجى :- أمجدد رگاصه افتح البـاب البتت تبجيي وللككك
أمجد :- هلهل علينه وأنـا افتحه مشتاق لهلهولاتك وانا مامشي بلعيني والأغاتي كله بهلهولتك
الدُجى :- وأبـو الحسـنين الك دقيقتيـن أذا البـاب مانفتح الويـل الويـل اشوفكيـاا
ڪِٰلت انا اكيد أمجد يعانده ف متمشي ويا تهديدات صائب
ڪِٰمت وركعت الطاوه بلگاع وصرخت
وياها رجعت ضربت الباب برجليه
بحرگه وأصرخ بأسم أمجد
نفتح البـاب سريع ، وطلع بوجهي أمجد
شهكت شهكه قويه ودفعت أمجد من صدره
؏ كيف ابعده عن طريقي
صار گبالي الدُجى واكف بطوله
بس تتتعبان حيــل رمشت بعدات متتاليـه
وكعدت بلگاع أشهگ نحطيت بحالة تناقض
گلبي يگلي رگضيله وخلي يلمج بحضنه
وشي ثاني بداخلي مانعني اتحرك بأتجاهه خطوه
بعد ايديه عن وجههي ولماهن بأيده
قرب راسي ؏ حلكه وطبع بوسه بجبيني
الدُجى :- عليش هلبجي ، باوعيلي شبيـج
رفعت راسي وباوعت لعيونـه ضربته بصدره بقبضه ايدي
أليـن :- ححقيرر
رفع حاجبه وبانت ؏ ثغره شبح ابتسامه
تنهد نهض وكومني ويا
طلعت أمي تقدم عليه وباسهه براسهه
تحمدتله بلسلامه وبنين هم طلعت
تحمدتله ، لزم كف أيـدي وكال بأبتسامه
الدُجى :- تسمحولنه نصعد فوگ
أمجد :- أكـييد لا
خزره وحجه
الدُجى :- انت منو ماخذ أذنك؟؟
منار :- اخذهه يمهه الجهال يمي
باوعت لمي بصدمه شتقصدد ؟؟
ردت احجي سد حلكي وجرني صعدني لفوگ
ويا فـتح البـاب ودخلني سد البـاب
واجه حاوط وججههي بايدي
حجه بأبتسامه عريـضه
الدُجى :- تـوقعت كلها تبـجي عليه الّ انتِ
بعدت أيـدي عنـي ودرت وجهي مبتعده عنه
سحبني من أيدي قويه ارتطمت بصدره
اول مرفعت راسي عليّ ماحس والّ
ماخذ شفتي بحـيث بقيت مخنوگه
ومصدومه ، فاتحه عيوني بوسع
گلبي رعش بقوه دفعته ميندفع
لحد منزلت دموعي من الخنگه ومن
الموقف نفسهه
بتعد عني وحط جبينه ؏ جبيني
مغمض عيونه ومحاوط وجههي بأيدي
الدُجى :- يكلـي مرتـك ومستلذذ بييهاا
حجيت برجفه بكاء
أليـن :- لييـشش سوويت هييج بييه مثللهم بددون ما سمحللك مثللهم
سحبني لحضنه ضمنيي حيل حسيت
ضلوعي تكسرن بكد ما حاضني قوي
الدُجى :- مماريدد أثثر شفته على شففتجج ألييين
كال أسميي بحده
بقيت اشهگ بحضنه
أليـن :- أنت ماتتقربليي ولا تكدر تحبني لأنن لأنن..
مكدرت اكمل ولا كدرت أنطقق حروف الكلمات
بقه ساكتت حركت نفسي من حضنه بنتر
أليـن :- ررددتتت تككلييي كلامجج غلطط ليشش تثببت كلامي صح بسكوتك
بتعدت عنه من رخه حضنته
كمتت وأنا الشهگه تطلع من جووفي
مثل النار ، تحركني بلكامل وترجع ترممني
لحتى تجي النار الأعلى وتسويني رمااد
باوعت بعيونـه واشرت احجي بحده
أليــن :- مححد كددر يحبني بلطريقه لأنـا تمنيتهاا
- محد حبني بلطريقه لأناا حبيتكمم بيهاا
- ككلكم تخافون من نارر أليـنن لا تحرگكم بس مححد حاول يطفييهااا
بلأخيير صرختت بصوت عالِ
وأدگ ؏ صدري
أليـن :- نننـاارر نـاارر بيـهه يوومييه أكعد الصببح اكوولل ليشش ما متتت
ليش لحد الان عاييششه ألممنن عايششه لحد الأنن
ققهرنني سكوتهه ححيل نبتت أضافريي بظهر أيديي
وصرخت وانا كازه ؏ سنوني.
طفـر عليه قيدني كُلي مخلي حنكه ؏ كتفي
الدُجى :- لا لا مو بهلطريـقه مو هيج مو هيج أليـن
كلت بوهن بعد ما سكنت بحضنه وهوا مقيدني
ألين :- دُجى
الدُجى :- نور الدُجى ، عيـون الدُجى
أليـن :- أتركني بحالي
الدُجى :- عففت كلشيي واجييت علمودج شترك منجج
رحت أخذ حقج بس أنتِ مانطيتيني مجال وهسا عايف كلشي وراي الأنتقام والأجرام وانتهاك الناس الأبرياء وأجيـتتج
عطت
أليـن :- قصدك تحملنيي ذنبب الناسس الابرياء
الدُجى :- عقربب لا تاخذين الأمور ؏ كيفج
باليي يريد ياذيي صائب حجيت بجي
من تفكيري بأذيته
أليـن :- أحبـك ولله احببك
الدُجى :- ما فائدة حبـج وأنتِ لا تهتمين بيه ولا حتى تطمئنين عن حالتي
ولا تسانديني ما فائدة هاذه الحبب كـله
حجيت كازه ؏ سنوني من كلامه
ألـين :- ولله العظييم أخلعكك بلمحكمهه ولله العظييم
الدُجى :- ميحتاج تتعبين نفسج أنـا أطلگج
درت وجههي علي وضربته بصدره
بصريخ
لزم ايديه وحجه بعصبيه
الدُجى :- ألين مرا وححده ردتج تحاوليين لأجليي فقط مره وححده
ألـين :- ططلگنني هسسا يييلهه
الدُجى :- من عيونيي عندي شغله وحده اسويها وأرجعع أطلگج بلعلنن
تقربت عليّ واضرب بي بصدره
وأصرخ بّجي ، كلاممي الوحيد هوا دموععي
ردته يفهمّهن او بلأحرئ هوا فاهم كلشي
بس متقصد يسوي هيج بيه
نبتت أضافري ببلعومي وكزيت عليهن حيل تقدم
نترهن من بلعومي ودفعني لورا بعصبيه
الدُجى :- أننطينيي أمانتيي
درت وجههي أمشي بدون وععي
فتحت الدولاب وركعته بقوه
درت وجههي ؏ الميز
فتحت المجر وطلعت الربطه
شمرته بوجهه
دنگ شالهه وتقدم ؏ الدولاب
فتحه وطلع قميصه منه
دار وجهه يريد يطلع
ركضت علي ولزمت القميص
أليـن :- تتااخذذ كلشيي بس القميصص متاخذذه
الدُجى :- وعيونج ماخلي شي يخص الدُجى يبقه يمج
من بعد اليوم
أليـن :- أننطينييااا ، ولله بس هوا هاذه أكددر أرتاحح من اخليي ؏ گلبيي لاتاخذه
الدُجى :- أليـن لاتحرگييين گلبييي زيادده ماكتفيتييي
ألين :- انطينيا حباببب
دفعني لورا
الدُجى :- ههااي شنوو تحبيين قميصيي بس متحبيينييي شبيييج
أليـن :- اححبك ولله بسس انطينيااا
الدُجى :- ككافي لغوه ، سؤال واحد أسألج جوابج هوا كفيلل بفعليي
هزيتله راسي بعدات سريعه
:- ترديـنن تتطلگين مني لو لا ؟؟ تبقين ويايي تحبيني وماكو طلاگ لو لاااا
هزيتله لا براسي
:- شنو لاا تتطلگين ؟
هزيتله راسي بمعنى ايي
فتح الباب وطلع حسيت أيدي
ورجلي اليسره نملت
طلعت ورا أسحل برجلي سحل
نزل سريع دنگ شال الجهال وطلع بدون ميرد ع أحد
أمجد راد يطلع ورا بس شافني ورجع صعد يركض
أمجد :- شصصار
أليـن :- حـ نتطلگ
خله ايده ؏ حلكه ويفرك بي بقوه
زفر بغضب
أمجد :- شنو البـالجج
ماحس بيه حيل بعد درت وجههي للغرفه
ورجعت سديت الباب وتمددت بلگاع
حتى دمعه منزلت مني بعد زحفت زحوف للجربايه
شلت الفراش وطلعت منه الحبوب
اخذت ثنين بدون ماي حتى
شويه شويه حسييت أغفى..
………………….
نوران…
كاعديـن أنـا وحوراء بلمطبخ نحلل من يمنه هسا ياسر
شديسوي بلرجال الأخذه ومنو وشـلون
ويمنه خاله معصومه وخاله هديل ورقيه يطبخن للعشا
واحنه نجهز بالنواعم فززنه صوت محد متوقعه
ينسمع بهلوقت
الدُجى :- ها يبعد أمهاتي
درنه وجوهنه علي متفاجئين
شايل جهالهه ثنينهم بيده فرحت توقعت
جايب ألين ويا اككيد نزلهم ثنينهم وفتح
أيدي لأمه
تقدمت عليّ خاله حضنته وتبجي بفرح
تتلمس بوجهه وتشهگ
هديـل :- يابعديي رجعتلي يبعد امكك مشتاگتلكك ييمه وينك عني بعيد
طفرت حوراء حضنته ونفس الحاله تبجي
وفزعة المشاعر العراقيه مستحيل أتخلى عنها
صرت ابجي وياهم من هول الموقف الصار كدامي
حسيت راح ياكلنـه اكلل
الدُجى :- ولجن تندمن الواحد على رجعته كافي ولله يمجن هاذه اناا
بتعدت عنه خاله وحور بقت
ملزكه بي حاضنته وتبجي
ضحك وشالها من الگاع
باسهه بخدها وعضاها
تنهد من ضحكت وبتعدت عنه
تقدمت خاله معصومه وسلم علينه أنا ورقيه
من بعيد سلام سرب وتحمدتله
بسلامة رجعته
دنكت خاله بوست الجهال
هديل :- أمهم وين
عض شفته وباوعلي زفر نفسه وحجه
الدُجى :- ماتجي
هديل :- ييا ليشش
تفاحة أدم صعدت ونزلت يلا نطق
الدُجى :- راح نتطلق
لطمت خاله ؏ خدها
هديل :- ههاذه أنتت التحببها
الدُجى :- أحبها بس هاذه مو يعني اجبرها على محبتي
نوران :- صائـب أليـن نفسيتها تعبانـه ماتعرف شتتصرف أمنعهاا حباب ولله تتمنى ما تطلب هيج طلب منك تحبك بالله العظيم
شح نضره بلفراغ وحجه بوهن
الدُجى :- مكدرتت تكول الكلمه لبعيونها حجت بس العللسانهه
أستغفر ودنك شال جهالهه صعد بيهم لفوگ
بقينه وحده تباوع بوجه الثانـيه
معصومه :- هم أكو وحده بلعالم تشبه ألين ؟؟ شو هاي البت تختلف مدري شلونها
هديـل :- وليدي مايتحمل بعد
خلت وطلعت
رقيـه :- رايحه أشوف أليـن
نـوران :- حتى اناا
طلعنه سريع نمشي اول مـاريد اطلع من باب الصـاله
دخل زيـد وجهه مطعونن يركض صاح بنص الصاله
زيـد :- صصصصـااائــببب صائبب ألحگللييي
دار وجهه وطلع جهاززه حجه بصياح ممزوج بعصبيه
زيـد :- لللككك دزليييي الموققع ووييينن بيا مكانننن احجججييي
نزلل صائب يركض ؏ الدرج
الدُجى :- شبييك ززيدد
دار وجهه عليّ يحجي وصوته مخنوگ
زيد :- للك الدُجى اخوونهه راححح ييـاسسرر مسويي حاددث
مانددل مكانهه وويين الحكليي حبيبييي راححح
سمعت هيج وتجمدت بمكانـي واكفه وبس أريد استوعب
شسمعت ركضو ثنينهم تخطوني وكعت ورجعت صحت بصوت
نوران :- ااخذذوننيي اخذذونييي ليااسسرر
دار وجهه عليه صائب رجعلي يركض سحبني من أيدي
وصعدني بلسياره ،
الدُجى :- منوو كالكك
زيد :- لك مادريي منوو اتصصل عليهه كلي ياسر مسوي حادث ونغلق الخط هسا رجعت اتصلت عليّ ونطاني العنوانن
يسوقق صائب بأقصى سرعه بحيث اذا صخره تضرب الدولاب تگلبنه
انا أبجي ابجيي اريدد اسيطر ؏ رجليه اليرجفنن بحيلهن
بألف يا علي وصلننه للمكان ناس وشرطه ملتمين ؏ المكان
نزلنه ثلاثتنه نركض ،
مكدرت ادخل من الازدحام الصاير بس الولد دخلو
مرأة كبيره كداميي سحبت ايدها وأحجي ببجي
نـوران :- خـ خاله ششصار
دارت وجهه عليه
:- وليدد عسكري نگلبت بي السياره خطيه هوا ومريته
بس اخذتهم الأسعاف عمت عيني عليهم ولله من الخوف
واحد ماسك أيد الخ
صار صوت تصفير بأذني من السمعته
شنو بنيه شنو ماسكين ايديين بعض حجيت
نوران :- لا اكيدد خاف مو ياسر خاف غيره
:- حبوبه ماعرفه انا انتِ شتقربيله
نوران :- لاا خاله لا اناا زوجتههه موو ياسرر التحجيين عنهه
عكدت حواجبه ودارت وجه عني
دخلت ادفع بلناس متت متت يلا كدرت اوصل السياره
تقدمو شرطه يردون يبعدوني
الدُجى :- لاا نورانن
تقدم هوا سحبني منهم
زيد :- ففتحوو مساففه
الناس ابتعدت وطلعنه منهم ثلاثتنه بقت عيني ؏ السياره
ممروده مرد كلت مستحيلل يعيشش بعد هلمنظر
صارت حركاتي مثل المجنونه
وصلنه السياره هزني صائب حيل
الدُجى :- نووورانن داحجي وياج تسمعيني
نتبهتله :- لا لاا فدوه منوو هايي لاا صائبب يياسسررر وويينن اخذوني الهه يريدنيي هسساا
زيـد :- صارر ساعه أحجي وياج بالجج وين
دكيت رجلي بلگاع وبجيت
نوران :- اخذوني اله اخذوني الههه
فتح الباب زيد وصعدت ورا
صعدو همه ووتحركت السياره متوجهيين
للمستشفى
نوران :- مايعوفني يـاسرر فددوه كلوله ميعوفنيي مو ابوويي عافنيي مايكوول هاي منو ليبقالهااا
زيـد :- خلِنوصل نوران بويه علكيفجج حتى منعرف عنه شيي
بقيت ابجي ومختنگهه حييل تخطر ؏ بالي سالفة المرأة
وانفضها من بالي افكر بس بياسر ، الدررب صصار شطوله
ادعي وابجي اريد بس اوصل والمحهه عايش
وصلنه وصلنه واخيراً ، فتحت الباب ولسياره بعدهه مواكفه
وكفوها ونزلنه اركض كدامهم
الدُجى :- نورانن لاتركضيين
تجاهلة كلامه لاگانه دكتور
نوران :- يياسر يـ ياسسر وسامم محمد هنناا ويينه وينه
زيد :- اخذيي نفسس نوراننن
دكتور :- انتُ شتقربوله
حجه بغضب
الدُجى :- ڪِٰ *** احنه ڪِٰ*** هنااا المرريضض ويننه عايشش لو لاا
:- بهاي الغرفه
اشر ؏ الغرفه الورا
ركضت افتح بلباب مينفتح
باوعت من الشباك وبقيت أرمش بعدات متتاليه
مشكلين تنفس اوكسجين وصدره معببه جروحح
تنزف ودكاتره ملتمين علي
لمحت ؏ سدية ثانيه بنيهه بصفه
رتديت لورا وكعدت بلگاع
الولد وجوهم مطعونهه خفت من شفتهم
خفت يصير شي لا سامح الله ويعوفني
حوالي ثلث ساعات والتمت كلهاا عوائلنه
حتى أليـن
منتظرين يطلع احد ماكوو
بقينه واحد يباوع بوجه الثاني
من طلع ممرض يركض وهوا راجع لزمو بي صائب وباقر
باقر :- شصصارر
الممرض :- صصحت البنت بنصص العملياتت
عافو ودخل يركض ، بقينه قلقيين
ألين وروز حاضناتني وساكتاتت
بقوو ساعتين جوه زياده لحد ما طلع الدكتور
كلحنه لتمينه عليّ قلقين
الدكتور :- منو نوران ؟؟
نوران :- اناا اناا دكتور
الدكتور :- المريض استعاد وعييه ويريد يشوفج
دخلت اركض بدون ما اباوع لأحد
لكيته داير وجهه ؏ البنيه
حجيت ببجي :- ياسرر
غمض عيونه حيل بألم اعتقد فززته
دار وجهه عليه حجه بصوت ممفهوم ومبحوح
يـاسر :- تعالي أحجيلج گبل لا أموتت
شهكت وحجيت :- لا لا يـاسرر فدوهه
يـاسر :- تعاي كعدي يمي خلأترس روحي من عطرج
نوران :- ممـ منوو هايي
يـاسر :- لا تبجيين دموعج تأذينيي حييل
تقدمت علي خفت المسه لا يتأذذه
يـاسر :- بابا كتلج گعدي يمي
سحبت كرسي كعدت ييمه وأشهك بجي
رفع ايده لوجههي غمض عيونه متألم
يـاسر :- ههاي زوجتي ماحبيت غيرج ظطريت أتزوجهه
غمضت عيوني من الوجع الضرب راسي بشده
مسحت دموعي متجاهله كلامه
نوران :- ماريد شيي طيب بس طيبب هسا وبعدين أحجييلي كلشيي
يـاسر :- ولـج متأذذي حييل
بست أيده واحس الوجع بروحي
وجهه ازرگ حيل وعينهه وحده منهن زرگه
كعدت لبنيه تونن ، رمشت بعدات باوعت لياسر
بلع ريگ :- گومي شوفيها فدوه
نهضمت بس كمت تقربـت يمها فتحت عيونها
مكست كف ايدها اهدئ بيها
نوران :- أنتِ بخير محتاجه انادي الدكتور ؟
هزت راسه بخفه معنى لا
مسحت وجهه بيديي من العرگ
نوران :- يوجعج شي متأذييه
نزلت دموعها دنكت بستها بجبينه
نوران :- راح يمضى هاذه الوجع وراح تطيبين بس خليج قويه
صرت بنصهم ثنينهم باوعت ليـاسر يباوعلي بس حييل متأذي بحيث وجهه ياخذ وينطي ألوان
تقربت علي طبعت بوسه ؏ كيفف بجبينه
نـوران :- لاتستسلمون خليكم اقوياء وراك احبه تريد تشوفكم
بخيرر
يـاسر :- ماكدرر أقاوم ياقوتتي
بلعت ريگ من سمعت نحيب البنيه
خطيـه متأذيه
بجيت وياها :- حبيبة عمري قاوممي هلوجع حبابهه
درت وجههي وطلعت ابـجي صحت للدكتور
كلهم لاكوني يسألون بيه انا مبيه حيل احجي
تخطيتهم بدون مارد توضيت واخذت سجاده
صليتت ركعتين وكعدت ادعيلهم ثنينهم
بججيت وسبحت ترجييت الله ههواايي
انُ ماعندي غيره لا ياخذه مني
خلصت وطلعت امشي وظهري محني ماعرف شفكر
لاگتني ألين سندتني وكعدتني ؏ الكرسي
كعدت مقابيلي ولزمت ايدي
أليـن :- اريدج قـوييه ححيل خلي أيمانج وثقتج بالله
وياسر راح يرجعلج سليم بأذن الله تعالى
بجيت وحجيت مخنوگه
نـوران :- متأذيي يگلي مكدر أقاومم
أليـن :- لا يقاوم كل انسان يمر بهيج فترا يضن نفسه مايكدر بس هوا بلحقيقه يكدر ويعدي هلمرحله
شفت ممرض طلع
الممرض :- البـنيه حالتهه احسن من حالة الولد بس انشالله يتعدون الخطر بس محتاجين دعواتكم الهمم
دكيت ؏ وجههي :- لا لاا ياربييي هاذذه يسسريي راحح اموتتت أليين
أليـن :- اسمالله علييج نورانن شجاجج كالو محتاجين دعاء
دخلو ممرضين بعد ووراهم ثينن دكاترهه كبار
صاح زيد بغضب
زيد :- شششصصاررر
وكف واحد من الدكاتره
:- واححد منهم بحالة حرجه ماعتقد يكدر يعيش…
يتبع…
الباقيات الصالحات-
- الحمدالله
- أستغفرلله
- سبحان الله
- الله اكبر
- أستغفرلله الله واتوب اليه
- اللهم صل علئ محمد وال محمد
- سبحان الله وبحمده
- أستغفرلله الذي هو الحي القيوم
-لا اله ألا الله