" حــرب النــفس "
Vote+ Comment فضلاً ولـيس أمراً
_____________
تكات راسها على رجليه كتموت بالبكا
ماشبتة بضفيرات صبعانها رقاق نطقات بصوت مؤلم حــافي وبـاح صوتها كيتسرط : سمحـــــليييي سمحــليييي احــيااتي عافاك مالي غيييرك سمعنييي شوووفياااا أنااا سميييرة انا مراااتك
دريس سدرو بدا يطلع ويهبط بعصبية دفع هيثم: سير حيب داك الكلبة كثر مادل راسها كثر يخليها سلعة
رحمة بغات تقرب عينيه ظرفو الدموع وايمان دارت مابقاتش قادا تشوف داك المنظر كثر
بدا كيحيد رجلو من يديها وهي تزيد تجبدهوم معنقاه : لا لا لا لا عاافااك لااااا لااا لاا
اتمـ ـوت بالبكا بحال شي طفلة كيحيدوليها الحلوة ديالها الخاصة كتزيد تزير عليه نطقات ببكـاء طفولي كترجف : عاااافاك لاااااا لاااا ماانقدرش انا بلااا بيييك مانقدرششششش مااانقدرشششش
زاد حيد ليها رجليه بجهد تاتمايلات طايحين يديها للارض غوتات بجنون بحال شي مصعورة كتفركل فالارض كولشي وقف كيتفرج : لاااااااااااا طااااااهااااااا
جرها هيثم بزربة كيزيرها لعندو ولات حمرها بانفجار على وجها وكتفركل وتغوت لربها لي خلقها صعرات، رحمة طاحو دموعها بدات كترعد كتشوف طه وقف كيسولها بهدوء هازليها يديها : الواليدة كيبقيتي !
قرب باسها من جبهتها شدات على يديها بزربة كتزير فيدو والبكا دسميرة مسموع فالمحكمة كاملة كولشي كيتفرج ماقدرش هيثم يرضيها كضرب بين يدو وتفركل باغا طلق منو تمشي لعندو : طه ولدي عافاك ( بصوت راجف ) حن على مراتك عافاك أولدي عااافااك ماكاتشوفش حالتها.
مراد طلع عينو كيشوف فيهوم مزير على يديه اما المهدي ماقدرش اشوف داك الحالة والغوات خرج بحالو من المحكمة.
شاف فمو بهدوء كيبوسليها يديها : يالاه ندخلو نگلسو
دريس عيا صابر كيشوف بنتو صاعرة وكتفركل وحالتها شعرها كولو تطلق وتلبك، عينيها خرجو عيا هيثم يشد فيها، جا لعندها جرها من يديها كيحاول مايغوتش : واااسكتي الصلكوووطة درتي الشوهة فيااا وفرااااسك راااه ماغااايشًووووفش فيييك المدلوووولة صااافي دخليي سالي هاد الزمر وخرجييي الوييييلة سكتيي الله انعلك .
كتغووت بجهد وضرب براسها : طاااااااااهاااا مابغيييييتش بغيييييتوووووو مااابغيييتش نطللللللق ماااابغيييييتش بعععععدددد منيييييي بعدوووووووووو طااااهااا سمعنيييييييي هووومااا لي داااارو هاااادشيييي
هيثم : سمييييرة طلقيي راااسك سميييرة تفكريي الطبيب اش قاااليييك
شد بيد مو وتحرك بيها يدخلو للجلسة وهي كدور تشوف فيها ماصادراش تخطا .
عمها عيا صــابر وكولشي كيشوف غوت غوتة وحدة غادي عندها : سمييييييييييييييرة
شاف فيه مراد وايمان، دارت حتا رحمة واقفة .
مع تذكرات سميتها هاكاك حرك راسو بشوية داير مع حطي عينو علييها ...
علا يدو تاعلاها بجهد وجمعليها حنكها مع وذنها بتصرفيقة عـالية تسمـع صدا ديالها فالمحكمة كاملة تميلات..
غوت طه بجهد بصدمة : ا ييييييييييييييييه
ايمان شهقات بيديها على فمها رحمة رجعات اللور بصدمة دايرة يديها عند حنكها، دار دريس مصدوم فخوه بهاد الدقة ..
طاحت مع التصريفة برضخة وحدة تاطلاقا راسها بالارض حالا عينيها بلاما ترماش مرضوخة يديها بالارض بفشل
بزربة مراد تقدم كيغوت بصدمة : وااااااش مريييييض الشماااااااتة كيفاااااش تضرب البنت بحاااااال هااااكااااا اولد *****
تقدم ليه حكيم باغي يشمخها فالارض طلع بزربة هيثم بيناتهوم ودريس دار كيشد فخوه والسيكيريت دالمحكمة كيعيطو للبوليس
رحمة مشات كتجري هي وايمان سبقهوم طه لعندها طاحو عندها دورليها راسها كتشوف ببرود وحنكها تجمع فيه الدـم زرق بحال المـ يـتة ، قلبو غايخرج متبت راسو دار يدو بزربة عند عنقها كيتحسس النبـض لقاه كاين، رجع بزربة حرك وجهها ماكاترمش ماوالو كتشوف حالة عينيها ففراغ ..
رحمة كتبكيي وتحرك فيها : سميييرة بنتيييي سميييرة
إيمان : هاكي اماما قرعة دالما رشي عليها شوية
رجع هيثم كيهز ليها راسها ماكاتحركش..
ناض طه بجهد ماخلاش الفرصة فين يوصل باه خطوة وحدة غفلو بضربة وحدة جابهاليه عند العين بجهد حتا ردعاتو للارض جا طايح وهو اصلا صحتو على قد الحال بحكم كبر سنو.
جا البوليسي شدو بزربة قبل مايهبط يكمل عليه كيفكو عارفينو مايقدروش يتخاسرو معاه كيحاولو يشدوه ويكالميوه مراد رجع بشوية وهو كيشوف فحكيم عينيه حومر دفل عليه وقرب بزربة لعند طه لي كانو عينيه ماكيبشروش بالخير غير كيتوعد ..
رجع دور عينو ليها كيشوف هيثم هزها بزربة لعندو جثة هامدة غادي بيها تبعاتو رحمة قلبو كيضرب وجمع حجبانو بألم مع يديها لي تدلات بحال ملاك بلا روح غمض عينيه مزير على القبضة ديدو .
بزربة هيثم حطها فالطموبيل فتحاتبيه ايمان الباب هو بعد يسدو طلاقاو عينيهوم بجوج بزربة هي بعداتها عليه وهو شتت النظر ديالو بآلم غادي لقدام وقفات عليه رحمة : قوليا عافاك فين غاتمي بالضبط خاس نجي نشوفها !!
هيثم : واخا الواليـدة أريليا نمرتك
هضرات ايمان بلا ماتحس : أنا نعيطليك .
شاف فيها شحال وزاد مع الطريق بزربة مخلينهوم غادين لطموبيل ورحمة كتهضر : عيطي لبّـاك يجي يدينا خاس نشوفو البنت ماي وقت هادشي دابا
ماكملاتش هضرتها كيشوفو مراد نازل مع المهدي وطه من موراهوم مع وصلة شاف مراد فايمان : واش داها ؟
حركات ليه راسها تخطاهم طه غادي لطموبيلتو وهو هاز تيليفونو كيعيط لهيثم يعرف شمن سبيطار داها .
فربع ساعة لحقو عليه دخلوها للانعاش ضربوليها برا باش ترتاح حيت كانت فصدمة غا حالا عينيها بلا ماتحرك، قدرات شوية بشوية ترخا وتسدهم كيعبقو ليها السيروم عيط خوها للطبيب ديالها باش يجي حيت هو لي مشرف على حالتها تاوقفو عليه الورياغلي.
مراد: أمضرا واش كاين شي خبار ؟
هيثم : يالاه دخلوها دابا عــاد خاسها تفيق باش نعرفو حالتها
سمع جوابو ومشا بشوية گلس فالكرسي حطات مو يديها على كتفو : أتولي مزيــان غير الضربة كانت خايبة عليها
طه : إنشاء الله
تكات ايمان على الحيط ميلة راسها كتشوف فهيثم كيف قايم على ختو وخايف عليها ماكانش احسابليها لهاد الدرجة كيبغيها وكيحن عليها تشتت ليها الانتباه منين صوناليها تيليفون كان خطيبها تحركات مبعدة وية عليهوم باش تهضر فخاطرها .
طلع عينو كيشوفها بعدات تهضر عارفاها وسامع خبار خطوبتها لي غادار زير على القبضة ديال يدو هو عارف راسو مايستاهلهاش، عارف راسو قسر بزاف من جهتها ومحال تولي تشـوف فيه.
مراد تحرك جوج خطوات راجع شاف فطه : وكلتي المحامي وتراجعتي فآخر لحضة ؟
ماجاوبوش مركز بعينو فنقطة وحدة رحمة شافت فيه جامعة حجبانها : ماشي وقت هادشي دابا
شاف هيثم عندهم مصغر عينيه بقا كيهز فرجليه بتوتر كيفكر شنو يدير وباش اتصرف جات فرصة لبين يديه واخا عارف غايخسرها مع بـّاه ولكن حتالفوقاش ايسمح لختو تمرمد بحال هاكا خاس يستاغل الفرصة ماحد دابا بّـاه غايب، ناض بشوية تحرك لعندهوم مقرب تاشافو فيه وطلع طه عينو بتخنزيرة مركز فيه حتا زادليه التوتر كثر وماعارف باش يبدا : خاس ندوي معاكم فواحد الموضوع لكـان ممكن
دار مراد مقاد فالوقفة مقابل معاه : هضر شنو كـاين ؟
هيثم : عــارف خـتي داكـشي لي دارت مخـاسش إدار، ونتوما راه عارفين علاش دارت هاكا، أمينة ختنا الضغيرة هي عزيزة عندها وحنا من شحال مـ ـاتلينا خونا الصغير تقريبا بسبابها سميرة خايفة لاتعيش نفس الحاجة مع سميرة هادشي لي شرحلي الطبيب وهادشي لي خلاها دير هاكاك
ركز عينو فطه رغم شوفاتو كانو مضلمين وقاسحين ولكن خاس يبررليها : سميرة هادشي لي عاشت هاد الربعشهور ماهواش هي متعلقة بيك والطبيب عيا معاها كانت باغا تعالج غير باش ترجع تسمحليها، الطلاق زاد على ما بيها وصدمة صغيرة تقدر تقتـ ـلها، أنا ماغانقوليكش ماطلقهاش حيت هادي كاتبقا حياتكم ولكن هي ختي وانا خايف عليها فهاد الوقت ماصالحش ليها الطلاق و ..
قاطعو مراد بشوية : سمع أولدي انا عارف الموقف ديالك وحنا ماشي قباح باش ماغانعرفوش البنت منين كدوز لو كنا هاكا نتا اللول ماتقدرش تدوي مور داكشي لي درتي فبنتنا.
مع قال هاد الهضرة هيثم رجع باللور كيسرط فريقو ونزل راسو للارض.
مراد: البنت دخلناها لدارنا ووكلناها من طعامنا وهي تهضر لا لكانت عمرها تقاست من عندنا فشي نهار، حنا ماكنحكموش على الواحد بأصلو وفصلو ولكن هي بينات على انها كاتبقا بنت العدو.
الفرملية خرجات موراهوم شي لي هلا حديث مراد يتقطع طه بقا فبلاصتو بهدوء رحمة وهيثم لي قربو لعندها : البنت مزيانة غاتفيق موگضة دابا غاتنعس مزيان من البرا لي عطيناها الله اجيب الشيفة .
رحمة : الحمد لله يا ربي
الفرملية : لي بغا يدخل عندها يدخل خاس لي يبقا معاها.
مشات مخلياهوم هيثم بزربة مشا دخل ماقدراتش رحمة تبعو دارت كتشوف فطه لي ناض بشوية : يالاه الواليدة سالات زيراتنا.
بصدمة شافت فيه : و ولكن ماغانشوفوهاش ؟
مراد: راه قاتليك الفرملية ولات مزيانة غايجيو دابا دوك الحمير بلامانطلاقاو معاهوم
ماشافتش فيه رحمة قربات لولدها شادا فيدو : طه
علا حجبانو مزيدها بشوية : صافي الواليدة الله اشافيها حنا مابقالينا مانديرو هنا.
زيرات على يديه : سميرة أتبغي تشوفك غير طل عليها خليها غير تسمع صوتك
غمض عينيه ورجع شاف فيها عاقد حجبانو بصرامة نطق : بيناتنا المحكمة عندها عائلتها غايشوفوها .
زاد مخلي عويناتها عمرو بدموع جات ايمان لقاتو مشا عاطيها بالضهر شافت فمها : مالكم شنو وقع ؟؟
تبعو مراد خارج جات هي شدات فمها دمعة طاحت فعينيها : الله ياخد الحق فلي كـان السباب
ايمان : شنو واش دابزتو مع هيثم شنو وقع
حركات راسها بلا : مابغاش حتا يشوفها يالاه نمشيو
تنهدات ايمان غادا معاها مشبكة يديها دوات بهدوء : ماما راه بيناتهوم دعوة ديال الطلاق واش بغيتيهوم يرجعو سمن على عسل !
رحمة : نتي ماكاتعرفيش طه، هاديك البنت هي لي رجعات ليه الضحكة ففمو ودابا ولدي زاد قلبو ظلام كثر من لي كان
* طنـجة
گلسات كاتقاد الفطور غيٌر بوحدها فالدار هادي عادتها اغلبية دالاوقات ماكيباتش فليل معاها كيكون فالبيران ولا مع صحابو ولا عند بنات ليل لي كينعس معاهوم، هي كنجيها من الجنة والناس باش تاخد راجتها مامخلياهش اقيسها، كتكرهو وكتمنى شي نهار تنوض على خبار موتو ولا صافي يطلقو، املها الوحيد رضـى حلمها ونقطة الامل لي كتنباعث فنهارها، رجل قلبها واشـير علقها، فكرة أنه غايولي عندو ولد كتحرقها فقلبها ولكن منين كتشـوفو شحال معذب مع إسـلام وشنو دوزات عليه عاطياه فرصة باش تكون هي الانثى ديالو، حيت الاحاسيس لي تغرسو فقلبها من جيهتو ماقدراتش تقاومهوم ماقدراتش ترفضهوم، ماقدراتش تغمض عينيها وتمي ضد قلبها طمعات باش انلقاو تحت من سقف واحد وترجع تزوج بيه بعدما كانت رافضة تعظي فرصة لي راجل.
كتبتاسم كلما كتفكر ضحكتو حنيتو عليها مجهوداتو لي كيدير باش اخلي ضحكة صغيرة منها تخرج، وفنفس الوقت كولشي كيمشي منين كتفكر بلي عايشين علاقة مستحيلة، قلبـها كيضرها هو مزوج ومرتو حاملة وفالجهة المقابلة كاتبقا مزوجة واخا هي كتشوف راسها مامظلقة مامزوجة حيت حياتها كلها مرونة.
شربـات من الطاس دالقهوة حتى كيوصلها ميـساج فتحاتو لقاتو هو مصورليها راسو يالاه فايق تبسمات كتقرا :
" شوفي حالتي كيفايق، لا جيم لا فطور مقاد لاماخفت نكذب غاتكوني كتشربي القهوة ديالك دابا "
ضحكات وصورات ليه تاهو القهوة ديالها وكتبات :
" شنو زعما وليتي حافضني دابا ؟ "
جاوبها بجملة خلات قلبها يضرب وتحط الكاس بشوية رتاجفت بقشعريرة
" وكثر من لي كاتخايلي تامن شوفة عينيك ليا حفضتها ونتي كاتقراي الميساج قلبك غايكون كيضرب "
عضات فشفايفها رجع سيفط لدرجة ضربها الشك واش كيشوفها
" براكة ماتعضي فشفايفك طيبتيهوم، مادايرش ليك كاميرة ولكن حفضتك وليتي بنت قلبي اغيثة "
* النـاظور
حلات عينيها كانت العشية ماواعياش براسها ولا شنو واقف كتحاول تعرف هي فين أو بالاحرى هي شكـون، ميلات راسها بشوية كتشوف خوها كيدوي مع مها، لمحاتها الاخيرة بزربة توجهات لعندها حطات يديها على راسها : ابنيتي فقتي اميمتي اااااه على زغبية لياااامً ااااه
كٌتشوف فيها شحال وكتفرز فملامحها رجعات حولات النضرة لخوها : كتسمعيني دابا كيبقتي شوية ؟
نطقات ببرود : فيناهو طه ؟
ميلات عينيها على اساس غاتلمحو داخل من الباب
ضربات مها على حنكها : هاناري ميمتي الدرية تغصبات وحمقات، تي راه السيد ساير يطلق فيييك ونتي تقلبي وتهتري بسميييتو رجعي لميييمتك وبّـاك وبراكة من الحماق
هيثم : الواليدة هداي عليا
قرب ليها شد فيديها : عاقلة شنو طرا ؟
حركات راسها باه : هو شافني فالمحكمة ومابغاش اسمح ليا وعمي ضربني
غمض عينو الحمد لله باقا شوية كتفكر شنو جرا .
سميرة : ولكن هو ماغايخلينيش ياكا ؟
حط يدو كيمسح فشعرها : ختي، سمعيني خسك تشدي فراسك وتقويه، هادشي لي غادا فيه ماهواش، طه ماشي الراجل اللخر فدنيا نتي مزالة صغيرة وزوينة مزال غايجي لي حسن منو يبغيك
سميرة : واش طه غايجي ؟
زير على يديه عرف راسو كيكب الما فرملة وربيعة بعدات كتحسر وتنذب فحنكها تادخل دريس : فيناهي كيبقات
ناضت ربيعة واقفة كتغوت : سير الله اعطي لخوك غبارة يرزيني انا فبنتي شوف الحنك ديالها كيخضر باغي يغصبها فشبابها فرقتو المرا على رااجلها الله ياخد فيكم الحق
ادريس : سكتي الله انعلك نتي لي مضسراها تاولات كيالحماق، بهدلتتني فالمحكمة.
رجع دار كيشوف فيها وقرب كيحرك بيدو : كتشوفي دابا كتسمعي
حركاتليه راسها باه ببرود .
طلع راسو شاف فهيثم : لاكاتهضر مع خونا قوليه يدير ورقة نفضيوها بلا محاكيم ولا مجاليس بلا مانزيدو شوهة فوق شوهة
هيثم : الواليد
ادريس : دير لييي قتليك ونتا وليتي كيالولية جمع راسك، ماعندناش رجال لي يرغبو ويزاوكو، نتا لول خسك تسالي هاد التخربيق نتهناو فصحتنا ولينا وجيبة فلسان كاع الريف ينعلها قاعيدة .
كانت ببرود كتشوف فيهوم بلاماترمش مرخية وساهية رجعات سولات بهدوء : ماغايجيش طه ؟
تاحد ماجاوبها كلها تلاها مع هضرتو هي بقات هاكاك ومرة مرة لسانها عبارة عن كلام واحد
" فين طه - ماغايجيش طه - ماشفتش طه - قولو لطه يسمحلي - بغيت طه - توحشت طه "
فدار الورياغلي كلسات مع فاقت صلات وهزات تيليفونها تعيط لولدها ماولاتش شافتو من المحكمة دازت خمسيام دابا ماعرفاتو رجع فين كان ولا باقي نيت فالناظور قلبها مطرش عليه دوزات الخط والو ماكيجاوبش تنهدات وحطات تيليفون هبطات لتحت كتسمع نونو كتهضر مع مراد على الموضوع نيت .
رحمة : صافي سدو الموضوع الله اجازيكم بالخير ماتعرفو ربي يدير الخير ويرجعو .
نونو : اش سايرة نتي تخرفي يرجعلينا داك الحمقة للدار واقيلة شرفتي وهترتي.
مراد: طه وجد الورقة ديال الطلاق باش مايوليوش اطلاقاو فالجلسة غايسنيو ويدفعها نيشان للمحكمة، طلاق اتفاقي.
رحمة : اويلي استغفيرت الله
تنهد بغا ينوض وهي تبعد ماغاتخليهش اقرب منها : ونتاااا وافقتييه فهاااادشييييي
مراد: رحمة الله اهديك فين كنتلاقا معاه واش غادي نقوليه ادير ولا مايديرش راه هو كيقرر فراسو
رحمة : منين عرفتي هادشي شكون قالهاليك
مراد: المحامي تاصل بيا وجدليه الورقة سناها غايعطيوها للبنت تاهي تسنيها ويساليو هادشي ماشفتيش اش وقع اخر مرة ؟
شدات على راسها ودموع عمرو فعينيها : بعد مني صافي بعد،
مشات كتجري لكوزينة شافتها ميمونة قربات تعطيها كاس دالما بقات تشرب فيه كترعد دخل هو غمز لميمونة بشوية تخرج وتخليهوم سد الباب موراه كيقرب ليها : حبيبتي هدني راسك، راه هادشي مكتبو الله، طه غايرجع حسن من لي كان وداك البنت خيرها فغيرها غادي تلقا تاهي لي يعطف بيها.
طلعات راسها حجبانها معقودين : دااااك اللللبنت غاتمـ ـوت أنا كنحس بيها حيت طحت فنفس الشي وكون ماعتعتينيش كنت غانكون كفس من حالتها، هاديك البنت طه هو لي غاعاونها !!!
مراد: فكري فولدك راه تاهو مجروح
رحمة : ولدي كنفكر فييه كثر من كوولشي ولدي تأزم بسبابها وبسبابك حتاااا نتااااا، شوف كيفاش انا حرقتييني كيفاش بغيتي هو مايتحرقش
مراد : هو عارف هادشي درتو على ودووو ونتي عاااارفة
رحمة : ماااعاارفاااش وماباغااش نعرف نسيتييني امراد نتا نتا ( شهقات ) جرحتيني فقلبي نعسيتيني ففراشك وانا حرام عليك
قرب مهرس بغا يشدها : ماطلقتكش فدينك ارحمة نتي لدابا باقا مرتي قدام الله
رحمة : طلقتيني قدام كاع الناس لي قتليهوم نتا عمرك تخليني ياك ؟
مراد: هادشي ماكاينش وعمرو غايكون ..
رحمة : تالاماقدرتتش نعتق زواجي خاس نعتق زواج ولدي
مراد: ولدك كيفكر فمصلاحتو ومصلاحت العائلة ومصلاحتنا كاملين باش هاد الطلاق يتم
رحمة : مافقلبكش الرحمة
شاف فيها بصدمة وحمع حجبانو بآلم : كيفاش !
سرطات ريقها كتشوف فيه مسحات دموعها وبعدات عليه خارجة من تم مخلياه، مامصدقاش بلي صافي طه وسميرة غايطلقو بلا رجعة، سميرة بنتها وقطعة من قلبها كتشوفها وحدة من ولادها ماقدراتش تنساها دارتليها بلاصة فدارها حتا انها كتسول على حوالها كل نهار كتحس برابطة قوية عندها معاها يمكن حيت كتشوف بلي عاشت نفس ظروفها .
كانت كالسة فدار جامعة شعرها كعكة وجها صفر ماكاتنطق ماكاتكلم ولات كولشي نهار كتمشي لمستشفى الامراض العقلية عندها موعد مع الطبيب حيت حالتها يرثى لها، مها حداها طالقة تيليفزيونً وكيتفرجو وامينة كالسة خدامة بتليفون اغلب الاوقات كيكلسو فهاد الدار بيدما تصلحات الدار لي حرقات، دخل هيثم بوحه ماكيبشرش بالخير جايب فيدو الوراق بسينياتور ديال طه.
جا كلس حداها شافت فيه ميلة راسها كيشرحليها وعقلها مرفوع وامينة حطات تيليفون كتبكي اما ربيعة كتحسر وتدوي، اصواتهم ماكانوش واصلين ليها مدات يديها كيرجفو كتشد ستيلو وتشوف فالوراق، كيرجع بيها الزمان ..
نهار عرسها وهو مقابلها قلبها كيضرب بالفرحة كتشوف سينياتور ديالو وخرجات لسانها باش تقاد ديالها كضحك ..
مركزات عينيها على خط يدو، عقلها ماراسيش والذكريات كداخل فبعضياتهوم...
فابيزا كتشوف فوراقو دالمختبر وتقلد فالخط ديالو كضحك ..
طاحت دمعة من عينيها ببرود جات على بلاصة فين سنا بانت هاكا بقعة بيضاء .
يديها كيترعدو تاشدهوم ليها هيثم بشوية وخلاها تخطط غير بشوية فالورقة وترخا ستيلو من يديها.
بعد ناض كيجمع الوراق، وهي ببرود كتشوف قدامها جات تلاحت عليها امينة كطلب السماحة وتزير تعنق فيها قربات تاربعية ضمانها لسدرها وهي مرفوعة، بلاماتزيد دمعة وحدة
بقاو شحال معاها تابغاو ينعسو تكاوها فبلاصتها وهي مكترمشش، غطاتها مها ورجعات باست على راسها، قربات تاختها كتبوسها فحنكها كيحاولو يحسسوها بلي هوما معاها ..
تطفا الضو بقا غير نور الشارع داخل شوية من الشرجم مخلي خيالها يضرب فيها كتشوف بهدوء ماغمضاتش جفن، كولشي نعس السكات ..
الذكريات كيدورو، ضحكاتها كيتسمعو فودنيها، كولشي تخلط عليها.
ناضت بشوية كالسة فبلاصتها : خسني نجمع حوايجي باش نسافرو .
ناضت محيدة عليها الغطا وتحركات بالحفا والكسوة الخفيفة لي لابسة، وقفات حدا المرايا فالظلام كتقاد شعرها : خاسني نكون زوينة اليوم
رجعات خرجات فتحات الباب ديال زنقة وخرجات بالحفا ورجعات سداتو بشوية هبطات غادا فالزنقة والضلام غير المشوش لي كيجريو.
بقات كضحك وكتجري : ماغاتشدنيش ههههه
هزات واحد الحجرة ورماتها فالشارع فعينيها كتشوف البحر : شوف انا درتها ياك اطه ؟
قطعات الشوارع خاويين تطلق شعرها، ضحكات ورجعات كتبكي وتبورش وقفات بحالي متهضر مع شي حد : شوف غير سمحلي انا نرجع حسن من كنت ياك ؟
قطعات لشارع ثاني غادا كتمشا حافيـة القدمين، شعرها مطلوق وريح كيطير فالكسوة، الخـريف داخل وشطاب الرحابي كيدي ويجيب فالشجر من حداها، مرة تسها مرة تحرك يديها وتهبطهم وتعاود الحركة بطريقة سريعة وترجع باللور وتعاود تمشي.
دايزة من حدا شمكار طايح بالقراعي لسانو معكل بكثرت المخدر لي شاربو بين سلة المهملات الكبار طايح وكيلوي فهضرتو : تياااا جيـتييي اقندييشة، يااااوعوضينييي فمييمتي
ماتعرفوش علاياش كيدوي، لا هي سمعاتو ولا هو قدر يحقق واش نيت انسانة فبالو شايف جنية، وشكون يسخا بداك الزين يتلاوح فزناقي مايتيقها غير الحمق نيـت.
لاهي حاسة بالليل ولا هي حاسة بريح ولا هي حاسة بظلام الزنقة ولا قسوحية الارض والبرودة ديالها، غادا من قنت لقنت دمعة تقطر من عينيها وضحكة تخرج من لسانها العقل طار وبقات الكسدة كدور .
وصلات عند واحد الدرب بين الديور صغير وماكيخرجش فيه أثاث قديم مليوح مشات ليه من اللور كانو القطوط بايتين وقراعي شراب مزاوطين كلسات فالارض وكطل بشوية وضحك : هانا اجي شدني اجي ماغاتجيش ؟
كمشات حجبانها : غادي نوض نـقـ ـتلك غايوقولو ثاني عليا قتـ ـالة انضربك انضربك انضربك
علات يديها كضرب قدامها : سكت ست يالاه صافي اجي نعنقك.
عنقات يديها فبعضياتهوم مغمضة عينيها : شتي أنا ظريفة سكت يالاه سكت .
رجعات هزات يديها كتسرح على راسها ودير بكاء ديال الاطفال بتقليد : وييي وييي ويي
رجعات مسحات على شعرها : صافي ماتبكيش أنا معاك
رجعات تكات على بونجة كانت مغموقث بسدادر خشب قديم مليوح ودارت وضعية جنين مقنتة مابقاتش كاتبان : سكتو ماتفيقونيش
غمضات عينيها ورجعات حلاتهوم بعصبية : واقتليك ماتفيقينيش شش تايجي طه .
رجعات ضحكات : راه غايجي راه قالهالي ماغايخليكومش تقيسوني دابا تشوفي
رجعات عنقات راسها : انعنقك وتبقا معايا صافي
سدات عينيها كطبطب على راسها تاشوية خمدات فنعاس جامعة عندها رجليها وريح كيضرب فيها
صـباح جديد فـاقت ربيعة بشوية دايخة بنعاس مانتابهاتش لبلاصة سميرة مشات نيشان للمرحاض، مع خرجات طلاقات بهيثم : الواليدة هاني غادي
ربيعة : أجي تفطر بعدا فين غادي
تنهد بشوية علا ليها الوراق : غاندي للسيد وراقو
ربيعة : يعطيه غبارة يخخ دابا تجيب سيد سيدو
هيثم : راجلك لي طلقها منو وحنا سبابها لا هي دارت ولا هو دار
ربيعة : علاه اش دارتليه البنت بسلامة كااااع كلنا رجالتنا داخلين للحبس ومشينا شهدنا عند البوليس مالو على هاد الفگعة اش قاستو خرج كيالسبع من تما وزايدها بالتنفاخ يمشي تقول غاهوما لي كاينين فريف.
هيثم : شتي انا امي غانسالي من هادشي ديالكوم وغانرجع بحالي للغربة خليت ليكم المغرب وكبتو
مشا خرج عوجات فمها فضهرو : ايوا شكون دارليك داك الغربة كون مكان باك غالي يهز الكتاف ينسا واليديه .
مشات لعند امينة فالبيت الثانية : نوضي نتي تمشي لداك المدرسة منعرف كيفاش باقي باك مخليك تمشي حمدي الله نوووضي
ناضت مدوخة كتـشـوف فتيليفونها معمشة وشعرها مخربق لقات ميساج قلبها ضرب، كـان هو أنس الخداوي .
" كيـصبحتي ؟ شوية دابا ختك كيبقات ! "
تبسمات عاضا فشفايفها مياج واحد منو كيخلي قلبها يضرب مامصدقاش بلي لي كيهضر معاها أنس الخداوي، عائلو معروفة من الاطباء ديال الرباط كتحس بالفخر وخصوصا أنه تقريبا كيجيها من عائلة نسابهوم واخا دابا كفاست القضية وكولشي نفاصل ولكن ماقدراتش تقطع الاتصال معاه ولقاتو هو اصلا مامسوقش للعائلة ولا للصلة ديالها .
تحركات ربيعة للكوزينة توجد الفطور بشوية عليها كتقادو .
هم هز طوموبيلتو غادي عند المحامي ديال طه وصل ليه الوراق مع خرج عيطليه بـاه يتفقد فين وصلو للامور تاقاليه راه سنات عاد رتاح .
ادريس : ايوا دابا مزيان دير عقلها نتفكو من داك التريكة
هيثم : أنا غانطلع بحالي الواليد لهولاندا طلع ليا هادشي فراس
ادريس : سكت باراكة من التلوعيب غاتكلس حدا خواتاتك تحضيهوم تاوكان ايديرو ديورهوم
هيثم : اشمن دار راه سميرة خاس تبرا بعدا
ادريس : غاتبرا غا هنينا مزال ولد عمها طالب فيديها مانعطيوها مزال شاي للغريب هو غايجي يتزوجها تدوز هاد ثلثشهور ديالها ويقادليها وراقها طلع لهولاندا مابقاليها ماتزيد دير هنا .
هيثم : الى طلعات تما يبقاو قراب ليا داك سفيان ماكانتيقش فيه
ادريس: سكت لقيتي لي يتزوجها وزايد بالهضرة كيبقا ولد عمها ودـمها ولحمها، هو يقد بيها، نتا وقف معاها ترد عقلها لراسها براكة من التبوحيط .
فدار مور مافطرات هي وبنتها ناضت امينة خرجات وبقات هي هازا تيليفون دايرة نضاضر كتشوف الرسائل لي يجيوها فالواتساب وكولشي يسول على حـال سميرة حيت خبار طلاق تنشرات، دارت اوديو لختها كتعاود ليها تاسالات عاد ناضت : ايوا نخليك نمشي نشوف الزغبية كيبقات نفيقها .
مشات لبيت لبلاصتها كتلقاها خاوية : فين مشات هادي
خرجات كتغوت بجهد غادا للمرحاض : سميييرة
مالقات والو الدار كلها خاوية قلبها بدا يضرب : اويلي الزغبية فين مشااات
طارت للبالكون تطل كانلقا الشارع خاوي حيت العمارة جات فبلاصة جديدة، صافي عقلها طار دخلات تقلب كيالحمقة هزات تيليفونها نيشان كتعيط لهيثم : واش ختك معااااك ؟؟
هيثم : شكون ختي !؟
ربيعة : واااسمييييرة صكعة ليااام ماكايناااش
قلبو مشا وجا : كيفااااش سميرة ماكايناش انا خليتها فدار ؟!
* طـنجـة
دارت شوية دالعكر لاول مرة بفرحة كتشوف فراسها من المرايا حشمات وحنيكاتها توردو، بغات تجمع شعر شوية تفكرات بلي ماكيعجبوش رجعات طلقاتو وكملات حوايجها هزات ساكها فيه الكـتوبـة ومشات خـارجة طلاقا معاها يالاه داخل مور ماكاين غايب هادي يوماين : اوهوهوو فين غادا المـرا
غمضات عينيها كتاخد نفس ورجعات فتحاتهوم كتقرب تخرج : غادا لخدمتي
زكرياء: ماشي قتليك داك الخدمة خرجي منها
دارت شافت فيه : واقيلة نتا هبلتي فراسك ولا صايطليك الريح ؟ هاديك خدمتي ياكما غانتسناك نتا توكلني الخبز ؟
زكرياء: راك ساكنة فداري
غيثة : ايه مزيان قلتي الخير هي لاخليتيني نمشي بحالي وعوم فدارك
دارت غادا جرها بجهد تاكان غايزدحها مع الحيط غمضات عينيها : نتي مزوجة بيا لي قتليك خاس تقولي اه غاتسكني فداري وغاتخزجي من هاد الخدمة ياك كنخليليك الفلوس شنو ناقصك
ضربات ليه يديه بعصبية : منيييييين كنتييي غايب ومخليني نمـ ـوت فجوووع لاش ماسيفتيش ليا الفلوس لاش ماكنتش مراتك داك الساعة ؟؟؟؟ سير الله انعلك واخا نعرف نمـ ـوت ومانرضاش نشد من عندك سنتيم وفلوسك راهم كاملين باقين فالمجر سير هزهوم .
بغات دوز جرها من شعرها تاغوتات كضرب فيديه وسدرو : ضسرتي ؟ ااه، شكون لي مخليييك طغاي هاكا شكون مضسسرك ؟؟
بقات كضرب فيه :طلاااااق مني ولا غادي نغوووووت يسمعوووك امة عبااااد الله طللللق طلللللق
دفعاتو بجهد وخرجات بزربة سادا الباب هاربة مع الدروج هابطة تاخرجات لبرا كتنفس وقفات فشارع شدات طاكسي غادي بيها للشركة، القلب ديالها مشا وجا كطل موراها تشوف واش تبعها واخا عارفاه ماغايتبعش، شدات على قلبها ورجعات كتقاد فشعرها كتحس بالفروة دراسها كضرها، حاولات ماتبكيش حيت الى شافها رضى غايقدر يـرجع اقــ ـتلو اللهم تصبر .
وقف بيها الطاكسي نزلات خلصات ودخلات للشركة ولات كتحس بيها جنة مقارنة مع الدار طلعات للفوق للبيرو ديالها حطات ساك ودارت بعينيها تحركات للبيرو ديالو دقات عاد دخلات بشوية كطل واش كاين لقات البيرو خاوي.
سدات موراها الباب وتقدمات كانت الغرفة واسعة طاولة رئيسية وعاد الجنب القابل بكنابي وطبيلة صغيرة قربات كتبسم تاوصلات لطاولة كلسات على الكرسي ديالو الشومبر عامرة بريحتو، لقات تصويرتها هي وياه فلافوار فوق البيرو، ومعلقة فيها البانضة ديالها، قلبها بدا كيضرب هادشي لي خلاها تعلق بيه كيفاش كيضرب حساب لتفاصيلها الصغيرة، دارت بالكرسي حانية لواحد البلاكار كان باغيه يتستف .
حنات مدلية شعرها كتستف فيه حتا تخطف الكرسي داير شهقات شادا فقلبها مع غاتشوفو مع خطفليها بوسة من حنكها : شكادير أميرتي فبلاصتي مم !!
قلبها خفق سادا عويناتها كتحس بنفس ديالو سخونة كدرب فيها والعطر الرجالي كيفوح منو تبسم بشوية كيحقق فتفاصيل وجها مكاليها بيدو على الكرسي.
حلات عويناتها جات فديالو نيشان نطقات بصوت خاافت بالكاد كيسمعو : أيشوفنا شي واحد
قرب ليها تازاد مرجعة راسها اللور كترمش تحت النضاضر : من البعد ؟
نطقات كتجرف : غايج ج ريو علينا منهنا
زاد صرب كثر تابقا فاصيل صغير بين شفايفو وشفايفها : ومن البعد ؟
عضات شفايفها سدات عويناتها مزيرة بيديها على فخيضاتها .
زاد كيقرب كثر وكثر حتا لامس شوية طراف شفايفها ورجع بعد واقف : ستفتي البلاكار .
سرطات ريقها حلات عينيها قلبها باقي كيضرب دهشرها طلعات يديها كتقاد النضاضر فعينيها : ا اه شوية انمشي دابا للبيرو ديالي
جات غاتنوض هبطها من الكتف ديالها : ماعندك فين تمشي محتاجك مــزال
دورليها الكرسي لعند البيسي ودور يديه حاطهوم على يديها : أنوريك واحد السيستام جديد غايدخل هاد الشهر .
سكتات كتسرط فريقها وتسمعليه وهو كيقرب بشوية تالصق نيفو مع شعرها، ماكرهش اعنقها اخشيها فحضنو تكون مراتو على سميتو مامستحملش دقيقة البعد عليها، كلما كيتفكر انها عايشة فدار وحدة مع صاحبو كيبغي يتقج، لدابا مزال ماتلقا بيه حيت ماباغيش متأكد بلي غادي يـقـ ـتلو، ماقادرش اتخايل داك الانسان لي عاش معاه ايام زوينة يشوفو دابا راجلها، هي ماشي اي وحدة هي الانسانة لي لدابا ماقادرش اوصف باش كيحس من جيهتها .
* النـاظـور
وصل هيثم لدار طلع كيجري دخل لقا ربيعة كتبكي وتمسح دموعها سميرة ماكايناش، هبط كيقلب عليها فالحـي والو سول عليها الناس والو اصلا تاحد ماكيعرفها تم، شد على راسو كيعيط لباه كيشوف مو جايا بجلابيتها لعندو تاهي تخرج تقلب عليها .
ادريس : كيفاش تاني مشات عنداك لا تكـون هربات لعندو ؟؟؟
هيثم : كنقووووووليك الواليد الدرية عقلها هاربليها ونتا كتقولياا تهرررب !!
ادريس : شوف لامالقيتها منهنا لغدا انا مبري منها صافي طلعات ليا فراسي شوهاتني قدام لي يسوا ولي مايسوا
ربيعة : اااش قالييك ادويي قوليه يخدم معارفو يلقاوها
قطع دار شاف فيها عاقد حجبانو غوت : يخليييهاااا تريييييكة .
بلاما يحس بدا كيعيط لطه، كيصوني ويصوني والو تاحد ماكيجاوب، مشا كيجري ومو تابعاه هزو طوموبيل غـاديين لدار الورياغلي لاعلا وعسى تكون تمـا
يــٰتبع