الرحمة 2 MERHAMET

PART 72

‏‎" وزراء أم أســـيـاد "

Vote+ Comment فضلاً ولـيس أمراً

الكاتبة : زهــــور‏

حسابي فالانستا : @bezhorr
حساب الرواية : @merhamet_friends

بارت قررت نحطو تالاخير ساعة ماتبخلوش عليا بتعاليقكم على الصغيرة والكبيرة فقط على ود المجهودات

كولشي هنا استغفرو الله أولا 🌸
____________________

كـانت بكسوة بيضاء، شعرها طويل مـطلوق لابسة الابيض، ضحكـاتها مسموعين بتردد فالأرجٌاء، صوت مليء بالبرائة والحيوية.

هـاد الصوت مكـانش غريب عليه، كيشوف راسو فواحد البلاصة غريبة كلها بريحة الريحان فايح ونسمة باردة كضرب فوجهو كيتمشي فأرض واسعة كلها أشجار خضراء قصار ومزينين بورود كيطيرو بفعل نسمات رياح الهادئة.

الأمر كـان أشبه بحلم قريب للواقع وكأنه كيعيش فيه بروح وجسد، كيدور عينو باش اشوفها حيت عارف هاد الصوت ديالها باغي يشوفها بلهفة ريحتها بين نيفو، نطق وصوتو حتى تردد وكأن داك الغابة الكبيرة والزوينة لي سما ديالها بيضة كيتعاود فيها غير صوتو.

" نســــــرين " 

شوف ولهيب فعينو ليها باش يشوفها مشتاق ليها لأقصى حدود عاود عيط بسميتها:

" نســـرين "

مع كمل الدورة باش يشوفها واقفة كيالملاك مبتاسمة كتشوف فيه، جمع حجبانو مكانش بحال آخر مرة ودعها، كانت هاد المرة زوينة بزاف، وجها خالي من الشحوب والكدمات لي كانت كتعاني فيهوم باش كانت مريضة وناعسة فالكلينيك، كـانت بحال الأميرة بيضة وشفايفها حومر رموشها واسعين وشعرها طويل لحد فين كان عندها منين كانت صغيرة، بالكسوة ديالها البيضة زادتها أنوثة لدرجة قلبو بدا كيضرب عمرو شافها بهاد الجمـال، كانبات عروسة آية من الجمال، فتح فمو بشوية بانبهار وصدمة : نسرين ؟!

تبسمات تابانو سنيناتها البويض مستفين ضاحكة وصوتها تردد كيبان بعييد : رضى

طلعات يديها مداتهوم ليه : توحشتك

جمع حجبانو ورجع كيشوف فيديها بآلم : فين مشيتي !

زادت تبسمات وحركات راسها : مامشيتش باقا معاك

هزات كسوتها بشوية كتقرب ليه حافية القدمية كيبانو بويض بزاف تاوصلات لعندو بغا يطلع يدو يقيسها فوجها مامصدقش بلي كيشوفها قدامو ولكن كيحس براسو فاشل ماقادر يدير والو، هزات هي يديها وحطاتهوم فبلاصة قلبو الا انه ماكانتش كتقيسو بحالي زاجة محطوطة بيناتهوم : أنا هنا، معاك ديما ماكشيتش، أنا عايشة معاك.