" رِجــال الشّـدائد "
Vote+ Comment فضلاً ولـيس أمراً
الكاتبة : زهــــور
حسابي فالانستا : @bezhorr
حساب الرواية : @merhamet_friends
قبل مانبداو هاد البارت غالي على قلبي وفيه بزاف دالمشاعر لي زوينين كنتمنى كولشي يقرا بقلبو ويعلق على الصغيرة والكبيرة كندير مجهود كبير فخليو ليا تعليقاتكم
كولشي هنا استغفرو الله أولا 🌸
__________________
* قبل يوم
فنفس اليوم لي خرج رضى من العمليات خلاوه فالكلينيك يرتاح مع شيماءورجعو فليل فالڤيلا ديال يونس تجمعو عندو غايباتو تمّـا، كـلثوم كـانت واقفة فالكويزين كتشوف مع الخدامات شنو وجدو ونو باقي ناقص ورحمة واقفة حداها موضوع كيجبدو موضوع : شوفي خليه ماتزيدوش ضغطو عليه كثر هو لاشاف راسو مرتاح تما راه غايمشي
كلثوم : أنا ماعنديش موشكيل راكي عارفة كيفاش كبرنا فالدار، بابا الله ارحمة عمرو قاليا قراي ولاماتقرايش ولكن أختي خوك عندك لا أنس لا ريتال القرايا كلاو عليها العصا
رحمة : شوفي خاي من صغرو كيبغي يقرا منين كان معايا هو لي كان كيخليني نقرا كيف مشـا هشام الله ارحمو خرجني من القرايا ونتينا عارفة يما الله ارحمها كانت لي قالها هشام كتقول آه اما كون بقا يونس كاعما نخرج، ونيت فهاد الوقت خاس الواحد يقرا على راسو، مراد عمرو حكر موضوع القرايا على الدراري أنا لي كنت ديما كنقوليهوم يقراو وفالاخير لي بغا شي حاجة راه دارها
دارت كلثوم كتوصي فالخدامة ورجعات شافت فرحمة : علاش أختي تبارك الله ها طه وصل لي ماوصليه تاواحد فولادنا الله احفضو راه كل واحد وفين كيبغي يمشي، دابا أنس راه مدابز مع يونس غي على هادشي ماباغيش يمشي لداك الجامعة
طبطبات على كتفها كتنهد : صافي خلي تاندوي معاه غير يرخف شوية الدنـيا.
خرجو لواحد الصالون مقابل مع طبلة طويلة كيتحط فيها العشا، كان يونس كالس مع مراد والمهدي وأمال وايمان كالسين جنب بعضياتهم كيهضرو أما عبد الحفيظ وحليمة طلعو ينعسو ناس كبار ومايقدوش يبقاو واقفين بزاف خصوصا من مور هادشي لي عاشو.
عيطوليهوم ناضو گلسو فالطبلة بعدا ياكلو شوية مور اليوم الشاق لي دوزو وتاحد منهم ماقدر ياكل فيه شي حاجة.
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
