الرحمة 2 MERHAMET

PART 45

" تـراكُـمـات مخـيفـة "

Vote+ Comment فضلاً ولـيس أمراً

_____________

* الناظور

نهار جديد وصباح جديد مليئ بالمغامرات، الربعة دصباح صوناليه التيليفون، حل عينو بشوية كيسكت المنبه، لقاها ناعسة مقلوبة على كرشها وكل رجل فجهة، توكض كالس بشوية كيمسح على وجهو البارح اصلا مانعسو تالشي وقت كيتعاونو فجميع الحوايج، خداليها لي ڤاليز فين تعمر حوايجها وحاول يخليها ماتديش بزاف تاتمشي تما باش تاخد لي بغات،
دار عندها فيقها بشوية:سميرة

عاود حركها والو هي فغيبوبة، تنهد ناض توكض دخل لحمام وغسل وجهو خرج كيمسحو، لقاها عاودات تقلبات على جهة ثانية مخرجة رجل من الغطا وشعرها مرون، دور راسو بلا حول وغوت بجهد : سميييييرة نوووضي

تمتمات بكلمات مامفهومينش، رجع جبد باليزتو كيكمل حوايجو بزربة وجبد الوراق ستفهوم كيڤيرفي مزيان واش ناقص شي حاجة طلعليها الباسبور والفيزا فيوماين جات فتصويرة كتقتل بالضحك، باينة دوزات الويل على المصور بقا كيضحك.

ناض وقف حاط الباسبور حمر ديالو على الخضر ديالها فوق الطبلة ورجع مشا لعندها جرها بجهد من يديها تاكلسها: سميرة نوضي غانتعطلو على طيارة.

كيف دار رجعات طاحت ناعسة مرضوخة، مشا بدل حوايجو لبس دجين زرق قاتم، مع شوميز فالبيض كتلمع وجاكيت دان فالبوردو، جا كيحمق، تقدم لبس فساعتو والخاتم ديالها، دار شافها هاكاك هز تيليفونو دخل ليوتوب وجهد صوت مشا تالعند وذنيها وطلقو ناضت قافزة كتغوت: هااااااااا

طفا تيليفونو بهدوء مرجعو لجيبو: جمعي راسك باقيليك نص ساعة.

وقف شعرها فسما مبوقة : كيفاش نص ساعة فين انا علاش شكون .

ووقف كيقاد بالزو عاد وعات غوتات: اوييييلييي غانمشييييو لاسباااانيا

طارت نايضة نقزات من ناموسية: حراااام علييييك علاش مافيقتييينييش بكرييييي باقيي خاس نقااااد حوااااايجييييي

مشات كتجري وطلع فشعرها تادخلات فالباب ديال الطواليط

طلع راسو كان كيقلب فتيليفونو: لا حول ولا قوة الا بالله.

شدات على راسها: افف اففف اييييييي

فتحات الباب وضرباتو بجهد كتنتاقم منو خوات كولكاط فشيتة سنان وهي كتقضي حاجتها مافي وقت، بزربة خرجات كتمشط فشعرها فتحات الماريو