SUGA's pov :
"Y-yoongi..". Jimin chuan ka banah a vuan a.
"Jimin, reilote.. Tihian awm lawk ang". A darah ka khabe ka nghat a.
"H-hyung tianga kan awm a remloh kha".
"Remlohna a awm em ni Jimin?". Ka lamhawiin ka kuaiher a.
"Kan inkar chu i hriat kha". Hnuailam a en tlat a.
"Ka hria lawm. Jimin, keipawn kalsan che hi harsa ka ti alawm, kan inkara thil thleng tawh zawng zawng te kha ka theihnghilh thei bik hleinem. Kawng kan zawhdun tawh a, a tawp thlengin kan kaldun zel dawn lawm ni?".
Jimin chuan min rawn en a, nuichungin ka lo en reng a.
"Yoongi hyung, e-enge i sawi awmzia?".
"Jimin, i nunhluite kha hrereng lo in hmalam min zawhpui thei tak tak dawn em?". A ngawih reng avangin ka zawt nawn leh a. "Min ngaina tih kha i sawi ani lawm ni Jimin?".
"A dik alawm hyung. K-ka ngaina takzet che lawm".
"Anih kei nena bul tan chu i duh em?". Jimin chuan mak ti takin min rawn en a.
"H-hyung.."
"I thei angem?", a kutah chuan ka vuan a.
"Ohh.. Aw..".
Jimin chu ka kuah a, hlim tih hriat zetin min lo kuah let a. Tunah chuan a bialpa lem mai ka ni ta lo!
Enge ka ngaihtuaha enge ka hriat tak tihlam ka ngaihtuah lo. Jimin hian ka bulah hlimna tlemte tal pawh alo hmu ve anih chuan, chu chu keichuan tawk ka ti em em ani. Ka nihna nilo puiin awm mah ila, Jimin hian min rin chhung chu a rinna anga awm mai hi ka duh ani.
"H-hyung, a t-tak tak ani em? H-hei hi a tak tak ani em?".
"Ni e Jimin, a tak ngei ani e". Jimin chu lawm tih hriat zetin a nui a.
"I thianpa hian a phatsan angah che a ngai anga.." Jimin bulah chuan ka tifiam a, ka haw tur chu kawngkaah kan ding khawmuang a.
"Teuh lo mai. Jungkook te chu mi rilru zau tak ania lawm".
"Anih khapa kha ila vengthawng em?". Jimin hmel chu tlemin a rawn inthlak danglam deuh a.
"H-hyung, ani lam kha chu venthawn tur a awm lo, ani nena kan boruak kha chu thil pakhat ve mai ania, lak serious chi ah pawh ka ngai lo. Ani kha chu zirtirna min petu ania, nang te chu tawnhriat min neih tirtu ini thung a".
"Zirtirna tello in tawnhriat a awm thei silo alawm", ka lo ti zauh a.
Jimin bulah chuan va kal hnaiin a hmuiah chuan ka fawp zeuh a. "Ani kha hnaih tawh suh ang che aw?". A lu chu a bu nghat nghat a.
Jimin te in atang chuan ka chhuak a, ka kal liam hma chu kawngka bulah dingin a ban chu a vai lauh lauh a.
Jimin's pov :
Suga kalliam hnu chuan luh nghal ka tum a, mahse ka piah maiah chuan engemaw hi ka feel avangin ka hawiphei vat a.
"Kook.."
Jungkook chu alo ding reng a, ka hmuh veleh chuan a rawn phei a.
"I sawifiah ngei a ngai ang aw Jimin-ssi". A sawizawh rual rualin inchhung lamah min luhsan daih a.
"Jungkook, engtia rei nge tah khan ilo awm tawh, ngatinge i rawn luh nghal mailoh a?". Sofa-a a thutna bulah chuan ka thu a.
"Engkim ka hriatchian duh vangin".
"Kook, enge i thusawi awmzia?".
"Yoongi hyung nen engchen nge in thlen tawh Jimin-ssi? Hethil hi ka lakah zepin min hrilh i tum miah lo amaw?". Thinrim ni chuang silo chuan a ti a.
"Z-zep.. Engmah ka zep lo Jungkook".
"Hmazanah lo kal ka tumin ka hmuhdun che u avangin ka kir leh sin". Jungkook chuan a ti a.
"Kook, ngatinge--".
"Ka sawi khi a vawikhatna chauh ani tawh lo Jimin-ssi".
"Awle a tha e, ka sawi ang Kook. He thil hi a intan ve chauh ani", ka tihlai chuan Jungkook chu a rawn nui hak a.
"A tir chauh maw?".
"Enteh Jungkook, ka hriattir loh che i ring reng reng ami a, i bulah pawh ka sawi tawh kha, min rinna lohna kha dahtha teh".
"A tha e! Zanin hian sawichhuak lo mah la in infawp ka hmuh atang khan ka ringhlel daih tawh che u lawm". A nui deuh suk a.
"I-infawp..".
Jungkook chuan nuichungin a lu a thing nar nar a, engmah sawi tawh lo in sofa-ah chuan a thu thluang duai a.
SUGA's pov :
Jimin nen bul kan tan atangin ni hnihna chiah ani a, ka mipatpui ka kawp ta mai ang tih hi ka la ringchhin ngai lo! Mahse Jimin ka khawngaih vang leh puih zel ka lo intiam tawhna te, a laka ka thutiamte hlen ka duh vanga bul tanpui ka ni.
Shower ka neih zawh chuan chhuak turin ka insiam leh nghal malh malh a.
***
"Enge boruak chu ni zel?". Jae Chang chuan a ti a.
"Ka la inringtawk lo khawp mai!".
"I thil tih ah hian i chian angai ania Yoongi".
"Ka hria lawm Jae Chang".
Ka thianpa hian rilru fim taka thil ngaihtuah turin min ti a, Jimin rilru pawh herrem sak zel turin min fuih bawk. Kei ve tehlul hian tih theih ka nei tam silo, mahse Jimin hian ka lakah beiseina sang tak a nei ve tih ka hai lo. Chuvang chauha a kianga ding ka ni.
"I lo kal ve dawn em?". Jae Chang chuan bag leh towel lak pah chuan a ti a.
"Khawnge i kal dawn?"
"Tui ka va cheng harh lawk ange, i peih leh min lo zui ve la?". Min ngaihchangin a ding a, ka thutna atang chuan ka tho a.
"Ka rawn zui lo phawt ang che, Library lamah ka lo va kal zawk ange".
"Zanin chu?". Jae Chang chuan rawn ti leh in inkhelh chungchang a sawina ni tih ka hre mai.
"Ka hre lo le. Engtia rei nge sawtah hun ka hman dawn ka hre lo".
At library
Dawhkan ah ka lehkhabu chu thehthla in ka keu a, thla khat lai hla emaw thu emaw engmah ka ziakin ka phuah tawh lo. Jimin nena kan buai chhoh dun char char vang khan ani. Hla phuah hian ka rilru buaina te a lakpen ber avangin ka ziak thla leh malh malh a.
Darkar khat library-a ka awm hnu chuan lehkhabu chhiar tur pakhat chu hawhin chulai hmun chu ka chhuahsan a.
Zanah chuan Jae Chang chuan Inkhel turin min rawn sawm leh a, ka peih em vang pawh nilo chuan ka zui a, tun hnai te hian thil ngaihtuah ngut ngutna hi ka nei leh tan a, chuvanga hla pawh phuah leh tan ka ni a, hla phuah hian nasa takin ka rilru hahna te min chhawk ani.
***
Ka alarm riah chuan peih lo takin ka tho a, shower ka nei nghal a.
Ka insiam zawhah breakfast ei turin inhnuaiah ka chhuk a, eomma chuan min hmuh veleh ka eitur min rawn pe vat a.
"Ka lawm e eomma". Ka nu in min chhan hma chuan appa chu room atangin a rawn chhuak a. "Eomma, khawnge appa saw a kal dawn a?". Appa lam chu a en vat a.
"Pu Choi-a a thlah dawn nih kha".
"Khawnge a kal dawn?". Ka lo zawt let vat a.
"Hmundangah a awm bo dawn alawm, i pa hian a ngaihtuah sak a".
Pu Choi-a a awmbo dawn maw? Khang ho vang kha ani thei angem?
Breakfast eizawh veleh ka hnathawhna lamah ka kal nghal a, tlai lo tawk vel chiah chiahin ka thleng a.
Chhunah chuan order semin ka teikual nileng zak a, ka thawhna hi bar lian leh buai tak niin, mi lutchhuak an tam thin em em a, mi zi nuai nuai ka ngainat loh chu thuhran, tunlai ka mood rawn danglam chho leh tan vang hrim hrim pawh hian engkim hi ka hne zung zung mai ni.
Chawhnu lamah chuan order pakhat pe turin choka atang chuan ka chhuak a, order latu table lam ka pan chuan Jungkook alo ni reng mai.
"Jungkook?". A dawhkan bulah chuan ka ding a.
"Oh Yoongi hyung! Hetah i thawk ani maw?", ka aw a hriat veleh a phone khawihlai chu dahin min rawn en a. Ka lo bu nghauh a.
"Ah, kha le". A thil order chu dawhkanah ka dah a.
"Tinge nangmah chauha i rawn kal mial a, Jimin a rawn tel ve lo em ni?".
"Aw, Jimin-ssi chu cafe-ah a awm a. Yoongi hyung, pawi i tihloh chuan thil pakhat ka zawt thei che ngem?", a tihlai chuan choka atangin min rawn ko tu an awm avangin Jungkook chu ka kalsan a.
Time skip
Hnaban alo hun chuan ka uniform chu inthlakna room-ah chuan ka phelh a, ka phone-ah text message lo thlengin ka en leh phawt a.
Jimin hnen atangin alo ni, cafe-a a awm thu leh kalkawi tura min rawn tihna hi ani a. Inthlak zo vatin pawnah ka chhuak a, thli vawt tak chuan min rawn chhem a, ka motor lam panin ka kal nghal a.
Jimin te cafe ka thlen chuan ka phone a, a rawn chhuak a.
"Yoongi hyung, zanin chu min thlah thei angem?", a rawn tichhuak a.
"Awle Jimin. Tunah i hman nghal ami?".
"Lawk aw hyung, ina ka hawn turte ka va la lawk ang". Jimin chu cafe-ah a lut leh a. Keipawh cigarette phawrhin ka tan nghal a.
Rei vak lo hnuah Jimin pawh rawn chhuak lehin coffee no hnih a rawn keng chhuak a, pakhat chu min pe a.
"Hyung, vawiin i hna i tluang em?".
"A pangngai e. Lawkin, engtinnge hna ka nei tih i hriat Jimin?". Jimin chu ka en a.
"Jungkook a'n min hrilh alawm".
A ni tak ang, vawiin khan kan inhmu alawm, mahse enge Jungkook khan min zawh duh a neih ang?
"Kal ila hyung" , Jimin chuan a rawn tih chuan ka coffee chu inzo papin ka bula Dusbin inhungah chuan no chu ka thehlut a.
Motor ka hawng tur chiah chu ka jacket-ah tu emaw hian rawn thamin min kuaiher sawk a!
"Nang hi! Mr. Min-a fapa kha i ni em? Mr. Min-a fapa kha i ni tiraw? Hmannia Mr. Choi-a hruai tu kha ini tiraw?!". Chutianga rawn ti ringawt tu chu ka en a, hmannia pu Choi-a ka hruai haw tuma min rawn umzui tupa kha alo ni reng mai. Engtin nge min lo la hriat zawk ni?!
Ka khabe ah chuan na takin min hmer a.
"Tunge maw inih le? I thusawi awmzia hi ka hre hauh lo", tihpahin a kut chu ka vaithla sawk a.
"I pa emaw nang emaw tal chuan Mr. Choi-a awmna hi in hre ngei ang. Sawi rawh naupang, ani kha ipa nen khan khawnge in thuhruk?!", a rawn ti tuar a.
"Tunge i nih ka hre ngai lo a che. Chutiang bawkin i mi sawi chu ka hre ngai hek lo. Min kalsan rawh!". A awmah chuan ka nem pawp a.
"Hyung, kalsan ang" , Jimin chuan alo ti a.
"Khati tea min tih ve khanglan ngam a! I pa thuruk hi nang hian i hriatpui tih ka hria ania, tharum hman ngai kher lo hian sawi tha mai rawh!". Min panhnaih pah chuan a ti a.
Appa thleng thlenga a sawikai hi ka ngaihdan ani bik lo, a hmaah chuan ka ding a.
"Appa chungchang khatin sawi reng reng suh. Eng thuruk mah kan hre lo", thinrim insum tak chuan ka ti a.
"Huh! I pa hi i hrechiang lo zawk niin alang, i pa hian--", a tihlai chuan a hmaiah ka hnek her sawk! A tawng tam mah mah dawn tlat.
"Hyung!", Jimin chuan alo ti tuar a. "K-kal ang hyung..".
Chupa rawn chechhuak leh tur chu ka rap mu leh nawk a, a rawn thawhchhuah leh hmain Jimin nen chuan motor-ah lutin kan tlanchhuak nghal a.
Jimin te in chu kan thleng a, engine chu off in ngawi rengin ka thu a.
"I tha em hyung?". Jimin chuan rawn tichhuakin ka malah a kut a rawn dah a.
"Ka tha e Jimin", nuilui sakin steering ka vawnna chu lasawnin a kut chu ka vawn hnan a. "I lo hlauthawng em ni?".
"Aih hyung, ka ngaihtuah vang zawk che mawle". A nui hak a.
"Ka lawm e Jimin-ah, min ngaihtuah a".
"Engmah nihloh chu hyung, ka kal phawt ang aw", chhuah a tum chu a kutah ka vuan a. A rawn hawilet a.
"Tui deuhin mu rawh aw..", a hmuiah chuan ka fawp zauh a.
Jimin kal hnu chuan keipawh ka inkhalh chhuak nghal a. Nichina khapa thusawi kha enge awmzia ni ngai? Appa leh thuruk maw?! Appa hian eomma nen kan hriat lohin thuruk alo nei reng tihna em ni? Chuzawng ni theiin ka hre silo. Eomma hriattir chi ani em tih lah ka hrethiam lo.
Jimin awmlai khera tiangthu nena min rawn tawngkhum chu ka thin arim hle, Jimin kha mi pangngai tak ani a, kan chhungkaw chungchang thil anih vangin engmah min zawt lo mai mai zawk niin ka hria. Mahse thil awmzia a hrethiam ve thuak ang.
Inah haw tlang lo in Jae Chang chu ka ko chhuak a, Soju inpuiah ka sawm ta ngawt a.