" البِـــدايـــات "
Vote+ Comment فضلاً ولـيس أمراً
_____________
تنهد وزاد زير على يديها: سمعيني أريتال، أنا بغيت هاد الأمر نحلو بوحدي، مابغيتكش تكوني طرف فيه أبدا أنا قاد بكولشي، أنا بغيتك غير تكوني نتي تقبلتيني هادا هو كولشي
تبسمات بشوية على كلامو وزاد حطات تايديها ثانية: أنا معاك أصلاح ديــما، نتا مادرتي والو وأنا كنشجعك حيت قدرتي تواجه أكبر حقيقة بوحدك ماشي كولشي كيقدر يدير هاكا
صلاح: نفهم من كلامك بلي تانتي عندك شي حاجة ماقادراش تواجهيها
ضحكات: ماشي غير أي واحد عندو أيرار فحياتو
صلاح: أنقوليك شنو السر ديالك ؟
سرطات ريقها قلبها كيضرب شافت فيه: شنو ؟
صلاح: ماكاتعطيش قلبك دغيا ماساهلاش مع راسك
لوهلة تخلعات ورجعات ضحكات علىً كلامو: كيحسابني غا شي سر أنا ماعارفاهش
صلاح: علاش هادا ماشي سر !؟
ريتال: ممم لا غلطتي، قلبي ماشي صعيب نعطيه ماكانعطيهش لشكون مكان
تبسم على كلامها وقاسها بشوية على يديها : نفهم بلي خسني ندير مجهود كبير باش ناخدو؟
قلبها بقا كيضرب سرطات ريقها وحنيكاتها حمارو: علاش بغيتي تاخدو ؟
صلاح: حيت نتي خديتي قلبي، عمرني كنت نتخيل ربي غايعطيني بنت عمي تكون بحالك واقيلة هادي أحسن حاجة طرات فحياتي
حسات بقلبها كيضرب كثر وحناكها حمارو ميمتا ماسمعات لغزل زوين بحال هاكا جبدات يديها بزربة متلفة عينيها توترات
صلاح: أول حاجة غانفكر فيها منين أنحل موشكيلتي مع العائلة هي تولي مرتي، حيت مايمكنش نصبر كثر حتا ضيعي بين يدي
طلعات عينيها فيه مخرجاهوم لو كانت هازا يديها القهوة كون طاحت هضرات بصوت متوتر: شكاتقول، و كي يعني ك كيفاش، ووب ح مافهمتش .
تبسم عليها بشوية مدليها قرعة دالما: شربي وتنفسي
خدات كن عندو الما وناضت واقفة: سمحليا أنمشي لطواليط
طارت من حداه للمرحاض حاطا يديها على قلبها ماوقفش، كيفاش زواج هو هي، كلمة زواج كتعاود فدماغها لا مايمكنش، مستحيل، هي عمرها فكرات تستقر كتحس براسها ماشي قد المسؤولية ولا قد الاستقرار، وعاد صلاح، عاودات سميتو بين شفايفها.
" صلاح "
بدات كتجي فبالها من أول نهار عتقها، كيفاش حضنها بيدو من الغابة لي كان ممكن تمـ ـوت فيها كيفاش باتت فدارو دون مايبسل عليها دون ماينقص منها، كيفاش شافها أول نهار فالحفلة ونجاذب بها، كيفاش تبعها تالرباط، كيفاش كان قرب يمـ ـوت بين يديها كيفاش بكات فالحضن ديالو، كيفاش تقربو من بعضياتهوم، صلاح كان داك الانسان لي تجاوز معاها شحال من حاجة بلاماتحس، الانسان لي تقربات ليه، الانسان لي عطاها قيمة واخا كانت كتهرب منو وخصوصا منين سمعات بحقيقتو خافت وبلا ماتكذب تاهي شكات فيه، دموع شدوها من عينيها باش عرفات فاش كيفكر بصح نوا معاها زوين وبغاها فحياتو.
بقات غادا جايا فالحمام وراسها كيضرها ماعرفات بقوة السهير ولا بقوة هادشي لي سمعات دابا، واش بصح تستاهل تعيش وتستقر بحال كاع البنات، دير دارها وزوج يقبلها ويوقف معاها فأزماتها، مفهومها لزواج فشكل بناتو من علاقة باها ومها لي نسبيا ماكانتش رائعة، قصتهم لي خلاها تعقد من زواج، معرفتها برجال لي خلاها تنفرهم كيف كتسمع عليهوم وكيف كتعرف، يديها بقاو كيترعدو حيت هادي أول مرة غاتسمع من واحد من أعماق قلبو قابل يتزوج بها، طاح فبالها باها، مستحيل اقبل علاقة بحالي هادي فارق كبير فالطبقات ديالهوم واخا يكون ولد عمها كيبقا مافحالوش وبزناز، مستحيل باها يقبل واخا تحلمها، عائلتهوم كبيرة ومعروفة وعائلة مها كثر وكثر غاتزوج بخـدام عندهوم، رجع شدات على راسها.
" هو كيبقا ولد عمك اريتال فأكيد غايولي واحد منهم "
رجعات دارت شافت فالمرايا، وتبسمات فكرة أن واحد عطاها قيمة فحياتو كتخلي قلبها يفرفر، فكرة أن واحد شافها كيفاش دايرة وبغاها كيفما هي كتخليها نسبيا ترتاح، ولكن سرعان ماكيرجعها عقلها للواقع.
رجعات غسلات وجها مزيان مرجعة شعرها مور وذنيها وخرجات تامشات كلسات قبلاتو كان كيتسناها بفارغ الصبر، حشمان وخاف لايكون بهضرتو ماعجباتهاش ولا ماقابلاش بيه.
هضر بلاما يحس : عارفة أنا حالتي ماهواش وعلى قد الحال، يتيم وماعنديش أصل وولد الحرام، عارف خدمتي قاصحة وصعيبة واخا نبغي نخرج منها مانقدش، ولكن حاجة وحدة لي بغيتك تعرفي انه ماغايخصك معايا تاحاجة نقطع من لحمي ونعطيك خدمتك مامنعكش عليها المابغيتينيش نبان فالواجهة قدام معارفك ماعنديش موكشيل مابغيتش نتصاحبو بغيت نبداو بخطوبة حيت كنبقاو عائلة، وماتفكريش فعائلتك ولا باك ولا اي واحد خلي الامر عليا.
عينيها دمعو يالاه بغات تهضر شد على يديها بزربة خايف لا ترفض: عافاك عطي فرصة لراسك فكري ماعنديش موشكيل غي فكري مزيان بغيت قرار يكون نابع من قلبك
* الناظور
دخل لواحد الديبو عامر بالعشبة فتحوليه واحد الخنشة كيقلبو بيدو: سلعة بني حمد هادي ؟
الخدام: بني حمد اخاي ديالي دوريجين ماعندك مناش تخاف، الغبرة فيها قاسحة دقة ببطلة، هادي ميبغيوها روس مزيان.
عصام: شحال وجدتي منها ؟
الخدام: الرايس وصانا على حداشر طون
جمع حجبانو بشوية كيفاش 11 طون هو متأكد الدون باغي غير عشرة علاش بغا يزيد طون كامل غايتقام عليهوم بالملاين.
عصام: متأكد ؟
الخدام: آه الخاوا كلام الرايس كيتحفظ مزيان، غادي نفرقو السلعة على ديبوات تطحن باش تكفي منهنا لمور العواشر تكون السلعة كاملة مقادة مستفة كاخّـا.
عصام: بشحال كتخرج تم؟
الخدام: خمسمية لكيلو.
زاد عقد حجبانو، ودار خارج من تم كيحك اللحية ديالو، خوه غادي يحط خمسمية مليون وصرف فطون زايد باطل !؟ مايمكنش، خرج تم نيت هز تيليفون كيعيط لباه.
مراد مع سمع شنو عاودليه عصام، غمض على عينيه مزير على القبضة ديال يدو وحول تيليفون لرضى، مع جاوبو دخل نيشان معاه: رضى شرحليا بلا دخول وخروج داك النسر شكيرون.
رضى: مافهمتكش أعمي
مراد: اش باغي يصنع شنو باااغي يدييير، كل مرة خارج ليا ببلان جديد كل مرة معمرليا ستون جديد
رضى: عمي راك عرف طه تاحد ماكيعرف شنو فراسو من غيرو
مراد: لاش زايد طون فسلعة واش باغي يخللها !
رضى: شمن الطون؟
مراد الدون طالب عشرة زايدليا طون ساوي خمسمية
رضى: مليون ولا ؟؟
مراد: خمسمية للكليو
بقا رضى كيفكر : والله ماعرفت اخر ماتافقنا مع الدون على عشرة وخلا من البعد رجالو مزال غايتفاهمو معاه نيشان فاسبانيا حيت داك النهار ماطلاقاش هو بيه
مراد: عرفليا شباغي يدير بيها وفاش كيفكر الدون مامعاهش اللعب
رضى: واقيلة على هاكا كنضن زاد طون فالاحتياط، طه ماكيدير شي حاجة تاكيكون متيقن منها
مراد: البارون منيم عينيه علينا، والسلعة غاتخرج من تحت يدو، زيادة من راس الحمق.
رضـى: ماغايديرش شي حاجة الموكرو معانا
مراد: الموكرو مرونة هاد الساعة تفك غا راسها.
رضى: النسر مايبغيش لي يسولو ولكانت شي حاجة ضاروري غانعلمك.
قطع معاه وحط تيليفون شبك يدو تحت من كفو، شحال صعيب تعيش بعيد على ولدك، كيحس بيه ماتايقش فيه ماقريبش ليه باش اعاود ليه، قلبو كيضرو ماباغيش ولدو يتقاص ولا يتضر بشي حاجة حايف لايتغذر، خايف لا يتعطن ورزيوه فيه، هو ولدو البكر وعارفو هاز حمل كبيير هاز مسؤولية عائلة وعاطي هيبة لآ ويراغل كاملين العين عليه من كـاع الجـهات، خايف لا شي نهار اهرسوه من النـص.
دخلات رحـمة شافتو هاكاك گالس: حبيبي أجي تغدا
طلع عـينو مكسور مهرس شافت فيه دغيا جمعات حجبانها بآلم وقربات ليه حسات بيه شي حاجة: حبيبي مالك !؟
كلسات حداه شدات على يديه شاف فيها باسليها يديها: تاحاجة مامشات كيف كنت مخططليها ارحمة، هرست طه من جيهتي وعمرو يرجع.
رحمة: علاش كتقول هاكا، بلعكس طه ديما معاك هو عزيز عليه
مراد: ماقلتش العكس ولكن كيشوفني باه وماشي صاحبو
تنهدات: حبيبي تيق فيه وخليه يدير لي كيبانليه الى حس عليك كتيق فيه غايقرب منك
مراد: انا تايق فيه ارحمة نعطيه عيني وكاع لي عندي ولكن كنخاف عليه هادشي ماساهلش ولي فراسو صعيب وانا عارفو قاصح، كلامو ماكيتراجعش عليه ( تبسم بحرققة ) شبه للواليد صعيب وكان قاصح ماكيبغيش لي يجي ضد كلامو، العين عليه ارحمة مانبغيش يسيفطوليا ولدي فالصندوق
قلبها زهق وشهقات بزربة دايرة يديها على فمو: ماتقولش هاكا الله استر، حبيبي عمرو طويل، مزال نشوفو وليداتو.
حرك راسو بلا: تامن المرأة لي تزوج بها هانتي شفتي عائلتها الله احضر سلامة ( خرج نفس ثقيلة ) كنتمناو من الله خير
رحمة: البنت دابا ولات بنتنا وولات وحدة منا، ولي ضراتها غاضرنا
باسليها يديها بحنية: مافيهش شك احوبينو لي دخل لهاد الدار كندافعو عليه حالتـمـ ـوت.
رحمة: ماتفكرش بزاف ماتنساش الموشكيل ديال السكار لي عندك، نوض يالاه تاكل شوية وخوي بالك
شاف فعينيها شحال جرها عنقها بين ضلوعو كيشم فريحة شعرها، هي لي ولات عائلتو وحياتو وكولشي، مابقاش قادر اتخايل حياتو بلا بها، زير عليها تاحسات براسها غاطرطق ضحكات.
رحمة: باقي كديرلي كيف كونت صغيرة
همس فودنيها: باقا صغيرة فعيني باقا نتي هي داك البنت لي عيطاتلي عمي أول نهار، داك صويت بين وذني عمرو يمشي.
* إبيزا - إسبانيا
لبسات حوايجها وتقادات فينما كتوضا كيهبط منها شوية ديال الدم حتا تبرزات كل دقيقة كتمسح، نقيطات خفاف وشفافة، حافت لاتكون ليغيكل وفنفس الوقت مافهمات والو حشمات تسولو، مشطات شعرها ونزلات حنيكاتها حومر لقاتو كيتسناها فطومبيل خرجات سادا الباب تامشات ركبات حداه ميل راسو شاف فيها بهدوء: شوية دابا ؟
حركاتليه غير راسها ورجع ديمارا محركين ساكتة مادوات ماتكلمات الخجل تمكن منها وزيدها باقا مبرزطة مخلط عليها كولشي، وفق فواحد الباركينغ ديال واحد المول كبييير بزاف عضات شفايفها كتشوف فيه تاوقف شاف فيها: انتمشاو واحد الشوية تشري لابغيتي شي حاجة.
بحماس تبسمات فرحانة: اه اه بغيت نشري حويجات ديال برا كيكونو زوينن.
حط يدو داعب حناكها بشوية: ولكن قبل غاندوزو الفاغماسي ناخدو الدوا.
هبطات شادا فيديه تاهو شبك يدو معاها جارها معاه كيتمشا بشوية عليها تادخلو لواحد الفاغماسي جات فدخلة دالمول كبير فيه بزاف دالماركات وشحال من محال.
كانت فاغماسي فيها بزاف دوايات، بقات كتشوف ودور فعينيها مشا نيشان لخدامة تما هضر كيهضر معاها هي واقفة مبلطة فيه مافهماش شكيقولو تادار سولها بدون مقدمات: آخر مرة جاوك Tes règles ؟
خرجات عينيها ودارت بزربة شافت فلي خدامة تم كانت عادية كتسنا الجواب حيت هي سولاتو، حشمها رمشات بزربة : اًحم ع علاش هي داك المرة احم ب باش كنا فالعرس.
رجع دار هضر مع الخدامة وهي حنات راسها كتعض فشفايفها، سالاو الهضرة خرجات باش تجبليه الدوا دار شاف فيها جمع حجبانو بشوية حاط يديه على حنكها: مالكي ؟
علات عويناتها غاطرطق ضحك بشوية ماد يدو لعنقها كيحنن لمساتو: طلقي راسك احبيبتي مابقاتش بيني وبينك حشمة.
عضات فشفايفها وقربات معنقاه من جنب خاشية وجها فالمونطو ديالها خلاها براحتها مدور يدو على ضهرها كيطلع ويهبط بشوية باش احسسها براحة عارف بلي دابا المشاعر كولشي تخلطو عليها.
جابتلو البنت ثلاثة دالبواطات ديال الپيلول،جيل أنتيم، والبريزيرڤاتيف كيفما طلب باش تبقا متبعة الدوا ديال هنا وحتا منين يتقادا يشريه ليها، وراتليه كيفاش كتستعمل عاد بواط ديال 48 ساعة بحكم دابا سبقو الممارسة، وقرر موراها يكمل بالعازل بيدما جاتها لي غيكل مابقا ليها والو، مابغاش اخربقها بالدوايات ويكون اناني.
اما هي ماسايقة لخبار لشنو هو كيدير اصلا هو فهم كولشي وقاد كولشي كيفكر فسلامتها الصحية وهي فدار غفلون، خرج شادليها فيديها موجهين للمحلات، دخلو لواحد البريمارك، عامرة بالحوايج والصولد بنادم معمر دنيا، قربات تحماق لي دازت عليه بغاتو، خدات العرام ديال الحوايج دالخروج مخليها تعزل على خاطرها وكاين لي كدخل تقيسو، لي كيجيها قصير ولا مزير كيرفض رفض قاطع وكتم مبدلاه، خدات حتا كسيوات قصار تلبسهوم بينها وبينو، العرام دساشيات لدرجة خلاها خلص النص داه ورجع عندها لقاها مزال كتاخد، مابغاها تنقص من والو ولي طاحت عليها شهوتها تاخدو تاولات هي حشمانة منو من كترت ماعمرات الماريو من الساس تالراس قررات تبدل كاع حوايجها.
خدات تامن البيجامات وكلونات سخان حيت كيعجبها تلبسهوم بزاف بينوارات حوايج شتوة كان فيهوم الصولد حيت قربو يخرجو عليها تقدات مزيان، بالكارت كيشي باش كان كيخلص خرجات هازا العرام ديال ساشيات، زادو شوية تادخلها ل DOLCE&GABBANA, غيرر ريحة ضرباتها مع دخلة كواخاتها، لقات دنيا خاوية عكس المارك الاخرى وداكشي دوليكس حيت غير ديال الملعقين، كيف دخل تعاملو معاه حيت كليان معروف شاف فيها : جبتك تختاري معايا تانا.
شافت فيه مصدومة: أنا ؟
حيت كتشوف دوقها خايب ماشي بحال ديالو هي اصلا كتحاول تعاند منو وكانت طول الوقت كتاخد رأيو حيت بالنسبة ليها دوقو حسن من ديالها هي مكتعرفش تصدمات منين كتشوفو طلب منها تختار معاه.
حرك راسو بهدوء: بغيت نلبس بدوقك.
عضات على شفتيفها بتوتر حشمانة: و ولكن انا مكنعرفش.
جرها من اللور مدور عليها يدو معنقها وهمس فعنقها خلا تبوريشة طلع معاها : أنا نعاونك
جرها لجيهت واحد القوامج داكشي أوڤر ونقي كاتبان الماركة دصح من العادي خلاها هي تختار لي بانليها ورجع اللور كيتسناها شنو غاتشوف بشوية، بقات واقفة مترددة بحالي غادوز الباك خايفة لا تغلط وتخربقها وتبان مكتعرفش، جبدات جوج لوان فزرق وفالخزي بقات مترددة تاشوية دارت مغمضة عينيها نص شافت فيه بخجل : شوف هادو؟؟
فتحات عينيها تشوف تعابير وجهو تبسم قرب ليها شدوهوم من عندها: منين عجبو لمرتي مانحيدهاش من خاطرها
باسها فيديها بشوية: لي جا من يديك زوينة .
تبسمات بشوية قلبها كيضرب ووذنيها بغاو يطرطقو من الكلام لي قال كمل بهدوء: شوفي تانتي واش بغيتي شي حاجة
حركات راسها بلا : انا خديت بزاف براكة
تبسم بشوية عرفها ماعرفات والو فليمارك قرب هو لواحد الكسوة فالكـحل كتجي مزيرة مخدومة بإتقان خداليها على حساب طايتها خلص كولشي تجمعو فساشيات كبار بأسماء الماركات خلص فيهوم 8000 درهم وخرجو عنقات يديه زايداه معاه ماكصدقاش راسها كتعيش داكشي لي عمرها ضنات غاتعيشو.
مشاو تغداو فبرا ودورها شوية بطموبيل حيت عارفها عيانة ماتقدش تمشا تانعساتلو تما ورجع لدار هزها تاحطها فالشومبر، بدل عليه وصلا عاد كلس الفبيرو يفتح ليزينايل، هاد السيمانة ماقربش للخدمة كاع قرر يعطيها ليها كلها وفعلا حس براسو رتاح وخوا دماغو وجدد طاقتو حيت عارف تابعو شغل والخدمة ماكاتقاداش، لقا بلي البروفيسور كيعيطليه اطلع ضاروري لفرنسا خاسو يبقا مدة على حساب واحد الدوا، دار معاه فوسط رمضان بيدما رجع ورصا الامور ديالو فناظور.
حلات عويناتها على هضرتو عرفاتو كيهضر مع مو، ناضت بشوية كتكسل باقا بحوايجها دخلات عاودات توضات وبدلات لبسات بيجامة زوينة خفيفة حيت الدار كلها شوفاجات كتحسي بالصهد، خلات شعرها مطلوق لقاتو باقي كيدوي خلاتو بخاطرو وهبطات لكويزين كتقلب ماتاكل واخا كلاو مزيان فزنقة جاها جوع منين نعسات، فتحات البلكار وجبدات فيديها سقايط لي كانت شرات كتاكل تاهبط لقاها واقفة فالكوزينة وكتاكل داكشي نطق تاقفزها: مالكي على هاد العگز ماقادراش تطيبي شي حاجة لراسك.
وقفات كترمش فيه وهي شادا شيبس فيديها ضغمة بحالي شلطها، حيدليها تشيبس من يديها ودار الما يسخن دار شاف فيها ضرب ليها نيفها: فيك جوع قوليهالي.
سميرة: مابغيتش نبرزطك كنتي كدوي
تبسم بشوية: الواليدة سلمات عليك
بحماس جاوباتو ضاحكة: توحشتهااااا والله واخا ماسخيتش بهنا ولكن بغيت نرجع نشوفها.
حرك راسو بشوية: نفهم بلي مرتي والواليدة مفاهمين
عوجاتليه فمها بغنج: هاديك راها ماما ماشي ماماك
ضحك وجرها لعندو حشا راسو فعنقها شم ريحتها وطبع قبلة دافية خلاها تبورش وتميل عنقها، مد يدو من مور ضهرها طلع بيها من تحت البيجامة تالمس لحمها خلاها تقفز تازادت تلصقات معاه سدرها مع سدرو مع دارت داك الحركة عضها فعنقها تأوهات بشوية خرج لسانو بشوية مبسم وهمس فودنيها: كيغندير نصبر على العسل، خليتيني محتاج دعوة الصبر.
طلعات يديها وحطاتهوم على سدرو لمساتها كيدورو بشوية ورجعات طلعات دوراتهوم على عنقو نطقات بشوية فوذنو: ماقادراش نسخا بيك.
هاد البنت غير مكتزيد توقفليه على النقطة دصبر، طلع بيديه على لحمها كدورهوم على ضهرها صغير كامل كيزيد يخلي قلبها يضرب وجرها بجهد طبع قبلة يخونة فعنقها: ماتختابريش صبري مابقيتش كيف كنت ماغانقدرش نتحكم فراسي دابا.
بعد وشاف فعيوناتها المعسلين وهي كتسمع فكلامو بورشها قرب باسها من فمها: اجي نطيبليك ماتاكلي.
هزها بحركة خفيفة وحطها على البوطاجين الرخامي، وهي كضحك بحماس وتلعب برجيلاتها، جبد كيطيبليها وهي كتهضر تطلق ليها اللسان كل مرة شكاتعاود بقا كيسمع بهدوء وفينما يضور ايجيب شي حاجة كيطبع قبلات مرة على عنقها مرة فحنكها ومرة فنيفها، ومنين كيوصل لفمها كيطولها تاكيتقطع فيها النفس.
ولا سكتات صغيرتو غير كتهضر وتهضر، ماسكتهاش ولا حسسها انه عيا من صوتها، من طبعو ماعزيزش عليه صداع ولكن دارو تنورات بصوتها وضحكاتها المكركبة لي كطلقهوم فالنص الحديث بحال واحد الروح مرحة دخلات للدار.
سالا وحطليها كلات عاد طلعها هازيها فضهرو تاوصلها لناموسية كضحك ماسكتاتش، مشا كيخدم وناضت كتقيس الحوايج لي شرات وستفات شي حويجات فالڤيستيار تخليهوم تما ومنهم الكسوة الحمرة قاليك تخليهوم تما تاوكان ترجعليهوم تاهي ودير بلاصتها فدارها.
رجعات تكات فالناموسية عليه شافتو هاز تيليفونو نقزات: دير نتفرجو فدوم الفيدوات لي كيطلعو عافاك
طه: نعام!؟
شرحاتلو بصبيعاتها: دوك فيديواتها كيعطوليه توك توك
ضحك بشوية: تيك توك ؟ (ضرب على جبهتها) ماعنديش داكشي فتيليفوني
سميرة: وعافاك عافاك عافاك كيعجبوني عافاك غا شوية.
صدعاتليه راسو ناض دخل لابليكاسيون وفرحات تبلاصات على سدرو يتفرجو بجوج كيطلع فداك العجب سامع بيه ولكن عمرو خدمو، الاغلبية غاتخربيق والنص غا شطيح، ماعجبوش تابغا يحيدو وهي كترغب طلعاتليهوم واحد لعبة بين جوج كوبل حلفات عليه تجربها.
ناضو بجوج فوق الناموسية تقابلو مربعين رجليهوم وطلقو يديهوم: شوف ماتغشش
تنهد بشوية داير فوق الخاطر: زيدي نشوفو هادشي ديالك.
بداو يشوفو لي سبق لليد ثانية تاضرباتليه يدو بخفة وناضت كتنقز فوق الناموسية وتغوت: ربااااااااحت ربحت ربحت ربحت ربحت إيإت
خرجات لسانها: ربحت عليك
ضحك بشوية: هبطي نكملو.
رجعو ثاني وعاودات ربحاتو للمرة ثانية شحطاتو بخفة وناضت كتنقز هو عجباتو غابداك الحماس كيخليها تربح رجعو ثاني لعبو وهاد المرة سبقليها شحطها فيديها وهو يضحك : هاحنا تعادلنا.
دبلات فمها شوية بشوية تغرغرو عويناتها كتشوف فيديدتها حميمرة بشحطة: علاش ضربتيني
ناضت دمعة طايحة كتخبي وجها على سبة: مقاطعاك أنا غشاش بلعاني ربحتي باش ضربني.
ضحك عليها: واش هبلتي ابنتي
ناضت منقزة على ناموسية كتبكي: لاء بعد مني مخاصماك
ضحك برجولية بجهد، طيراتو السيدة مخليها من الصباح كتشحط فيديه منين غير ضحك معاها دمعاتليه
مشات كترهنن وتبكي بجهد كتفشش ناض تابعها كيضحك من قلبو تاعنقها من لور كدفع فيه وهو كيعنقها: اجي ابنتي اجي
سميرة: لاء بعددد مقاطعاك
مداتليه يديه كترمش بدميعات وتغبن: شوف شوف اش درتيلي
شاف يديها دار تعابير متألمة كيطبع عليها قبلات وينفخ عليها: الله الله على حبيبتي حالتك صعيبة بزاف خاس نمشيو للطبيب
ضرباتو بقبضات صغيورة : بعد مني كضحك عليااا
رجع ضحك كعنقها
خلاها تفشش على خاطرها تاولات هي كضحك عاد رجعات كلسات فناموسية هازا تيليفونو كتكمل تفراج بيدما دخل هو لحمام كيف خرج جاب الكينة لي كان شراها خاسها ضاروري تشربها ها اليوماين، جاب كاس دالما مدهاليها شافت فيه: ولكن أنا مامريضاش !
جمع حجبانو بشوية وكلس قدامها: هادا ماشي دوا، پيلول !
رمشات فيه عرفها مافهمات والو تنهد: شربي بعدا.
شداتها من عندو وشرباتها بالما عاد طلع يدو رد شعرها بشوية مور وذنيها وشاف فيها: مانع الحمل، كنشوف بلي دابا باقي الحال على الوليدات بغيت نزيدو نعرفو بعضياتنا.
سمعات مانع الحمل سرطات ريقها وقلبها كيضرب شافت فعينيه نطقات بلا ماتحس دغيا: و واش مابغيتيش مني ولاد !
غمض عينيه ورجع فتحهوم بهدوء: شهاد الهضرة كتقولي !؟
قلبها كيضرب وعينيها غرغرو: أنا عزاز عليا الوليدات صغار وإلى ماولدتش كولشي غايهضر عليا و..
قاطعها بصرامة: سميرة أنا كندوي على حياتي أنا وياك شنو دخل الناس فهادشي ؟
بغات تهضر سكتها بجدية: الهضرة الخاوية ماعندنا مانديرو بيها، أنا الهضرة دناس ماعندهاش فحياتي بلاصة، وهادشي خاسكي ديري بيه تانتي لابغيتي نبقاو مزيانين، غانولدو نهار غانزيدو نعرفو بعضياتنا أنا راجل عندي مسؤوليات فحياتي مابغيتش ولادي يخرجو ضايعين بيناتهوم، بغيت نعطي وقت لصغيرة والكبيرة فحياتهم، وإنشاء الله منين غايجي الوقت المناسب راه غايكونو.
جمعات حجبانها بشوية بعصبية ودموع فعينيها: أنا بغيت نعس
تكات بجهد فناموسية وتقلبات لجهة المقابلة كتسمح فدموعها، شاف فيها شحال وناض من حداها هو عارفها ماغاتفهمش فهضرتو والو ولكن ماعجبوش نهائيا دخل الناس فعلاقتهوم، خلاها براحتها ومازاش قربليها، دلات شفايفها فكل تفكيرها أنه هو مابغاش تولد، هاكا كتعرف من صغرها، اي وحدة كتزوج وكتبغي تولد وتعيش شعور الامومة، من صغر الانثى كتعيش غريزة الامومة لا شعورية مع المنيكات وديرهوم ولادها حيت هاكاك خلقة فيها.
هو فالمقابل تفكيرو مغاير طبعا ماكرهش يكون عندو ولد لي يحمل سميتو أنثى كانت أو ذكر، ولكن مامزروبش بشوية حياتو عامرة صداعات ومشاكل، ومن غير هاكا بغا يحضاو بشوية دالوقت مع بعضياتهوم يزيد اتعرف عليها كثر وتعرفو كثر، حيت عارف دراري صغار مسؤولية وكتولي العلاقة فيه نوع من الارتباطات الاخرى، وجرب وشاف هادشي نسبيا مع لينا واخا ماكانش كيكون معاها نهار كامل مزال منين غاتكون بنتك من احمك ودمك راه صافي غايولي ارتباط وثيق مايمكنش دقيقة تغفل عليه ولا حتا تبغي ترتاح، وهو كيعرفها أنها مازال ماشي قد المسؤولية ميا فالميا.
خرج لقاها نعسات مشا تكا حداها بقا كيلعب ليها فشعرها شحال تاداتو عينو.
* طنجة
وقف طموبيل فلافاك ونزل داير نضاضر فالكحل زمان ماجا دخل للادارة قضا شي شغل وطلع دخل للبيرو ديال باه: الواليد
المهدي: عاش من شافك، مابغيتيش تقدم داك الدكتورة خلاص !؟
طاح بأريحية على الكرسي: مافياش
المهدي: جمع راسك خلاص باش دفع لعام جاي ڤاكاتير
رضى: والله مانعرف مزال كنفكر فهاد البلان ماعنديش الكـانة ديال حريق راس فهادشي خدمتي كافياني
رجع موكي اللور كيتنهد: ماقتليكش العكس شوف نتا لي مسلكك، ولكن لافاك غادومليك فالكبر كتحي تقدم محاضرة ديالك فنهار وتمشي مرتاح، خدمتك ثقيلة شوية وكتخليك ديما كتحقق وخدام على البروجيات
بقا كيفكر شحال عاد جاوبو: غانكرب نستثمر فشي لعبة فراسي واحد الشركة غادخل للمغرب من الصين دريزو عيني كتفمر فالكبير.
المهدي: دير لي بانليك أنا معاك فشنو ما حتاجيتي.
تبسم ليه وناض واقف: عارف لي كاين، فين الوالدة ؟
شاف فساعتو: واقيلة فشي محاضرة سول لتحت فالادارة العامة.
ناض خرج من عندو هابط كيتحرك فلافاك كيبغا بسباب واليديه، واخدين مكانة مرموقة ومعروفين حتا من الدكتورة مقادها وعكزان يقدم البحث وتاواحد ماقادر يدوي معاه، داز من حدا لونفي ديال مو لقاها كتقدم المحاضرة، شيرليها من بعيد، شافت فيه كدور راسها بلا حول وقطعات الدرس خرجات لعندو: شكادير هنا غالي يدخلك تقرا.
رضى: ههه جاب ربي ماقريتش عندك لا نتي لا الواليد
شيماء: وباز فين باباك
رضى: واش نتوما لي مشيت عندو كيسولني على ثاني، ياكما مدابزين ؟
عوجات فمها فيه وخلاتو دايرة وهو يغوت بجهد: وتيتيزة الواليدة نخاف عليك من العين.
خرجات عينيها ودارت دايراليها حركة بوجها بمعنى الهضرة تالدار
رجع خرج كيضحك لوهلة طاحت فبالو غيثة ولكن ماكيعرفهاش فين كتكون حيت ماعمرو شافها فالپيفيت ولا فشي قنت وهو كيعرفها كتجي تحضر لدروسها، مشا طلع للمكتبة مع واحد سيكيريتي هو اصلا جا غا على داكشي يشوف واحد السيستام دريزو.
بقا كيهضر مع سكيريتي مع دار كيطلع حجبانو لمحها ناعسة على طبلة، ماتوقعش يشوفها هنا تبسم بلاما يحس ودع راجل ومشا مقدم لعندها قرب طايحة على الكتوبة ونضاضر مهرسين من جنب يديها مجرودين بالمعمل ديال الخياطة، تبسم شعرها الحريري نازل مسرسب على عنقها دايبة فنعاسً بحال ناعسة ففراش ملكي نطق بلا مايحس: اذن هنا كتكوني ديما ...
سد شرجم موراها بالحس حيت كان كيصوط بشوية ديال الريف وهي لابسة خفيف قرب وكلس قبالتها ميل راسو معاها فوق الطبلة باش تجي مقابلة مع عينو نيشان، بقا مبسم شوية وهو كيتفحص تفاصيل وجها البريئة، حول عينو لصبعانها لي مضروبين ومجروحين، رجعو ملامح وجهو لجدية تألم من فوسطو باينة قسات على راسها فالخدمة، تاجرحات صباعها، توكض كيتنهد، جبدليها من يديها الكتاب لقاها كتخدم بروجي ماقدراتش تكملو، نهار كامل وليل كامل خدامة مكتساليش وعاد كتجي لقرايا، منين مصنوعة هاد البنت، دور راسو بآخ منها آخ، نزل على التمارين كاملين خدمهوم ليها بسهولة ورجع ليها الكتاب بلاما تحس وكمل حتا ثانين مع الشرح المفصل...
دازت مدة طويلة حلات غيثة عينيها مبوقة كتحك فيهوم ردات نضاضر كتشوف فالوراق معمشة كولشي كامل باستغراب دايخة: فوقاش انا كملت هادشي !؟
هزات راسها بشوية كتشوف فاصمات صغار محطوطين مع اينيرجي ميلات راسها مصدومة منين جا هادشي، حسات براسها كتحلم، هزات الانيرجي نيت مان فيها العطش فتحاتها وشربات بشوية تاغمضات عينيها ورجعات حلاتهوم فالوراق متحاول توكض.
كان مورا الباب كيشوف فيها تبسم عليها منين هزات شربات، ودار غادي بلاما تشوفو داير يديه فجيبو غادي بحالو.
لـي كملات تخلي نجمة وتعليق