كان يناظرها فهد و يناظر قد ايش متضايقه و ما كان يعرف باللي كانت تحس فيه
وقف الجد وقال الجد : أنا رايح مع عيالي أوصي على ذبيحه سنعه أبيها بكرا غداء علشان قبول بناتي
ام وليد بأبتسامه : حاضر يا عمي
ابتسمت شوق له وقالت : ما انحرم منك ياجدي
وقف الجد يمشي مع عياله وقال بأبتسامه : ولا منك
سيف : ايي صار الليل وش عندكم فعاليات ؟
شوق ناظرت البنات و قالت : تبون نسوي هوت جوكليت
جود : ايي ايي يالله امشوا بنات نجهز الاغراض
سيف : الحين هذي فعاليه
تخصره غلا وقالت : ليش مو عاجبتك مو تبغى فعاليه هذي فعاليتنا ما عندنا غيرها
ضحك على وقفتها سيف وهز راسه ب تمام وقال : احسبونا معاكم
شوق : طيب بنجي نسوي هنا عند النار احلا كذا مع الأجواء و نصور
دخلوا البنات و بدوا يجهزون الاغراض وقالت العنود : ابي نسوي ترند الذره هذاك
ليان : اي اي مره لذيذ خلونا نسوي
لمار دخلت وقالت : مبروككككك
العنود ضحكت : اخبار السودان
تقدمت تحضن البنات وتبارك لهم وقالت لمار : ايش تسوون ؟
لجين : بنسوي ذره و هوت جوكلت
لمار تسندت على دولاب المطبخ وقالت بتنهيده : اي تكفون احتاج هوت شوكليت
الكل كان مستغرب من هدوء جوري اللي كانت هاديه و بالها مشغول التفت لها العنود وقالت : جوجو فيك شي
جوري بهدوء : لا بس احس اني مصدعه شوي بروح ارتاح داخل
لمار: شفيها ، احسها مو مبسوطه بالقبول
رفعت أكتافها شوق بعد المعرفه رغم معرفتها بكل شي
طلعوا البنات وبدوا يحطون الاغراض وقالت جود : تبغون الهوت شوكليت اول ولا الذره ؟
ريم : خلونا نشرب هوت شوكلت بعدين الذره احسن
هزت راسها شوق بتمام و وقفت وقالت : أنا بسخن الحليب على النار و انتو كملوا الباقي على ما اخلص
راحت شوق عند شبه النار اللي كان جالس عندها عوض و سيف تقدمت وقالت : عادي اسخن الحليب هنا
عوض هز راسه بنعم وجلس يناظرها و هي تحط الحليب بالإبريق و تقدمت تبي تحطه على النار وقال لها : عنك أنا أحطه لا تحرقك النار
ابتسم سيف و هو جالس يشوف اهتمام عوض لشوق وقال عوض : تعالي اجلسي على ما يخلص
تقدمت تجلس جنبهم وقال سيف : الحين صدق ما عندكم غير ذي الفعاليه
هزت راسها بنعم وضحكت
ضحك عوض من ضحكتها وقال : ايي كيف الشعور بعد القبول و كيف الاستعدادات
شوق بتنهيده : اخخ الشعور ما ينوصف محد قادره يحس فيه غيري قاطعها عوض وضحك وقال : حاس فيك أنا كنت كذا
هزت راسها شوق وقالت : بس الاستعداد صفر كان المفروض أتعلم السواقه علشان الطريق بس باقي أسبوعين و تخلص الاجازه وانا ما سويت شي ولا تجهزت ولا تعلمت
سيف : ما عليك من موضوع السواقه يدبره الله و إذا على الاستعداد يمديك
هزت راسها بتمام
عوض : إذا تبين شي بلغيني كلنا بنفس الجامعه
شوق : طيب ، حتى انت اشرت على سيف
سيف هز راسه بالنفي
ارتعبت و صرخت من فار الحليب على النار قال عوض : مافي شي بس الحليب عادي يالله وين جالسين علشان أجيبه لك
اشرت له شوق على المكان وتقدم يأخذ الحليب و حرق أصابعه من حراره الإبريق وسكت وتقدمت شوق قدامه و قال لها : ديري بالك تراه حار خليني أصب أنا
لجين : كان سويناه عند النار احسن
عوض : خلوكم هنا احسن بعيد عن النار ، يالله خلصوني علشان اصب لكم
تقدم عوض يصب الحليب بالأكواب و ناظرت لجين أصابع عوض وقالت : عوض أصابعك فيها احمر
عوض نزل الإبريق بعد ما خلص و دخل يده داخل جيبه وقال : مافيها شي بس إذا خلصتوا جيبوا لنا أنا وسيف
هزت راسها شوق
ومشى عوض عند سيف يجلس وقال : حرقت يدي
ضحك سيف وقال : من بدايتها كذا الله يستر
صفقه عوض على راسه وقال له : بس خلاص صدعت راسي ، مابيني و بينها شي ولا احبها
سيف ضحك وقال : طيب طيب انكر بس راح يجي يوم و راح تنكشف فيه سكت سيف من ناظر شوق تتقدم لهم تقدمت شوق لعوض و سيف معاها الأكواب وقالت : خلص هاكم
تقدم عوض بيده اليسار ياخذه و نزله وقالت شوق : يدك توجعك
التفت عليها عوض بصدمه و جلس يناظرها و شتت أنظارها و طلعت من جيب الهودي مرهم للحروق وقالت : اردلك جميلك على إصبعي و قطته على حضنه و راحت عند البنات
عوض اللي جلس يناظر مكان وقوفها و ناظر المرهم اللي بحظنه
ضحك سيف وقال عوض : اسكت لا احرق وجهك الحين
حط يده على فمه سيف و كتم ضحكته
عند جوري
دخلت داخل بيت الشعر و جلست تبكي بحرقه تبكي على كل شي على أحلامها اللي بنتها مع شخص طلع مايحبها ولا يناظر فيها حتى و جلست تبكي و تلوم نفسها على كل الأحلام اللي بنتها و لا تحققت
عند البنات
ليان مدت جوالها وقالت: بنات بليز وحده تصورني مع الكوب
لجين أخذته وقالت : يالله ليلي أنا أصورك
ليان اللي كانت لابسه هودي اسود و مسويه شعرها كيرلي كان شعرها مخليها جميله بشكل محد يقدر يقاومه مر سلطان و شافها جالسه تدلع و تحرك شعرها و بيدها الكوب بطريقه عفويه خلت سلطان يبتسم لها التتفتت ليان تناظر الشخص اللي واقف و توترت لما ناظرت عيونه و ضحكته عليها مدت يدها للجوال وقالت بتوتر : خلاص لجين كافي بس
ضحكت لجين و التفتت لسلطان و لقته يضحك عليها و مدت لها الجوال وقالت : سلطان تعال في هوت شوكلت
سلطان و هو جالس يمشي : جاي
تقدم سلطان يأخذ الهوت شوكلت و ناظرها جالسه على الجوال تشتت أنظارها عنه ماعرف ليش ضحك لما شافها بس حس قد ايش هي لطيفه و ما حس بوجودها ولا لطفها و عفويتها من قبل و اكتشف انها كانت دايم هاديه و مايسمع صوتها حس ان شخصيته مشابه لشخصيتها
ام وليد استغرب عدم وجود جوري وقالت : جوري وين
العنود : ماما جوجو تقول مصدعه بتجلس داخل
شوق : أنا بدخل أشوفها
تقدم عوض وسيف عند قعدتهم وقال لها : أجلسي أنا بروح لها
تقدم سيف يجلس بين عماته و سلطان وقالت عبير: اي سيف كيف الدوام و انت سلطان
سيف : الحمدلله تعرفين آخر سنه تعب شوي لكن تهون
عبير هزت راسها وقالت : الحمدالله
سلطان : أنا ما خذ اجازه و بس يخلص العيد راجع للدوام و الكرف
عبير : بالتوفيق يارب ، سيف بسألك انت مع عوض و شوق
هز راسه سيف بالنفي
جلسوا يسولفون و شوق كانت مشغول بالها بجوري
عند جوري
دخل عوض و شافها تبكي وقال : جوري تبكين
رفعت جوري راسها و مسحت دموعها بعشوائيه وهزت راسها بالنفي و قالت : لا
عوض : كيف لا ما تشوفين شكلك
تقدم عوض لها يحضنها و حط راسها على صدره وبدا يمسح على شعرها وقال : تحبينه ؟
رفعت راسها جوري بصدمه وقالت تحاول تبعد الشكوك : مين
ضحك عوض لان عرف انها تحاول تنكر و رجع راسها لصدره وقال: كلهم عارفين إلا انتِ
جوري مافهمت من كلامه شي وقالت : وش تخربط انت
عوض باس راسها وقال : امسحي دموعك و تعالي جالسين يسوون فعاليات برا دموعك ذي بعد يومين راح تفرحك
وقف عوض و مشي يطلع و مافهمت من كلامه شي جوري ، تقدمت تعدل شكلها بالمنظرة و مسحت دموعها وطلعت و شافتهم جالسين كلهم بالجلسه وقالت : ما جاء جدي
عبير هزت راسها بالنفي
تقدمت شوق بصحن الذره وقالت : خليته لك
ضحكت لها جوري و حضنت يدها و بدت تمشي تجلس معاها ، عند فهد اللي كان يناظرها و كان مبين من شكلها انها كانت جالسه تبكي
قالت ام وليد : كيفك الحين
هزت راسها جوري : كنت مصدعه بس أخذت بنادول و صرت احسن
وصل الجد و عياله وقال بصوته العالي : السلام عليكم
الكل رد وعليكم السلام
عبير تقدمت لأبوها وقالت : حياك يبه بصدر المجلس
جلس الجد و بدأت السوالف تأخذهم و التفت لعوض وقال له : عندي لك طلب و ان شاء الله ماتردني خايب
عوض : افا عليك انا اردك ، امرني بس
الجد : كانت النيه اني اعلم شوق السواقه و اشتري لها سياره لكن ربي ما كتب أدربها و اعلمها و أنا ابيك تأخذها معك ان شاءالله و تجيبها معك إذا داومت ما بقى غير أسبوعين و أنا رجال كبير ولا اقدر أسوق الطرق ذي ولا اخاف عليها من السواق بالطريق بروحها
عوض اشر على خشمه وقال : تم على ذا الخشم
الجد ابتسم وقال : عليه الشحم
شوق تأفف وقالت : جدي ابيك انت توديني ذا و اشرت على عوض راح يجلس يحارشني طول الطريق ولا راح أتحمله
ضحك ابو وليد وقال : ما عليك منه ان قال لك كلمه تعالي قوليلي و حسابه عندي ، اجلده لك إذا تبين
عوض التفت على أبوه بصدمه : يبه أنا ولدك مو هي
اشر على المكان اللي بجنبه وقال لشوق : تعالي اجلسي جنبي
تقدمت شوق تجلس جنب خالها و حط يده ورا رقبتها على كتفها و دفنها بحظنه مدت لسانها لعوض وقالت : حره ااا يحبني اكثر منك
ضحك الكل على حركه شوق الطفوليه وقال الجد : والله الود ودي أوديك وأعلمك السواقه بس والله يابنتي رجولي ما تشيلني
شوق هزت راسها بالنفي: عارفه يجدي ولا يهمك راح أتحمل محارش ذا واشرت على عوض علشانك بس
التفت ابو وليد لجوري اللي كانت تضحك و مالها نفس وقال : شفيها وردتي ذبلانه و زعلانه
هزت راسها بالنفي وقالت : راسي شوي مصدع
ابو وليد : تعالي اجلسي عندي وانت قم
عوض قامت وقال : قايم قايم ، عندي إسم من اليوم تناديني ذي اشر لشوق ب ذا وانت بعد
ضحكت شوق عليه و تقدمت جوري تجلس جنب ابوها وحط ايده على كتفها و بدأ يدفن البنات بحضنه و يضحك معاهم شوق كانت جالسه تضحك و تحر عوض اما عن جوري اللي حطت راسها على صدر ابوها و بدت تبكي التفت لها ابو وليد وشافها تبكي و كأنها كاتمه كومه أشياء داخل قلبها والكل جلس يناظرها بأستغراب كانت شوق عارفه ايش فيها ، بعد يده عن شوق و تقدم يمسك خدودها وقال لها : شفيك مين اللي مبكيك
هزت راسها وبصوت باكي قالت : راسي يوجعني حيل مو قادره أتحمل
تقدمت شوق لها وكانت تعرف ان اللي يوجعها قلبها مو راسها و حضنتها و بادلتها جوري الحضن و بدأت تبكي بحضنها وقالت شوق : أنا بأخذها داخل
وقفت ام وليد : جايه معك
هزت جوري راسها وقالت : لا بس ابي شوق
الجد استغرب وقال : شفيها
جود : معرف من قبل شوي و هي كذا
لجين : هي كذا ما تتحمل الألم اكيد راسها يعورها
وقف عوض وقال : أنا راح أشوفها
ابو مشاري : طمنا عنها
هز راسه عوض لهم وراح لبيت الشعر ووقف يسمعهم من برا
عند شوق و جوري
جوري اللي كانت تبكي و شوق حاضنتها و تهديها قالت : بس جوري بس قطعتي قلبي والله ما يستاهلك والله
جوري بصوت باكي: بس احبه والله احبه بنيت كل شي معاه كنت احلم ان حياتي كلها معاه شوق حبي لفهد كبير والله كبير و محد راح يفهمه و فكره ان يتزوج وحده غيري تكسر قلبي
دخل عوض عليهم وقال : بس بكي جوري بس
جوري لعوض : راسي يعورني عوض حيل يعورني مو قادره أتحمل
تقدم عوض يجلس جنبها وقال: مو راسك اللي يعورك أنا عارف
قامت من حضن شوق وقالت : عارف ايش
عوض مسك يدها وقال : قلتلك كل شي مبين وكلنا عارفين إلا انتي
تقدم يحضنها وقال : شوفي أنا حلفت ما اقول لك بس راح اقول
جلس يلعب بشعرها و كانت شوق تناظر حنيه عوض لجوري و ابتسمت وقال : يقولون ان بعد بكرا راح تبدّا أحلامك مع حبيب طفولتك
ابتعدت جوري عن صدر عوض وقالت : ايش جالس تقول انت ، من اليوم قاعد تقول الغاز
شهقت شوق من فهمت وضحكت وقال عوض : شوفي ذي فهمت وانتي لا
جوري : عوض راسي يعورني و تعبانه لا تجلس تطقطق و تلعب فوق راسي
تقدمت شوق تمسك يدين جوري وقالت : يا غبيه البنت اللي راح يملك عليها فهد هي انتي
شهقت جوري و جلست تهز راسها بالنفي : تستهبلون فوق راسي انتم صح
عوض لف وجهها له وقال : ناظريني ، أصلا هو جاء سألني بالأول إذا راح توافقي ولا لا
جوري بدت تبكي وقالت : قول والله عوض تكفى ما ابي احلم من جديد الله يخليك
عوض حضنها وقال : والله انه بيملك عليك و كان يبي يخليها مفاجأة لك رفع أكتافه و كمل بضحك : لكن أنا فضحتها ، كل شي إلا أشوف جوجو زعلانه
شوق بأنفعال : يستهبل ذا ايش المفاجأة ذي ، البنت تقطعت من البكي و ذا يبي يفاجئها
قامت شوق تطلع برا خيمه الشعر بعصبيه تنادي فهد عند عوض قال : كلنا كنا عارفين حبك له و حبه لك إلا انتم كنتم غافلين عن بعض
جوري بدت تمسح دموعها و تستوعب ان حبيب طفولتها راح يصير زوجها و غطت وجهها بيدها و دفنت نفسها بحضن عوض
عند شوق بعد ما جاء لها فهد بعصبيه قال : تستهبل فوق راسي انت ولا وش بالضبط البنت جالسه تبكي وانت جالس تضحك و تسوي مفاجأت على حساب زعلها
فهد : ايش سويت ؟
شوق بعصبيه تكتفت : روح داخل بيت الشعر و شوف وش مسوي
استغرب فهد من كلامها و دخل و شاف جوري بحضن عوض خبت راسها بحضنه من لمحت فهد وقال فهد : وش صاير
رفع يده عوض بعد المعرفه وقال : ما تحملت أشوفها تبكي و كبيت العشى
حط فهد يده على جبهته : لا ياعوض لا
شوق دخلت وقالت بعصبيه : ليش عاجبك بكيها و ضيقتها وهي عبالها انك بتتزوج وحده غيرها بعد ما كانت ترسم مستقبلها معك
جوري اللي كانت مخبيه راسها بحضن عوض قالت بصوت باكي وهادي : مفاجأتك ذي مره خايسه
ضحك فهد وقال : ما كان المقصد اسوي ذا كله بس كنت ابي أفاجئك واجيك و نملك فجأة كذا من غير اي مقدمات بس الله يسامح بعض الناس و ناظر عوض
شوق تخصرت وقالت : ليش مو عاجبك اللي سواه عوض كنت ناوي تبكيها زياده
هز راسه فهد بالنفي و ابتسم جالس يشوف جوري دافنه وجهها بحضن عوض علشان لا تناظره و ناظر عوض شوق اللي كانت متخصره و قال : بنت اوقفي عدل
مدت لسانها شوق وقالت : ااااا مالك دخل
فهد قبل لا يطلع قال لجوري : ما كان مقصدي أخليك تبكين و ما كنت ادري بقدري بقلبك بس قالي عوض و عرفته الحين ، اسف ، كان كل مقصدي افاجأك بالشي ذا حك خده و قال بس خربت كل شي ومشى يطلع
ناظر عوض جوري وضحك وقال لها : بس خلاص طلع اشوف وجهك
ناظرته جوري اللي وجهها كان احمر و خجلانه وضحك عوض و قال : كملي ابني أحلامك و مستقبلك معاه
خجلت جوري و نزلت راسها تقدمت لها شوق تجلس جنبها و قف عوض يطلع وقالت : شوق امسكي قلبي
حطت يدها شوق على قلب جوري وضحكت وقالت : وين البكي اللي مساع أشوف الضحكه شاقه وجهك
جوري بهيام : اخخ شوق احبه والله احبه كنت خايفه يروح لغيري ما كنت ادري ان اللي بيملك عليها فهد هي أنا جلس عوض يلمح لي وانا مافهمت شي
تقدمت شوق و تحضنها وقالت : يالله امسحي دموعك و خلينا نطلع لهم هزت راسها جوري
راحوا البنات عند الجلسه يجلسون
و شافها ابو وليد : كيفك الحين
مسكت جوري يد شوق اللي كانت جالسه تضحك و قالت : الحمدلله
فهد حك خده وناظر جوري وقال : خربت المفأجاة
ابو مشاري : لا لا تقولها
فهد ضحك و رفع أكتافه وقال: قلتها
ام مشاري عقدت حواجبها مو فاهمه شي قالت : اي مفاجأة، وش طابخين انت وياه
عوض ضحك وقال : لا ياعمه كلنا الرجال طابخينها
ضحك الكل على عوض وقال ابو مشاري : فهد خطب جوري من خالد اخوي و كان بيملك عليها و يسويها لها مفاجأه
ام مشاري انصدمت و ضحكت : تحلف بالله يا سلطان
ضحك ابو مشاري : اي والله
ام وليد تقدمت تحضن بنتها وقالت : مبروك حبيبه قلبي و ورده حياتي
خجلت جوري واكتفت بهز راسها تقدمت لها ام مشاري تحضنها وقالت : أموت أنا على زوجه ولدي الخجوله
ضحكت جوري و بادلتها الحضن
ابو وليد : مين خرب المفأجاة
اشرت شوق على عوض وقالت : ذا مخرب المفأجاة و مفرق الجماعات
ضحكوا وقال عوض : ما تحملت أشوفها تبكي ، ولا تقعدين تنكتين فوق راسي
مدت لسانها شوق له : اااا مالك دخل
الجد : بس انت وياها
الجد : ان شاءالله الملكه تكون بعد بكرا
ناظرت جوري فهد اللي كان يناظرها و يبتسم لها
ابو وليد : ان شاءالله
لجين التفت للبنات وقالت: بنات امشوا نخطط ايش راح نسوي
مشوا البنات لبيت الشعر جلسوا بشكل دائره بالأرض وقالت العنود : اي جوجو وش الشعور
جوري ابتسمت وحطت يدها على قلبها وقالت : اخخ يجنن
شوق ضحكت وقالت : بس يا بنت خليك ثقيله
لمار : اي وش مخططين نسوي
تقدمت لجين : اول شي خلونا بس نرجع بكرا نروح المول و نشوف الفساتين
جود : راح اكلم حقين الضيافات
لمار : وانا بكلم حقين الورد ، بنفسجي صح
ضحكت جوري وقالت : صحح
ليان : إذا خلصتوا أنا بطلع
شوق : خلصناً خلاص ، طلعت ليان
و دخلت حصه و قالت : عمه جوجو صدق راح تتزوجين
ريم : اي يا ماما ان شاءالله
حصه : الله ابي احط ميك أب مالي دخل
ضحكوا البنات وتقدمت جوري لها تحضنها : ماعليك أنا احط لك
بدوا البنات يطلعون للجلسه وقالت شوق : بعدل مكياجي و اجيكم
طلعوا البنات للجلسه اللي كانت مليانه ضحك و سوالف
عند شوق اللي كانت تعدل مكياجها دخل عوض وقالت : بسم الله شوي شوي
عوض بدلع : سوري نسيت انك تخترعين بسرعه يا دلوعه
مدت لسانها وقالت : ااااا كيفي
عوض بعصبيه : دخلي لسانك بس
شمقت له شوق و جلست تعدل مكياجها وقال لها وهو جالس يدور بين الاغراض: ابي بندول
شوق و هي جالسه : معرف دور عن... جتها رساله من جوالها و فيديو ( اهلاً يا بنتي الرخيصه ال ***** ايش راح يكون رأيك إذا وريت اهلك الفيديو ذا و يشوفون قد ايش انك رخيصه و تخلين ابوك يت*حرش فيك وانت ساكته هههههههه بايعه نفسك نفس أمك الرخيصه عايله رخيصه صدق كان يوم اسود يوم جيتك على الدنيا ذي و يوم اسود زياده يوم زواجي من الرخيصه أمك ،موتك و موت اهلك كلهم راح يكون على يدي ) نزلت شوق الجوال و بدى صدرها يهبط و ينزل و تتنفس بصوعبه التفت لها عوض وقال : دو... تقدم لها وجلس على ركبه قدامها وقال : شوق شفيك
شوق بصوت باكي ومتقطع و يالله تتنفس : عووضض
ومدت له الجوال وهي جالسه تهز راسها بالنفي اخذ الجوال عوض وبدا يقرأ مضمون الرساله و مسح الفيديو من الجوال على طول وقال بصوت عالي : حيواننن واططي
أغمى عليها من الصدمه كيف ممكن أب يسوي شي زي كذا
وراح عوض برا الخيمه ينادي عبير
جت عبير ركض وقالت : ايش ف... وشافت شوق جالسه مغمى عليها و هي جالسه
ركضت لها وقال الجد : شفيها عوض ايش سويت
عوض بعصبيه : مالي دخل الواطي ذا واشر على جوال شوق جالس يهدد و تهديده جالس يزيد عن حده
عبير ببكي : مو جالسه ترد علي
تقدم لها عوض وقال لها : عطيني ابره السكري و أدويتها بسرعه واللي يعافيك
ابو وليد : خلونا نأخذها المستشفى
سيف : عمي واللي يعافيك اي مستشفى قريب اقرب مشفى يبعد ساعه
عوض كان ساند راسها على يده و جالس على ركبته قدامها حط الكحول المطهره على منديل و بدأ يقرّبها من خشمها صحت شوق تتنفس بصعوبه و بدت تبكي قربت منها عبير تمسح على شعرها و تسمي عليها : بسم الله عليك ، قلتلك والله ما يطولك وانا موجوده
شوق ببكي وصوت متقطع : مو قادره أتنفس
عوض بصراخ : واللي يعافيكم كلكم برا بس عمه تجلس عندها ، خلصوني يالله
بدا الكل يطلع وقال ابو وليد : طمنونا عنها
اكتفى عوض بهز راسه ولف لعبير وقال : عطيني ابره السكري
اخذها عوض و مد يده ليدها الصغيره و بدأ يغز الابره و جلس يشوف السكري وقال : مره منخفض واكيد الضغط بعد جيبي لها شي تأكله على ما أقيس الضغط
وقفت عبير تطلع برا بيت الشعر
عند شوق اللي كانت تبكي و تتنفس بصعوبه ناظرها عوض وقال : ما يطولك وحنا حواليك ، والله لا اخليه يندم على كل شي
هزت راسها وقالت بصوت مقطع و باكي: عوض مقدر أتنفس احس اني مخنوقه
عوض مد لها يده وقال : عطيني يدك و تنفسي معي يالله شوق ، شهيق و زفير
مدت له يدها وبدت تضغط عليها و تتنفس معه بصعوبه ومن حس انها بدت تتحسن قال : مدي لي يدك أقيس الضغط
مدت له يدها وبدا يحط الجهاز على يدها و دخلت عبير وبيدها صحن معجنات و قالت : كيفها
عوض : ضغطها مره منخفض و السكر بعد خليها تاكل بعدين اجي أعطيها من الادويه
مدت لها عبير وبدت شوق تاكل و تبكي بنفس الوقت و عبير تمسح على راسها و تسمي عليها
خرج عوض و راح عند الجد بالخيمه الثانيه وقال : السكري عندها منخفض و الضغط و البنت يالله تتنفس ، الواطي ذا ما يذلف عن حياتها و يريحها و يريحنا مو حاله ذي
ابو وليد : هو كان بالسجن ايش اللي طلعه
وليد حركه يده بحركه الفلوس : وقال بالفلوس
ابو رنا : بالفلوس تستهبل معي انت
وليد هز راسه بالنفي وقال : ذا الصدق
الجد تنهد وقال : والله العظيم تعبت من صقر ذا ، اغلط شي سويته بحياتي اني عطيته بنتي الوحيده
عوض : ما يفيد الندم يا جدي مايفيد ، والله الشي اللي قريته مو شويه يا ناس مو شويه كيف اب يسوي كذا في بنته و يهددها
ابو وليد بعصبيه : عوض بس خلاص ، سكر على الموضوع محد ساكت له خله بس يجرب يسوي شي و يشوف وش راح نسوي
عوض خرج معصب من الخيمه و راح لبيت الشعر
عوض : خلصت
هزت راسها عبير وقال : راح أعطيها أدويه مهدئه غير كذا مره مو زين بحالتها ذي
شوق بهمس و بدت تهز راسها بنفي : مو قادره أتنفس احس بخنقه ، خنقه ماما وبدت تبكي
ناظرت عبير عوض و مدت يدها لشوق و قال عوض : عمه بسرعه خليها تلبس شي خفيف و تقط الهودي ذا
صد عوض وجهه للباب وبدت عبير تقط هودي شوق وقالت : خلصت
شافها كانت تبكي و يالله تتنفس ولابسه بدي حفر ابيضّ وقال لعبير : مو القصد أناظر بس غطيها بشال من فوق او اي شي هزت راسها عبير وبدت تغطيها و مد يده لها و قال لها : شوق ناظريني يالله نفس قبل شوي عطيني يدك و تنفسي ببطء وهدوء
مدت يدها له و بدت تتنفس معاه وتضغط على يده ولاحظت عبير اهتمام عوض لشوق بس طنشت و حست ان هذا واجبه ك طالب طب في سنته الاخيره
وبدت يرجع تنفس شوق شوي شوي و فلتت يد عوض وقال : الحمدلله تحسين انك احسن
هزت راسها شوق ب اي
عوض : اخذي الادويه وإذا صار اي شي أنا برا
طلع عوض و رمت شوق نفسها بحضن عبير و بدت تبكي و عبير تهديها و تسمي عليها
عند البنات
جوري ناظرت عوض طالع وقالت : عوض طلع
لمار تقدمت : عوض شفيها شوق
عوض : مافيها شي
العنود : كيف مافيها شي وهي مغمى عليها
عوض بعصبيه : قلتيها مغمى عليها بس اسأله و لحد يدخل ولا اشوف احد يسألها فاهمين
البنات هزوا راسهم بتمام وتقدم يمشي بعيد عنهم
لجين : هذا شفيه
ام وليد : بس يبنات قال لكم ما بها شي
ام رنا : تعالوا اجلسوا وخلوا اللقافه
غلا : ماما مو لقافه بس خايفين عليها
ام رنا : خلاص تطمنتوا عليها ايش تبغون بعد
ام مشاري : يالله قوموا نسوي العشاء
لمار بتأفف: ماما اي عشاء ، بنتطمن عليها
ريم : بنات بس خلاص البنت بخير و طمنكم عليها قوّموا ساعدونا بالعشاء
جوري قامت وقالت : يالله بنات
قاموا البنات و الامهات يسوون العشاء
عند عبير و شوق
شوق بصوت باكي : ماما ابي انام احس اني تعبانه
هزت راسها عبير و بعدتها عن حضنها وطلعت تتركها تنام
شوق غطت راسها بالبطانيه و بدت تبكي ، تبكي على كل شي صار بحياتي ، من طفولتها المدمره المليانه من ت*حرش ابوها و عمامها فيها و هي طفله ،من ضرب ابوها لها ولأمها عن أشياء كثير مالقت لهم جواب ابداً ،بدت تغفى شوي شوي و نامت بعد بكي و بعد تفكير طويل و بعد خوف
عبير مشت وصادفت عوض بطريقها وقالت له : عوض ابيك شوي بكلمك بروحنا
هز عوض راسه و مشى معها بعيد عن الخيام
عبير : مشكور على اللي سويته و تقدمت تمسك يد عوض و تحط فيها فلوس
بعد عوض يده وقال : عمه ذا حق وش إذا علشان اللي سويته أنا سويته علشانها اختي و خايف عليها
عبير : بس عوض الرساله
عوض هز راسه بالنفي وقال : الرساله نفس ما كانت سر بينك و بينها وبين جدي و خوالي راح تكون بعد سر معي ، افا عليك يا عمه شيلي فلوسك مو عوض اللي يأخذ فلوس مقابل سكوته
عبير بدت تبكي و حطت يدها على عيونها : تعبت والله حتى أنا تعبت منه و من فعايله
تقدم عوض يحضن عمته وقال : ولا يهمك ما يطولها و حنا موجودين
هزت راسها عبير و كمل عوض : وانتِ عمتي و بحسبه امي و شوق اختي والله ما أرضى لكم الشين ، امسحي دموعك ولا تخلينها تشوفك تبكين
ابتعدت عبير وقالت : ذاك الشبل من ذاك الأسد
ضحك عوض و مشى و مشت معه للمطبخ
التفتت ام وليد لدخول عبير : كيفها ؟
هزت راسها عبير وقالت : الحمدلله تركتها تنام
ام مشاري : خلص العشاء وين نحطه
عبير : بالخيمه الثانيه
بدوا يجهزون العشاء و يحطون السفره وبدا الكل يتقدم و يأكل ، استغرب عوض عدم وجودها معهم وقال الجد : بنيتي وين
عبير : تركتها تنام
ابو وليد : صارت احسن ؟
اكتفت عبير بهز راسها
عند جوري اللي كانت تاكل و كان جالس قدامها فهد اللي ما شال عيونه عنها و كأنه يبي يبين لها بنظراته انه مهتم فيها و حابها ابتسمت جوري له و بادلته النظرات كانت نظراتها له مليانه حب و عتاب بنفس الوقت ، عتاب لأنه جلس يكبت حبه لها مثل ما سوت هي ، ولا جاء اعترف لها هي كانت عارفه ان هو خايف من رفضها كان خايف انها ترفض و تتغير نظرتها له علشان كذا ما قال ، كان الكل ملاحظ نظرات فهد لجوري وقال ابو وليد بضحك : اكلت البنت بنظراتك ، بس عاد
ضحكت جوري بخجل ونزلت راسها لصحنها
و ضحكوا على كلام خالد
فهد بدأ يضحك وقال : طيب
ورجع يسرق نظراته لها
عوض كان هادي عكس العاده وقف وقال : الحمدلله
الجد : وين يا عوض
عوض : والله يجدي شبعت و مواصل من امس ، ابي انام
خلصت اليله من غير اي احداث تذكر
الفجر الساعه ٣:٠٠
صحت شوق طلعت من الخيمه بالبدي الأبيض و حست ببرد شافت فروه بالجلسه الخارجيه تقدمت تأخذها تتدفى فيها و تجلس على جوالها
بنفس الوقت صحى عوض وطلع للحمام ( الله يكرمكم ) وشافها جالسه تقدم لها وقال : وش تسوين هنا
اخترعت شوق وقال : ااا توني صحيت وجيت اجلس هنا ، شوي شوي عوض خرعتني
عوض ناظرها وقال : اسف مو قصدي أخرعك، بروح شوي أجيك
اكتفت بهز راسها له
راح الحمام ( الله يكرمكم ) وشوق كانت جالسه على جوالها و حاطه كوب الحليب بحضنها
طلع عوض وبدا يمشي لها وجلس بالجلسة وقال : كيفك الحين
تنهدت شوق وقالت : احسن
عوض : الحمدلله
شوق تذكرت وقالت : اي عوض مره شكرا على اللي سويته ، واللي شفته ت...
قاطعها عوض : ما سويت إلا الواجب و اللي شفته قلت لعمّه و راح أقوله لك مثل مابقى سر معاهم راح يبقى معي وانت نفس اختي و ماراح يطولك لو شنو ما سوى
اكتفت شوق في انها تبتسم و تهز راسها
عوض : جوعان ما تعشيت عدل
شوق تنهد : أنا ماتعشيت بعد ، تبي إندومي اعتبرها شكر و بعد لأني جوعانه
ضحك عوض قالت : اي يالله
قامت معه و بنص الطريق التفت لها ولا حظها لابسه فروته وكيف كبيره عليها و اكتفى في انه يبتسم
التفتت له و ناظرته يبتسم قالت : لا تضحك تراك راح تساعدني
ضحك عوض وقال : طيب
دخلوا المطبخ و بدأوا في تجهيز الاغراض وقالت شوق : شوف خلنا نتفق انت تقطع الخضروات وتجهز الصينيه وانا الشغل الباقي علي
هز عوض راسه و بدأ يقطع الجزر ولف لها كانت جالسه تفتح الاندومي وقال لها : كذا زين
ضحكت وتقدمت له وقالت : والله لو اجيب حصوص تقطع احس منك ، بعد اعلمك
ضحك عوض و بعد و بدت تعلمه كيف يقطع و هو كان جالس يتأملها يتأمل شعرها البني و غمازاتها اللي ظهرت و هي جالسه تضحك على تقطيعه ، و فروته اللي كانت لابستها ابتسم على شكلها
وقالت له : تعلمت
ناظرت له و جات عينها بعينه و كانت من البدايه المسافه بينهم بسيطه توترت و بدت تشتت أنظارها عنه وقالت : عوض تعلمت
استوعب عوض و هز راسه وقالت : بروح أكمل أنا
هز راسه و بدأ يقطع الخضروات و جاء عند البصل وقال : لازم بصل يعني ، غريب دلوعه و تاكل بصل
ضحكت شوق وقالت : دلوعه الديره
ضحك من كلمتها و كملت : والله يطلع لذيذ مره
بدأ عوض يقطع البصل و عيونه تدمع ضحكت عليه شوق و طلعت جوالها تصوره و هو جالس يقطع وقالت : عوض ناظرني وبدت تضحك
عوض بألم جالس يتحسس عيونه قال : لا يا شوق ما اتفقنا على كذا تصوير
وقفت تصوير و تقدمت له وقالت وهي تضحك : لا تحط يدك على عيونك ياغبي تعال
تقدمت تمسك يده و تفتح الماي و تغسل عيونه بشويش وقالت : الحين تصير زينه
و بدأ عوض يفتح بشويش و جلس يشوفها كيف كانت ماسكه وجهه وقريبه منه و تغسل عيونه و تضحك لمح غمازاتها و ضحك وبعدت شوق من حست بقربه منها وقالت : ااا إذا خلصت تقطيع جيبه علشان خلص بس باقي احط خضروات
كمل عوض تقطيع و عطاها و بدت تحط و تحرك الصوص و هو كان جالس يناظرها ما عرف ايش صار فيه بعد ما مسكت وجهه التفتت له وقالت : عوض طلع الصينيه و العصيرات
وقف عوض يطلع الصينه و الصحون و قال لها : خلصت حطيت الصينيه
بعدت شوق شعرها عن وجهها و حطته ورا أذنها و ناظر حركت شعرها وسرح فيها وقالت حتى أنا جيب الصحون علشان احط
استوعب و تقدم لها وبدت تحط الاندومي و قالت : يالله خلصنا امش نجلس برا
اخذ عوض الصينه و جلسوا بالقعده الخارجيه
سموا و بدوا يأكلون وقال عوض : لذيذذذذذذذ
شوق : كيف بالله
عوض و الاكل بحلقه : فناانن
شوق : بالعافيه
نزلت الشوكه و بدت تجمع شعرها على شكل ذيل حصان و الربطه حاطتها بين أسنانها التفت لها عوض وشافها و كانت الحركه كفيله في انها تخلي مشاعره تتحرك وتجيب اجله
صد للصحن و بدأ يأكل و يطرد افكار الإعجاب و الحب من باله
تقدم لهم الجد وابتسم من شافهم جالسين مع بعض يسولفون و ياكلون و شوق لابسه فروه عوض قال : السلام عليكم ، قاعدين ؟
هزت راسها شوق وقال عوض :وعليكم السلام ، اي جعنا و سوينا اكل و جالسين ناكل
شوق : جدي تعال اجلس
تقدم الجد يجلس وقال : بالعافيه ،كيفك يبنتي الحين
هزت راسها شوق وقالت : الحمدلله
الجد وقف وقال :أنا راح اتوضى خلصوا وتعالوا صلوا
شوق : ان شاءالله
خلصت شوق وقالت : بروح اتوضى إذا خلصت شيل الصينيه للمطبخ
عوض و بحلقه الاكل : لح...
شوق لوحت له من بعيد وقالت : باي
ضحك على تصرفها خلص اكل و رجعه المطبخ
طلعت شوق من بيت الشعر بجلال الصلاه و شافت خوالها ينتظرونها
ابو رنا : يالله يا بنتي تعالي صفي
شوق : جايه جايه
كبر الجد و بدوا يصلون خشعت في سجودها و بدت تدعي ربي يبعد عنها كل شر و يعوضها العوض اللي يرضي قلبها و يعوضها عن كل الأيام السيئة
خلصوا صلاه و دخلت شوق الخيمه تنام و بعدها الكل بدأ يدخل ينام بعد ما صلوا الفجر و مع برود الجو و بدايه الصباح و الشروق ...............
مرههه شكرااا على التفاعل ما توقعت ولا واحد بالميه ان الروايه تجيب تفاعل زي كذا 🥹