لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part35

كانوا الامهات يناظرونهم و هم مبتسمين استوعب عوض و تقدم يمشي لها نزل انظاره و شاف فستانها عدل كان قصير مره رفع انظاره و ناظر فتحت صدرها و ناظر شفتها من نطقت : نزل شماغك
بادلته النظرات و هي مبتسمه و همست : شفيك
نزل شماغه و هز راسه بالنفي و عقد حواجبه بدات تبخره و هي مبتسمه ناظروهم الامهات و اخذت عبير جوالها تصورهم و هي مبتسمه اخذت شوق الطرف الثاني من شماغه و استغربت سكوته و عقده حواجبه كان يناظرها و هو عاقد حواجبه نزلت المبخر على الطاوله و نطق : تبخري معي
اخذت المبخر و هي مبتسمه و تناست وجود الامهات قربت منه اكثر و بدات تتبخر معه و هي مبتسمه لمح غمازاتها و ابتسم بخفه ابتعدت : خلصنا بس انتظر اجيب لك المسك
حطت المبخر على الطاوله اللي جنبها و عطته ظهرها تمشي للطاوله الثانيه تاخذ المسك ناظرها من فوق لتحت و كيف تمشي بالكعب تأملها و كيف هي مغريه و جمليه حتى و هي مقفيه ما كان يمل من جمالها اللي كان كل يوم يسحره ولا يمل من تأمله لها التفتت له و بيدها المسك و هي مبتسمه فتحت المسك و بدات تحط على يدها مكان النبض و تمرر يدها على رقبته كان يناظرها و نطقت : مد يدك
مد يده لها و بدات تحط على اماكن النبض بعد شعرها ورا اذنها وبدا يمرر يده على رقبتها و هي مبتسمه بعد يده : بكلمك شوي
ضحكت بخفه : نفس قبل شوي
ضحك : لا لا صدق المره ذي بكلمك شوفي لنا غرفه فاضيه
سكرت المسك : طيب تعال
مدت يدها له مسك يدها و مشى معها دخلوا احد الغرف ابتسمت عبير : يا حلوهم
ام رنا : الله لا يغير عليهم
دعوا لهم الامهات و هم مبسوطين و مبتسمين على علاقتهم سكرت شوق باب الغرفه و تقدم يحضنها على طول ابتسمت و بادلته الحضن شم ريحه المسك و عطرها : اخخخ طالعه حلوه
بعد عنها و حطت يديها على خده : حتى انت طالع حلو
قبل يدها اللي على خده و نزل انظاره لصدرها : بتكلم معك
نزلت يدها : اسمعك
شتت انظاره : غيري فستانك
نطقت بصدمه : نعم
ناظرها : غيري شوق البسي شي ثاني غيره
ناظرت فستانها : حلو ليش اغيره
عوض : حلو بس مو قدام الناس يلا غيري
تكتفت : ما راح اغيره
عوض : شوق غيري يلا حبيبه قلبي انتي
شوق : ليش اغير عطني سبب واحد يخليني اغيره
شتت انظاره : اعطيك سببين ، قصير ، فاصخ
ناظرته : مو قصير ولا فاصخ بعدين ما طلعت فيه بالشارع لابسته عند البنات
ناظرها عوض : حتى لو عند البنات يلا غيري شوق
شوق بعناد : ما راح اغير
عوض : ما يحصل طيب اذا ما غيرتي
تخصرت : بتخوفني يعني ما راح اغير وش بتسوي
ابتسمت بخبث : اي ارجعي بالليل و تشوفين وش بسوي
مثلت القوه وهي من داخلها خوف : لا قول لي من الحين علشان استعد
عوض ابتسم : راح ترقصين لي
فتحت عيونها بصدمه : تخسي و تعقب ارقص لك و تغير ما راح اغير وانا شوق بنت عبير
عوض : وانا عوض بن خالد و راح ترقصين لي الليله و راح تغيرين فستانك ذا
شوق : طيط و الطقعه فيك هذا الناقص بعد ما راح اغيره ولا راح ارقص لك
تكتف عوض و رفع حواجبه : قد كلامك ذا
شوق : قده
عوض : اي كيفك تحملي اللي يجيك على قله ادبك ذي
اشرت على نفسها : انا قليله ادب ، معرف منو قليل الادب و الوصخ
فتحت الباب بقوه و خرجت و تركته بالغرفه يضحك بصدمه : اي حسابنا الليله
خرج من الغرفه و ناظرته امه : ناد لي سلطان
ما ناظرها كان عاقد حواجبه : ان شاء الله
خرج من البيت و تقدم يدخل قسم الرجال و ناظر سلطان اللي جالس يتبخر و ابتسم : مبروك يا اخوي
نزل المبخر سلطان : الله يبارك فيك
عوض : امي تبيك داخل
عدل شماغه : يلا ان شاء الله
تقدم يدخل سلطان و جلس عوض برا بالجلسات مع سيف و عمر ناظره سيف و ضحك: شفيك
ناظره عوض : ها لا ولا شي
ضحك عمر : الا عبدالله وينه
سيف انسدح على رجل عمر : عبدالله يا طويل العمر
رن الجرس تعدل سيف  : جاء
عوض التفتت للباب: لو طاريين مليون
وقف سيف و فتح له الباب و سلم عليه ناظرهم جالسين سلم عليهم و جلس معهم : تأخرت بس يا ان عندي قضيه جديده
عوض وقف : تكفى لا تقول لنا وش هي لان صرنا نعرف قضاياك و خلنا ندخل
وقفوا العيال و دخلوا المجلس يسولفون مع الرجال