رواية أثـارة العيون
بقلمي : ليـال المختفيـه 🤓😂
الحلقه _26_
تصويت + تعليق بين الفقرات لطفاً + متابعه للحساب
ڪِٰغيمه،
في يوماً غائمٍ..
أرفع رأسي،
أحدق في السماءِ
حزيناً
ليس بوسعي البكاء
متئ شئت
ڪِٰغيمه..
..............................
دخلت للغرفه وبيدي جوري وأيدن اخذ كرم ينومه
فرحانه لأن نوران تزوجت وتزوجت الشخص الصح ياسر كفو يكون زوج واخو وكلشي وكلش يستحق المحبه والأحترام
ضحكت ؏ جوري شلون تحاول تهز متن وتهلهل دنگت شلتها وابوس بيها
ألين :- ولك انا وين اضمك يا فجر الصباح وين اضمك يبياض الثلج
وابوس بيها وههي مكيفه تضحك
ألين :- اخخ يا اغله من روحي وهواها
جوري :- مامي وين حيات
ألين :- شسوين بيهن الحيات يولن
جوري :- وهاي كحبيه روحلها
ألين :- لا ماما عيب حرام ميصير تحجين هيج
جوري :- ماصير ؟؟!
ألين :- ييولله ميصير عيب
هزت راسه عود هاي هيه باستني بخدي ونزلت
جوري :- بعد صبحين خير نعسيت نانه
ألين :- يمه فدوه وللج لاتنحسديين ضمي لسانج
ركضت فتحت الباب وطلعت رحت وراها شفته دخلت للغرفه ورجعت للغرفه نزعت التاربون والبشت ونفتح لباب دخل ايدن
علگ حاجبه :- لبستيها ؟
ألين :- وبو فاضل اذا ما توخر عنييي اسويي بيك سوايه
:- سوي بله
شلت علبه ادوات تمشيط وغيره وشمرته علي اجتي براسه فيت
باوعلي بصدمه :- هايي شبيج
علكت شفتي بانزعاج ودرت وجهي اخذت تراك نوم ودخلت للحمام سبحت وطلعت نشفت شعري بدون ما شسوره باوعتله متمدد ومخلي ايده ورا راسه وصافن
تمشيت اله ؏ كيف وخليت وجهي بوجه وگلت
ألين :- ببووو
ولاتحرك باوعلي أبتسم ولزم أيدي يعد بأصابعي بس بدون ميطلع صوت وانا فاهيه عليّ ماعرف شديسوي
مددني يمه ويلعب بشعري وانا لازمه ايده الثانيه وجايبتها عض ولا يحس أصلا ولا محسسني موجوده يمه
رن تليفونه ورد
:- ها محتاج معلومات مو هيه جكه ابره لاتخاف...... طفر من سمع المتصل .. خرربب لك شسويت ياسر
گبل خطرة ؏ بالي نوران بقيت اكل باضافري منتظرته يخلص سده وباوعلي
ألـين :- ها؟
:- سألني ؏ دكتوره اعرفها
ألين :- يي عليمن
:- نوران مغمي عليها
بحلقت عيوني بصدمه
:- والحسين يكول مابيه شي بس خافت
بلعت ريگ :- يعني شنو
فرك عيونه ودار وجهه
:- تم زواجهم بس اختج اتلبكت ومامسيطره ؏ نفسها من الخوف
درت وجههي البس بلبشت
ألين :- تاخذني الها والله هسا لو اروح بوحدي
انا افتر وهوا يفتر وراي
:- تحجين من كل عقلج
ألين :- لوو من اذاني احجي انت ميخصك
كعدت البس بحذائي وكمت اخذت تليفوني وفتحت لباب هوا يمشي وراي
نزلت من الدرج وكفت ؏ النص من شفت بنيه شابه كدامي حسيت شايفتها واعرفها بس مدا أركز حتئ اعرفها تشبه حوراء حيل حاضنه الحجيه وتضحك وكلها ملتمه عليها
وجهة نضرها لوراي تباوع لأيـدن ومبتسمه باوعتله هوا فاتح عيونه بوسع عليها
تقدمت تصعد وحجت بلهفه
:- حبيبيي
تخطتني وراحت حضنت ايدن بلهفه هوا ما بادلها وبقه مصدوم بتعدت عنه ولزمت ايدي وحجت بفرح
:- رجعتلك يروحي
أيدن :- هاجر
لحد مكال اسمها حسيت نزلت صاعقه
؏ راسي كل فكري راح يم جوري
باوعتلي وحجت :- جيبيلي ماي ولله ريگي يابس
هزيت راسي ونزلت جبت كاسة ماي وصعدت انطيته الها باوعتلي وابتسمت
تخطيتهم ودخلت يم جوري سديت الباب وبقيت افرك بعيوني ماريد افكار سلبيه تجيني
ماتحملت كعدتها كعدت ومتقبل تريد ترجع تنام هزيتها حيل وحجيت بغصه
ألـين :- ماي عيني أجتِ أمج الحملت بيج بطنها
نفتح لباب ودخلت هيه وراها ايدن ولبنات ثلاثتهن وراهمم
هاجر :- معقوله انتِ نفسج السلمتج بنتي
ماجاوبتها بقيت كاعده ولازمه ايد جوري دنكت شالتها وجوري منعسه
هاجر :- ياروح أمج انتِ يا بعد عيني اروح فدوه الج
أيدي صارت ترجف بوحدها من الاعصاب وايدن باوعلي وباوع لجوري
أيدن :- متردين تشوفين ابنج
نزلت جوري وراحتله باسته براسه وحجت
هاجر :- ياروح امه شلون متغير ياروحي عليكم
طلعت شهكه مني شكت گلبي شگ كلهم باوعولي حجيت
ألين :- راح اخذ روز واروح لنوران
بدون ما أسمع ردهم طلعت لاكتني ميعاد مفزوعه
ميعاد :- كالوو هاجر رجعتت
هزيت راسي وتخطيتها نزلت من الدرج بخطوات سريعه وصلت لبيتنه اتصلت بأمجد يطلعلي شويه ونفتح لباب لابس كيمونه وبجامته ردان مرفوع وردان نازل
شافني اشهگ بحلق عيونه ولزم ايدي
أمجد :- شبيجج
ألين :- اريد روز أريد اشوفها قبل لتمشي
أمجد :- شوفي حالتج دكوليي شبيج
نترت ايدي وحجيت بجي
ألين :- امجد وخر عنيي أريدد روز مخنوگه
راح ركض وانا واكفه بمكاني رجعو هيه ويا
روز :- شبيج ألين منو وياج
ألين :- مابيه شي أريد نروح يم نوران
أمجد :- نوران ليوم عرسها شبيج
ألين :- خايفه ومتخرطبه بس مو تكول لأمها
لزمني من كتفي :- شبيها
ألين :- كتلك خايفه ومتخربطه شبيكك مدا تفهمم
هز راسه وحجه :- تعالن انا اوديجن
ألين :- استعجل
دخل هوا خليت أيدي ؏ جبيني ورفعت راسي بقهر
روز :- شبيج حياتيي
درت وجههي عليها :- أم جوري رجعت
عكدت حواجبه وحجت
روز :- شنو
لزمت ايدها :- بعدين أفهمج
طلع امجد مبدل وصعدنه ويا اتصل امجد ؏ ياسر وصلنه للفندق وامجد رجع صعدنه لطابقهم دكينه باب غرفتهم وفتحته هيه مبتسمه
ألين :- نوران
نوران :- ههههه ولله زينه بس خوفكم ؏ لفاضي
باوعت لياسر كاعد ؏ الميز وياكل
ألين :- اسفه بس ولله مكدرت ما اجي واشوفها
ياسر :- عمي الفندق فندقج طبي وطلعي بكيفج
جانت مو بس غرفه هيه صاله صغيره وبداخلها غرفه خلص ياسر ودخل للغرفه وأحنه كعدنه سوا باوعتلي وحجت
نوران :- ولله اكو شي غير موضوعي
شلت رجليه وخليت راسي بحضن روز وكرفصت روحي
أليـن :- اول مرا احس روحي تايهه وما اعرف اتصرف ومابيدي شي
نوران :- منو مضوجج
ألين :- هاجر أم جوري رجعت قبل شويه
بصدمه :- شرجعها
ألين :- مادري بس اكيد راح تدمرني بجوري راح تاخذه مني وهاذه حقها
روز :- سمي بالله بلاول علشنو متعبه روحج منو كال تاخذهه
ألين :- روز هيه امها حتئ حرام عليه امنعها منها
نوران :- يي وههي قابل كالتلج راح ارجعلها انطتجياها وما سألت عليها هسا تذكرتها وتاخذها
روز :- وبعدين انتِ مُحاميه متكدرين تحمين وتحافضين ؏ جوري
ألين :- راسي دوامهه من التفكيير مدا الگه حل مناسبب بنات راحح انفجر
اجانه صوته :- ألـييين
كعدت ؏ حيليي اصلا نحجي بصوت عالي ولا مهتمين
اجه لناحيتي وكعد مقابيلي وشبك ايدي مع بعض
ياسر :- معقوله انتِ نفسج ألين ؟؟ انتِ الحاربتي وكفتي بوجه الكل وحتئ ضحيتي بنفسج ولا فكرتي بلعواقب وشنو ممكن يصيرلج وتزوجتي ايدن علمود بس تبقين يمها وتسنديها ومتعوفين تعبج يروح ؏ لفاضي
- هسا جايه وبكل سهوله مستسلمه ولج سوينه فلم هندي الكردي مايصدك من احجيله شلون خطفنه ميعاد بعرسها علمود أيدن يتزوجج
غطيت وجهي باديه بحيره رفعت راسي وتنهدت
ألـين :- داكولكم امهااا تعرفون شنو امها
ياسر :- أمها بس حملت بيها انتِ الربيتيها واعتنيتي بيها وسهرتي ليالي عليها وكلتيها وشربتيها ونومتيها وحنيتي عليهاا ششتحجين اصلا معقوله مافكرتي شلون كرم بقه عدها وجوري انطتها الج هيه من الاول مرايدتها
ألين :- لا شنو مرايدتها عمامك رادو يقتلون الطفله وسلمتها بيدي علمود تنقذها
روز :- ايي وليش ماقتلو كرم
نوران :- ترا اكو انّ بلموضوع ؟؟!
ياسر :- ماكو أنّ لحاضر ولازم تفهمينه جوري بنتج بروحج حتلو مكانت من بطنج ولحمج ودمج
ألين :- ياسر انا محتاره لبنيه هم مو بيدها خايفه أدافع عن حقي واضلمها وياي واخاف أنطيها جوري واموت أنا
ياسر :- يعني شنو هسا مو انتِ زوجة ايدن ؟؟ وايدن ابوهم
ألـين :- أكيد مراح تقبل اكون ضرتها وهوا يحبها ومراح يهتملي لو احترگ بنار جهنم
باوع بوجه نوران ورجع باوعلي
ياسر :- أيدن يعشگ طاريج من ينجاب مو بس يحبج
ألين :- ياسر تفهم شنو يعني هاجر ؟؟!
ياسر :- تعلميني بي مثلا ؟؟
كمت وحجيت
ألين :- يلا انا اترخص
كامت روز وياي
ياسر :- اوكفن اوصلجن
ألين :- لا خليك امجد موجود
ياسر :- يلا اوصلجن جوا واتصل عليّ
دار وجهه ؏ نوران
ياسر :- قفلي لباب هسا اجي
نوران :- لا جايه وياكم
طلعو وقفلو الشقه نزلنه وهوا خابر امجد كاله انا قريب عليكم هسا اوصل
صدك شويه ووصل صعدنه ويا وهمه رجعو للشقه ضحكة روز وحجت
روز :- شلون فشله اجيناهم بنص اليل
أمجد :- لا شيء يعلو على كلمة الين
ألين :- لا شيء يعلو على راس امجد
أمجد :- أممرعع بعد هاذه راس الأمجدي
مشينه مسافه قصيره وحجه امجد
أمجد :- خرب هذاك ايدن
باوعتله صدك هوا
أمجد :- اعترض طريقه لو ، لا ولله يسوينه تشريب يمشي سريع مدري شعنده
روز :- انتِ كُلتيله من طلعتي
ألين :- ايي
أمجد :- خل اتصل علي لعد
اتصل علي وفتح سبيكر
أمجد :- وين رايح بهليل
أيدن :- اريد اشوف أختك المخبله ياسر يكلي مو يمي وهيه كالت رايحه لنوران
أمجد :- يي هاي يمي وتعال ارجع شبيك جنك ميتلك واحد
أيدن :- وينك انتّ
أمجد :- باوع بلمرايه امشي وراك
أيدن :- خوش
نزل أمجد ؏ الشارع الفارغ ونزل ورا ايدن طلعنه ثنينه وبقت بس روز بلسياره تقدم علينه وحجه بعصبيه
أيدن :- شسالفتجج مخبله بهليل طالعه
ألين :- صوتك لا تعلي وبعدين خبرتك رايحه لنوران
أيدن :- مو هاذه ياسر يكلي مو يمي
أمجد :- ابو هلهوله هيد واتصل بياسر ليش كال هيج
طلع جهازه واتصل علي اخذه امجد منه وفتح سبيكر
أمجد :- هاا ما جانت يمك ألين مو
ياسر :- لك لحكت احجي اتصل عليه يكلي الين يمك كتله لا مو يمي وطب فصل لأتصال خل اكمل ماكو
أيدن :- كافي يلا سده
واخذه فصل الخط لوتني بطني لويه تذبح مشه الوجع لاسفل
ضهري لزمت بطني وطلعت جهازي اشوف الشهر شكد اصلا صارلي اسبوع من اجتني وهسا هوا هاذه وجعها
أمجد :- شبيها هاي
كعدت بلكاع وخليت ايدي كدامي وضميت وجهي بيها لوتني لويه بعد ماكدر أوكف ؏ رجليه دنكو ثنينهم عليه ونزلت تشوفني روز
:- شبيج بابا كومي شو كومي
أمجد :- بويه ألين شو رفعي راسج
روز :- اسمالله شبيها
ألين :- وخروو عني مابيه شيي
روز :- يي لعد شبيكي دختي
لزمت ايدها وعدلت كعدتي وحجيت
ألين :- ولج اطيب ؏ لهجتج
يحاجون بيه أيدن وأمجد وانا مجاهلتهم خاصه من يلمسوني اموت
كومني ايدن من ايدي كمت ونترتها وضربته بصدره حجيت بغضب
ألين :- شششبيييكك وخرر عننيي
أمجد :- خررب صوتج
أيدن :- يلعن هرمونات الدوره
بحلقت عيوني ؏ كبرهن اكره واحد يحجي بخصوصها وماحب احد يدري عنها وهيه عليه
مشيت للسياره وصعدت فتح لباب ودخل
ألين :- ددماغسسز شكوو تحجي هيج وبعديين متستحي مكللتت ممكن انحرج عوفني انا روز يمنهه مستحييتت امججد موجودد مخجللتت
:- ترا هيج هيه واضحه عليج من حركاتج والدوره معروفه بكل الكره الارضيه نذكرت بلدراسات وموجوده بلأكتروني وبلكتب وبلطب وموجوده بلواقع يعني ؏ شنو خجلانه لو تنحرجين انتِ انخلقتي هلشكل ولو ماكو دوره دمويه يعني ماكو اطفال ولا اجيال وزائد هرمونات الأمرأة هيه تتكونن من الدوره ف ؏ شنو معصبه
سكتت عنه لان كلامه كله منطقي رديت راسي لورا مشينه شويه وحجه
:- تردين اخذج لدكتورر ؟؟
ألين :- ليش بله ؟
:- مادري هسا نوجعتي حيل
ألين :- مو شغلك
دار وجهه وبقه يسوق ووجهه معبس وحواجبه بگصته ويتنفس بصوت عالي
خليت راسي ؏ الجامه وذهني شارد مادري وين حجيت بهمس ويا نفسي
ألين :- انا ليش حياتي كلها مو تمام ولا اي شي بيها مابي عله كل تفصيله بحياتي بيها ميله ولعبان نفس اريد اعيش مرا وحده جانب واحد اريده الي انا أتملك بي فقط انا
وصلنه للبيت اول منزلت گبل بوجهي لغرفه الجهال لكيتههم ماكو
دخلت لغرفتنه لكيتهم همه وهاجر ويلعبون بمكعبات باوعتلي
ضحكت وسديت لباب ورجعت نزلت لاكاني ايدن بلصاله
تخطيته بخطوات سريعه بس اريد الوح الهوا اريد اتنفس
خنگه لزمتني مو طبيعيه
طلعت للحديقه ومخليه أيدي ؏ كلبي وأفرك بي بقوه
والغصه تاخذني وترجعني اروح وارجع بمكاني
باوعتله اجه باتجاهي يمشي سريع شفته
وحسيت أنهاريت ردت اوكع حجه وهوا يتقدملي بسرعه
:- لا لا لا
لزمني مخلاني اوكع
:- لا لا فدوه لا تنفسي حبيبه عمري انتِ
بجيت وادگ ؏ صدره برخو
ألين :- ايدن لو تموتني لو تنطيني حبوب منووم ماكدرر هاي بنتي بنتي اناا
وأشر ؏ نفسي خله خده ؏ خدي وحضني مثل جوري
عيني راحت ؏ شباك غرفتنه وشفتها واكفه تباوعلنه بتعدت عنه ودفعته
حسيت نفسي خاينه مادري هيج احساس راودني وكأن أنا من النسوان ليخربون بيوت غيرهن
حركاتي كله وكأن راح افصل عن العالم تقدم عليه وحجه
:- ديري بالج تفصلينن خليج بووعيج خوش
غمضت عيوني بلعت ريگ وهزيت راسي بلموافقه
:- متردين احد يلمسج مو يلا گومي
حجيت بتلعثم
الين :- بس بس روح يم مرتك وجيبلي الجهال حبابب
كومني من أيدي :- دكومي هسا كومي
مشيت ويا ودخلنه للبيت صعدت للغرفه اول مدخلت حجت
هاجر :- ماعرف بشنو اجازيج ولله العظيم سويتي هواي الي وانتِ كلشي متعرفين عني برئتييني وحميتي بنتي وربيتها وكبرتيها شنو ما اسوي ما أكدر انطيج حق السويتي الي وهوااي ممنونه الج
فقط ابتسمت وباوعت لجوري من كالت
جوري :- ماممي سووييت بيتت شوفي
رحت يمهه شلته وبسته :- يحلاته لبيت من ايدج
كام كرم ورافع ايدي يريدني اشيله
كمت وحضنته ؏ گلبي
ألين :- يروح أمي انت
هاجر :- ههه يحبونج مع ان كرم ماصرله فترا وياج
جوري :- اتيي منو ؟؟!
هاجر :- انا امج يعمري امج
جوري :- لاء ما اتي ماما مامي ايين
نزلت دموعها :- ولله امج
شالت المكعبات وركعتهن بلكاع بعصبيه
جوري :- مااكوولين امججج اتي ممملليه ماعرفجج
واجتي حضنتني
ألين :- هاجر ارتاحي انتِ اكيد تعبانه
أيدن :- يي صدك خلي اخذهم انومهم بغرفتهم
دنك شال جوري وطلعت ويا بيدي كرم حاضنته ؏ گلبي
أيدن :- ما يقبل هاجر تقرب منه
ألين :- سند ؟
أيدن :- ايي
ألين :- ليش مو هوا عايش وياها جان
أيدن :- مادري ولله يخاف منها ولكأنُ يعرفها
دخلنه للغرفه حط جوري ؏ سريرها
ألين :- روح يمها خليهم انا انومهم
خله أصبعه ؏ حلكه وگال :- اششش ولا كلمه
ألين :- كوم جيبلي ملابس اريد اسبح
:- وانتِ شبيج ؟
ألين :- عيب ادخل عليها وههي تعبانه بما ان غرفتك تكدر تدخل وتطلع بدون اي احراج
:- ليش مو هيه غرفتج ؟؟
تنهدت ونزعت العبايه اريد ادخل للحمام طفر لزمني من أيديه ولواهن ورا ضهري
:- ميصير تسبحين من اول يوم
ألين :- انا ماتحمل اصلا اسبح بليومم ثلث مرات
:- لج الرعنه تتمرضين ميصير
ألين :- وهسا شنو تريدني ابقه بهاي ملابسي
:- انا مو حذرتج متلبسيهن ؟
ألين :- وحلفت اشكهن ومشكيتهن
لزمها من الصدر وشكاها ؏ طولي
:- وهاي ماخلفت بيميني
ضربته ؏ بطنه بوكس ودخلت للحمام وقفلته
سبحت شويه وندگ لباب
:- جبتلج ملابس واشياء تحتاجيها
ألين :- عوفهن هنا وروح يم مرتك ومحد كايلك تجيبلي احتياجاتيي الخاصصهه
:- هوا انا يم مرتي
فتحت لباب واخذتهن منه
ألين :- يلا روح اريد انام
:- تنامين بلحمام ؟
ألين :- لا بس لو طلعت وانت موجود ادري مراح انام
:- قصدج اذا انا ما موجود مراح تنامين
ألين :- يي بلضبط عفيه عليك جبتها بلهدف
سمعته يسسولف ويا الجهال
:- يلا بابا تعالو انومكم هاي أمكم مسودنه كلش ليوم
خلصت سبح وطلعت باوعلي واشرلي ؏ الميز
:- اخذي من هذولي الحبوب
ألين :- اخذ منهن انت اذا تريد انا مو بعازتهن
:- كلشي ماخذته بلعناد الرعنه
ألين :- تسوي عود مهتم بيه ومادري شنو لا عيني ممحتاجه اهتمامك
أيـدن :- ألـين
ألين :- همم ؟
أيـدن :- أطلعي من حياتي او بلاحرا طلعي من راسي
بقيت اباوعله وساكته
:- وحتئ انا يمج افكر بيج
ألين :- شنو قصدك اطلع من حياتك
:- تدرين بكل لحضه اتمنئ ما شايفج ولا أعرفج
ألـين :- شتريدني اسوي هسا ؟؟!
رخت ملامحه وبانت ؏ ثغره أبتسامه خفيفه
:- نامي بحضني حتئ أشبع منج ومن عطرج وبس لتسوين شي ثاني
ألين :- تحبني ؟؟!
:- شنهو احبج ، لا شي اكثر
ألين :- وهاجر ؟
رد بلهفه
:- هاجر أحـبها نعم واموت بيها
ألين :- وأنا ؟
:- مو جاوبتج
ألين :- ليش كاعد يمي ؟ وهاجر صارلك سنين مشايفهه وهسا اجتِ
:- لان مريضه خاف يصير بيج شي
ألين :- مو مريضه وما يصير بيه شي ولا محتاجتك
:- لا محتاجتني ومريضه
ألين :- مابيه حيل اجادلك أطلع برا
:- شوفي حتئ صوتج مو عالي مريضه
ألين :- مو كتلك مابيه حيل اعلي صوتي ومابيه اجادل اطلع برا
راد يحجي ونفتح لباب ابتسمت وحجت
هاجر :- اسفه قاطعتكم بس اريد ايدن بشغله
باوعلها هز راسه وطلعو ثنينهم
شسورت شعري واخذت لابتوبي وملفات ونزلت للمطبخ
سويت گهوه خلصتها وسحبت كرسي وكعدت ؏ طاوله صغيره
صايره بطرف المطبخ شغلت الابتوب وأشتغل وصلني
مسج من حسين كاتب
حسين :- ها كاعده ، اكلج اريدج بموضوع
كتبتله :- باجر موجوده بلمكتب
حسين :- لا هسا
:- خوش احجي
حسين :- اكو شفره تكدرين تحلينها بذكائج
:- ليش انت شناقصك ماتحلها
حسين :- حاولت وحتئ عندي اصدقاء يعرفون بخصوص هيج مواضيع مكدرو هكر بس انتِ ادري بيج ذكيه تكدرين
:- دزلي المشفرات واشوف ما متاكده اذا اكدر افتحها
دزاهن وبقن يحملن شويه نفتحن وبقيت أرتب بلكلمات ساعه
كامله واحلل وانطي لحد محسيت راسي صار بوشه يلا كدرت
الكلمات موثوقه من شبكه ارهابيه لشخص معروف
خلصتهن ودزيتهن اله اول مشافهن بقه يتشكرني ومبين فرح
اخذت نفس بتعب سديته خليت راسي ؏ الطاوله ومغمضه عيوني
اكره اليل لان راح يبدي يوم جديد الي واكره الصباح لان راح يجي ورا اليل رفعت راسي ولكيت ايدن كاعد مقابيلي ركصلي بـ حواجبه ومبتسم بخبث
:- خفاش مو بيدج
بدون ما جاوبه كمت غسلت الكوب واخذت غراضي وطلعت من المطبخ
يمشي وراي :- باجر نعدل الغرفه البصف غرفتج وتصير لهاجر
ألين :- ماكو داعي أصلا انا مراح ابقه هنا باجر ورايحه
لزمني من ايدي وفرني عليّ
:- شنو شنو ؟
ألين :- ايدك شيلها
لزمني من فكي وحجه :- مو بكيفج فاهممه متطلعين خطوه من لبيت
ضربته بظهر ايدي راشدي بكل قوتي حجيت من بين اسناني
ألين :- اناا روحي طالعه وهاذه جايينيي مسوي الزوج الغيور انعلبوك لا ابو حتئ السواك زلمه براسي
خزرني بعيونه ويحرك بفكه بعصبيه هز راسه وراح لغرفته بعدي اريد افتح لباب وماحس الّ ايديه مقيددات لورا
حجه بفحيح :- أشش ولا حركـه
ألين :- شرشبيلل وخرر عنيي حيوان
سحبني لورا ودخلني بلغرفه لعلساس باجر لهاجر سحب
كرسي وكعدني عليّ سد حلكي وققيد ايديه وبعدين
رجليه بحبل جبير لفا عليه لف
وانا بس خازرته واعيط ماحس ألّ ضربني راشدي صار صوت باذاني من قوه الضربه مستحيل الوجع حسيت خدي نشل تخدر راسي افتر فر
رجع ضربني راشدي اقوه من القبله راسي فتل من الوجع وبده يضربني راشدي بضربات متتاليه وعيونه ناطات وحمر حسيت مو بشر كدامي وحش مدا يشوف گباله غير خدي والضرب
اخر شيء ضربني ؏ بطني بوكس تشنجت من قوة الضربه حسيت اعصاب وجههي وكفت
طلع وسد لباب بقوه شمرت روحي من التشنج وكعت صفح ؏ وجههي انا والكرسي نممل يمشي بجسمي مو دم
ريت دمعه وحده نزلت من عيوني ماكو الغرفه جانت ضلمه وضواها خفيف كلش حسيت نفسي فضت من الدم
بطني الوجع ينهش بيهه بكل شراهه متت روحي طلعت
ردتت ينغمي عليه ماكو ردت عيني تغمض لو اموت ماكو
بقيت ساعتين متتاليات أنا ؏ هاذه وضعي لحد مشفت
ضوء الشمس يطل من الشباك
حسيت روحي هدئت سمعت صوت الأذان يكبر شكد رتاحيت
نفتح لباب وشفت رجليه وهوا يتقدم عليه عدل الكرسي وفتح
الحبل مني وكل هاذه وهوا لا نطق بحرف ولا يباوع بوجهي
وهوا اذا أسولف ويا الكا مخلي عيونه بنص عيوني بلعاده
اخر شي باوع بعيوني وشال القماشه من حلگي كمت وجسمي كله يرجف لعبانه نفسي من نفسي فتحت لباب وطلعت توجهت للغرفه اريد اخذ ملابس
أيدن :- خليتلج بغرفه الجهال
بدون ماباوعله توجهت لغرفتهم فتحت لباب ولكيت حور يمهم كاعده ؏ السجاده وتسبح اول مشافتني شهكت بصدمه
خليت أيدي ؏ حلكي اسكتها توجهت للحمام ومكدرت اكمل
مشي وكعت وبقيت واعيه فقط أختل توازني طفرت هيه
بخوف مديت ايدي ابعدها
رجعت كمت بوحدي بصعوبه ودخلت للحمام نزعت ملابسي الصارن عباره عن قطعه دم لازمه بوري الدوش اثبت نفسي مخليه الدخان يبوخ من حرارة الماي
لحد محسيت ارتاحيت نوعاً ما لبست ملابسي وطلعت لكيت حور مخليه ايدها ؏ حلكهاا ودموعها تنزل بسكوت ضحكة بصوت ورحتلها حضنتها وبستها
ألين :- شبيج هسا عرفتي شبيه حتئ تبجين ،؟ هاي انا احياناً من تجيني العاده هيج يصير بيه
حور :- لعد وين جنتي
ألين :- مادري بروحي لبارحه اشتغل بلغرفه الفارغه ومكدرت اطلع واتحرك من التشنجات
حجت بجي مختلط برهبه
حور :- ولله خفت عليج
ألين :- يمته يجون العرسان
حور :- بـ 6
ردت احجي وانفتح لباب دخل ايدن فرك عيونه يبعد انضاره عني
:- يردونجن جوه
هزيت راسي ودرت وجههي ؏ المرايه وهوا طلع وسد لباب
باوعت لوجهي اثار الضرب ؏ خدي مطبوعات ضحكة وحجيت وانا اتحسس خدي
ألين :- سياج بنص حرب كتالتي الصوبين
حور :- ها؟؟
ألين :- لاماكو شي احجي وي روحي
حور :- عود انا ليش احبج هلكد ؟؟!
ألين :- ييا چا ماتدرين هاي لان انا احبج
حور :- فديت الچا وهلها
ألين :- كعدييهم خل اسبحهم وننزل سوا
حور :- لا انا اسبحهم عوفيهم انتِ تعبانه
ألين :- لاتعبانه ولا بطيخ سبحي جوري وانا اسبح كرم
حور :- خوش لعد
راحت كعدتهم وهمه يكيفون يكعدون خاصه كرم مرات جوري تغفل بس هوا لا
مدتلي ايديها جوري ومبوزه حلكها عود تعالي ابوسج ضحكة ورحتلها ادغدغ بيها وههي تضحك وتفلت بروحها مني
جوري :- ولك سسندييي حمييني
كام ويسوي بايدي حركه البوكسينج
كرم :- ياحح ييا يا ياحح
وطفر صعد فوك ضهري شلته وخليته بمكان جوري وأعضعض بي بطنه بخفه وهوا روحه مفرفحه من الضحك
جوري :- ولج ياعيني تعبيتيي
بسته بخده حيل :- ممممححح
وشلتهم وحور ميته من الضحك ؏ ضحكهم
دخلتهم للحمام سبحناهم وطلعنه لبستهم ملابسهم نفس الون ونزلنه جوا سوا لكيتهم كلهم مجتمعين بلصاله عفت ايديهم وركضو لابوهم يبوسون بي
قاسم :- تعالن نسسمم يلا مدام نزلتن
حور :- علساس انت منتظرنه
قاسم :- كلهم منتظرين العرسان وانا ادري بيجن مثلي متتحملن اله تتريكن كلت يلا هنه بقن بس صخلتين خل أنتظرهن شوراي فوگ ما افكر بيجن
حور :- لو ما انت صخل جان ما انتظرت صخلتين تتريك وياهن
قاسم :- مليكه شوفي وتكولين انتّ ماتكعد راحه
مُلكيه :- چا المكروده شمسويه بس قصفتك
قاسم :- هوا احنه فلحنه مادام مليكه تعرف قفصتني وقفصتك
دلمار :- قفصتني لو قصفتني
قاسم :- مو شغلج بطول زري وجاي تعلمني الحجي ولو ماعدنه وحده طويله خو ألين منها واكطع
بدون ما اجاوبه تخطيتهم ودخلت للمطبخ لكيت معصومه
ألين :- صباح الخير
معصومه :- صباح الفل تعالن تريكن يلا
ألين :- عوفي انا اكمله
معصومه :- خلصت بس اخلي ؏ السفره الكم
ألين :- وين تريد تخلينه
معصومه :- بلصاله
ألين :- لا عوفي انا اجهزه
معصومه :- يلا خوش بس ديري بالج
هزيت راسي وخليت الريوك ؏ الطاوله لان هوا بس احنه لثلاثه والجهال ميتريگون غير الحليب وفواكه وهم يبقون شويه يلا يجون يطلبون اكل اذا انا أجيبهم ولا يخلون لكمه بحلكهم
دخلو حور وقاسم يطگ اصبع
قاسم :- هِلاء هِلاء ، يبببويي ريحه الاكل ترد الروحح ولا هلصباحيه بهيج وجوهه نفسيات عوزهم بس ما ينفجرون
كعدو ؏ السفره اكلت بدون نفس وقاسم مخلصه يتدارم وياكل خلصنه شلت السفره وغسلت المواعين خليت الهم حليب بكلاصات وفواكه كصصتها الهم خليتهن بصحن واخذتهن الهمم للصاله خليته كدامهم وكعدو ياكلون
ميعاد :- وهيه هاي لو بيها حض جان انتظرت اختها العروس وتريكت ويانه
هاجر :- تؤ عيب انتِ شعليج بيها تسوي اليعجبها
مُلكيه :- شو تعاي أم الچا شماله خدج هاذه
انا جنت قريبه منها تلمسته وحجيت
ألـين :- مابي شي جنت نايمه و طابعه بي المخده
مُلكيه :- أنتِ شو شبيج ليوم ماطلعلج صوت خاف مريضه ولج
ألين :- مادري يعني شكلج مو مريضه ولا شي
معصومه :- عيونج داير مدايرهن حمر
ميعاد :- بالغتو يعني شبيها لو مريضه كاعده ويانه هسا
قاسم :- ترا ولله عدا الشقه بيها شي هادئه بشكل مو طبيعي
مانحس الا أمجد يدخل وصوته يرعد من العصبيه كلها كامت وتباوعله وصل أيدن زنگه من ياخه قميصه وضربه كله براسه بقوه
أمجد :- ابـببن الچلــببب ايدك اكسرها الك
وضربه بركبه رجله ؏ بطنه تقدم قاسم يفرقههم وايدن مدله ايده يمنعه واحنه كلشي مفاهمين نهاد اخذت الجهال ودخلتهم لغرفه الحجيه والبيت صارلك صياح
أمجد جاب ايدن بوكسيات ؏ بطنه وخله وجهه كله يصب دم وايدن ولا رفع ايده ومنعه
اخر شي رفع رجله وضربه براسه بكل قوه وكع ايدن دنگ علي يريد يضربه بطنه وطفرت صرت مقابيل ايدن وحضنته اجتِ الضربه بضهري حسيته نقسم نصيين كتمت صرختي وخليت وجهي بصدر ايدن من الوجع
أمجد :- لجج ألـييين
ودنك عليه يسحب بيه عليّ وايدن لزمني وحاضني علي بقوه ويغلط ؏ امجد
:- خرربب بايدك يلثورر ڪِٰ**** ماا تشوفف ، شو رفعي راسج ، يا طايح الحظ ضربته حيل
أمجد :- اسسكت انت لا أحفر گبرك بيديي الچلب ابن الچلب
وخرت من حضنه ودرت وجهي ؏ امجد ابتسم ابين مانوجعت بس انا ضهري يصل من الوجع وأتوقع الفقره نكسرت لا ولله نكسرت شويه عليها نطحنت
باسني بخدي وحضني حيل علي
أمجد :- كسر بيديي شللون نمدت عليج
ألين :- عادي مبيه شي
مُلكيه :- تتسودنتوو شبيكمم هذول انتُ الصححبان هيج تسون چا للعدوان شخليتوو
درت وجهي عليها وحجيت
ألين :- مافد يوم اجت الطعنه من العدو كلهن من أعزازنه
مُليكه :- يي ولله ييمه كلهن من العزاز ، ولكم اخذوها كوموها خاف نكسرت وعلي الا أذبح الواحد واحط بي ملح اذا صايرلها شي
ألين :- مابيه بس همه ملزكين بيه اكدر اكوم بس خليعوفوني
عافوني ثنينهم وانا كمت واردد بگلبي ان انا قويه مالازم انكسر من هيج ضربه
وهمه ؏ گعدتهم دخلو العرسان مبتسمين اول مشافو منظر ايدن اختفت ابتساماتهن ركض ياسر لايدن ويمسح بوجها
ياسر :- هيوو شبيك
:- صبغ صبغ مو دم
باقر :- تغشم روحك شنوو هاذه ددم
بيبي طلعت الجكليت وصارت تشمر ؏ العروسات ويهلهلن وطنشنه ايدن وامجد
كعدن بلصاله ثنينهن طلعت جوري هيه شافتهن وطكتلها هلهوله وكفت بلنص وتركص وتغني
كلها بقت تحضك عليها كام ايدن صعد شويه ونزل سابح وامجد سلم ع لبنات وباركلهن وستأذن وطلع وماعرفنه شنو سالفتهم ولا على بالي أصلا
دنكت يمهن وحجيت :- رايحه للمكتب عندي شغل شويه واجي ديرن بالجن ؏ سكر وسند
هزن روسهن ثنينهن وانا صعدت فوگ لكيت قاسم ودلمار والشغاله حلا ينضفون بلغرفه لعلساس الهاجر
تخطيتهم ودخلت اخذت ملابس بدلت اريد افتح لباب نفتح ودخل
لزمني من كتفي ورجعني لورا سد لباب وباوع بعيوني
:- هيج راح تعاقبيني ؟؟!
ألين :- عفوا ؟؟ ؏ شنو اعاقبك
:- لج لبارحه لبارحه وصلتج بحلك لموت من الضرب ليششش هيج هادئـه فهمينيي ليشش ما اخذتي بحقج وورجعتيليي الصفعاتت اضعافف موو الين الاعرفه انتِ ابداً
ألين :- شبيك انتّ متحلم بيه يمته صار هيج حجي يمته ضربتني وع شنوو ولببارحه هم ؟؟
فتح عيونه ؏ وسعهن وهزني من اكتافي
:- لجج لاتلعبيين براسيي تراا سوالفج هاي متشمي عليه نسيتيي شنوو
حجيت بهدوء تام :- اووي شبيك منفعل ترا ادري بيك دتشاقه ، ويلا اخرتني دير بالك ع الجهال
ربتت ؏ أكتافه وطلعت طگكت فكي السفلي بمكر غيرت ملامح وجهي ونزلت امشي بهدوء
نسوان اربعه جانن موجودات ماعرفهن وياهن منار وعمه زهور سلمت عليهن من بعيد وكملت طريقي طالعه لبرا صعدت بسيارتي وطلعت اغنية ها يابه شگلنه مو گلنه ميحبنه اكثر اغنيه اسمعها بهلفترا لان تزعج أيدن
وصلت للمكتب ولاكاني حسين هستوا يدخل
حسين :- ها متأخره
ألين :- صباح النور
تخطيته ودخلت قبله لمكتبي دخلت وراي المساعده
:- اكلج حبيبتي ست ألين قبل شويه أجه واحد ترك الج ملف خليته الج بلمكتبه
ألين :- منو هاذه شو وينه
:- ابقي انا أطلعه
طلعته وجابته الي فتحته وقريت المكتوب بي رساله تهديد أبتسمت ابتسامه جانبيه وشكيته وشمرته
:- ليش هيج
ألين :- سخافه زعاطيط ، شلون جان شكله
:- ماطالع منه غير عيونه جانت ملونه وملثم وملابسه أسود
ألين :- أبو عيون اسمهه ههههه
طلعت وأنا بقيت اراجع بلقضايه لمستلمتها جانت بسيطه وعاديه ف خلصت بسرعه وطلعت للبيت
دخلت لكيتهم يصبون غده ولبيت مخبوص نسوان وجهال
لاكتني نهاد :- اجيتي بوقتج شعجب
ألين :- وين لبنات
نهاد :- بغرفهن
هزيت راسي وصعدت فتحت الغرفه لكيت هاجر وأيدن شايل كرم ومبين معصب
تقدمت عليّ :- يا حبيبيي يا منو وياك
شافني وشمر روحه عليه وضام وجهه بعنقي
كرم :- ببراا براا
درت وجهي وطلعت بي دخلت لغرفه نوران لكيت يمها حور ودلمار وبنات ثنين
ألين :- مساءوو
نوران :- اشرقتي
حجت بنيه :- هاي مرت أبنكم الثالثه ؟
ألين :- بشحمي ولحمي ليش
:- لا بس أسأل
ألين :- اذا هيج چا حلو
شلت كرم وشمرته لفوك وارجع الزمه لحد مراحت منه الطنكوره كعدت وخليته بحضني
ألين :- هاذه يشبه نوران بطنكوراتها
نوران :- يهنيالي اشبه سند جوري
خله ايده ع خدي وحجه
كرم :- لوحي جيبي سكر لاعوفيها هناك
ضحكة نزلته من حضني وكمت
ألين :- يلا انت ابقه يمهن وانا رايحه اجيبها
هزلي راسه وهوا يتثاوب اول مخطيت حسيت بطني ذبحتني من الوجع قبضه أيدي وصكيت ؏ سنوني طلعت وسديت لباب وكعدت من الوجع مكدرت اتحمل
جان صوت البيت داوي من الهوسه خليت ايديه ؏ أذوناتي وغمضت عيوني
نهزيت حيل باوعتله ياسر كاعد كبالي نص ركبه وعاكد حواجبه
ياسر :- شبيج ألين
كمت وحجيت :- مابيه شي
ياسر :- دخلت من باب لبيت لمحتج وانتي تكعدين باب لغرفه خفت لاصاير بيج شي
هزيت راسي بلا وتخطيته دخلت للغرفه لكيت بس أيدن مخلي ايده ؏ خصره وصافن انتبهلي ودار وجهه لجهه الثانيه
ألين :- جوري وين
اشرلي ؏ تحت المرايه ابتسمت من شفته كاعده وتلعب مكعبات
باوعت للجربايه منشفته مشموره عليها
ألين :- ليش تعوفها هناا ماتندل مكانهاا
ذبلت ملامح وجهه وتقرب عليه بخطوات يمشي بثگل
لزم خدي بأيد وحده والثانيه مخليها بجيبه
:- عن قصد تسوين بيه هيج ؟؟
ألين :- شمسويه بيك ؟؟
غمض عيونه وبلع ريگ
:- تقلبين الموازيين كلها لصالحج وبعيد عن الجنت اريده ومتوقعه منج
ألين :- بالله عليك شبيك ؟؟
حط جبينه ؏ جبيني
:- باععي ضربي كسري عصبي تمردي سوي كلشي بس هلهدوء ماريده مو صاحبته انتِ
سحبت الخنجر من حذائي ومشيته ؏ وجهه
ألين :- بلوقت المناسب العب الخنجر بيك هسا ماكو داعي
لزم أيدي ونزلها وقبض أيدي بقوه
:- من جوري يمج لاتسوين هلحركات
ألين :- أيي ؟؟؟! ،
:- احجي تذكرين لبارحه شصار لو لا
ألين :- جتي هاجر بسلامه ورحت لنوران واجيت انت تدور عليه ولاكيناك بلشارع نزلت وصعدت وياك واجينه للبيت ونومنه الجهال دخلت سبحت وانت رحت يم مرتك هاجر مدري ميعاد وهاذه هو بعد ما اعرف شسويت ماسويت
:- نعيد الموقف الناسيته وماذكرتي ؟؟
ألين :- عادي عيده بله نشوف يخص رجولتك لو تثبت انُ انت مجرد ذكر
رفع حاجبه وأبتسم
:- قاسيه
باوعت لزنده وحجيت
ألين :- القطعه ماهييه ؟؟
فتح عيونه بوسع ودار وجهه يدور عليها تحت المخاد خليته يكلب الغرفه رأس ؏ عقب وانا واكفه بلنص طلعتها من جيبي وخليت الخنجر عليها
ألين :- باوعلي وتلكاها
التفت عليه بسرعه خله ايده كدامه وحجه
:- لا ديري بالج بروح امجج التحت الترابب
شمرته علي بهدوء
اخذها وحجه :- شلون اخذيتها
ألين :- من اخذت منك كرم جانت مفتوحه ؏ الخفيف سحبتها ويا بدون مادري
دنكت ؏ جوري شلتها وطلعت بيها لكيتهن نازلات نزلت والكل متجمع بلصاله والولد ياخذون اكل للزلم
دخلت للمطبخ ولكيت دلمار تخلي اكل ؏ الطاوله
ألين :- ها لمنو هاذه
دلمار :- الي ماحب اكل وياهم ما تهنئ
ألين :- ولا انا الاكدر اكل وياهم ف خليلي وياج
دلمار :- مدي ايدج مدي ايدج لاتستحين مو بس انا اجهز
ألين :- يلا جوري روحي يم سند يريدج
هزت راسه وطلعت من المطبخ باوعت وراها لاكاها لزمو ايدين بعض وكعدو يم الحجيه توكل بيهم
كعدنه ناكل بس انا ودلمار دخل قاسم يفر بسبحته باوعلي وحجه
قاسم :- ترا هاذه الاكل مو طبخ بيت من المطاعم جبنا
جانت لكمه اكل بحلكي صفنت بي باوعت للاكل وطفرت
طلعت من المطبخ گوا متحمله خليت ايدي ؏ حلكي
وامشي بخطوات سريعه اريد اوصل لحمام ماكو
دخل ايدن وياسر والكل يباوعلي دخلت وتقيئت الاكل كله
طلعت لكيتها الأنضار كلها متوجهه عليه
تخطيتهم وصعدت فوگ اجتي دلمار تمشي وراي
دلمار :- وللجج يجذبب عليج ولله احنه طبخنا هناا اريد الحك احجي ماكو
هزيت راسي لان دخت
ألين :- خررب
دلمار :- غير لزمو ياسر وأيدن ثنينهم طلعو للحديقه لج غسلو غسل
ألين :- منو كالهمم هذوله
دلمار :- هوا بقه مفهي وراج يريد يححجي ماكو دخلو الولد سألو كلهم جذبت عليها و وكتلها اكل مطاعم هاذه شالو وطلعو للحديقه
هوا لبيت صاير كأن قسمين من تدخلين من برا للمطبخ متنشافين مثل هسا النسوان كلها بصاله
ألين :- روحي كملي اكلج
دلمار :- ولج تعالي كملي اكلج
ألين :- لابعد ماشتهي
هيه نزلت وانا كملت طريقي فتحت باب غرفه الجهال وتمددت ورا سريير جوري لميت رجليه لصدري وضميت راسي ضربه امجد لحد لأن توجعني وبطني ما بطلت توجعني دقيقه وانزف بغزاره بس مغلسه عن نفسي
صرت اشهك بدون وعيي وصوت ليان باذني وهيه تطلب مني اساعدها ، دم ملطخ لكاع ، صوت دوييي انفجار ، ضرب ايدن عصبيته
كلهن مرن عليه ادري بي حلم مو كدامي حقيقه وادعي انّ اكعد مثل كل مرا اغمض عيني وتجيني اصوات ودم لو انخطف بحيث اكره النومه
لحد ما حسيت بايدين تمسح بوجهي واصوات صياح الحجيه وهيه تكول
مُلكيه :- وللكمم شبيها تشهگ ، اسمالله احضرنه ياعليي لبت راح تموتت ولكم راح تموتت
:- بسس بتعدو عنهاا اشوفها شبيها لاتموتتتتت
نوران :- ألين فدوهه اصحيي كافيييي
كل هاذه اسمعه وماكدر افتح عيوني احاول بس ما اكدر اسمع شهكاتي وصياحهم
حسيت بأيدي الخشنات وهوا يضرب خدي حجه بخنگه
:- ولج بويه اصحي فدوة اروحلج ، لللك ييااسسسر وييين صصرتت
شهكت شهكه قويه ولزمت بتيشيرت أيدن افرك بصدري اريد الهوا يجيني ماكو
باوعتلهم كلهم ملتمين عليه ووجوهمم مخطوف لونها باوعت للمكان بلصاله وبنصه
خليت راسي ؏ أيده ولزمت بتشيرته استرخي حجيت بصوت تعبان
ألين :- رجعني للغرفه
:- ياغرفه خليني اخذج لدكتور
ضربته بخفه ؏ صدره
ألين :- كتلك اخذني للغرفه
مُلكيه :- ولج الصلفه خلي ياخذج شفتي روحج شصار بيج
ألين :- اخذني مابيه حيل اصييح
شالني وگام صعد للغرفه حطني ؏ الجربايه ولزمت بايده
ألين :- أبقه يمي الزم ايدي
كعد ؏ ركبه مقابيلي وخله شعري ورا اذاني
:- انتِ صدگ ماتذكرين لو شنو التريدنه ؟
خليت ايده تحت خدي وغمضت عيوني متجاهلته بقينه ساكتين لحد ما كسر الهدوء من كال وهوا يمسح ؏ وجههي
:- لا تنامين ماريد أحس مرا ثانيه بنفس شعوري قبل شويه
سمعت صرخه كرم طفرنه ثنينه نركض بادت رجليه وأنا اشوفه واكع من الدرج وراسه فيض من الدم باوعت لهاجر قريبه ؏ الدرج ومخليه ايدها ؏ حلكه. مصدومه
ركض أيدن سوه الدرج شبختين وانا ورا بس كون اوصل شاله
وركض بي لبرا وانا ورا حتئ بدون حجاب شعري طالع شمرت
عليه رقيه عبايتها اخذتها وخليتها ؏ راسي وانا اركض صعدت
واخذته منه وهوا مترعبل ساق بسرعه قسوا
لامته بحضني ووساكته ادعي بگلبي ان مابي شي اهز برجلي من التوتر نار ناشبه بداخلي باوع لرجلي وضرب الستيرنك بقوه
:- لاتهزريينن برجلجج
صرت اهز بيها اكثر بدون وععي مني من اتوتر رجلي بوحدها تهتز
غض نضره عني وكمل يسوق لحد ما وصلنه للمستشفئ دخلنا قسم طوارئ ركضو بي ودخلو للغرفه مخلونه ندخل يفتر بلممر ويهمس بينه وبين نفسه بلدعاء باوعلي وتقدم ناحيتي
:- تؤ تؤ ابقي اشتريلج حجاب واجي
راح شويه ورجع صار كدامي ولبست الشال وخرر اضرب بلحايط بخفه واكو ناس هواي يمنه كلها كاعده بس احنه بهلشكل متوترين شويه وطلع الدكتور مبتسم
:- ها دكتور
الدكتور :- مابي كسور وراسه اصابته مو عميقه وهسا بس يكعد تكدرون تاخذونه ومابي الا العافيه وهاك هاي الوصفه علاج بسيط مهدئ ومسكنات
ألين :- خيطتو راسه لو ميحتاج
الدكتور :- الضربه بگصته مو براسه وفقط ضمدناها
راح وانا حجيت :- يييلعن شكدد باردد
باوعلي وبلل شفته
:- فلذه هاي ثاني مرا حوبتج تصير بأبني وعزيز روحي
ألين :- متعود تخلي لوم براسي
:- تؤ مو لوم دا اكول ثاني مرا حوبتج ماتخطيني
ألين :- وعسا ما تخطيك بس مو بسند قلبي بيك انتّ
:- حتئ ماجربتي تسأليني ليش سويت بيج هيج البارحه
ألين :- مشكلتي مو فضوليه بهيج امور سخيفه
:- سخيفه ؟!
ألين :- اينعم كلشي يخصك سخيف
دار وجه ضحك وفرك وجهه بأيده
:- تغشمين نفسج لو تغشميني ؟!
ألين :- مادري اذا تشوف نفسك قشمر ف انت قشمر
كرصني بيدي وحجه بهمس من اجه الدكتور
:- سكتي
الدكتور :- يلا هسا تكدرون تدخلون تاخذونه
تقدمت قبل أيدن دخلنه ردت اشيله حجه
:- شيلي روحج نوب شيلي
تقدم اخذه وانا عوجت حلكي وطلعنه من المستشفى اخذ علاج اله وكرم خانس مابي حيل يحجي صعدت وانطانيا بسته بعيونه أبتسم وحضني وغمض
:- يبعد عيني بطلل أبني بطل
وصلنه للبيت والكل منتظرنه بلصاله اول مشافونه كلها طفرت من اماكنهم واجوي لينه
ياسر :- شو نطونيا ، بقاسم ولا بيك
مُلكيه :- صابتنه عين
ميعاد :- منين صابتج عين هيه من اول مدخلن رقيه ونوران البيت تنحس
هاجر :- مميعاد متستحين علأقل احترمي وجودهن
ألين :- داده لا تفوتج مشاويرج خفي علينا لا لسانج اگصه
ابدا ممرتاحه لميعاد بهلفترا تطلع طلعات بحيث حتى لو تاجره ما تطلع بكدها نوب اليشدهني اكثر من تطلع تبقه تتلفت بلبيت تدخل للبيت
بلختلات ومن يسألونها ليش منزلتي وشو مالج بينه تكول
جنت نايمه لو اسبح مراات تنطي علم لأيدن ان هيه طالعه
اذا تشوفه ميطلع من البيت
ماشوف أيدن هواي مهتم لأمرها وبنفس الوقت احسه يدري بيها وبطلعاتها وعنده علم بكلشي
اخذو الولد ويلعبون بي وانا طلعت للحديقه بما ان صارت عصريه والجو حلو اجاني صوتها من وراي
هاجر :- حامل ؟؟
بدون ما دور وجههي عليها حجيت
ألين :- لا
صارت بصفي وقهقهة بخفه
هاجر :- هواي مثلج متكول عن حملها خاف لا تنحسد لو يصير بلجنين شي ف أعتقد انتِ منهن
غمضت عيوني ردت احجي سبقتني
هاجر :- تقيئج وقت الغدا ودوختج العصر وجهج تعبان وكلشي بيج يدل ؏ اانُ انتِ حامل
هزيتله راسي ودرت وجهي مالي خلك اناقشها ولا أني من النوع لاحب ابرر بمواضيع تخصني
دخلت للمطبخ لكيت ايدن يسوي گهوه
:- ليش أيدتي كلامها وما حجيتي الحقيقه وانُ انتِ مو حامل
تنهدت وحجيت :- ڪُلش اڪرۿ شخِـص يستخف بأشيـِاء تهمـَنيـہٰ .
حجه يمط بلكلمه
:- يبعد چبدي
ألين :- ملاحظ تصرفات ميعاد مختلفه
:- لا ما ملاحظ
من جاوبني رأساً تأكدت منه يعرف ويدري عن كلشي بس كلت انبهه افضل من ما اكون ساكته
صب الكهوه بكوب
وكعد يشرب ويباوعلي وساكت كلشوي يبوزلي حلكه لو يغمز
:- أنتِ كئيبه
ألين :- وجودكم سبب كافي للتقيئ مو بس للأكتئاب .
:- يبعد عيني
سحبت الكوب وحجيت
ألين :- شو بله جيب اقرالك فنجانك
:- ييفدوه منو معلمج هاي السوالف
ألين :- خالتك الشگره
تغيرت ملامح وجهه وحجه وهوا يكز ؏ أسنانه
:- انا مو كايل لجيبين طاري هلحجايهه
كمت وشمرت الكوب بوجه بس مدري شلون وبحركه سريعه لزمه ملحكت أتفاجأة گبل شردت من المطبخ لاكتني نوران
نوران :- شبيج تركضين
ألين :- وسم ركعت الكوب بوجه ايدن
شهكت وباوعت وراي
ألين :- لا بس لزمه شردت لان ماتعور
نوران :- نوب تريده يتعور الزفره
ألين :- زفره بكصتج وين رجلج
نوران :- يم ابنج
ألين :- رقيه وين
نوران :- صعدو فوك هيه ورجلها
ألين :- جوري وين
نوران :- يم الحجيه
ألين :- شرشبيل وين
اجاني صوته
:- وراجج
درت وجههي عليّ
ألين :- ولله انعل ابوك بس تتقربلي
:- افوتها الج ؏ مزاجي بس اشوف تاليتج بله وين
غنية بطريقه مستفزه
ألين :- نساني وخيبب ضنوني حبيبيي
نوران :- ايدن تريد تستفزك عوفها وروح
:- بطول زري وين تستفزني
عفته ورحت يم الحجيه مر سسبوع وسوينه حفله النوران ورقيه وروز اجه عمها واخذها بتت يمها قبل لتروح وأيدن طول هلفترا متخبل يريد يعرف صدك ما اتذكر هذيج اليلله لو كاعد العب عليّ
وهاجر تحاول تتقرب من جوري وسند وثنينهم ميردوها وهيه تكتل روحها بلبجي وخاصه سند حتى يخاف منها يتسودن بس يشوفها يمه وحيل تعلق بيه لدرجه وين ما روح ميعوفني وأيدن ابدا ميروح للمركز وصارت عنده لحيه وشعره طول وتغير شكله جذريا
ليش ما بيوم جنت بلمحكمه اول مخلصت وطلعت رن موبايلي شفته المتصل شرشبيل
رديت علي جان يجيني صوته ليرعد من لعصبيه
:- تججيين بسرعهه خووش
كتله :- خوش
وسديته صعدت سيارتي ومجاهله عصبيته وصلت للبيت دخلت ولبيت صايرلك قيامه من الصياح واحد معصب والثاني يرفع والثالث يكبس شافني أيدن وحجه
أيدن :- مييعاد ماهيهه
ألين :- شنو ما هيه من يمته
:- ولجج من الصبح ماكوو شارده ماخذه كل غراضهه وبايكه فلوس الحجيه وشارده
عوجت حلكي مامستوعبه
ألين :- شبيها هاي ، لا خاف مشتبهين لو طالعه لو شي
ياسر :- يختيي ياطالعه دانكولج ماخذه فلوس وغراضهه وشارده
ألين :- ايي لعد ماتدورون عليها شعدكم هنا
عاط بعصبيه
أيدن :- وللجج تعرفين شنو من الصببحح
مُلكيه :- ولك لاتصيحح
ضرب الكرسي برجله :- ششنو. ما صييححح ويين اختففتت دوريات سيطراتت كلهااا تدور عليها ماكوو فص ملح وذاابب
باوعت سند موجود
حجيت بهدوء :- جوري وين
كلهم دارو تلفتو باوعلي ايدن وفتح عيونه بوسع
ألين :- ديير بالك احرگ البيت ؏ راسك والله
ياسر خله ايديي ؏ راسه
ياسر :- ولكم الطفله ماهيه من الصبحح ماسمعت صوتهاا
صحت بصوت بلكي تسمعني وتجيني
ألين :- جـــــووووررييييي
ركض ايدن لفوك والكل تفرق يدور وانا ماريد استوعب واكفه بمكاني ولا تحركت
تقربت يمي نوران وهيه دموعها تنزل
نوران :- اكلج هاجر حركاته مو طبيعيه وكلشوي اشوفه تباوعلج وتبتسم
خليت اصبعي ؏ حلكي
ألين :- أشش أشش ماريد صوت
تاكل بأضافرها وراحت تمشي بخطوات ثگيله حتئ هيه ماتريد تستوعب
دنكت ؏ جهازي الي رن يعلن عن وصول رساله وصلتني ؏ الخط شلته وجان مكتوب بي
:- تردين بنتج ترجعلج اليوم وفورا تتطلگين من أيدن
كتبت منو انت ردت لحيت ماكو بحثت عن الرقم محذوف ركضت بلجهاز لفوك لاكاني ايدن
ألين :- طططلگننييي هسساا هسساا يييلااا
هزاني من كتوفي :- ششنو اطلگجج تخبلتييي انت وكتت هلسوالفف
ألين :- وللكك الخاطففف جورييي يريددد تطلكنيي يلا يرجعلي بنتيي
:- ششنوو. خاطففف شنو خاطففف
راويته الرساله اخذ الموبايل مني وبقه صافن بيها...
يتبع
الباقيات الصالحات
- الحمدالله
- أستغفرلله
- سبحان الله
- الله اكبر
- أستغفرلله الله واتوب اليه
- اللهم صل علئ محمد وال محمد
- سبحان الله وبحمده
- أستغفرلله الذي هو الحي القيوم
- لا اله ألا الله
حففزونيي للتكملهه يلربع + تصوييت + تعليق بين الفقرات
6035 كلمـة ماستاهل تفاعل؟؟؟؟