اصايل < كانت منقهرة من فديوهات ريماس معه وذابحتها الغيرة
اصايل: اي طبعاً موافقه وليه ما اوافق
سعد: بيجي يوم وينحرق قلبك مثل ماحرقتي قلبي
نجد على طول اخذت الجوال منه
نجد: الله يوفقك ياقلبي ويكتب لك الخير
اصايل: امين وسكرت
ماتت صياح حست نفسها خلاص قرارها ماعاد فيه رجعه الناس بدت تنشر موضوع الخطبه
خافت ان سعد يكرهها ماتبي يجي يوم ويكون لها كرهه صح انو اختارت احد ثاني بسس داخلها كله ينادي باسم شخص واحد وهو سعد
—
جاء العيد
وكان في بيت الجد ابو طلال والكل مجتمع عنده
والشباب يدخلون يسلمون على الجدة
ريماس : طبعاً٢٠ مره تدخل يعنني ادخل بالغلط "عشان يشوفها سعد "
سعد: الي حس ان العيد ناقص بدون شوفة اصايل وكان بعالم ثاني كل ركن ببيت جدته يذكره بـ اصايل ومواقفهم مع بعض وطفولتهم
جت مكالمه فيديو من شيخه تبي تعيد على خواتها واخوانها
نوف: هلاااااااا كل عام انتي وبخيرررر
شيخة : يامرحبا وانتي بخير وصحة وسلامة
اجل رحتو ماشاء الله عند امي عطيني اسلم عليها
وجهة الكاميرا يم امها :
شيخة : هلااااا واللله كل عام وانتي بخير كل عام وانتي شمعه تنورنا بنورها يالغاليه
ام طلال: وانتي بخير ياقلبي والله ان مكانك خالي
اصايل: كل عام وانتي بخيررر ياجده مفروض ماستقبلتيهم هالسنه قلتي عيد بدون شيخه وعيالها مافيه
صوووت اصايل كان مثل البلسم بقلب سعد وهو يسمع
ام طلال : والله انه نااااقص يابنيتي تجونا ان شاء الله ويصير العيد عيدين ياحبيبتي
شيخة : من عندكم من جا
ولفت الكاميرا على الكل
محمد: كل عام وانتي بخير ياخاله
زياد:: من العايدين ياخاله
شيخه : يامرحباااا وانتم بخير ياحبايب قلبي
سعد: كل عام وانتم بخيرر يا اهل مانشستر
شيخة ياحي هالصوت وانت بخيرر وصحة وسلامه يالغالي ياويلك
محمد ونجد: فهمو كلمة سعد واوجعتهم قلوبهم كيف يطريها دايم
انس : كل عام وانتم بخيرر جميعاً
الكل بقلوب فرحانه بصوته
وانت بخيرررررر وصحة وسلامة يااااااااااحبيبنااااا
دخل بـ هاللحظه راكان وابو طلال
نوف: اوووووه حماته تحبه جا على مكالمة الحبايب
راكان: وهو يبتسممم ماهو انا مارحت واخترت حماتي الا وانا متاكد ان عمتي تحبني
سعد: كان يشوووف راكان و مو متحمل شوفته يحس يمشي على قلبه
ابو راكان : بعد ماسلم على الموجودين
اخذ الجوال هلاااا شيخه كل عام وانتي بخيررر
شيخه وانت بخير يالغالي وين ابوي مو معك
ابو راكان راح لعمتي يسلم عليها ويعايدها
راكان : من العايدين ياعمه
شيخه : من الفايزين ياحبيب عمته
راكان : كيف الحال بشريني عن انسسس
ابو راكان: وده يقول وش اخبار اصايل بس مستحي هههههههههه
شيخه : كلنا بخير ياربي لك الحمد
سعد : طلع ماتحمل الوضع
عيدو وكلن رجع بيته
—
خامس العيد وهو رجعة عايلة ابو انسسس
الكل كان فرحان ويجهزز لهم استقبال
العشااء ابو راكان كان متكفل فيه لسلامة انسس
ونوف : جهزت الاستقبال لسلامه انسس والتقديمات
وصلوو الساعه٨ بالليل
ماحبو يزعجونهم اهلها قالو بكرا نشوفكم بالعشاء واستقبال سلامة انسسس
اصايل: ماما وش البسسس
شيخة : اصايل دولابك نصه ملابس مالبستيهااا
اصايل: عندي لبسة شاريتها قلت اذا يجي مناسبه والا شي تذكرينها الي اخذتها من البحرين اخر مره رحنا لها
شيخة: اي حلوووة والله وفيه الفستان الاحمر القصيرر يجنن الي كنتي بتلبسينه في تمايم ولد عمك بعدها تعبتي ولا رحتي
اصايل: اييييييي ذكرتيني بسسس موب قصيرر بزياده خالي وعمامي اكيد بيجون يسلمون على انسس
شيخة: اذا دخلو يسلمون حاولي تغطين بالشال ماراح يطولون بيروحون للرجال بالمجلس
اصايل: تمام كاني ارتحت يوم عرفت وش بلبسس
شيخه : يالله انا بروح اعطي انس حبوبه وبنام وانتي نامي بعد نقوم بكرا ورانا شغل
اصايل:قبل تنام جلست تفكر بسعد معقوله خلاص يعني بعد مادرا اني انخطبت انو شالني من عقله خلاااص بعدها جلست تعاتب نفسها ليه افكر فيه خلاص ياصايل انسيه انتي وافقتي على راكان وقررتي انو تبتعدين عنه
——-
الكل كان فرحان برجعتهم الا سعد كان خايف انو راكان يتملك على اصايل بما انو رجعو
كان طول هالفتره يقول لنفسه خلاص الي خلق اصايل يخلق غيرها اذا ربي موب كاتب لك نصيب فيها موب اخر المطاف بس من ارجعو ونيران تاكل بقلبه خايف انو تتملك على راكان وبكذا خلاص مستحيل يتغير اي شي
——
ثاني يوم على طوووول نجد ونوف جو عند شيخه يسلمون عليهم وبنفس الوقت يساعدونهم عشان عشا الاستقبال
نوف: تو مانورت والله الرياااض
انس : منوره والله بااهلها
نجد: الحمد الله على السلامه يا انس الله يجعلها اخر الاوجاع
انس:الشر مايجيك وابتسم تذكر كلام اصايل
نجد فهمت ابتسامته انها عشان على الي صار بمكالمه الفيديو
-
كان كل اشوي احد يجي يسلم ويتحمد لاانس بالسلامه
دخل زياد وسعد يسلمون على خالتهم
سعد كان خاطره يشوف اصايل لكن يوم.دخلو كانت فوق هي ونجد يتجهزون
رجعو للمجلس الصغير عند انس يسولفون معه وياخذون اخباره
سعد طلع للحوش يكلم مكالمه مهمه شاف فهد يلعب بالحوش
سعد : فهوووودي تعال تبي اوديك للبقاله تشتري الي تبيه بعد مانخلص من العشااء
فهد: ايييييي
سعد : شفت اصايل وش لابسه
فهود : لااااا مانزلو ونجد مافتحت لي الباب
سعد : اذا شفتها تجي تعلمني
فهد ؛وتجيب لي ايسكريم
سعد : كرتون ايسكريم
راح ركضضض
بيت شيخة تعبى ورد من كثر ماجو وتحمدو بالسلامه لهم
جت عمته وبناتها
طبعاً تجاهلو اصايل ونوف ولا سلمو عليهم يعنني زعلانين. يخطون ويزعلون شي غريب
كان سعد وزياد ومحمد كلهم عند انس جالسين معه بالديوانيه لان انس مايقدر يجلس جلوس كامل عند الرياجيل بالمجلس فكان حاطين له سرير بالديوانيه وكانو الرياجيل يجون يسلمون عليه ويتحمدون بالسلامه له وينتقلون لمجلس الرجال
طلع انسسس لدورة المياه
فجاءه الا يدخل فهد
سعددددددد سعددددد والله اصايل مزززززه لابسه احمرررر وقصيرررررررر والله مزززززه
سعد انحرج وجلسسس يغمز له يبيه يسكت قبل يجي انسس خلاص خلااصصص روح
محمد: ههههههههههههههههههههههههه فضحك
زياد: وانت وش تبي باصايل ليه يجي يعلمك
سعد: وش يدريني ماتعرف فهودي بزر خبل
زياد: ترا البنت مخطوبه فكنا من خبالك لاتجلس تسوووي مشاكل لنا حنا بغنى عنها
محمد: يووه زياد لازم تسوي دراما بكل سالفه فهود ماينوخذ على كلامة .. انا بنتي جااايتني يوم ملكتك تقووول احلا وحده اصايل باربي هل انا قايل روحي شوفيها
سعد: وهو يرفع حاجبه خلااااص انت وياه < مات غيره من وصف البزران عند اخوانه < كيف لو تتزوج رجال ثاني
سعد الحين وش يصبره مات الا يشوووفها
جلس يقول لنفسه معقوله هي فعلاً ماعاد تبيني ولاتشتاق لي طيب ليه انااا ميت على قربها
اشوي الا يجي اتصال لاانس
شباب بس عن اذنكم اشوووي : اصايل بتجي تعطيني علاجاتي
فعلاً قامو راحو لمجلس الرجال
سعد مستحيل يفوت هالفرصه
وراح من ورا الديوانيه الا يكحل عيونه بشوفتها
الدوانيه كانت درايشهاااا كبار وقزاز وبالليل طبعا ينعكس ينشاف الي داخل لان الاضاءه مفتوحه داخل وبرا يكون ظلام فيقدر يشوفها
دخلت على اخوها وشافها وقلبه يرفرف شوق وفرح بشوفتها وده يدخل ويضمها وياخذها بعالم مافيه لا راكان ولا خاله ولا احد
جته فكره قال خل ارسل بشوف ردة فعلها هل فعلاً كارهتني والا بسس كله عشان تنتقم من الكلام الي قلته عنها
ارسل لها :
يامرحبا بالي قدومة يروي الضميان ويسره❤️
تو مانورت الرياض سعد
وجلس يراقب ردة فعلها
طبعاً اصايل كانت اصلاً تنتظر اي حركة منه بس تبي تشوف هل خلاص قطع الوصل معها والا للحين يفكر فيها
وصل مسج فتحته اصايل وهو يراقبها
ابتسمت وهي تناظر الجوال وجلست تتنفس كان روحها ارجعت لها
سكرت الجوال ولا كانها قرت شي
سعد: من شاف الابتسااااامه تقول الدنيا افتحت بوجهه مرا ثانيه كل ذا يااصايل عناد كل ذا بس عشان كم كلمة قلتها بلحظة غضب
يعني لازم استخدم نفس اسلوبك ولا اطاردك تصيرين تنتظريني
مشى بيدخل داخل عشان ماحد ينتبه عليه
وهو داخل من المدخل شاف راكان طالع من مجلس الرجال يكلم ابوه انا بروح لانس اذا جاا المطعم اتصل علي اطلع ادخله
سعد: مسك راكان من ذراعه وين رايح
راكان: استغرب من مسكت سعد بقوه
فك يده : سلامات وشفيك انت احس من تشوفني تتكهرب
سعد: وش اتكهرب منه بس سمعتك تقول بروح لاانس وانس طلعنا اخته بتجيه تعطيه علاجاته
انس: اوك طيب وشهوله كل هالانفعال ترا الي عنده خطيبتي ماحد راح يخاف عليها كثري فريح يعني نفسك
سعد: الحمد الله والشكر لاتملكت عليها ذيك الساعه قول هالكلام روح روح شوف قهوتك بسس وصبها عشاء ابوك
راكان وهو يدفه عن طريقة : لاتحاتي عشاء ابوي على متمه وبيشبع الي مثل اشكالك زين
وهو متوجه للديوانيه
مسكة سعد مرا ثانيه : انت ماتفهم والا افهمك بطريقتي يعني قلنا البنت عند اخوها شكلك توك بزر ماتعرف وش معنى ان البيت يكون له حرمة
زياد ومحمد الي كانو عند باب المجلس يستقبلون الضيوف سمعو الصوت وعلى طووووول راحو وسحبو سعد
وحتى انس طلع من الديوانيه يشوف ايش الي صاير
زياد: لاتفضحونا عند الرياجيل داخل يسمعون اصواتكم وتفضحون خالي وابو انس بضيوفهم
محمد : يسحب سعد ويهمس باذنه تكفى امسك اعصابك لا تسوي شي بلحظة غضب
سعد: بصوت يسمع انس هالورع اقوله الرجال عنده اخته ويبي يدخل يحسب الدنيا فوضى
راكان : تعقب وتخسى ماني قليل اصل مثلك اعرف الاصول موب اشكالك تعلمني
سعد: هاذا يبيني اربيه دلوع هيا
زياد: وهو يسحب سعد ويطلعه برا
ترا حركاتك هاذي وعنجهيتك بتدمر حياتنا وعلاقات الاخو والاخته خيرررررر البنت لو تبيك ياحمار ماوافقت عليه
سعد: ماني مستغرب اسمع منك هالكلام طوووول عمرك ماتفكر الا بنفسك
زياد: لا انا افكر بالمنطق اذا تصرفاتك غلط بقول اي غلط واقفك عند حدك اما اناظرك تخرب كل شي واقول احسنت
محمد: جااا خلاص يازياد ادخل انا بتفاهم معاه
زياد: عقل اخوك الي يحسب الدنيا فوضى وتمشي على كيفة
محمد: خلاص يامسلم انت بعد ادخل فكنا
محمد: سعد اليوم نكلم امي ونقوووول لها تخطبها لك اذا يرضيك وهي كيفها تقرر
سعد: انا قايل لك من البدايه وقلت لاااا عيب ومو وقته
ماشفت خالي لحقه العيب بالعكس وافقو
محمد: انت تقولها وافقوو ليه مارفضت اذا تبيك
سعد: يامحمد انا جرحتها وهي عاقبتني بطريقتهاا انا متاكد انها تبيني زي ماني متاكد اني اشوفك قدامي
محمد: نكلم ابوووي وامي اليوووم ولاعليك وباذن ربي اذا لك نصيب فيها بتاخذها بس لاتعترض هالراكان خلة عنك رجال طق باب البنت ووافقت تكفى لاتخلي اهلنا يصير بينهم مشاكل بسببنا
سعد: ماستحمل اشووووفه الله ياخذه مع شنبة ذااا وربي شنب فهودي اكثر منه
محمد: ههههههههههههههههههههه خلااااص وين شفت لفهودي شنب
—-
اصايل :كانت تسمع من ورا الباب يوم سعد وانس يتهاوشون ماتت خوف لاتكبر السالفه ويعرفون ان سعد يحبها وانو هي بعد كانت تبادله
دخلت عند البنات
الا سمر بوجها : تموووووتين اذا ماترززتي بقسم الرجال
نجد الي سمعتها : كلن يرى الناس بعين طبعه
سمر: اوه المتحدث الرسمي
اصايل : في بيتي ولاني قليله اصل اقل احترامي مع ضيوفي وسحبت نجد ودخلو المطبخ
اصايل: ياويلي يانجد اخوك هاذا بيفضحنا
نجد: وشفيه
اصايل: جالس يتهاااااااوش مع راكان
نجد : بتصل عليه دقيقه
نجد: وش المشكلة وش صاير ياسعد
سعد : ماصار شي طمنيها قولي حبيب القلب ماصار له شي لاتخاف سلاممممم
نجد انتم اثنينكم بتجننوني مادري اوقف مع من فيكم
خلاص لاعاد تدخلوني بينكم
-
سعد اتصل على امه : هلا يمه انا برجعك اليوم لاتروحين مع ابووووي ابيك بموضوع
نوف: تمام اوك
—
سعد: محمد خلاص كلمت امي وناخذها ونفاتحها بالموضوع
محمد: تمام ماعليك انا معك
—
في صالة ابو راكان بعد مارجعو من العشااء
راكان: يمه اناااا ابي اتملك على اصاايل تكفين باسرع وقت
هياا: هووو وش الطاري اتفاقنا انو لما تخلصصصص جامعتهاااا باقي سنه بس انتظر
راكان: تكفين يايمه بكسر عين هالسعد غابني من بعد ماخطبت اصايل وهو منقلب علي اليوم بغيت اتهاوش معه يقول لاتدخل على انس اخته عنده وشششش دخله هوووو
هيا: عمى يعمي قلبه الا مشكلجي من يومه
راكان: غبني يقولي روح ياااادلوع هياااا
هيا: لا هاذا قليل ادب لازم اقول لابوك يتفاهم مع نوف تمسك ولدها مو بكرا يجي بعد يتعرضلك ترا مالي بهالدنيا غيرك ماينضمن ذا
ريماس : هوووو مين ذااا سمعت وهي نازله
هيا: هالسعد ولد مشاري
ريماس: وشفيه وش سوا
بعد ماخبرتها هيااا
ريماس : سلامات تقولون لابوي وتكبرون المواضيع عشان صدق تثبت انه دلوع هيا وجا تشتكي لها
راكان : لا ماني قاااايل لابوي لكن وربي ان كررها اني افقع وجهه
ريماس: يمكن انه كان يبي يخطب اصااااايل وانت اخذتهاااااا قبله ماتدري عشان كذا مات يوم ان اصايل اختارتك انت ووافقت عليك تبيك
راكان: هين وربي لا اموته قهر بعد وبكلم ابوووووي اخليه يملكنا باقرب وقت وعادي الزواج بعد سنه والا سنتين مافي مشكله اهم شي اكسررر عينه واخليه يموت صححح وادخل واجي معها على كيفي وخله ذيك الساعه يتكلم
هيا: اصلا من جده اصايل بتناظره وهو لاشهاده ولااا وظيفة زي الناس وتخلي راكان
ريماس: كلمة حق تراه بعد رجال شغال وتدرون انه ثاني العيد فاتح فرعة الثاني يعني يطلع دبل الي يطلعه ولدك ابو شهاده ٣ مرات
هياا: وانتي تحامين معه ضد اخوك مالت على وجهكك
راكان: قومي قومي اذلفي عن وجهي بسسسس
——
محمد وسعد اخذو امهم لكوفي دايم هادي ولا فيه زحمه متخصص بالشاهي
نوف: انتم وش وراكم يالاثنين
محمد: والله يايمه ماورانا الا كل خيرر سعد وده يتزوج
نوف: والله اسعد الايام الي اشوفه متزوج ابد ابشر وانا امك اصلا انا حاااطه عيني على ريماااااس بما انو نوره تبي ترتاح قالت سنه بعد الجامعه خلاص تكون خلصت ريماس وتخرجت من الثانويه ونسوي زواجك انت وزياد بيوم واحد
سعد: لا لا ياقلبي خل يكمل لك محمد وش ريماسه ذي بعد
انا الي بتزوجها انا مختارها بنفسي وابيك تخطبينها لي
نوف: مين لايكون وحده من الي يجونك بالمطاعم ياويلي
محمد: لا بنت اصل وفصل وبنت وحدة تحبينها وتغلينهااا بعد اصايل بنت خالتي شيخه
نوف: خيررررررررر اصايل مخطوبه والا مادريتو
سعد : الا درينا بس انا ابيها من قبل راكان وجلست استنا زياد يخطب ويفكنا عشان اكلمك على موضوع أصايل وبعدها تعب أنس إلا الورع ذا ينقز يخطبها قبلي وأنا ما أبي إلا أصايل
نوف: لا يا سعد حنا بعد نعرف بالصور مستحيل نروح نخطب واحدة وهي مخطوبة انتظر إنك خاطب لك واحدة وافقوا عليك يجي احد يخطب فوق خطبتك مستحيل أسويها ايش بيقول عني طلال أنت كذا تسبب لي مشاكل بيني وبين إخواني الصح صح والخطا خطأ وأنا امك
سعد: ولا غير اصايل♥️ والله ما آخذ لو أقعد طول عمري كله ما تزوجت أنت بس كلمي خالتي شيخة واصايل كيفها هي تقرر لو قالت ما أبي سعد تبي راكان والله ما عاد أقول شي ولا عاد افتح الموضوع و أنساها من قلبي وعقلي وكل شيء
محمد: أنتي يمه شاوري خالتي شيخة وخليها تشاور بنتها إذا والله فضلت سعد على راكان خلاص هم بيردون على راكان انه ما في نصيب وبعدها فترة نخطب ل تسعة سعد بشكل رسمي وبكذا خالي ما راح يزعل لانه خطبتنا بتكون بعد فترة يعني أكيد اصايل ما راح تقعد بدون زواج بتشوف نصيبها يوم من الأيام
نوف: اللي جالسين تقولونه مستحيل مستحيل ارضي إني أروح أخطب لولدي واحدة مخطوبة أصلا شلون قاعدين تقولون هالكلام لي مثل مأنتم عيالي بعد طلال أخوي وعياله عيالي ولا أرضي عليهم مثل مرضى عليكم وقفو هالموضوع ذا لا يسبب بينا مشاكل خلاص أصايل وافقت خلوها تشوف نصيبها وحياتها صحيح إني أتمناها لسعد بس ما في نصيب البنت انخطبت لراكان
سعد: والله مايدخل عليها وراسي يشم الهواء
إن كانك صح ما تبين المشاكل أخطبيلي أصايل واذا قررت ورفضتني ذيك الساعة ما افتح فمي بكلمة
وقام ركب سيارته ومشى
نوف: تكفى يا محمد أنت العاقل امسك أخوك وعقله لا تحطون بين نارين بين عيالي وأخوي
محمد: والله يمه اخوي يحبها و يبيها من يوم حنا صغار وأنا ندري انه سعد يموت أصايل وأنا ما أقدر أظل أقول له خلاص أبعد عنها ولا عاد تحاول إنك تأخذها أنا والله ورا سعد بكل قرار بياخده كفاية إني جالس أحس بالذنب لأني قلت له يوم جاء يخطبها انه وقت موب مناسب وأخوك المصون طبعا اهم ماعليه نفسه وعياله ولايهمه الوقت مناسب ولا بعد راح خطبها !
—-