بوسط الفلم ارسلت نجد
لسعد وينك
سعد: وش بغيتي
نجد: اسأل
سعد: بالاستراحه
نجد : انا وفرح بالمول تجي ترجعنا؟
سعد : احد قالك اني عمران توكلي على الله بسس
نجد: كيفك كنت بقول انو اصايل معنا وكذا بس شكلك مشغول 😏
سعد : جااااايش جاااايشش طيران هههههههههههه
نجد: موب الحين يالخفيف قبل نخلص بنص ساعه برسلك
سعد: تمام ابد كم عندي نجد جعلني افداها
نجد: انطم انطم ندري عشان من يلاااااا سلام
سعد: سلام يااااجمل اخت بالدنيا 😂🫣
اصايل كانت جنب نوره: همست باذنها اي وش سالفه ريماس الي قلتي بتفهميني بعدين
نوره: خبله تحب سعد ولد خالتي نوف تخبرين المراهقه وعمايلها
اصايل : ماكانت متوقعه الاسم انفجعت
يوم درت انه سعد : سلامات وين ذي ووين ذا
نوره : تسمعك تاكلك اسكتي هههههههههههه
———
خلص الفلم وراحو يتعشون نوره واصايل ونجد بمطعم باستا
وريماس وفرح قالو يبون ماك اذا ماعترضت ريماس عالمطعم تموت وفرح تمشي وراها 😂😂
وعشان بعد يفرفرون بعيد عن البنات
ريماس : فرح من بيرجعكم
فرح: اتوقع سعد نجد تقول انو سعد عشان السواق بينام وراه بكرا مدارس
ريماس : ماتت من الفرحة انها بتشووووف سعد لها فتره ماشافته
تعشو وراحو عند البنات عشان يطلعون سوا
نجد : اصايل خلاااص امشي معنا نوصلك بيت جدتك على طريقنااا
اصايل: اي عشان مانتعب بعد راكان يوصلني ويرجع يوديكم
نوره: الي يريحك ياروحي
ريماس : ماتت غيره انو اصايل بتركب مع سعد
ريماس: وش دعوه اصايل مافي جيتي معنا ترجعين معنا
اصايل : حبيبتي والله ان ماينشبع منكم بسسس عاد على طريقهم وعمران يعرف الطريق
ريماس: سعد الي بيوصلهم من قال عمران
اصايل: تناظر نجد
نجد : اي وهو راجع من الاستراحه بيوصلنا وعمران عنده دوام المدارس بكرا ينام بدري بعدين كله واحد وش يفرق
ريماس : لازم نقول لابوي عشان مايقول انو ليه خليتو بنت خالتكم
اصايل: فهمت ليه ريماس مصره انو تروح معاهم موب حب في سواد عيونها لا غيره على سعد
نوره: وش دعوه عادي خليها على راحتها
اصايل: عطت نجد نظره الانتصار وراحت معهم توجههو لسياره سعد
سعد كان واقف برا السياره ينتظرهم وعشان يشوف اصايل صح ويكحل عيونه
سعد: هلااااا بالصبايا الحلوات كيفك اصايل
اصايل: بخير جعلك بخير (ودها تقول له تو ماصرت بخير يوم شفتك)
ريماس على طول ارسلت لابوها انو بابا اصايل بترجع مع سعد موب على اساس حنا نوصلها؟
اصايل: قبل تركب السياره
جوالها رن
هلا خالي ...اممم اي خلصنا....انو على طريقهم ..... اوك تمام مايصير خاطرك الا طيب .
خلاص مشكورين خالي قال لازم ارجع معاهم انو هو الي اخذني وهو الي يرجعني لبيت جدتي ماقصرتو وراحت وهي متفشله وبنفس الوقت زعلانه ماتبي تركب مع راكان
سعد : خيرررر خالي طلال ذا عليه حركات الحمد والشكر وش المشكله انو تركب معي
نجد : اركب اعلمك بعدين وغمزت انو فرح فيه
وصلو نزلت فرح
سعد: نجد خليك ابيك بموضوع
وش السالفة
نجد: اليوم اصايل قالت انو هيا جلست تلمح لها انو تبيها لراكان وانو حتا راكان واضح يبيها جلس يشغل اغاني ويلمح لها بالسياره
سعد : خيررررررررررر ان شاءالله وش يبي هالبزر لا اجي ادوسه بالارض الحين خيررر ذا حتى شاربه توه خااط
نجد: والله الرجال يدرس بالجامعه وباقي له سنتين ويتخرج واكيد بيخطبون له اهله
سعد : بزر بزر وربي اجيه واعلق هالخط الي بشنبه باذانيه لو يفكر ياخذها
نجد : انا عشان كذا قلت اقولك تتصرف واذا تبيها تتحرك وتكلم امي
سعد : لو يموت ماياخذها
نجد : لاتنسى ياحبيبي انو خالي طلال اخوهم الكبير لامي ولا لخالتي شيخه والي يبيه بيقدر ياخذه
سعد : وهي وش رايها بهالمووضوع
نجد : طبعاً رافضه واصلاً عشان كذا كلمتك اليوم تجي تاخذنا لانها ماتبي ترجع معهم
سعد : اصلا ً وش وداها هناك هي
نجد: حلوه ذي خالها وعزمها مثل ما امي تناديها دايم
نجد : شوف بقولك شي ممكن ماعمري قلته لك بس لانك اخوي وهي بعد اختي الي ماجابتها امي
مو انو افضح اسرارنا بس ضروري تعرف انها ترا تموت فيك زي ماتحبها واذا انت تبيها صح حاول تخلي امي تكلم خالتي قبل لايكلمها خالي ابو راكان لان مستحيل راح ترد خالي
سعد : ذبحتيني اكثر يانجد (لانها قالت هي تحبك بعد)
سعد: بهالظروف بكون قليل ادب اتكلم واخطب
نجد : بس تعرف خالي عادي يسويها
سعد : ابو انس مستحيل يغصب اصايل اذا ماتبيه حتى لو خالتي شيخه وافقت عشان خالي ابو طلال
نجد: كيفك بس حبيت اعطيك خبر
سعد : انا بكلم محمد وهو الي بيلقى لي حل
