وصل سعد لبيت خالة ابو راكان
كان كارهه يدخل هالبيت بسبه راكان تعوذ من الشيطان ودخل عشان اخوووه
في مجلس الرجال كان ابو محمد وعياله
وطلال وولده وواحد من اخوان ابو محمد وابو انس الي عزمه ابو راكان يحضر كتب الكتاب وطلب انه يجي بدري من المغرب عشان يحضر ويكون من الشهود بعد
دخل سعد وكان تو الشيخ بادي وكانت الكنبه الي جنب ابو انس فاضيه اشر سلام بيده عشان مايقاطعهم وجلس
بعد ماخلص الشيخ وملك عليهم خلاص قامو يسلمون على زياد ويباركون له وكلن جلس بمكانه يتقهوون ويحلون من التقديمات الي كانو مسوينها لقسم الرجال قبل يجون المعازيم كان ابو انس يبارك لابو راكان ويمدح في زياد انو من خيره الرجال وانه زين ماخترت لبنتك والله كانو جنب بعض فيتكلمون بصوت واطي وسعد جنبه يسمع
ابو راكان: الله يبارك فيك يابو انس والله ان من غلاتك واني اعدك اخو لي خليتك من الشهود
ابو انس: ياجعلك سالم
ابو راكان يوطي صوته اكثر: والله ان ماني لاقي مناسبه تناسب الي بقوله اكثر من اليوم والله ان ودنا ويزيدنا شرف اني اطلب يد بنتك لولدي راكان
سعد كان الي يسمعه مثل السكاكين تطعن بقلبه فك ازرة القلاب حقه لان حس انه مخنوووق على كبر المجلس حسس انه بمكان اظلم وضيق ضااااغط على انفااااسه موب حتى قادر يتنفسس كان احد ماسكة وخانقه
ابوانس مصدوم: والله ونعم في راكان وابوه
ابو راكان : والله اني ادري يمكن الوقت اشوي موب مناسب لكن من غلاكم وودنا بقربكم نخاف البنت تنخطب . وابد موب صااااير اي شي مجرد كلام لين يرجع انس وامه سالمين وغانمين
ابو انس: والله من ناحيتي ماني لاقي اطيب من راكان لااصايل ونعم فيه خلوق ومثابر والكل يثني على اخلاقه لكن تعرف يابو راكان انا تربيتي لعيالي اعطي النصح واترك القرار لهم فالقرار الاول والا خير للبنت
مثلك عارف هاذي حياتها وهي الي تختار طريقها
ابو راكان: اي والله صادق من حقك ابد اخذ راحتك وشاورها واصايل ابد بنيتنا ولا في احد بيعزها ويخاف عليها اكثر منا
ابو انس : هاذي مافيها شك اي والله اهلها والبنت بنتكم
قام سعد مثل الاعمى وطلع حسس روحة بتطلع منه
محمد استغرب وجهه سعد الي كان يراقبه من اول مافك ازره القلاب
وسو نفسه انه جته مكالمه وطلع
مالقى سعد برا ولا لقى سيارته
اتصل عليه ولا رد
ارسل : سعد انت وشفيك في شي صاير شي رد علي ضروري ابيك
نوف والبنات وصلو لبيت ابو راكان
ونزلو الشبكة والشوكلت الي جايبينه
ورتبوها على طاوله بحيث تكون قدام المعازيم وكانت نوف جايبه لااخوها هديه بعد عباره عن بشت وعود وطقم عطور وكانت جايبه لـ هيا بعد طقم ذهب وساعه وعطور كان كل شي فخم ومرتب
كانو متفقين ان زياد يدخل يلبسها الشبكة قبل الضيووف يوصلون عشان تاخذ راحتها بحفلتها ماتجلس تحاتي الشبكة ومتى يدخل ويلبسها
نوف : قللللللللللللللللويششش ابشركم ملك الشيخ وخلص
هيااا وخواتها : قللللللللللللووووويشش وجلسوووو يباركون لـ نوف وهيا على ملكة العيال
نوف: وين عروستنا يالله خل تطل علينا عشان يدخل ولدنا يلبسها
اشوي الا تبدا الزغاااااريططط ويشتغل الديجي على نزول نوره من الدرج والكل يهلل ويكبر عليها
هيا الي عيونها فضحتها وهي تشوف بنتها تنزف بملكتها كانت تدمع وماتبي تبين لنوره
بعد مانزلت وسلمت على امها وعمتها نوف والبنات وخالاتها وجلسو يباركون لها
نوف:تاشر لهيا انو يالله بيدخل زياد
هيااا : الي تتغطى من زياد وراكان يالله بسرعه تلبسس شالها والا عبايتها
اصايل ونجد كانو جايبين شالات عريضه نفس لون فساتينهم حطوها عليهم وغطو انفسهم
دخل راكان وطلال مع زياد
سلم ابو راكان على راس نوره وبارك لها
سلم زياد على جبين نوره ووقف جنبها
كانت نوره ترجف من الحياء
راح لامه وسلم على راسها ويدها
جا عند هيا توتر مايدري وش يسوي : هههههههههههههه مد يده وخامسها
شلغت نوف :اغنيه جابر الكاسر الفرح في سمانا لاح والحفل زان
وجلست ترقص مع اخوها وراكان قدام زياد ونوره
زياد: التفت على نوره وابتسم ماشاء الله اجمل مما تخيلت
نوره: ابتسمت وهي بتموت من الخجل
سحبت نجد زياد ونوره عشان يرقصون
مسك زياد يد نورة وجلس يرقصها عالخفيف
اصايل ونجد : اووووووووووووووو ويصفقون
نوف وهيا يزغرطون والفرح معبي المكان
بعد ماخلصو ورقصو
طلع راكان عشان نجد تاخذ راحتها وترقص مع اخوها
جابت نجد الشبكة والكيكة عند زياد ونوره ولبسها الشبكة ونوف كانت تساعده
ابو طلال: ماوصيك يازياد على نوره انت اخذت جوهرة هالبيت ونور حقه
لاينطفي نور نوره يازياد
زياد: في عيوني الثنتين ياخالي
قطعو الكيك وصورو مع بعض وبعدها انتقل زياد ونوره لمجلس ثاني عشان يكملون تصوير ويجلسون مع بعض شوي
