بعد مارد ابو راكان بالموافقه واتفق هو وابو محمد على انو يوم الجمعه يجيب الشيخ ويملكون
بدت نوف تجهز لملكة ولدها بتكون حفله بسيطه ملكة وشوفه بنفس الوقت لان اصلا هم عارفين بعض ومتربين مع بعض مايحتاج يشوفها قبل
بتكون ببيت ابو راكان
نجد: ياربي منكم كل شي عندكم عالسريع وش مستعجلين علية
متى يمدينا نشتري فساتين
نوف : بكرا نروح ونشتري وش عندك
نجد: بكرا افتتاح مطعم سعد ماما وشفيك نسيتي
نوف : الي بعده وش المشكله طيب
اصايل: والله ضغطط صدق بس وش يسون بعدها اختبارات وبيدخل علينا رمضان فهالاسبوع انسب وقت
نجد: كان خلوها بعد العيد ليه الاستعجال
نوف: لا ابوك عطاهم كلمه وبيجي الشيخ يملك فبلاش دلع وابدو من الحين جهزو معي
بروح انا وزياد بكرا ونشتري الشبكة اهم شي هي اخلص منها عشان اوديها عند المنسقه تنسقها لي : وانتي واصايل: احجزو لنا الكوافيره عساها توافق ماتقول محجوزه بعد
اصايل: ابد ابشرررري هالموضوع علي انا بكلم حقت الشعر والميكب
نوف : وابي احجز صينيتين شوكلت معنا.
نجد: خلاص انا بضبط موضوع الشوكلت ماعليك عندي حسااب فنان دايم اقول متى يجي عندنا مناسبه واحجز منه
نوف : تمام اجل بعتمد عليك لاتفشلينا صواني كبار وتجمل واذا شفتي شي فكره جدديده حلوه ماعليه جيبي بعد
نجد: هووو وش رايك نجيب الكيك بعد هههههههههههههههه معروف الملكه على العروسه
نوف : والعروسه بنت اخوي حنا وياهم واحد
اصايل: تهقون يجي معازيم واجد استحي اجي وامي موب معي🥹
نوف : انتي بنيتي وانا امك لاعاد اسمع هالكلام واصلاً اول ماتجي شيخه باذن الله نحتفل مرا ثانيه
بس عاد اكيد هيا بتحتفل بنتها وتعزم اهلها يشاركونها ماتوقع المعازيم كثير اكيد اهلها وصديقتها وصديقات البنات بس
يالله كل وحده تبدا بالي مطلوب منها انا عاد برجع للبيت احط العشاء لاابو محمد
اصايل: اجلسي خالة طالبين كنتاكي وحاسبين حسابك
نوف: لا والله عاد استحيت من ابو محمد يالله عن اذنكم
ناااامو بدري لاتتاخرون على دوامكم بكرا
نجد اصايل: ان شااااء الله
——-
ريماس ماكانت تقدر تنام من الفرحة بتجلس ٤ ايام ايام تشوووف سعد كل يوم بعد ماسجلت تطوع بالايفنيت الي بنفس موقع مطعم سعد واقنعت صديقتها وعد تسجل معها
حجزت لها وحده تسوي لها اظافرها وحوجبها تقول انو عندها شوفه شرعيه موب ساعات تطوع
—-
سعد كان مرا متوتر وخايف اول تجربه له وواحد من عماله انسحب باخر لحظه على اساس اربعه واحد ياخذ الطلبات و٣ داخل يجهزون فبيضطر هو الي يوقف وياخذ الطلبات يسجلها بالسستم عشان يجهزونها داخل : فقدم اجازه عشان يتفرغ ويقدر يوقف على مشروعه اول اسبوعين
راح توضى وصلى ركعتين وجلس يدعي ربه انه هالمطعم الصغير يكون فاتحة خير عليه ويكون البذره الي بيتوسع منها ويصيرر من اكبر المطاعم بالرياض واشهرها
—-
كالعاده راحو البنات للدوام ورجعو وتغدو ريحو اشوي عشان يطلعون بعدها للايفنت ويمرون مطعم سعد
