" مِـــيـلادٌ مُـمـيّـز "
Vote+ Comment فضلاً ولـيس أمراً
_____________
صباح زوين شمس ضاربة فوجها خلاها تغوبش وتزير على عويناتها حلاتهوم مدوخة كتحس بالصدا كيضرب فعقلها راسها ثقيل عليها، ميلاتو هازاه بشوية وفاتحة نص عين كتشوف الستار مهزوز وطيراسة منورة بشمس بلاصتو مرونة حداها وكتسمع الدوش درشاش خدام.
سميرة: فففف راسي غايتشق
رجعات فشلات راسها طايح فالوسادة وتقلبات جارا معاها الغطا كيطيحو عليها الذكريات دالبارح كتبسم كيحسابها كتحلم، تاشوية رجعات غوبشات وهي كتدوق مداق حار ففمها: يععع
رجعات حلات عينيها وتهزات شاهقة: ماكانحلمشششش
شافت فراسها لابسة نفس البودي بدات تطلع نعاها سخونية عقلات على كاع لي دارت طلات من تحت لغطا لقات راسها غير بتيشرت ديالو لا سليب لا سوتيامات: اويلي اويلي اويلي اويلي على شوهة.
مع سمعاتو خارج من دوش رجعات دغيا طاحة رادا الغطا على وجها، خرج هو لاوي عليه الفوطة فنصو وعريان من الفوق لبس عليه ومشا لعندها جر عليه الغطا بجهد تازيرات عينيها: نوضي اقرينة ابليس نوضي
دبلات فمها: مابلعانيش والله مابلعاني.
طه: غاتنوضي ولا غانجيب الما نكبو عليك هنا
ناضت كالسة حشماااااانة بزاف عقلات على كاع لي دارت البارح والجرآة ديالها ماقدراتش تشوف فيه مهائيا دموع تغرغرو ليها فعويناتها.
حس عليها تبسم طانز مابغاش ازيد ليها كثر: شفت لسان الحمامة تسرط، نوضي ابنتي نوضي كنتسناك لتحت انخرجو.
هبط لتحت بقات كضرب على راسها باحراج حسات براسها بغات تمـ ـوت، شوية رجعات حطات يديها على فمها كتفكر بوساتو وهضرتو وبالضبط اخر هضرة خلا قلبها ينبض بقوة: كيفاش واش ليوم غايدخل بيا (بنبرة بكاء) اويلي هنن انتقصح.
ناضت كتجر فرجليها والتبوريشة كتسارا فاحمها منين كتفكر بلي ليوم غايدخل بيها، لبسات عليها ومشطات شعرها نزلات لقاتو كيتسناها حنات راسها بحشمة شد فيديها بلامايهضر وخرجو مشاو اول حاجة لكافي فطرو جبد ليها مواضيع بعاد على شنو وقع البارح ولا شنو كيتسناها فليل تاسالاو ومشاو لماركيت بحكم منين جا ماتقداش فدار كاع، دخلو شادا فيه وفرحانة بزاف كتحس براسها واخيرا كتعيش العلاقة زوجية، هي وراجلها خارجين اتقداو ويديرو ليكور لدارهوم الحياة سعيدة، غير هو ناقصها العقل حيت فالتالي هو لي بقا كيتقدا هي كتمشي ليه غير لحاجة ناقصة، شوية طلقات من يدو كان كيشوف المكونات دواحد الصوص ضاروري كيتأكد قبل مايشري نطقات هو ملاهي: انا غانمشي نجيب حاجات لراسي
طه: ماتغفليش على عيني
حركات راسها بلا ومشات كتحري قال يمكن بغات شي حاجة خصوصية بحال الويز ولا ماكينة، تاشوية كيشوف السيدة راجعة معمرة يديها بالسقايط شاف فيها ضهشراتو تارماتهوم فسلة وتبسمات ليه كترمش: كيعجبوني.
طه: عرفتي شنو فيهوم بعدا !
سميرة: كيفاش ؟؟
تنهد بدا كيهز وحدة بوحدة كيشوف المكونات لقا وحدة بالشراب حيدها وخلا تالين زيدها قدامو عرف بلي معاه بنوتة صغيرة اما المرأة حدها الفراش.
هو غادين هضرات دغيا كتسولو: كاعما قتليا شنو نوع دنسا لي كيعجبوك ؟
بجدية وهو كيهز لي باط: ماعنديش مع داكشي
سميرة: احم ولا زعما شنو كيعجبك يكون فالبنت
كان كيقرا اللور فالمكونات : تكون مرزنة ونقية مهلية فراسها وكتعرف بينها وبين لي خلقها الله اخلف.
سمعاتليه مزيان مقلشة وذنيها ماجات غا فداك مهلية فراسها زعما كيعجبوه البنات لي كيلبسو زوين والطالون والماكياج، تغبات كتفكر وهي غادا حداه تادازو من حدا الحوايج شافت فالكساوي غير العرا وكولشي ديال الحفلات داكشي هووت، طلقات منو مشات تاجبدات واحد جوج كساوي وحدة فالكحل ووحدة فالحمر وجوج طالونات قد سخط وتمات جايباهوم ليه كتشوف فيه: عجبوني
طه: بصحة خوديهوم.
حطاتهوم تما ومشات فرحانة خلصو وتمو خارجين: اليوم غانديرو حفلة بسيطة بيناتنا فليل.
بفرحة: بصح
دار شاف فيها وحط يدو تحت من ذقنها علاه بالصبعين ديالو: تزيني وكـوني أميرة ديالي هاد ليلة
قلبها خفق وبدا كيضرب والما دريقها جف نطقات بهمس: واش على عيد ميلادي
طه: بحال هاكاك نحتافلو مع بعضياتنا فدارنا ماعنديش مع قوة البراني.
فرحات هضرات بحماس: صافي انلبس الكسوة لي شريييييت اناا فرحانة اول مرة غانحتااافل بييييه ههههه
الطريق كاملة كتعبر على فرحتها تاوصلو لواحد الريسطو كلاو ورجعو لدار دخلو كولشي حطوه فالكويزين شاف فيها: غانمشي نقدي شي شغل واحد الشوية نجي نتي قادي راسك وخودي راحتك فالشومبر الفوق .
ضرب ليها نيفها بشوية طلع جاب شي حوايج حطهوم ومشا خرج خلاها كضور فبلاصتها والتبوريشة طلعات معاها كتسرط ريقها تاشدات على رخام: صافي خسني نوجد راسي ياك غانحتافلو بعيد ميلادي خاس نجي زوينة ونعجبو ضاروري.
مشات كتجري طالعة كانت غاطيح شدات راسها: بلاتي بعدا خاسني ندوش.
مشات طارت لدوش كتحيد فحوايجها.
دوشات دارت تحميمة فنة منقية راسها من طبعها مافيهاش الزغب بزاف ويلا حيداتو كينوض على شحال، خرجات تالمغرب سمعاتوً كاين لتحت وكيفاش احتارمها وخلاها تاخد وقت لراسها نشفات شعرها بسيشوار جا مسرح نازل ملس عكس كيف كتكون ديما مدرج، لبسات الكسوة الحمرة مزيرة عليها وبرزات سدرها مع سوتيامات واخا صغير.
ماسالات تاطاح ليل شافت فراسها فالمرايا مايمكنش شحال جات كتحمق لأول مرة كيعجبها راسها بزاف ونزل عليها السر حنيكاتها حمارو وتزنكو وعاد الماكياج الخفيف لي دارت زاد عطاها لمعة لوجها الزوين وشعرها لي مسرح زاد فطولة واصل تالتحت نصها بانت جد جد جد مثيرة.
سرطات ريقها كتهبط شوية الكسوة حيت مزيرة عليها حد فخاضها: ماعندك لاش تخافي اسميرة غير عيد ميلاد مع راجلك هاد النهار اصلا غايجي ليوم ولا غدا واش غاتبقاي بنت حياتك كاملة.
دورات عينيها كتشوف فطالون ماكاتلبوس حيت ماكاتعرفش تمشا بيه، ولكن بغات تعجبو وتجذبو وتطلق عليه الانوثة ديالها وتبين ليه بلي تاهي مرأة زوينة.
تحركات بشوية شادا فالحيط لاطيح، وعاد دروج زاج قلبها هبط ونزل نزلات بشوية يد فالحيط ويد كترد خصلات شعرها الطويل مور وذنيها، هابطة خايفة من خيالها تاوصلات لتحت كدور بعينيها كيبان ليها الضو ديال الطيراسة برا مشعول بأنوار خفِـيفة الشُّعلة.
تمشات بشوية كتعض فشفايفها تاكتشوف شمع مدور دنيا وريحتو عاطية كتبعث الهدوء فالنفوس، طابل بجوج كراسا والعشا محطوط، عويناتها لمعو بالزينة والجو الرومانسي لي كاين علات عينيها باش تلمحو واقف عاطيها بضهرو، أناقتو وجاذبيتو لي ماكاتفارقوش شوميز بيضة وسروال كلاص فالكحل.
مع سمع صوت الطالون دار تقابل معاها كانت قربات ليه قلبها ضرب بجهد فور جات عينيه عليها، تبسم وتقدم بشوية حتا قدم خطوة بزربة لعندها بسباب سهوتها تلوات ليها رجليها وطاحت لعندو نيشان شدها فيديها مسكينة بينها وبين الطالون غا الخير والاحسان.
طه: بشوية عليك
رفعات راسها وهو شاد يديه مور الخصر ديالها ويديها كلات بيهوم عند سدرو لمحات اللمعة ديال عينيه ونفس الابتسامة الهادئة لي فينما كيبينها ليها كتولي فخبر كان كذوب بين يديه وبلا ماتلام اش يدير المـ ـيت قدام غسالو، محتاجاه وباغاه يكون معاها ماتقدرش بلا بيه، تأملات فكاع ملامح وجهو الوسيـم سيف نضراتو الحادة ماكذبوش منين قالو عليه نسر غير زروقية عينو تخليك هايمة سهات فيه، على الجانب الثاني كان تاهو كيتأمل فيها تاحد فيهوم ماتحرك طاحو عينيهوم فبعضياتهوم، قلبها كيضرب بجهد حتا ضنات أن العالم كيسمعهوم تحركو شفايفو كيهضرو ولكن مافهمات منهوم والو من كثرت ما كانت هايمة وساهية كل حرف كيخرج بصوتو المهيب كيخلي قلبها ومعداتها يطيرو فرشات.
طه: كتفتني
رمشات جوج مرات متابعة بتوتر ويديها زيرو على سدرو.
كمل بنفس الهدوء: فتنتيني بزينك بحال الملاك بتوبك الحمـر، فتي كاع التوقعات ديالي بهاد الجمال، عمري ضنيت غاتكوني بهاد الفتنة جمعتي بين الزين والبرائة ولسانك الطاغي، طيحتيني اسميرة.
تبسمات بخجل وهمسات: ماغانكونش قدك هيبتك سابقاك ولي لبستيها كتزينها.
هبطو عينيها لصدرو لي كيبان شوية من الصدايف المفتوحين خلات جمال العضلات ديالو يبرز كثر وكثر رمشات كتزرب وتحيد يديها بتوتر وتلفات ليها الهضرة : ن. سًي نا راسنر
ماتكلمش وعينيه كيتغزلو بيها هضر ساهي: نعام؟
عضات شفايفها كترجع بشوية عاد حس عليها وفاق من سهوتو: بقينا واقفين هه
رخاها رجعات اللور يدو ليمنية محاوط الخصر ديالها ويدو الليسرية مدها لحنيكاتها كيلاطفهم وهو كيحيد شعر رادو مور وذنيها: قبلي علينا بهاد الديكور ماشي دالافلامً لي كتفرجي ولكن خارجة من القلب
تبسمات ببرائة تاتسدو عويناتها وهمسات حشمانة: بلعكس زوينة بزاف كتشبهليك النسر ديالي صليب وقاصح كيف الحجر ولكن زوين وحنين.
ذبل عينيه ليها وشد بيديها ليمينية تحنا بشوية بكل احترام طبع قبلة على وسط يديها تافتحات عينيها مامصدقاش ومصدومة خلا معداتها تهر وتسرط فريقها رفع عينو فيها بشوية: هادشي لاش ختاريتك
رجع شوية اللور وطلع يديها خلاها دور فبلاصتها بحال شي أميرة بحالي ماكيشوف تاوحدة من غيرها هي المُختَلفة المُتميّزة والوحيدة فحياتو : كنضن خذيتي دابا جوابك احمامتي
رجع جرها هزها بجهد تاطلقات ضحكات طفولية وشعرها طاير فسما بحال شي جوهرة كتشع كيشوف فيها عينيه كضحك والابتسامة مافرقاتش محياه على منضرها اللطيف وهي كضحك بكل فرحة وسعادة مطلقة بسبابو .
نزلها بشوية منين وقف وعينيها باقا مسدودة بالضحك ويديها مغطية فمها حتا كيدفعها من الخصر ديالو لعندها محاوط نصها، ذبلا فمها وطلعات راسها كدور عينيها بجهد : اي اي دخت
هضر دون مقدمات بنبرة مخلها شوية دالجدية والهدوء: سميرة أنا ماشي قاسح لهاديك الدرجة
هز يديها وهي دايخة شافت فيه باستغراب غادي بيها لعند قلبو حطها على سدرو: هاد القلب ماغايصبرش بزاف، سميرة أنا ماشي راجل كنفرش الورد للنسا، حتا هادشي لي كتشوفي عمرني درتو لشي مرا دازت من حياتي نتي الوحيدة لي قدرت نتقدم معاها فخطوة بحال هادي عليها نتي متميزة فعيني
طه: كاع النسا لي دازو من حياتي عابرين، إلا نتي سكنتي.
عقدات حجبانها باستفهام مافهماتش: كيفاش
شاف قدامو بنضرات متبعثرة بحالي ضايع: أنا بلا بيك جبل بقمة جامدة.
شد على يديها مزير بقوة وهضر برجولية جدية: كوني معايا اسميرة بقاي فجنبي، شنو ماوقع وشنو مابغا يكون ماتعاكسيش راي، فهمتيني اسميرة ؟
سميتها لي تكررات جوج مرات مكانتش عبث، كان تأكيد فكلامو عليها.
طه: نقدر نبانليك عندي كولشي ولكن محتاجك فحياتي.
مامصدقاش شكيسمعو وذنيها لدرجة تسمكات، يا ايما كتحلم وغاتفيق يا ايما سكرات ولا العكس، راجل بصلابتو وقوتو وهيبتو وجبروته كيحتاجها هي؟ هي لي كتفرحو؟ كيفاش ! واش هي ولات مهمة فحياة واحد الانسان؟ واش هو صاحي وواعي بكلامو، عينيه الممزوجة بالقليل من الضعف، كانو كينطقو ببزاف كيرويو حكايات
تبسمات بعفوية وشدات على يديه: غانكون معاك اراجلي
حنا باسها بعمق فشفايفها وبعد نطق: اجي نكلسو
سميرة: واخا
نزلات يديها بشوية تالامسات لحم صدره العاري وهنا جرها للكرسي ديالها كلسها
طه: فايتليا قتليك بلي نتي اجمل بنت عرفتها
ضحكات وهو يرفع ليها راسها باسها عند جبهتها: الله اخليك ديما ضاحكة.
كلس فبلاصتو وجبد البلا ديال اللحم قطعو ليها عارفها ماتعرفش خلاه ليها طرافي صغار ورجعو قدامها مدليها الفرشيطة بحال شي طفلة، حركات رجليها فالخوا بفرحة حيت الكرسي عالي شوية : قوووليااا
علا حجبانو وهو كيقطع اللحم ديالو بمعنى هضري
سميرة: شنو كيفرحك هنا ؟ وشنو ماكيعجبكش؟ وشنو كيصدعك ؟؟ علاش جيتي سكنتي هنا ؟؟ علاش رتاحيتي هنا؟
طه: على شنو نجاوب دابا؟
خرجات لسانها ببلاهة: ماشي كولهوم كيف كيف؟
تنهد مطلع نفس بمعنى اخ من هاد البنت اخ: مهم نجاوبك بصفة عامة، ختاريت هنا حيت الجو مريح كالم ماعزيزش عليا الصداع بزاف، المدن ديال سبانيا فيهوم اكتضضات وصداع عكس ابيزا، كتلقايها مهدنة صيف شوية كيعمر الوقت ولكن هنا بالضبط كيبقا ديما السكات.
حركات ليه راسها وحاولات تدوي بجدية: مزيان فهمت الله ازيد فراحتك يا ربي
مد يدو ضربليها حنيكاتها: وليتي كتشبهيني، وتقلدي فهضرتي؟
علات كتافها محرجة: لا راه انا رزينة غير كيعجبني نحماق.
حرك فمو بشوية ومرة مرة كيقضم بهدوء: باينة
سميرة: بششش راه غير مكتعرفنيش
طه: تانا كنت بحالك فواحد الوقت فخبارك.
خرجات عينيها: بحالي؟
حرك راسو بشوية بدا كيعاودليه شوية على مراهقتو وهي ميلات راسها متبعة معاه ومرة مرة كيبانو ملامح الدهشة مامتيقاش بلي هو نفس الشخص كان مشاكس وديما داخل فالمصايب، تاكاطلق ضحكة ديالها وكيكمل ضحكة معاها، سعات فيه كيهضر على طفولتو مع جدو ومرة مرة كيضحك برجولية كيخليها تغرق فيه.
عجباتها الماكلة بزاف هو طيبهاليها بيدو شافها كملات الطبسيل ديالها وبدا كيدوقها بفورشيط ديالو وكيرجع ياكل موراها بلا مايعفها ولا يشمأز ابدا.
كمشات ملامح وجهر بدات من لتحت كتحك رجليها مع بعضهوم ضبرها طالون وكتحاول تستحمل باش ماتخسرش صورتها زوينة قدامو، والا ماتلبوس كتحس بجلدة تقشراتليها كضرها.
شافتو واقف مرجع الكورسي اللور طلعات عينيها فيه: فين غادي!!!
طه: انا جاي
مشا دخل ردات شعرها اللور وبقات كترمش ودور فعينيها تارجع وقف عليها وحرك الكرسي مدورو قبالتو، علات عينيها فيه هبط محني ولا فالمستوى ديالها وفيدو كلاكيط خفيفة.
بصدمة كتشوف فيه: ش شكادير
ستغربات كتشوف هز رجيلاتها كيحيد طالون وهو مطلع عينيه كيشوف فيها عاقد حجبانو: بغيتك تكوني مرتاحة معايا ماشي على حساب راحتي ماشي مجبورة ديري شي حاجة مابغاهاش باش تعجبيني، لي ماكيعجبكش قوليه نحيدوه.
حطات يديها على فمها بصدمة لبس ليها الكلاكيط فين غادي بهاد الشهامة والنبل ديالو داعب رجليها بشوية وحيد الصباط حطو بعيد رجع باش ادور هضرات بزربة عويناتها لامعين بدموع: ل لااا لا
هضرات برجفة مخنوقة ماغايحس بيها غير شي واحد لي بحالها عمرو خدا الاهتمام فشي نهار عمرو حسسو شي واحد بقيمتو وبلي هو مهم فحياتو بين ليلة كتولي مصدر اهتمام وخوف على انها تألم ولا تقصح خلا احساسها ينفاجر ووبغات تبكي كتحس بضعف.
جمع حجبانو بشوية كيشوف فيها: شنو لي لا؟!
هضرات كترجف: لي كدير دابا وكيفاش كتلبسني كتهتم بيا وخوفك عليا باش مانتضرش تزوجتي بيا ونتا عارفني غير كذبت وديما كندير بزاف دالحوايج خايبين وكتسمح ليا عارفني غي حمقة، انا مامولفاش هادشي، درتي معايا بزاف وبزاف واش انا كنستاحق نتا لي ملاك..
بقات كتهضر بحالي كتلومو وهو كيشوف فيها بهدوء بحالي كتخرج الهم ديالها، الهم لي كتمناه كولشي رجع حنا لعندها كيطبطب على يديها ومنين سالات كلامها ناض عنقها حاضنها لعندو كيمسح على شعرها وباس راسها من الفوق بعمق: شش واخا تهدني، اي واحد كيفتاقد لشي حاجة كيعطيها احبيبتي
زيرات على قاميجتو بجهد وهي كتنفس بزربة كمل هضرتو: كيما حتاجيتيني حتا انا محتاج لشي حد كيحي زينة الدنيا وانا ختاريتك باش تحسي بيها معايا ونتفكر راسي، نتي مرايتي.
هزات راسها من الحضن ديالو كيشوف فعويناتها دامين بدموع وهو كيتنقل بيناتهوم: فهمتي؟ نتي كتعكسيني نتي مراية طه الصغير.
هضرات برجفة كتشوف فيه بصوت باح: باقي هاكاك نتا باقي صغير اطه.
طلع عينو شاف قدامو بتبعثر وهزها موقفها:براكة عليك من الحزن ماغاتطفيش شمعة ديالك؟
شافت فيه باستغراب: كيفاش؟
دخل مشا جاب الطارط صغيرة كان كومونداها تاخرجها ليها مع شافتها نقزات طلقات ضحكة مكركبة وكتصفق: طاااااارطة ديااااالي!!!!
حتاضنها بيد واليد ثانية حاط الطارطة على الطبلة فيها شمعة مشعولة ونطق فودنيها: يالاه الالة احتافلي دابا، عيد ميلاد سعيد.
غوتات بجهد مامتيقاش ورجعات نقزات فوسط يدو دارت تلاحت معنقاه: كنبغيك كنبغيك كنبغيك كنبغييييييييييييييك
بعدات باستو فحنكو مرة وجوج وثلاثة دارت على وجهو ورجعات بعدات محاوطة حناكو بيديها مبسم على مهبولتو شافت فيه بعينيها لامعين: فرحاااانة فرحااااانة.
دورها بجهد معنقها من اللور: يالاه تمناي شي حاجة وطفي شمعة ديالك.
غمضات عينيها تمنات فخاطرها عاضا على شفايفها عاد رجعات طفات على شمعة همس باس فعنقها: برافو
دارت فوسط يديه شافت فيه: عرفتي شنو تمنيت ؟
علا حجبانو كيتسنا جوابها: باش تكون هادي احسن ليلة فحياتنا.
طلع يدو مدوز الابهم ديالو على شفايفها: ماتقوليش بحال هاكا حياتنا كلها ليالي انشاء الله.
شافت فيه هايمة وقربات سادا عينيها حطات شفايفها على ديالو زاد دور يدو من مور ضهرها محتاضنها لعندو ورجع كيدوز يدو بحشونة على تضاريس الجسد ديالها بخشونة ومد يد حشاها بين فخاضها فوق من الكسوة ونفسو ثقيلة فصل عليها القبل كيهبط لعنقها سادا عويناتها فاتحة فمها بلا صوت انفاسهوم لاهثة وسخونة كتحس على يدو كيهزليها الكسوة من لتحت تاتلاقات بفخضها تلاحم لحمها السخون مع يديه الصلبة.
همسات بشوية وهي كتشوف فيه باحتياج: بغيتك
رد عليها بنفس الهمس وهو كيدوز يديه بشوية: تنا بغيتك وكثر عاد
زاد كمل بنفس النبرة ميل عينو فيها: هادي ليلتي لي كنتسناها.
تبسمات وهي كتشوف لاعمق نقطة فعينيه: ليلتنا.
كملات عاضا على شفايفها: بغيت عامي جديد يدخل معاك ويكمل معاك مابغيت تاحد غيرك فهاد الدنيا حيتاش محتاجة ليك كنثيق فيك كثر من راسي ومابغيتش غيرك يحكمني ونكون ديالو.
بجدية وهدوء: متأكدة؟ مابغيتكش ديري شي حاجة غير حيت قلتها
رمشات فيه بتسائل: علاش نتا مابغيتينيش!
علا حجبانو: هاد المراة هادي كتسولها كتولي تسولك، كون مابغيتكش مانديركش بسميتي.
قرب تالاصق جبهتها بجبهتو ونفسو سخون كيضرب فيها: حكمت الريف كامل مابقاش كافيني بغيت نحكمك تانتي
سميرة: أنا كلي ليك
دورها قطعو طارطة وعطاها كتاكل كملات طرف كامل تاحسات بالسخفة من كمية السكار مزال هو ماعندوش بزاف مع الحلاوة كلا ضغمة صافي شاف فيها : نتمشاو شوية؟
شبك يدو فيديها هضرات بشوية: ايجيني البرد
خلاها واقفة ودخل لجيهت الكنابي جاب واحد المانطيل خفيف خرج لعندها لواه على كتافها وجرها مدور يدو على كتافها خرجو لرملة كيتمشاو الليل والسكـــاات غير المواج دالبحر لي مسموعين والريح كيضرب فوجها نيفها ولا حمر وعويناتها كيلمعو كيف النجوم لي فوق منها، كيتمشا حداها داير يديه فجيبو وكيشوف قدامو والصمت سيد الموقف.
طلعات راسها كتشوف لسما وهي تشوف شهاب نازل، غوتات بزربة ناطقة: شووووف شووووف
بزربة شاف لفين مشيرة ورجع شاف فيها لقاها كتنقز تاضربات فيه جات تبعد السنسلة ديال الكسوة لصقات فساعتو وقفها بزربة : وقفي
وقفات مدورة راسها كتشوف لقات ساعتو واحلة مع الكسوة خسو يفكها سدات فمها بشقاوة طاحت ليها المانطيل : ديما محصلاك معايا
بقا كيفك وهو كينطق: اودي واحل خلوق.
جات تبعد ماعندهاش موشكيل تقطعها كانت هو فكها وهي تندافع بجهد تاجات طايحة على نصها: اااايييي
ضحك هو كيحني عندها يهزها: راس المحاين ابنتي.
جرها من يديها هربات ليه رجعات طايحة فشلات ليه يديه منين شافها هاكاك أول مرة يتلبك، رجع ديرها وهزها شافت فيه بحالي حسات عليه: واش ثقاليت عليك ؟ صافي شرفتي
زيرها عندو بجهد من اللور: شرفت ؟! غانوريك شكون لي شرف
بيد وحدة زمطها من تحت نصها وطلعها كيضورها ضحكات بجهد كتشد على كتافو : صااافي صاااافي مابقيتش غاندوييي
شقلبها ورجع حطها خرجات لسانها بشقاوة: حگااار
ضحك طبع قبلة على جبهتها: مزال متاقي فيك وجه الله
شاف فيه يديه باقا فوق راسها: متااقي فيااا، اييه انا رميت راسي فالبحر
طه: ماشي نتي الالة لي خليتين ندير هاكاك؟
سميرة: لا ياك عاقل كيفاش ماقدرتيش تحكم براسك مم
كان بيناتهوم واحد الحذة وحديث مطلق ماحسوش براسهوم بطريقة عفوية حتا نطق كيشوف فعينيها متلفها على الموضوع: حيت زينك حمقني
وذنيها تنفخو وبداو كطنو والحرارة طلعات معاها عطاتو بضهرها والخجل خيم عليها فنفس الوقت قلبها الصغير تفك بقشعريرة خوف منين حاصرها من اللور معنقها ويديها مدورة على كرشها وحط الذقن ديالو على كتفها حسات بنفس ديالو كضرب تما.
طه: حشمتي ؟ كتزيدي تحمقيني كثر منين كتحشمي مني.
فككات راسها منو بزربة ومشات كتجري مبعدة عليه هضرات: علااااش كيعجبك تلفنيييي وااااااع
سمعات أجمل وأثخن وأثقل ضحكة فحياتها، واحد ضحكة رجولية خارجة من جوف القلب ديالو بكل سعادة بحالي ماعمرو ضحك شي نهار ضحكة خلاتها توقف بلاصتها مضهشرة وقلبها تهز بسباب هاد الضحكة ضاعت من جديد فخشونة صوت ديالو تلفها ورونها.
طه: ولاهيلا راكي مشاغبة مع راسك، دايرة بحال داك نحلة لي كتقرص وعارفة راسها شغايوقع ليها ومع ذلك مكبرة جبهتها فالمعاندة، شغاندير فيك الباسلة ديالي ؟ مم
دارت كتعض على شفايفها تاحسات عليه موراها حط يدو على كتافها مشاها: يالاه ندخلو بحالنا
كيف العادة مابغاش ازيد يحرجها كثر، كيتجاوب معاها وكيفهم اهاجيزها الداخلية شنو كتصنع، انسان يفهمك من نظرة وهادا أكثر ماكيخلي الشخص المقابل ينجاذب ليه. كيف قربو يوصلو لدار دورها شاف فيها وهبط عينو للمرفق ديالها هزو كيشوف فالعروق الرقاق ديال يديها هضرة بنبرة خشنة هازا فطياتها بزاف: سميرة
طلعات راسها كتشوف فعينو نيشان: نعام اطه
ضحك بشوية رجع شد على يديها كانت كترجف وزاد جر تايديها ثانية كيلاطفهوم بالابهم ديالو من راحة لداخل وكيشوف فيها: بزاف دالحوايج تميزو منين دخلتي لحياتي من نهار عرفتك، بغيت حتا هاد الليلة تكون متميزة.
قرب ليها وهضر بصوت خافت رعشها فوذنيها: غاندخل بيك بشرع الله هنا قدام هاد البحر وفهاد المدينة لي كنرتاح فيها.
شهقات بشوية زير على يديها ليسرية حطها فوق كتافو وثانية دورها على الخصر ديالها: بغيتها ليلة عمرها تنسا تبقا محفورة على هاد الارض.
⬇️PLACE ⬇️