" وَطْــئَـة الـمَــشاعِـر "
Vote+ Comment فضلاً ولـيس أمراً
_____________
• قبل يومٍ
وقف الطموبيل كيجبد السيكار ويكمي معاه صاحبو كشوف ببرود فالشارع، غير حشم تاهو مايشوفش كمارتو ولكن حكر عليه حيت بغا يشوفو وحشم يجي لعندو لدار داكشي لاش خرج طلاقاو ووصلو فطريقو.
شاف فيه شحال وجاوب: ماغاتهبطش معايا حاول تخرج اصاحبي وفوج شوية
رضى: مافياش هاد الساعة خاسرليا الدماغ
تنهدكيشوف فيه وفحالتو لي ماعاجباهاش، بغا زعما غير اخليه ارجع لروتين ويهبطو لشي صواغي، نزل هو زادح الباب وطل من الشرجم: كولشي غايكون مزيان الخاوا ديالي ماديرش فبالك راك عزيز
يالاه غادور باش اشوفو حتا كيتصدم وكيهبط الكارو شوية بشوبة من يدو، كانت هي خارجة من الطاكسي وكتشوف يمينها وشمالها وغادا داخلة للبار، ماقدرش اتيق داكشي لي كيشوف، صاحبو كيدوي هو تهز وتحط فعالم خور راسو بقا كيدور عليه.
" مالك اصاحبي شوقعليك؟ "
بلا مايحس سكت طموبيل وخرج منها سبق صاحبو غادي هابط فدروج خاسو يتأكد واش غير حلم ولا تخايليه، مع وصل لتحت الدخان والشيشة مطلوقة كيالعادة ضو خافت والوان لامعة فصقف والزدحة، كيع عوايد البيران، تبعها بعينيه باش يشوفها كلسات حدا خولة كتهضر معاها ودراري لي تم عينيهوم كيخرجو فيها وكل مرة واحد يلوح ليها كلمة، القلب ديالو بغا يخرج من المنظر، غيثة شكادير هنا وشنو عالاقتها بخولة، خولة، الـ*ـحبة لي كينعس معاها وياما خوا فيها كبتو، سد على عينيه يديه كيرجفو بالعصب، وقف عليه صاحبو مافاهم والو: قوليا مالك اصاحبي.
هز يدو شير ليها من اللور: كتعرفها؟
شاف لفين كيشوف ودار عندو: هادي ثاني مرة كنشوفها قاتليا خولة بنت خالتها صراحة تيتيزة،
مع قال تيتيزة جمع يديه ساد على عينو مزير وكيطرطق فصبعو كيحاول اصبر مشا خارج عاطيه بالضهر وهو يتبعو: مالك اصاحبي راه مافهمت فيك والو دوختيني.
ماجاوبوش مشا دغيا قبل مايدير فيه شي مصيبة ويفرشو قدام امة عباد الله، صدماتو صدماتو ماتوقعش يشوفها فهاد البلاصة واهم حاجة كيفاش خولة تكون بنت خالتها ماقادرش اتقبل الصدمة، القلب ديالو كيزدح، كعط مخلي الغبابر وكيرجع ذكرياتو مع خولة كيفاش تكون من عائلتها رجعات بيه ثاني ذاكرتو لنهار سيفطاتليه فيديو كتشطح ونهار دوات مع باها هاكاك وبلي هي اصلا بنت غير شرعية، ضرب على الفلون وعاود وعاود كيغوت، تفكر هضرتها..
" صافي قررت سمعي مني خطة ذكية باش تشدي راجلك، نحط العين على شي بوكو عاقا يهنيني من هاد الحياة ونسا معاه الحياة غير حتا نصوڤي راسي ونقوليه باي باي الحباب هادشي لي يصلح أصلا لرجال كاملين كلاب صحاب حاجتهم اللهم مزيانة فيهم الاستغلال. "
واش لهاد درجة تعما، واش تقربات ليه باش تستاغلو، واش زعما كانت عينو عليها!؟
لغدليه أول حاجة دارها مشا جبد الملف ديالها فلافاك، باش تكون صدمة عمر بالنسبة ليه ويعرف بلي هي أصلا مزوجة، غيثة مزوجة مكاينش شي فكرة خرا من غير أن هاد البنت ماصالحاش وخارجة لطريق وخلاطة.
***
كولشي عاود رجع بيه وهو كيشوف ختو غادا تابعاها، مامصدقش ان بنت علات عليه يديها، بشمن حق، غمض على عينيه هز يدو تاهزها وضربها فالحيط بجهد.
أمال جرات كتغوت بسميتها باش تلحقها كتشوفها خارجة طايرة شدات طاكسي ومشات، ماعارفاش فين لدرجة كيسولها الشيفور وهي ماكاتجاوبش شادا على قلبها الدوخة الدوخة الدوخة ..
وصلات عند لاكوط وقفات طاكسي مزلات كتمايل كتشد على راسها الضباب على عينيها، طلعاتهوم لفوق كتشوف فسما ودورهوم على الناس كتحقق، الريق نشف فيها متعرف وتعرق وتعرق طلعات يديها عند عنقها كتحيف فيه كتحس بالخنقة، رجعات هبطاتهوم كضرب على قلبها، طلعات راسها كتشوف ودور وترجع دور، عينيها بصدمة.. كولشي كيدور، وذنيها كيسمعو، دارت يديها على وذنيها كتسدههوم ودور تشوف الناس ضبابة، كطلع النفس بجهد
" نتي بنت الحرام "
" الفرق بينك وبينا نتي ولدك با فالحرام وحنا فالحلال اش كاتسناي من وحدة كلها حرام حياتها وزيادتها "
" عرفتي شكون هاديك هاديم لي غلط باها ومها فالحرام وتم باها مزوج مها فوق المرا ثانية "
دارت عينيها حومر كتشوف فالبحر وترجع تشوف فالسما كتزير على وذنيها وتزير على عينيها ساداهوم كتكزز على سنانها وتحكهوم ببعضياتهوم
" مك سراقت الرجال وعمر بنتها ترفع الراس "
" سمحيلي ابنتي حيت جبتك لهاد الدنيا ماكانش خاسني نجيبك "
" شكانتسنا من بنت بحالك غلط فحياتي وقدام ربي سيري انا لاعنك "
رجعات يديها مور عنقها كتحكو بزربة وكترعد، عاودات مسحات على وجها بجهد رجعات كضرب على سدرها
" باك حيدك من الحالة المدنية "
" مانشوفكش مع بنت الحرام "
صباعها عوجو كتزير عليهوم، بدات تشهق بجهد وكطلع نفس تاشوية زيرات على شعرها من الفوق وغوتات : ااااااااااااااااااااااااااااااااااااااااااااااا
زادت كضرب برجليها للارض ونزلات كضرب بيديها على شكل قبضة فوق من فخاضها تابدا بنادم كيبعد منها كاتبان بحال شي حمقة خافو لاضربهوم.
رجعات طلعات يديها كتهضر بهستيرية وتدور تشوف فجنابها: أنا ماشي. م م ماشي يب بنت. ازل الحراام انا م ماش م الحراام .
عاودات غوتات كتنزل بدفارها على وجها: ااااااااااااااااااااااااااااااااااااااااااااا
كالسة على الدفتار عيات وجاها نعاس جامعة شعرها كعكة اللور صافي عنقها تلوا، خايفة تنعس ويجي ينوضها من لب نعاسها يديرها مافيهاش شك، حكر عليها هاد اليوماين باش تقرا، جابليها كتوبة بالعربية داكشي ساهل ولكن هي عكزانة كولشي كيدخل ليها فراسها الا القراية.
رجعات زيرات على ستيلو عاضا على شفايفها : صااافي توكضي توكضي اسميرة، اه انتوكض قلناااا اعرااااب انتيي مفعوووول به
بقات كدوي بجهد مع راسها فتح الباب ودخل على صوتها شاعلة غالفيوز لي حدا البيرو وكتقرا وتضرب بستيلو على الورقة، تبسم حيد عليه الجاكيت وعاد البودي بقا عريان منوالفوق دارت بزربة منين سمعات حسو ضحكاات ودارت كلها : جيييتييييي
طه : كملتي ؟
غاسمعاتها هجرات ضحكة وهي تدبل فمها : ماافهمت والو وعيييت صااافي عافاااك براكة
دارت ستيلو عند فمها ودبلات عينيها فيه باش تبقا فيه: عافاك احبي مم مم ممممم
رمشات فيه شاف فيها شحال معلي حجبانو وهضر مهدن بجدية: قراي
حنات راسها بحزن ورجعات دارت عند الكتوبة، تبسم بشوية ورجع بدل لبس سروال كيط لبس غير تيشرت مشا كلس فناموسية عياان تكا على الكادر شوية تافتح عينو وميل راسو لعندها كيشوفها ماقاتلة : جيبي لي مافهمتيش واجي لهنا.
دارت بزربة عندو عضات فشفايفها مبسمة وناضت واقفة جايبة الكتاب فيديها تاوصلات حداه فوق الناموسية كلسات مقربة لعندو واخا دايخة بنعاس حيت فاقت بكري وخدمات عقلها بزاف فالقرايا هه.
شاف فيها: زيدي قربي
رمشات فيه زادت شوية تاشهقات منين جرها من يديها هزها بشوية حطها على حجرو متكيها على سدرو سرطات ريقها قلبها بقا كيضرب كيف كيقسها كتحس برجفة فالانوثة ديالها، وأحاسيس الشهوة ديالها كيتحركو، طلعات معاها ريحتو زات نغماتها، دور يديه من مور ضهرها جامعها عندو من خسرها وجبد الكتاب بيدو ثانية
كمشات عندها يديها توكضات وطار نعاس قلبها كيضرب حتا هضر بشوية : شنو مافهمتيش؟
مدات غير صبعها وراتو وبدا كيشرحليها بشوية تكّا الكتاب على فخاضها كيشرحليها بشوية ومع كالسة بين فخاضو وكرشو وحاطا راسها على سدرو كتسمع صدى ديال صوت فوسط رية ديالو، مكمشة فيه فرحانة بزاف قمة الراحة وفراشات كيتحركو وقلبها كيضرب.
طول فشرح وشوية طلع يدو كدوزهوم بشوية على كتيفاتها وضهرها من اللور كيطلعهوم ويهبطهوم صافي جابليها تمام لدرجة ترخات ورخات راسها حس بيه على سدرو، سالا شرح عيط بسميتها كيحس بنفسها نتاضم طل مهبط راسو غاشوية مالايقش ليه كيفاش يشوف وجها.
زير عليها بيدو بشوية بحالي كيحركها هي والو غطسات فنعاس، ميلها بشوية تاولات فحضنو شاف وجها وشعيرات خارجين من الكعكة بشكل مهمل ميل راسو معاها مبسم كتفحص تفاصيلها، حيدليها الشعر بشوية من على جبهتها، وحنا لعندها طبع قبلة خفيفة فجبهتها تاغمض عينيه متمعن فالقبلة، تاشوية هبط بعينيه لخاتم ديال صباعها جبدليها يديها بشوية وفصل صبع دالخاتم بين صبعانو طوال كيلعب بالخاتم ويدورو على يديداتها البوض عندها صبعين رقاق وضفرين ديما مصبغاهوم كيجيوها حلوين بقا شحال كيحقق فخاتم زواجها سها فيه.
رجع حيد عليها الكتاب حطو فوق الفيوز جنبو ورجع قادها فبلاصتها حداه عاد تقاد هو طفا ضو داير يديه تحت من راسو كيشوف فسقف ويفكر حتا تقربات حطات راسها على سدرو، ماتحركش بقا فبلاصتو كيفكر فلي جلي جاي وبلا مايحس هبط يدوً كيدوزهوم على شعرها .
حلات عويناتها مكوخة كتشوف قدامها ماعرفاتش فوقاش نعسات كتحاول تفكر راسها دايخ، شدات بيديها على شعرها كتحم وكتهرنن دورات عينيها لقات بلاصتو خاوية ومخربقة بمعنى طبعا نعس حداها تبسمات حاطا يديها على فمها.
"راجلي كينعس معايا وانا كنعس حداه، كنحس براسي غانطير"
خرج من الطواليط كيمسح شعرو باينة دوش شافها واقفة هاكاك كتهضر مع راسها سد عينيه كيدورهوم بلا حول ولا قوة الا بالله عاد هضر: صباح الخير.
شافت فيه تكسابات كتغنج وتفشش ودوات بصوت طفولي: صبااااااح النور الفنون العمر (سيفطاتليه بوسة فالهوا) الحب كتصبح منور منين كتنعس حدايا.
علا حجبانو فيها وضحك بلا مايحس ماينكرش بلي عندها شي نويطات كتنزل عليه بيهوم ماكيعرفها منين كتجيبهوم.
هبط راسو مسح على اللحية ديالو ورجع شاف فيها: نوضي لبسي عليك غادي نخرجو
خرجات عينيها قلبها بدا كيضرب ناضت واقفة فوق الناموسية: داااااابااا فييييين
حط الفوطة فوق الكرسي ودار للماريو: بدلي عليك بلا ماضيعي الوقت.
نقزات فوق الناموسية والكعكة نازلة بجنب مشعككة وتريكو دالبيجامة طالع على كرشها: وقولييييي عافاااك عاافااك عاافااك
دار هاز فيدو حوايج لي غايلبس قرب لناموسية حطهوم وجبدها من نصها وقفها عندو كقاد ليها التريكو وبلعاني دوز صبعو على لحمها تاتبورشات تكمشات فوسط يدو تبورشات دوز لسانو على شفايفو وطلع عينو فيها: علاش فيك الصداع بزاف؟
شدات صبعين يديها كتلويهوم وشافت فيه رمشات عينيها بزربة: حيت نتا سااكت ديما ساكت، (هزات كتافها) ماكاتقولي والو.
ضربليها نيفها بشوية بالابهم ديالو: كتبغي تعرفي كولشي! ماعزيزش عليا الهضرة بزاف كيعجبني نوريك بدراعي.
عضات شفايفها حشمانة عاود غمزها بعينو: يالاه لبسي
تبعاتو بعينيهاهز حوايجو كيلبس تبسمات ميلة راسها ووكدور فبلاصتها بحال شي بنت سبعسنين، نقزات نزلات من الناموسية وطارت لحمام لاول مرة كتزرب دغيا قضات حاجتها وغسلات سنانها مشطات شعرها طلقاتو وخرجات كتشوفو كيلبس شوميز بيضة على دجين زرق كيقادليها صدايف عند اليدين، عضات شفايفها كيحمقها لباسو جد متناصق وانيق لبااااااس وحوايجو نقين كياخد من الماركات، عاد لبس من الفوق تريكو دصوف فالبيض طارت للماريو كتقلب تلبس بحالو، جبدات سروال دجين لي كان جابليها زرق وشوميز فالبيض عاد تريكو دصوف واسع فالابيض حطاتهوم على ناموسية.
تحرك عند الكوافوز هز ساعتو كيلبس فيها تاجات قدامو هزات سنسلة ديالها كلها ملوية جمعات حجبانها كتحاول تفكها، رش من ريحتو لعنقو ويدو دار لعنها كيشوف فيها: باقا مالبستي حوايجك ؟
علات سنسلة فوجهو كتغبن: خسني نلبسها شوف تلواتلي.
شدها من عندها: انشوف،
وقف مقاد كيدورها بين يدو هضر مركز فسنسلة: صافي لبسي أنا غانقادها ليك.
طارت من قدامو كتنقز فرحانة تغطات بالماريو حشمانة باش تحيد حوايجها كلها قدامو، هو اصلا ماشافش فيها بقا مركز فالسنسلة مشا كلس فالناموسية فاتح رجليه مكونسونطري عليها كيفكها.
لبسات دجين شوميز وفوقو تريكو، طلع عينو فيها لقاها كتجبد شعرها من لتحت كان فكليها السنسلة: اجي لعندي.
دارت قربات ليه وقف طويل عليها دورها وجمعليها شعرها بيد وحدة ردو ليها فجنب وودوز سنسلة من على وجها تاتحطات على عنقها وسدها من اللور عاد جبد شعرها كيقادو ودورها: مزيان دابا؟
تبسمات ببرائة وحركات راسها باه علات يديها: شوف كيجيت لبست بحالك.
باسها من جبهتها: فكاع حالاتك زوينة الى ساليتي يالاه نمشيو.
يالاه دار وهي ترجع شداتو من يدو دار شاف فيها دلات شفايفها: واش واخا نخرج بشعري (دورات راسها بلا) ماكيعجبنيش نلبس زيف ماعمرني والفتو عافاك غير بيدما ولفتو عافاك أنا دابا معاك.
دار عاود شدها من كتفها هضر بجدية: مابقاتش فواش انا معاك ولا لا، ولكن لي خلقك فوق منك كيشوف فيك ومعاك فينما مشيتي، شعرك زينة وزينة ماخاسش تبان.
حنات راسها بحزن : عافاك عندي شال فالكحل ماغايجينيش زوين عافاك.
تنهد:جمعيه ماتخليهش هاكا.
تبسمات دغيا كتنقز هز المونطو ديالو خارج: كنتسناك لتحت.
سميرة: ماغانفطروش؟
طه: غانفطرو برا
خرج مخليها كدور فبلاصتها حسات براسها كتحلم : يا ربي لاكنت كنحلم ماباغاش نفيق.
قلبها كيرجف وكتحس بأحاسيس جديدة كتعيشهوم ماعمرها تخايلات شي نهار اتعيش هادشي مع طه، ولكن كانت عارفة غايجي واحد نهار يتغلب حبها عليه، جمعات شعرها ديال معلياه وواخا هاكاك باقي كيضربليها النص فضهرها، جبدات شوية بلاش دارتو فحنيكاتها يحمروهوم، باست راسها من المرايا .
" من عذرتو يبغيني، زوييينة زوييينة "
جبدات شوية زغيبات جيهت وذنيها جات كتحمق ولبسة فنة دارت تقاشر وسبادري فالابيض هزات مونطو فالأسود وصاك صغير علقاتو وتبعاتو نازلة كطير كيريشة، يالاه غاتهضر معاها رحمة طارت مالحقاتهاش، لقاتو كالس فبلاصتو فجيب ميرسديس G-Classe الكحلة ديالو داير نضاضر فالكحل كيتسناها، تبسمات وتحركات طلعات قدامو حط تيليفون كيف دخلات وديمارا زايد شاد المقود بيد وحد وثانية حاطها براحة على فخضو سايك بشوية
حققات فيه وهي تدوي: تانا بغيت بحال دوك نضاضر.
بلا مايشوف فيها مال لعند البواطة لي جيهت رجليها فتحها جبد واحد البواط مدهاليها: شوفي هادو واش يجيوك ديالي.
شداتهوم من عندو فرحانة دغيا ركباتهوم فعينيها جاوها كبار شوية ولكن زوينين بانو بحال الكوبل ديال المافيات بقات كضحك عجبها راسها.
طلقات ضحكة مكركبة مهبط المرايا كتشوف فيها: كيجيت كيجيت ههههههه
خطف فيها شوفة ورجف شاف قدامو ضحك بشوية: زوينة
بقات كتهضر ماسكتاتش كتعبر بيديها وكل شوية ترجع تشوف فراسها من المرايا جات فنة وولات كتخايل راسها ممثلة تركية صافي.
وقفو عند قهوة دوليكس نزلو كيفطرو تافوسط الماكلة كتعاود وتعاود، اغلب هضرتها على شي سيريات شافتهوم ولا الوقت لي مانت كتقرا فالكوليج، هو ساكت كيسمع ليها بتمعن بلاما يقاطعها ولا يبين انه مامهتمش، بلعكس كيركز مع كل كلمة قالتها ومنين كيحتاج الجواب، كيكون جوابو قليل جملة ماكاتفهم راسها من ساسها.
تاسالاو مع ناضو شدات فيديه قابطة عليه بحالي خايفاه يهرب وكل مرة طلع عينيها فيه بابتسامة مامتيقاش.
وقفو فالمدينة القديمة ونزلو هي كتشوف البلاصة لاول مرة:عمرني جيت لهنا.
طه: هادي المدينة القديمة
زيرات على يديه وعينيها لامعين: زوينة عجباتني بزاف
دخلو فشي دروبة شاد فيديها تاوصلو عند واحد المحل قديم مع دخل حيد نضاضر كسلم براحة مبسم على واحد الراجل كبير فالعمر باين من الشيب لي متسلل ففشعر راسو واللحية، عضات شفايفها قرمات راجعة مور ضهرو بحشمة ساكتة.
طه: امضرا الحاج وجدتيليا لي قتليك؟
الحاج: الله ياودي هوما اللولين الرايس
جبدليه جوج خواتم فبواط حطهوم قدامهوم كيشرح: هادا ذهب بيض لي قلتي ديال الحرمة، وهادا نقرة حرة تليق بمقامك النسر.
نطقات بواو من موراه مخرجة عينيها فالخواتم قربهوم كيحقق فيهوم منقوش عليهوم لداخل هي الحمامة وهو النسر.
هز الخاتم ديالها منقوش بفن كيحقق فتفاصيلو تماما كيفما جاه دوقو عليه: حيدي الخاتم لي فيديك وعطيني يديك.
* الرباط
فبيتها سادا عليها الزمان متوقف عندها، مابقاتش بغات حتا تعرف شحال فساعة، قطعات التيليفون والخروج وكولشي، باقا متفكر فاخر هضرة قالها ليها ماقدراتش تجاوز، فكرة ان صلاح ولد عمها كتخليها تبغي تحماق، قلبها كيزيد اضرب عقلها تربط بيه ربعة وعشرين ساعة على ربعة وعشرين.
سمع الصونيت فالباب كانت عارفة شكون بحكم غبرات هاد الايام، ناضت بشوية خارجة بشورط وديباردور الدار عندها سخونة طالقة شوفاجات، شعرها مجموع كعكة مهملة وزغيبات خارجين، وقفات حدا الباب وحلاتو بجهد وتمات دايرة عاطية بالضهر داخلة.
كلثوم: واش بغيتي تحمقيني اش هادشي كديري
دخلات وسدات موراها الباب
كتشوفها غادا ماجاوباتهاش الدار مضلمة شعلات الضواو كتشوف جيهت الكنابي عامرة بالماكلة تشيبس بيتزا ماكلة دزنقا القراعي دموناضا وكانيطات انرجي القهوة: بغيت نفهم واش انا والدة بنت ولا عزري اش هاد الحالة اويلي
وقفات متكية ببرود كتشوف فيها مربعة يديها: ماما شنو بغيتي؟
كلثوم: مالكي نتي وباباك!؟
ريتال: ماغانجاوبش.
* طنجة
حطها طاكسي حدا دار خالتها، خلصاتو ونزلات عينيها حومر دنيا كانت عامر كيالعادة بحال أي حي شعبي، زادت غادا بخطوات كبار مزير على القبضة ديال يديها، الباب كان محلول دخلات نيشان بحال البرق دازت على خالتها كانت مجمعة مع الجارة ماشافتش فيها كتعيط ليها بسميتها هي والو بحالي ماكايناش.
ضربات الباب برجليها بجهد حتا تفتح قفزاتها من بلاصتها مدوخة بالنعاس كتشوف فيها: مالكي على دخلة جهلتي.
بلا سابق اندار جوج خطوات وهزات يديها تالسما ضرباتها تاتسمعات صدا ديال الشحطا فالبيت خلاتها تغوت لسما وتنوض: مالكي الـ*ـحبة واش جهلتي
غيثة: الجهلة هي لي غاتشوفي دابا الـ*ـحبة ديال بصح
عادوات هزات يديها ثانية عطاتها ضربة خرا تازدحاتليها راسها مع الحيط غوتات بالجعرة شداتليها شعرها: كيفاش تنعسيي معـــاااه كيــيفاش تنعسي مع ولد العائلة لي وكلاتني وشربااااتني الـ*ـحبة شوهتي بيا وشوهتي بمك وباك
خولة: طلقي مني الصلكوطة طلقي ابنت الحرّام طلقييييي
باغا طلق ليها يديها ولكن غيثة كرزات عليه جمعاتليها عاودات هزات يدقها وضرباتها تاخبطاتليها راسها مع الحيط: كتبعيي راسك بالرخيص شحال نعستي معاه الـ*ـحبة شحاااااااااال (جمعاتليها وجها بين يديها تاخرجاتليها فمها) شوفي فيا مزيان، شحااااااال نعستييي معااااه شحاااال نعستي مع ولد الورياغلي
خولة: شنوو كتبغيييه هااا كتبغييييه عمرو يشوووف فيك ابنت الهجااالة المسخة الي تاقبها الراجل وسامح فيها
عاودات صوفقاتها بجهد حاكماها بين رجليها جات سنـاء من اللور جراتها بجهد وضرباتها تارجعات باللور شعرها ترون ونضاضر طاحو من عينيها: حيدي على ختي الـ*ـحبة سخن عليك كـ*ـك ولا كرشك شبعات الخبز
ناضت خولة وجها كلو تجرد صعرات عليها جات تشدها هزات غيثة رجليها عاودات دفعاتها جات مزدوحة حلات عليهوم خالتهوم الباب هي وجارة لي معاها كتغوت وتنتف فزيف حياتي: العداااااااااو العداااااو كيدابزوليا فدااري
خولة كتبكي شعرها كلها منتوف وكتشوف فالمرايا وجها مجرود غوتات بغات تحماق غاتلقا غيتة تريشها: شوفووووووو اش دااارتليااااا
غيثة: شنوووو ياكمااا خسرتلييك وجهك مااابقيتيش قادرااا تنعسي مع الرجااال
كولشي شهق ودارت خالتها ضرباتها بجهد: هادا خيري فيك ابنت الحرااام هادا خييريي فيك خرجي علياا
حركات راسها ونزلات غاتهز نضاضرها تاعفطات عليهوم سنـاء هرساتهوم بين رجليها طلعات غاتشدها دفعاتها خالتها: خرجي علياااااااا ولا نعيط للبوليس، تاقيييت فيك وجه ختي الميـ ـتة ولكن عمر سلعة الحرام مايكون فيها
خولة: غاااادي نـقـ ـتلها غااااااادييييي نقـ ـتلها
جات تنقز عندها شداتها ختها بجهد ومها كدفع فغيثة، دموعها نازلين وسخونة عافية ماكرهاتش تزيدليها شي عصا كثر جبدات حوايجها كتخشيهوم كاملين فساك دارتو على ضهرها وجمعات كتوبتها بزربة تاجراتليها سناء واحد الكتاب قطعاتوليها وضرباتليها التيليفون شخشخاتو فالارض.
غيثة: الله اعطيك السم الحماااااااااارة
أسماء: الله الاقيني بيك فشي زنقة خاوية وجهك نخسروليك
غيثة: لاسميت مك مرا ديريها
الجارة جات كتجرها: خرجي اختي خرجيي سيرييي بحااالك
غيثة شافت فخالتها آخر نضرة اخر مابقاليها من مها هضرات: مي ولداتني فالحرام ولكن رباتني باش مانمشيش نهز رجلي لرجال كيف كدير بنتك كل نهار فالبيران.
طرطقاتهاليهوم وخرجات دايرة المحفاضة على ضهرها وساك فيديها زدحات الباب بجهد خارجة من الكاريان وكولشي ميشوف فيها، دموعها نازلين كتجبد تيليفونها كترعد والو ماباغيش يخدم، عاودات خشاتو فالجيب وخرجات على زنقة كاع كتمشا ماعارفاش غير غادا وصافي، تاخرجات على الشارع الكبير كتشوف يمين شمال، فين غاتمشي وشنو غادير دابا، دموعها كينزلو كتسرط فريقها.
فين غاتمشي وعندمن غاتمشي رجعات بلور كالسة فواحد الكرسي وحطات قدامها حوايجها بقات كتبكي سادا على عينيها.
بقات حتا بردات قلبها ورجعات ناضت زيرات عليها الكبوط وتخشات فيه دايرة القب على راسها ركبات المحفظة فضهرها وزيرات على الساك مشات كتمشا، ماعارفاش فين غير غادا.
مابغاتش تشد طاكسي هاد الساعة درهم غاتولي تخرجها بالحساب وقفات بلاصت الطوبيسات كتسنا تاوقف لي كيدي لمدينة ركبات فيه ومسلات راسة على زاجة عينيها ونيفها باقين حومر ولكن الاحساس عندها ميـ ـت كتفكر فلاشيء فين غاتمشي دابا وفين غاتجي ماعارفة والو، شنو غادير فقرايتها مزال خدمتها بعدا ضامنة الخدمة دالمعمل وغالبا غاترجع تخدم فيه كل نهار.
* الناظور
رمشات فيه قلبها كيضرب وهزات يديها حيدات الخاتم ديال الذهب ومدات ليه شدها بشوية من راحة لداخل وركبليها الخاتم كيتفنن على صبيعاتها وطول فيهوم الشوفة: هو هاداك الحاج تبارك الله عليك.
تبسمات كتشوف فيديها مامصدقاش والخاتم كيفاش جاها فالصبعين ديالها كيحمق، وخصوصا ان الحمام مرشومة لداخل يعني تاكاتحيد الخاتم باش تشوفها.
هز هو ديالو كيتمعن فيه كان نقرة حرة بسيط ومبّوبي كيجي مدور واحد الديكور راقي، محفور فيه النسر باين من لداخل، جا يلبسو وقفاتو بيديها بشوية بلا ماتنطق دار لقاها مدبلة عويناتها فيه: واخا أنا نركبو ليك؟
تم نيت دار عندها مدليها الخاتم وعطاها يدو أبدا ماحشمش قدام الحاج بلعكس مفتاخر بيها وجابها بيديها باش تشوف فين كيقاد خواتمو، عضات شفايفها فرحانة وشدات يديه الكبيرة كتحس بالخشونة ديالهوم مع رطوبة يديها الصغيورين، ركباتليه الخاتم وقلبها كيضرب علات عينيها لامعين فيه: جاك فن كيحمق.
غمضليها غير بعينو وودار ابتسامة خفيفة بين اللحية ديالو رجع دار عند الصانع.
الحاج: تبارك الله، ربي يدومها محبة اسي الورياغلي، الله يبارك ويصاوب
هبط يديها مشبكهوم بيديه وحشاه فالمونطو ديالو: امين اودي الحاج كيالعادة خدمة متقونة جمعليا الحساب انشاء ندوز ونقاد كولشي.
الحاج: خوذ راحتك أي حاجة بغيتيها نتا اللول .
بقات هي كتطل بعويناتها بين زاجة كان عندو كوليات بزاف ديال النسا ولكن خدمتو فشي شكل كتبان متقونة زوينة وبسيطة.
شاف فيها لقاها ساهية تبسم هضر بشوية: عجباتك شي حاجة؟
طلعات عينيها بزربة كتشوف فيه رمشات حشمات: لا لا صافي براكة
جرها لعندو بشوية وشاف فزاجة: جبدليا الحاج من هاد الكوليات نشوفو
الحاج: اييه مرحبا.
عضات شفايفها حنيكاتها حمارو تحطو قدامها الكوليات منهم ذهب حمر ومنهم ذهب بيض، عندو داكشي حر وثقيل عاد كاين الخفيف.
بقات يدو مشبكة مع يديها فوسط المونطو ومد يدو ثانية هز واحد السنسلة ديال الذهب كتجي كورميط ماثقيلة ماخفيفة، دورها بين يدو.
سميرة: زويٌــنة.
الحاج: هادي من ذهب حمر وهاد الموديل قديم ابنتي وثقيل ولاو الناس كيقلبو عليه بالريق ناشف ماكيلقاوهش.
طه: كتجي بوحدها؟
الحاج: لا عندها لونسونبل ديالها
جبدوليه بالحوالق والخاتم والكورميط: هاهو
طه: صافي جمعوليا
قلبها بدا كيضرب فتحات فمها بصدمة ورجعات سداتو كون لقات تنقز بالفرحة حس برعشة ديالها بين يدو شاف فيها: تزيدي شي حاجة خرا؟
حركات راسها بلا بجهد.
تقاد داكشي فبواطة حمرة زوينة ومدليه بريسي بكولشي ساوي 3 دالمليون، هز الساشي ومدوليها، حشمات بزاف وفرحات كون لقات تغوت.
خرجات مزيرة على يديه رد النضاضر لعينو ومشاو كيتمشاو فالمدينة القديمة تابدا كيهضر: حافض كل درب منهنا لعبت فيهوم فصغري.
سميرة: زوين بزاف عجبني
تبسم مجاوبها وهو كيشوف فالديور كيهضر براحة: بلحاج الله ارحمة كانو عندو صحاب هنا بزاف ومان كيدير المجامع كنت كنجي معاه.
سميرة: بلحاج هو جدك لي كان مـ ـات
طه: بلحاج الويراغلي، الله ارحمو.
بابتسامة خافتة: أمين
اشار ليها بيدو: هنا كان واحد مول الحوت قديم يمكن مابقاش دابا، كنا كناكلو عندو كجيب خوت طري ديال المرصة.
كتسمعليه لي كيقول وفرحانة حيت كيعاودليها حسات براسها قريبة ليه بزاف هضرات بلاماتحس: كنعقل منين كنت صغيرة كان بابا كيديني للمرصة كناكلو تما الحوت.
طه: المرصة دالناظور؟
حركات راسها باه تبسمات: موراها كان كيدينا لسعيدية كنا كندوزو الصيف تما بزاف (تنهدات) كانت ايام زوينة.
طه: كاين آيام فحياتنا الى دازو ماكيرحعوش، كنبقاو عايشين فداك اللحضة الزوينة لي عشناها معاهوم كنتفكروها بيهوم، كيمشيو بريحتهم بناسهوم ببلايصهوم.
سميرة: بصح تانا عشت حوايج زوينين ولكن تاحاجة مابقات، بابا تبدل معايا بزاف وخوتي وانا انا كانو عزاز عندي
بقا ساكت مركز مع هضرتها مابغاش اجبد شي حاجة دابا حيت عارف علاقتها مع عائلتها ميدايرة داكشي لاش خلا الهدوء يبقا سيد الموقف.
خرجو من تما لشاريع رجع داها لواحد الريسطو تغداو مرة مرة كيجاوب فتيليفون كاتبقا هي كتاكل وفرحانة وترجع تشوف فالخاتم، تغداو نيت بالحوت وفواكه البحر تاسالاو هبطو كيتمشاو باش اوصلو لطموبيل سبقاتو كتنقز ودارت مدات يديها فيه: شوففف تيرارارا
كتوريه الخاتم مزال مامصدقاش ضحك عليها غادي بشوية داير يديه فجيبو: بانليا ماغاتنعسيش هاد الليلة
سميرة: نوووووووون انبات كنشوف فيه.
طلعو فالطموبيل شافتو يالاه غايضيماري نطقاتها مزروبة كضحك: ماكرهتش نصوم بغيت شي نهار نصوك، علمنييي.
شاف فيها: ماتلحقيش للفران.
ضحك داير كيضيماري ودبلات فمها مغوتة: ياااااااااااك متنمر
وصل للخرجة ديال الناظور دخل فلوتوروت ووقف فجنب دار كاتر سينيال حط يديه على فخاضو: اجي .
حلات عينيها كتشوف فيه: كيفاش !!
طه: بغيتي تصوكي؟ واجي! دغيا
طلقات ضحكة بحماس وبزربة تحولات هزها من نصها تامركزها على حجرو: شدي الڤولون مقاد ماتدوريهش.
ركزات مزيان مع لي كيقول فتح رجليه مزيان وجابها فوسطهوم باش توصل لكسيراتور : يالاه كسيري
كسيرات بشوية زادت طوموبيل رخا ليها يديها بقات كضحك: كنصووووووووك وااااع
طه: زييد
بركات على الكسيراتور تزادت بيها طموبيل وهي ضحك عاودها: زيييد
قلبها كيضرب عضات شفايفها: اويلي بزاف كنخاف ههه
زير على نصهر وغوت بجهد مد يديه شدليها يديها: زييييد ماتخاف من والو
زادت بركات نيرات السرعة كتحس بطموبيل غادا بجهد طلقات ضحكة مكركبة: طاهاااااااا ههههههههههه غاانطيييييييير
ضحك مزيرليها على نصها شوية شاف طموبيل قدامهوم همس فودنيها: لصقي مع سدري.
رجعات اللور لاصقة معاه محيدة يديها دار سينيال وميل الڤولون ضوبلو ورجعها مخلي الطوموبيل غادا فليسر مضوبلة.
زيرليها على يديها شادين المقود وباس وذنيها هضر بشوية: زيدي اسميرة ماتخافي من والو أنا معاك
عضات شفايفها مصغرة عينيها نيرات غادا ب 160 حط يدو بشوية اسفل كرشها جيهت الرحم بعث فيها واحد الامان خلاها تراخا ونطق بصوت هادئ: باش كتحسي؟
سميرة: قلبي، قلبي غايطير من بلاصتو
طه: حيدي خليني نتولى عليك.
رجعات اللور تكمشات فيه بزربة خفف السرعة ورد طوموبيل اطوماتيك هضر بلا مايشوف فيها: هزي عينيك فيا
طلعاتهوم فيه كيف غاتهضر زرب عليها نزل باسها جرليها الشفايف تاترعدات على حجرو وبرك بيدو على جنبها اليد الثانية شاد بيها الڤولون مامخليش ابدا الطموبيل تهربليه من يدو.
قلبها زاد زدح وتخلط عليها كولشي اللحم برد عليها وتحول من البرودة لسخونية لي بدات طلع معاها من رجليها رعشة شداتها وتحركو الفراشات فمعداتها طلعات صبعانها بشوية حطاتهوم على اللحية ديالو.
كملتي من القرايا VOTE + COMMENT باش نكمل